| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༧. སཱརིཔུཏྟསུཏྟཾ
7. Sāriputtasuttaṃ
༧. ཨཐ ཁོ ཨཱཡསྨཱ ཨཱནནྡོ ཡེནཱཡསྨཱ སཱརིཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ སཱརིཔུཏྟེན སདྡྷིཾ སམྨོདི། སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ ཨཱཡསྨནྟཾ སཱརིཔུཏྟཾ ཨེཏདཝོཙ –
7. Atha kho āyasmā ānando yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā ānando āyasmantaṃ sāriputtaṃ etadavoca –
‘‘སིཡཱ ནུ ཁོ, ཨཱཝུསོ སཱརིཔུཏྟ, བྷིཀྑུནོ ཏཐཱརཱུཔོ སམཱདྷིཔཊིལཱབྷོ ཡཐཱ ནེཝ པཐཝིཡཾ པཐཝིསཉྙཱི ཨསྶ, ན ཨཱཔསྨིཾ ཨཱཔོསཉྙཱི ཨསྶ, ན ཏེཛསྨིཾ ཏེཛོསཉྙཱི ཨསྶ, ན ཝཱཡསྨིཾ ཝཱཡོསཉྙཱི ཨསྶ, ན ཨཱཀཱསཱནཉྩཱཡཏནེ ཨཱཀཱསཱནཉྩཱཡཏནསཉྙཱི ཨསྶ, ན ཝིཉྙཱཎཉྩཱཡཏནེ ཝིཉྙཱཎཉྩཱཡཏནསཉྙཱི ཨསྶ, ན ཨཱཀིཉྩཉྙཱཡཏནེ ཨཱཀིཉྩཉྙཱཡཏནསཉྙཱི ཨསྶ, ན ནེཝསཉྙཱནཱསཉྙཱཡཏནེ ནེཝསཉྙཱནཱསཉྙཱཡཏནསཉྙཱི ཨསྶ, ན ཨིདྷལོཀེ ཨིདྷལོཀསཉྙཱི ཨསྶ, ན པརལོཀེ པརལོཀསཉྙཱི ཨསྶ; སཉྙཱི ཙ པན ཨསྶཱ’’ཏི?
‘‘Siyā nu kho, āvuso sāriputta, bhikkhuno tathārūpo samādhipaṭilābho yathā neva pathaviyaṃ pathavisaññī assa, na āpasmiṃ āposaññī assa, na tejasmiṃ tejosaññī assa, na vāyasmiṃ vāyosaññī assa, na ākāsānañcāyatane ākāsānañcāyatanasaññī assa, na viññāṇañcāyatane viññāṇañcāyatanasaññī assa, na ākiñcaññāyatane ākiñcaññāyatanasaññī assa, na nevasaññānāsaññāyatane nevasaññānāsaññāyatanasaññī assa, na idhaloke idhalokasaññī assa, na paraloke paralokasaññī assa; saññī ca pana assā’’ti?
‘‘སིཡཱ , ཨཱཝུསོ ཨཱནནྡ, བྷིཀྑུནོ ཏཐཱརཱུཔོ སམཱདྷིཔཊིལཱབྷོ ཡཐཱ ནེཝ པཐཝིཡཾ པཐཝིསཉྙཱི ཨསྶ…པེ॰… ན པརལོཀེ པརལོཀསཉྙཱི ཨསྶ; སཉྙཱི ཙ པན ཨསྶཱ’’ཏི།
‘‘Siyā , āvuso ānanda, bhikkhuno tathārūpo samādhipaṭilābho yathā neva pathaviyaṃ pathavisaññī assa…pe… na paraloke paralokasaññī assa; saññī ca pana assā’’ti.
