| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. важ̇ж̇исад̇д̇агаваг̇г̇о
3. Vajjisattakavaggo
1. сааранд̣̇ад̣̇асуд̇д̇аван̣н̣анаа
1. Sārandadasuttavaṇṇanā
21. д̇ад̇ияасса батамз д̣̇звааяад̇анабхаавзна жид̇д̇ад̇д̇аа логасса жид̇д̇ийгаарадтаанад̇ааяа жа жзд̇ияам̣ ахоси. яаавагийванд̇и (д̣̇ий. ни. дий. 2.134) згамзвзд̇ам̣ бад̣̇ам̣ анияамад̇о баримаан̣аваажий. гаало жзд̇т̇а ад̇хиббзд̇од̇и ааха ‘‘яад̇д̇агам̣ гаала’’нд̇и. абхин̣хам̣ саннибаад̇аад̇и нижжасаннибаад̇аа. д̇ам̣ бана нижжасаннибаад̇ад̇ам̣ д̣̇ассзд̇ум̣ ‘‘д̣̇ивасассаа’’д̇иаад̣̇и вуд̇д̇ам̣. саннибаад̇аб̣ахулаад̇и бажурасаннибаад̇аа. восаананд̇и сан̇гожам̣. ‘‘вуд̣̇д̇хиязваа’’д̇иаад̣̇инаа вуд̇д̇амад̇т̇ам̣ б̣яад̇ирзгамукзна д̣̇ассзд̇ум̣ ‘‘абхин̣хам̣ асаннибад̇анд̇аа хий’’д̇иаад̣̇и вуд̇д̇ам̣. аагулаад̇и кубхид̇аа на басаннаа. бхиж̇ж̇ид̇ваад̇и ваг̇г̇аб̣анд̇хад̇о вибхаж̇ж̇а висум̣ висум̣ худ̇ваа.
21. Tatiyassa paṭhame devāyatanabhāvena cittattā lokassa cittīkāraṭṭhānatāya ca cetiyaṃ ahosi. Yāvakīvanti (dī. ni. ṭī. 2.134) ekamevetaṃ padaṃ aniyamato parimāṇavācī. Kālo cettha adhippetoti āha ‘‘yattakaṃ kāla’’nti. Abhiṇhaṃ sannipātāti niccasannipātā. Taṃ pana niccasannipātataṃ dassetuṃ ‘‘divasassā’’tiādi vuttaṃ. Sannipātabahulāti pacurasannipātā. Vosānanti saṅkocaṃ. ‘‘Vuddhiyevā’’tiādinā vuttamatthaṃ byatirekamukhena dassetuṃ ‘‘abhiṇhaṃ asannipatantā hī’’tiādi vuttaṃ. Ākulāti khubhitā na pasannā. Bhijjitvāti vaggabandhato vibhajja visuṃ visuṃ hutvā.
саннибаад̇абхзрияаад̇и саннибаад̇аарожанабхзрияаа. ад̣̇д̇хабхуд̇д̇аа ваад̇и саамибхуд̇д̇аа ваа. осийд̣̇амаанзд̇и хааяамаанз.
Sannipātabheriyāti sannipātārocanabheriyā. Addhabhuttā vāti sāmibhuttā vā. Osīdamāneti hāyamāne.
сун̇ганд̇и бхан̣д̣ам̣ г̇ахзд̇ваа г̇ажчанд̇зхи баб̣б̣ад̇акан̣д̣анаад̣̇ид̇ид̇т̇аг̇аамад̣̇ваараад̣̇ийсу рааж̇абурисаанам̣ д̣̇аад̇аб̣б̣абхааг̇ам̣. б̣алинд̇и нибпаннасассаад̣̇ид̇о чабхааг̇ам̣ сад̇д̇абхааг̇анд̇иаад̣̇инаа лад̣̇д̇хаб̣б̣агарам̣. д̣̇ан̣д̣анд̇и д̣̇асавийсад̇игахаабан̣аад̣̇игам̣ абараад̇хаануруубам̣ г̇ахзд̇аб̣б̣ад̇ханад̣̇ан̣д̣ам̣. важ̇ж̇ид̇хамманд̇и важ̇ж̇ирааж̇ад̇хаммам̣. ид̣̇аани абан̃н̃ад̇д̇абан̃н̃аабанаад̣̇ийсу д̇аббадигкзбз жа аад̣̇ийнаваанисам̣сз жа вид̇т̇аарад̇о д̣̇ассзд̇ум̣ ‘‘д̇зса’’нд̇иаад̣̇и вуд̇д̇ам̣. баарижарияагкамаад̇и убадтаанагкамаа. бораан̣ам̣ важ̇ж̇ид̇хамманд̇и зд̇т̇а буб̣б̣з гира важ̇ж̇ирааж̇аано ‘‘аяам̣ жоро’’д̇и аанзд̇ваа д̣̇ассид̇з ‘‘г̇ан̣хат̇а нам̣ жора’’нд̇и авад̇ваа винижчаяамахаамад̇д̇аанам̣ д̣̇знд̇и. д̇з винижчинид̇ваа сажз ажоро ход̇и, виссаж̇ж̇знд̇и. сажз