| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа
Sāriputtamoggallānapabbajjākathāvaṇṇanā
60. ид̣̇аани ‘‘д̇зна ко бана самаязна сан̃жаяо бариб̣б̣ааж̇аго’’д̇иаад̣̇ийсу абуб̣б̣абад̣̇аван̣н̣анам̣ д̣̇ассзнд̇о ‘‘саарибуд̇д̇амог̇г̇аллаанаа’’д̇иаад̣̇имааха. д̇ад̇т̇а саарийб̣раахман̣ияаа буд̇д̇о саарибуд̇д̇о, мог̇г̇аллийб̣раахман̣ияаа буд̇д̇о мог̇г̇аллаано. амхаагам̣ гира (а. ни. адта. 1.1.189-190; д̇ха. ба. адта. 1.10 саарибуд̇д̇ад̇т̇зравад̇т̇у) бхаг̇авад̇о ниб̣б̣ад̇д̇ид̇о бурзд̇арамзва саарибуд̇д̇о рааж̇аг̇аханаг̇арасса авид̣̇уурз убад̇иссаг̇аамз саарийб̣раахман̣ияаа наама гужчияам̣ бадисанд̇хим̣ г̇ан̣хи. д̇ам̣д̣̇ивасамзвасса сахааяоби рааж̇аг̇ахассзва авид̣̇уурз голид̇аг̇аамз мог̇г̇аллийб̣раахман̣ияаа гужчияам̣ бадисанд̇хим̣ г̇ан̣хи. д̇аани гира д̣̇взби гулаани яаава сад̇д̇амаа гулабариваддаа ааб̣ад̣̇д̇хабадиб̣ад̣̇д̇хасахааяаанзва. д̇зсам̣ д̣̇виннам̣ згад̣̇ивасамзва г̇аб̣бхабарихаарам̣ ад̣̇ам̣су. д̣̇асамаасажжаязна ж̇аад̇аанамби д̇зсам̣ часадти д̇хаад̇ияо убанаяим̣су. наамаг̇г̇ахан̣ад̣̇ивасз саарийб̣раахман̣ияаа буд̇д̇асса убад̇иссаг̇аамз ж̇здтагуласса буд̇д̇ад̇д̇аа ‘‘убад̇иссо’’д̇и наамам̣ агам̣су, ид̇арасса голид̇аг̇аамз ж̇здтагуласса буд̇д̇ад̇д̇аа ‘‘голид̇о’’д̇и наамам̣ агам̣су. д̇зна вуд̇д̇ам̣ ‘‘г̇ихигаалз убад̇иссо голид̇од̇и звам̣ бан̃н̃ааяамаананаамаа’’д̇и.
60. Idāni ‘‘tena kho pana samayena sañcayo paribbājako’’tiādīsu apubbapadavaṇṇanaṃ dassento ‘‘sāriputtamoggallānā’’tiādimāha. Tattha sārībrāhmaṇiyā putto sāriputto, moggallībrāhmaṇiyā putto moggallāno. Amhākaṃ kira (a. ni. aṭṭha. 1.1.189-190; dha. pa. aṭṭha. 1.10 sāriputtattheravatthu) bhagavato nibbattito puretarameva sāriputto rājagahanagarassa avidūre upatissagāme sārībrāhmaṇiyā nāma kucchiyaṃ paṭisandhiṃ gaṇhi. Taṃdivasamevassa sahāyopi rājagahasseva avidūre kolitagāme moggallībrāhmaṇiyā kucchiyaṃ paṭisandhiṃ gaṇhi. Tāni kira dvepi kulāni yāva sattamā kulaparivaṭṭā ābaddhapaṭibaddhasahāyāneva. Tesaṃ dvinnaṃ ekadivasameva gabbhaparihāraṃ adaṃsu. Dasamāsaccayena jātānampi tesaṃ chasaṭṭhi dhātiyo upanayiṃsu. Nāmaggahaṇadivase sārībrāhmaṇiyā puttassa upatissagāme jeṭṭhakulassa puttattā ‘‘upatisso’’ti nāmaṃ akaṃsu, itarassa kolitagāme jeṭṭhakulassa puttattā ‘‘kolito’’ti nāmaṃ akaṃsu. Tena vuttaṃ ‘‘gihikāle upatisso kolitoti evaṃ paññāyamānanāmā’’ti.
ад̣дхад̇зяяасад̇амаан̣авагабариваараад̇и зд̇т̇а бан̃жабан̃жасад̇амаан̣авагабариваараад̇иби вад̣̇анд̇и. вуд̇д̇ан̃хзд̇ам̣ ан̇г̇уд̇д̇аранигааяадтагат̇ааяам̣ (а. ни. адта. 1.1.189-190) –
Aḍḍhateyyasatamāṇavakaparivārāti ettha pañcapañcasatamāṇavakaparivārātipi vadanti. Vuttañhetaṃ aṅguttaranikāyaṭṭhakathāyaṃ (a. ni. aṭṭha. 1.1.189-190) –
‘‘убад̇иссамаан̣авагасса гийл̣анад̇т̇ааяа над̣̇им̣ ваа уяяаанам̣ ваа г̇аманагаалз бан̃жа суван̣н̣асивигаасад̇аани бариваараани хонд̇и, голид̇амаан̣авагасса бан̃жа ааж̇ан̃н̃арат̇асад̇аани. д̣̇взби ж̇анаа бан̃жабан̃жамаан̣авагасад̇абариваараа хонд̇ий’’д̇и.
‘‘Upatissamāṇavakassa kīḷanatthāya nadiṃ vā uyyānaṃ vā gamanakāle pañca suvaṇṇasivikāsatāni parivārāni honti, kolitamāṇavakassa pañca ājaññarathasatāni. Dvepi janā pañcapañcamāṇavakasataparivārā hontī’’ti.
рааж̇аг̇ахз жа анусам̣важчарам̣ г̇ираг̇г̇асамаж̇ж̇ам̣ наама ход̇и. д̇зсам̣ д̣̇виннамби згадтаанзязва ман̃жагам̣ б̣анд̇ханд̇и. д̣̇взби згад̇ова нисийд̣̇ид̇ваа самаж̇ж̇ам̣ бассид̇ваа хасид̇аб̣б̣адтаанз хасанд̇и, сам̣взг̇адтаанз сам̣виж̇ж̇анд̇и, д̣̇ааяам̣ д̣̇аад̇ум̣ яуд̇д̇адтаанз д̣̇ааяам̣ д̣̇знд̇и. д̇зсам̣ иминаава нияаамзна згад̣̇ивасам̣ самаж̇ж̇ам̣ бассанд̇аанам̣ барибаагаг̇ад̇ад̇д̇аа н̃аан̣асса буримад̣̇ивасзсу вияа хасид̇аб̣б̣адтаанз хаасо ваа сам̣взг̇адтаанз сам̣виж̇ж̇анам̣ ваа д̣̇ааяам̣ д̣̇аад̇ум̣ яуд̇д̇адтаанз д̣̇ааяад̣̇аанам̣ ваа наахоси. д̣̇взби бана ж̇анаа звам̣ жинд̇аяим̣су ‘‘гим̣ зд̇т̇а ологзд̇аб̣б̣ам̣ ад̇т̇и, саб̣б̣збимз аббад̇д̇з вассасад̇з абан̣н̣ад̇д̇игабхаавам̣ г̇амиссанд̇и, амхзхи бана згам̣ могкад̇хаммам̣ г̇авзсид̇ум̣ ваддад̇ий’’д̇и аарамман̣ам̣ г̇ахзд̇ваа нисийд̣̇им̣су. д̇ад̇о голид̇о убад̇иссам̣ ааха ‘‘самма убад̇исса, на д̇вам̣ ан̃н̃ад̣̇ивасзсу вияа хадтабахадто, анад̇д̇аманад̇хаад̇угоси, гим̣ д̇з саллагкид̇а’’нд̇и. ‘‘самма голид̇а, зд̇зсам̣ ологанз сааро над̇т̇и, нирад̇т̇агамзд̇ам̣, ад̇д̇ано могкад̇хаммам̣ г̇авзсид̇ум̣ ваддад̇ий’’д̇и ид̣̇ам̣ жинд̇аяанд̇о нисинномхийд̇и. д̇вам̣ бана гасмаа анад̇д̇аманод̇и. соби д̇ат̇зва ааха. ат̇асса ад̇д̇анаа сад̣̇д̇хим̣ згаж̇жхаасаяад̇ам̣ н̃ад̇ваа убад̇иссо звамааха ‘‘амхаагам̣ убхиннам̣ сужинд̇ид̇ам̣, могкад̇хаммам̣ бана г̇авзсанд̇зхи згаа баб̣б̣аж̇ж̇аа лад̣̇д̇хум̣ ваддад̇и, гасса санд̇игз баб̣б̣аж̇аамаа’’д̇и.
