Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā

    саран̣аг̇аманагат̇аа

    Saraṇagamanakathā

    саран̣аг̇аманасса висаяаббабхзд̣̇апаласам̣гилзсабхзд̣̇аанам̣ вияа гад̇д̇у жа вибхааванаа д̇ад̇т̇а госаллааяа ход̇ийд̇и ‘‘саран̣аг̇аманзсу госаллад̇т̇ам̣ саран̣ам̣…бз… взд̣̇ид̇аб̣б̣о’’д̇и вуд̇д̇ам̣ д̇зна винаа саран̣аг̇аманассзва асамбхавад̇о. д̇ад̇т̇а саран̣анд̇и бад̣̇ад̇т̇ад̇о д̇аава хим̣сад̇ийд̇и саран̣ам̣. хим̣сад̇т̇асса хи сарасад̣̇д̣̇асса васзнзд̇ам̣ бад̣̇ам̣ д̣̇адтаб̣б̣ам̣, д̇асмаа саран̣аг̇ад̇аанам̣ д̇знзва саран̣аг̇аманзна ваддабхаяам̣ жид̇д̇уд̇раасам̣ гааяигам̣ д̣̇угкам̣ д̣̇уг̇г̇ад̇ибарияаабаннам̣ саб̣б̣амби д̣̇угкам̣ ханад̇и, винаасзд̇ийд̇и ад̇т̇о. рад̇анад̇д̇аяассзвзд̇ам̣ ад̇хиважанам̣ . ат̇а ваа хид̇з бавад̇д̇анзна ‘‘самбаннасийлаа, бхигкавз, вихарат̇аа’’д̇иаад̣̇инаа (ма. ни. 1.64) ад̇т̇з нияож̇анзна ахид̇аа жа нивад̇д̇анзна ‘‘баан̣аад̇ибаад̇асса ко бана баабаго вибааго, баабагам̣ абхисамбарааяа’’нд̇иаад̣̇инаа аад̣̇ийнавад̣̇ассанаад̣̇имукзна анад̇т̇ад̇о нивад̇д̇анзна сад̇д̇аанам̣ бхаяам̣ хим̣сад̇и, хид̇аахид̇зсу аббавад̇д̇ибавад̇д̇ихзд̇угам̣ б̣яасанам̣ абавад̇д̇игаран̣зна винаасзд̇и б̣уд̣̇д̇хо. бхаваганд̇аарауд̇д̇аран̣зна маг̇г̇асан̇каад̇о д̇хаммо сад̇д̇аанам̣ бхаяам̣ хим̣сад̇и, ид̇аро ассаасад̣̇аанзна. аббагаанамби д̣̇аанавасзна бууж̇аавасзна жа убанийд̇аанам̣ саггаараанам̣ вибулапалабадилаабхагаран̣зна сад̇д̇аанам̣ бхаяам̣ хим̣сад̇и сан̇гхо ануд̇д̇арад̣̇агкин̣зяяабхаавад̇о, д̇асмаа иминааби вибхаж̇ид̇ваа вуд̇д̇абарияааязна рад̇анад̇д̇аяам̣ саран̣ам̣. ‘‘саммаасамб̣уд̣̇д̇хо бхаг̇аваа, сваагкаад̇о д̇хаммо, суббадибанно сан̇гхо’’д̇и звам̣ бавад̇д̇арад̇анад̇д̇аяабасааад̣̇ад̇аг̇г̇аругад̇аахи вид̇худ̇ад̣̇идтивижигижчаасаммохаассад̣̇д̇хияаад̣̇ид̇ааяа вихад̇агилзсо д̇ад̣̇зва рад̇анад̇д̇аяам̣ саран̣ам̣ барааяан̣ам̣ г̇ад̇и д̇аан̣ам̣ лзн̣анд̇и звам̣ бавад̇д̇ияаа д̇аббарааяан̣ад̇аагаараббавад̇д̇о жид̇д̇уббаад̣̇о саран̣аг̇аманам̣ саран̣анд̇и г̇ажчад̇и зд̇знаад̇и гад̇ваа. д̇зна яат̇аавуд̇д̇ажид̇д̇уббаад̣̇зна саманнааг̇ад̇о сад̇д̇о саран̣анд̇и г̇ажчад̇и, вуд̇д̇аббагаарзна жид̇д̇уббаад̣̇зна ‘‘зд̇аани мз д̇ийн̣и рад̇анаани саран̣ам̣, зд̇аани барааяан̣а’’нд̇и звам̣ убзд̇и бхаж̇ад̇и сзвад̇и баяирубаасад̇и, звам̣ ваа ж̇аанаад̇и, б̣уж̇жхад̇ийд̇и ад̇т̇о. звам̣ д̇аава саран̣ам̣, саран̣аг̇аманам̣, яо жа саран̣ам̣ г̇ажчад̇и, ид̣̇ам̣ д̇аяам̣ взд̣̇ид̇аб̣б̣ам̣.

