| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. ཝཛྫིསཏྟཀཝགྒོ
3. Vajjisattakavaggo
༡. སཱརནྡདསུཏྟཾ
1. Sārandadasuttaṃ
༢༡. ཨེཝཾ མེ སུཏཾ – ཨེཀཾ སམཡཾ བྷགཝཱ ཝེསཱལིཡཾ ཝིཧརཏི སཱརནྡདེ ཙེཏིཡེ། ཨཐ ཁོ སམྦཧུལཱ ལིཙྪཝཱི ཡེན བྷགཝཱ ཏེནུཔསངྐམིཾསུ; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ། ཨེཀམནྟཾ ནིསིནྣེ ཁོ ཏེ ལིཙྪཝཱི བྷགཝཱ ཨེཏདཝོཙ – ‘‘སཏྟ ཝོ, ལིཙྪཝཱི, ཨཔརིཧཱནིཡེ 1 དྷམྨེ དེསེསྶཱམི། ཏཾ སུཎཱཐ, སཱདྷུཀཾ མནསི ཀརོཐ; བྷཱསིསྶཱམཱི’’ཏི། ‘‘ཨེཝཾ, བྷནྟེ’’ཏི ཁོ ཏེ ལིཙྪཝཱི བྷགཝཏོ པཙྩསྶོསུཾ། བྷགཝཱ ཨེཏདཝོཙ –
21. Evaṃ me sutaṃ – ekaṃ samayaṃ bhagavā vesāliyaṃ viharati sārandade cetiye. Atha kho sambahulā licchavī yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te licchavī bhagavā etadavoca – ‘‘satta vo, licchavī, aparihāniye 2 dhamme desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te licchavī bhagavato paccassosuṃ. Bhagavā etadavoca –
‘‘ཀཏམེ ཙ, ལིཙྪཝཱི, སཏྟ ཨཔརིཧཱནིཡཱ དྷམྨཱ? ཡཱཝཀཱིཝཉྩ, ལིཙྪཝཱི, ཝཛྫཱི ཨབྷིཎྷཾ སནྣིཔཱཏཱ བྷཝིསྶནྟི སནྣིཔཱཏབཧུལཱ; ཝུདྡྷིཡེཝ, ལིཙྪཝཱི, ཝཛྫཱིནཾ པཱཊིཀངྑཱ, ནོ པརིཧཱནི།
‘‘Katame ca, licchavī, satta aparihāniyā dhammā? Yāvakīvañca, licchavī, vajjī abhiṇhaṃ sannipātā bhavissanti sannipātabahulā; vuddhiyeva, licchavī, vajjīnaṃ pāṭikaṅkhā, no parihāni.
‘‘ཡཱཝཀཱིཝཉྩ, ལིཙྪཝཱི, ཝཛྫཱི སམགྒཱ སནྣིཔཏིསྶནྟི, སམགྒཱ ཝུཊྛཧིསྶནྟི, སམགྒཱ ཝཛྫིཀརཎཱིཡཱནི ཀརིསྶནྟི; ཝུདྡྷིཡེཝ, ལིཙྪཝཱི, ཝཛྫཱིནཾ པཱཊིཀངྑཱ, ནོ པརིཧཱནི།
‘‘Yāvakīvañca, licchavī, vajjī samaggā sannipatissanti, samaggā vuṭṭhahissanti, samaggā vajjikaraṇīyāni karissanti; vuddhiyeva, licchavī, vajjīnaṃ pāṭikaṅkhā, no parihāni.
‘‘ཡཱཝཀཱིཝཉྩ, ལིཙྪཝཱི, ཝཛྫཱི ཨཔཉྙཏྟཾ ན པཉྙཱཔེསྶནྟི, པཉྙཏྟཾ ན སམུཙྪིནྡིསྶནྟི, ཡཐཱཔཉྙཏྟེ པོརཱཎེ ཝཛྫིདྷམྨེ སམཱདཱཡ ཝཏྟིསྶནྟི; ཝུདྡྷིཡེཝ, ལིཙྪཝཱི, ཝཛྫཱིནཾ པཱཊིཀངྑཱ, ནོ པརིཧཱནི།
‘‘Yāvakīvañca, licchavī, vajjī apaññattaṃ na paññāpessanti, paññattaṃ na samucchindissanti, yathāpaññatte porāṇe vajjidhamme samādāya vattissanti; vuddhiyeva, licchavī, vajjīnaṃ pāṭikaṅkhā, no parihāni.
