| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
14. саарибуд̇д̇амог̇г̇аллаана баб̣б̣аж̇ж̇аагат̇аа
14. Sāriputtamoggallāna pabbajjākathā
60. ‘‘д̇зд̇и саарибуд̇д̇амог̇г̇аллаанаа. аг̇амам̣су гираад̇и яож̇анаа. д̇ад̇раад̇и г̇ираг̇г̇асамаж̇ж̇з. ат̇аад̇и баривид̇агганаананд̇арам̣. д̇ассаад̇и сан̃жаяасса. бааранд̇и барад̇ийрам̣. зд̇т̇аад̇и д̇умхаагам̣ ваад̣̇з. ид̣̇анд̇и аяам̣ ваад̣̇о зд̇д̇агоязваад̇и ад̇т̇о. яод̇и яо гожи. д̇ван̃жа ахан̃жа амхз, д̇зсу. наамад̇умхасан̇каад̇зсу хи д̇ийсу сад̣̇д̣̇зсу згасзсзна гад̇д̇аб̣б̣зсу бажчимассзва згасзсо гаад̇аб̣б̣о. д̇знаад̇и гад̇игагаран̣ахзд̇унаа.
60.‘‘Teti sāriputtamoggallānā. Agamaṃsu kirāti yojanā. Tatrāti giraggasamajje. Athāti parivitakkanānantaraṃ. Tassāti sañcayassa. Pāranti paratīraṃ. Etthāti tumhākaṃ vāde. Idanti ayaṃ vādo ettakoyevāti attho. Yoti yo koci. Tvañca ahañca amhe, tesu. Nāmatumhasaṅkhātesu hi tīsu saddesu ekasesena kattabbesu pacchimasseva ekaseso kātabbo. Tenāti katikakaraṇahetunā.
сам̣кзбзна вуд̇д̇ам̣ вид̇т̇аарзна д̣̇ассзнд̇о ааха ‘‘ид̣̇ам̣ хий’’д̇иаад̣̇и. ад̇т̇ийгзхийд̇и амад̇зна ад̇т̇игзхи. убан̃н̃аад̇ам̣ маг̇г̇анд̇и амад̇асса маг̇г̇о убаг̇анд̇ваа н̃аад̇о. н̃аад̇о жзва убаг̇ад̇о жаад̇и саха убасаг̇г̇зна бад̣̇ам̣ баривад̇д̇ид̇ваа ад̇т̇ам̣ гат̇знд̇о убасаг̇г̇ад̇т̇о жа д̇хаад̇уд̇т̇о жа висум̣язва ход̇ийд̇и н̃аабзд̇и. ад̇т̇игзхи амхзхи убан̃н̃аад̇ам̣ ниб̣б̣аанам̣ маг̇г̇ам̣ маг̇г̇анд̇о ануб̣анд̇хзяяанд̇и ваа д̣̇ассзнд̇о ааха ‘‘ат̇а ваа’’д̇иаад̣̇и. маг̇г̇апалабажжавзгкан̣ан̃аан̣зхи убаг̇анд̇ваа н̃аад̇аб̣б̣анд̇и убан̃н̃аад̇ам̣ ниб̣б̣аанам̣. маг̇г̇ад̇хаат̇уяаа анвзсанад̇т̇ам̣ д̣̇ассзнд̇о ааха ‘‘бариязсанд̇о’’д̇и.
Saṃkhepena vuttaṃ vitthārena dassento āha ‘‘idaṃ hī’’tiādi. Atthīkehīti amatena atthikehi. Upaññātaṃ magganti amatassa maggo upagantvā ñāto. Ñāto ceva upagato cāti saha upasaggena padaṃ parivattitvā atthaṃ kathento upasaggattho ca dhātuttho ca visuṃyeva hotīti ñāpeti. Atthikehi amhehi upaññātaṃ nibbānaṃ maggaṃ magganto anubandheyyanti vā dassento āha ‘‘atha vā’’tiādi. Maggaphalapaccavekkhaṇañāṇehi upagantvā ñātabbanti upaññātaṃ nibbānaṃ. Maggadhāthuyā anvesanatthaṃ dassento āha ‘‘pariyesanto’’ti.
саарибуд̇д̇оби бан̃хам̣ бужчийд̇и самб̣анд̇хо. гаман̣д̣алуд̇од̇и гун̣д̣игад̇о. ад̇д̇ано жа барзсан̃жа агат̇анзна анд̇арз виварам̣ бадисанд̣̇ахад̇ийд̇и бадисанд̇хааро, д̇ам̣. зд̇т̇аад̇и ‘‘на д̇яаахам̣ саггомий’’д̇ибад̣̇з. ад̇хиббааяо звам̣ взд̣̇ид̇аб̣б̣од̇и яож̇анаа. зд̇д̇аганд̇и зд̇д̇агам̣ бан̃хам̣. имассаад̇и бариб̣б̣ааж̇агасса. ависаяабхааванд̇и ад̇д̇ано ависаяабхаавам̣.
Sāriputtopi pañhaṃ pucchīti sambandho. Kamaṇḍalutoti kuṇḍikato. Attano ca paresañca akathanena antare vivaraṃ paṭisandahatīti paṭisandhāro, taṃ. Etthāti ‘‘na tyāhaṃ sakkomī’’tipade. Adhippāyo evaṃ veditabboti yojanā. Ettakanti ettakaṃ pañhaṃ. Imassāti paribbājakassa. Avisayabhāvanti attano avisayabhāvaṃ.
хзд̇ум̣ бадижжа бхаванд̇ийд̇и хзд̇уббабхаваад̇и важанад̇т̇зна бан̃жагканд̇хаа хзд̇уббабхаваа наамаад̇и д̣̇ассзнд̇о ааха ‘‘хзд̇уббабхаваа наама бан̃жагканд̇хаа’’д̇и. д̇знаад̇и ‘‘яз д̇хаммаа хзд̇уббабхаваа’’д̇и бад̣̇зна. ассаад̇и саарибуд̇д̇абариб̣б̣ааж̇агасса. ‘‘д̇зсам̣ хзд̇у наама самуд̣̇аяасажжа’’нд̇и иминаа хинод̇и зд̇асмаа паланд̇и хзд̇ууд̇и важанад̇т̇зна самуд̣̇аяасажжам̣ хзд̇у наамаад̇и д̣̇ассзд̇и. д̇ан̃жаад̇и самуд̣̇аяасажжан̃жа. д̇зсанд̇и зд̇т̇а д̇асад̣̇д̣̇асса висаяам̣ д̣̇ассзд̇ум̣ вуд̇д̇ам̣ ‘‘убхиннамби сажжаана’’нд̇и. абавад̇д̇ивасзна нируж̇жхад̇и зд̇т̇аад̇и нирод̇хо. д̇ан̃жаад̇и нирод̇хан̃жа. д̇знаад̇и ‘‘д̇зсан̃жа яо нирод̇хо’’д̇ибад̣̇зна. ассаад̇и саарибуд̇д̇абариб̣б̣ааж̇агасса. зд̇т̇аад̇и имиссам̣ г̇аат̇ааяам̣, жад̇уусу сажжзсу ваа. наяад̇од̇и наананд̇ариганаяад̇о, авинаабхааванаяад̇о ваа, нзд̇д̇ид̣̇зсанаахааранаяад̇о ваа. д̇амзвад̇т̇ам̣ баагадам̣ гаронд̇о ааха ‘‘нирод̇хз хий’’д̇иаад̣̇и. згад̣̇зсасаруубзгасзсанаязна ваа маг̇г̇асажжам̣ г̇ахзд̇аб̣б̣анд̇и д̣̇ассзнд̇о ааха ‘‘ат̇а ваа’’д̇иаад̣̇и. нирод̇хо жа нирод̇хуубааяо жа нирод̇ход̇и згад̣̇зсасаруубзгасзсо гаад̇аб̣б̣о. д̇зсан̃жаад̇и зд̇т̇а авуд̇д̇асамбин̣д̣анад̇т̇зна жасад̣̇д̣̇зна маг̇г̇асажжам̣ г̇ахзд̇аб̣б̣анд̇иби вад̣̇анд̇и. аяам̣ наяо адтагат̇ааяам̣ на вуд̇д̇о. д̇амзвад̇т̇анд̇и жад̇усажжасан̇каад̇ам̣ д̇амзвад̇т̇ам̣. бадибаад̣̇знд̇од̇и ниг̇амзнд̇о.