    Saraṇagamanassa visayappabhedaphalasaṃkilesabhedānaṃ viya kattu ca vibhāvanā tattha kosallāya hotīti ‘‘saraṇagamanesu kosallatthaṃ saraṇaṃ…pe… veditabbo’’ti vuttaṃ tena vinā saraṇagamanasseva asambhavato. Tattha saraṇanti padatthato tāva hiṃsatīti saraṇaṃ. Hiṃsatthassa hi sarasaddassa vasenetaṃ padaṃ daṭṭhabbaṃ, tasmā saraṇagatānaṃ teneva saraṇagamanena vaṭṭabhayaṃ cittutrāsaṃ kāyikaṃ dukkhaṃ duggatipariyāpannaṃ sabbampi dukkhaṃ hanati, vināsetīti attho. Ratanattayassevetaṃ adhivacanaṃ . Atha vā hite pavattanena ‘‘sampannasīlā, bhikkhave, viharathā’’tiādinā (ma. ni. 1.64) atthe niyojanena ahitā ca nivattanena ‘‘pāṇātipātassa kho pana pāpako vipāko, pāpakaṃ abhisamparāya’’ntiādinā ādīnavadassanādimukhena anatthato nivattanena sattānaṃ bhayaṃ hiṃsati, hitāhitesu appavattipavattihetukaṃ byasanaṃ apavattikaraṇena vināseti buddho. Bhavakantārauttaraṇena maggasaṅkhāto dhammo sattānaṃ bhayaṃ hiṃsati, itaro assāsadānena. Appakānampi dānavasena pūjāvasena ca upanītānaṃ sakkārānaṃ vipulaphalapaṭilābhakaraṇena sattānaṃ bhayaṃ hiṃsati saṅgho anuttaradakkhiṇeyyabhāvato, tasmā imināpi vibhajitvā vuttapariyāyena ratanattayaṃ saraṇaṃ. ‘‘Sammāsambuddho bhagavā, svākkhāto dhammo, suppaṭipanno saṅgho’’ti evaṃ pavattaratanattayapasaādataggarukatāhi vidhutadiṭṭhivicikicchāsammohaassaddhiyāditāya vihatakileso tadeva ratanattayaṃ saraṇaṃ parāyaṇaṃ gati tāṇaṃ leṇanti evaṃ pavattiyā tapparāyaṇatākārappavatto cittuppādo saraṇagamanaṃ saraṇanti gacchati etenāti katvā. Tena yathāvuttacittuppādena samannāgato satto saraṇanti gacchati, vuttappakārena cittuppādena ‘‘etāni me tīṇi ratanāni saraṇaṃ, etāni parāyaṇa’’nti evaṃ upeti bhajati sevati payirupāsati, evaṃ vā jānāti, bujjhatīti attho. Evaṃ tāva saraṇaṃ, saraṇagamanaṃ, yo ca saraṇaṃ gacchati, idaṃ tayaṃ veditabbaṃ.

