Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

6. саарибуд̇д̇асуд̇д̇ам̣

6. Sāriputtasuttaṃ

214. згам̣ самаяам̣ ааяасмаа саарибуд̇д̇о саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа саарибуд̇д̇о бхигкуу д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и борияаа ваажааяа виссадтааяа анзлаг̇алааяа ¹ ад̇т̇асса вин̃н̃аабанияаа. д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и. ат̇а ко ааяасмад̇о ван̇г̇ийсасса зд̇ад̣̇ахоси – ‘‘аяам̣ ко ааяасмаа саарибуд̇д̇о бхигкуу д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и борияаа ваажааяа виссадтааяа анзлаг̇алааяа ад̇т̇асса вин̃н̃аабанияаа. д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и. яам̣нуунаахам̣ ааяасманд̇ам̣ саарибуд̇д̇ам̣ саммукаа сааруббаахи г̇аат̇аахи абхид̇т̇авзяяа’’нд̇и.

214. Ekaṃ samayaṃ āyasmā sāriputto sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā sāriputto bhikkhū dhammiyā kathāya sandasseti samādapeti samuttejeti sampahaṃseti poriyā vācāya vissaṭṭhāya anelagalāya ² atthassa viññāpaniyā. Te ca bhikkhū aṭṭhiṃ katvā manasi katvā sabbacetasā samannāharitvā ohitasotā dhammaṃ suṇanti. Atha kho āyasmato vaṅgīsassa etadahosi – ‘‘ayaṃ kho āyasmā sāriputto bhikkhū dhammiyā kathāya sandasseti samādapeti samuttejeti sampahaṃseti poriyā vācāya vissaṭṭhāya anelagalāya atthassa viññāpaniyā. Te ca bhikkhū aṭṭhiṃ katvā manasi katvā sabbacetasā samannāharitvā ohitasotā dhammaṃ suṇanti. Yaṃnūnāhaṃ āyasmantaṃ sāriputtaṃ sammukhā sāruppāhi gāthāhi abhitthaveyya’’nti.

ат̇а ко ааяасмаа ван̇г̇ийсо удтааяаасанаа згам̣сам̣ уд̇д̇араасан̇г̇ам̣ гарид̇ваа язнааяасмаа саарибуд̇д̇о д̇знан̃ж̇алим̣ бан̣аамзд̇ваа ааяасманд̇ам̣ саарибуд̇д̇ам̣ зд̇ад̣̇авожа – ‘‘бадибхаад̇и мам̣, аавусо саарибуд̇д̇а, бадибхаад̇и мам̣, аавусо саарибуд̇д̇аа’’д̇и. ‘‘бадибхаад̇у д̇ам̣, аавусо ван̇г̇ийсаа’’д̇и. ат̇а ко ааяасмаа ван̇г̇ийсо ааяасманд̇ам̣ саарибуд̇д̇ам̣ саммукаа сааруббаахи г̇аат̇аахи абхид̇т̇ави –

Atha kho āyasmā vaṅgīso uṭṭhāyāsanā ekaṃsaṃ uttarāsaṅgaṃ karitvā yenāyasmā sāriputto tenañjaliṃ paṇāmetvā āyasmantaṃ sāriputtaṃ etadavoca – ‘‘paṭibhāti maṃ, āvuso sāriputta, paṭibhāti maṃ, āvuso sāriputtā’’ti. ‘‘Paṭibhātu taṃ, āvuso vaṅgīsā’’ti. Atha kho āyasmā vaṅgīso āyasmantaṃ sāriputtaṃ sammukhā sāruppāhi gāthāhi abhitthavi –

‘‘г̇амбхийрабан̃н̃о мзд̇хаавий, маг̇г̇аамаг̇г̇асса говид̣̇о;

‘‘Gambhīrapañño medhāvī, maggāmaggassa kovido;

саарибуд̇д̇о махаабан̃н̃о, д̇хаммам̣ д̣̇зсзд̇и бхигкунам̣.

Sāriputto mahāpañño, dhammaṃ deseti bhikkhunaṃ.

‘‘сам̣кид̇д̇знаби д̣̇зсзд̇и, вид̇т̇аарзнаби бхаасад̇и;

‘‘Saṃkhittenapi deseti, vitthārenapi bhāsati;

саал̣игааяива ниг̇гхосо, бадибхаанам̣ уд̣̇ийраяи ³.

Sāḷikāyiva nigghoso, paṭibhānaṃ udīrayi ⁴.

‘‘д̇асса д̇ам̣ д̣̇зсаяанд̇асса, сун̣анд̇и мад̇хурам̣ г̇ирам̣;

‘‘Tassa taṃ desayantassa, suṇanti madhuraṃ giraṃ;

сарзна раж̇анийязна, саванийязна ваг̇г̇унаа;

Sarena rajanīyena, savanīyena vaggunā;

уд̣̇аг̇г̇ажид̇д̇аа муд̣̇ид̇аа, сод̇ам̣ од̇хзнд̇и бхигкаво’’д̇и.

Udaggacittā muditā, sotaṃ odhenti bhikkhavo’’ti.

Next: 7. бавааран̣аасуд̇д̇ам̣ • 7. Pavāraṇāsuttaṃ

Footnotes:

1. анзл̣аг̇алааяа (сий. га.), анзлаг̇ал̣ааяа (сяаа. гам̣. бий.)

2. aneḷagalāya (sī. ka.), anelagaḷāya (syā. kaṃ. pī.)

3. уд̣̇ийрияи (сяаа. гам̣.) уд̣̇ийрияад̇и (сааман̃н̃апаласуд̇д̇адийгаануруубам̣)

4. udīriyi (syā. kaṃ.) udīriyati (sāmaññaphalasuttaṭīkānurūpaṃ)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. саарибуд̇д̇асуд̇д̇аван̣н̣анаа • 6. Sāriputtasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. саарибуд̇д̇асуд̇д̇аван̣н̣анаа • 6. Sāriputtasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact