| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၃. တတိယပဏ္ဏာသကံ
3. Tatiyapaṇṇāsakaṃ
(၁၁) ၁. ဖာသုဝိဟာရဝဂ္ဂော
(11) 1. Phāsuvihāravaggo
၁-၄. သာရဇ္ဇသုတ္တာဒိဝဏ္ဏနာ
1-4. Sārajjasuttādivaṇṇanā
၁၀၁-၄. တတိယသ္သ ပဌမေ နတ္ထိ ဝတ္တဗ္ဗံ။ ဒုတိယေ ပိဏ္ဍပာတာဒိအတ္ထာယ ဥပသင္ကမိတုံ ယုတ္တဋ္ဌာနံ ဂောစရော, ဝေသိယာ ဂောစရော အသ္သာတိ ဝေသိယာဂောစရော, မိတ္တသန္ထဝဝသေန ဥပသင္ကမိတဗ္ဗဋ္ဌာနန္တိ အတ္ထော။ ဝေသိယာ နာမ ရူပူပဇီဝိနိယော, တာ မိတ္တသန္ထဝဝသေန န ဥပသင္ကမိတဗ္ဗာ သမဏဘာဝသ္သ အန္တရာယကရတ္တာ, ပရိသုဒ္ဓာသယသ္သပိ ဂရဟာဟေတုတော, တသ္မာ ဒက္ခိဏာဒာနဝသေန သတိံ ဥပဋ္ဌပေတ္ဝာ ဥပသင္ကမိတဗ္ဗံ။ ဝိဓဝာ ဝုစ္စန္တိ မတပတိကာ, ပဝုတ္ထပတိကာ ဝာ။ ထုလ္လကုမာရိယောတိ မဟလ္လိကာ အနိဝိဒ္ဓာ ကုမာရိယော။ ပဏ္ဍကာတိ နပုံသကာ။ တေ ဟိ ဥသ္သန္နကိလေသာ အဝူပသန္တပရိဠာဟာ လောကာမိသနိသ္သိတကထာဗဟုလာ, တသ္မာ န ဥပသင္ကမိတဗ္ဗာ။ ဘိက္ခုနိယော နာမ ဥသ္သန္နဗ္ရဟ္မစရိယာ။ တထာ ဘိက္ခူပိ။ အညမညံ ဝိသဘာဂဝတ္ထုဘာဝတော သန္ထဝဝသေန ဥပသင္ကမနေ ကတိပာဟေနေဝ ဗ္ရဟ္မစရိယန္တရာယော သိယာ, တသ္မာ န ဥပသင္ကမိတဗ္ဗာ, ဂိလာနပုစ္ဆနာဒိဝသေန ဥပသင္ကမနေ သတောကာရိနာ ဘဝိတဗ္ဗံ။ တတိယစတုတ္ထာနိ ဥတ္တာနတ္ထာနေဝ။
101-4. Tatiyassa paṭhame natthi vattabbaṃ. Dutiye piṇḍapātādiatthāya upasaṅkamituṃ yuttaṭṭhānaṃ gocaro, vesiyā gocaro assāti vesiyāgocaro, mittasanthavavasena upasaṅkamitabbaṭṭhānanti attho. Vesiyā nāma rūpūpajīviniyo, tā mittasanthavavasena na upasaṅkamitabbā samaṇabhāvassa antarāyakarattā, parisuddhāsayassapi garahāhetuto, tasmā dakkhiṇādānavasena satiṃ upaṭṭhapetvā upasaṅkamitabbaṃ. Vidhavā vuccanti matapatikā, pavutthapatikā vā. Thullakumāriyoti mahallikā anividdhā kumāriyo. Paṇḍakāti napuṃsakā. Te hi ussannakilesā avūpasantapariḷāhā lokāmisanissitakathābahulā, tasmā na upasaṅkamitabbā. Bhikkhuniyo nāma ussannabrahmacariyā. Tathā bhikkhūpi. Aññamaññaṃ visabhāgavatthubhāvato santhavavasena upasaṅkamane katipāheneva brahmacariyantarāyo siyā, tasmā na upasaṅkamitabbā, gilānapucchanādivasena upasaṅkamane satokārinā bhavitabbaṃ. Tatiyacatutthāni uttānatthāneva.
သာရဇ္ဇသုတ္တာဒိဝဏ္ဏနာ နိဋ္ဌိတာ။
Sārajjasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၁. သာရဇ္ဇသုတ္တံ • 1. Sārajjasuttaṃ
၂. ဥသ္သင္ကိတသုတ္တံ • 2. Ussaṅkitasuttaṃ
၃. မဟာစောရသုတ္တံ • 3. Mahācorasuttaṃ
၄. သမဏသုခုမာလသုတ္တံ • 4. Samaṇasukhumālasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၁. သာရဇ္ဇသုတ္တဝဏ္ဏနာ • 1. Sārajjasuttavaṇṇanā
၂. ဥသ္သင္ကိတသုတ္တဝဏ္ဏနာ • 2. Ussaṅkitasuttavaṇṇanā
၃. မဟာစောရသုတ္တဝဏ္ဏနာ • 3. Mahācorasuttavaṇṇanā