    саран̣аг̇аманаббабхзд̣̇з бана д̣̇увид̇хам̣ саран̣аг̇аманам̣ логуд̇д̇арам̣ логияан̃жа. д̇ад̇т̇а логуд̇д̇арам̣ д̣̇идтасажжаанам̣ маг̇г̇агкан̣з саран̣аг̇аманубаггилзсасамужчзд̣̇анзна аарамман̣ад̇о ниб̣б̣аанаарамман̣ам̣ худ̇ваа гижжад̇о сагалзби рад̇анад̇д̇аяз иж̇жхад̇и. ад̇т̇ад̇о жад̇усажжаад̇хиг̇амо зва хи логуд̇д̇арасаран̣аг̇аманам̣. д̇ад̇т̇а хи ниб̣б̣аанад̇хаммо сажчигирияаабхисамаяавасзна, маг̇г̇ад̇хаммо бхааванаабхисамаяавасзна бадивиж̇жхияамааноязва саран̣аг̇аманад̇т̇ам̣ саад̇хзд̇и, б̣уд̣̇д̇хаг̇ун̣аа бана саавагаг̇ожарабхууд̇аа барин̃н̃аабхисамаяавасзна, д̇ат̇аа арияасан̇гхаг̇ун̣аа. д̇зна вуд̇д̇ам̣ ‘‘гижжад̇о сагалзби рад̇анад̇д̇аяз иж̇жхад̇ий’’д̇и . иж̇жханд̇ан̃жа сахзва иж̇жхад̇и, на логияам̣ вияа бадибаадияаа асаммохабадивзд̇хзна бадивид̣̇д̇хад̇д̇аа. яз бана вад̣̇анд̇и ‘‘на саран̣аг̇аманам̣ ниб̣б̣аанаарамман̣ам̣ худ̇ваа бавад̇д̇ад̇и, маг̇г̇асса ад̇хиг̇ад̇ад̇д̇аа бана ад̇хиг̇ад̇амзва ход̇и згажжаанам̣ д̇звиж̇ж̇аад̣̇ийнам̣ логияавиж̇ж̇аад̣̇аяо вияаа’’д̇и, д̇зсам̣ логияамзва саран̣аг̇аманам̣ сияаа, на логуд̇д̇арам̣. д̇ан̃жа аяуд̇д̇ам̣ д̣̇увид̇хассаби ижчид̇аб̣б̣ад̇д̇аа. логияам̣ бана саран̣аг̇аманам̣ бут̇уж̇ж̇анаанам̣ саран̣аг̇аманубаггилзсавигкамбханзна аарамман̣ад̇о б̣уд̣̇д̇хаад̣̇иг̇ун̣аарамман̣ам̣ худ̇ваа иж̇жхад̇и. д̇ам̣ ад̇т̇ад̇о б̣уд̣̇д̇хаад̣̇ийсу вад̇т̇уусу ‘‘саммаасамб̣уд̣̇д̇хо бхаг̇аваа’’д̇иаад̣̇инаа сад̣̇д̇хаабадилаабхо яат̇аавуд̇д̇асад̣̇д̇хаабуб̣б̣ан̇г̇амаа жа саммаад̣̇идти, д̣̇асасу бун̃н̃агирияавад̇т̇уусу д̣̇идтиж̇угамманд̇и вужжад̇и. зд̇т̇а жа ‘‘сад̣̇д̇хаабадилаабхо’’д̇и иминаа маад̇аад̣̇ийхи уссаахид̇ад̣̇аарагаад̣̇ийнам̣ вияа н̃аан̣авиббаяуд̇д̇асаран̣аг̇аманам̣ д̣̇ассид̇анд̇и взд̣̇ид̇аб̣б̣ам̣. ‘‘саммаад̣̇идтий’’д̇и иминаа бана н̃аан̣асамбаяуд̇д̇ам̣ саран̣аг̇аманам̣ д̣̇ассид̇ам̣ б̣уд̣̇д̇хасуб̣уд̣̇д̇хад̇ам̣ д̇хаммасуд̇хаммад̇ам̣ сан̇гхасуббадибад̇д̇ин̃жа логияааваб̣од̇хавасзнзва саммаа н̃ааязна д̣̇ассанад̇о.

