| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. သရသုတ္တဝဏ္ဏနာ
7. Sarasuttavaṇṇanā
၂၇. သရဏတော အဝိစ္ဆေဒဝသေန ပဝတ္တနတော ခန္ဓာဒီနံ ပဋိပာဋိ သရာ။ တေနာဟ ‘‘ဣမေ သံသာရသရာ’’တိ။ ကုတောတိ ကေန ကာရဏေန, ကိမ္ဟိ ဝာ? တေနာဟ ‘‘ကိံ အာဂမ္မာ’’တိ? န ပတိဋ္ဌာတိ ပစ္စယာဘာဝတော။ အာပောတိအာဒိနာ ပာဠိယံ စတုန္နံ မဟာဘူတာနံ အပ္ပတိဋ္ဌာနာပဒေသေန တတ္ထ ကာမရူပဘဝာနံ အဘာဝော ဒသ္သိတော။ တဒုဘယာဘာဝဒသ္သနေန ဟေဋ္ဌာ ဝုတ္တနယေနေဝ အရူပဘဝသ္သပိ အဘာဝော ဒသ္သိတောဝ ဟောတိ, ယထာရုတဝသေန ဝာ ဧတ္ထ အတ္ထော ဝေဒိတဗ္ဗော။ ယသ္မာ ပုရိမာ ဒ္ဝေ ဂဟိတာ, ဂဟိတဉ္စ အတ္ထံ ပရိဂ္ဂဟေတ္ဝာဝ ပစ္ဆိမတ္ထော ပဝတ္တောတိ။
27. Saraṇato avicchedavasena pavattanato khandhādīnaṃ paṭipāṭi sarā. Tenāha ‘‘ime saṃsārasarā’’ti. Kutoti kena kāraṇena, kimhi vā? Tenāha ‘‘kiṃ āgammā’’ti? Na patiṭṭhāti paccayābhāvato. Āpotiādinā pāḷiyaṃ catunnaṃ mahābhūtānaṃ appatiṭṭhānāpadesena tattha kāmarūpabhavānaṃ abhāvo dassito. Tadubhayābhāvadassanena heṭṭhā vuttanayeneva arūpabhavassapi abhāvo dassitova hoti, yathārutavasena vā ettha attho veditabbo. Yasmā purimā dve gahitā, gahitañca atthaṃ pariggahetvāva pacchimattho pavattoti.
သရသုတ္တဝဏ္ဏနာ နိဋ္ဌိတာ။
Sarasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. သရသုတ္တံ • 7. Sarasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. သရသုတ္တဝဏ္ဏနာ • 7. Sarasuttavaṇṇanā
