| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
3. තතියපණ්‌ණාසකං
3. Tatiyapaṇṇāsakaṃ
(11) 1. ඵාසුවිහාරවග්‌ගො
(11) 1. Phāsuvihāravaggo
1-4. සාරජ්‌ජසුත්‌තාදිවණ්‌ණනා
1-4. Sārajjasuttādivaṇṇanā
101-4. තතියස්‌ස පඨමෙ නත්‌ථි වත්‌තබ්‌බං. දුතියෙ පිණ්‌ඩපාතාදිඅත්‌ථාය උපසඞ්‌කමිතුං යුත්‌තට්‌ඨානං ගොචරො, වෙසියා ගොචරො අස්‌සාති වෙසියාගොචරො, මිත්‌තසන්‌ථවවසෙන උපසඞ්‌කමිතබ්‌බට්‌ඨානන්‌ති අත්‌ථො. වෙසියා නාම රූපූපජීවිනියො, තා මිත්‌තසන්‌ථවවසෙන න උපසඞ්‌කමිතබ්‌බා සමණභාවස්‌ස අන්‌තරායකරත්‌තා, පරිසුද්‌ධාසයස්‌සපි ගරහාහෙතුතො, තස්‌මා දක්‌ඛිණාදානවසෙන සතිං උපට්‌ඨපෙත්‌වා උපසඞ්‌කමිතබ්‌බං. විධවා වුච්‌චන්‌ති මතපතිකා, පවුත්‌ථපතිකා වා. ථුල්‌ලකුමාරියොති මහල්‌ලිකා අනිවිද්‌ධා කුමාරියො. පණ්‌ඩකාති නපුංසකා. තෙ හි උස්‌සන්‌නකිලෙසා අවූපසන්‌තපරිළාහා ලොකාමිසනිස්‌සිතකථාබහුලා, තස්‌මා න උපසඞ්‌කමිතබ්‌බා. භික්‌ඛුනියො නාම උස්‌සන්‌නබ්‍රහ්‌මචරියා. තථා භික්‌ඛූපි. අඤ්‌ඤමඤ්‌ඤං විසභාගවත්‌ථුභාවතො සන්‌ථවවසෙන උපසඞ්‌කමනෙ කතිපාහෙනෙව බ්‍රහ්‌මචරියන්‌තරායො සියා, තස්‌මා න උපසඞ්‌කමිතබ්‌බා, ගිලානපුච්‌ඡනාදිවසෙන උපසඞ්‌කමනෙ සතොකාරිනා භවිතබ්‌බං. තතියචතුත්‌ථානි උත්‌තානත්‌ථානෙව.
101-4. Tatiyassa paṭhame natthi vattabbaṃ. Dutiye piṇḍapātādiatthāya upasaṅkamituṃ yuttaṭṭhānaṃ gocaro, vesiyā gocaro assāti vesiyāgocaro, mittasanthavavasena upasaṅkamitabbaṭṭhānanti attho. Vesiyā nāma rūpūpajīviniyo, tā mittasanthavavasena na upasaṅkamitabbā samaṇabhāvassa antarāyakarattā, parisuddhāsayassapi garahāhetuto, tasmā dakkhiṇādānavasena satiṃ upaṭṭhapetvā upasaṅkamitabbaṃ. Vidhavā vuccanti matapatikā, pavutthapatikā vā. Thullakumāriyoti mahallikā anividdhā kumāriyo. Paṇḍakāti napuṃsakā. Te hi ussannakilesā avūpasantapariḷāhā lokāmisanissitakathābahulā, tasmā na upasaṅkamitabbā. Bhikkhuniyo nāma ussannabrahmacariyā. Tathā bhikkhūpi. Aññamaññaṃ visabhāgavatthubhāvato santhavavasena upasaṅkamane katipāheneva brahmacariyantarāyo siyā, tasmā na upasaṅkamitabbā, gilānapucchanādivasena upasaṅkamane satokārinā bhavitabbaṃ. Tatiyacatutthāni uttānatthāneva.
සාරජ්‌ජසුත්‌තාදිවණ්‌ණනා නිට්‌ඨිතා.
Sārajjasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
1. සාරජ්‌ජසුත්‌තං • 1. Sārajjasuttaṃ
2. උස්‌සඞ්‌කිතසුත්‌තං • 2. Ussaṅkitasuttaṃ
3. මහාචොරසුත්‌තං • 3. Mahācorasuttaṃ
4. සමණසුඛුමාලසුත්‌තං • 4. Samaṇasukhumālasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
1. සාරජ්‌ජසුත්‌තවණ්‌ණනා • 1. Sārajjasuttavaṇṇanā
2. උස්‌සඞ්‌කිතසුත්‌තවණ්‌ණනා • 2. Ussaṅkitasuttavaṇṇanā
3. මහාචොරසුත්‌තවණ්‌ණනා • 3. Mahācorasuttavaṇṇanā
