| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа
Sāriputtamoggallānapabbajjākathāvaṇṇanā
60. саарийб̣раахман̣ияаа буд̇д̇о саарибуд̇д̇о. мог̇г̇алийб̣раахман̣ияаа буд̇д̇о мог̇г̇аллаано. чаннабариб̣б̣ааж̇агассаад̇и сзд̇авад̇т̇зна хиригобийнам̣ чаад̣̇зд̇ваа вижаран̣агабариб̣б̣ааж̇агасса, д̇зна ‘‘нааяам̣ наг̇г̇абариб̣б̣ааж̇аго’’д̇и д̣̇ассзд̇и. ‘‘убан̃н̃аад̇а’’нд̇и имасса виваран̣ам̣ н̃аад̇о жзваад̇и. ‘‘маг̇г̇а’’нд̇и имасса виваран̣ам̣ убаг̇ад̇о жа маг̇г̇од̇и. д̇зна жа убан̃н̃аад̇анд̇и зд̇т̇а н̃аад̇а-сад̣̇д̣̇о н̃аан̣абарияааяо. маг̇г̇анд̇и лин̇г̇авибаллаасзна маг̇г̇ова вуд̇д̇о. убасад̣̇д̣̇о жа убаг̇аманад̇т̇о маг̇г̇асад̣̇д̣̇знаби самб̣анд̇хид̇аб̣б̣од̇и д̣̇ассзд̇и. ид̣̇ам̣ вуд̇д̇ам̣ ход̇и – яасмаа бидтид̇о бидтид̇о ануб̣анд̇ханам̣ наама ад̇т̇игзхи убан̃н̃аад̇ам̣ убаг̇ад̇ан̃аан̣ан̃жзва ход̇и, д̇зхи убаг̇ад̇о бадибанно маг̇г̇о жа, д̇асмаа яам̣нуунаахам̣ ануб̣анд̇хзяяанд̇и. убан̃н̃аад̇ам̣ ниб̣б̣аананд̇и убабад̇д̇ияаа анумаанзна н̃аад̇ам̣ ниб̣б̣аанам̣. ‘‘маг̇г̇а’’нд̇и имасса виваран̣ам̣ маг̇г̇анд̇од̇и, анумаанзна н̃аад̇ам̣ бажжагкад̇о д̣̇ассанад̇т̇ааяа г̇авзсанд̇од̇и ад̇т̇о.
60. Sārībrāhmaṇiyā putto sāriputto. Moggalībrāhmaṇiyā putto moggallāno. Channaparibbājakassāti setavatthena hirikopīnaṃ chādetvā vicaraṇakaparibbājakassa, tena ‘‘nāyaṃ naggaparibbājako’’ti dasseti. ‘‘Upaññāta’’nti imassa vivaraṇaṃ ñāto cevāti. ‘‘Magga’’nti imassa vivaraṇaṃ upagato ca maggoti. Tena ca upaññātanti ettha ñāta-saddo ñāṇapariyāyo. Magganti liṅgavipallāsena maggova vutto. Upasaddo ca upagamanattho maggasaddenapi sambandhitabboti dasseti. Idaṃ vuttaṃ hoti – yasmā piṭṭhito piṭṭhito anubandhanaṃ nāma atthikehi upaññātaṃ upagatañāṇañceva hoti, tehi upagato paṭipanno maggo ca, tasmā yaṃnūnāhaṃ anubandheyyanti. Upaññātaṃ nibbānanti upapattiyā anumānena ñātaṃ nibbānaṃ. ‘‘Magga’’nti imassa vivaraṇaṃ maggantoti, anumānena ñātaṃ paccakkhato dassanatthāya gavesantoti attho.
нирод̇хо жа нирод̇хуубааяо жа згасзсзна нирод̇ход̇и вуд̇д̇од̇и д̣̇ассзнд̇о ‘‘ат̇а ваа’’д̇иаад̣̇имааха. бадибаад̣̇знд̇од̇и ниг̇амзнд̇о.
Nirodho ca nirodhūpāyo ca ekasesena nirodhoti vuttoti dassento ‘‘atha vā’’tiādimāha. Paṭipādentoti nigamento.
ид̇о уд̇д̇арийд̇и ид̇о маяаа лад̣̇д̇хасод̇аабад̇д̇ид̇о уд̇д̇ари ид̇арамаг̇г̇ад̇д̇аяам̣ яад̣̇иби над̇т̇и, д̇ат̇ааби зсо зва маяаа г̇авзсид̇о ниб̣б̣аанад̇хаммод̇и ад̇т̇о.
Ito uttarīti ito mayā laddhasotāpattito uttari itaramaggattayaṃ yadipi natthi, tathāpi eso eva mayā gavesito nibbānadhammoti attho.
62-3. д̇ад̣̇аарамман̣ааяаад̇и ниб̣б̣аанаарамман̣ааяа сод̇аабад̇д̇ипалавимуд̇д̇ияаа. д̇зсам̣ ааяасманд̇аананд̇и сабарисаанам̣ д̇зсам̣ д̣̇виннам̣ барисаанам̣ д̇асмим̣язва кан̣з бхаг̇авад̇о д̇хаммам̣ суд̇ваа арахад̇д̇ам̣ баабун̣и, аг̇г̇асаавагаа бана ад̇д̇ано н̃аан̣агижжасса маханд̇ад̇ааяа гад̇ибаахажжаязна. д̇знааха ‘‘зва’’нд̇иаад̣̇и. усууяанагирияааяа гаммабхаавам̣ санд̇хааяа ‘‘убаяог̇ад̇т̇зваа’’д̇и вуд̇д̇ам̣.
62-3.Tadārammaṇāyāti nibbānārammaṇāya sotāpattiphalavimuttiyā. Tesaṃ āyasmantānanti saparisānaṃ tesaṃ dvinnaṃ parisānaṃ tasmiṃyeva khaṇe bhagavato dhammaṃ sutvā arahattaṃ pāpuṇi, aggasāvakā pana attano ñāṇakiccassa mahantatāya katipāhaccayena. Tenāha ‘‘eva’’ntiādi. Usūyanakiriyāya kammabhāvaṃ sandhāya ‘‘upayogatthevā’’ti vuttaṃ.
саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа нидтид̇аа.
Sāriputtamoggallānapabbajjākathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 14. саарибуд̇д̇амог̇г̇аллаанабаб̣б̣аж̇ж̇аагат̇аа • 14. Sāriputtamoggallānapabbajjākathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саарибуд̇д̇амог̇г̇аллаанабаб̣б̣аж̇ж̇аагат̇аа • Sāriputtamoggallānapabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа • Sāriputtamoggallānapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саарибуд̇д̇амог̇г̇аллаанабаб̣б̣аж̇ж̇аагат̇ааван̣н̣анаа • Sāriputtamoggallānapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 14. саарибуд̇д̇амог̇г̇аллаана баб̣б̣аж̇ж̇аагат̇аа • 14. Sāriputtamoggallāna pabbajjākathā
