| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
३. ततियपण्णासकं
3. Tatiyapaṇṇāsakaṃ
(११) १. फासुविहारवग्गो
(11) 1. Phāsuvihāravaggo
१-४. सारज्जसुत्तादिवण्णना
1-4. Sārajjasuttādivaṇṇanā
१०१-४. ततियस्स पठमे नत्थि वत्तब्बं। दुतिये पिण्डपातादिअत्थाय उपसङ्कमितुं युत्तट्ठानं गोचरो, वेसिया गोचरो अस्साति वेसियागोचरो, मित्तसन्थववसेन उपसङ्कमितब्बट्ठानन्ति अत्थो। वेसिया नाम रूपूपजीविनियो, ता मित्तसन्थववसेन न उपसङ्कमितब्बा समणभावस्स अन्तरायकरत्ता, परिसुद्धासयस्सपि गरहाहेतुतो, तस्मा दक्खिणादानवसेन सतिं उपट्ठपेत्वा उपसङ्कमितब्बं। विधवा वुच्चन्ति मतपतिका, पवुत्थपतिका वा। थुल्लकुमारियोति महल्लिका अनिविद्धा कुमारियो। पण्डकाति नपुंसका। ते हि उस्सन्नकिलेसा अवूपसन्तपरिळाहा लोकामिसनिस्सितकथाबहुला, तस्मा न उपसङ्कमितब्बा। भिक्खुनियो नाम उस्सन्नब्रह्मचरिया। तथा भिक्खूपि। अञ्ञमञ्ञं विसभागवत्थुभावतो सन्थववसेन उपसङ्कमने कतिपाहेनेव ब्रह्मचरियन्तरायो सिया, तस्मा न उपसङ्कमितब्बा, गिलानपुच्छनादिवसेन उपसङ्कमने सतोकारिना भवितब्बं। ततियचतुत्थानि उत्तानत्थानेव।
101-4. Tatiyassa paṭhame natthi vattabbaṃ. Dutiye piṇḍapātādiatthāya upasaṅkamituṃ yuttaṭṭhānaṃ gocaro, vesiyā gocaro assāti vesiyāgocaro, mittasanthavavasena upasaṅkamitabbaṭṭhānanti attho. Vesiyā nāma rūpūpajīviniyo, tā mittasanthavavasena na upasaṅkamitabbā samaṇabhāvassa antarāyakarattā, parisuddhāsayassapi garahāhetuto, tasmā dakkhiṇādānavasena satiṃ upaṭṭhapetvā upasaṅkamitabbaṃ. Vidhavā vuccanti matapatikā, pavutthapatikā vā. Thullakumāriyoti mahallikā anividdhā kumāriyo. Paṇḍakāti napuṃsakā. Te hi ussannakilesā avūpasantapariḷāhā lokāmisanissitakathābahulā, tasmā na upasaṅkamitabbā. Bhikkhuniyo nāma ussannabrahmacariyā. Tathā bhikkhūpi. Aññamaññaṃ visabhāgavatthubhāvato santhavavasena upasaṅkamane katipāheneva brahmacariyantarāyo siyā, tasmā na upasaṅkamitabbā, gilānapucchanādivasena upasaṅkamane satokārinā bhavitabbaṃ. Tatiyacatutthāni uttānatthāneva.
सारज्जसुत्तादिवण्णना निट्ठिता।
Sārajjasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. सारज्जसुत्तं • 1. Sārajjasuttaṃ
२. उस्सङ्कितसुत्तं • 2. Ussaṅkitasuttaṃ
३. महाचोरसुत्तं • 3. Mahācorasuttaṃ
४. समणसुखुमालसुत्तं • 4. Samaṇasukhumālasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
१. सारज्जसुत्तवण्णना • 1. Sārajjasuttavaṇṇanā
२. उस्सङ्कितसुत्तवण्णना • 2. Ussaṅkitasuttavaṇṇanā
३. महाचोरसुत्तवण्णना • 3. Mahācorasuttavaṇṇanā
