| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. сааранд̣̇ад̣̇асуд̇д̇ам̣
3. Sārandadasuttaṃ
143. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа взсаалим̣ бин̣д̣ааяа баависи. д̇зна ко бана самаязна бан̃жамад̇д̇аанам̣ лижчависад̇аанам̣ сааранд̣̇ад̣̇з жзд̇ияз саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘‘бан̃жаннам̣ рад̇анаанам̣ баад̇убхааво д̣̇уллабхо логасмим̣. гад̇амзсам̣ бан̃жаннам̣? хад̇т̇ирад̇анасса баад̇убхааво д̣̇уллабхо логасмим̣, ассарад̇анасса баад̇убхааво д̣̇уллабхо логасмим̣, ман̣ирад̇анасса баад̇убхааво д̣̇уллабхо логасмим̣, ид̇т̇ирад̇анасса баад̇убхааво д̣̇уллабхо логасмим̣, г̇ахабад̇ирад̇анасса баад̇убхааво д̣̇уллабхо логасмим̣. имзсам̣ бан̃жаннам̣ рад̇анаанам̣ баад̇убхааво д̣̇уллабхо логасми’’нд̇и.
143. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho bhagavā pubbaṇhasamayaṃ nivāsetvā pattacīvaramādāya vesāliṃ piṇḍāya pāvisi. Tena kho pana samayena pañcamattānaṃ licchavisatānaṃ sārandade cetiye sannisinnānaṃ sannipatitānaṃ ayamantarākathā udapādi – ‘‘pañcannaṃ ratanānaṃ pātubhāvo dullabho lokasmiṃ. Katamesaṃ pañcannaṃ? Hatthiratanassa pātubhāvo dullabho lokasmiṃ, assaratanassa pātubhāvo dullabho lokasmiṃ, maṇiratanassa pātubhāvo dullabho lokasmiṃ, itthiratanassa pātubhāvo dullabho lokasmiṃ, gahapatiratanassa pātubhāvo dullabho lokasmiṃ. Imesaṃ pañcannaṃ ratanānaṃ pātubhāvo dullabho lokasmi’’nti.
ат̇а ко д̇з лижчавий маг̇г̇з бурисам̣ табзсум̣ 1 – ‘‘яад̣̇аа д̇вам̣ 2, амбхо буриса, бассзяяааси бхаг̇аванд̇ам̣, ат̇а амхаагам̣ аарожзяяаасий’’д̇и. ад̣̇д̣̇асаа ко со бурисо бхаг̇аванд̇ам̣ д̣̇уурад̇ова ааг̇ажчанд̇ам̣; д̣̇исваана язна д̇з лижчавий д̇знубасан̇гами; убасан̇гамид̇ваа д̇з лижчавий зд̇ад̣̇авожа – ‘‘аяам̣ со, бханд̇з, бхаг̇аваа г̇ажчад̇и арахам̣ саммаасамб̣уд̣̇д̇хо; яассад̣̇аани гаалам̣ ман̃н̃ат̇аа’’д̇и.
Atha kho te licchavī magge purisaṃ ṭhapesuṃ 3 – ‘‘yadā tvaṃ 4, ambho purisa, passeyyāsi bhagavantaṃ, atha amhākaṃ āroceyyāsī’’ti. Addasā kho so puriso bhagavantaṃ dūratova āgacchantaṃ; disvāna yena te licchavī tenupasaṅkami; upasaṅkamitvā te licchavī etadavoca – ‘‘ayaṃ so, bhante, bhagavā gacchati arahaṃ sammāsambuddho; yassadāni kālaṃ maññathā’’ti.
ат̇а ко д̇з лижчавий язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇з лижчавий бхаг̇аванд̇ам̣ зд̇ад̣̇авожум̣ –
Atha kho te licchavī yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho te licchavī bhagavantaṃ etadavocuṃ –
‘‘саад̇ху, бханд̇з, язна сааранд̣̇ад̣̇ам̣ жзд̇ияам̣ д̇знубасан̇гамад̇у анугамбам̣ убаад̣̇ааяаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко бхаг̇аваа язна сааранд̣̇ад̣̇ам̣ жзд̇ияам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа д̇з лижчавий зд̇ад̣̇авожа – ‘‘гааяа нуд̇т̇а, лижчавий, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и? ‘‘ид̇ха, бханд̇з, амхаагам̣ саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘бан̃жаннам̣ рад̇анаанам̣ баад̇убхааво д̣̇уллабхо логасмим̣. гад̇амзсам̣ бан̃жаннам̣ ? хад̇т̇ирад̇анасса баад̇убхааво д̣̇уллабхо логасмим̣, ассарад̇анасса баад̇убхааво д̣̇уллабхо логасмим̣, ман̣ирад̇анасса баад̇убхааво д̣̇уллабхо логасмим̣, ид̇т̇ирад̇анасса баад̇убхааво д̣̇уллабхо логасмим̣, г̇ахабад̇ирад̇анасса баад̇убхааво д̣̇уллабхо логасмим̣. имзсам̣ бан̃жаннам̣ рад̇анаанам̣ баад̇убхааво д̣̇уллабхо логасми’’’нд̇и.