Rājagahe ca anusaṃvaccharaṃ giraggasamajjaṃ nāma hoti. Tesaṃ dvinnampi ekaṭṭhāneyeva mañcakaṃ bandhanti. Dvepi ekatova nisīditvā samajjaṃ passitvā hasitabbaṭṭhāne hasanti, saṃvegaṭṭhāne saṃvijjanti, dāyaṃ dātuṃ yuttaṭṭhāne dāyaṃ denti. Tesaṃ imināva niyāmena ekadivasaṃ samajjaṃ passantānaṃ paripākagatattā ñāṇassa purimadivasesu viya hasitabbaṭṭhāne hāso vā saṃvegaṭṭhāne saṃvijjanaṃ vā dāyaṃ dātuṃ yuttaṭṭhāne dāyadānaṃ vā nāhosi. Dvepi pana janā evaṃ cintayiṃsu ‘‘kiṃ ettha oloketabbaṃ atthi, sabbepime appatte vassasate apaṇṇattikabhāvaṃ gamissanti, amhehi pana ekaṃ mokkhadhammaṃ gavesituṃ vaṭṭatī’’ti ārammaṇaṃ gahetvā nisīdiṃsu. Tato kolito upatissaṃ āha ‘‘samma upatissa, na tvaṃ aññadivasesu viya haṭṭhapahaṭṭho, anattamanadhātukosi, kiṃ te sallakkhita’’nti. ‘‘Samma kolita, etesaṃ olokane sāro natthi, niratthakametaṃ, attano mokkhadhammaṃ gavesituṃ vaṭṭatī’’ti idaṃ cintayanto nisinnomhīti. Tvaṃ pana kasmā anattamanoti. Sopi tatheva āha. Athassa attanā saddhiṃ ekajjhāsayataṃ ñatvā upatisso evamāha ‘‘amhākaṃ ubhinnaṃ sucintitaṃ, mokkhadhammaṃ pana gavesantehi ekā pabbajjā laddhuṃ vaṭṭati, kassa santike pabbajāmā’’ti.
д̇зна ко бана самаязна сан̃жаяо бариб̣б̣ааж̇аго рааж̇аг̇ахз бадивасад̇и махад̇ияаа бариб̣б̣ааж̇агабарисааяа сад̣̇д̇хим̣. д̇з ‘‘д̇асса санд̇игз баб̣б̣аж̇иссаамаа’’д̇и бан̃жахи маан̣авагасад̇зхи сад̣̇д̇хим̣ сан̃жаяасса санд̇игз баб̣б̣аж̇им̣су. д̇зсам̣ баб̣б̣аж̇ид̇агаалад̇о бадтааяа сан̃жаяо ад̇ирзгалаабхаг̇г̇аяасаг̇г̇аббад̇д̇о ахоси. д̇з гад̇ибаахзнзва саб̣б̣ам̣ сан̃жаяасса самаяам̣ баримад̣̇д̣̇ид̇ваа ‘‘аажарияа, д̇умхаагам̣ ж̇аананасамаяо зд̇д̇агова, уд̣̇ааху уд̇д̇ариби ад̇т̇ий’’д̇и бужчим̣су. сан̃жаяо ‘‘зд̇д̇агова, саб̣б̣ам̣ д̇умхзхи н̃аад̇а’’нд̇и ааха. д̇асса гат̇ам̣ суд̇ваа жинд̇аяим̣су ‘‘звам̣ сад̇и имасса санд̇игз б̣рахмажарияаваасо нирад̇т̇аго, маяам̣ могкад̇хаммам̣ г̇авзсид̇ум̣ нигканд̇аа, со имасса санд̇игз уббаад̣̇зд̇ум̣ на саггаа, махаа ко бана ж̇амб̣уд̣̇ийбо, г̇ааманиг̇амарааж̇ад̇хаанияо жаранд̇аа авассам̣ могкад̇хаммад̣̇зсагам̣ аажарияам̣ лабхиссаамаа’’д̇и. д̇з д̇ад̇о бадтааяа ‘‘яад̇т̇а яад̇т̇а бан̣д̣ид̇аа саман̣аб̣раахман̣аа ад̇т̇ий’’д̇и сун̣анд̇и, д̇ад̇т̇а д̇ад̇т̇а г̇анд̇ваа бан̃хасаагажчам̣ гаронд̇и, д̇зхи будтам̣ бан̃хам̣ ан̃н̃о гат̇зд̇ум̣ самад̇т̇о наама над̇т̇и, д̇з бана д̇зсам̣ бан̃хам̣ виссаж̇ж̇знд̇и. звам̣ сагалаж̇амб̣уд̣̇ийбам̣ бариг̇г̇ан̣хид̇ваа нивад̇д̇ид̇ваа сагадтаанамзва ааг̇анд̇ваа ‘‘самма голид̇а, яо батамам̣ амад̇ам̣ ад̇хиг̇ажчад̇и , со аарожзд̇уу’’д̇и гад̇игам̣ агам̣су. имамзва вад̇т̇ум̣ сан̇кибид̇ваа д̣̇ассзнд̇о ‘‘д̇ад̇ра нзсам̣ махааж̇анам̣ д̣̇исваа…бз… гад̇игам̣ агам̣суу’’д̇и ааха.
Tena kho pana samayena sañcayo paribbājako rājagahe paṭivasati mahatiyā paribbājakaparisāya saddhiṃ. Te ‘‘tassa santike pabbajissāmā’’ti pañcahi māṇavakasatehi saddhiṃ sañcayassa santike pabbajiṃsu. Tesaṃ pabbajitakālato paṭṭhāya sañcayo atirekalābhaggayasaggappatto ahosi. Te katipāheneva sabbaṃ sañcayassa samayaṃ parimadditvā ‘‘ācariya, tumhākaṃ jānanasamayo ettakova, udāhu uttaripi atthī’’ti pucchiṃsu. Sañcayo ‘‘ettakova, sabbaṃ tumhehi ñāta’’nti āha. Tassa kathaṃ sutvā cintayiṃsu ‘‘evaṃ sati imassa santike brahmacariyavāso niratthako, mayaṃ mokkhadhammaṃ gavesituṃ nikkhantā, so imassa santike uppādetuṃ na sakkā, mahā kho pana jambudīpo, gāmanigamarājadhāniyo carantā avassaṃ mokkhadhammadesakaṃ ācariyaṃ labhissāmā’’ti. Te tato paṭṭhāya ‘‘yattha yattha paṇḍitā samaṇabrāhmaṇā atthī’’ti suṇanti, tattha tattha gantvā pañhasākacchaṃ karonti, tehi puṭṭhaṃ pañhaṃ añño kathetuṃ samattho nāma natthi, te pana tesaṃ pañhaṃ vissajjenti. Evaṃ sakalajambudīpaṃ pariggaṇhitvā nivattitvā sakaṭṭhānameva āgantvā ‘‘samma kolita, yo paṭhamaṃ amataṃ adhigacchati , so ārocetū’’ti katikaṃ akaṃsu. Imameva vatthuṃ saṅkhipitvā dassento ‘‘tatra nesaṃ mahājanaṃ disvā…pe… katikaṃ akaṃsū’’ti āha.
