| Library / Tipiṭaka / д̇ибидага • Tipiṭaka / куд̣̇д̣̇агабаата-адтагат̇аа • Khuddakapāṭha-aṭṭhakathā |
1. саран̣ад̇д̇аяаван̣н̣анаа
1. Saraṇattayavaṇṇanā
б̣уд̣̇д̇хавибхааванаа
Buddhavibhāvanā
ид̣̇аани яам̣ вуд̇д̇ам̣ ‘‘б̣уд̣̇д̇хам̣ саран̣аг̇аманам̣, г̇амаган̃жа вибхааваяз’’д̇и, д̇ад̇т̇а саб̣б̣ад̇хаммзсу аббадихад̇ан̃аан̣анимид̇д̇аануд̇д̇аравимогкаад̇хиг̇амабарибхаавид̇ам̣ канд̇хасанд̇аанамубаад̣̇ааяа, бан̃н̃ад̇д̇ид̇о саб̣б̣ан̃н̃уд̇ан̃н̃аан̣абад̣̇адтаанам̣ ваа сажжаабхисамб̣од̇химубаад̣̇ааяа бан̃н̃ад̇д̇ид̇о сад̇д̇ависзсо б̣уд̣̇д̇хо. яат̇ааха –
Idāni yaṃ vuttaṃ ‘‘buddhaṃ saraṇagamanaṃ, gamakañca vibhāvaye’’ti, tattha sabbadhammesu appaṭihatañāṇanimittānuttaravimokkhādhigamaparibhāvitaṃ khandhasantānamupādāya, paññattito sabbaññutaññāṇapadaṭṭhānaṃ vā saccābhisambodhimupādāya paññattito sattaviseso buddho. Yathāha –
‘‘б̣уд̣̇д̇ход̇и яо со бхаг̇аваа саяамбхуу анаажарияаго буб̣б̣з анануссуд̇зсу д̇хаммзсу саамам̣ сажжаани абхисамб̣уж̇жхи, д̇ад̇т̇а жа саб̣б̣ан̃н̃уд̇ам̣ бад̇д̇о, б̣алзсу жа васийбхаава’’нд̇и (махаани. 192; жуул̣ани. баарааяанад̇т̇уд̇иг̇аат̇аанид̣̇д̣̇зса 97; бади. ма. 1.161).
‘‘Buddhoti yo so bhagavā sayambhū anācariyako pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ patto, balesu ca vasībhāva’’nti (mahāni. 192; cūḷani. pārāyanatthutigāthāniddesa 97; paṭi. ma. 1.161).
аяам̣ д̇аава ад̇т̇ад̇о б̣уд̣̇д̇хавибхааванаа.
Ayaṃ tāva atthato buddhavibhāvanā.
б̣яан̃ж̇анад̇о бана ‘‘б̣уж̇жхид̇аад̇и б̣уд̣̇д̇хо, б̣од̇хзд̇аад̇и б̣уд̣̇д̇хо’’д̇и звамаад̣̇инаа наязна взд̣̇ид̇аб̣б̣о. вуд̇д̇ан̃жзд̇ам̣ –
Byañjanato pana ‘‘bujjhitāti buddho, bodhetāti buddho’’ti evamādinā nayena veditabbo. Vuttañcetaṃ –
‘‘б̣уд̣̇д̇ход̇и гзнадтзна б̣уд̣̇д̇хо? б̣уж̇жхид̇аа сажжаанийд̇и б̣уд̣̇д̇хо, б̣од̇хзд̇аа баж̇ааяаад̇и б̣уд̣̇д̇хо, саб̣б̣ан̃н̃уд̇ааяа б̣уд̣̇д̇хо, саб̣б̣ад̣̇ассаавид̇ааяа б̣уд̣̇д̇хо, анан̃н̃анзяяад̇ааяа б̣уд̣̇д̇хо, вигасид̇ааяа б̣уд̣̇д̇хо, кийн̣аасавасан̇каад̇зна б̣уд̣̇д̇хо, нирубаггилзсасан̇каад̇зна б̣уд̣̇д̇хо, зганд̇авийд̇арааг̇од̇и б̣уд̣̇д̇хо, зганд̇авийд̇ад̣̇осод̇и б̣уд̣̇д̇хо, зганд̇авийд̇амоход̇и б̣уд̣̇д̇хо, зганд̇аниггилзсод̇и б̣уд̣̇д̇хо, згааяанамаг̇г̇ам̣ г̇ад̇од̇и б̣уд̣̇д̇хо, зго ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и б̣уд̣̇д̇хо, аб̣уд̣̇д̇хивихад̇ад̇д̇аа б̣уд̣̇д̇хибадилаабхаа б̣уд̣̇д̇хо. б̣уд̣̇д̇ход̇и нзд̇ам̣ наамам̣ маад̇араа гад̇ам̣, на бид̇араа гад̇ам̣, на бхаад̇араа гад̇ам̣, на бхаг̇инияаа гад̇ам̣, на мид̇д̇аамажжзхи гад̇ам̣, на н̃аад̇исаалохид̇зхи гад̇ам̣, на саман̣аб̣раахман̣зхи гад̇ам̣, на д̣̇звад̇аахи гад̇ам̣, вимогканд̇игамзд̇ам̣ б̣уд̣̇д̇хаанам̣ бхаг̇аванд̇аанам̣ б̣од̇хияаа муулз саха саб̣б̣ан̃н̃уд̇ан̃н̃аан̣асса бадилаабхаа сажчигаа бан̃н̃ад̇д̇и яад̣̇ид̣̇ам̣ б̣уд̣̇д̇хо’’д̇и (махаани. 192; жуул̣ани. баарааяанад̇т̇уд̇иг̇аат̇аанид̣̇д̣̇зса 97; бади. ма. 1.162).
‘‘Buddhoti kenaṭṭhena buddho? Bujjhitā saccānīti buddho, bodhetā pajāyāti buddho, sabbaññutāya buddho, sabbadassāvitāya buddho, anaññaneyyatāya buddho, vikasitāya buddho, khīṇāsavasaṅkhātena buddho, nirupakkilesasaṅkhātena buddho, ekantavītarāgoti buddho, ekantavītadosoti buddho, ekantavītamohoti buddho, ekantanikkilesoti buddho, ekāyanamaggaṃ gatoti buddho, eko anuttaraṃ sammāsambodhiṃ abhisambuddhoti buddho, abuddhivihatattā buddhipaṭilābhā buddho. Buddhoti netaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ, vimokkhantikametaṃ buddhānaṃ bhagavantānaṃ bodhiyā mūle saha sabbaññutaññāṇassa paṭilābhā sacchikā paññatti yadidaṃ buddho’’ti (mahāni. 192; cūḷani. pārāyanatthutigāthāniddesa 97; paṭi. ma. 1.162).