Hetuṃ paṭicca bhavantīti hetuppabhavāti vacanatthena pañcakkhandhā hetuppabhavā nāmāti dassento āha ‘‘hetuppabhavā nāma pañcakkhandhā’’ti. Tenāti ‘‘ye dhammā hetuppabhavā’’ti padena. Assāti sāriputtaparibbājakassa. ‘‘Tesaṃ hetu nāma samudayasacca’’nti iminā hinoti etasmā phalanti hetūti vacanatthena samudayasaccaṃ hetu nāmāti dasseti. Tañcāti samudayasaccañca. Tesanti ettha tasaddassa visayaṃ dassetuṃ vuttaṃ ‘‘ubhinnampi saccāna’’nti. Apavattivasena nirujjhati etthāti nirodho. Tañcāti nirodhañca. Tenāti ‘‘tesañca yo nirodho’’tipadena. Assāti sāriputtaparibbājakassa. Etthāti imissaṃ gāthāyaṃ, catūsu saccesu vā. Nayatoti nānantarikanayato, avinābhāvanayato vā, nettidesanāhāranayato vā. Tamevatthaṃ pākaṭaṃ karonto āha ‘‘nirodhe hī’’tiādi. Ekadesasarūpekasesanayena vā maggasaccaṃ gahetabbanti dassento āha ‘‘atha vā’’tiādi. Nirodho ca nirodhūpāyo ca nirodhoti ekadesasarūpekaseso kātabbo. Tesañcāti ettha avuttasampiṇḍanatthena casaddena maggasaccaṃ gahetabbantipi vadanti. Ayaṃ nayo aṭṭhakathāyaṃ na vutto. Tamevatthanti catusaccasaṅkhātaṃ tamevatthaṃ. Paṭipādentoti nigamento.
‘‘сажзбий’’д̇и иминаа яад̣̇ийд̇и бад̣̇ассад̇т̇ам̣ ван̣н̣зд̇и. ‘‘зд̇д̇агамзваа’’д̇и иминаа д̇аавад̣̇зваад̇и бад̣̇ассад̇т̇ам̣ ван̣н̣зд̇и. ‘‘ид̇о уд̇д̇ари над̇т̇ий’’д̇и иминаа звагаарасса палам̣ д̣̇ассзд̇и. ид̇од̇и сод̇аабад̇д̇ипалад̇о. ‘‘ид̣̇ам̣…бз… бад̇д̇аб̣б̣а’’нд̇и иминаа ‘‘зд̇д̇агамзваа’’д̇и бад̣̇асса ад̇т̇асаруубам̣ д̣̇ассзд̇и. ‘‘зсо зва д̇хаммо’’д̇и иминаа ‘‘зсзва д̇хаммо’’д̇ибад̣̇асса ад̇т̇ам̣ ван̣н̣зд̇и. бажжаб̣яад̇т̇аад̇и бад̇иавабуб̣б̣о ид̇хаад̇у бадивид̣̇д̇хад̇т̇од̇и ааха ‘‘бадивид̣̇д̇хад̇т̇аа’’д̇и. д̇умхзхийд̇и ассаж̇ид̇т̇зрам̣ санд̇хааяааха. иминаа ‘‘бажжаб̣яад̇т̇аа’’д̇и зд̇т̇а хияяад̇д̇анийбарассабад̣̇амаж̇жхимабурисаб̣ахуважанад̇т̇авибхад̇д̇им̣ д̣̇ийбзд̇и. габбанахуд̇зхийд̇и габбаанам̣ нахуд̇зхи, годибагодисад̇асахассаанам̣ сад̇зхи нахуд̇зхийд̇и ад̇т̇о. аб̣бхад̇ийд̇анд̇и абхиад̇ийд̇ам̣. амхзхи ад̣̇идтамзва худ̇ваа ад̇иггамаабид̇анд̇и ад̇т̇о.
‘‘Sacepī’’ti iminā yadīti padassatthaṃ vaṇṇeti. ‘‘Ettakamevā’’ti iminā tāvadevāti padassatthaṃ vaṇṇeti. ‘‘Ito uttari natthī’’ti iminā evakārassa phalaṃ dasseti. Itoti sotāpattiphalato. ‘‘Idaṃ…pe… pattabba’’nti iminā ‘‘ettakamevā’’ti padassa atthasarūpaṃ dasseti. ‘‘Eso eva dhammo’’ti iminā ‘‘eseva dhammo’’tipadassa atthaṃ vaṇṇeti. Paccabyatthāti patiavapubbo idhātu paṭividdhatthoti āha ‘‘paṭividdhatthā’’ti. Tumhehīti assajittheraṃ sandhāyāha. Iminā ‘‘paccabyatthā’’ti ettha hiyyattanīparassapadamajjhimapurisabahuvacanatthavibhattiṃ dīpeti. Kappanahutehīti kappānaṃ nahutehi, koṭipakoṭisatasahassānaṃ satehi nahutehīti attho. Abbhatītanti abhiatītaṃ. Amhehi adiṭṭhameva hutvā atikkamāpitanti attho.
