| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. ཏཏིཡཔཎྞཱསཀཾ
3. Tatiyapaṇṇāsakaṃ
(༡༡) ༡. ཕཱསུཝིཧཱརཝགྒོ
(11) 1. Phāsuvihāravaggo
༡. སཱརཛྫསུཏྟཾ
1. Sārajjasuttaṃ
༡༠༡. ‘‘པཉྩིམེ , བྷིཀྑཝེ, སེཁཝེསཱརཛྫཀརཎཱ དྷམྨཱ། ཀཏམེ པཉྩ? ཨིདྷ, བྷིཀྑཝེ, བྷིཀྑུ སདྡྷོ ཧོཏི, སཱིལཝཱ ཧོཏི, བཧུསྶུཏོ ཧོཏི, ཨཱརདྡྷཝཱིརིཡོ ཧོཏི, པཉྙཝཱ ཧོཏི།
101. ‘‘Pañcime , bhikkhave, sekhavesārajjakaraṇā dhammā. Katame pañca? Idha, bhikkhave, bhikkhu saddho hoti, sīlavā hoti, bahussuto hoti, āraddhavīriyo hoti, paññavā hoti.
‘‘ཡཾ, བྷིཀྑཝེ, ཨསྶདྡྷསྶ སཱརཛྫཾ ཧོཏི, སདྡྷསྶ ཏཾ སཱརཛྫཾ ན ཧོཏི། ཏསྨཱཡཾ དྷམྨོ སེཁཝེསཱརཛྫཀརཎོ།
‘‘Yaṃ, bhikkhave, assaddhassa sārajjaṃ hoti, saddhassa taṃ sārajjaṃ na hoti. Tasmāyaṃ dhammo sekhavesārajjakaraṇo.
‘‘ཡཾ, བྷིཀྑཝེ, དུསྶཱིལསྶ སཱརཛྫཾ ཧོཏི, སཱིལཝཏོ ཏཾ སཱརཛྫཾ ན ཧོཏི། ཏསྨཱཡཾ དྷམྨོ སེཁཝེསཱརཛྫཀརཎོ།
‘‘Yaṃ, bhikkhave, dussīlassa sārajjaṃ hoti, sīlavato taṃ sārajjaṃ na hoti. Tasmāyaṃ dhammo sekhavesārajjakaraṇo.
‘‘ཡཾ, བྷིཀྑཝེ, ཨཔྤསྶུཏསྶ སཱརཛྫཾ ཧོཏི, བཧུསྶུཏསྶ ཏཾ སཱརཛྫཾ ན ཧོཏི། ཏསྨཱཡཾ དྷམྨོ སེཁཝེསཱརཛྫཀརཎོ།
‘‘Yaṃ, bhikkhave, appassutassa sārajjaṃ hoti, bahussutassa taṃ sārajjaṃ na hoti. Tasmāyaṃ dhammo sekhavesārajjakaraṇo.
‘‘ཡཾ, བྷིཀྑཝེ, ཀུསཱིཏསྶ སཱརཛྫཾ ཧོཏི, ཨཱརདྡྷཝཱིརིཡསྶ ཏཾ སཱརཛྫཾ ན ཧོཏི། ཏསྨཱཡཾ དྷམྨོ སེཁཝེསཱརཛྫཀརཎོ།
‘‘Yaṃ, bhikkhave, kusītassa sārajjaṃ hoti, āraddhavīriyassa taṃ sārajjaṃ na hoti. Tasmāyaṃ dhammo sekhavesārajjakaraṇo.
‘‘ཡཾ, བྷིཀྑཝེ, དུཔྤཉྙསྶ སཱརཛྫཾ ཧོཏི, པཉྙཝཏོ ཏཾ སཱརཛྫཾ ན ཧོཏི། ཏསྨཱཡཾ དྷམྨོ སེཁཝེསཱརཛྫཀརཎོ། ཨིམེ ཁོ, བྷིཀྑཝེ, པཉྩ སེཁཝེསཱརཛྫཀརཎཱ དྷམྨཱ’’ཏི། པཋམཾ།
‘‘Yaṃ, bhikkhave, duppaññassa sārajjaṃ hoti, paññavato taṃ sārajjaṃ na hoti. Tasmāyaṃ dhammo sekhavesārajjakaraṇo. Ime kho, bhikkhave, pañca sekhavesārajjakaraṇā dhammā’’ti. Paṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. སཱརཛྫསུཏྟཝཎྞནཱ • 1. Sārajjasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༤. སཱརཛྫསུཏྟཱདིཝཎྞནཱ • 1-4. Sārajjasuttādivaṇṇanā
