| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
২. সারণীযসুত্তৰণ্ণনা
2. Sāraṇīyasuttavaṇṇanā
১২. দুতিযে চতুপারিসুদ্ধিসীলম্পি পব্বজ্জানিস্সিতমেৰাতি ইমিনা পব্বজ্জূপগতসমনন্তরমেৰ চতুপারিসুদ্ধিসীলম্পি সমাদিন্নমেৰ হোতীতি দস্সেতি। মগ্গসন্নিস্সিতানেৰ হোন্তীতি মগ্গাধিগমত্থায পটিপজ্জিতব্বত্তা কসিণপরিকম্মাদীনি মগ্গসন্নিস্সিতানেৰ হোন্তি, তস্মা মগ্গগ্গহণেনেৰ তেসম্পি গহণং ৰেদিতব্বং, তেহি ৰিনা মগ্গাধিগমস্স অসম্ভৰতোতি অধিপ্পাযো।
12. Dutiye catupārisuddhisīlampi pabbajjānissitamevāti iminā pabbajjūpagatasamanantarameva catupārisuddhisīlampi samādinnameva hotīti dasseti. Maggasannissitāneva hontīti maggādhigamatthāya paṭipajjitabbattā kasiṇaparikammādīni maggasannissitāneva honti, tasmā maggaggahaṇeneva tesampi gahaṇaṃ veditabbaṃ, tehi vinā maggādhigamassa asambhavatoti adhippāyo.
অগ্গমগ্গাধিগমেন অসম্মোহপ্পটিৰেধস্স সিখাপত্তত্তা মগ্গধম্মেসু ৰিয ফলধম্মেসুপি সাতিসযো অসম্মোহোতি ‘‘সযং অভিঞ্ঞা’’তি ৰুত্তং, সামং জানিত্ৰাতি অত্থো। তথা জাননা পনস্স সচ্ছিকরণং অত্তপচ্চক্খকিরিযাতি ‘‘সচ্ছিকত্ৰা’’তি ৰুত্তং। তেনাহ ‘‘অত্তনাৰ অভিৰিসিট্ঠায পঞ্ঞায পচ্চক্খং কত্ৰা’’তি। তথা সচ্ছিকিরিযা চস্স অত্তনি পটিলাভোতি ‘‘উপসম্পজ্জা’’তি ৰুত্তন্তি আহ ‘‘পটিলভিত্ৰা’’তি।
Aggamaggādhigamena asammohappaṭivedhassa sikhāpattattā maggadhammesu viya phaladhammesupi sātisayo asammohoti ‘‘sayaṃ abhiññā’’ti vuttaṃ, sāmaṃ jānitvāti attho. Tathā jānanā panassa sacchikaraṇaṃ attapaccakkhakiriyāti ‘‘sacchikatvā’’ti vuttaṃ. Tenāha ‘‘attanāva abhivisiṭṭhāya paññāya paccakkhaṃ katvā’’ti. Tathā sacchikiriyā cassa attani paṭilābhoti ‘‘upasampajjā’’ti vuttanti āha ‘‘paṭilabhitvā’’ti.
সারণীযসুত্তৰণ্ণনা নিট্ঠিতা।
Sāraṇīyasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ২. সারণীযসুত্তং • 2. Sāraṇīyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ২. সারণীযসুত্তৰণ্ণনা • 2. Sāraṇīyasuttavaṇṇanā