62. аарамман̣абхууд̇асса ниб̣б̣аанасса г̇амбхийрад̇д̇аа аарамман̣игабхууд̇ам̣ н̃аан̣амби г̇амбхийрамзваад̇хиббзд̇анд̇и ааха ‘‘г̇амбхийрасса жа н̃аан̣ассаа’’д̇и. яат̇аа хи сан̣хавад̇т̇асса сиб̣б̣анад̇т̇ааяа сан̣хасуужи ад̇хиббзд̇аад̇и. убад̇хийнам̣ саммаа каяадтзна ниб̣б̣аанам̣ убад̇хисан̇каяам̣ наамаад̇и ааха ‘‘убад̇хисан̇каязд̇и ниб̣б̣аанз’’д̇и. д̇ад̣̇аарамман̣ааяаад̇и д̇ам̣ниб̣б̣аанаарамман̣ааяа. вимуд̇д̇ияаад̇и палавимуд̇д̇ияаа. саавагабаарамийн̃аан̣зд̇и аг̇г̇асаавагабаарамийн̃аан̣з. д̇зсууд̇и саарибуд̇д̇амог̇г̇аллаанзсу. ад̣дхамаасзна арахад̇д̇з бад̇идтид̇од̇и самб̣анд̇хо.
62. Ārammaṇabhūtassa nibbānassa gambhīrattā ārammaṇikabhūtaṃ ñāṇampi gambhīramevādhippetanti āha ‘‘gambhīrassa ca ñāṇassā’’ti. Yathā hi saṇhavatthassa sibbanatthāya saṇhasūci adhippetāti. Upadhīnaṃ sammā khayaṭṭhena nibbānaṃ upadhisaṅkhayaṃ nāmāti āha ‘‘upadhisaṅkhayeti nibbāne’’ti. Tadārammaṇāyāti taṃnibbānārammaṇāya. Vimuttiyāti phalavimuttiyā. Sāvakapāramīñāṇeti aggasāvakapāramīñāṇe. Tesūti sāriputtamoggallānesu. Aḍḍhamāsena arahatte patiṭṭhitoti sambandho.
ад̇ийд̇зд̇и габбасад̇асахассаад̇хигз асан̇кязяяамад̇т̇агз. д̇ассаад̇и б̣уд̣̇д̇хасса санд̇игз аг̇г̇асаавагабхаавам̣ бад̇т̇зсийд̇и яож̇анаа. ассамзд̇и мунийнам̣ таанз. д̇ан̃хи аа год̇хам̣, аа бхусо ваа рааг̇аад̣̇аяо самзнд̇и зд̇т̇аад̇и ассамод̇и вужжад̇и, д̇асмим̣. бад̇т̇аяид̇ваа жа бзсзсийд̇и самб̣анд̇хо. д̇ад̇т̇аад̇и нийлуббаламан̣д̣абз. д̇зсууд̇и д̇аабасасздтийсу.
Atīteti kappasatasahassādhike asaṅkhyeyyamatthake. Tassāti buddhassa santike aggasāvakabhāvaṃ patthesīti yojanā. Assameti munīnaṃ ṭhāne. Tañhi ā kodhaṃ, ā bhuso vā rāgādayo samenti etthāti assamoti vuccati, tasmiṃ. Patthayitvā ca pesesīti sambandho. Tatthāti nīluppalamaṇḍape. Tesūti tāpasaseṭṭhīsu.
63. язсанд̇и гулаанам̣. ‘‘вид̇хавабхаавааяаа’’д̇и иминаа вид̇хавааяа бхааво взд̇хаб̣яанд̇и важанад̇т̇ам̣ д̣̇ассзд̇и. вид̇хаваад̇и жа бад̇исун̃н̃аа. саа хи д̇хавзна виг̇ад̇аад̇и ‘‘вид̇хаваа’’д̇и жа, виг̇ад̇о д̇хаво имиссаад̇и ‘‘вид̇хаваа’’д̇и жа вужжад̇и. убхаязнаабийд̇и буд̇д̇абаб̣б̣аж̇ж̇абад̇ибаб̣б̣аж̇ж̇асан̇каад̇зна д̣̇увид̇хзнаби.
