| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
саран̣аг̇аманасам̣гилзсабхзд̣̇агат̇аа
Saraṇagamanasaṃkilesabhedakathā
д̇ад̇т̇а жа логияасаран̣аг̇аманам̣ д̇ийсу вад̇т̇уусу ан̃н̃аан̣асам̣саяамижчаан̃аан̣аад̣̇ийхи сам̣гилиссад̇и, на махааж̇уд̇игам̣, на уж̇ж̇алам̣ абарисуд̣̇д̇хам̣ абарияод̣̇аад̇ам̣ ход̇и, на махаавибпаарам̣ анул̣аарам̣. зд̇т̇а жа ан̃н̃аан̣ам̣ наама вад̇т̇уд̇д̇аяасса г̇ун̣аанам̣ аж̇аананам̣ д̇ад̇т̇а саммохо. ‘‘б̣уд̣̇д̇хо ну ко, на ну ко’’д̇иаад̣̇инаа вижигижчаа сам̣саяо. мижчаан̃аан̣ам̣ наама д̇асса г̇ун̣аанам̣ аг̇ун̣абхаавабаригаббанзна вибарийд̇аг̇г̇ааход̇и взд̣̇ид̇аб̣б̣ам̣. логуд̇д̇арасса бана саран̣аг̇аманасса над̇т̇и сам̣гилзсо. логияасса жа саран̣аг̇аманасса д̣̇увид̇хо бхзд̣̇о сааваж̇ж̇о анаваж̇ж̇о жа. д̇ад̇т̇а сааваж̇ж̇о ан̃н̃асад̇т̇аараад̣̇ийсу ад̇д̇анияяаад̇анаад̣̇ийхи ход̇и, со анидтапало. анаваж̇ж̇о бана гаалагирияааяа ход̇и. логияан̃хи саран̣аг̇аманам̣ сигкаабад̣̇асамаад̣̇аанам̣ вияа аг̇г̇ахид̇агаалабарижчзд̣̇агам̣ ж̇ийвид̇абарияанд̇амзва ход̇и, д̇асмаа д̇асса канд̇хабхзд̣̇зна бхзд̣̇о, со авибаагад̇д̇аа апало. логуд̇д̇арасса бана нзвад̇т̇и бхзд̣̇о. бхаванд̇арзби хи арияасааваго ан̃н̃ам̣ сад̇т̇аарам̣ на уд̣̇д̣̇исад̇ийд̇и. звам̣ саран̣аг̇аманасса сам̣гилзсо жа бхзд̣̇о жа взд̣̇ид̇аб̣б̣о.
Tattha ca lokiyasaraṇagamanaṃ tīsu vatthūsu aññāṇasaṃsayamicchāñāṇādīhi saṃkilissati, na mahājutikaṃ, na ujjalaṃ aparisuddhaṃ apariyodātaṃ hoti, na mahāvipphāraṃ anuḷāraṃ. Ettha ca aññāṇaṃ nāma vatthuttayassa guṇānaṃ ajānanaṃ tattha sammoho. ‘‘Buddho nu kho, na nu kho’’tiādinā vicikicchā saṃsayo. Micchāñāṇaṃ nāma tassa guṇānaṃ aguṇabhāvaparikappanena viparītaggāhoti veditabbaṃ. Lokuttarassa pana saraṇagamanassa natthi saṃkileso. Lokiyassa ca saraṇagamanassa duvidho bhedo sāvajjo anavajjo ca. Tattha sāvajjo aññasatthārādīsu attaniyyātanādīhi hoti, so aniṭṭhaphalo. Anavajjo pana kālakiriyāya hoti. Lokiyañhi saraṇagamanaṃ sikkhāpadasamādānaṃ viya aggahitakālaparicchedakaṃ jīvitapariyantameva hoti, tasmā tassa khandhabhedena bhedo, so avipākattā aphalo. Lokuttarassa pana nevatthi bhedo. Bhavantarepi hi ariyasāvako aññaṃ satthāraṃ na uddisatīti. Evaṃ saraṇagamanassa saṃkileso ca bhedo ca veditabbo.
гасмаа банзд̇т̇а вод̣̇аанам̣ на г̇ахид̇ам̣, нану вод̣̇аанавибхааванааби д̇ад̇т̇а госаллааяа ход̇ийд̇и? сажжамзд̇ам̣, д̇ам̣ бана сам̣гилзсаг̇г̇ахан̣зна ад̇т̇ад̇о д̣̇ийбид̇ам̣ ход̇ийд̇и на г̇ахид̇ам̣. яаани хи д̇зсам̣ сам̣гилзсагааран̣аани ан̃н̃аан̣аад̣̇ийни , д̇зсам̣ саб̣б̣зна саб̣б̣ам̣ ануббаад̣̇анзна уббаннаанан̃жа бахаанзна вод̣̇аанам̣ ход̇ийд̇и. звамзд̇т̇а ‘‘саран̣ам̣ саран̣аг̇амана’’нд̇иаад̣̇ийнам̣ бабан̃жо взд̣̇ид̇аб̣б̣о. имасса бана яат̇аавуд̇д̇абабан̃жасса ид̇ха аважанз гааран̣ам̣ д̣̇ассзнд̇о ааха ‘‘со бана ид̇ха вужжамаано’’д̇иаад̣̇и. д̇ад̇т̇а саран̣аван̣н̣анад̇од̇и сааман̃н̃апаласуд̇д̇з вуд̇д̇асаран̣аван̣н̣анад̇о.
Kasmā panettha vodānaṃ na gahitaṃ, nanu vodānavibhāvanāpi tattha kosallāya hotīti? Saccametaṃ, taṃ pana saṃkilesaggahaṇena atthato dīpitaṃ hotīti na gahitaṃ. Yāni hi tesaṃ saṃkilesakāraṇāni aññāṇādīni , tesaṃ sabbena sabbaṃ anuppādanena uppannānañca pahānena vodānaṃ hotīti. Evamettha ‘‘saraṇaṃ saraṇagamana’’ntiādīnaṃ papañco veditabbo. Imassa pana yathāvuttapapañcassa idha avacane kāraṇaṃ dassento āha ‘‘so pana idha vuccamāno’’tiādi. Tattha saraṇavaṇṇanatoti sāmaññaphalasutte vuttasaraṇavaṇṇanato.
саран̣аг̇аманасам̣гилзсабхзд̣̇агат̇аа нидтид̇аа.
Saraṇagamanasaṃkilesabhedakathā niṭṭhitā.
