Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā

    16. саарибуд̇д̇асуд̇д̇анид̣̇д̣̇зсаван̣н̣анаа

    16. Sāriputtasuttaniddesavaṇṇanā

    190. сол̣асамз на мз д̣̇идтод̇и саарибуд̇д̇асуд̇д̇анид̣̇д̣̇зсо. д̇ад̇т̇а ид̇о буб̣б̣зд̇и ид̇о сан̇гассанаг̇арз од̇аран̣ад̇о буб̣б̣з. ваг̇г̇увад̣̇од̇и сунд̣̇аравад̣̇о. д̇усид̇аа г̇ан̣имааг̇ад̇од̇и д̇усид̇агааяаа жавид̇ваа маад̇угужчим̣ ааг̇ад̇ад̇д̇аа д̇усид̇аа ааг̇ад̇о. г̇ан̣аажарияад̇д̇аа г̇ан̣ий . санд̇удтадтзна ваа д̇усид̇асан̇каад̇аа д̣̇звалогаа г̇ан̣им̣ ааг̇ад̇о, д̇усид̇аанам̣ ваа араханд̇аанам̣ г̇ан̣им̣ ааг̇ад̇од̇и.

    190. Soḷasame na me diṭṭhoti sāriputtasuttaniddeso. Tattha ito pubbeti ito saṅkassanagare otaraṇato pubbe. Vagguvadoti sundaravado. Tusitā gaṇimāgatoti tusitakāyā cavitvā mātukucchiṃ āgatattā tusitā āgato. Gaṇācariyattā gaṇī. Santuṭṭhaṭṭhena vā tusitasaṅkhātā devalokā gaṇiṃ āgato, tusitānaṃ vā arahantānaṃ gaṇiṃ āgatoti.

    иминаа жагкунаад̇и иминаа ад̇д̇абхаавабарияаабаннзна багад̇имам̣сажагкунаа. иминаа ад̇д̇абхаавзнаад̇и иминаа бажчимзна ад̇д̇абхаавзна. д̇аавад̇им̣сабхаванзд̇и д̇аавад̇им̣сад̣̇звалогз. баарижчад̇д̇агамуулзд̇и говил̣аараругкасса хздтаа. бан̣д̣угамб̣аласилааяанд̇и рад̇д̇агамб̣аласад̣̇исабаасаан̣абидтз. вассам̣ вудтод̇и вудтавассо. д̣̇зваг̇ан̣абаривуд̇од̇и д̣̇звасан̇гхзна бариваарид̇о. од̇ин̣н̣од̇и авад̇ин̣н̣о. имам̣ д̣̇ассанам̣ буб̣б̣зд̇и ан̃н̃ад̇ра имамхаа д̣̇ассанаа буб̣б̣з. на д̣̇идтод̇и ан̃н̃ад̣̇аа на д̣̇идтабуб̣б̣о.

    Iminā cakkhunāti iminā attabhāvapariyāpannena pakatimaṃsacakkhunā. Iminā attabhāvenāti iminā pacchimena attabhāvena. Tāvatiṃsabhavaneti tāvatiṃsadevaloke. Pāricchattakamūleti koviḷārarukkhassa heṭṭhā. Paṇḍukambalasilāyanti rattakambalasadisapāsāṇapiṭṭhe. Vassaṃ vuṭṭhoti vuṭṭhavasso. Devagaṇaparivutoti devasaṅghena parivārito. Otiṇṇoti avatiṇṇo. Imaṃ dassanaṃ pubbeti aññatra imamhā dassanā pubbe. Na diṭṭhoti aññadā na diṭṭhapubbo.

    кад̇д̇ияасса ваад̇и кад̇д̇ияасса вад̣̇анд̇асса на суд̇о. б̣раахман̣аад̣̇ийсуби зсзва наяо.

    Khattiyassa vāti khattiyassa vadantassa na suto. Brāhmaṇādīsupi eseva nayo.

