Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. саран̣аг̇аманияад̇т̇зраабад̣̇аанаван̣н̣анаа
3. Saraṇagamaniyattheraapadānavaṇṇanā
убхиннам̣ д̣̇зварааж̇уунанд̇яаад̣̇игам̣ ааяасмад̇о саран̣аг̇аманияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро уббаннуббаннабхавз виваддуубаниссаяаани бун̃н̃аани убажинанд̇о бад̣̇умуд̇д̇арз бхаг̇авад̇и уббаннз аяам̣ химаванд̇з д̣̇зварааж̇аа худ̇ваа ниб̣б̣ад̇д̇и, д̇асмим̣ абарзна яагкад̣̇зваран̃н̃аа сад̣̇д̇хим̣ сан̇г̇аамад̇т̇ааяа убадтид̇з д̣̇вз анзгаяагкасахассабариваараа палагаавуд̇хаад̣̇ихад̇т̇аа сан̇г̇аамад̇т̇ааяа самубаб̣яуул̣хаа ахзсум̣. д̇ад̣̇аа бад̣̇умуд̇д̇аро бхаг̇аваа д̇зсу сад̇д̇зсу гаарун̃н̃ам̣ уббаад̣̇зд̇ваа аагаасзна д̇ад̇т̇а г̇анд̇ваа сабариваараанам̣ д̣̇виннам̣ д̣̇зварааж̇уунам̣ д̇хаммам̣ д̣̇зсзси. д̇ад̣̇аа д̇з саб̣б̣з палагаавуд̇хаани чад̣д̣зд̇ваа бхаг̇аванд̇ам̣ г̇аараваб̣ахумаанзна ванд̣̇ид̇ваа саран̣амаг̇амам̣су. д̇зсам̣ аяам̣ батамам̣ саран̣амаг̇амааси. со д̇зна бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇химанвааяа сад̇т̇ари басанно баб̣б̣аж̇ид̇ваа нажирассзва арахаа ахоси.
Ubhinnaṃdevarājūnantyādikaṃ āyasmato saraṇagamaniyattherassa apadānaṃ. Ayampi purimabuddhesu katādhikāro uppannuppannabhave vivaṭṭūpanissayāni puññāni upacinanto padumuttare bhagavati uppanne ayaṃ himavante devarājā hutvā nibbatti, tasmiṃ aparena yakkhadevaraññā saddhiṃ saṅgāmatthāya upaṭṭhite dve anekayakkhasahassaparivārā phalakāvudhādihatthā saṅgāmatthāya samupabyūḷhā ahesuṃ. Tadā padumuttaro bhagavā tesu sattesu kāruññaṃ uppādetvā ākāsena tattha gantvā saparivārānaṃ dvinnaṃ devarājūnaṃ dhammaṃ desesi. Tadā te sabbe phalakāvudhāni chaḍḍetvā bhagavantaṃ gāravabahumānena vanditvā saraṇamagamaṃsu. Tesaṃ ayaṃ paṭhamaṃ saraṇamagamāsi. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhimanvāya satthari pasanno pabbajitvā nacirasseva arahā ahosi.
20. со абарабхааг̇з буб̣б̣агусалам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о убхиннам̣ д̣̇зварааж̇уунанд̇иаад̣̇имааха. д̇ад̇т̇а сужиломакараломааал̣авагагумбхийрагувзраад̣̇аяо вияа наамаг̇од̇д̇зна абаагадаа д̣̇вз яагкарааж̇аано ан̃н̃аабад̣̇зсзна д̣̇ассзнд̇о ‘‘убхиннам̣ д̣̇зварааж̇ууна’’нд̇иаад̣̇имааха. сан̇г̇аамо самубадтид̇од̇и сам̣ судту г̇аамо галахад̇т̇ааяа убаг̇амананд̇и сан̇г̇аамо, со сан̇г̇аамо сам̣ судту убадтид̇о, згадтаанз убаг̇анд̇ваа тид̇од̇и ад̇т̇о. ахоси самубаб̣яуул̣ход̇и сам̣ судту убасамийбз раасибхууд̇од̇и ад̇т̇о.
20. So aparabhāge pubbakusalaṃ saritvā somanassajāto pubbacaritāpadānaṃ pakāsento ubhinnaṃ devarājūnantiādimāha. Tattha sucilomakharalomaāḷavakakumbhīrakuverādayo viya nāmagottena apākaṭā dve yakkharājāno aññāpadesena dassento ‘‘ubhinnaṃ devarājūna’’ntiādimāha. Saṅgāmo samupaṭṭhitoti saṃ suṭṭhu gāmo kalahatthāya upagamananti saṅgāmo, so saṅgāmo saṃ suṭṭhu upaṭṭhito, ekaṭṭhāne upagantvā ṭhitoti attho. Ahosi samupabyūḷhoti saṃ suṭṭhu upasamīpe rāsibhūtoti attho.
21. сам̣взж̇зси махааж̇ананд̇и д̇зсам̣ раасибхууд̇аанам̣ яагкаанам̣ аагаасз нисинно бхаг̇аваа жад̇усажжад̇хаммад̣̇зсанааяа сам̣ судту взж̇зси, аад̣̇ийнавад̣̇ассанзна г̇ан̣хаабзси вин̃н̃аабзси б̣од̇хзсийд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
21.Saṃvejesi mahājananti tesaṃ rāsibhūtānaṃ yakkhānaṃ ākāse nisinno bhagavā catusaccadhammadesanāya saṃ suṭṭhu vejesi, ādīnavadassanena gaṇhāpesi viññāpesi bodhesīti attho. Sesaṃ sabbattha uttānamevāti.
саран̣аг̇аманияад̇т̇зраабад̣̇аанаван̣н̣анаа самад̇д̇аа.
Saraṇagamaniyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. саран̣аг̇аманияад̇т̇зраабад̣̇аанам̣ • 3. Saraṇagamaniyattheraapadānaṃ