| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
(๑๘) ๓. อุปาสกวโคฺค
(18) 3. Upāsakavaggo
๑-๖. สารชฺชสุตฺตาทิวณฺณนา
1-6. Sārajjasuttādivaṇṇanā
๑๗๑-๑๗๖. ตติยสฺส ปฐมทุติยตติยจตุเตฺถ นตฺถิ วตฺตพฺพํฯ ปญฺจเม อุปาสกปจฺฉิมโกติ อุปาสกนิหีโนฯ ‘‘อิมินา ทิฎฺฐาทินา อิทํ นาม มงฺคลํ ภวิสฺสตี’’ติ เอวํ พาลชนปริกปฺปิตโกตูหลสงฺขาเตน ทิฎฺฐสุตมุตมงฺคเลน สมนฺนาคโต โกตูหลมงฺคลิโกฯ เตนาห ‘‘อิมินา อิทํ ภวิสฺสตี’’ติอาทิฯ มงฺคลํ ปเจฺจตีติ ทิฎฺฐมงฺคลาทิเภทํ มงฺคลเมว ปตฺถิยายติฯ โน กมฺมนฺติ กมฺมสฺสกตํ โน ปตฺถิยายติฯ อิมมฺหา สาสนาติ อิโต สพฺพญฺญุพุทฺธสาสนโตฯ พหิทฺธาติ พาหิรกสมเยฯ ทกฺขิเณยฺยํ ปริเยสตีติ ‘‘ทุปฺปฎิปนฺนา ทกฺขิเณยฺยา’’ติ สญฺญี คเวสติฯ เอตฺถ ทกฺขิณปริเยสนปุพฺพกาเร เอกํ กตฺวา ปญฺจ ธมฺมา เวทิตพฺพาฯ ฉฎฺฐํ อุตฺตานเมวฯ
171-176. Tatiyassa paṭhamadutiyatatiyacatutthe natthi vattabbaṃ. Pañcame upāsakapacchimakoti upāsakanihīno. ‘‘Iminā diṭṭhādinā idaṃ nāma maṅgalaṃ bhavissatī’’ti evaṃ bālajanaparikappitakotūhalasaṅkhātena diṭṭhasutamutamaṅgalena samannāgato kotūhalamaṅgaliko. Tenāha ‘‘iminā idaṃ bhavissatī’’tiādi. Maṅgalaṃ paccetīti diṭṭhamaṅgalādibhedaṃ maṅgalameva patthiyāyati. No kammanti kammassakataṃ no patthiyāyati. Imamhā sāsanāti ito sabbaññubuddhasāsanato. Bahiddhāti bāhirakasamaye. Dakkhiṇeyyaṃ pariyesatīti ‘‘duppaṭipannā dakkhiṇeyyā’’ti saññī gavesati. Ettha dakkhiṇapariyesanapubbakāre ekaṃ katvā pañca dhammā veditabbā. Chaṭṭhaṃ uttānameva.
สารชฺชสุตฺตาทิวณฺณนา นิฎฺฐิตาฯ
Sārajjasuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๑. สารชฺชสุตฺตํ • 1. Sārajjasuttaṃ
๒. วิสารทสุตฺตํ • 2. Visāradasuttaṃ
๓. นิรยสุตฺตํ • 3. Nirayasuttaṃ
๔. เวรสุตฺตํ • 4. Verasuttaṃ
๕. จณฺฑาลสุตฺตํ • 5. Caṇḍālasuttaṃ
๖. ปีติสุตฺตํ • 6. Pītisuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๑-๓. สารชฺชสุตฺตาทิวณฺณนา • 1-3. Sārajjasuttādivaṇṇanā
๔. เวรสุตฺตวณฺณนา • 4. Verasuttavaṇṇanā
๕. จณฺฑาลสุตฺตวณฺณนา • 5. Caṇḍālasuttavaṇṇanā
๖. ปีติสุตฺตวณฺณนา • 6. Pītisuttavaṇṇanā
