| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
3. ஸரணக³மனியத்தே²ரஅபதா³னங்
3. Saraṇagamaniyattheraapadānaṃ
20.
20.
‘‘உபி⁴ன்னங் தே³வராஜூனங், ஸங்கா³மோ ஸமுபட்டி²தோ;
‘‘Ubhinnaṃ devarājūnaṃ, saṅgāmo samupaṭṭhito;
21.
21.
‘‘பது³முத்தரோ லோகவிதூ³, ஆஹுதீனங் படிக்³க³ஹோ;
‘‘Padumuttaro lokavidū, āhutīnaṃ paṭiggaho;
அந்தலிக்கே² டி²தோ ஸத்தா², ஸங்வேஜேஸி மஹாஜனங்.
Antalikkhe ṭhito satthā, saṃvejesi mahājanaṃ.
22.
22.
‘‘ஸப்³பே³ தே³வா அத்தமனா, நிக்கி²த்தகவசாவுதா⁴;
‘‘Sabbe devā attamanā, nikkhittakavacāvudhā;
ஸம்பு³த்³த⁴ங் அபி⁴வாதெ³த்வா, ஏகக்³கா³ஸிங்ஸு தாவதே³.
Sambuddhaṃ abhivādetvā, ekaggāsiṃsu tāvade.
23.
23.
அனுகம்பகோ லோகவிதூ³, நிப்³பா³பேஸி மஹாஜனங்.
Anukampako lokavidū, nibbāpesi mahājanaṃ.
24.
24.
‘‘பது³ட்ட²சித்தோ மனுஜோ, ஏகபாணங் விஹேட²யங்;
‘‘Paduṭṭhacitto manujo, ekapāṇaṃ viheṭhayaṃ;
தேன சித்தப்பதோ³ஸேன, அபாயங் உபபஜ்ஜதி.
Tena cittappadosena, apāyaṃ upapajjati.
25.
25.
‘‘ஸங்கா³மஸீஸே நாகோ³வ, ப³ஹூ பாணே விஹேட²யங்;
‘‘Saṅgāmasīse nāgova, bahū pāṇe viheṭhayaṃ;
நிப்³பா³பேத² ஸகங் சித்தங், மா ஹஞ்ஞித்தோ² புனப்புனங்.
Nibbāpetha sakaṃ cittaṃ, mā haññittho punappunaṃ.
26.
26.
‘‘த்³வின்னம்பி யக்க²ராஜூனங், ஸேனா ஸா விம்ஹிதா அஹு 7;
‘‘Dvinnampi yakkharājūnaṃ, senā sā vimhitā ahu 8;
ஸரணஞ்ச உபாக³ச்சு²ங், லோகஜெட்ட²ங் ஸுதாதி³னங்.
Saraṇañca upāgacchuṃ, lokajeṭṭhaṃ sutādinaṃ.
27.
27.
பெக்க²மானோவ தே³வேஹி, பக்காமி உத்தராமுகோ².
Pekkhamānova devehi, pakkāmi uttarāmukho.
28.
28.
‘‘பட²மங் ஸரணங் க³ச்சி²ங், த்³விபதி³ந்த³ஸ்ஸ தாதி³னோ;
‘‘Paṭhamaṃ saraṇaṃ gacchiṃ, dvipadindassa tādino;
கப்பானங் ஸதஸஹஸ்ஸங், து³க்³க³திங் நுபபஜ்ஜஹங்.
Kappānaṃ satasahassaṃ, duggatiṃ nupapajjahaṃ.
29.
29.
‘‘மஹாது³ந்து³பி⁴னாமா ச, ஸோளஸாஸுங் ரதே²ஸபா⁴;
‘‘Mahādundubhināmā ca, soḷasāsuṃ rathesabhā;
திங்ஸகப்பஸஹஸ்ஸம்ஹி, ராஜானோ சக்கவத்தினோ.
Tiṃsakappasahassamhi, rājāno cakkavattino.
30.
30.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸரணக³மனியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā saraṇagamaniyo thero imā gāthāyo abhāsitthāti.
ஸரணக³மனியத்தே²ரஸ்ஸாபதா³னங் ததியங்.
Saraṇagamaniyattherassāpadānaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 3. ஸரணக³மனியத்தே²ரஅபதா³னவண்ணனா • 3. Saraṇagamaniyattheraapadānavaṇṇanā