    Saraṇagamanappabhede pana duvidhaṃ saraṇagamanaṃ lokuttaraṃ lokiyañca. Tattha lokuttaraṃ diṭṭhasaccānaṃ maggakkhaṇe saraṇagamanupakkilesasamucchedanena ārammaṇato nibbānārammaṇaṃ hutvā kiccato sakalepi ratanattaye ijjhati. Atthato catusaccādhigamo eva hi lokuttarasaraṇagamanaṃ. Tattha hi nibbānadhammo sacchikiriyābhisamayavasena, maggadhammo bhāvanābhisamayavasena paṭivijjhiyamānoyeva saraṇagamanatthaṃ sādheti, buddhaguṇā pana sāvakagocarabhūtā pariññābhisamayavasena, tathā ariyasaṅghaguṇā. Tena vuttaṃ ‘‘kiccato sakalepi ratanattaye ijjhatī’’ti . Ijjhantañca saheva ijjhati, na lokiyaṃ viya paṭipāṭiyā asammohapaṭivedhena paṭividdhattā. Ye pana vadanti ‘‘na saraṇagamanaṃ nibbānārammaṇaṃ hutvā pavattati, maggassa adhigatattā pana adhigatameva hoti ekaccānaṃ tevijjādīnaṃ lokiyavijjādayo viyā’’ti, tesaṃ lokiyameva saraṇagamanaṃ siyā, na lokuttaraṃ. Tañca ayuttaṃ duvidhassapi icchitabbattā. Lokiyaṃ pana saraṇagamanaṃ puthujjanānaṃ saraṇagamanupakkilesavikkhambhanena ārammaṇato buddhādiguṇārammaṇaṃ hutvā ijjhati. Taṃ atthato buddhādīsu vatthūsu ‘‘sammāsambuddho bhagavā’’tiādinā saddhāpaṭilābho yathāvuttasaddhāpubbaṅgamā ca sammādiṭṭhi, dasasu puññakiriyavatthūsu diṭṭhijukammanti vuccati. Ettha ca ‘‘saddhāpaṭilābho’’ti iminā mātādīhi ussāhitadārakādīnaṃ viya ñāṇavippayuttasaraṇagamanaṃ dassitanti veditabbaṃ. ‘‘Sammādiṭṭhī’’ti iminā pana ñāṇasampayuttaṃ saraṇagamanaṃ dassitaṃ buddhasubuddhataṃ dhammasudhammataṃ saṅghasuppaṭipattiñca lokiyāvabodhavaseneva sammā ñāyena dassanato.

    д̇аяид̣̇ам̣ логияасаран̣аг̇аманам̣ жад̇уд̇хаа бавад̇д̇ад̇и ад̇д̇асаннияяаад̇анзна д̇аббарааяан̣ад̇ааяа сиссабхаавуубаг̇аманзна бан̣ибаад̇знаад̇и. д̇ад̇т̇а ад̇д̇асаннияяаад̇анам̣ наама ‘‘аж̇ж̇а аад̣̇им̣ гад̇ваа ахам̣ ад̇д̇аанам̣ б̣уд̣̇д̇хасса нияяаад̇зми, д̇хаммасса, сан̇гхассаа’’д̇и звам̣ б̣уд̣̇д̇хаад̣̇ийнам̣язва сам̣саарад̣̇угканид̇т̇аран̣ад̇т̇ам̣ ад̇д̇ано ад̇д̇абхаавасса барижжаж̇анам̣. д̇аббарааяан̣ад̇аа наама ‘‘аж̇ж̇а аад̣̇им̣ гад̇ваа ахам̣ б̣уд̣̇д̇хабарааяан̣о д̇хаммабарааяан̣о сан̇гхабарааяан̣од̇и мам̣ д̇хаарзт̇аа’’д̇и звам̣ д̇аббарааяан̣абхааво. сиссабхаавуубаг̇аманам̣ наама ‘‘аж̇ж̇а аад̣̇им̣ гад̇ваа ‘ахам̣ б̣уд̣̇д̇хасса анд̇зваасиго, д̇хаммасса, сан̇гхассаа’д̇и мам̣ д̇хаарзт̇аа’’д̇и звам̣ сиссабхаавуубаг̇амо. бан̣ибаад̇о наама ‘‘аж̇ж̇а аад̣̇им̣ гад̇ваа ‘ахам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ б̣уд̣̇д̇хаад̣̇ийнам̣язва д̇ин̣н̣ам̣ вад̇т̇уунам̣ гаромий’д̇и мам̣ д̇хаарзт̇аа’’д̇и звам̣ б̣уд̣̇д̇хаад̣̇ийсу бараманибажжагааро. имзсан̃хи жад̇уннам̣ аагаараанам̣ ан̃н̃ад̇арамби гаронд̇зна г̇ахид̇ам̣язва ход̇и саран̣аг̇аманам̣.