зд̇т̇а жа яат̇аа логз аваг̇анд̇аа аваг̇ад̇од̇и вужжад̇и, звам̣ б̣уж̇жхид̇аа сажжаанийд̇и б̣уд̣̇д̇хо. яат̇аа бан̣н̣асосаа ваад̇аа бан̣н̣асусаад̇и вужжанд̇и, звам̣ б̣од̇хзд̇аа баж̇ааяаад̇и б̣уд̣̇д̇хо. саб̣б̣ан̃н̃уд̇ааяа б̣уд̣̇д̇ход̇и саб̣б̣ад̇хаммаб̣уж̇жханасамад̇т̇ааяа б̣уд̣̇д̇хияаа б̣уд̣̇д̇ход̇и вуд̇д̇ам̣ ход̇и. саб̣б̣ад̣̇ассаавид̇ааяа б̣уд̣̇д̇ход̇и саб̣б̣ад̇хаммаб̣од̇ханасамад̇т̇ааяа б̣уд̣̇д̇хияаа б̣уд̣̇д̇ход̇и вуд̇д̇ам̣ ход̇и. анан̃н̃анзяяад̇ааяа б̣уд̣̇д̇ход̇и ан̃н̃зна аб̣од̇хид̇о саяамзва б̣уд̣̇д̇хад̇д̇аа б̣уд̣̇д̇ход̇и вуд̇д̇ам̣ ход̇и. вигасид̇ааяа б̣уд̣̇д̇ход̇и наанааг̇ун̣авигасанад̇о бад̣̇умамива вигасанадтзна б̣уд̣̇д̇ход̇и вуд̇д̇ам̣ ход̇и. кийн̣аасавасан̇каад̇зна б̣уд̣̇д̇ход̇и звамаад̣̇ийхи жид̇д̇асан̇гожагарад̇хаммабахаанад̇о нид̣̇д̣̇аагкаяавиб̣уд̣̇д̇хо бурисо вияа саб̣б̣агилзсанид̣̇д̣̇аагкаяавиб̣уд̣̇д̇хад̇д̇аа б̣уд̣̇д̇ход̇и вуд̇д̇ам̣ ход̇и. згааяанамаг̇г̇ам̣ г̇ад̇од̇и б̣уд̣̇д̇ход̇и б̣уд̣̇д̇хияад̇т̇аанам̣ г̇аманад̇т̇абарияааяад̇о яат̇аа маг̇г̇ам̣ г̇ад̇оби бурисо г̇ад̇од̇и вужжад̇и, звам̣ згааяанамаг̇г̇ам̣ г̇ад̇ад̇д̇ааби б̣уд̣̇д̇ход̇и вужжад̇ийд̇и д̣̇ассзд̇ум̣ вуд̇д̇ам̣. зго ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и б̣уд̣̇д̇ход̇и на барзхи б̣уд̣̇д̇хад̇д̇аа б̣уд̣̇д̇хо, гинд̇у саяамзва ануд̇д̇арам̣ саммаасамб̣од̇хим̣ абхисамб̣уд̣̇д̇хад̇д̇аа б̣уд̣̇д̇ход̇и вуд̇д̇ам̣ ход̇и . аб̣уд̣̇д̇хивихад̇ад̇д̇аа б̣уд̣̇д̇хибадилаабхаа б̣уд̣̇д̇ход̇и б̣уд̣̇д̇хи б̣уд̣̇д̇хам̣ б̣од̇ход̇и барияааяаважанамзд̇ам̣. д̇ад̇т̇а яат̇аа нийларад̇д̇аг̇ун̣аяог̇ад̇о ‘‘нийло бадо, рад̇д̇о бадо’’д̇и вужжад̇и, звам̣ б̣уд̣̇д̇хиг̇ун̣аяог̇ад̇о б̣уд̣̇д̇ход̇и н̃аабзд̇ум̣ вуд̇д̇ам̣ ход̇и. д̇ад̇о барам̣ б̣уд̣̇д̇ход̇и нзд̇ам̣ нааманд̇и звамаад̣̇и ад̇т̇амануг̇ад̇аа аяам̣ бан̃н̃ад̇д̇ийд̇и б̣од̇ханад̇т̇ам̣ вуд̇д̇анд̇и зваруубзна наязна саб̣б̣зсам̣ бад̣̇аанам̣ б̣уд̣̇д̇хасад̣̇д̣̇асса саад̇ханасамад̇т̇о ад̇т̇о взд̣̇ид̇аб̣б̣о.
Ettha ca yathā loke avagantā avagatoti vuccati, evaṃ bujjhitā saccānīti buddho. Yathā paṇṇasosā vātā paṇṇasusāti vuccanti, evaṃ bodhetā pajāyāti buddho. Sabbaññutāya buddhoti sabbadhammabujjhanasamatthāya buddhiyā buddhoti vuttaṃ hoti. Sabbadassāvitāya buddhoti sabbadhammabodhanasamatthāya buddhiyā buddhoti vuttaṃ hoti. Anaññaneyyatāya buddhoti aññena abodhito sayameva buddhattā buddhoti vuttaṃ hoti. Vikasitāya buddhoti nānāguṇavikasanato padumamiva vikasanaṭṭhena buddhoti vuttaṃ hoti. Khīṇāsavasaṅkhātena buddhoti evamādīhi cittasaṅkocakaradhammapahānato niddākkhayavibuddho puriso viya sabbakilesaniddākkhayavibuddhattā buddhoti vuttaṃ hoti. Ekāyanamaggaṃ gatoti buddhoti buddhiyatthānaṃ gamanatthapariyāyato yathā maggaṃ gatopi puriso gatoti vuccati, evaṃ ekāyanamaggaṃ gatattāpi buddhoti vuccatīti dassetuṃ vuttaṃ. Eko anuttaraṃ sammāsambodhiṃ abhisambuddhoti buddhoti na parehi buddhattā buddho, kintu sayameva anuttaraṃ sammāsambodhiṃ abhisambuddhattā buddhoti vuttaṃ hoti . Abuddhivihatattā buddhipaṭilābhā buddhoti buddhi buddhaṃ bodhoti pariyāyavacanametaṃ. Tattha yathā nīlarattaguṇayogato ‘‘nīlo paṭo, ratto paṭo’’ti vuccati, evaṃ buddhiguṇayogato buddhoti ñāpetuṃ vuttaṃ hoti. Tato paraṃ buddhoti netaṃ nāmanti evamādi atthamanugatā ayaṃ paññattīti bodhanatthaṃ vuttanti evarūpena nayena sabbesaṃ padānaṃ buddhasaddassa sādhanasamattho attho veditabbo.
аяам̣ б̣яан̃ж̇анад̇оби б̣уд̣̇д̇хавибхааванаа.
Ayaṃ byañjanatopi buddhavibhāvanā.
