| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਸਾਰਿਪੁਤ੍ਤਮੋਗ੍ਗਲ੍ਲਾਨਪਬ੍ਬਜ੍ਜਾਕਥਾવਣ੍ਣਨਾ
Sāriputtamoggallānapabbajjākathāvaṇṇanā
੬੦. ਸਾਰੀਬ੍ਰਾਹ੍ਮਣਿਯਾ ਪੁਤ੍ਤੋ ਸਾਰਿਪੁਤ੍ਤੋ। ਮੋਗ੍ਗਲੀਬ੍ਰਾਹ੍ਮਣਿਯਾ ਪੁਤ੍ਤੋ ਮੋਗ੍ਗਲ੍ਲਾਨੋ। ਛਨ੍ਨਪਰਿਬ੍ਬਾਜਕਸ੍ਸਾਤਿ ਸੇਤવਤ੍ਥੇਨ ਹਿਰਿਕੋਪੀਨਂ ਛਾਦੇਤ੍વਾ વਿਚਰਣਕਪਰਿਬ੍ਬਾਜਕਸ੍ਸ, ਤੇਨ ‘‘ਨਾਯਂ ਨਗ੍ਗਪਰਿਬ੍ਬਾਜਕੋ’’ਤਿ ਦਸ੍ਸੇਤਿ। ‘‘ਉਪਞ੍ਞਾਤ’’ਨ੍ਤਿ ਇਮਸ੍ਸ વਿવਰਣਂ ਞਾਤੋ ਚੇવਾਤਿ। ‘‘ਮਗ੍ਗ’’ਨ੍ਤਿ ਇਮਸ੍ਸ વਿવਰਣਂ ਉਪਗਤੋ ਚ ਮਗ੍ਗੋਤਿ। ਤੇਨ ਚ ਉਪਞ੍ਞਾਤਨ੍ਤਿ ਏਤ੍ਥ ਞਾਤ-ਸਦ੍ਦੋ ਞਾਣਪਰਿਯਾਯੋ। ਮਗ੍ਗਨ੍ਤਿ ਲਿਙ੍ਗવਿਪਲ੍ਲਾਸੇਨ ਮਗ੍ਗੋવ વੁਤ੍ਤੋ। ਉਪਸਦ੍ਦੋ ਚ ਉਪਗਮਨਤ੍ਥੋ ਮਗ੍ਗਸਦ੍ਦੇਨਪਿ ਸਮ੍ਬਨ੍ਧਿਤਬ੍ਬੋਤਿ ਦਸ੍ਸੇਤਿ। ਇਦਂ વੁਤ੍ਤਂ ਹੋਤਿ – ਯਸ੍ਮਾ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧਨਂ ਨਾਮ ਅਤ੍ਥਿਕੇਹਿ ਉਪਞ੍ਞਾਤਂ ਉਪਗਤਞਾਣਞ੍ਚੇવ ਹੋਤਿ, ਤੇਹਿ ਉਪਗਤੋ ਪਟਿਪਨ੍ਨੋ ਮਗ੍ਗੋ ਚ, ਤਸ੍ਮਾ ਯਂਨੂਨਾਹਂ ਅਨੁਬਨ੍ਧੇਯ੍ਯਨ੍ਤਿ। ਉਪਞ੍ਞਾਤਂ ਨਿਬ੍ਬਾਨਨ੍ਤਿ ਉਪਪਤ੍ਤਿਯਾ ਅਨੁਮਾਨੇਨ ਞਾਤਂ ਨਿਬ੍ਬਾਨਂ। ‘‘ਮਗ੍ਗ’’ਨ੍ਤਿ ਇਮਸ੍ਸ વਿવਰਣਂ ਮਗ੍ਗਨ੍ਤੋਤਿ, ਅਨੁਮਾਨੇਨ ਞਾਤਂ ਪਚ੍ਚਕ੍ਖਤੋ ਦਸ੍ਸਨਤ੍ਥਾਯ ਗવੇਸਨ੍ਤੋਤਿ ਅਤ੍ਥੋ।
60. Sārībrāhmaṇiyā putto sāriputto. Moggalībrāhmaṇiyā putto moggallāno. Channaparibbājakassāti setavatthena hirikopīnaṃ chādetvā vicaraṇakaparibbājakassa, tena ‘‘nāyaṃ naggaparibbājako’’ti dasseti. ‘‘Upaññāta’’nti imassa vivaraṇaṃ ñāto cevāti. ‘‘Magga’’nti imassa vivaraṇaṃ upagato ca maggoti. Tena ca upaññātanti ettha ñāta-saddo ñāṇapariyāyo. Magganti liṅgavipallāsena maggova vutto. Upasaddo ca upagamanattho maggasaddenapi sambandhitabboti dasseti. Idaṃ vuttaṃ hoti – yasmā piṭṭhito piṭṭhito anubandhanaṃ nāma atthikehi upaññātaṃ upagatañāṇañceva hoti, tehi upagato paṭipanno maggo ca, tasmā yaṃnūnāhaṃ anubandheyyanti. Upaññātaṃ nibbānanti upapattiyā anumānena ñātaṃ nibbānaṃ. ‘‘Magga’’nti imassa vivaraṇaṃ maggantoti, anumānena ñātaṃ paccakkhato dassanatthāya gavesantoti attho.