‘‘Sādhu, bhante, yena sārandadaṃ cetiyaṃ tenupasaṅkamatu anukampaṃ upādāyā’’ti. Adhivāsesi bhagavā tuṇhībhāvena. Atha kho bhagavā yena sārandadaṃ cetiyaṃ tenupasaṅkami; upasaṅkamitvā paññatte āsane nisīdi. Nisajja kho bhagavā te licchavī etadavoca – ‘‘kāya nuttha, licchavī, etarahi kathāya sannisinnā, kā ca pana vo antarākathā vippakatā’’ti? ‘‘Idha, bhante, amhākaṃ sannisinnānaṃ sannipatitānaṃ ayamantarākathā udapādi – ‘pañcannaṃ ratanānaṃ pātubhāvo dullabho lokasmiṃ. Katamesaṃ pañcannaṃ ? Hatthiratanassa pātubhāvo dullabho lokasmiṃ, assaratanassa pātubhāvo dullabho lokasmiṃ, maṇiratanassa pātubhāvo dullabho lokasmiṃ, itthiratanassa pātubhāvo dullabho lokasmiṃ, gahapatiratanassa pātubhāvo dullabho lokasmiṃ. Imesaṃ pañcannaṃ ratanānaṃ pātubhāvo dullabho lokasmi’’’nti.
‘‘гаамаад̇химуд̇д̇аанам̣ вад̇а, бхо, лижчавийнам̣ 5 гаамам̣язва аараб̣бха анд̇араагат̇аа уд̣̇абаад̣̇и. бан̃жаннам̣, лижчавий, рад̇анаанам̣ баад̇убхааво д̣̇уллабхо логасмим̣. гад̇амзсам̣ бан̃жаннам̣? д̇ат̇ааг̇ад̇асса арахад̇о саммаасамб̣уд̣̇д̇хасса баад̇убхааво д̣̇уллабхо логасмим̣, д̇ат̇ааг̇ад̇аббавзд̣̇ид̇асса д̇хаммавинаяасса д̣̇зсзд̇аа буг̇г̇ало д̣̇уллабхо логасмим̣, д̇ат̇ааг̇ад̇аббавзд̣̇ид̇асса д̇хаммавинаяасса д̣̇зсид̇асса вин̃н̃аад̇аа буг̇г̇ало д̣̇уллабхо логасмим̣, д̇ат̇ааг̇ад̇аббавзд̣̇ид̇асса д̇хаммавинаяасса д̣̇зсид̇асса вин̃н̃аад̇аа 6 д̇хаммаануд̇хаммаббадибанно буг̇г̇ало д̣̇уллабхо логасмим̣, гад̇ан̃н̃уу гад̇авзд̣̇ий буг̇г̇ало д̣̇уллабхо логасмим̣. имзсам̣ ко, лижчавий, бан̃жаннам̣ рад̇анаанам̣ баад̇убхааво д̣̇уллабхо логасми’’нд̇и. д̇ад̇ияам̣.
‘‘Kāmādhimuttānaṃ vata, bho, licchavīnaṃ 7 kāmaṃyeva ārabbha antarākathā udapādi. Pañcannaṃ, licchavī, ratanānaṃ pātubhāvo dullabho lokasmiṃ. Katamesaṃ pañcannaṃ? Tathāgatassa arahato sammāsambuddhassa pātubhāvo dullabho lokasmiṃ, tathāgatappaveditassa dhammavinayassa desetā puggalo dullabho lokasmiṃ, tathāgatappaveditassa dhammavinayassa desitassa viññātā puggalo dullabho lokasmiṃ, tathāgatappaveditassa dhammavinayassa desitassa viññātā 8 dhammānudhammappaṭipanno puggalo dullabho lokasmiṃ, kataññū katavedī puggalo dullabho lokasmiṃ. Imesaṃ kho, licchavī, pañcannaṃ ratanānaṃ pātubhāvo dullabho lokasmi’’nti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. сааранд̣̇ад̣̇асуд̇д̇аван̣н̣анаа • 3. Sārandadasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2-3. аарабхад̇исуд̇д̇аад̣̇иван̣н̣анаа • 2-3. Ārabhatisuttādivaṇṇanā