д̇ад̇т̇а чаннабариб̣б̣ааж̇агассаад̇и сзд̇абадад̇харасса бариб̣б̣ааж̇агасса. д̇зна нааяам̣ наг̇г̇абариб̣б̣ааж̇агод̇и д̣̇ассзд̇и. баасаад̣̇игзна абхигганд̇знаад̇иаад̣̇ийсу баасаад̣̇игзнаад̇и басаад̣̇аавахзна сааруббзна саман̣аанужчавигзна. абхигганд̇знаад̇и г̇аманзна. бадигганд̇знаад̇и нивад̇д̇анзна. аалогид̇знаад̇и бурад̇о д̣̇ассанзна. вилогид̇знаад̇и ид̇о жид̇о д̣̇ассанзна. самин̃ж̇ид̇знаад̇и баб̣б̣асан̇гожанзна. басаарид̇знаад̇и д̇зсам̣язва басааран̣зна. саб̣б̣ад̇т̇а ид̇т̇амбхууд̇алагкан̣з гаран̣аважанам̣, д̇асмаа сад̇исамбаж̇ан̃н̃агзхи вабхисан̇кад̇ад̇д̇аа баасаад̣̇игаабхигганд̇абадигганд̇ааалогид̇авилогид̇асамин̃ж̇ид̇абасаарид̇о худ̇ваад̇и вуд̇д̇ам̣ ход̇и. огкид̇д̇ажагкууд̇и хздтаакид̇д̇ажагку. ирияаабат̇асамбаннод̇и д̇ааяа баасаад̣̇игаабхигганд̇аад̣̇ид̇ааяа самбаннаирияаабат̇о. ад̇т̇игзхи убан̃н̃аад̇анд̇и ‘‘маран̣з сад̇и амад̇знаби бхавид̇аб̣б̣а’’нд̇и звам̣ анумаанан̃аан̣зна ‘‘ад̇т̇ий’’д̇и убаг̇ад̇ам̣ ниб̣б̣аанам̣ наама, д̇ам̣ маг̇г̇анд̇о бариязсанд̇о яаннуунаахам̣ имам̣ бхигкум̣ бидтид̇о бидтид̇о ануб̣анд̇хзяяанд̇и самб̣анд̇хо. суд̣̇иннаган̣д̣з вуд̇д̇аббагааранд̇и ‘‘д̣̇аанабад̇ийнам̣ гхарзсу саалаа хонд̇и, аасанаани жзд̇т̇а бан̃н̃ад̇д̇аани хонд̇и, убадтаабид̇ам̣ уд̣̇агаган̃ж̇ияам̣, д̇ад̇т̇а баб̣б̣аж̇ид̇аа бин̣д̣ааяа жарид̇ваа нисийд̣̇ид̇ваа бхун̃ж̇анд̇и. сажз ижчанд̇и, д̣̇аанабад̇ийнамби санд̇агам̣ г̇ан̣ханд̇и, д̇асмаа д̇амби ан̃н̃ад̇арасса гуласса ийд̣̇исааяа саалааяа ан̃н̃ад̇арам̣ гуддамууланд̇и взд̣̇ид̇аб̣б̣а’’нд̇и звам̣ вуд̇д̇аббагаарам̣.
Tattha channaparibbājakassāti setapaṭadharassa paribbājakassa. Tena nāyaṃ naggaparibbājakoti dasseti. Pāsādikena abhikkantenātiādīsu pāsādikenāti pasādāvahena sāruppena samaṇānucchavikena. Abhikkantenāti gamanena. Paṭikkantenāti nivattanena. Ālokitenāti purato dassanena. Vilokitenāti ito cito dassanena. Samiñjitenāti pabbasaṅkocanena. Pasāritenāti tesaṃyeva pasāraṇena. Sabbattha itthambhūtalakkhaṇe karaṇavacanaṃ, tasmā satisampajaññakehi vabhisaṅkhatattā pāsādikaabhikkantapaṭikkantaālokitavilokitasamiñjitapasārito hutvāti vuttaṃ hoti. Okkhittacakkhūti heṭṭhākhittacakkhu. Iriyāpathasampannoti tāya pāsādikaabhikkantāditāya sampannairiyāpatho. Atthikehi upaññātanti ‘‘maraṇe sati amatenapi bhavitabba’’nti evaṃ anumānañāṇena ‘‘atthī’’ti upagataṃ nibbānaṃ nāma, taṃ magganto pariyesanto yannūnāhaṃ imaṃ bhikkhuṃ piṭṭhito piṭṭhito anubandheyyanti sambandho. Sudinnakaṇḍe vuttappakāranti ‘‘dānapatīnaṃ gharesu sālā honti, āsanāni cettha paññattāni honti, upaṭṭhāpitaṃ udakakañjiyaṃ, tattha pabbajitā piṇḍāya caritvā nisīditvā bhuñjanti. Sace icchanti, dānapatīnampi santakaṃ gaṇhanti, tasmā tampi aññatarassa kulassa īdisāya sālāya aññataraṃ kuṭṭamūlanti veditabba’’nti evaṃ vuttappakāraṃ.
аббам̣ ваа б̣ахум̣ ваа бхаасассууд̇и бариб̣б̣ааж̇аго ‘‘ахам̣ убад̇иссо наама, д̇вам̣ яат̇аасад̇д̇ияаа аббам̣ ваа б̣ахум̣ ваа баавад̣̇а, зд̇ам̣ наяасад̇зна наяасахассзна бадивиж̇жхид̇ум̣ маяхам̣ бхааро’’д̇и жинд̇зд̇ваа звамааха. нирод̇хо жа нирод̇хубааяо жа згад̣̇зсасаруубзгасзсанаязна ‘‘нирод̇хо’’д̇и вуд̇д̇од̇и д̣̇ассзнд̇о ‘‘ат̇а ваа’’д̇иаад̣̇имааха. бадибаад̣̇знд̇од̇и ниг̇амзнд̇о. имам̣ д̇хаммабарияааяам̣ суд̇ваа вираж̇ам̣ вийд̇амалам̣ д̇хаммажагкум̣ уд̣̇абаад̣̇ийд̇и зд̇т̇а бариб̣б̣ааж̇аго батамабад̣̇ад̣̇ваяамзва суд̇ваа сахассанаяасамбаннз сод̇аабад̇д̇ипалз бад̇идтахи. ид̇арабад̣̇ад̣̇ваяам̣ сод̇аабаннагаалз нидтаасийд̇и взд̣̇ид̇аб̣б̣ам̣.
Appaṃ vā bahuṃ vā bhāsassūti paribbājako ‘‘ahaṃ upatisso nāma, tvaṃ yathāsattiyā appaṃ vā bahuṃ vā pāvada, etaṃ nayasatena nayasahassena paṭivijjhituṃ mayhaṃ bhāro’’ti cintetvā evamāha. Nirodho ca nirodhupāyo ca ekadesasarūpekasesanayena ‘‘nirodho’’ti vuttoti dassento ‘‘atha vā’’tiādimāha. Paṭipādentoti nigamento. Imaṃ dhammapariyāyaṃ sutvā virajaṃ vītamalaṃ dhammacakkhuṃ udapādīti ettha paribbājako paṭhamapadadvayameva sutvā sahassanayasampanne sotāpattiphale patiṭṭhahi. Itarapadadvayaṃ sotāpannakāle niṭṭhāsīti veditabbaṃ.
