| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
සාරිපුත්‌තමොග්‌ගල්‌ලානපබ්‌බජ්‌ජාකථාවණ්‌ණනා
Sāriputtamoggallānapabbajjākathāvaṇṇanā
60. කිං කාහසීති කිං කාහති. ‘‘කිං කරොති, කිං කරොසී’’ති වා බ්‍යඤ්‌ජනං බහුං වත්‌වාති අත්‌ථො. පටිපාදෙන්‌තොති නිගමෙන්‌තො. ‘‘පච්‌චබ්‍යථා , පච්‌චබ්‍යථ’’න්‌තිපි පඨන්‌ති. කප්‌පනහුතෙහීති එත්‌ථ දසකානං සතං සහස්‌සං, සහස්‌සානං සතං සතසහස්‌සං, සතසහස්‌සානං සතං කොටි, කොටිසතසහස්‌සානං සතං පකොටි, පකොටිසතසහස්‌සානං සතං කොටිපකොටි, කොටිපකොටිසතසහස්‌සානං සතං නහුතන්‌ති වෙදිතබ්‌බං. කප්‌පනහුතෙහීති එවමනුසාරතො අබ්‌භතීතං නාමාති ඛන්‌ධකභාණකානං පාඨොති.
60.Kiṃ kāhasīti kiṃ kāhati. ‘‘Kiṃ karoti, kiṃ karosī’’ti vā byañjanaṃ bahuṃ vatvāti attho. Paṭipādentoti nigamento. ‘‘Paccabyathā , paccabyatha’’ntipi paṭhanti. Kappanahutehīti ettha dasakānaṃ sataṃ sahassaṃ, sahassānaṃ sataṃ satasahassaṃ, satasahassānaṃ sataṃ koṭi, koṭisatasahassānaṃ sataṃ pakoṭi, pakoṭisatasahassānaṃ sataṃ koṭipakoṭi, koṭipakoṭisatasahassānaṃ sataṃ nahutanti veditabbaṃ. Kappanahutehīti evamanusārato abbhatītaṃ nāmāti khandhakabhāṇakānaṃ pāṭhoti.
63. ‘‘කුලච්‌ඡෙදායා’’ති පාඨො, කුලුපච්‌ඡෙදායාති අත්‌ථො. මනුස්‌සා ‘‘ධම්‌මෙන කිර සමණා සක්‍යපුත්‌තියා නයන්‌ති, නාධම්‌මෙනා’’ති න පුන චොදෙසුන්‌ති එවං පාඨසෙසෙන සම්‌බන්‌ධො කාතබ්‌බො.
63. ‘‘Kulacchedāyā’’ti pāṭho, kulupacchedāyāti attho. Manussā ‘‘dhammena kira samaṇā sakyaputtiyā nayanti, nādhammenā’’ti na puna codesunti evaṃ pāṭhasesena sambandho kātabbo.
එත්‌තාවතා ථෙරො නිදානං නිට්‌ඨපෙසීති වෙදිතබ්‌බං. හොන්‌ති චෙත්‌ථ –
Ettāvatā thero nidānaṃ niṭṭhapesīti veditabbaṃ. Honti cettha –
‘‘යං ධම්‌මසෙනාපති එත්‌ථ මූල-
‘‘Yaṃ dhammasenāpati ettha mūla-
ගන්‌ථස්‌ස සිද්‌ධික්‌කමදස්‌සනෙන;
Ganthassa siddhikkamadassanena;
නිදානනිට්‌ඨානමකංසු ධම්‌ම-
Nidānaniṭṭhānamakaṃsu dhamma-
සඞ්‌ගාහකා තෙ විනයක්‌කමඤ්‌ඤූ.
Saṅgāhakā te vinayakkamaññū.
‘‘නිදානලීනත්‌ථපදානමෙව,
‘‘Nidānalīnatthapadānameva,
නිදානිට්‌ඨානමිදං විදිත්‌වා;
Nidāniṭṭhānamidaṃ viditvā;
ඉතො පරං චෙ විනයත්‌ථයුත්‌ත-
Ito paraṃ ce vinayatthayutta-
පදානි වීමංසනමෙව ඤෙය්‍ය’’න්‌ති.
Padāni vīmaṃsanameva ñeyya’’nti.
සාරිපුත්‌තමොග්‌ගල්‌ලානපබ්‌බජ්‌ජාකථාවණ්‌ණනා නිට්‌ඨිතා.
Sāriputtamoggallānapabbajjākathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 14. සාරිපුත්‌තමොග්‌ගල්‌ලානපබ්‌බජ්‌ජාකථා • 14. Sāriputtamoggallānapabbajjākathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / සාරිපුත්‌තමොග්‌ගල්‌ලානපබ්‌බජ්‌ජාකථා • Sāriputtamoggallānapabbajjākathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / සාරිපුත්‌තමොග්‌ගල්‌ලානපබ්‌බජ්‌ජාකථාවණ්‌ණනා • Sāriputtamoggallānapabbajjākathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සාරිපුත්‌තමොග්‌ගල්‌ලානපබ්‌බජ්‌ජාකථාවණ්‌ණනා • Sāriputtamoggallānapabbajjākathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 14. සාරිපුත්‌තමොග්‌ගල්‌ලාන පබ්‌බජ්‌ජාකථා • 14. Sāriputtamoggallāna pabbajjākathā
