| Library / Tipiṭaka / တိပိဋက • Tipiṭaka / အပဒာနပာဠိ • Apadānapāḷi |
၉. သရဏဂမနိယတ္ထေရအပဒာနံ
9. Saraṇagamaniyattheraapadānaṃ
၃၄.
34.
‘‘အာရုဟိမ္ဟ တဒာ နာဝံ၊ ဘိက္ခု စာဇီဝကော စဟံ။
‘‘Āruhimha tadā nāvaṃ, bhikkhu cājīvako cahaṃ;
နာဝာယ ဘိဇ္ဇမာနာယ၊ ဘိက္ခု မေ သရဏံ အဒာ။
Nāvāya bhijjamānāya, bhikkhu me saraṇaṃ adā.
၃၅.
35.
‘‘ဧကတ္တိံသေ ဣတော ကပ္ပေ၊ ယဉ္စ မေ သရဏံ အဒာ။
‘‘Ekattiṃse ito kappe, yañca me saraṇaṃ adā;
ဒုဂ္ဂတိံ နာဘိဇာနာမိ၊ သရဏာဂမနေ ဖလံ။
Duggatiṃ nābhijānāmi, saraṇāgamane phalaṃ.
၃၆.
36.
‘‘ပဋိသမ္ဘိဒာ စတသ္သော။ပေ.။ ကတံ ဗုဒ္ဓသ္သ သာသနံ’’။
‘‘Paṭisambhidā catasso…pe… kataṃ buddhassa sāsanaṃ’’.
ဣတ္ထံ သုဒံ အာယသ္မာ သရဏဂမနိယော ထေရော ဣမာ ဂာထာယော အဘာသိတ္ထာတိ။
Itthaṃ sudaṃ āyasmā saraṇagamaniyo thero imā gāthāyo abhāsitthāti.
သရဏဂမနိယတ္ထေရသ္သာပဒာနံ နဝမံ။
Saraṇagamaniyattherassāpadānaṃ navamaṃ.