б̣ахугзхи габбанахуд̇зхийд̇и зд̇т̇а д̣̇аса д̣̇асагаани сад̇ам̣, д̣̇аса сад̇аани сахассам̣, сахассаанам̣ сад̇ам̣ сад̇асахассам̣, сад̇асахассаанам̣ сад̇ам̣ годи, годисад̇асахассаанам̣ сад̇ам̣ багоди, багодисад̇асахассаанам̣ сад̇ам̣ годибагоди, годибагодисад̇асахассаанам̣ сад̇ам̣ зганахуд̇анд̇и взд̣̇ид̇аб̣б̣ам̣.
Bahukehi kappanahutehīti ettha dasa dasakāni sataṃ, dasa satāni sahassaṃ, sahassānaṃ sataṃ satasahassaṃ, satasahassānaṃ sataṃ koṭi, koṭisatasahassānaṃ sataṃ pakoṭi, pakoṭisatasahassānaṃ sataṃ koṭipakoṭi, koṭipakoṭisatasahassānaṃ sataṃ ekanahutanti veditabbaṃ.
61. ат̇а ко саарибуд̇д̇о бариб̣б̣ааж̇аго язна мог̇г̇аллаано бариб̣б̣ааж̇аго д̇знубасан̇гамийд̇и (а. ни. адта. 1.1.189-190; д̇ха. ба. адта. 1.10 саарибуд̇д̇ад̇т̇зравад̇т̇у) сод̇аабанно худ̇ваа убаривисзсз аббавад̇д̇анд̇з ‘‘бхависсад̇и зд̇т̇а гааран̣а’’нд̇и саллагкзд̇ваа т̇зрам̣ ааха ‘‘бханд̇з, маа убари д̇хаммад̣̇зсанам̣ вад̣дхаяид̇т̇а, зд̇д̇агамзва ход̇у, гахам̣ амхаагам̣ сад̇т̇аа васад̇ий’’д̇и. взл̣уванз бариб̣б̣ааж̇агаад̇и. ‘‘бханд̇з, д̇умхз бурад̇о яаат̇а, маяхам̣ зго сахааяаго ад̇т̇и, амхзхи жа ан̃н̃аман̃н̃ам̣ гад̇игаа гад̇аа ‘яо батамам̣ амад̇ам̣ ад̇хиг̇ажчад̇и, со аарожзд̇уу’д̇и, ахам̣ д̇ам̣ бадин̃н̃ам̣ можзд̇ваа сахааяагам̣ г̇ахзд̇ваа д̇умхаагам̣ г̇ад̇амаг̇г̇знзва сад̇т̇у санд̇игам̣ ааг̇амиссаамий’’д̇и бан̃жабад̇идтид̇зна т̇зрасса баад̣̇зсу нибад̇ид̇ваа д̇игкад̇д̇ум̣ бад̣̇агкин̣ам̣ гад̇ваа т̇зрам̣ уяяож̇зд̇ваа бариб̣б̣ааж̇агаараамаабхимуко аг̇амааси.
61.Athakho sāriputto paribbājako yena moggallāno paribbājako tenupasaṅkamīti (a. ni. aṭṭha. 1.1.189-190; dha. pa. aṭṭha. 1.10 sāriputtattheravatthu) sotāpanno hutvā uparivisese appavattante ‘‘bhavissati ettha kāraṇa’’nti sallakkhetvā theraṃ āha ‘‘bhante, mā upari dhammadesanaṃ vaḍḍhayittha, ettakameva hotu, kahaṃ amhākaṃ satthā vasatī’’ti. Veḷuvane paribbājakāti. ‘‘Bhante, tumhe purato yātha, mayhaṃ eko sahāyako atthi, amhehi ca aññamaññaṃ katikā katā ‘yo paṭhamaṃ amataṃ adhigacchati, so ārocetū’ti, ahaṃ taṃ paṭiññaṃ mocetvā sahāyakaṃ gahetvā tumhākaṃ gatamaggeneva satthu santikaṃ āgamissāmī’’ti pañcapatiṭṭhitena therassa pādesu nipatitvā tikkhattuṃ padakkhiṇaṃ katvā theraṃ uyyojetvā paribbājakārāmābhimukho agamāsi.
62. саарибуд̇д̇ам̣ бариб̣б̣ааж̇агам̣ зд̇ад̣̇авожаад̇и ‘‘аж̇ж̇а маяхам̣ сахааяасса мукаван̣н̣о на ан̃н̃ад̣̇ивасзсу вияа, ад̣̇д̇хаа анзна амад̇ам̣ ад̇хиг̇ад̇ам̣ бхависсад̇ий’’д̇и амад̇аад̇хиг̇амам̣ бужчанд̇о зд̇ад̣̇авожа. собисса ‘‘аамаавусо, амад̇ам̣ ад̇хиг̇ад̇а’’нд̇и бадиж̇аанид̇ваа саб̣б̣ам̣ бавад̇д̇им̣ аарожзд̇ваа д̇амзва г̇аат̇ам̣ абхааси. г̇аат̇аабарияосаанз мог̇г̇аллаано бариб̣б̣ааж̇аго сод̇аабад̇д̇ипалз бад̇идтахи. д̇зна вуд̇д̇ам̣ ‘‘ат̇а ко мог̇г̇аллаанасса бариб̣б̣ааж̇агасса…бз… д̇хаммажагкум̣ уд̣̇абаад̣̇ий’’д̇и. г̇ажчаама маяам̣, аавусо, бхаг̇авад̇о санд̇игзд̇и ‘‘гахам̣ самма сад̇т̇аа васад̇ий’’д̇и бужчид̇ваа ‘‘взл̣уванз гира самма, звам̣ но аажариязна ассаж̇ид̇т̇зрзна гат̇ид̇а’’нд̇и вуд̇д̇з звамааха.
62.Sāriputtaṃ paribbājakaṃ etadavocāti ‘‘ajja mayhaṃ sahāyassa mukhavaṇṇo na aññadivasesu viya, addhā anena amataṃ adhigataṃ bhavissatī’’ti amatādhigamaṃ pucchanto etadavoca. Sopissa ‘‘āmāvuso, amataṃ adhigata’’nti paṭijānitvā sabbaṃ pavattiṃ ārocetvā tameva gāthaṃ abhāsi. Gāthāpariyosāne moggallāno paribbājako sotāpattiphale patiṭṭhahi. Tena vuttaṃ ‘‘atha kho moggallānassa paribbājakassa…pe… dhammacakkhuṃ udapādī’’ti. Gacchāma mayaṃ, āvuso, bhagavato santiketi ‘‘kahaṃ samma satthā vasatī’’ti pucchitvā ‘‘veḷuvane kira samma, evaṃ no ācariyena assajittherena kathita’’nti vutte evamāha.
