| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩. ਸਰਣਗਮਨਿਯਤ੍ਥੇਰਅਪਦਾਨવਣ੍ਣਨਾ
3. Saraṇagamaniyattheraapadānavaṇṇanā
ਉਭਿਨ੍ਨਂ ਦੇવਰਾਜੂਨਨ੍ਤ੍ਯਾਦਿਕਂ ਆਯਸ੍ਮਤੋ ਸਰਣਗਮਨਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਉਪ੍ਪਨ੍ਨੁਪ੍ਪਨ੍ਨਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰੇ ਭਗવਤਿ ਉਪ੍ਪਨ੍ਨੇ ਅਯਂ ਹਿਮવਨ੍ਤੇ ਦੇવਰਾਜਾ ਹੁਤ੍વਾ ਨਿਬ੍ਬਤ੍ਤਿ, ਤਸ੍ਮਿਂ ਅਪਰੇਨ ਯਕ੍ਖਦੇવਰਞ੍ਞਾ ਸਦ੍ਧਿਂ ਸਙ੍ਗਾਮਤ੍ਥਾਯ ਉਪਟ੍ਠਿਤੇ ਦ੍વੇ ਅਨੇਕਯਕ੍ਖਸਹਸ੍ਸਪਰਿવਾਰਾ ਫਲਕਾવੁਧਾਦਿਹਤ੍ਥਾ ਸਙ੍ਗਾਮਤ੍ਥਾਯ ਸਮੁਪਬ੍ਯੂਲ਼੍ਹਾ ਅਹੇਸੁਂ। ਤਦਾ ਪਦੁਮੁਤ੍ਤਰੋ ਭਗવਾ ਤੇਸੁ ਸਤ੍ਤੇਸੁ ਕਾਰੁਞ੍ਞਂ ਉਪ੍ਪਾਦੇਤ੍વਾ ਆਕਾਸੇਨ ਤਤ੍ਥ ਗਨ੍ਤ੍વਾ ਸਪਰਿવਾਰਾਨਂ ਦ੍વਿਨ੍ਨਂ ਦੇવਰਾਜੂਨਂ ਧਮ੍ਮਂ ਦੇਸੇਸਿ। ਤਦਾ ਤੇ ਸਬ੍ਬੇ ਫਲਕਾવੁਧਾਨਿ ਛਡ੍ਡੇਤ੍વਾ ਭਗવਨ੍ਤਂ ਗਾਰવਬਹੁਮਾਨੇਨ વਨ੍ਦਿਤ੍વਾ ਸਰਣਮਗਮਂਸੁ। ਤੇਸਂ ਅਯਂ ਪਠਮਂ ਸਰਣਮਗਮਾਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Ubhinnaṃdevarājūnantyādikaṃ āyasmato saraṇagamaniyattherassa apadānaṃ. Ayampi purimabuddhesu katādhikāro uppannuppannabhave vivaṭṭūpanissayāni puññāni upacinanto padumuttare bhagavati uppanne ayaṃ himavante devarājā hutvā nibbatti, tasmiṃ aparena yakkhadevaraññā saddhiṃ saṅgāmatthāya upaṭṭhite dve anekayakkhasahassaparivārā phalakāvudhādihatthā saṅgāmatthāya samupabyūḷhā ahesuṃ. Tadā padumuttaro bhagavā tesu sattesu kāruññaṃ uppādetvā ākāsena tattha gantvā saparivārānaṃ dvinnaṃ devarājūnaṃ dhammaṃ desesi. Tadā te sabbe phalakāvudhāni chaḍḍetvā bhagavantaṃ gāravabahumānena vanditvā saraṇamagamaṃsu. Tesaṃ ayaṃ paṭhamaṃ saraṇamagamāsi. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhimanvāya satthari pasanno pabbajitvā nacirasseva arahā ahosi.