‘‘ཡཐཱ ཀཐཾ པན, ཨཱཝུསོ སཱརིཔུཏྟ, སིཡཱ བྷིཀྑུནོ ཏཐཱརཱུཔོ སམཱདྷིཔཊིལཱབྷོ ཡཐཱ ནེཝ པཐཝིཡཾ པཐཝིསཉྙཱི ཨསྶ…པེ॰… སཉྙཱི ཙ པན ཨསྶཱ’’ཏི? ‘‘ཨེཀམིདཱཧཾ, ཨཱཝུསོ ཨཱནནྡ, སམཡཾ ཨིདྷེཝ སཱཝཏྠིཡཾ ཝིཧརཱམི ཨནྡྷཝནསྨིཾ། ཏཏྠཱཧཾ 1 ཏཐཱརཱུཔཾ སམཱདྷིཾ སམཱཔཛྫིཾ 2 ཡཐཱ ནེཝ པཐཝིཡཾ པཐཝིསཉྙཱི ཨཧོསིཾ, ན ཨཱཔསྨིཾ ཨཱཔོསཉྙཱི ཨཧོསིཾ, ན ཏེཛསྨིཾ ཏེཛོསཉྙཱི ཨཧོསིཾ, ན ཝཱཡསྨིཾ ཝཱཡོསཉྙཱི ཨཧོསིཾ, ན ཨཱཀཱསཱནཉྩཱཡཏནེ ཨཱཀཱསཱནཉྩཱཡཏནསཉྙཱི ཨཧོསིཾ, ན ཝིཉྙཱཎཉྩཱཡཏནེ ཝིཉྙཱཎཉྩཱཡཏནསཉྙཱི ཨཧོསིཾ, ན ཨཱཀིཉྩཉྙཱཡཏནེ ཨཱཀིཉྩཉྙཱཡཏནསཉྙཱི ཨཧོསིཾ, ན ནེཝསཉྙཱནཱསཉྙཱཡཏནེ ནེཝསཉྙཱནཱསཉྙཱཡཏནསཉྙཱི ཨཧོསིཾ, ན ཨིདྷལོཀེ ཨིདྷལོཀསཉྙཱི ཨཧོསིཾ, ན པརལོཀེ པརལོཀསཉྙཱི ཨཧོསིཾ; སཉྙཱི ཙ པན ཨཧོསི’’ནྟི།
‘‘Yathā kathaṃ pana, āvuso sāriputta, siyā bhikkhuno tathārūpo samādhipaṭilābho yathā neva pathaviyaṃ pathavisaññī assa…pe… saññī ca pana assā’’ti? ‘‘Ekamidāhaṃ, āvuso ānanda, samayaṃ idheva sāvatthiyaṃ viharāmi andhavanasmiṃ. Tatthāhaṃ 3 tathārūpaṃ samādhiṃ samāpajjiṃ 4 yathā neva pathaviyaṃ pathavisaññī ahosiṃ, na āpasmiṃ āposaññī ahosiṃ, na tejasmiṃ tejosaññī ahosiṃ, na vāyasmiṃ vāyosaññī ahosiṃ, na ākāsānañcāyatane ākāsānañcāyatanasaññī ahosiṃ, na viññāṇañcāyatane viññāṇañcāyatanasaññī ahosiṃ, na ākiñcaññāyatane ākiñcaññāyatanasaññī ahosiṃ, na nevasaññānāsaññāyatane nevasaññānāsaññāyatanasaññī ahosiṃ, na idhaloke idhalokasaññī ahosiṃ, na paraloke paralokasaññī ahosiṃ; saññī ca pana ahosi’’nti.
‘‘ཀིཾསཉྙཱི པནཱཡསྨཱ སཱརིཔུཏྟོ 5 ཏསྨིཾ སམཡེ ཨཧོསཱི’’ཏི? ‘‘བྷཝནིརོདྷོ ནིབྦཱནཾ བྷཝནིརོདྷོ ནིབྦཱན’’ནྟི ཁོ མེ, ཨཱཝུསོ, ཨཉྙཱཝ སཉྙཱ ཨུཔྤཛྫཏི ཨཉྙཱཝ སཉྙཱ ནིརུཛ྄ཛྷཏི། སེཡྻཐཱཔི, ཨཱཝུསོ, སཀལིཀགྒིསྶ ཛྷཱཡམཱནསྶ ཨཉྙཱཝ ཨཙྩི ཨུཔྤཛྫཏི ཨཉྙཱཝ ཨཙྩི ནིརུཛ྄ཛྷཏི; ཨེཝམེཝཾ ཁོ, ཨཱཝུསོ, ‘བྷཝནིརོདྷོ ནིབྦཱནཾ བྷཝནིརོདྷོ ནིབྦཱན’ནྟི ཨཉྙཱཝ སཉྙཱ ཨུཔྤཛྫཏི ཨཉྙཱཝ སཉྙཱ ནིརུཛ྄ཛྷཏི། ‘བྷཝནིརོདྷོ ནིབྦཱན’ནྟི 6 སཉྙཱི ཙ པནཱཧཾ, ཨཱཝུསོ, ཏསྨིཾ སམཡེ ཨཧོསི’’ནྟི། སཏྟམཾ།
‘‘Kiṃsaññī panāyasmā sāriputto 7 tasmiṃ samaye ahosī’’ti? ‘‘Bhavanirodho nibbānaṃ bhavanirodho nibbāna’’nti kho me, āvuso, aññāva saññā uppajjati aññāva saññā nirujjhati. Seyyathāpi, āvuso, sakalikaggissa jhāyamānassa aññāva acci uppajjati aññāva acci nirujjhati; evamevaṃ kho, āvuso, ‘bhavanirodho nibbānaṃ bhavanirodho nibbāna’nti aññāva saññā uppajjati aññāva saññā nirujjhati. ‘Bhavanirodho nibbāna’nti 8 saññī ca panāhaṃ, āvuso, tasmiṃ samaye ahosi’’nti. Sattamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧. སཱརིཔུཏྟསུཏྟཝཎྞནཱ • 7. Sāriputtasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. ཨཝིཛྫཱསུཏྟཱདིཝཎྞནཱ • 1-7. Avijjāsuttādivaṇṇanā