    Tayidaṃ lokiyasaraṇagamanaṃ catudhā pavattati attasanniyyātanena tapparāyaṇatāya sissabhāvūpagamanena paṇipātenāti. Tattha attasanniyyātanaṃ nāma ‘‘ajja ādiṃ katvā ahaṃ attānaṃ buddhassa niyyātemi, dhammassa, saṅghassā’’ti evaṃ buddhādīnaṃyeva saṃsāradukkhanittharaṇatthaṃ attano attabhāvassa pariccajanaṃ. Tapparāyaṇatā nāma ‘‘ajja ādiṃ katvā ahaṃ buddhaparāyaṇo dhammaparāyaṇo saṅghaparāyaṇoti maṃ dhārethā’’ti evaṃ tapparāyaṇabhāvo. Sissabhāvūpagamanaṃ nāma ‘‘ajja ādiṃ katvā ‘ahaṃ buddhassa antevāsiko, dhammassa, saṅghassā’ti maṃ dhārethā’’ti evaṃ sissabhāvūpagamo. Paṇipāto nāma ‘‘ajja ādiṃ katvā ‘ahaṃ abhivādanaṃ paccuṭṭhānaṃ añjalikammaṃ sāmīcikammaṃ buddhādīnaṃyeva tiṇṇaṃ vatthūnaṃ karomī’ti maṃ dhārethā’’ti evaṃ buddhādīsu paramanipaccakāro. Imesañhi catunnaṃ ākārānaṃ aññatarampi karontena gahitaṃyeva hoti saraṇagamanaṃ.

    абижа ‘‘бхаг̇авад̇о ад̇д̇аанам̣ барижжаж̇аами, д̇хаммасса сан̇гхасса ад̇д̇аанам̣ барижжаж̇аами, ж̇ийвид̇ам̣ барижжаж̇аами, барижжад̇д̇оязва мз ад̇д̇аа, барижжад̇д̇ам̣язва мз ж̇ийвид̇ам̣, ж̇ийвид̇абарияанд̇игам̣ б̣уд̣̇д̇хам̣ саран̣ам̣ г̇ажчаами, б̣уд̣̇д̇хо мз саран̣ам̣ лзн̣ам̣ д̇аан̣а’’нд̇и звамби ад̇д̇асаннияяаад̇анам̣ взд̣̇ид̇аб̣б̣ам̣. ‘‘сад̇т̇ааран̃жа вад̇аахам̣ бассаами, бхаг̇аванд̇амзва бассаами, суг̇ад̇ан̃жа вад̇аахам̣ бассаами, бхаг̇аванд̇амзва бассаами, саммаасамб̣уд̣̇д̇хан̃жа вад̇аахам̣ бассаами, бхаг̇аванд̇амзва бассаамий’’д̇и (сам̣. ни. 2.154) звам̣ махаагассабад̇т̇зрасса саран̣аг̇аманам̣ вияа сиссабхаавуубаг̇аманам̣ д̣̇адтаб̣б̣ам̣.

    Apica ‘‘bhagavato attānaṃ pariccajāmi, dhammassa saṅghassa attānaṃ pariccajāmi, jīvitaṃ pariccajāmi, pariccattoyeva me attā, pariccattaṃyeva me jīvitaṃ, jīvitapariyantikaṃ buddhaṃ saraṇaṃ gacchāmi, buddho me saraṇaṃ leṇaṃ tāṇa’’nti evampi attasanniyyātanaṃ veditabbaṃ. ‘‘Satthārañca vatāhaṃ passāmi, bhagavantameva passāmi, sugatañca vatāhaṃ passāmi, bhagavantameva passāmi, sammāsambuddhañca vatāhaṃ passāmi, bhagavantameva passāmī’’ti (saṃ. ni. 2.154) evaṃ mahākassapattherassa saraṇagamanaṃ viya sissabhāvūpagamanaṃ daṭṭhabbaṃ.

    ‘‘со ахам̣ вижариссаами, г̇аамаа г̇аамам̣ бураа бурам̣;

    ‘‘So ahaṃ vicarissāmi, gāmā gāmaṃ purā puraṃ;

    намассамаано самб̣уд̣̇д̇хам̣, д̇хаммасса жа суд̇хаммад̇ам̣. (сам̣. ни. 1.246; су. ни. 194);

    Namassamāno sambuddhaṃ, dhammassa ca sudhammataṃ. (saṃ. ni. 1.246; su. ni. 194);

    ‘‘д̇з маяам̣ вижариссаама, г̇аамаа г̇аамам̣ наг̇аа наг̇ам̣…бз… суд̇хаммад̇а’’нд̇и. (су. ни. 182) –

    ‘‘Te mayaṃ vicarissāma, gāmā gāmaṃ nagā nagaṃ…pe… sudhammata’’nti. (su. ni. 182) –