саран̣аг̇аманаг̇амагавибхааванаа
Saraṇagamanagamakavibhāvanā
ид̣̇аани саран̣аг̇аманаад̣̇ийсу хим̣сад̇ийд̇и саран̣ам̣, саран̣аг̇ад̇аанам̣ д̇знзва саран̣аг̇аманзна бхаяам̣ санд̇аасам̣ д̣̇угкам̣ д̣̇уг̇г̇ад̇им̣ бариггилзсам̣ хим̣сад̇и вид̇хамад̇и нийхарад̇и нирод̇хзд̇ийд̇и ад̇т̇о. ат̇а ваа хид̇з бавад̇д̇анзна ахид̇аа жа нивад̇д̇анзна сад̇д̇аанам̣ бхаяам̣ хим̣сад̇ийд̇и б̣уд̣̇д̇хо, бхаваганд̇аараа уд̇д̇аран̣зна ассаасад̣̇аанзна жа д̇хаммо, аббагаанамби гаараанам̣ вибулапалабадилаабхагаран̣зна сан̇гхо. д̇асмаа иминааби барияааязна д̇ам̣ рад̇анад̇д̇аяам̣ саран̣ам̣. д̇аббасаад̣̇ад̇аг̇г̇аруд̇аахи вихад̇авид̣̇д̇хам̣сид̇агилзсо д̇аббарааяан̣ад̇аагаараббавад̇д̇о абараббажжаяо ваа жид̇д̇уббаад̣̇о саран̣аг̇аманам̣. д̇ам̣саман̇г̇ий сад̇д̇о д̇ам̣ саран̣ам̣ г̇ажчад̇и, вуд̇д̇аббагаарзна жид̇д̇уббаад̣̇зна ‘‘зса мз саран̣ам̣, зса мз барааяан̣а’’нд̇и звамзд̇ам̣ убзд̇ийд̇и ад̇т̇о . убзнд̇о жа ‘‘зд̇з маяам̣, бханд̇з, бхаг̇аванд̇ам̣ саран̣ам̣ г̇ажчаама, д̇хамман̃жа, убаасагз но бхаг̇аваа д̇хаарзд̇уу’’д̇и д̇абуссабхаллигаад̣̇аяо вияа самаад̣̇аанзна ваа, ‘‘сад̇т̇аа мз, бханд̇з, бхаг̇аваа, саавагохамасмий’’д̇и (сам̣. ни. 2.154) махаагассабаад̣̇аяо вияа сиссабхаавуубаг̇аманзна ваа, ‘‘звам̣ вуд̇д̇з б̣рахмааяу б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа д̇игкад̇д̇ум̣ уд̣̇аанам̣ уд̣̇аанзси ‘намо д̇асса бхаг̇авад̇о арахад̇о саммаасамб̣уд̣̇д̇хасса. намо д̇асса…бз… саммаасамб̣уд̣̇д̇хассаа’’’д̇и (ма. ни. 2.388) б̣рахмааяуаад̣̇аяо вияа д̇аббон̣ад̇д̇зна ваа, гаммадтаанаануяог̇ино вияа ад̇д̇асаннияяаад̇анзна ваа, арияабуг̇г̇алаа вияа саран̣аг̇аманубаггилзсасамужчзд̣̇зна ваад̇и анзгаббагаарам̣ висаяад̇о гижжад̇о жа убзд̇и.
Idāni saraṇagamanādīsu hiṃsatīti saraṇaṃ, saraṇagatānaṃ teneva saraṇagamanena bhayaṃ santāsaṃ dukkhaṃ duggatiṃ parikkilesaṃ hiṃsati vidhamati nīharati nirodhetīti attho. Atha vā hite pavattanena ahitā ca nivattanena sattānaṃ bhayaṃ hiṃsatīti buddho, bhavakantārā uttaraṇena assāsadānena ca dhammo, appakānampi kārānaṃ vipulaphalapaṭilābhakaraṇena saṅgho. Tasmā imināpi pariyāyena taṃ ratanattayaṃ saraṇaṃ. Tappasādataggarutāhi vihataviddhaṃsitakileso tapparāyaṇatākārappavatto aparappaccayo vā cittuppādo saraṇagamanaṃ. Taṃsamaṅgī satto taṃ saraṇaṃ gacchati, vuttappakārena cittuppādena ‘‘esa me saraṇaṃ, esa me parāyaṇa’’nti evametaṃ upetīti attho . Upento ca ‘‘ete mayaṃ, bhante, bhagavantaṃ saraṇaṃ gacchāma, dhammañca, upāsake no bhagavā dhāretū’’ti tapussabhallikādayo viya samādānena vā, ‘‘satthā me, bhante, bhagavā, sāvakohamasmī’’ti (saṃ. ni. 2.154) mahākassapādayo viya sissabhāvūpagamanena vā, ‘‘evaṃ vutte brahmāyu brāhmaṇo uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā tikkhattuṃ udānaṃ udānesi ‘namo tassa bhagavato arahato sammāsambuddhassa. Namo tassa…pe… sammāsambuddhassā’’’ti (ma. ni. 2.388) brahmāyuādayo viya tappoṇattena vā, kammaṭṭhānānuyogino viya attasanniyyātanena vā, ariyapuggalā viya saraṇagamanupakkilesasamucchedena vāti anekappakāraṃ visayato kiccato ca upeti.
аяам̣ саран̣аг̇аманасса г̇амагасса жа вибхааванаа.
Ayaṃ saraṇagamanassa gamakassa ca vibhāvanā.
бхзд̣̇аабхзд̣̇апалад̣̇ийбанаа
Bhedābhedaphaladīpanā
ид̣̇аани ‘‘бхзд̣̇аабхзд̣̇ам̣ палан̃жааби, г̇аманийяан̃жа д̣̇ийбаяз’’д̇и вуд̇д̇аанам̣ бхзд̣̇аад̣̇ийнам̣ аяам̣ д̣̇ийбанаа, звам̣ саран̣аг̇ад̇асса буг̇г̇аласса д̣̇увид̇хо саран̣аг̇аманабхзд̣̇о – сааваж̇ж̇о жа анаваж̇ж̇о жа. анаваж̇ж̇о гаалагирияааяа, сааваж̇ж̇о ан̃н̃асад̇т̇ари вуд̇д̇аббагаараббавад̇д̇ияаа, д̇асмин̃жа вуд̇д̇аббагааравибарийд̇аббавад̇д̇ияаа. со д̣̇увид̇хоби бут̇уж̇ж̇анаанамзва. б̣уд̣̇д̇хаг̇ун̣зсу ан̃н̃аан̣асам̣саяамижчаан̃аан̣аббавад̇д̇ияаа анаад̣̇араад̣̇иббавад̇д̇ияаа жа д̇зсам̣ саран̣ам̣ сам̣гилидтам̣ ход̇и. арияабуг̇г̇алаа бана абхиннасаран̣аа жзва асам̣гилидтасаран̣аа жа хонд̇и. яат̇ааха ‘‘адтаанамзд̇ам̣, бхигкавз, анавагаасо, яам̣ д̣̇идтисамбанно буг̇г̇ало ан̃н̃ам̣ сад̇т̇аарам̣ уд̣̇д̣̇исзяяаа’’д̇и (а. ни. 1.276; ма. ни. 3.128; вибха. 809). бут̇уж̇ж̇анаа д̇у яаавад̣̇зва саран̣абхзд̣̇ам̣ на баабун̣анд̇и, д̇аавад̣̇зва абхиннасаран̣аа. сааваж̇ж̇ова нзсам̣ саран̣абхзд̣̇о, сам̣гилзсо жа анидтапалад̣̇о ход̇и. анаваж̇ж̇о авибаагад̇д̇аа апало, абхзд̣̇о бана палад̇о идтамзва палам̣ д̣̇зд̇и.
Idāni ‘‘bhedābhedaṃ phalañcāpi, gamanīyañca dīpaye’’ti vuttānaṃ bhedādīnaṃ ayaṃ dīpanā, evaṃ saraṇagatassa puggalassa duvidho saraṇagamanabhedo – sāvajjo ca anavajjo ca. Anavajjo kālakiriyāya, sāvajjo aññasatthari vuttappakārappavattiyā, tasmiñca vuttappakāraviparītappavattiyā. So duvidhopi puthujjanānameva. Buddhaguṇesu aññāṇasaṃsayamicchāñāṇappavattiyā anādarādippavattiyā ca tesaṃ saraṇaṃ saṃkiliṭṭhaṃ hoti. Ariyapuggalā pana abhinnasaraṇā ceva asaṃkiliṭṭhasaraṇā ca honti. Yathāha ‘‘aṭṭhānametaṃ, bhikkhave, anavakāso, yaṃ diṭṭhisampanno puggalo aññaṃ satthāraṃ uddiseyyā’’ti (a. ni. 1.276; ma. ni. 3.128; vibha. 809). Puthujjanā tu yāvadeva saraṇabhedaṃ na pāpuṇanti, tāvadeva abhinnasaraṇā. Sāvajjova nesaṃ saraṇabhedo, saṃkileso ca aniṭṭhaphalado hoti. Anavajjo avipākattā aphalo, abhedo pana phalato iṭṭhameva phalaṃ deti.