ਨਿਰੋਧੋ ਚ ਨਿਰੋਧੂਪਾਯੋ ਚ ਏਕਸੇਸੇਨ ਨਿਰੋਧੋਤਿ વੁਤ੍ਤੋਤਿ ਦਸ੍ਸੇਨ੍ਤੋ ‘‘ਅਥ વਾ’’ਤਿਆਦਿਮਾਹ। ਪਟਿਪਾਦੇਨ੍ਤੋਤਿ ਨਿਗਮੇਨ੍ਤੋ।
Nirodho ca nirodhūpāyo ca ekasesena nirodhoti vuttoti dassento ‘‘atha vā’’tiādimāha. Paṭipādentoti nigamento.
ਇਤੋ ਉਤ੍ਤਰੀਤਿ ਇਤੋ ਮਯਾ ਲਦ੍ਧਸੋਤਾਪਤ੍ਤਿਤੋ ਉਤ੍ਤਰਿ ਇਤਰਮਗ੍ਗਤ੍ਤਯਂ ਯਦਿਪਿ ਨਤ੍ਥਿ, ਤਥਾਪਿ ਏਸੋ ਏવ ਮਯਾ ਗવੇਸਿਤੋ ਨਿਬ੍ਬਾਨਧਮ੍ਮੋਤਿ ਅਤ੍ਥੋ।
Ito uttarīti ito mayā laddhasotāpattito uttari itaramaggattayaṃ yadipi natthi, tathāpi eso eva mayā gavesito nibbānadhammoti attho.
੬੨-੩. ਤਦਾਰਮ੍ਮਣਾਯਾਤਿ ਨਿਬ੍ਬਾਨਾਰਮ੍ਮਣਾਯ ਸੋਤਾਪਤ੍ਤਿਫਲવਿਮੁਤ੍ਤਿਯਾ। ਤੇਸਂ ਆਯਸ੍ਮਨ੍ਤਾਨਨ੍ਤਿ ਸਪਰਿਸਾਨਂ ਤੇਸਂ ਦ੍વਿਨ੍ਨਂ ਪਰਿਸਾਨਂ ਤਸ੍ਮਿਂਯੇવ ਖਣੇ ਭਗવਤੋ ਧਮ੍ਮਂ ਸੁਤ੍વਾ ਅਰਹਤ੍ਤਂ ਪਾਪੁਣਿ, ਅਗ੍ਗਸਾવਕਾ ਪਨ ਅਤ੍ਤਨੋ ਞਾਣਕਿਚ੍ਚਸ੍ਸ ਮਹਨ੍ਤਤਾਯ ਕਤਿਪਾਹਚ੍ਚਯੇਨ। ਤੇਨਾਹ ‘‘ਏવ’’ਨ੍ਤਿਆਦਿ। ਉਸੂਯਨਕਿਰਿਯਾਯ ਕਮ੍ਮਭਾવਂ ਸਨ੍ਧਾਯ ‘‘ਉਪਯੋਗਤ੍ਥੇવਾ’’ਤਿ વੁਤ੍ਤਂ।
62-3.Tadārammaṇāyāti nibbānārammaṇāya sotāpattiphalavimuttiyā. Tesaṃ āyasmantānanti saparisānaṃ tesaṃ dvinnaṃ parisānaṃ tasmiṃyeva khaṇe bhagavato dhammaṃ sutvā arahattaṃ pāpuṇi, aggasāvakā pana attano ñāṇakiccassa mahantatāya katipāhaccayena. Tenāha ‘‘eva’’ntiādi. Usūyanakiriyāya kammabhāvaṃ sandhāya ‘‘upayogatthevā’’ti vuttaṃ.
ਸਾਰਿਪੁਤ੍ਤਮੋਗ੍ਗਲ੍ਲਾਨਪਬ੍ਬਜ੍ਜਾਕਥਾવਣ੍ਣਨਾ ਨਿਟ੍ਠਿਤਾ।
Sāriputtamoggallānapabbajjākathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੪. ਸਾਰਿਪੁਤ੍ਤਮੋਗ੍ਗਲ੍ਲਾਨਪਬ੍ਬਜ੍ਜਾਕਥਾ • 14. Sāriputtamoggallānapabbajjākathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸਾਰਿਪੁਤ੍ਤਮੋਗ੍ਗਲ੍ਲਾਨਪਬ੍ਬਜ੍ਜਾਕਥਾ • Sāriputtamoggallānapabbajjākathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਾਰਿਪੁਤ੍ਤਮੋਗ੍ਗਲ੍ਲਾਨਪਬ੍ਬਜ੍ਜਾਕਥਾવਣ੍ਣਨਾ • Sāriputtamoggallānapabbajjākathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਾਰਿਪੁਤ੍ਤਮੋਗ੍ਗਲ੍ਲਾਨਪਬ੍ਬਜ੍ਜਾਕਥਾવਣ੍ਣਨਾ • Sāriputtamoggallānapabbajjākathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੪. ਸਾਰਿਪੁਤ੍ਤਮੋਗ੍ਗਲ੍ਲਾਨ ਪਬ੍ਬਜ੍ਜਾਕਥਾ • 14. Sāriputtamoggallāna pabbajjākathā