੨੦. ਸੋ ਅਪਰਭਾਗੇ ਪੁਬ੍ਬਕੁਸਲਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਉਭਿਨ੍ਨਂ ਦੇવਰਾਜੂਨਨ੍ਤਿਆਦਿਮਾਹ। ਤਤ੍ਥ ਸੁਚਿਲੋਮਖਰਲੋਮਆਲ਼વਕਕੁਮ੍ਭੀਰਕੁવੇਰਾਦਯੋ વਿਯ ਨਾਮਗੋਤ੍ਤੇਨ ਅਪਾਕਟਾ ਦ੍વੇ ਯਕ੍ਖਰਾਜਾਨੋ ਅਞ੍ਞਾਪਦੇਸੇਨ ਦਸ੍ਸੇਨ੍ਤੋ ‘‘ਉਭਿਨ੍ਨਂ ਦੇવਰਾਜੂਨ’’ਨ੍ਤਿਆਦਿਮਾਹ। ਸਙ੍ਗਾਮੋ ਸਮੁਪਟ੍ਠਿਤੋਤਿ ਸਂ ਸੁਟ੍ਠੁ ਗਾਮੋ ਕਲਹਤ੍ਥਾਯ ਉਪਗਮਨਨ੍ਤਿ ਸਙ੍ਗਾਮੋ, ਸੋ ਸਙ੍ਗਾਮੋ ਸਂ ਸੁਟ੍ਠੁ ਉਪਟ੍ਠਿਤੋ, ਏਕਟ੍ਠਾਨੇ ਉਪਗਨ੍ਤ੍વਾ ਠਿਤੋਤਿ ਅਤ੍ਥੋ। ਅਹੋਸਿ ਸਮੁਪਬ੍ਯੂਲ਼੍ਹੋਤਿ ਸਂ ਸੁਟ੍ਠੁ ਉਪਸਮੀਪੇ ਰਾਸਿਭੂਤੋਤਿ ਅਤ੍ਥੋ।
20. So aparabhāge pubbakusalaṃ saritvā somanassajāto pubbacaritāpadānaṃ pakāsento ubhinnaṃ devarājūnantiādimāha. Tattha sucilomakharalomaāḷavakakumbhīrakuverādayo viya nāmagottena apākaṭā dve yakkharājāno aññāpadesena dassento ‘‘ubhinnaṃ devarājūna’’ntiādimāha. Saṅgāmo samupaṭṭhitoti saṃ suṭṭhu gāmo kalahatthāya upagamananti saṅgāmo, so saṅgāmo saṃ suṭṭhu upaṭṭhito, ekaṭṭhāne upagantvā ṭhitoti attho. Ahosi samupabyūḷhoti saṃ suṭṭhu upasamīpe rāsibhūtoti attho.
੨੧. ਸਂવੇਜੇਸਿ ਮਹਾਜਨਨ੍ਤਿ ਤੇਸਂ ਰਾਸਿਭੂਤਾਨਂ ਯਕ੍ਖਾਨਂ ਆਕਾਸੇ ਨਿਸਿਨ੍ਨੋ ਭਗવਾ ਚਤੁਸਚ੍ਚਧਮ੍ਮਦੇਸਨਾਯ ਸਂ ਸੁਟ੍ਠੁ વੇਜੇਸਿ, ਆਦੀਨવਦਸ੍ਸਨੇਨ ਗਣ੍ਹਾਪੇਸਿ વਿਞ੍ਞਾਪੇਸਿ ਬੋਧੇਸੀਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
21.Saṃvejesi mahājananti tesaṃ rāsibhūtānaṃ yakkhānaṃ ākāse nisinno bhagavā catusaccadhammadesanāya saṃ suṭṭhu vejesi, ādīnavadassanena gaṇhāpesi viññāpesi bodhesīti attho. Sesaṃ sabbattha uttānamevāti.
ਸਰਣਗਮਨਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Saraṇagamaniyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੩. ਸਰਣਗਮਨਿਯਤ੍ਥੇਰਅਪਦਾਨਂ • 3. Saraṇagamaniyattheraapadānaṃ