яат̇ааха –
Yathāha –
‘‘язгзжи б̣уд̣̇д̇хам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣;
‘‘Yekeci buddhaṃ saraṇaṃ gatāse, na te gamissanti apāyabhūmiṃ;
бахааяа маанусам̣ д̣̇зхам̣, д̣̇звагааяам̣ барибуурзссанд̇ий’’д̇и. (д̣̇ий. ни. 2.332; сам̣. ни. 1.37);
Pahāya mānusaṃ dehaṃ, devakāyaṃ paripūressantī’’ti. (dī. ni. 2.332; saṃ. ni. 1.37);
д̇ад̇ра жа яз саран̣аг̇аманубаггилзсасамужчзд̣̇зна саран̣ам̣ г̇ад̇аа, д̇з абааяам̣ на г̇амиссанд̇и. ид̇арз бана саран̣аг̇аманзна на г̇амиссанд̇ийд̇и звам̣ г̇аат̇ааяа ад̇хиббааяо взд̣̇ид̇аб̣б̣о.
Tatra ca ye saraṇagamanupakkilesasamucchedena saraṇaṃ gatā, te apāyaṃ na gamissanti. Itare pana saraṇagamanena na gamissantīti evaṃ gāthāya adhippāyo veditabbo.
аяам̣ д̇аава бхзд̣̇аабхзд̣̇апалад̣̇ийбанаа.
Ayaṃ tāva bhedābhedaphaladīpanā.
г̇аманийяад̣̇ийбанаа
Gamanīyadīpanā
г̇аманийяад̣̇ийбанааяам̣ жод̣̇аго ааха – ‘‘б̣уд̣̇д̇хам̣ саран̣ам̣ г̇ажчаамий’’д̇и зд̇т̇а яо б̣уд̣̇д̇хам̣ саран̣ам̣ г̇ажчад̇и, зса б̣уд̣̇д̇хам̣ ваа г̇ажчзяяа саран̣ам̣ ваа, убхаяат̇ааби жа згасса важанам̣ нирад̇т̇агам̣. гасмаа? г̇аманагирияааяа гаммад̣̇ваяаабхаавад̇о. на хзд̇т̇а ‘‘аж̇ам̣ г̇аамам̣ нзд̇ий’’д̇иаад̣̇ийсу вияа д̣̇вигаммагад̇д̇ам̣ агкаражинд̇агаа ижчанд̇и.
Gamanīyadīpanāyaṃ codako āha – ‘‘buddhaṃ saraṇaṃ gacchāmī’’ti ettha yo buddhaṃ saraṇaṃ gacchati, esa buddhaṃ vā gaccheyya saraṇaṃ vā, ubhayathāpi ca ekassa vacanaṃ niratthakaṃ. Kasmā? Gamanakiriyāya kammadvayābhāvato. Na hettha ‘‘ajaṃ gāmaṃ netī’’tiādīsu viya dvikammakattaṃ akkharacintakā icchanti.
‘‘г̇ажчад̇зва буб̣б̣ам̣ д̣̇исам̣, г̇ажчад̇и бажчимам̣ д̣̇иса’’нд̇иаад̣̇ийсу (сам̣. ни. 1.159; 3.87) вияа саад̇т̇агамзваад̇и жз? на, б̣уд̣̇д̇хасаран̣аанам̣ самаанаад̇хигаран̣абхаавассаанад̇хиббзд̇ад̇о. зд̇зсан̃хи самаанаад̇хигаран̣абхаавз ад̇хиббзд̇з бадихад̇ажид̇д̇оби б̣уд̣̇д̇хам̣ убасан̇гаманд̇о б̣уд̣̇д̇хам̣ саран̣ам̣ г̇ад̇о сияаа. яан̃хи д̇ам̣ б̣уд̣̇д̇ход̇и висзсид̇ам̣ саран̣ам̣, д̇амзвзса г̇ад̇од̇и. ‘‘зд̇ам̣ ко саран̣ам̣ кзмам̣, зд̇ам̣ саран̣амуд̇д̇ама’’нд̇и (д̇ха. ба. 192) важанад̇о самаанаад̇хигаран̣ад̇д̇амзваад̇и жз? на, д̇ад̇т̇зва д̇аб̣бхаавад̇о. д̇ад̇т̇зва хи г̇аат̇аабад̣̇з зд̇ам̣ б̣уд̣̇д̇хаад̣̇ирад̇анад̇д̇аяам̣ саран̣аг̇ад̇аанам̣ бхаяахаран̣ад̇д̇асан̇каад̇з саран̣абхаавз аб̣яабхижаран̣ад̇о ‘‘кзмамуд̇д̇аман̃жа саран̣а’’нд̇и аяам̣ самаанаад̇хигаран̣абхааво ад̇хиббзд̇о, ан̃н̃ад̇т̇а д̇у г̇амисамб̣анд̇хз сад̇и саран̣аг̇аманасса аббасид̣̇д̇хид̇о анад̇хиббзд̇од̇и асаад̇хагамзд̇ам̣. ‘‘зд̇ам̣ саран̣амааг̇амма, саб̣б̣ад̣̇угкаа бамужжад̇ий’’д̇и зд̇т̇а г̇амисамб̣анд̇хзби саран̣аг̇аманабасид̣̇д̇хид̇о самаанаад̇хигаран̣ад̇д̇амзваад̇и жз? на буб̣б̣з вуд̇д̇ад̣̇осаббасан̇г̇ад̇о. д̇ад̇рааби хи самаанаад̇хигаран̣абхаавз сад̇и зд̇ам̣ б̣уд̣̇д̇хад̇хаммасан̇гхасаран̣ам̣ бадихад̇ажид̇д̇оби ааг̇амма саб̣б̣ад̣̇угкаа бамужжзяяаад̇и звам̣ буб̣б̣з вуд̇д̇ад̣̇осаббасан̇г̇о зва сияаа, на жа но д̣̇осзна ад̇т̇и ад̇т̇од̇и асаад̇хагамзд̇ам̣. яат̇аа ‘‘маман̃хи, аананд̣̇а, галяаан̣амид̇д̇ам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇ий’’д̇и (сам̣. ни. 1.129) зд̇т̇а бхаг̇авад̇о галяаан̣амид̇д̇асса аанубхаавзна баримужжамаанаа сад̇д̇аа ‘‘галяаан̣амид̇д̇ам̣ ааг̇амма баримужжанд̇ий’’д̇и вуд̇д̇аа. звамид̇хааби б̣уд̣̇д̇хад̇хаммасан̇гхасса саран̣ассаанубхаавзна мужжамаано ‘‘зд̇ам̣ саран̣амааг̇амма, саб̣б̣ад̣̇угкаа бамужжад̇ий’’д̇и вуд̇д̇од̇и звамзд̇т̇а ад̇хиббааяо взд̣̇ид̇аб̣б̣о.