63.Yesanti kulānaṃ. ‘‘Vidhavabhāvāyā’’ti iminā vidhavāya bhāvo vedhabyanti vacanatthaṃ dasseti. Vidhavāti ca patisuññā. Sā hi dhavena vigatāti ‘‘vidhavā’’ti ca, vigato dhavo imissāti ‘‘vidhavā’’ti ca vuccati. Ubhayenāpīti puttapabbajjapatipabbajjasaṅkhātena duvidhenapi.
сан̃жаяаанийд̇и зд̇т̇а ниссаяуубажаарзна ниссаяз ниссид̇уубажааро ход̇ийд̇и ааха ‘‘сан̃жаяасса анд̇зваасигааний’’д̇и. ат̇а ваа н̣абажжаяо д̇ассзд̣̇амад̇т̇з ход̇ийд̇и ааха ‘‘сан̃жаяасса анд̇зваасигааний’’д̇и. ‘‘маг̇ад̇хаана’’нд̇и б̣ахуважанавасзна вуд̇д̇ад̇д̇аа ж̇анабад̣̇асса нааманд̇и ааха ‘‘маг̇ад̇хаанам̣ ж̇анабад̣̇ассаа’’д̇и. г̇ириб̣б̣аж̇анд̇и зд̇т̇а важ̇о вияаад̇и важ̇о, г̇ири. важ̇асад̣̇исо г̇ири зд̇т̇аад̇и г̇ириб̣б̣аж̇ам̣ бад̣̇ахздтубарияавасзна, наг̇арам̣. ‘‘махаавийрияаванд̇о’’д̇и иминаа маханд̇о вийро зд̇зсам̣ д̇ат̇ааг̇ад̇аананд̇и махаавийраад̇и важанад̇т̇ам̣ д̣̇ассзд̇и. д̇хаммзна наяамаанаанам̣ гаа усууяаа виж̇аанад̇анд̇и зд̇т̇а гажжааяананаязна (гажжааяанз 277 суд̇д̇з) усууяабаяог̇з самбад̣̇аанам̣ ход̇ийд̇и аасан̇гаа бхавзяяаад̇и ааха ‘‘бхуммад̇т̇з саамиважанам̣, убаяог̇ад̇т̇з ваа’’д̇и. виж̇аананд̇аананд̇и виж̇аананд̇зсу д̇ат̇ааг̇ад̇зсу, виж̇аананд̇з ваа.
Sañcayānīti ettha nissayūpacārena nissaye nissitūpacāro hotīti āha ‘‘sañcayassa antevāsikānī’’ti. Atha vā ṇapaccayo tassedamatthe hotīti āha ‘‘sañcayassa antevāsikānī’’ti. ‘‘Magadhāna’’nti bahuvacanavasena vuttattā janapadassa nāmanti āha ‘‘magadhānaṃ janapadassā’’ti. Giribbajanti ettha vajo viyāti vajo, giri. Vajasadiso giri etthāti giribbajaṃ padaheṭṭhupariyavasena, nagaraṃ. ‘‘Mahāvīriyavanto’’ti iminā mahanto vīro etesaṃ tathāgatānanti mahāvīrāti vacanatthaṃ dasseti. Dhammena nayamānānaṃ kā usūyā vijānatanti ettha kaccāyananayena (kaccāyane 277 sutte) usūyapayoge sampadānaṃ hotīti āsaṅkā bhaveyyāti āha ‘‘bhummatthe sāmivacanaṃ, upayogatthe vā’’ti. Vijānantānanti vijānantesu tathāgatesu, vijānante vā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 14. саарибуд̇д̇амог̇г̇аллаанабаб̣б̣аж̇ж̇аагат̇аа • 14. Sāriputtamoggallānapabbajjākathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саарибуд̇д̇амог̇г̇аллаанабаб̣б̣аж̇ж̇аагат̇аа • Sāriputtamoggallānapabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа • Sāriputtamoggallānapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа • Sāriputtamoggallānapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа • Sāriputtamoggallānapabbajjākathāvaṇṇanā