    мад̇хуравад̣̇од̇иаад̣̇ийсу б̣яан̃ж̇анасамбаннам̣ мад̇хурам̣ вад̣̇ад̇ийд̇и мад̇хуравад̣̇о. бзмаж̇анагам̣ бзмаарахам̣ вад̣̇ад̇ийд̇и бзманийяавад̣̇о. хад̣̇аяан̇г̇амажид̇д̇з табанаяог̇яам̣ вад̣̇ад̇ийд̇и хад̣̇аяан̇г̇амавад̣̇о. гаравийгасагун̣асад̣̇д̣̇о вияа мад̇хурагхосо ассаад̇и гаравийгаруд̇аман̃ж̇угхосо. виссадто жаад̇и абалиб̣уд̣̇д̇хо д̇ад̇т̇а д̇ад̇т̇а абагкалано. вин̃н̃зяяо жаад̇и сувиж̇аанзяяо жа. ман̃ж̇у жаад̇и мад̇хуро жа. саванийяо жаад̇и ган̣н̣асуко жа. б̣инд̣̇у жаад̇и гхано жа. ависаарий жаад̇и на бад̇т̇адо жа. г̇амбхийро жаад̇и на уд̇д̇аано жа. ниннаад̣̇и жаад̇и гхосаванд̇о жа. ассаад̇и асса сад̇т̇уно. б̣ахид̣̇д̇хаа барисааяаад̇и барисад̇о б̣ахи. на нижчарад̇ийд̇и на нигкамад̇и. гим̣гааран̣аа? зваруубо мад̇хурасад̣̇д̣̇о ниггааран̣аа маа винассад̇ууд̇и. б̣рахмассарод̇и ан̃н̃з чиннассарааби бхиннассарааби гаагассарааби хонд̇и, аяам̣ бана махааб̣рахмуно сарасад̣̇исзна сарзна саманнааг̇ад̇о. махааб̣рахмуно хи бид̇д̇асзмхзхи абалиб̣уд̣̇д̇хад̇д̇аа саро висуд̣̇д̇хо ход̇и, бхаг̇авад̇ааби гад̇агаммам̣ вад̇т̇ум̣ сод̇хзд̇и, вад̇т̇уно суд̣̇д̇хад̇д̇аа наабхид̇о бадтааяа самудтаханд̇о саро висуд̣̇д̇хо адтан̇г̇асаманнааг̇ад̇аава самудтаад̇и. гаравийго вияа бхан̣ад̇ийд̇и гаравийгабхаан̣ий, мад̇д̇агаравийгаруд̇аман̃ж̇угхосод̇и ад̇т̇о.

    Madhuravadotiādīsu byañjanasampannaṃ madhuraṃ vadatīti madhuravado. Pemajanakaṃ pemārahaṃ vadatīti pemanīyavado. Hadayaṅgamacitte ṭhapanayogyaṃ vadatīti hadayaṅgamavado. Karavīkasakuṇasaddo viya madhuraghoso assāti karavīkarutamañjughoso. Vissaṭṭho cāti apalibuddho tattha tattha apakkhalano. Viññeyyo cāti suvijāneyyo ca. Mañju cāti madhuro ca. Savanīyo cāti kaṇṇasukho ca. Bindu cāti ghano ca. Avisārī cāti na patthaṭo ca. Gambhīro cāti na uttāno ca. Ninnādi cāti ghosavanto ca. Assāti assa satthuno. Bahiddhā parisāyāti parisato bahi. Na niccharatīti na nikkhamati. Kiṃkāraṇā? Evarūpo madhurasaddo nikkāraṇā mā vinassatūti. Brahmassaroti aññe chinnassarāpi bhinnassarāpi kākassarāpi honti, ayaṃ pana mahābrahmuno sarasadisena sarena samannāgato. Mahābrahmuno hi pittasemhehi apalibuddhattā saro visuddho hoti, bhagavatāpi katakammaṃ vatthuṃ sodheti, vatthuno suddhattā nābhito paṭṭhāya samuṭṭhahanto saro visuddho aṭṭhaṅgasamannāgatāva samuṭṭhāti. Karavīko viya bhaṇatīti karavīkabhāṇī, mattakaravīkarutamañjughosoti attho.

    д̇аарзд̇ийд̇и акзманд̇адтаанам̣ ад̇иггаамзд̇и. уд̇д̇аарзд̇ийд̇и кзманд̇абхуумим̣ убанзнд̇о д̇аарзд̇и. нид̇д̇аарзд̇ийд̇и акзманд̇адтаанад̇о нигкаамзнд̇о д̇аарзд̇и . бад̇аарзд̇ийд̇и бариг̇г̇ахзд̇ваа д̇аарзд̇и, хад̇т̇зна бариг̇г̇ахзд̇ваа вияа д̇аарзд̇ийд̇и ад̇т̇о. саб̣б̣амбзд̇ам̣ д̇ааран̣уд̇д̇ааран̣аад̣̇икзманд̇адтаанз табанамзваад̇и ааха – ‘‘кзманд̇абхуумим̣ самбаабзд̇ий’’д̇и. сад̇д̇зд̇и взнзяяасад̇д̇з. махааг̇аханад̇ааяа махаанад̇т̇ад̇ааяа д̣̇уннид̇д̇арияад̇ааяа жа ж̇аад̇иязва ганд̇ааро ж̇аад̇иганд̇ааро, д̇ам̣ ж̇аад̇иганд̇аарам̣.

    Tāretīti akhemantaṭṭhānaṃ atikkāmeti. Uttāretīti khemantabhūmiṃ upanento tāreti. Nittāretīti akhemantaṭṭhānato nikkhāmento tāreti . Patāretīti pariggahetvā tāreti, hatthena pariggahetvā viya tāretīti attho. Sabbampetaṃ tāraṇuttāraṇādikhemantaṭṭhāne ṭhapanamevāti āha – ‘‘khemantabhūmiṃ sampāpetī’’ti. Satteti veneyyasatte. Mahāgahanatāya mahānatthatāya dunnittariyatāya ca jātiyeva kantāro jātikantāro, taṃ jātikantāraṃ.

    г̇ан̣асса суссуусад̇ийд̇и г̇ан̣о асса важанам̣ суссуусад̇и сун̣аад̇и убалагкзд̇и. сод̇ам̣ од̣̇ахад̇ийд̇и сод̇угаамад̇ааяа сод̇ам̣ авад̣̇ахад̇и бад̇идтаабзд̇и. ан̃н̃аа жид̇д̇ам̣ убадтабзд̇ийд̇и н̃аад̇угаамам̣ жид̇д̇ам̣ бан̣ид̣̇ахад̇и. г̇ан̣ам̣ агусалаа вудтаабзд̇ваад̇и ж̇анасамуухам̣ агосалласамбхууд̇аа агусалаа удтаабзд̇ваа. гусалз бад̇идтаабзд̇ийд̇и госалласамбхууд̇з гусалз табзд̇и. сан̇гхийд̇и раасивасзна сан̇гхо асса ад̇т̇ийд̇и сан̇гхий. барисавасзна г̇ан̣о асса ад̇т̇ийд̇и г̇ан̣ий. г̇ан̣асса аажарияод̇и г̇ан̣аажарияо.

    Gaṇassa sussūsatīti gaṇo assa vacanaṃ sussūsati suṇāti upalakkheti. Sotaṃ odahatīti sotukāmatāya sotaṃ avadahati patiṭṭhāpeti. Aññā cittaṃ upaṭṭhapetīti ñātukāmaṃ cittaṃ paṇidahati. Gaṇaṃ akusalā vuṭṭhāpetvāti janasamūhaṃ akosallasambhūtā akusalā uṭṭhāpetvā. Kusale patiṭṭhāpetīti kosallasambhūte kusale ṭhapeti. Saṅghīti rāsivasena saṅgho assa atthīti saṅghī. Parisavasena gaṇo assa atthīti gaṇī. Gaṇassa ācariyoti gaṇācariyo.

    191. д̣̇уд̇ияаг̇аат̇ааяа сад̣̇звагасса логасса, яат̇аа д̣̇иссад̇ийд̇и сад̣̇звагасса логасса вияа мануссаанамби д̣̇иссад̇и. яат̇аа ваа д̣̇иссад̇ийд̇и д̇ажчад̇о авибарийд̇ад̇о д̣̇иссад̇и. жагкумаад̇и уд̇д̇амажагкумаа. згод̇и баб̣б̣аж̇ж̇аасан̇каад̇аад̣̇ийхи зго. рад̇инд̇и нзгкаммарад̇иаад̣̇им̣.

    191. Dutiyagāthāya sadevakassa lokassa, yathā dissatīti sadevakassa lokassa viya manussānampi dissati. Yathā vā dissatīti tacchato aviparītato dissati. Cakkhumāti uttamacakkhumā. Ekoti pabbajjāsaṅkhātādīhi eko. Ratinti nekkhammaratiādiṃ.

    бад̇ируубагод̇и суван̣н̣абад̇ируубаго гун̣д̣ало. мад̇д̇игаагун̣д̣аловаад̇и мад̇д̇игааяа гад̇агун̣д̣ало вияа. лохад̣дхамаасова суван̣н̣ачаннод̇и суван̣н̣зна бадижчанно лохамаасаго вияа. бариваарачаннаад̇и бариваарзна чаад̣̇ид̇аа. анд̇о асуд̣̇д̇хаад̇и аб̣бханд̇арад̇о рааг̇аад̣̇ийхи абарисуд̣̇д̇хаа. б̣ахи собхамаанаад̇и жийвараад̣̇ийхи б̣аахирад̇о сунд̣̇араа.

