| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਸਾਰਣੀਯਸੁਤ੍ਤવਣ੍ਣਨਾ
2. Sāraṇīyasuttavaṇṇanā
੧੨. ਦੁਤਿਯੇ ਚਤੁਪਾਰਿਸੁਦ੍ਧਿਸੀਲਮ੍ਪਿ ਪਬ੍ਬਜ੍ਜਾਨਿਸ੍ਸਿਤਮੇવਾਤਿ ਇਮਿਨਾ ਪਬ੍ਬਜ੍ਜੂਪਗਤਸਮਨਨ੍ਤਰਮੇવ ਚਤੁਪਾਰਿਸੁਦ੍ਧਿਸੀਲਮ੍ਪਿ ਸਮਾਦਿਨ੍ਨਮੇવ ਹੋਤੀਤਿ ਦਸ੍ਸੇਤਿ। ਮਗ੍ਗਸਨ੍ਨਿਸ੍ਸਿਤਾਨੇવ ਹੋਨ੍ਤੀਤਿ ਮਗ੍ਗਾਧਿਗਮਤ੍ਥਾਯ ਪਟਿਪਜ੍ਜਿਤਬ੍ਬਤ੍ਤਾ ਕਸਿਣਪਰਿਕਮ੍ਮਾਦੀਨਿ ਮਗ੍ਗਸਨ੍ਨਿਸ੍ਸਿਤਾਨੇવ ਹੋਨ੍ਤਿ, ਤਸ੍ਮਾ ਮਗ੍ਗਗ੍ਗਹਣੇਨੇવ ਤੇਸਮ੍ਪਿ ਗਹਣਂ વੇਦਿਤਬ੍ਬਂ, ਤੇਹਿ વਿਨਾ ਮਗ੍ਗਾਧਿਗਮਸ੍ਸ ਅਸਮ੍ਭવਤੋਤਿ ਅਧਿਪ੍ਪਾਯੋ।
12. Dutiye catupārisuddhisīlampi pabbajjānissitamevāti iminā pabbajjūpagatasamanantarameva catupārisuddhisīlampi samādinnameva hotīti dasseti. Maggasannissitāneva hontīti maggādhigamatthāya paṭipajjitabbattā kasiṇaparikammādīni maggasannissitāneva honti, tasmā maggaggahaṇeneva tesampi gahaṇaṃ veditabbaṃ, tehi vinā maggādhigamassa asambhavatoti adhippāyo.
ਅਗ੍ਗਮਗ੍ਗਾਧਿਗਮੇਨ ਅਸਮ੍ਮੋਹਪ੍ਪਟਿવੇਧਸ੍ਸ ਸਿਖਾਪਤ੍ਤਤ੍ਤਾ ਮਗ੍ਗਧਮ੍ਮੇਸੁ વਿਯ ਫਲਧਮ੍ਮੇਸੁਪਿ ਸਾਤਿਸਯੋ ਅਸਮ੍ਮੋਹੋਤਿ ‘‘ਸਯਂ ਅਭਿਞ੍ਞਾ’’ਤਿ વੁਤ੍ਤਂ, ਸਾਮਂ ਜਾਨਿਤ੍વਾਤਿ ਅਤ੍ਥੋ। ਤਥਾ ਜਾਨਨਾ ਪਨਸ੍ਸ ਸਚ੍ਛਿਕਰਣਂ ਅਤ੍ਤਪਚ੍ਚਕ੍ਖਕਿਰਿਯਾਤਿ ‘‘ਸਚ੍ਛਿਕਤ੍વਾ’’ਤਿ વੁਤ੍ਤਂ। ਤੇਨਾਹ ‘‘ਅਤ੍ਤਨਾવ ਅਭਿવਿਸਿਟ੍ਠਾਯ ਪਞ੍ਞਾਯ ਪਚ੍ਚਕ੍ਖਂ ਕਤ੍વਾ’’ਤਿ। ਤਥਾ ਸਚ੍ਛਿਕਿਰਿਯਾ ਚਸ੍ਸ ਅਤ੍ਤਨਿ ਪਟਿਲਾਭੋਤਿ ‘‘ਉਪਸਮ੍ਪਜ੍ਜਾ’’ਤਿ વੁਤ੍ਤਨ੍ਤਿ ਆਹ ‘‘ਪਟਿਲਭਿਤ੍વਾ’’ਤਿ।
Aggamaggādhigamena asammohappaṭivedhassa sikhāpattattā maggadhammesu viya phaladhammesupi sātisayo asammohoti ‘‘sayaṃ abhiññā’’ti vuttaṃ, sāmaṃ jānitvāti attho. Tathā jānanā panassa sacchikaraṇaṃ attapaccakkhakiriyāti ‘‘sacchikatvā’’ti vuttaṃ. Tenāha ‘‘attanāva abhivisiṭṭhāya paññāya paccakkhaṃ katvā’’ti. Tathā sacchikiriyā cassa attani paṭilābhoti ‘‘upasampajjā’’ti vuttanti āha ‘‘paṭilabhitvā’’ti.
ਸਾਰਣੀਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sāraṇīyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਸਾਰਣੀਯਸੁਤ੍ਤਂ • 2. Sāraṇīyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਸਾਰਣੀਯਸੁਤ੍ਤવਣ੍ਣਨਾ • 2. Sāraṇīyasuttavaṇṇanā
