| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੩. ਤਤਿਯਪਣ੍ਣਾਸਕਂ
3. Tatiyapaṇṇāsakaṃ
(੧੧) ੧. ਫਾਸੁવਿਹਾਰવਗ੍ਗੋ
(11) 1. Phāsuvihāravaggo
੧-੪. ਸਾਰਜ੍ਜਸੁਤ੍ਤਾਦਿવਣ੍ਣਨਾ
1-4. Sārajjasuttādivaṇṇanā
੧੦੧-੪. ਤਤਿਯਸ੍ਸ ਪਠਮੇ ਨਤ੍ਥਿ વਤ੍ਤਬ੍ਬਂ। ਦੁਤਿਯੇ ਪਿਣ੍ਡਪਾਤਾਦਿਅਤ੍ਥਾਯ ਉਪਸਙ੍ਕਮਿਤੁਂ ਯੁਤ੍ਤਟ੍ਠਾਨਂ ਗੋਚਰੋ, વੇਸਿਯਾ ਗੋਚਰੋ ਅਸ੍ਸਾਤਿ વੇਸਿਯਾਗੋਚਰੋ, ਮਿਤ੍ਤਸਨ੍ਥવવਸੇਨ ਉਪਸਙ੍ਕਮਿਤਬ੍ਬਟ੍ਠਾਨਨ੍ਤਿ ਅਤ੍ਥੋ। વੇਸਿਯਾ ਨਾਮ ਰੂਪੂਪਜੀવਿਨਿਯੋ, ਤਾ ਮਿਤ੍ਤਸਨ੍ਥવવਸੇਨ ਨ ਉਪਸਙ੍ਕਮਿਤਬ੍ਬਾ ਸਮਣਭਾવਸ੍ਸ ਅਨ੍ਤਰਾਯਕਰਤ੍ਤਾ, ਪਰਿਸੁਦ੍ਧਾਸਯਸ੍ਸਪਿ ਗਰਹਾਹੇਤੁਤੋ, ਤਸ੍ਮਾ ਦਕ੍ਖਿਣਾਦਾਨવਸੇਨ ਸਤਿਂ ਉਪਟ੍ਠਪੇਤ੍વਾ ਉਪਸਙ੍ਕਮਿਤਬ੍ਬਂ। વਿਧવਾ વੁਚ੍ਚਨ੍ਤਿ ਮਤਪਤਿਕਾ, ਪવੁਤ੍ਥਪਤਿਕਾ વਾ। ਥੁਲ੍ਲਕੁਮਾਰਿਯੋਤਿ ਮਹਲ੍ਲਿਕਾ ਅਨਿવਿਦ੍ਧਾ ਕੁਮਾਰਿਯੋ। ਪਣ੍ਡਕਾਤਿ ਨਪੁਂਸਕਾ। ਤੇ ਹਿ ਉਸ੍ਸਨ੍ਨਕਿਲੇਸਾ ਅવੂਪਸਨ੍ਤਪਰਿਲ਼ਾਹਾ ਲੋਕਾਮਿਸਨਿਸ੍ਸਿਤਕਥਾਬਹੁਲਾ, ਤਸ੍ਮਾ ਨ ਉਪਸਙ੍ਕਮਿਤਬ੍ਬਾ। ਭਿਕ੍ਖੁਨਿਯੋ ਨਾਮ ਉਸ੍ਸਨ੍ਨਬ੍ਰਹ੍ਮਚਰਿਯਾ। ਤਥਾ ਭਿਕ੍ਖੂਪਿ। ਅਞ੍ਞਮਞ੍ਞਂ વਿਸਭਾਗવਤ੍ਥੁਭਾવਤੋ ਸਨ੍ਥવવਸੇਨ ਉਪਸਙ੍ਕਮਨੇ ਕਤਿਪਾਹੇਨੇવ ਬ੍ਰਹ੍ਮਚਰਿਯਨ੍ਤਰਾਯੋ ਸਿਯਾ, ਤਸ੍ਮਾ ਨ ਉਪਸਙ੍ਕਮਿਤਬ੍ਬਾ, ਗਿਲਾਨਪੁਚ੍ਛਨਾਦਿવਸੇਨ ਉਪਸਙ੍ਕਮਨੇ ਸਤੋਕਾਰਿਨਾ ਭવਿਤਬ੍ਬਂ। ਤਤਿਯਚਤੁਤ੍ਥਾਨਿ ਉਤ੍ਤਾਨਤ੍ਥਾਨੇવ।
101-4. Tatiyassa paṭhame natthi vattabbaṃ. Dutiye piṇḍapātādiatthāya upasaṅkamituṃ yuttaṭṭhānaṃ gocaro, vesiyā gocaro assāti vesiyāgocaro, mittasanthavavasena upasaṅkamitabbaṭṭhānanti attho. Vesiyā nāma rūpūpajīviniyo, tā mittasanthavavasena na upasaṅkamitabbā samaṇabhāvassa antarāyakarattā, parisuddhāsayassapi garahāhetuto, tasmā dakkhiṇādānavasena satiṃ upaṭṭhapetvā upasaṅkamitabbaṃ. Vidhavā vuccanti matapatikā, pavutthapatikā vā. Thullakumāriyoti mahallikā anividdhā kumāriyo. Paṇḍakāti napuṃsakā. Te hi ussannakilesā avūpasantapariḷāhā lokāmisanissitakathābahulā, tasmā na upasaṅkamitabbā. Bhikkhuniyo nāma ussannabrahmacariyā. Tathā bhikkhūpi. Aññamaññaṃ visabhāgavatthubhāvato santhavavasena upasaṅkamane katipāheneva brahmacariyantarāyo siyā, tasmā na upasaṅkamitabbā, gilānapucchanādivasena upasaṅkamane satokārinā bhavitabbaṃ. Tatiyacatutthāni uttānatthāneva.
ਸਾਰਜ੍ਜਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Sārajjasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਸਾਰਜ੍ਜਸੁਤ੍ਤਂ • 1. Sārajjasuttaṃ
੨. ਉਸ੍ਸਙ੍ਕਿਤਸੁਤ੍ਤਂ • 2. Ussaṅkitasuttaṃ
੩. ਮਹਾਚੋਰਸੁਤ੍ਤਂ • 3. Mahācorasuttaṃ
੪. ਸਮਣਸੁਖੁਮਾਲਸੁਤ੍ਤਂ • 4. Samaṇasukhumālasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੧. ਸਾਰਜ੍ਜਸੁਤ੍ਤવਣ੍ਣਨਾ • 1. Sārajjasuttavaṇṇanā
੨. ਉਸ੍ਸਙ੍ਕਿਤਸੁਤ੍ਤવਣ੍ਣਨਾ • 2. Ussaṅkitasuttavaṇṇanā
੩. ਮਹਾਚੋਰਸੁਤ੍ਤવਣ੍ਣਨਾ • 3. Mahācorasuttavaṇṇanā