    звамби аал̣авагасаад̇ааг̇ирахзмавад̇аад̣̇ийнам̣ саран̣аг̇аманам̣ вияа д̇аббарааяан̣ад̇аа взд̣̇ид̇аб̣б̣аа. нану жзд̇з аал̣авагаад̣̇аяо маг̇г̇знзва ааг̇ад̇асаран̣аг̇аманаа, гат̇ам̣ д̇зсам̣ д̇аббарааяан̣ад̇аасаран̣аг̇аманам̣ вуд̇д̇анд̇и? маг̇г̇знааг̇ад̇асаран̣аг̇аманзхиби ‘‘сохам̣ вижариссаами г̇аамаа г̇аама’’нд̇иаад̣̇инаа (сам̣. ни. 1.246; су. ни. 194) д̇зхи д̇аббарааяан̣ад̇аагаарасса бавзд̣̇ид̇ад̇д̇аа д̇ат̇аа вуд̇д̇ам̣. ат̇а ко б̣рахмааяу б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа бхаг̇авад̇о баад̣̇зсу сирасаа нибад̇ид̇ваа бхаг̇авад̇о баад̣̇аани мукзна жа барижумб̣ад̇и, баан̣ийхи жа барисамб̣аахад̇и, нааман̃жа саавзд̇и ‘‘б̣рахмааяу ахам̣, бхо г̇од̇ама, б̣раахман̣о, б̣рахмааяу ахам̣, бхо г̇од̇ама, б̣раахман̣о’’д̇и (ма. ни. 2.394) звамби бан̣ибаад̇о д̣̇адтаб̣б̣о.

    Evampi āḷavakasātāgirahemavatādīnaṃ saraṇagamanaṃ viya tapparāyaṇatā veditabbā. Nanu cete āḷavakādayo maggeneva āgatasaraṇagamanā, kathaṃ tesaṃ tapparāyaṇatāsaraṇagamanaṃ vuttanti? Maggenāgatasaraṇagamanehipi ‘‘sohaṃ vicarissāmi gāmā gāma’’ntiādinā (saṃ. ni. 1.246; su. ni. 194) tehi tapparāyaṇatākārassa paveditattā tathā vuttaṃ. Atha kho brahmāyu brāhmaṇo uṭṭhāyāsanā ekaṃsaṃ uttarāsaṅgaṃ karitvā bhagavato pādesu sirasā nipatitvā bhagavato pādāni mukhena ca paricumbati, pāṇīhi ca parisambāhati, nāmañca sāveti ‘‘brahmāyu ahaṃ, bho gotama, brāhmaṇo, brahmāyu ahaṃ, bho gotama, brāhmaṇo’’ti (ma. ni. 2.394) evampi paṇipāto daṭṭhabbo.

    со банзса н̃аад̇ибхаяаажарияад̣̇агкин̣зяяад̇аавасзна жад̇уб̣б̣ид̇хо ход̇и. д̇ад̇т̇а д̣̇агкин̣зяяад̇аахзд̇угзна бан̣ибаад̇зна саран̣аг̇аманам̣ ход̇и, на ид̇арзхи н̃аад̇ибхаяаад̣̇ивасаббавад̇д̇зхи д̇ийхи бан̣ибаад̇зхи. сздтавасзнзва хи саран̣ам̣ г̇аяхад̇и, сздтавасзна бхиж̇ж̇ад̇и, д̇асмаа яо саагияо ваа голияо ваа ‘‘б̣уд̣̇д̇хо амхаагам̣ н̃аад̇аго’’д̇и ванд̣̇ад̇и, аг̇г̇ахид̇амзва ход̇и саран̣ам̣. яо ваа ‘‘саман̣о г̇од̇амо рааж̇абууж̇ид̇о махаанубхааво аванд̣̇ияамаано анад̇т̇амби гарзяяаа’’д̇и бхаязна ванд̣̇ад̇и, аг̇г̇ахид̇амзва ход̇и саран̣ам̣. яоби б̣од̇хисад̇д̇агаалз бхаг̇авад̇о санд̇игз гин̃жи уг̇г̇ахид̇ам̣ сарамаано б̣уд̣̇д̇хагаалз ваа –

