| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๗. สรสุตฺตวณฺณนา
7. Sarasuttavaṇṇanā
๒๗. สรณโต อวิเจฺฉทวเสน ปวตฺตนโต ขนฺธาทีนํ ปฎิปาฎิ สราฯ เตนาห ‘‘อิเม สํสารสรา’’ติฯ กุโตติ เกน การเณน, กิมฺหิ วา? เตนาห ‘‘กิํ อาคมฺมา’’ติ? น ปติฎฺฐาติ ปจฺจยาภาวโตฯ อาโปติอาทินา ปาฬิยํ จตุนฺนํ มหาภูตานํ อปฺปติฎฺฐานาปเทเสน ตตฺถ กามรูปภวานํ อภาโว ทสฺสิโตฯ ตทุภยาภาวทสฺสเนน เหฎฺฐา วุตฺตนเยเนว อรูปภวสฺสปิ อภาโว ทสฺสิโตว โหติ, ยถารุตวเสน วา เอตฺถ อโตฺถ เวทิตโพฺพฯ ยสฺมา ปุริมา เทฺว คหิตา, คหิตญฺจ อตฺถํ ปริคฺคเหตฺวาว ปจฺฉิมโตฺถ ปวโตฺตติฯ
27. Saraṇato avicchedavasena pavattanato khandhādīnaṃ paṭipāṭi sarā. Tenāha ‘‘ime saṃsārasarā’’ti. Kutoti kena kāraṇena, kimhi vā? Tenāha ‘‘kiṃ āgammā’’ti? Na patiṭṭhāti paccayābhāvato. Āpotiādinā pāḷiyaṃ catunnaṃ mahābhūtānaṃ appatiṭṭhānāpadesena tattha kāmarūpabhavānaṃ abhāvo dassito. Tadubhayābhāvadassanena heṭṭhā vuttanayeneva arūpabhavassapi abhāvo dassitova hoti, yathārutavasena vā ettha attho veditabbo. Yasmā purimā dve gahitā, gahitañca atthaṃ pariggahetvāva pacchimattho pavattoti.
สรสุตฺตวณฺณนา นิฎฺฐิตาฯ
Sarasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. สรสุตฺตํ • 7. Sarasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. สรสุตฺตวณฺณนา • 7. Sarasuttavaṇṇanā