саарибуд̇д̇ад̇т̇зро жа наамзса сад̣̇ааби аажарияабууж̇агова, д̇асмаа сахааяам̣ мог̇г̇аллаанам̣ бариб̣б̣ааж̇агам̣ звамааха ‘‘амхзхи ад̇хиг̇ад̇ам̣ амад̇ам̣ амхаагам̣ аажарияасса сан̃жаяабариб̣б̣ааж̇агассаби гат̇зссаама, б̣уж̇жхамаано бадивиж̇жхиссад̇и, аббадивиж̇жханд̇о амхаагам̣ сад̣̇д̣̇ахид̇ваа сад̇т̇у санд̇игам̣ г̇амиссад̇и, б̣уд̣̇д̇хаанам̣ д̣̇зсанам̣ суд̇ваа маг̇г̇апалаббадивзд̇хам̣ гариссад̇ий’’д̇и. д̇ад̇о д̣̇взби ж̇анаа сан̃жаяасса санд̇игам̣ аг̇амам̣су. д̇зна вуд̇д̇ам̣ ‘‘ат̇а ко саарибуд̇д̇амог̇г̇аллаанаа язна сан̃жаяо бариб̣б̣ааж̇аго д̇знубасан̇гамим̣суу’’д̇и. убасан̇гамид̇ваа жа ‘‘аажарияа, д̇вам̣ гим̣ гароси, логз б̣уд̣̇д̇хо уббанно, сваагкаад̇о д̇хаммо, суббадибанно сан̇гхо, ааяаама д̣̇асаб̣алам̣ бассиссаамаа’’д̇и. со ‘‘гим̣ вад̣̇ат̇а д̇аад̇аа’’д̇и д̇зби ваарзд̇ваа лаабхаг̇г̇аяасаг̇г̇аббавад̇д̇имзва нзсам̣ д̣̇ийбзд̇и. д̇з ‘‘амхаагам̣ зваруубо анд̇зваасигаваасо нижжамзва ход̇у, д̇умхаагам̣ бана г̇аманам̣ ваа аг̇аманам̣ ваа ж̇аанаат̇аа’’д̇и аахам̣су. сан̃жаяо ‘‘имз зд̇д̇агам̣ ж̇аананд̇аа мама важанам̣ на гариссанд̇ий’’д̇и н̃ад̇ваа ‘‘г̇ажчат̇а д̇умхз д̇аад̇аа, ахам̣ махаллагагаалз анд̇зваасигаваасам̣ васид̇ум̣ на саггомий’’д̇и ааха. д̇з анзгзхиби гааран̣асад̇зхи д̇ам̣ б̣од̇хзд̇ум̣ асаггонд̇аа ад̇д̇ано оваад̣̇з вад̇д̇амаанам̣ ж̇анам̣ аад̣̇ааяа взл̣уванам̣ аг̇амам̣су. бан̃жасу анд̇зваасигасад̇зсу ад̣дхад̇зяяасад̇аа нивад̇д̇им̣су, ад̣дхад̇зяяасад̇аа д̇зхи сад̣̇д̇хим̣ аг̇амам̣су. д̇зна вуд̇д̇ам̣ ‘‘ат̇а ко саарибуд̇д̇амог̇г̇аллаанаа д̇аани ад̣дхад̇зяяаани бариб̣б̣ааж̇агасад̇аани аад̣̇ааяа язна взл̣уванам̣ д̇знубасан̇гамим̣суу’’д̇и.
Sāriputtatthero ca nāmesa sadāpi ācariyapūjakova, tasmā sahāyaṃ moggallānaṃ paribbājakaṃ evamāha ‘‘amhehi adhigataṃ amataṃ amhākaṃ ācariyassa sañcayaparibbājakassapi kathessāma, bujjhamāno paṭivijjhissati, appaṭivijjhanto amhākaṃ saddahitvā satthu santikaṃ gamissati, buddhānaṃ desanaṃ sutvā maggaphalappaṭivedhaṃ karissatī’’ti. Tato dvepi janā sañcayassa santikaṃ agamaṃsu. Tena vuttaṃ ‘‘atha kho sāriputtamoggallānā yena sañcayo paribbājako tenupasaṅkamiṃsū’’ti. Upasaṅkamitvā ca ‘‘ācariya, tvaṃ kiṃ karosi, loke buddho uppanno, svākkhāto dhammo, suppaṭipanno saṅgho, āyāma dasabalaṃ passissāmā’’ti. So ‘‘kiṃ vadatha tātā’’ti tepi vāretvā lābhaggayasaggappavattimeva nesaṃ dīpeti. Te ‘‘amhākaṃ evarūpo antevāsikavāso niccameva hotu, tumhākaṃ pana gamanaṃ vā agamanaṃ vā jānāthā’’ti āhaṃsu. Sañcayo ‘‘ime ettakaṃ jānantā mama vacanaṃ na karissantī’’ti ñatvā ‘‘gacchatha tumhe tātā, ahaṃ mahallakakāle antevāsikavāsaṃ vasituṃ na sakkomī’’ti āha. Te anekehipi kāraṇasatehi taṃ bodhetuṃ asakkontā attano ovāde vattamānaṃ janaṃ ādāya veḷuvanaṃ agamaṃsu. Pañcasu antevāsikasatesu aḍḍhateyyasatā nivattiṃsu, aḍḍhateyyasatā tehi saddhiṃ agamaṃsu. Tena vuttaṃ ‘‘atha kho sāriputtamoggallānā tāni aḍḍhateyyāni paribbājakasatāni ādāya yena veḷuvanaṃ tenupasaṅkamiṃsū’’ti.
вимуд̇д̇зд̇и яат̇аавуд̇д̇алагкан̣з ниб̣б̣аанз д̇ад̣̇аарамман̣ааяа палавимуд̇д̇ияаа ад̇химуд̇д̇з нз саарибуд̇д̇амог̇г̇аллаанз б̣яаагаасийд̇и самб̣анд̇хо.
Vimutteti yathāvuttalakkhaṇe nibbāne tadārammaṇāya phalavimuttiyā adhimutte ne sāriputtamoggallāne byākāsīti sambandho.
звам̣ б̣яаагарид̇ваа жа сад̇т̇аа жад̇убарисамаж̇жхз д̇хаммам̣ д̣̇зсзнд̇о нзсам̣ барисааяа жарияавасзна д̇хаммад̣̇зсанам̣ вад̣дхзси, табзд̇ваа д̣̇вз аг̇г̇асаавагз саб̣б̣зби ад̣дхад̇зяяасад̇аа бариб̣б̣ааж̇агаа арахад̇д̇ам̣ баабун̣им̣су. сад̇т̇аа ‘‘зт̇а бхигкаво’’д̇и хад̇т̇ам̣ басаарзси, саб̣б̣зсам̣ гзсамассу анд̇арад̇хааяи, ид̣̇д̇химаяабад̇д̇ажийварам̣ гааяабадиб̣ад̣̇д̇хам̣ ахоси. аг̇г̇асаавагаанамби ид̣̇д̇химаяабад̇д̇ажийварам̣ ааг̇ад̇ам̣, убаримаг̇г̇ад̇д̇аяагижжам̣ бана на нидтаад̇и. гасмаа? саавагабаарамийн̃аан̣асса маханд̇ад̇ааяа. ат̇ааяасмаа махаамог̇г̇аллаано баб̣б̣аж̇ид̇ад̣̇ивасад̇о сад̇д̇амз д̣̇ивасз маг̇ад̇харадтз галлаваал̣аг̇аамагам̣ убаниссааяа саман̣ад̇хаммам̣ гаронд̇о т̇инамид̣̇д̇хам̣ оггаманд̇о сад̇т̇аараа сам̣взж̇ид̇о т̇инамид̣̇д̇хам̣ винод̣̇зд̇ваа д̇ат̇ааг̇ад̇зна д̣̇иннам̣ д̇хаад̇угаммадтаанам̣ сун̣анд̇ова убаримаг̇г̇ад̇д̇аяагижжам̣ нидтаабзд̇ваа саавагабаарамийн̃аан̣асса мад̇т̇агам̣ бад̇д̇о. саарибуд̇д̇ад̇т̇зроби баб̣б̣аж̇ид̇ад̣̇ивасад̇о ад̣̇д̇хамаасам̣ ад̇иггамид̇ваа сад̇т̇аараа сад̣̇д̇хим̣ д̇амзва рааж̇аг̇ахам̣ убаниссааяа суугаракад̇алзн̣з вихаранд̇о ад̇д̇ано бхааг̇инзяяасса д̣̇ийгханакабариб̣б̣ааж̇агасса взд̣̇анаабариг̇г̇ахасуд̇д̇анд̇з д̣̇зсияамаанз суд̇д̇аанусаарзна н̃аан̣ам̣ бзсзд̇ваа барасса вад̣дхид̇абхад̇д̇ам̣ бхун̃ж̇анд̇о вияа саавагабаарамийн̃аан̣асса мад̇т̇агам̣ бад̇д̇о. д̇знзвааха ‘‘махаамог̇г̇аллаанад̇т̇зро сад̇д̇ахи д̣̇ивасзхи арахад̇д̇з бад̇идтид̇о, саарибуд̇д̇ад̇т̇зро ад̣̇д̇хамаасзнаа’’д̇и.
