| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2. ஸாரணீயஸுத்தவண்ணனா
2. Sāraṇīyasuttavaṇṇanā
12. து³தியே சதுபாரிஸுத்³தி⁴ஸீலம்பி பப்³ப³ஜ்ஜானிஸ்ஸிதமேவாதி இமினா பப்³ப³ஜ்ஜூபக³தஸமனந்தரமேவ சதுபாரிஸுத்³தி⁴ஸீலம்பி ஸமாதி³ன்னமேவ ஹோதீதி த³ஸ்ஸேதி. மக்³க³ஸன்னிஸ்ஸிதானேவ ஹொந்தீதி மக்³கா³தி⁴க³மத்தா²ய படிபஜ்ஜிதப்³ப³த்தா கஸிணபரிகம்மாதீ³னி மக்³க³ஸன்னிஸ்ஸிதானேவ ஹொந்தி, தஸ்மா மக்³க³க்³க³ஹணேனேவ தேஸம்பி க³ஹணங் வேதி³தப்³ப³ங், தேஹி வினா மக்³கா³தி⁴க³மஸ்ஸ அஸம்ப⁴வதோதி அதி⁴ப்பாயோ.
12. Dutiye catupārisuddhisīlampi pabbajjānissitamevāti iminā pabbajjūpagatasamanantarameva catupārisuddhisīlampi samādinnameva hotīti dasseti. Maggasannissitāneva hontīti maggādhigamatthāya paṭipajjitabbattā kasiṇaparikammādīni maggasannissitāneva honti, tasmā maggaggahaṇeneva tesampi gahaṇaṃ veditabbaṃ, tehi vinā maggādhigamassa asambhavatoti adhippāyo.
அக்³க³மக்³கா³தி⁴க³மேன அஸம்மோஹப்படிவேத⁴ஸ்ஸ ஸிகா²பத்தத்தா மக்³க³த⁴ம்மேஸு விய ப²லத⁴ம்மேஸுபி ஸாதிஸயோ அஸம்மோஹோதி ‘‘ஸயங் அபி⁴ஞ்ஞா’’தி வுத்தங், ஸாமங் ஜானித்வாதி அத்தோ². ததா² ஜானநா பனஸ்ஸ ஸச்சி²கரணங் அத்தபச்சக்க²கிரியாதி ‘‘ஸச்சி²கத்வா’’தி வுத்தங். தேனாஹ ‘‘அத்தனாவ அபி⁴விஸிட்டா²ய பஞ்ஞாய பச்சக்க²ங் கத்வா’’தி. ததா² ஸச்சி²கிரியா சஸ்ஸ அத்தனி படிலாபோ⁴தி ‘‘உபஸம்பஜ்ஜா’’தி வுத்தந்தி ஆஹ ‘‘படிலபி⁴த்வா’’தி.
Aggamaggādhigamena asammohappaṭivedhassa sikhāpattattā maggadhammesu viya phaladhammesupi sātisayo asammohoti ‘‘sayaṃ abhiññā’’ti vuttaṃ, sāmaṃ jānitvāti attho. Tathā jānanā panassa sacchikaraṇaṃ attapaccakkhakiriyāti ‘‘sacchikatvā’’ti vuttaṃ. Tenāha ‘‘attanāva abhivisiṭṭhāya paññāya paccakkhaṃ katvā’’ti. Tathā sacchikiriyā cassa attani paṭilābhoti ‘‘upasampajjā’’ti vuttanti āha ‘‘paṭilabhitvā’’ti.
ஸாரணீயஸுத்தவண்ணனா நிட்டி²தா.
Sāraṇīyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. ஸாரணீயஸுத்தங் • 2. Sāraṇīyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. ஸாரணீயஸுத்தவண்ணனா • 2. Sāraṇīyasuttavaṇṇanā