‘‘Gacchateva pubbaṃ disaṃ, gacchati pacchimaṃ disa’’ntiādīsu (saṃ. ni. 1.159; 3.87) viya sātthakamevāti ce? Na, buddhasaraṇānaṃ samānādhikaraṇabhāvassānadhippetato. Etesañhi samānādhikaraṇabhāve adhippete paṭihatacittopi buddhaṃ upasaṅkamanto buddhaṃ saraṇaṃ gato siyā. Yañhi taṃ buddhoti visesitaṃ saraṇaṃ, tamevesa gatoti. ‘‘Etaṃ kho saraṇaṃ khemaṃ, etaṃ saraṇamuttama’’nti (dha. pa. 192) vacanato samānādhikaraṇattamevāti ce? Na, tattheva tabbhāvato. Tattheva hi gāthāpade etaṃ buddhādiratanattayaṃ saraṇagatānaṃ bhayaharaṇattasaṅkhāte saraṇabhāve abyabhicaraṇato ‘‘khemamuttamañca saraṇa’’nti ayaṃ samānādhikaraṇabhāvo adhippeto, aññattha tu gamisambandhe sati saraṇagamanassa appasiddhito anadhippetoti asādhakametaṃ. ‘‘Etaṃ saraṇamāgamma, sabbadukkhā pamuccatī’’ti ettha gamisambandhepi saraṇagamanapasiddhito samānādhikaraṇattamevāti ce? Na pubbe vuttadosappasaṅgato. Tatrāpi hi samānādhikaraṇabhāve sati etaṃ buddhadhammasaṅghasaraṇaṃ paṭihatacittopi āgamma sabbadukkhā pamucceyyāti evaṃ pubbe vuttadosappasaṅgo eva siyā, na ca no dosena atthi atthoti asādhakametaṃ. Yathā ‘‘mamañhi, ānanda, kalyāṇamittaṃ āgamma jātidhammā sattā jātiyā parimuccantī’’ti (saṃ. ni. 1.129) ettha bhagavato kalyāṇamittassa ānubhāvena parimuccamānā sattā ‘‘kalyāṇamittaṃ āgamma parimuccantī’’ti vuttā. Evamidhāpi buddhadhammasaṅghassa saraṇassānubhāvena muccamāno ‘‘etaṃ saraṇamāgamma, sabbadukkhā pamuccatī’’ti vuttoti evamettha adhippāyo veditabbo.
звам̣ саб̣б̣ат̇ааби на б̣уд̣̇д̇хасса г̇аманийяад̇д̇ам̣ яуж̇ж̇ад̇и, на саран̣асса, на убхаязсам̣, ижчид̇аб̣б̣ан̃жа г̇ажчаамийд̇и нид̣̇д̣̇идтасса г̇амагасса г̇аманийяам̣, д̇ад̇о вад̇д̇аб̣б̣аа зд̇т̇а яуд̇д̇ийд̇и. вужжад̇з –
Evaṃ sabbathāpi na buddhassa gamanīyattaṃ yujjati, na saraṇassa, na ubhayesaṃ, icchitabbañca gacchāmīti niddiṭṭhassa gamakassa gamanīyaṃ, tato vattabbā ettha yuttīti. Vuccate –
б̣уд̣̇д̇хоязвзд̇т̇а г̇аманийяо, г̇аманаагаарад̣̇ассанад̇т̇ам̣ д̇у д̇ам̣ саран̣аважанам̣, б̣уд̣̇д̇хам̣ саран̣анд̇и г̇ажчаами. зса мз саран̣ам̣, зса мз барааяан̣ам̣, агхасса, д̇аад̇аа, хид̇асса жа вид̇хаад̇аад̇и иминаа ад̇хиббааязна зд̇ам̣ г̇ажчаами бхаж̇аами сзваами баяирубаасаами, звам̣ ваа ж̇аанаами б̣уж̇жхаамийд̇и. язсан̃хи д̇хаад̇уунам̣ г̇ад̇иад̇т̇о б̣уд̣̇д̇хиби д̇зсам̣ ад̇т̇од̇и. ид̇и-сад̣̇д̣̇асса аббаяог̇аа аяуд̇д̇амид̇и жз? д̇ам̣ на. д̇ад̇т̇а сияаа – яад̣̇и жзд̇т̇а звамад̇т̇о бхавзяяа, д̇ад̇о ‘‘анижжам̣ руубам̣ анижжам̣ руубанд̇и яат̇аабхууд̇ам̣ баж̇аанаад̇ий’’д̇и звамаад̣̇ийсу (сам̣. ни. 3.55, 85) вияа ид̇и-сад̣̇д̣̇о баяуд̇д̇о сияаа, на жа баяуд̇д̇о, д̇асмаа аяуд̇д̇амзд̇анд̇и. д̇ан̃жа на, гасмаа? д̇ад̣̇ад̇т̇асамбхаваа. ‘‘яо жа б̣уд̣̇д̇хан̃жа д̇хамман̃жа сан̇гхан̃жа саран̣ам̣ г̇ад̇о’’д̇и звамаад̣̇ийсу (д̇ха. ба. 190) вияа ид̇хааби ид̇и-сад̣̇д̣̇асса ад̇т̇о самбхавад̇и, на жа виж̇ж̇амаанад̇т̇асамбхаваа ид̇и-сад̣̇д̣̇аа саб̣б̣ад̇т̇а баяуж̇ж̇анд̇и, аббаяуд̇д̇ассаабзд̇т̇а баяуд̇д̇асса вияа ид̇и-сад̣̇д̣̇асса ад̇т̇о вин̃н̃аад̇аб̣б̣о ан̃н̃зсу жа звам̣ж̇аад̇игзсу, д̇асмаа ад̣̇осо зва сод̇и. ‘‘ануж̇аанаами, бхигкавз, д̇ийхи саран̣аг̇аманзхи баб̣б̣аж̇ж̇а’’нд̇иаад̣̇ийсу (махаава. 34) саран̣ассзва г̇аманийяад̇о яам̣ вуд̇д̇ам̣ ‘‘г̇аманаагаарад̣̇ассанад̇т̇ам̣ д̇у саран̣аважана’’нд̇и, д̇ам̣ на яуд̇д̇амид̇и жз. д̇ам̣ нааяуд̇д̇ам̣. гасмаа? д̇ад̣̇ад̇т̇асамбхаваа зва. д̇ад̇рааби хи д̇асса ад̇т̇о самбхавад̇и, яад̇о буб̣б̣асад̣̇исамзва аббаяуд̇д̇оби баяуд̇д̇о вияа взд̣̇ид̇аб̣б̣о. ид̇арат̇аа хи буб̣б̣з вуд̇д̇ад̣̇осаббасан̇г̇о зва сияаа, д̇асмаа яат̇аанусидтамзва г̇ахзд̇аб̣б̣ам̣.