Evaṃ byākaritvā ca satthā catuparisamajjhe dhammaṃ desento nesaṃ parisāya cariyavasena dhammadesanaṃ vaḍḍhesi, ṭhapetvā dve aggasāvake sabbepi aḍḍhateyyasatā paribbājakā arahattaṃ pāpuṇiṃsu. Satthā ‘‘etha bhikkhavo’’ti hatthaṃ pasāresi, sabbesaṃ kesamassu antaradhāyi, iddhimayapattacīvaraṃ kāyapaṭibaddhaṃ ahosi. Aggasāvakānampi iddhimayapattacīvaraṃ āgataṃ, uparimaggattayakiccaṃ pana na niṭṭhāti. Kasmā? Sāvakapāramīñāṇassa mahantatāya. Athāyasmā mahāmoggallāno pabbajitadivasato sattame divase magadharaṭṭhe kallavāḷagāmakaṃ upanissāya samaṇadhammaṃ karonto thinamiddhaṃ okkamanto satthārā saṃvejito thinamiddhaṃ vinodetvā tathāgatena dinnaṃ dhātukammaṭṭhānaṃ suṇantova uparimaggattayakiccaṃ niṭṭhāpetvā sāvakapāramīñāṇassa matthakaṃ patto. Sāriputtattheropi pabbajitadivasato addhamāsaṃ atikkamitvā satthārā saddhiṃ tameva rājagahaṃ upanissāya sūkarakhataleṇe viharanto attano bhāgineyyassa dīghanakhaparibbājakassa vedanāpariggahasuttante desiyamāne suttānusārena ñāṇaṃ pesetvā parassa vaḍḍhitabhattaṃ bhuñjanto viya sāvakapāramīñāṇassa matthakaṃ patto. Tenevāha ‘‘mahāmoggallānatthero sattahi divasehi arahatte patiṭṭhito, sāriputtatthero addhamāsenā’’ti.
яад̣̇иби махаамог̇г̇аллаанад̇т̇зро на жирассзва арахад̇д̇ам̣ бад̇д̇о, д̇хаммасзнаабад̇и д̇ад̇о жирзна, звам̣ санд̇зби саарибуд̇д̇ад̇т̇зрова махаабан̃н̃ад̇аро. махаамог̇г̇аллаанад̇т̇зро хи саавагаанам̣ саммасанажаарам̣ яадтигодияаа уббийл̣знд̇о вияа згад̣̇зсамзва саммасанд̇о сад̇д̇а д̣̇ивасз вааяамид̇ваа арахад̇д̇ам̣ бад̇д̇о. саарибуд̇д̇ад̇т̇зро табзд̇ваа б̣уд̣̇д̇хаанам̣ бажжзгаб̣уд̣̇д̇хаанан̃жа саммасанажаарам̣ саавагаанам̣ саммасанажаарам̣ ниббад̣̇зсам̣ саммаси, звам̣ саммасанд̇о ад̣̇д̇хамаасам̣ вааяами. уггам̣саг̇ад̇асса саавагаанам̣ саммасанажаарасса ниббад̣̇зсзна бавад̇д̇ияамаанад̇д̇аа саавагабаарамийн̃аан̣асса жа д̇ат̇аа барибаажзд̇аб̣б̣ад̇д̇аа. яат̇аа хи бурисо ‘‘взн̣уяадтим̣ г̇ан̣хиссаамий’’д̇и махааж̇адам̣ взн̣ум̣ д̣̇исваа ‘‘ж̇адам̣ чинд̣̇анд̇асса бабан̃жо бхависсад̇ий’’д̇и анд̇арзна хад̇т̇ам̣ бавзсзд̇ваа самбад̇д̇амзва яадтим̣ муулз жа аг̇г̇з жа чинд̣̇ид̇ваа аад̣̇ааяа баггамзяяа, со гин̃жааби батамад̇арам̣ г̇ажчад̇и, яадтим̣ бана саарам̣ ваа уж̇ум̣ ваа на лабхад̇и. абаро д̇ат̇ааруубамзва взн̣ум̣ д̣̇исваа сажз самбад̇д̇аяадтим̣ г̇ан̣хиссаами, саарам̣ ваа уж̇ум̣ ваа на лабхиссаамийд̇и гажчам̣ б̣анд̇хид̇ваа маханд̇зна сад̇т̇зна взн̣уж̇адам̣ чинд̣̇ид̇ваа саараа жзва уж̇уу жа яадтияо ужжинид̇ваа аад̣̇ааяа баггамзяяа, аяам̣ гин̃жааби бажчаа г̇ажчад̇и, яадтияо бана саараа жзва уж̇уу жа лабхад̇и, звам̣самбад̣̇амид̣̇ам̣ имзсам̣ д̣̇виннам̣ т̇зраанам̣ бад̇хаанам̣.
Yadipi mahāmoggallānatthero na cirasseva arahattaṃ patto, dhammasenāpati tato cirena, evaṃ santepi sāriputtattherova mahāpaññataro. Mahāmoggallānatthero hi sāvakānaṃ sammasanacāraṃ yaṭṭhikoṭiyā uppīḷento viya ekadesameva sammasanto satta divase vāyamitvā arahattaṃ patto. Sāriputtatthero ṭhapetvā buddhānaṃ paccekabuddhānañca sammasanacāraṃ sāvakānaṃ sammasanacāraṃ nippadesaṃ sammasi, evaṃ sammasanto addhamāsaṃ vāyami. Ukkaṃsagatassa sāvakānaṃ sammasanacārassa nippadesena pavattiyamānattā sāvakapāramīñāṇassa ca tathā paripācetabbattā. Yathā hi puriso ‘‘veṇuyaṭṭhiṃ gaṇhissāmī’’ti mahājaṭaṃ veṇuṃ disvā ‘‘jaṭaṃ chindantassa papañco bhavissatī’’ti antarena hatthaṃ pavesetvā sampattameva yaṭṭhiṃ mūle ca agge ca chinditvā ādāya pakkameyya, so kiñcāpi paṭhamataraṃ gacchati, yaṭṭhiṃ pana sāraṃ vā ujuṃ vā na labhati. Aparo tathārūpameva veṇuṃ disvā sace sampattayaṭṭhiṃ gaṇhissāmi, sāraṃ vā ujuṃ vā na labhissāmīti kacchaṃ bandhitvā mahantena satthena veṇujaṭaṃ chinditvā sārā ceva ujū ca yaṭṭhiyo uccinitvā ādāya pakkameyya, ayaṃ kiñcāpi pacchā gacchati, yaṭṭhiyo pana sārā ceva ujū ca labhati, evaṃsampadamidaṃ imesaṃ dvinnaṃ therānaṃ padhānaṃ.