‘‘ཡཱཝཀཱིཝཉྩ, ལིཙྪཝཱི, ཝཛྫཱི ཡེ ཏེ ཝཛྫཱིནཾ ཝཛྫིམཧལླཀཱ ཏེ སཀྐརིསྶནྟི གརུཾ ཀརིསྶནྟི མཱནེསྶནྟི པཱུཛེསྶནྟི, ཏེསཉྩ སོཏབྦཾ མཉྙིསྶནྟི; ཝུདྡྷིཡེཝ, ལིཙྪཝཱི, ཝཛྫཱིནཾ པཱཊིཀངྑཱ, ནོ པརིཧཱནི།
‘‘Yāvakīvañca, licchavī, vajjī ye te vajjīnaṃ vajjimahallakā te sakkarissanti garuṃ karissanti mānessanti pūjessanti, tesañca sotabbaṃ maññissanti; vuddhiyeva, licchavī, vajjīnaṃ pāṭikaṅkhā, no parihāni.
‘‘ཡཱཝཀཱིཝཉྩ , ལིཙྪཝཱི, ཝཛྫཱི ཡཱ ཏཱ ཀུལིཏྠིཡོ ཀུལཀུམཱརིཡོ ཏཱ ན ཨོཀསྶ པསཡ྄ཧ ཝཱསེསྶནྟི; ཝུདྡྷིཡེཝ, ལིཙྪཝཱི, ཝཛྫཱིནཾ པཱཊིཀངྑཱ, ནོ པརིཧཱནི།
‘‘Yāvakīvañca , licchavī, vajjī yā tā kulitthiyo kulakumāriyo tā na okassa pasayha vāsessanti; vuddhiyeva, licchavī, vajjīnaṃ pāṭikaṅkhā, no parihāni.
‘‘ཡཱཝཀཱིཝཉྩ, ལིཙྪཝཱི, ཝཛྫཱི ཡཱནི ཏཱནི ཝཛྫཱིནཾ ཝཛྫིཙེཏིཡཱནི ཨབྦྷནྟརཱནི ཙེཝ བཱཧིརཱནི ཙ ཏཱནི སཀྐརིསྶནྟི གརུཾ ཀརིསྶནྟི མཱནེསྶནྟི པཱུཛེསྶནྟི, ཏེསཉྩ དིནྣཔུབྦཾ ཀཏཔུབྦཾ དྷམྨིཀཾ བལིཾ ནོ པརིཧཱཔེསྶནྟི; ཝུདྡྷིཡེཝ, ལིཙྪཝཱི, ཝཛྫཱིནཾ པཱཊིཀངྑཱ, ནོ པརིཧཱནི།
‘‘Yāvakīvañca, licchavī, vajjī yāni tāni vajjīnaṃ vajjicetiyāni abbhantarāni ceva bāhirāni ca tāni sakkarissanti garuṃ karissanti mānessanti pūjessanti, tesañca dinnapubbaṃ katapubbaṃ dhammikaṃ baliṃ no parihāpessanti; vuddhiyeva, licchavī, vajjīnaṃ pāṭikaṅkhā, no parihāni.
‘‘ཡཱཝཀཱིཝཉྩ, ལིཙྪཝཱི, ཝཛྫཱིནཾ ཨརཧནྟེསུ དྷམྨིཀཱ རཀྑཱཝརཎགུཏྟི སུསཾཝིཧིཏཱ བྷཝིསྶཏི – ‘ཀིནྟི ཨནཱགཏཱ ཙ ཨརཧནྟོ ཝིཛིཏཾ ཨཱགཙྪེཡྻུཾ, ཨཱགཏཱ ཙ ཨརཧནྟོ ཝིཛིཏེ ཕཱསུཾ ཝིཧརེཡྻུ’ནྟི; ཝུདྡྷིཡེཝ, ལིཙྪཝཱི, ཝཛྫཱིནཾ པཱཊིཀངྑཱ, ནོ པརིཧཱནི།
‘‘Yāvakīvañca, licchavī, vajjīnaṃ arahantesu dhammikā rakkhāvaraṇagutti susaṃvihitā bhavissati – ‘kinti anāgatā ca arahanto vijitaṃ āgaccheyyuṃ, āgatā ca arahanto vijite phāsuṃ vihareyyu’nti; vuddhiyeva, licchavī, vajjīnaṃ pāṭikaṅkhā, no parihāni.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. སཱརནྡདསུཏྟཝཎྞནཱ • 1. Sārandadasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡. སཱརནྡདསུཏྟཝཎྞནཱ • 1. Sārandadasuttavaṇṇanā