жоро, ад̇д̇анаа гин̃жи агад̇ваа вохааригаанам̣ д̣̇знд̇и, д̇зби винижчинид̇ваа ажоро жз, виссаж̇ж̇знд̇и. жоро жз, суд̇д̇ад̇хараанам̣ д̣̇знд̇и. д̇зби винижчинид̇ваа ажоро жз, виссаж̇ж̇знд̇и. жоро жз, аддагулигаанам̣ д̣̇знд̇и, д̇зби д̇ат̇зва гад̇ваа сзнаабад̇исса, сзнаабад̇и убарааж̇асса, убарааж̇аа ран̃н̃о. рааж̇аа винижчинид̇ваа сажз ажоро ход̇и, виссаж̇ж̇зд̇и. сажз бана жоро ход̇и, бавзн̣ибан̣н̣агам̣ ваажаабзд̇и. д̇ад̇т̇а ‘‘язна ид̣̇ам̣ наама гад̇ам̣, д̇асса аяам̣ наамад̣̇ан̣д̣о’’д̇и ликид̇ам̣. рааж̇аа д̇асса гирияам̣ д̇зна самаанзд̇ваа д̇ад̣̇анужчавигам̣ д̣̇ан̣д̣ам̣ гарод̇и. ид̇и зд̇ам̣ бораан̣ам̣ важ̇ж̇ид̇хаммам̣ самаад̣̇ааяа вад̇д̇анд̇аанам̣ мануссаа на уж̇жхааяанд̇и. барамбарааг̇ад̇зсу аддагулзсу ж̇аад̇аа аг̇ад̇иг̇аманавирад̇аа аддамахаллагабурисаа аддагулигаа.
Suṅkanti bhaṇḍaṃ gahetvā gacchantehi pabbatakhaṇḍanādititthagāmadvārādīsu rājapurisānaṃ dātabbabhāgaṃ. Balinti nipphannasassādito chabhāgaṃ sattabhāgantiādinā laddhabbakaraṃ. Daṇḍanti dasavīsatikahāpaṇādikaṃ aparādhānurūpaṃ gahetabbadhanadaṇḍaṃ. Vajjidhammanti vajjirājadhammaṃ. Idāni apaññattapaññāpanādīsu tappaṭikkhepe ca ādīnavānisaṃse ca vitthārato dassetuṃ ‘‘tesa’’ntiādi vuttaṃ. Pāricariyakkhamāti upaṭṭhānakkhamā. Porāṇaṃ vajjidhammanti ettha pubbe kira vajjirājāno ‘‘ayaṃ coro’’ti ānetvā dassite ‘‘gaṇhatha naṃ cora’’nti avatvā vinicchayamahāmattānaṃ denti. Te vinicchinitvā sace acoro hoti, vissajjenti. Sace coro, attanā kiñci akatvā vohārikānaṃ denti, tepi vinicchinitvā acoro ce, vissajjenti. Coro ce, suttadharānaṃ denti. Tepi vinicchinitvā acoro ce, vissajjenti. Coro ce, aṭṭakulikānaṃ denti, tepi tatheva katvā senāpatissa, senāpati uparājassa, uparājā rañño. Rājā vinicchinitvā sace acoro hoti, vissajjeti. Sace pana coro hoti, paveṇipaṇṇakaṃ vācāpeti. Tattha ‘‘yena idaṃ nāma kataṃ, tassa ayaṃ nāmadaṇḍo’’ti likhitaṃ. Rājā tassa kiriyaṃ tena samānetvā tadanucchavikaṃ daṇḍaṃ karoti. Iti etaṃ porāṇaṃ vajjidhammaṃ samādāya vattantānaṃ manussā na ujjhāyanti. Paramparāgatesu aṭṭakulesu jātā agatigamanaviratā aṭṭamahallakapurisā aṭṭakulikā.
саггааранд̇и убагаарам̣. г̇арубхаавам̣ бажжубадтабзд̇ваад̇и ‘‘имз амхаагам̣ г̇аруно’’д̇и д̇ад̇т̇а г̇арубхаавам̣ бади бади убадтабзд̇ваа. маанзссанд̇ийд̇и саммаанзссанд̇и. д̇ам̣ бана саммаананам̣ д̇зсу нзсам̣ ад̇д̇аманад̇аабуб̣б̣аганд̇и ааха ‘‘манзна бияааяиссанд̇ий’’д̇и. нибажжагаарам̣ бан̣ибаад̇ам̣. д̣̇ассзнд̇ийд̇и г̇аружид̇д̇абхаарам̣ д̣̇ассзнд̇и. санд̇хаанзд̇унд̇и самб̣анд̇хам̣ авижчиннам̣ гад̇ваа гхадзд̇ум̣.