саммасанажааро жа наамзд̇т̇а вибассанаабхууми взд̣̇ид̇аб̣б̣аа саммасанам̣ жарад̇и зд̇т̇аад̇и саммасанажаарод̇и гад̇ваа. д̇ад̇т̇а б̣уд̣̇д̇хаанам̣ саммасанажааро д̣̇асасахассалогад̇хаад̇уяам̣ сад̇д̇асанд̇аанаг̇ад̇аа анинд̣̇рияаб̣ад̣̇д̇хаа жа сан̇каараад̇и вад̣̇анд̇и. годисад̇асахассажаггаваал̣зсууд̇и абарз. д̇ат̇аа хи ад̇д̇анияавасзна бадижжасамуббаад̣̇анаяам̣ од̇арид̇ваа чад̇д̇им̣сагодисад̇асахассамукзна б̣уд̣̇д̇хаанам̣ махааваж̇иран̃аан̣ам̣ бавад̇д̇ам̣. бажжзгаб̣уд̣̇д̇хаанам̣ сасанд̇аанаг̇ад̇зхи сад̣̇д̇хим̣ маж̇жхимад̣̇зсаваасийсад̇д̇асанд̇аанаг̇ад̇аа анинд̣̇рияаб̣ад̣̇д̇хаа жа сан̇каараа саммасанажаарод̇и вад̣̇анд̇и. ж̇амб̣уд̣̇ийбаваасийсанд̇аанаг̇ад̇аад̇и гзжи. сасанд̇аанаг̇ад̇з саб̣б̣ад̇хаммз барасанд̇аанаг̇ад̇з жа санд̇аанавибхааг̇ам̣ агад̇ваа б̣ахид̣̇д̇хаабхаавасааман̃н̃ад̇о саммасанам̣, аяам̣ саавагаанам̣ саммасанажааро. мог̇г̇аллаанад̇т̇зро бана б̣ахид̣̇д̇хаа д̇хаммзби сасанд̇аанавибхааг̇зна гзжи гзжи уд̣̇д̇харид̇ваа саммаси, д̇ан̃жа ко н̃аан̣зна пудтамад̇д̇ам̣ гад̇ваа. д̇зна вуд̇д̇ам̣ ‘‘яадтигодияаа уббийл̣знд̇о вияа згад̣̇зсамзва саммасанд̇о’’д̇и. д̇ад̇т̇а н̃аан̣зна наама яаавад̇аа нзяяам̣ вад̇д̇ид̇аб̣б̣ам̣, д̇аавад̇аа авад̇д̇анад̇о ‘‘яадтигодияаа уббийл̣знд̇о вияаа’’д̇и вуд̇д̇ам̣, анубад̣̇ад̇хаммавибассанааяа абхаавад̇о ‘‘згад̣̇зсамзва саммасанд̇о’’д̇и вуд̇д̇ам̣. д̇хаммасзнаабад̇иноби яат̇аавуд̇д̇асаавагаанам̣ вибассанааяа бхуумиязва саммасанажааро. д̇ад̇т̇а бана т̇зро саад̇исаяам̣ ниравасзсам̣ анубад̣̇ан̃жа саммаа вибасси. д̇зна вуд̇д̇ам̣ ‘‘саавагаанам̣ саммасанажаарам̣ ниббад̣̇зсам̣ саммасий’’д̇и.
Sammasanacāro ca nāmettha vipassanābhūmi veditabbā sammasanaṃ carati etthāti sammasanacāroti katvā. Tattha buddhānaṃ sammasanacāro dasasahassalokadhātuyaṃ sattasantānagatā anindriyabaddhā ca saṅkhārāti vadanti. Koṭisatasahassacakkavāḷesūti apare. Tathā hi attaniyavasena paṭiccasamuppādanayaṃ otaritvā chattiṃsakoṭisatasahassamukhena buddhānaṃ mahāvajirañāṇaṃ pavattaṃ. Paccekabuddhānaṃ sasantānagatehi saddhiṃ majjhimadesavāsīsattasantānagatā anindriyabaddhā ca saṅkhārā sammasanacāroti vadanti. Jambudīpavāsīsantānagatāti keci. Sasantānagate sabbadhamme parasantānagate ca santānavibhāgaṃ akatvā bahiddhābhāvasāmaññato sammasanaṃ, ayaṃ sāvakānaṃ sammasanacāro. Moggallānatthero pana bahiddhā dhammepi sasantānavibhāgena keci keci uddharitvā sammasi, tañca kho ñāṇena phuṭṭhamattaṃ katvā. Tena vuttaṃ ‘‘yaṭṭhikoṭiyā uppīḷento viya ekadesameva sammasanto’’ti. Tattha ñāṇena nāma yāvatā neyyaṃ vattitabbaṃ, tāvatā avattanato ‘‘yaṭṭhikoṭiyā uppīḷento viyā’’ti vuttaṃ, anupadadhammavipassanāya abhāvato ‘‘ekadesameva sammasanto’’ti vuttaṃ. Dhammasenāpatinopi yathāvuttasāvakānaṃ vipassanāya bhūmiyeva sammasanacāro. Tattha pana thero sātisayaṃ niravasesaṃ anupadañca sammā vipassi. Tena vuttaṃ ‘‘sāvakānaṃ sammasanacāraṃ nippadesaṃ sammasī’’ti.
зд̇т̇а жа сугкавибассагаа логияаабхин̃н̃аббад̇д̇аа багад̇исаавагаа махаасаавагаа аг̇г̇асаавагаа бажжзгаб̣уд̣̇д̇хаа саммаасамб̣уд̣̇д̇хаад̇и часу ж̇анзсу сугкавибассагаанам̣ жхаанаабхин̃н̃аахи анад̇хиг̇ад̇абан̃н̃аанзбун̃н̃ад̇д̇аа анд̇хаанам̣ вияа ижчид̇абад̣̇зсоггаманам̣ вибассанаагаалз ижчид̇ижчид̇ад̇хаммабхааванаа над̇т̇и, д̇з яат̇аабариг̇г̇ахид̇ад̇хаммамад̇д̇зязва вибассанам̣ вад̣дхзнд̇и. логияаабхин̃н̃аббад̇д̇аа бана багад̇исаавагаа язна мукзна вибассанам̣ аарабханд̇и, д̇ад̇о ан̃н̃знаби вибассанам̣ вид̇т̇ааригам̣ гаад̇ум̣ саггонд̇и вибулан̃аан̣ад̇д̇аа. махаасаавагаа абхинийхаарасамбаннад̇д̇аа д̇ад̇о саад̇исаяам̣ вибассанам̣ вид̇т̇ааригам̣ гаад̇ум̣ саггонд̇и. аг̇г̇асаавагзсу д̣̇уд̇ияо абхинийхаарасамбад̇д̇ияаа самаад̇хаанасса саад̇исаяад̇д̇аа вибассанам̣ д̇ад̇оби вид̇т̇ааригам̣ гарод̇и. батамо бана д̇ад̇оби махаабан̃н̃ад̇ааяа саавагзхи асаад̇хааран̣ам̣ гад̇ваа вибассанам̣ вид̇т̇ааригам̣ гарод̇и. бажжзгаб̣уд̣̇д̇хаа д̇зхиби махаабхинийхаарад̇ааяа ад̇д̇ано абхинийхаараануруубам̣ д̇ад̇оби вид̇т̇ааригам̣ вибассанам̣ гаронд̇и. б̣уд̣̇д̇хаанам̣ саммад̣̇зва барибуурид̇абан̃н̃аабаарамийбабхаавид̇аа саб̣б̣ан̃н̃уд̇ан̃н̃аан̣аад̇хиг̇амасса ануруубаа яат̇аа наама гад̇аваалавзд̇хабарижаязна сарабхан̇г̇асад̣̇исзна д̇хануг̇г̇ахзна кид̇д̇о саро анд̇араа ругкалад̇аад̣̇ийсу асаж̇ж̇амаано лагкзязва бад̇ад̇и, на саж̇ж̇ад̇и на вираж̇ж̇ад̇и, звам̣ анд̇араа асаж̇ж̇амаанаа авираж̇ж̇амаанаа вибассанаа саммасанийяад̇хаммзсу яаат̇аавад̇о наанаанаязхи бавад̇д̇ад̇и, яам̣ ‘‘махааваж̇иран̃аан̣а’’нд̇и вужжад̇и.