Buddhoyevettha gamanīyo, gamanākāradassanatthaṃ tu taṃ saraṇavacanaṃ, buddhaṃ saraṇanti gacchāmi. Esa me saraṇaṃ, esa me parāyaṇaṃ, aghassa, tātā, hitassa ca vidhātāti iminā adhippāyena etaṃ gacchāmi bhajāmi sevāmi payirupāsāmi, evaṃ vā jānāmi bujjhāmīti. Yesañhi dhātūnaṃ gatiattho buddhipi tesaṃ atthoti. Iti-saddassa appayogā ayuttamiti ce? Taṃ na. Tattha siyā – yadi cettha evamattho bhaveyya, tato ‘‘aniccaṃ rūpaṃ aniccaṃ rūpanti yathābhūtaṃ pajānātī’’ti evamādīsu (saṃ. ni. 3.55, 85) viya iti-saddo payutto siyā, na ca payutto, tasmā ayuttametanti. Tañca na, kasmā? Tadatthasambhavā. ‘‘Yo ca buddhañca dhammañca saṅghañca saraṇaṃ gato’’ti evamādīsu (dha. pa. 190) viya idhāpi iti-saddassa attho sambhavati, na ca vijjamānatthasambhavā iti-saddā sabbattha payujjanti, appayuttassāpettha payuttassa viya iti-saddassa attho viññātabbo aññesu ca evaṃjātikesu, tasmā adoso eva soti. ‘‘Anujānāmi, bhikkhave, tīhi saraṇagamanehi pabbajja’’ntiādīsu (mahāva. 34) saraṇasseva gamanīyato yaṃ vuttaṃ ‘‘gamanākāradassanatthaṃ tu saraṇavacana’’nti, taṃ na yuttamiti ce. Taṃ nāyuttaṃ. Kasmā? Tadatthasambhavā eva. Tatrāpi hi tassa attho sambhavati, yato pubbasadisameva appayuttopi payutto viya veditabbo. Itarathā hi pubbe vuttadosappasaṅgo eva siyā, tasmā yathānusiṭṭhameva gahetabbaṃ.
аяам̣ г̇аманийяад̣̇ийбанаа.
Ayaṃ gamanīyadīpanā.
д̇хаммасан̇гхасаран̣авибхааванаа
Dhammasaṅghasaraṇavibhāvanā
ид̣̇аани яам̣ вуд̇д̇ам̣ ‘‘д̇хаммам̣ саран̣амижжаад̣̇и, д̣̇ваязбзса наяо мад̇о’’д̇и зд̇т̇а вужжад̇з – явааяам̣ ‘‘б̣уд̣̇д̇хам̣ саран̣ам̣ г̇ажчаамий’’д̇и зд̇т̇а ад̇т̇аван̣н̣анаанаяо вуд̇д̇о, ‘‘д̇хаммам̣ саран̣ам̣ г̇ажчаами, сан̇гхам̣ саран̣ам̣ г̇ажчаамий’’д̇и зд̇асмимби бад̣̇ад̣̇ваяз зсова взд̣̇ид̇аб̣б̣о. д̇ад̇рааби хи д̇хаммасан̇гхаанам̣ ад̇т̇ад̇о б̣яан̃ж̇анад̇о жа вибхааванамад̇д̇амзва асад̣̇исам̣, сзсам̣ вуд̇д̇асад̣̇исамзва. яад̇о яад̣̇звзд̇т̇а асад̣̇исам̣, д̇ам̣ вужжад̇з – маг̇г̇апаланиб̣б̣аанаани д̇хаммод̇и згз. бхаавид̇амаг̇г̇аанам̣ сажчигад̇аниб̣б̣аанаанан̃жа абааязсу абад̇анабхаавзна д̇хааран̣ад̇о барамассаасавид̇хаанад̇о жа маг̇г̇авирааг̇аа зва имасмим̣ ад̇т̇з д̇хаммод̇и амхаагам̣ канд̇и, аг̇г̇аббасаад̣̇асуд̇д̇ан̃жзва саад̇хагам̣. вуд̇д̇ан̃жзд̇т̇а ‘‘яаавад̇аа, бхигкавз, д̇хаммаа сан̇кад̇аа , арияо адтан̇г̇иго маг̇г̇о д̇зсам̣ аг̇г̇амагкааяад̇ий’’д̇и звамаад̣̇и (а. ни. 4.34; ид̇иву. 90).
Idāni yaṃ vuttaṃ ‘‘dhammaṃ saraṇamiccādi, dvayepesa nayo mato’’ti ettha vuccate – yvāyaṃ ‘‘buddhaṃ saraṇaṃ gacchāmī’’ti ettha atthavaṇṇanānayo vutto, ‘‘dhammaṃ saraṇaṃ gacchāmi, saṅghaṃ saraṇaṃ gacchāmī’’ti etasmimpi padadvaye esova veditabbo. Tatrāpi hi dhammasaṅghānaṃ atthato byañjanato ca vibhāvanamattameva asadisaṃ, sesaṃ vuttasadisameva. Yato yadevettha asadisaṃ, taṃ vuccate – maggaphalanibbānāni dhammoti eke. Bhāvitamaggānaṃ sacchikatanibbānānañca apāyesu apatanabhāvena dhāraṇato paramassāsavidhānato ca maggavirāgā eva imasmiṃ atthe dhammoti amhākaṃ khanti, aggappasādasuttañceva sādhakaṃ. Vuttañcettha ‘‘yāvatā, bhikkhave, dhammā saṅkhatā , ariyo aṭṭhaṅgiko maggo tesaṃ aggamakkhāyatī’’ti evamādi (a. ni. 4.34; itivu. 90).
жад̇уб̣б̣ид̇хаарияамаг̇г̇асаман̇г̇ийнам̣ жад̇усааман̃н̃апаласамад̇хиваасид̇аканд̇хасанд̇аанаанан̃жа буг̇г̇алаанам̣ самуухо д̣̇идтисийласан̇гхаад̇зна сам̣хад̇ад̇д̇аа сан̇гхо. вуд̇д̇ан̃жзд̇ам̣ бхаг̇авад̇аа –
Catubbidhaariyamaggasamaṅgīnaṃ catusāmaññaphalasamadhivāsitakhandhasantānānañca puggalānaṃ samūho diṭṭhisīlasaṅghātena saṃhatattā saṅgho. Vuttañcetaṃ bhagavatā –
‘‘д̇ам̣ гим̣ ман̃н̃аси, аананд̣̇а, яз во маяаа д̇хаммаа абхин̃н̃аа д̣̇зсид̇аа, сзяяат̇ид̣̇ам̣, жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇аа, арияо адтан̇г̇иго маг̇г̇о, бассаси но д̇вам̣, аананд̣̇а, имзсу д̇хаммзсу д̣̇взби бхигкуу наанааваад̣̇з’’д̇и (ма. ни. 3.43).
‘‘Taṃ kiṃ maññasi, ānanda, ye vo mayā dhammā abhiññā desitā, seyyathidaṃ, cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo, passasi no tvaṃ, ānanda, imesu dhammesu dvepi bhikkhū nānāvāde’’ti (ma. ni. 3.43).
аяан̃хи барамад̇т̇асан̇гхо саран̣анд̇и г̇аманийяо. суд̇д̇з жа ‘‘аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’’д̇и (ид̇иву. 90; а. ни. 4.34, 181) вуд̇д̇о. зд̇ам̣ бана саран̣ам̣ г̇ад̇асса ан̃н̃асмимби бхигкусан̇гхз ваа бхигкунисан̇гхз ваа б̣уд̣̇д̇хаббамукз ваа сан̇гхз саммуд̇исан̇гхз ваа жад̇уваг̇г̇аад̣̇ибхзд̣̇з згабуг̇г̇алзби ваа бхаг̇аванд̇ам̣ уд̣̇д̣̇исса баб̣б̣аж̇ид̇з ванд̣̇анаад̣̇игирияааяа саран̣аг̇аманам̣ нзва бхиж̇ж̇ад̇и на сам̣гилиссад̇и, аяамзд̇т̇а висзсо. вуд̇д̇аавасзсанд̇у имасса д̣̇уд̇ияасса жа саран̣аг̇аманасса бхзд̣̇аабхзд̣̇аад̣̇ивид̇хаанам̣ буб̣б̣з вуд̇д̇анаязнзва взд̣̇ид̇аб̣б̣ам̣. аяам̣ д̇аава ‘‘д̇хаммам̣ саран̣амижжаад̣̇и, д̣̇ваязбзса наяо мад̇о’’д̇и зд̇асса ван̣н̣анаа.