Sakkāranti upakāraṃ. Garubhāvaṃ paccupaṭṭhapetvāti ‘‘ime amhākaṃ garuno’’ti tattha garubhāvaṃ paṭi paṭi upaṭṭhapetvā. Mānessantīti sammānessanti. Taṃ pana sammānanaṃ tesu nesaṃ attamanatāpubbakanti āha ‘‘manena piyāyissantī’’ti. Nipaccakāraṃ paṇipātaṃ. Dassentīti garucittabhāraṃ dassenti. Sandhānetunti sambandhaṃ avicchinnaṃ katvā ghaṭetuṃ.
басаяхагаарассаад̇и б̣алаггаарасса. гаамам̣ вуд̣̇д̇хияаа бууж̇анийяад̇ааяа ‘‘вуд̣̇д̇хихаанияо’’д̇и вуд̇д̇ам̣, ад̇т̇о бана вуд̇д̇аануггамзнзва яож̇зд̇аб̣б̣о. баал̣ияам̣ ваа яасмаа ‘‘вуд̣̇д̇хиязва баадиган̇каа, но барихааний’’д̇и вуд̇д̇ам̣, д̇асмаа д̇ад̣̇ануггамзна ‘‘вуд̣̇д̇хихаанияо’’д̇и вуд̇д̇ам̣.
Pasayhakārassāti balakkārassa. Kāmaṃ vuddhiyā pūjanīyatāya ‘‘vuddhihāniyo’’ti vuttaṃ, attho pana vuttānukkameneva yojetabbo. Pāḷiyaṃ vā yasmā ‘‘vuddhiyeva pāṭikaṅkhā, no parihānī’’ti vuttaṃ, tasmā tadanukkamena ‘‘vuddhihāniyo’’ti vuttaṃ.
вибажжид̇ум̣ алад̣̇д̇хогаасз баабагаммз, д̇асса гаммасса вибаагз ваа анавасарова д̣̇звасобасаг̇г̇о. д̇асмим̣ бана лад̣̇д̇хогаасз сияаа д̣̇звад̇обасаг̇г̇асса авасарод̇и ааха ‘‘ануббаннам̣…бз… вад̣дхзнд̇ий’’д̇и. зд̇знзва ануббаннам̣ суканд̇и зд̇т̇ааби ад̇т̇о взд̣̇ид̇аб̣б̣о. б̣алагааяасса д̣̇иг̇ун̣ад̇иг̇ун̣ад̇аад̣̇ассанам̣ бадибхаяабхаавад̣̇ассананд̇и звамаад̣̇инаа д̣̇звад̇аанам̣ сан̇г̇аамасийсз сахааяад̇аа взд̣̇ид̇аб̣б̣аа.
Vipaccituṃ aladdhokāse pāpakamme, tassa kammassa vipāke vā anavasarova devasopasaggo. Tasmiṃ pana laddhokāse siyā devatopasaggassa avasaroti āha ‘‘anuppannaṃ…pe… vaḍḍhentī’’ti. Eteneva anuppannaṃ sukhanti etthāpi attho veditabbo. Balakāyassa diguṇatiguṇatādassanaṃ paṭibhayabhāvadassananti evamādinā devatānaṃ saṅgāmasīse sahāyatā veditabbā.
анижчид̇анд̇и анидтам̣. ааваран̣ад̇од̇и нисзд̇ханад̇о. д̇хаммад̇о анабзд̇аа д̇хаммияаад̇и ид̇ха ‘‘д̇хаммигаа’’д̇и вуд̇д̇аа. миг̇асуугараад̣̇игхаад̇ааяа сунакаад̣̇ийнам̣ гад̣дхид̇ваа ванажаран̣ам̣ вааж̇о, д̇ад̇т̇а нияуд̇д̇аа, д̇з ваа вааж̇знд̇ийд̇и вааж̇игаа, миг̇авад̇хажаарино.
Anicchitanti aniṭṭhaṃ. Āvaraṇatoti nisedhanato. Dhammato anapetā dhammiyāti idha ‘‘dhammikā’’ti vuttā. Migasūkarādighātāya sunakhādīnaṃ kaḍḍhitvā vanacaraṇaṃ vājo, tattha niyuttā, te vā vājentīti vājikā, migavadhacārino.
сааранд̣̇ад̣̇асуд̇д̇аван̣н̣анаа нидтид̇аа.
Sārandadasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. сааранд̣̇ад̣̇асуд̇д̇ам̣ • 1. Sārandadasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. сааранд̣̇ад̣̇асуд̇д̇аван̣н̣анаа • 1. Sārandadasuttavaṇṇanā