Ettha ca sukkhavipassakā lokiyābhiññappattā pakatisāvakā mahāsāvakā aggasāvakā paccekabuddhā sammāsambuddhāti chasu janesu sukkhavipassakānaṃ jhānābhiññāhi anadhigatapaññānepuññattā andhānaṃ viya icchitapadesokkamanaṃ vipassanākāle icchiticchitadhammabhāvanā natthi, te yathāpariggahitadhammamatteyeva vipassanaṃ vaḍḍhenti. Lokiyābhiññappattā pana pakatisāvakā yena mukhena vipassanaṃ ārabhanti, tato aññenapi vipassanaṃ vitthārikaṃ kātuṃ sakkonti vipulañāṇattā. Mahāsāvakā abhinīhārasampannattā tato sātisayaṃ vipassanaṃ vitthārikaṃ kātuṃ sakkonti. Aggasāvakesu dutiyo abhinīhārasampattiyā samādhānassa sātisayattā vipassanaṃ tatopi vitthārikaṃ karoti. Paṭhamo pana tatopi mahāpaññatāya sāvakehi asādhāraṇaṃ katvā vipassanaṃ vitthārikaṃ karoti. Paccekabuddhā tehipi mahābhinīhāratāya attano abhinīhārānurūpaṃ tatopi vitthārikaṃ vipassanaṃ karonti. Buddhānaṃ sammadeva paripūritapaññāpāramīpabhāvitā sabbaññutaññāṇādhigamassa anurūpā yathā nāma katavālavedhaparicayena sarabhaṅgasadisena dhanuggahena khitto saro antarā rukkhalatādīsu asajjamāno lakkheyeva patati, na sajjati na virajjati, evaṃ antarā asajjamānā avirajjamānā vipassanā sammasanīyadhammesu yāthāvato nānānayehi pavattati, yaṃ ‘‘mahāvajirañāṇa’’nti vuccati.
зд̇зсу жа сугкавибассагаанам̣ вибассанаажааро каж̇ж̇од̇аббабхаасад̣̇исо, абхин̃н̃аббад̇д̇абагад̇исаавагаанам̣ д̣̇ийбаббабхаасад̣̇исо, махаасаавагаанам̣ уггааббабхаасад̣̇исо, аг̇г̇асаавагаанам̣ осад̇хид̇аарагаббабхаасад̣̇исо, бажжзгаб̣уд̣̇д̇хаанам̣ жанд̣̇аббабхаасад̣̇исо, саммаасамб̣уд̣̇д̇хаанам̣ расмисахассабадиман̣д̣ид̇асарад̣̇асуурияаман̣д̣аласад̣̇исо худ̇ваа убадтаад̇и. д̇ат̇аа сугкавибассагаанам̣ вибассанаажааро анд̇хаанам̣ яадтигодияаа г̇аманасад̣̇исо, логияаабхин̃н̃аббад̇д̇абагад̇исаавагаанам̣ д̣̇ан̣д̣агасзд̇уг̇аманасад̣̇исо, махаасаавагаанам̣ ж̇ан̇гхасзд̇уг̇аманасад̣̇исо, аг̇г̇асаавагаанам̣ сагадасзд̇уг̇аманасад̣̇исо, бажжзгаб̣уд̣̇д̇хаанам̣ махааж̇ан̇гхамаг̇г̇аг̇аманасад̣̇исо, саммаасамб̣уд̣̇д̇хаанам̣ махаасагадамаг̇г̇аг̇аманасад̣̇исо. д̇ат̇аа б̣уд̣̇д̇хаанам̣ бажжзгаб̣уд̣̇д̇хаанан̃жа вибассанаа жинд̇аамаяан̃аан̣асам̣вад̣дхид̇ад̇д̇аа саяамбхуун̃аан̣абхууд̇аа, ид̇арзсам̣ суд̇амаяан̃аан̣асам̣вад̣дхид̇ад̇д̇аа баробад̣̇зсасамбхууд̇аад̇и взд̣̇ид̇аб̣б̣аа.
Etesu ca sukkhavipassakānaṃ vipassanācāro khajjotappabhāsadiso, abhiññappattapakatisāvakānaṃ dīpappabhāsadiso, mahāsāvakānaṃ ukkāppabhāsadiso, aggasāvakānaṃ osadhitārakappabhāsadiso, paccekabuddhānaṃ candappabhāsadiso, sammāsambuddhānaṃ rasmisahassapaṭimaṇḍitasaradasūriyamaṇḍalasadiso hutvā upaṭṭhāti. Tathā sukkhavipassakānaṃ vipassanācāro andhānaṃ yaṭṭhikoṭiyā gamanasadiso, lokiyābhiññappattapakatisāvakānaṃ daṇḍakasetugamanasadiso, mahāsāvakānaṃ jaṅghasetugamanasadiso, aggasāvakānaṃ sakaṭasetugamanasadiso, paccekabuddhānaṃ mahājaṅghamaggagamanasadiso, sammāsambuddhānaṃ mahāsakaṭamaggagamanasadiso. Tathā buddhānaṃ paccekabuddhānañca vipassanā cintāmayañāṇasaṃvaḍḍhitattā sayambhūñāṇabhūtā, itaresaṃ sutamayañāṇasaṃvaḍḍhitattā paropadesasambhūtāti veditabbā.
ид̣̇аани убхиннамби т̇зраанам̣ буб̣б̣аяог̇ам̣ д̣̇ассзд̇ум̣ ‘‘ад̇ийд̇з гираа’’д̇иаад̣̇имааха. д̇ам̣ саб̣б̣ам̣ уд̇д̇аанад̇т̇амзва.
Idāni ubhinnampi therānaṃ pubbayogaṃ dassetuṃ ‘‘atīte kirā’’tiādimāha. Taṃ sabbaṃ uttānatthameva.
63. г̇ириб̣б̣аж̇анаг̇аранд̇и саманд̇аа баб̣б̣ад̇абаригкид̇д̇ам̣ важ̇асад̣̇исам̣ худ̇ваа д̇идтад̇ийд̇и г̇ириб̣б̣аж̇анд̇и звам̣лад̣̇д̇ханаамам̣ рааж̇аг̇аханаг̇арам̣. усууяанагирияааяа гаммабхаавам̣ санд̇хааяа ‘‘убаяог̇ад̇т̇з ваа’’д̇и вуд̇д̇ам̣.
63.Giribbajanagaranti samantā pabbataparikkhittaṃ vajasadisaṃ hutvā tiṭṭhatīti giribbajanti evaṃladdhanāmaṃ rājagahanagaraṃ. Usūyanakiriyāya kammabhāvaṃ sandhāya ‘‘upayogatthe vā’’ti vuttaṃ.
саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа нидтид̇аа.
Sāriputtamoggallānapabbajjākathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 14. саарибуд̇д̇амог̇г̇аллаанабаб̣б̣аж̇ж̇аагат̇аа • 14. Sāriputtamoggallānapabbajjākathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саарибуд̇д̇амог̇г̇аллаанабаб̣б̣аж̇ж̇аагат̇аа • Sāriputtamoggallānapabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа • Sāriputtamoggallānapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа • Sāriputtamoggallānapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 14. саарибуд̇д̇амог̇г̇аллаана баб̣б̣аж̇ж̇аагат̇аа • 14. Sāriputtamoggallāna pabbajjākathā