Ayañhi paramatthasaṅgho saraṇanti gamanīyo. Sutte ca ‘‘āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’’ti (itivu. 90; a. ni. 4.34, 181) vutto. Etaṃ pana saraṇaṃ gatassa aññasmimpi bhikkhusaṅghe vā bhikkhunisaṅghe vā buddhappamukhe vā saṅghe sammutisaṅghe vā catuvaggādibhede ekapuggalepi vā bhagavantaṃ uddissa pabbajite vandanādikiriyāya saraṇagamanaṃ neva bhijjati na saṃkilissati, ayamettha viseso. Vuttāvasesantu imassa dutiyassa ca saraṇagamanassa bhedābhedādividhānaṃ pubbe vuttanayeneva veditabbaṃ. Ayaṃ tāva ‘‘dhammaṃ saraṇamiccādi, dvayepesa nayo mato’’ti etassa vaṇṇanā.
анубуб̣б̣ававад̇т̇аанагааран̣анид̣̇д̣̇зсо
Anupubbavavatthānakāraṇaniddeso
ид̣̇аани анубуб̣б̣ававад̇т̇аанз, гааран̣ан̃жа винид̣̇д̣̇исзд̇и зд̇т̇а зд̇зсу жа д̇ийсу саран̣аважанзсу саб̣б̣асад̇д̇аанам̣ аг̇г̇од̇и гад̇ваа батамам̣ б̣уд̣̇д̇хо, д̇аббабхавад̇о д̇ад̣̇убад̣̇зсид̇ад̇о жа ананд̇арам̣ д̇хаммо, д̇асса д̇хаммасса аад̇хаарагад̇о д̇ад̣̇аасзванад̇о жа анд̇з сан̇гхо. саб̣б̣асад̇д̇аанам̣ ваа хид̇з нияож̇агод̇и гад̇ваа батамам̣ б̣уд̣̇д̇хо, д̇аббабхавад̇о саб̣б̣асад̇д̇ахид̇ад̇д̇аа ананд̇арам̣ д̇хаммо, хид̇аад̇хиг̇амааяа бадибанно ад̇хиг̇ад̇ахид̇о жаад̇и гад̇ваа анд̇з сан̇гхо саран̣абхаавзна вавад̇т̇абзд̇ваа багаасид̇од̇и звам̣ анубуб̣б̣ававад̇т̇аанз гааран̣ан̃жа винид̣̇д̣̇исз.
Idāni anupubbavavatthāne, kāraṇañca viniddiseti ettha etesu ca tīsu saraṇavacanesu sabbasattānaṃ aggoti katvā paṭhamaṃ buddho, tappabhavato tadupadesitato ca anantaraṃ dhammo, tassa dhammassa ādhārakato tadāsevanato ca ante saṅgho. Sabbasattānaṃ vā hite niyojakoti katvā paṭhamaṃ buddho, tappabhavato sabbasattahitattā anantaraṃ dhammo, hitādhigamāya paṭipanno adhigatahito cāti katvā ante saṅgho saraṇabhāvena vavatthapetvā pakāsitoti evaṃ anupubbavavatthāne kāraṇañca viniddise.
убамаабагаасанаа
Upamāpakāsanā
ид̣̇аани яамби вуд̇д̇ам̣ ‘‘саран̣ад̇д̇аяамзд̇ан̃жа, убамаахи багаасаяз’’д̇и , д̇амби вужжад̇з – зд̇т̇а бана бун̣н̣ажанд̣̇о вияа б̣уд̣̇д̇хо, жанд̣̇агиран̣анигаро вияа д̇зна д̣̇зсид̇о д̇хаммо, бун̣н̣ажанд̣̇агиран̣асамуббаад̣̇ид̇абийн̣ид̇о лого вияа сан̇гхо. б̣ааласуурияо вияа б̣уд̣̇д̇хо, д̇асса расмиж̇ааламива вуд̇д̇аббагааро д̇хаммо, д̇зна вихад̇анд̇хагааро лого вияа сан̇гхо. ванад̣̇аахагабурисо вияа б̣уд̣̇д̇хо, ванад̣̇аханаг̇г̇и вияа гилзсаванад̣̇ахано д̇хаммо, д̣̇ад̣дхаванад̇д̇аа кзд̇д̇абхууд̇о вияа бхуумибхааг̇о д̣̇ад̣дхагилзсад̇д̇аа бун̃н̃агкзд̇д̇абхууд̇о сан̇гхо. махаамзгхо вияа б̣уд̣̇д̇хо, салилавудти вияа д̇хаммо, вудтинибаад̇уубасамид̇арзн̣у вияа ж̇анабад̣̇о убасамид̇агилзсарзн̣у сан̇гхо. сусаарат̇и вияа б̣уд̣̇д̇хо, ассааж̇аанийяавинаяуубааяо вияа д̇хаммо, сувинийд̇ассааж̇аанийяасамуухо вияа сан̇гхо. саб̣б̣ад̣̇идтисаллуд̣̇д̇харан̣ад̇о саллагад̇д̇о вияа б̣уд̣̇д̇хо, саллуд̣̇д̇харан̣уубааяо вияа д̇хаммо, самуд̣̇д̇хадасалло вияа ж̇ано самуд̣̇д̇хадад̣̇идтисалло сан̇гхо. мохабадаласамуббааданад̇о ваа саалаагияо вияа б̣уд̣̇д̇хо, бадаласамуббааданубааяо вияа д̇хаммо, самуббаадид̇абадало виббасанналожано вияа ж̇ано самуббаадид̇амохабадало виббасаннан̃аан̣аложано сан̇гхо. саанусаяагилзсаб̣яаад̇хихаран̣асамад̇т̇ад̇ааяа ваа гусало взж̇ж̇о вияа б̣уд̣̇д̇хо, саммаа баяуд̇д̇абхзсаж̇ж̇амива д̇хаммо, бхзсаж̇ж̇абаяог̇зна самубасанд̇аб̣яаад̇хи вияа ж̇анасамуд̣̇ааяо самубасанд̇агилзсаб̣яаад̇хаанусаяо сан̇гхо.
Idāni yampi vuttaṃ ‘‘saraṇattayametañca, upamāhi pakāsaye’’ti , tampi vuccate – ettha pana puṇṇacando viya buddho, candakiraṇanikaro viya tena desito dhammo, puṇṇacandakiraṇasamuppāditapīṇito loko viya saṅgho. Bālasūriyo viya buddho, tassa rasmijālamiva vuttappakāro dhammo, tena vihatandhakāro loko viya saṅgho. Vanadāhakapuriso viya buddho, vanadahanaggi viya kilesavanadahano dhammo, daḍḍhavanattā khettabhūto viya bhūmibhāgo daḍḍhakilesattā puññakkhettabhūto saṅgho. Mahāmegho viya buddho, salilavuṭṭhi viya dhammo, vuṭṭhinipātūpasamitareṇu viya janapado upasamitakilesareṇu saṅgho. Susārathi viya buddho, assājānīyavinayūpāyo viya dhammo, suvinītassājānīyasamūho viya saṅgho. Sabbadiṭṭhisalluddharaṇato sallakatto viya buddho, salluddharaṇūpāyo viya dhammo, samuddhaṭasallo viya jano samuddhaṭadiṭṭhisallo saṅgho. Mohapaṭalasamuppāṭanato vā sālākiyo viya buddho, paṭalasamuppāṭanupāyo viya dhammo, samuppāṭitapaṭalo vippasannalocano viya jano samuppāṭitamohapaṭalo vippasannañāṇalocano saṅgho. Sānusayakilesabyādhiharaṇasamatthatāya vā kusalo vejjo viya buddho, sammā payuttabhesajjamiva dhammo, bhesajjapayogena samupasantabyādhi viya janasamudāyo samupasantakilesabyādhānusayo saṅgho.
