| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[88] 8. саарамбхаж̇аад̇агаван̣н̣анаа
[88] 8. Sārambhajātakavaṇṇanā
галяаан̣имзва мун̃жзяяаад̇и ид̣̇ам̣ сад̇т̇аа ж̇зд̇аванз вихаранд̇о омасаваад̣̇асигкаабад̣̇ам̣ (баажи. 15) аараб̣бха гат̇зси. д̣̇взби вад̇т̇ууни хздтаа нанд̣̇ивисаалаж̇аад̇агз вуд̇д̇асад̣̇исаанзва. имасмим̣ бана ж̇аад̇агз б̣од̇хисад̇д̇о г̇анд̇хаарарадтз д̇аггасилааяам̣ ан̃н̃ад̇арасса б̣раахман̣асса саарамбхо наама б̣алиб̣ад̣̇д̣̇о ахоси. сад̇т̇аа ид̣̇ам̣ ад̇ийд̇авад̇т̇ум̣ гат̇зд̇ваа абхисамб̣уд̣̇д̇хо худ̇ваа имам̣ г̇аат̇амааха –
Kalyāṇimeva muñceyyāti idaṃ satthā jetavane viharanto omasavādasikkhāpadaṃ (pāci. 15) ārabbha kathesi. Dvepi vatthūni heṭṭhā nandivisālajātake vuttasadisāneva. Imasmiṃ pana jātake bodhisatto gandhāraraṭṭhe takkasilāyaṃ aññatarassa brāhmaṇassa sārambho nāma balibaddo ahosi. Satthā idaṃ atītavatthuṃ kathetvā abhisambuddho hutvā imaṃ gāthamāha –
88.
88.
‘‘галяаан̣имзва мун̃жзяяа, на хи мун̃жзяяа баабигам̣;
‘‘Kalyāṇimeva muñceyya, na hi muñceyya pāpikaṃ;
могко галяаан̣ияаа саад̇ху, муд̇ваа д̇аббад̇и баабига’’нд̇и.
Mokkho kalyāṇiyā sādhu, mutvā tappati pāpika’’nti.
д̇ад̇т̇а галяаан̣имзва мун̃жзяяаад̇и жад̇уд̣̇осавинимуд̇д̇ам̣ галяаан̣им̣ сунд̣̇арам̣ анаваж̇ж̇ам̣ ваажамзва мун̃жзяяа виссаж̇ж̇зяяа гат̇зяяа. на хи мун̃жзяяа баабиганд̇и баабигам̣ лаамигам̣ барзсам̣ аббияам̣ аманаабам̣ на мун̃жзяяа на гат̇зяяа. могко галяаан̣ияаа саад̇хууд̇и галяаан̣аваажааяа виссаж̇ж̇анамзва имасмим̣ логз саад̇ху сунд̣̇арам̣ бхад̣̇д̣̇агам̣. муд̇ваа д̇аббад̇и баабиганд̇и баабигам̣ парусаваажам̣ мун̃жид̇ваа виссаж̇ж̇зд̇ваа гат̇зд̇ваа со буг̇г̇ало д̇аббад̇и сожад̇и гиламад̇ийд̇и.
Tattha kalyāṇimeva muñceyyāti catudosavinimuttaṃ kalyāṇiṃ sundaraṃ anavajjaṃ vācameva muñceyya vissajjeyya katheyya. Na hi muñceyya pāpikanti pāpikaṃ lāmikaṃ paresaṃ appiyaṃ amanāpaṃ na muñceyya na katheyya. Mokkhokalyāṇiyā sādhūti kalyāṇavācāya vissajjanameva imasmiṃ loke sādhu sundaraṃ bhaddakaṃ. Mutvā tappati pāpikanti pāpikaṃ pharusavācaṃ muñcitvā vissajjetvā kathetvā so puggalo tappati socati kilamatīti.
звам̣ сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣раахман̣о аананд̣̇о ахоси, б̣раахман̣ий уббалаван̣н̣аа, саарамбхо бана ахамзва ахоси’’нд̇и.
Evaṃ satthā imaṃ dhammadesanaṃ āharitvā jātakaṃ samodhānesi – ‘‘tadā brāhmaṇo ānando ahosi, brāhmaṇī uppalavaṇṇā, sārambho pana ahameva ahosi’’nti.
саарамбхаж̇аад̇агаван̣н̣анаа адтамаа.
Sārambhajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 88. саарамбхаж̇аад̇агам̣ • 88. Sārambhajātakaṃ
