| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๓. ตติยปณฺณาสกํ
3. Tatiyapaṇṇāsakaṃ
(๑๑) ๑. ผาสุวิหารวโคฺค
(11) 1. Phāsuvihāravaggo
๑-๔. สารชฺชสุตฺตาทิวณฺณนา
1-4. Sārajjasuttādivaṇṇanā
๑๐๑-๔. ตติยสฺส ปฐเม นตฺถิ วตฺตพฺพํฯ ทุติเย ปิณฺฑปาตาทิอตฺถาย อุปสงฺกมิตุํ ยุตฺตฎฺฐานํ โคจโร, เวสิยา โคจโร อสฺสาติ เวสิยาโคจโร, มิตฺตสนฺถววเสน อุปสงฺกมิตพฺพฎฺฐานนฺติ อโตฺถฯ เวสิยา นาม รูปูปชีวินิโย, ตา มิตฺตสนฺถววเสน น อุปสงฺกมิตพฺพา สมณภาวสฺส อนฺตรายกรตฺตา, ปริสุทฺธาสยสฺสปิ ครหาเหตุโต, ตสฺมา ทกฺขิณาทานวเสน สติํ อุปฎฺฐเปตฺวา อุปสงฺกมิตพฺพํฯ วิธวา วุจฺจนฺติ มตปติกา, ปวุตฺถปติกา วาฯ ถุลฺลกุมาริโยติ มหลฺลิกา อนิวิทฺธา กุมาริโยฯ ปณฺฑกาติ นปุํสกาฯ เต หิ อุสฺสนฺนกิเลสา อวูปสนฺตปริฬาหา โลกามิสนิสฺสิตกถาพหุลา, ตสฺมา น อุปสงฺกมิตพฺพาฯ ภิกฺขุนิโย นาม อุสฺสนฺนพฺรหฺมจริยาฯ ตถา ภิกฺขูปิฯ อญฺญมญฺญํ วิสภาควตฺถุภาวโต สนฺถววเสน อุปสงฺกมเน กติปาเหเนว พฺรหฺมจริยนฺตราโย สิยา, ตสฺมา น อุปสงฺกมิตพฺพา, คิลานปุจฺฉนาทิวเสน อุปสงฺกมเน สโตการินา ภวิตพฺพํฯ ตติยจตุตฺถานิ อุตฺตานตฺถาเนวฯ
101-4. Tatiyassa paṭhame natthi vattabbaṃ. Dutiye piṇḍapātādiatthāya upasaṅkamituṃ yuttaṭṭhānaṃ gocaro, vesiyā gocaro assāti vesiyāgocaro, mittasanthavavasena upasaṅkamitabbaṭṭhānanti attho. Vesiyā nāma rūpūpajīviniyo, tā mittasanthavavasena na upasaṅkamitabbā samaṇabhāvassa antarāyakarattā, parisuddhāsayassapi garahāhetuto, tasmā dakkhiṇādānavasena satiṃ upaṭṭhapetvā upasaṅkamitabbaṃ. Vidhavā vuccanti matapatikā, pavutthapatikā vā. Thullakumāriyoti mahallikā anividdhā kumāriyo. Paṇḍakāti napuṃsakā. Te hi ussannakilesā avūpasantapariḷāhā lokāmisanissitakathābahulā, tasmā na upasaṅkamitabbā. Bhikkhuniyo nāma ussannabrahmacariyā. Tathā bhikkhūpi. Aññamaññaṃ visabhāgavatthubhāvato santhavavasena upasaṅkamane katipāheneva brahmacariyantarāyo siyā, tasmā na upasaṅkamitabbā, gilānapucchanādivasena upasaṅkamane satokārinā bhavitabbaṃ. Tatiyacatutthāni uttānatthāneva.
สารชฺชสุตฺตาทิวณฺณนา นิฎฺฐิตาฯ
Sārajjasuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๑. สารชฺชสุตฺตํ • 1. Sārajjasuttaṃ
๒. อุสฺสงฺกิตสุตฺตํ • 2. Ussaṅkitasuttaṃ
๓. มหาโจรสุตฺตํ • 3. Mahācorasuttaṃ
๔. สมณสุขุมาลสุตฺตํ • 4. Samaṇasukhumālasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๑. สารชฺชสุตฺตวณฺณนา • 1. Sārajjasuttavaṇṇanā
๒. อุสฺสงฺกิตสุตฺตวณฺณนา • 2. Ussaṅkitasuttavaṇṇanā
๓. มหาโจรสุตฺตวณฺณนา • 3. Mahācorasuttavaṇṇanā