ат̇а ваа суд̣̇зсаго вияа б̣уд̣̇д̇хо, сумаг̇г̇о вияа кзманд̇абхууми вияа жа д̇хаммо, маг̇г̇аббадибанно кзманд̇абхуумиббад̇д̇о вияа сан̇гхо. сунаавиго вияа б̣уд̣̇д̇хо, нааваа вияа д̇хаммо, баараббад̇д̇о самбад̇д̇иго вияа ж̇ано сан̇гхо. химаваа вияа б̣уд̣̇д̇хо, д̇аббабхавосад̇хамива д̇хаммо, осад̇хуубабхог̇зна нираамаяо вияа ж̇ано сан̇гхо. д̇ханад̣̇о вияа б̣уд̣̇д̇хо, д̇ханам̣ вияа д̇хаммо, яат̇аад̇хиббааяам̣ лад̣̇д̇хад̇хано вияа ж̇ано саммаалад̣̇д̇хаарияад̇хано сан̇гхо. нид̇хид̣̇ассанаго вияа б̣уд̣̇д̇хо, нид̇хи вияа д̇хаммо, нид̇хиббад̇д̇о вияа ж̇ано сан̇гхо.
Atha vā sudesako viya buddho, sumaggo viya khemantabhūmi viya ca dhammo, maggappaṭipanno khemantabhūmippatto viya saṅgho. Sunāviko viya buddho, nāvā viya dhammo, pārappatto sampattiko viya jano saṅgho. Himavā viya buddho, tappabhavosadhamiva dhammo, osadhūpabhogena nirāmayo viya jano saṅgho. Dhanado viya buddho, dhanaṃ viya dhammo, yathādhippāyaṃ laddhadhano viya jano sammāladdhaariyadhano saṅgho. Nidhidassanako viya buddho, nidhi viya dhammo, nidhippatto viya jano saṅgho.
абижа абхаяад̣̇о вияа вийрабурисо б̣уд̣̇д̇хо, абхаяамива д̇хаммо, самбад̇д̇аабхаяо вияа ж̇ано ажжанд̇асаб̣б̣абхаяо сан̇гхо. ассаасаго вияа б̣уд̣̇д̇хо, ассаасо вияа д̇хаммо, ассад̇т̇аж̇ано вияа сан̇гхо. сумид̇д̇о вияа б̣уд̣̇д̇хо, хид̇уубад̣̇зсо вияа д̇хаммо, хид̇уубаяог̇зна бад̇д̇асад̣̇ад̇т̇о вияа ж̇ано сан̇гхо. д̇ханаагаро вияа б̣уд̣̇д̇хо, д̇ханасааро вияа д̇хаммо, д̇ханасааруубабхог̇о вияа ж̇ано сан̇гхо. рааж̇агумааранхаабаго вияа б̣уд̣̇д̇хо, сийсанхаанасалилам̣ вияа д̇хаммо, сунхаад̇арааж̇агумаараваг̇г̇о вияа сад̣̇д̇хаммасалиласунхаад̇о сан̇гхо. алан̇гаарагаараго вияа б̣уд̣̇д̇хо, алан̇гааро вияа д̇хаммо, алан̇гад̇арааж̇абуд̇д̇аг̇ан̣о вияа сад̣̇д̇хаммаалан̇гад̇о сан̇гхо. жанд̣̇анаругко вияа б̣уд̣̇д̇хо, д̇аббабхаваг̇анд̇хо вияа д̇хаммо, жанд̣̇анубабхог̇зна санд̇абарил̣аахо вияа ж̇ано сад̣̇д̇хаммуубабхог̇зна санд̇абарил̣аахо сан̇гхо. д̣̇ааяаж̇ж̇асамбад̣̇аанаго вияа бид̇аа б̣уд̣̇д̇хо, д̣̇ааяаж̇ж̇ам̣ вияа д̇хаммо, д̣̇ааяаж̇ж̇ахаро буд̇д̇аваг̇г̇о вияа сад̣̇д̇хаммад̣̇ааяаж̇ж̇ахаро сан̇гхо. вигасид̇абад̣̇умам̣ вияа б̣уд̣̇д̇хо, д̇аббабхавамад̇ху вияа д̇хаммо, д̇ад̣̇убабхог̇ийбхамараг̇ан̣о вияа сан̇гхо. звам̣ саран̣ад̇д̇аяамзд̇ан̃жа, убамаахи багаасаяз.
Apica abhayado viya vīrapuriso buddho, abhayamiva dhammo, sampattābhayo viya jano accantasabbabhayo saṅgho. Assāsako viya buddho, assāso viya dhammo, assatthajano viya saṅgho. Sumitto viya buddho, hitūpadeso viya dhammo, hitūpayogena pattasadattho viya jano saṅgho. Dhanākaro viya buddho, dhanasāro viya dhammo, dhanasārūpabhogo viya jano saṅgho. Rājakumāranhāpako viya buddho, sīsanhānasalilaṃ viya dhammo, sunhātarājakumāravaggo viya saddhammasalilasunhāto saṅgho. Alaṅkārakārako viya buddho, alaṅkāro viya dhammo, alaṅkatarājaputtagaṇo viya saddhammālaṅkato saṅgho. Candanarukkho viya buddho, tappabhavagandho viya dhammo, candanupabhogena santapariḷāho viya jano saddhammūpabhogena santapariḷāho saṅgho. Dāyajjasampadānako viya pitā buddho, dāyajjaṃ viya dhammo, dāyajjaharo puttavaggo viya saddhammadāyajjaharo saṅgho. Vikasitapadumaṃ viya buddho, tappabhavamadhu viya dhammo, tadupabhogībhamaragaṇo viya saṅgho. Evaṃ saraṇattayametañca, upamāhi pakāsaye.
зд̇д̇аавад̇аа жа яаа буб̣б̣з ‘‘гзна гад̇т̇а гад̣̇аа гасмаа, бхаасид̇ам̣ саран̣ад̇д̇аяа’’нд̇иаад̣̇ийхи жад̇уухи г̇аат̇аахи ад̇т̇аван̣н̣анааяа маад̇игаа нигкид̇д̇аа, саа ад̇т̇ад̇о багаасид̇аа ход̇ийд̇и.
Ettāvatā ca yā pubbe ‘‘kena kattha kadā kasmā, bhāsitaṃ saraṇattaya’’ntiādīhi catūhi gāthāhi atthavaṇṇanāya mātikā nikkhittā, sā atthato pakāsitā hotīti.
барамад̇т̇аж̇од̇игааяа куд̣̇д̣̇агабаата-адтагат̇ааяа
Paramatthajotikāya khuddakapāṭha-aṭṭhakathāya
саран̣ад̇д̇аяаван̣н̣анаа нидтид̇аа.
Saraṇattayavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / куд̣̇д̣̇агабаатабаал̣и • Khuddakapāṭhapāḷi / 1. саран̣ад̇д̇аяам̣ • 1. Saraṇattayaṃ
