| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༣. ཏཏིཡཔཎྞཱསཀཾ
3. Tatiyapaṇṇāsakaṃ
(༡༡) ༡. ཕཱསུཝིཧཱརཝགྒོ
(11) 1. Phāsuvihāravaggo
༡-༤. སཱརཛྫསུཏྟཱདིཝཎྞནཱ
1-4. Sārajjasuttādivaṇṇanā
༡༠༡-༤. ཏཏིཡསྶ པཋམེ ནཏྠི ཝཏྟབྦཾ། དུཏིཡེ པིཎྜཔཱཏཱདིཨཏྠཱཡ ཨུཔསངྐམིཏུཾ ཡུཏྟཊྛཱནཾ གོཙརོ, ཝེསིཡཱ གོཙརོ ཨསྶཱཏི ཝེསིཡཱགོཙརོ, མིཏྟསནྠཝཝསེན ཨུཔསངྐམིཏབྦཊྛཱནནྟི ཨཏྠོ། ཝེསིཡཱ ནཱམ རཱུཔཱུཔཛཱིཝིནིཡོ, ཏཱ མིཏྟསནྠཝཝསེན ན ཨུཔསངྐམིཏབྦཱ སམཎབྷཱཝསྶ ཨནྟརཱཡཀརཏྟཱ, པརིསུདྡྷཱསཡསྶཔི གརཧཱཧེཏུཏོ, ཏསྨཱ དཀྑིཎཱདཱནཝསེན སཏིཾ ཨུཔཊྛཔེཏྭཱ ཨུཔསངྐམིཏབྦཾ། ཝིདྷཝཱ ཝུཙྩནྟི མཏཔཏིཀཱ, པཝུཏྠཔཏིཀཱ ཝཱ། ཐུལླཀུམཱརིཡོཏི མཧལླིཀཱ ཨནིཝིདྡྷཱ ཀུམཱརིཡོ། པཎྜཀཱཏི ནཔུཾསཀཱ། ཏེ ཧི ཨུསྶནྣཀིལེསཱ ཨཝཱུཔསནྟཔརིལཱ༹ཧཱ ལོཀཱམིསནིསྶིཏཀཐཱབཧུལཱ, ཏསྨཱ ན ཨུཔསངྐམིཏབྦཱ། བྷིཀྑུནིཡོ ནཱམ ཨུསྶནྣབྲཧྨཙརིཡཱ། ཏཐཱ བྷིཀྑཱུཔི། ཨཉྙམཉྙཾ ཝིསབྷཱགཝཏྠུབྷཱཝཏོ སནྠཝཝསེན ཨུཔསངྐམནེ ཀཏིཔཱཧེནེཝ བྲཧྨཙརིཡནྟརཱཡོ སིཡཱ, ཏསྨཱ ན ཨུཔསངྐམིཏབྦཱ, གིལཱནཔུཙྪནཱདིཝསེན ཨུཔསངྐམནེ སཏོཀཱརིནཱ བྷཝིཏབྦཾ། ཏཏིཡཙཏུཏྠཱནི ཨུཏྟཱནཏྠཱནེཝ།
101-4. Tatiyassa paṭhame natthi vattabbaṃ. Dutiye piṇḍapātādiatthāya upasaṅkamituṃ yuttaṭṭhānaṃ gocaro, vesiyā gocaro assāti vesiyāgocaro, mittasanthavavasena upasaṅkamitabbaṭṭhānanti attho. Vesiyā nāma rūpūpajīviniyo, tā mittasanthavavasena na upasaṅkamitabbā samaṇabhāvassa antarāyakarattā, parisuddhāsayassapi garahāhetuto, tasmā dakkhiṇādānavasena satiṃ upaṭṭhapetvā upasaṅkamitabbaṃ. Vidhavā vuccanti matapatikā, pavutthapatikā vā. Thullakumāriyoti mahallikā anividdhā kumāriyo. Paṇḍakāti napuṃsakā. Te hi ussannakilesā avūpasantapariḷāhā lokāmisanissitakathābahulā, tasmā na upasaṅkamitabbā. Bhikkhuniyo nāma ussannabrahmacariyā. Tathā bhikkhūpi. Aññamaññaṃ visabhāgavatthubhāvato santhavavasena upasaṅkamane katipāheneva brahmacariyantarāyo siyā, tasmā na upasaṅkamitabbā, gilānapucchanādivasena upasaṅkamane satokārinā bhavitabbaṃ. Tatiyacatutthāni uttānatthāneva.
སཱརཛྫསུཏྟཱདིཝཎྞནཱ ནིཊྛིཏཱ།
Sārajjasuttādivaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༡. སཱརཛྫསུཏྟཾ • 1. Sārajjasuttaṃ
༢. ཨུསྶངྐིཏསུཏྟཾ • 2. Ussaṅkitasuttaṃ
༣. མཧཱཙོརསུཏྟཾ • 3. Mahācorasuttaṃ
༤. སམཎསུཁུམཱལསུཏྟཾ • 4. Samaṇasukhumālasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā)
༡. སཱརཛྫསུཏྟཝཎྞནཱ • 1. Sārajjasuttavaṇṇanā
༢. ཨུསྶངྐིཏསུཏྟཝཎྞནཱ • 2. Ussaṅkitasuttavaṇṇanā
༣. མཧཱཙོརསུཏྟཝཎྞནཱ • 3. Mahācorasuttavaṇṇanā