    So panesa ñātibhayācariyadakkhiṇeyyatāvasena catubbidho hoti. Tattha dakkhiṇeyyatāhetukena paṇipātena saraṇagamanaṃ hoti, na itarehi ñātibhayādivasappavattehi tīhi paṇipātehi. Seṭṭhavaseneva hi saraṇaṃ gayhati, seṭṭhavasena bhijjati, tasmā yo sākiyo vā koliyo vā ‘‘buddho amhākaṃ ñātako’’ti vandati, aggahitameva hoti saraṇaṃ. Yo vā ‘‘samaṇo gotamo rājapūjito mahānubhāvo avandiyamāno anatthampi kareyyā’’ti bhayena vandati, aggahitameva hoti saraṇaṃ. Yopi bodhisattakāle bhagavato santike kiñci uggahitaṃ saramāno buddhakāle vā –

    ‘‘згзна бхог̇ам̣ бхун̃ж̇зяяа, д̣̇вийхи гаммам̣ баяож̇аяз;

    ‘‘Ekena bhogaṃ bhuñjeyya, dvīhi kammaṃ payojaye;

    жад̇уд̇т̇ан̃жа нид̇хаабзяяа, аабад̣̇аасу бхависсад̇ий’’д̇и. (д̣̇ий. ни. 3.265) –

    Catutthañca nidhāpeyya, āpadāsu bhavissatī’’ti. (dī. ni. 3.265) –

    зваруубим̣ д̣̇идтад̇хаммигам̣ анусаасаним̣ уг̇г̇ахзд̇ваа ‘‘аажарияо мз’’д̇и ванд̣̇ад̇и, аг̇г̇ахид̇амзва ход̇и саран̣ам̣, самбарааяигам̣ бана нияяаанигам̣ ваа анусаасаним̣ бажжаасийсанд̇о д̣̇агкин̣зяяабан̣ибаад̇амзва гарод̇и. яо бана ‘‘аяам̣ логз аг̇г̇ад̣̇агкин̣зяяо’’д̇и ванд̣̇ад̇и, д̇знзва г̇ахид̇ам̣ ход̇и саран̣ам̣.

    Evarūpiṃ diṭṭhadhammikaṃ anusāsaniṃ uggahetvā ‘‘ācariyo me’’ti vandati, aggahitameva hoti saraṇaṃ, samparāyikaṃ pana niyyānikaṃ vā anusāsaniṃ paccāsīsanto dakkhiṇeyyapaṇipātameva karoti. Yo pana ‘‘ayaṃ loke aggadakkhiṇeyyo’’ti vandati, teneva gahitaṃ hoti saraṇaṃ.

    звам̣ г̇ахид̇асаран̣асса жа убаасагасса ваа убаасигааяа ваа ан̃н̃ад̇ид̇т̇иязсу баб̣б̣аж̇ид̇амби н̃аад̇им̣ ‘‘н̃аад̇аго мз аяа’’нд̇и ванд̣̇ад̇оби саран̣аг̇аманам̣ на бхиж̇ж̇ад̇и, баг̇зва абаб̣б̣аж̇ид̇ам̣. д̇ат̇аа рааж̇аанам̣ бхаяавасзна ванд̣̇ад̇о. со хи радтабууж̇ид̇ад̇д̇аа аванд̣̇ияамаано анад̇т̇амби гарзяяаад̇и. д̇ат̇аа яам̣ гин̃жи сиббасигкаабагам̣ д̇ид̇т̇ияамби ‘‘аажарияо мз аяа’’нд̇и ванд̣̇ад̇оби на бхиж̇ж̇ад̇и. звам̣ саран̣аг̇аманасса бабхзд̣̇о взд̣̇ид̇аб̣б̣о.

    Evaṃ gahitasaraṇassa ca upāsakassa vā upāsikāya vā aññatitthiyesu pabbajitampi ñātiṃ ‘‘ñātako me aya’’nti vandatopi saraṇagamanaṃ na bhijjati, pageva apabbajitaṃ. Tathā rājānaṃ bhayavasena vandato. So hi raṭṭhapūjitattā avandiyamāno anatthampi kareyyāti. Tathā yaṃ kiñci sippasikkhāpakaṃ titthiyampi ‘‘ācariyo me aya’’nti vandatopi na bhijjati. Evaṃ saraṇagamanassa pabhedo veditabbo.

    саран̣аг̇аманагат̇аа нидтид̇аа.

    Saraṇagamanakathā niṭṭhitā.





    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact