| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
2. සාරණීයසුත්‌තවණ්‌ණනා
2. Sāraṇīyasuttavaṇṇanā
12. දුතියෙ චතුපාරිසුද්‌ධිසීලම්‌පි පබ්‌බජ්‌ජානිස්‌සිතමෙවාති ඉමිනා පබ්‌බජ්‌ජූපගතසමනන්‌තරමෙව චතුපාරිසුද්‌ධිසීලම්‌පි සමාදින්‌නමෙව හොතීති දස්‌සෙති. මග්‌ගසන්‌නිස්‌සිතානෙව හොන්‌තීති මග්‌ගාධිගමත්‌ථාය පටිපජ්‌ජිතබ්‌බත්‌තා කසිණපරිකම්‌මාදීනි මග්‌ගසන්‌නිස්‌සිතානෙව හොන්‌ති, තස්‌මා මග්‌ගග්‌ගහණෙනෙව තෙසම්‌පි ගහණං වෙදිතබ්‌බං, තෙහි විනා මග්‌ගාධිගමස්‌ස අසම්‌භවතොති අධිප්‌පායො.
12. Dutiye catupārisuddhisīlampi pabbajjānissitamevāti iminā pabbajjūpagatasamanantarameva catupārisuddhisīlampi samādinnameva hotīti dasseti. Maggasannissitāneva hontīti maggādhigamatthāya paṭipajjitabbattā kasiṇaparikammādīni maggasannissitāneva honti, tasmā maggaggahaṇeneva tesampi gahaṇaṃ veditabbaṃ, tehi vinā maggādhigamassa asambhavatoti adhippāyo.
අග්‌ගමග්‌ගාධිගමෙන අසම්‌මොහප්‌පටිවෙධස්‌ස සිඛාපත්‌තත්‌තා මග්‌ගධම්‌මෙසු විය ඵලධම්‌මෙසුපි සාතිසයො අසම්‌මොහොති ‘‘සයං අභිඤ්‌ඤා’’ති වුත්‌තං, සාමං ජානිත්‌වාති අත්‌ථො. තථා ජානනා පනස්‌ස සච්‌ඡිකරණං අත්‌තපච්‌චක්‌ඛකිරියාති ‘‘සච්‌ඡිකත්‌වා’’ති වුත්‌තං. තෙනාහ ‘‘අත්‌තනාව අභිවිසිට්‌ඨාය පඤ්‌ඤාය පච්‌චක්‌ඛං කත්‌වා’’ති. තථා සච්‌ඡිකිරියා චස්‌ස අත්‌තනි පටිලාභොති ‘‘උපසම්‌පජ්‌ජා’’ති වුත්‌තන්‌ති ආහ ‘‘පටිලභිත්‌වා’’ති.
Aggamaggādhigamena asammohappaṭivedhassa sikhāpattattā maggadhammesu viya phaladhammesupi sātisayo asammohoti ‘‘sayaṃ abhiññā’’ti vuttaṃ, sāmaṃ jānitvāti attho. Tathā jānanā panassa sacchikaraṇaṃ attapaccakkhakiriyāti ‘‘sacchikatvā’’ti vuttaṃ. Tenāha ‘‘attanāva abhivisiṭṭhāya paññāya paccakkhaṃ katvā’’ti. Tathā sacchikiriyā cassa attani paṭilābhoti ‘‘upasampajjā’’ti vuttanti āha ‘‘paṭilabhitvā’’ti.
සාරණීයසුත්‌තවණ්‌ණනා නිට්‌ඨිතා.
Sāraṇīyasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 2. සාරණීයසුත්‌තං • 2. Sāraṇīyasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 2. සාරණීයසුත්‌තවණ්‌ණනා • 2. Sāraṇīyasuttavaṇṇanā