    Patirūpakoti suvaṇṇapatirūpako kuṇḍalo. Mattikākuṇḍalovāti mattikāya katakuṇḍalo viya. Lohaḍḍhamāsova suvaṇṇachannoti suvaṇṇena paṭicchanno lohamāsako viya. Parivārachannāti parivārena chāditā. Anto asuddhāti abbhantarato rāgādīhi aparisuddhā. Bahi sobhamānāti cīvarādīhi bāhirato sundarā.

    агаббид̇аирияаабат̇аа жаад̇и асаж̇ж̇ид̇аирияаабат̇аа. бан̣ид̇хисамбаннаад̇и барибун̣н̣абад̇т̇анаа.

    Akappitairiyāpathā cāti asajjitairiyāpathā. Paṇidhisampannāti paripuṇṇapatthanā.

    висуд̣̇д̇хасад̣̇д̣̇од̇и барисуд̣̇д̇хагид̇д̇исад̣̇д̣̇о, яат̇аабхууд̇ат̇уд̇игхосод̇и ад̇т̇о. г̇ад̇агид̇д̇исад̣̇д̣̇асилогод̇и гид̇д̇исад̣̇д̣̇ан̃жа силоган̃жа г̇ахзд̇ваа жаран̣асийло. гад̇т̇а висуд̣̇д̇хасад̣̇д̣̇од̇и жз? ‘‘нааг̇абхаванз жа субан̣н̣абхаванз жаа’’д̇иаад̣̇инаа наязна вид̇т̇аарзд̇ваа вуд̇д̇адтаанз. д̇ад̇о жа бхияяод̇и д̇ад̇о вуд̇д̇аббагаарад̇о жа взнзяяавасзна ад̇ирзгад̇ароби д̣̇иссад̇и.

    Visuddhasaddoti parisuddhakittisaddo, yathābhūtathutighosoti attho. Gatakittisaddasilokoti kittisaddañca silokañca gahetvā caraṇasīlo. Kattha visuddhasaddoti ce? ‘‘Nāgabhavane ca supaṇṇabhavanecā’’tiādinā nayena vitthāretvā vuttaṭṭhāne. Tato ca bhiyyoti tato vuttappakārato ca veneyyavasena atirekataropi dissati.

    саб̣б̣ам̣ рааг̇ад̇аманд̇и сагалам̣ рааг̇анд̇хагаарам̣. д̣̇осад̇амаад̣̇ийсуби зсзва наяо. анд̇хагаран̣анд̇и бан̃н̃аалоганивааран̣агаран̣ам̣. ажагкугаран̣анд̇и бан̃н̃аажагкуно агаран̣ам̣. ан̃н̃аан̣агаран̣анд̇и н̃аан̣зна аж̇аананагаран̣ам̣. бан̃н̃аанирод̇хиганд̇и бан̃н̃аанаяананаасагам̣. вигхаад̇абагкиганд̇и бийл̣аагодтаасигам̣. аниб̣б̣аанасам̣вад̇д̇аниганд̇и абажжаяаамад̇аниб̣б̣аанад̇т̇ааяа на сам̣вад̇д̇анигам̣.

    Sabbaṃ rāgatamanti sakalaṃ rāgandhakāraṃ. Dosatamādīsupi eseva nayo. Andhakaraṇanti paññālokanivāraṇakaraṇaṃ. Acakkhukaraṇanti paññācakkhuno akaraṇaṃ. Aññāṇakaraṇanti ñāṇena ajānanakaraṇaṃ. Paññānirodhikanti paññānayananāsakaṃ. Vighātapakkhikanti pīḷākoṭṭhāsikaṃ. Anibbānasaṃvattanikanti apaccayaamatanibbānatthāya na saṃvattanikaṃ.

    саб̣б̣ам̣ д̇ам̣ д̇зна б̣од̇хин̃аан̣зна б̣уж̇жхийд̇и д̇ам̣ сагалам̣ д̇зна жад̇умаг̇г̇ан̃аан̣авасзна б̣уж̇жхи. батамамаг̇г̇авасзна ж̇аани ануб̣уж̇жхи. д̣̇уд̇ияамаг̇г̇авасзна буна ан̃н̃ааси бадивиж̇жхи. д̇ад̇ияамаг̇г̇авасзна бадивзд̇хам̣ баабун̣и самб̣уж̇жхи. жад̇уд̇т̇амаг̇г̇авасзна ниссзсабадивзд̇хзна саммааб̣уж̇жхи. ад̇хиг̇ажчи пассзси сажчаагаасийд̇и зд̇ам̣ д̇аяам̣ палавасзна яож̇зд̇аб̣б̣ам̣. батамад̣̇уд̇ияавасзна бадилабхи. д̇ад̇ияавасзна н̃аан̣апассзна пуси. жад̇уд̇т̇авасзна бажжагкам̣ агааси. ат̇а ваа згзгапаласса д̇аяоби лаб̣бханд̇и зва.

    Sabbaṃ taṃ tena bodhiñāṇena bujjhīti taṃ sakalaṃ tena catumaggañāṇavasena bujjhi. Paṭhamamaggavasena jāni anubujjhi. Dutiyamaggavasena puna aññāsi paṭivijjhi. Tatiyamaggavasena paṭivedhaṃ pāpuṇi sambujjhi. Catutthamaggavasena nissesapaṭivedhena sammābujjhi. Adhigacchi phassesi sacchākāsīti etaṃ tayaṃ phalavasena yojetabbaṃ. Paṭhamadutiyavasena paṭilabhi. Tatiyavasena ñāṇaphassena phusi. Catutthavasena paccakkhaṃ akāsi. Atha vā ekekaphalassa tayopi labbhanti eva.

    нзгкаммарад̇инд̇и баб̣б̣аж̇ж̇аад̣̇ийни ниссааяа уббаннарад̇им̣. вивзгарад̇инд̇и гааяавивзгаад̣̇имхи уббаннарад̇им̣. убасамарад̇инд̇и гилзсавуубасамз рад̇им̣. самб̣од̇хирад̇инд̇и маг̇г̇ам̣ бажжавзгканд̇асса уббаннарад̇им̣.

    Nekkhammaratinti pabbajjādīni nissāya uppannaratiṃ. Vivekaratinti kāyavivekādimhi uppannaratiṃ. Upasamaratinti kilesavūpasame ratiṃ. Sambodhiratinti maggaṃ paccavekkhantassa uppannaratiṃ.

    192. д̇ад̇ияаг̇аат̇ааяа б̣ахуунамид̇ха б̣ад̣̇д̇хаананд̇и ид̇ха б̣ахуунам̣ кад̇д̇ияаад̣̇ийнам̣ сиссаанам̣. сиссаа хи аажарияабадиб̣ад̣̇д̇хавуд̇д̇ид̇д̇аа ‘‘б̣ад̣̇д̇хаа’’д̇и вужжанд̇и. ад̇т̇и бан̃хзна ааг̇аманд̇и ад̇т̇иго бан̃хзна ааг̇ад̇омхи , ад̇т̇игаанам̣ ваа бан̃хзна ааг̇аманам̣, бан̃хзна ад̇т̇и ааг̇аманам̣ ваад̇и.

    192. Tatiyagāthāya bahūnamidha baddhānanti idha bahūnaṃ khattiyādīnaṃ sissānaṃ. Sissā hi ācariyapaṭibaddhavuttittā ‘‘baddhā’’ti vuccanti. Atthi pañhena āgamanti atthiko pañhena āgatomhi , atthikānaṃ vā pañhena āgamanaṃ, pañhena atthi āgamanaṃ vāti.

    б̣уд̣̇д̇ход̇и бад̣̇асса абхаавзби д̇ам̣ б̣уд̣̇д̇ханд̇и бад̣̇з яо со б̣уд̣̇д̇хо, д̇ам̣ нид̣̇д̣̇исид̇угаамзна ‘‘б̣уд̣̇д̇хо’’д̇и вуд̇д̇ам̣. саяамбхууд̇и убад̣̇зсам̣ винаа саяамзва бхууд̇о. анаажарияагод̇и саяамбхуубад̣̇асса ад̇т̇авиваран̣ам̣. яо хи аажарияам̣ винаа сажжаани бадивиж̇жхад̇и, со саяамбхуу наама ход̇ийд̇и. буб̣б̣з анануссуд̇зсууд̇иаад̣̇и анаажарияагабхаавасса ад̇т̇аббагаасанам̣. анануссуд̇зсууд̇и аажарияад̇о анануссуд̇зсу. сааманд̇и саяамзва. абхисамб̣уж̇жхийд̇и бхусам̣ саммаа бадивиж̇жхи. д̇ад̇т̇а жа саб̣б̣ан̃н̃уд̇ам̣ баабун̣ийд̇и д̇зсу жа сажжзсу саб̣б̣ан̃н̃убхаавам̣ баабун̣и. яат̇аа сажжаани бадивиж̇жханд̇аа саб̣б̣ан̃н̃уно хонд̇и , д̇ат̇аа сажжаанам̣ бадивид̣̇д̇хад̇д̇аа звам̣ вуд̇д̇ам̣. ‘‘саб̣б̣ан̃н̃уд̇ам̣ бад̇д̇о’’д̇иби баато. б̣алзсу жа васийбхааванд̇и д̣̇асасу жа д̇ат̇ааг̇ад̇аб̣алзсу иссарабхаавам̣ баабун̣и. яо со звам̣ бхууд̇о, со б̣уд̣̇д̇ход̇и вуд̇д̇ам̣ ход̇и. д̇ад̇т̇а саб̣б̣ад̇хаммзсу аббадихад̇ан̃аан̣анимид̇д̇аануд̇д̇аравимогкаад̇хиг̇амабарибхаавид̇аканд̇хасанд̇аанам̣ убаад̣̇ааяа бан̣н̣ад̇д̇иго, саб̣б̣ан̃н̃уд̇абад̣̇адтаанам̣ ваа сажжаабхисамб̣од̇химубаад̣̇ааяа бан̣н̣ад̇д̇иго сад̇д̇ависзсо б̣уд̣̇д̇хо. зд̇д̇аавад̇аа ад̇т̇ад̇о б̣уд̣̇д̇хавибхааванаа гад̇аа ход̇и.

    Buddhoti padassa abhāvepi taṃ buddhanti pade yo so buddho, taṃ niddisitukāmena ‘‘buddho’’ti vuttaṃ. Sayambhūti upadesaṃ vinā sayameva bhūto. Anācariyakoti sayambhūpadassa atthavivaraṇaṃ. Yo hi ācariyaṃ vinā saccāni paṭivijjhati, so sayambhū nāma hotīti. Pubbe ananussutesūtiādi anācariyakabhāvassa atthappakāsanaṃ. Ananussutesūti ācariyato ananussutesu. Sāmanti sayameva. Abhisambujjhīti bhusaṃ sammā paṭivijjhi. Tattha ca sabbaññutaṃ pāpuṇīti tesu ca saccesu sabbaññubhāvaṃ pāpuṇi. Yathā saccāni paṭivijjhantā sabbaññuno honti , tathā saccānaṃ paṭividdhattā evaṃ vuttaṃ. ‘‘Sabbaññutaṃ patto’’tipi pāṭho. Balesuca vasībhāvanti dasasu ca tathāgatabalesu issarabhāvaṃ pāpuṇi. Yo so evaṃ bhūto, so buddhoti vuttaṃ hoti. Tattha sabbadhammesu appaṭihatañāṇanimittānuttaravimokkhādhigamaparibhāvitakhandhasantānaṃ upādāya paṇṇattiko, sabbaññutapadaṭṭhānaṃ vā saccābhisambodhimupādāya paṇṇattiko sattaviseso buddho. Ettāvatā atthato buddhavibhāvanā katā hoti.

    ид̣̇аани б̣яан̃ж̇анад̇о вибхаавзнд̇о ‘‘б̣уд̣̇д̇ход̇и гзнадтзна б̣уд̣̇д̇хо’’д̇иаад̣̇имааха. д̇ад̇т̇а яат̇аа логз аваг̇анд̇аа ‘‘аваг̇ад̇о’’д̇и вужжад̇и, звам̣ б̣уж̇жхид̇аа сажжаанийд̇и б̣уд̣̇д̇хо. яат̇аа бан̣н̣асосаа ваад̇аа ‘‘бан̣н̣асусаа’’д̇и вужжанд̇и, звам̣ б̣од̇хзд̇аа баж̇ааяаад̇и б̣уд̣̇д̇хо. саб̣б̣ан̃н̃уд̇ааяа б̣уд̣̇д̇ход̇и саб̣б̣ад̇хаммаб̣уж̇жханасамад̇т̇ааяа б̣уд̣̇д̇хияаа б̣уд̣̇д̇ход̇и вуд̇д̇ам̣ ход̇и. саб̣б̣ад̣̇ассаавид̇ааяа б̣уд̣̇д̇ход̇и саб̣б̣ад̇хаммаанам̣ н̃аан̣ажагкунаа д̣̇идтад̇д̇аа б̣уд̣̇д̇ход̇и вуд̇д̇ам̣ ход̇и. анан̃н̃анзяяад̇ааяа б̣уд̣̇д̇ход̇и ан̃н̃зна аб̣од̇ханийяад̇о саяамзва б̣уд̣̇д̇хад̇д̇аа б̣уд̣̇д̇ход̇и вуд̇д̇ам̣ ход̇и. висавид̇ааяа б̣уд̣̇д̇ход̇и наанааг̇ун̣авигасанад̇о бад̣̇умамива вигасанадтзна б̣уд̣̇д̇ход̇и вуд̇д̇ам̣ ход̇и. кийн̣аасавасан̇каад̇зна б̣уд̣̇д̇ход̇иаад̣̇ийхи чахи барияааязхи жид̇д̇асан̇гожагарад̇хаммаббахаанзна нид̣̇д̣̇ааяа виб̣уд̣̇д̇хо бурисо вияа саб̣б̣агилзсанид̣̇д̣̇ааяа виб̣уд̣̇д̇хад̇д̇аа б̣уд̣̇д̇ход̇и вуд̇д̇ам̣ ход̇и. сан̇каа сан̇каад̇анд̇и ад̇т̇ад̇о згад̇д̇аа сан̇каад̇знаад̇и важанасса годтаасзнаад̇и ад̇т̇о. д̇ан̣хаалзбад̣̇идтилзбаабхаавзна нирубалзбасан̇каад̇зна саваасанаанам̣ саб̣б̣агилзсаанам̣ бахийнад̇д̇аа зганд̇аважанзна висзсзд̇ваа вуд̇д̇ам̣. зганд̇аниггилзсод̇и рааг̇ад̣̇осамохаавасзсзхи саб̣б̣агилзсзхи ниггилзсо.

    Idāni byañjanato vibhāvento ‘‘buddhoti kenaṭṭhena buddho’’tiādimāha. Tattha yathā loke avagantā ‘‘avagato’’ti vuccati, evaṃ bujjhitā saccānīti buddho. Yathā paṇṇasosā vātā ‘‘paṇṇasusā’’ti vuccanti, evaṃ bodhetā pajāyāti buddho. Sabbaññutāya buddhoti sabbadhammabujjhanasamatthāya buddhiyā buddhoti vuttaṃ hoti. Sabbadassāvitāya buddhoti sabbadhammānaṃ ñāṇacakkhunā diṭṭhattā buddhoti vuttaṃ hoti. Anaññaneyyatāya buddhoti aññena abodhanīyato sayameva buddhattā buddhoti vuttaṃ hoti. Visavitāya buddhoti nānāguṇavikasanato padumamiva vikasanaṭṭhena buddhoti vuttaṃ hoti. Khīṇāsavasaṅkhātena buddhotiādīhi chahi pariyāyehi cittasaṅkocakaradhammappahānena niddāya vibuddho puriso viya sabbakilesaniddāya vibuddhattā buddhoti vuttaṃ hoti. Saṅkhā saṅkhātanti atthato ekattā saṅkhātenāti vacanassa koṭṭhāsenāti attho. Taṇhālepadiṭṭhilepābhāvena nirupalepasaṅkhātena savāsanānaṃ sabbakilesānaṃ pahīnattā ekantavacanena visesetvā vuttaṃ. Ekantanikkilesoti rāgadosamohāvasesehi sabbakilesehi nikkileso.

    згааяанамаг̇г̇ам̣ г̇ад̇од̇и б̣уд̣̇д̇ход̇и г̇аманад̇т̇аанам̣ д̇хаад̇уунам̣ б̣уж̇жханад̇т̇ад̇д̇аа б̣уж̇жханад̇т̇ааби д̇хаад̇уяо г̇аманад̇т̇аа хонд̇зва, д̇асмаа згааяанамаг̇г̇ам̣ г̇ад̇ад̇д̇аа б̣уд̣̇д̇ход̇и вуд̇д̇ам̣ ход̇и. згааяанамаг̇г̇о жзд̇т̇а –

    Ekāyanamaggaṃ gatoti buddhoti gamanatthānaṃ dhātūnaṃ bujjhanatthattā bujjhanatthāpi dhātuyo gamanatthā honteva, tasmā ekāyanamaggaṃ gatattā buddhoti vuttaṃ hoti. Ekāyanamaggo cettha –

    ‘‘маг̇г̇о бант̇о бат̇о баж̇ж̇о, ан̃ж̇асам̣ вадумааяанам̣;

    ‘‘Maggo pantho patho pajjo, añjasaṃ vaṭumāyanaṃ;

    нааваа уд̇д̇арасзд̇уу жа, гулло жа бхиси сан̇гамо’’д̇и. (жуул̣ани. баарааяанад̇т̇уд̇иг̇аат̇аанид̣̇д̣̇зса 101) –

    Nāvā uttarasetū ca, kullo ca bhisi saṅkamo’’ti. (cūḷani. pārāyanatthutigāthāniddesa 101) –

    маг̇г̇асса б̣ахуусу наамзсу аяананаамзна вуд̇д̇амаг̇г̇анаамзна вуд̇д̇о. д̇асмаа згамаг̇г̇абхууд̇о маг̇г̇о, на д̣̇взд̇хаабат̇абхууд̇од̇и ад̇т̇о. ат̇а ваа згзна аяид̇аб̣б̣о маг̇г̇од̇и згааяанамаг̇г̇о. згзнаад̇и г̇ан̣асан̇г̇ан̣игам̣ бахааяа бавивид̇д̇зна. аяид̇аб̣б̣од̇и бадибаж̇ж̇ид̇аб̣б̣о, аяанд̇и ваа зд̇знаад̇и аяано, сам̣саарад̇о ниб̣б̣аанам̣ г̇ажчанд̇ийд̇и ад̇т̇о. згзсам̣ аяанод̇и згааяано. згзсанд̇и сздтаанам̣. саб̣б̣асад̇д̇асздтаа жа саммаасамб̣уд̣̇д̇хаа, д̇асмаа згзсам̣ маг̇г̇абхууд̇о саммаасамб̣уд̣̇д̇хаанам̣ аяанабхууд̇о маг̇г̇од̇и вуд̇д̇ам̣ ход̇и. аяад̇ийд̇и ваа аяано, г̇ажчад̇и бавад̇д̇ад̇ийд̇и ад̇т̇о. згасмим̣ аяано маг̇г̇од̇и згааяанамаг̇г̇о. згасмим̣язва б̣уд̣̇д̇хасаасанз бавад̇д̇амаано маг̇г̇о, на ан̃н̃ад̇т̇аад̇и вуд̇д̇ам̣ ход̇и. аби жа згам̣ аяад̇ийд̇и згааяано. буб̣б̣абхааг̇з наанаамукабхааванаанаяаббавад̇д̇оби абарабхааг̇з згам̣ ниб̣б̣аанамзва г̇ажчад̇ийд̇и вуд̇д̇ам̣ ход̇и, д̇асмаа згааяанамаг̇г̇од̇и зганиб̣б̣аанаг̇аманамаг̇г̇од̇и ад̇т̇о.

    Maggassa bahūsu nāmesu ayananāmena vuttamagganāmena vutto. Tasmā ekamaggabhūto maggo, na dvedhāpathabhūtoti attho. Atha vā ekena ayitabbo maggoti ekāyanamaggo. Ekenāti gaṇasaṅgaṇikaṃ pahāya pavivittena. Ayitabboti paṭipajjitabbo, ayanti vā etenāti ayano, saṃsārato nibbānaṃ gacchantīti attho. Ekesaṃ ayanoti ekāyano. Ekesanti seṭṭhānaṃ. Sabbasattaseṭṭhā ca sammāsambuddhā, tasmā ekesaṃ maggabhūto sammāsambuddhānaṃ ayanabhūto maggoti vuttaṃ hoti. Ayatīti vā ayano, gacchati pavattatīti attho. Ekasmiṃ ayano maggoti ekāyanamaggo. Ekasmiṃyeva buddhasāsane pavattamāno maggo, na aññatthāti vuttaṃ hoti. Api ca ekaṃ ayatīti ekāyano. Pubbabhāge nānāmukhabhāvanānayappavattopi aparabhāge ekaṃ nibbānameva gacchatīti vuttaṃ hoti, tasmā ekāyanamaggoti ekanibbānagamanamaggoti attho.

    зго ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и на барзхи б̣уд̣̇д̇хад̇д̇аа б̣уд̣̇д̇хо, гинд̇у саяамзва ануд̇д̇арам̣ саммаасамб̣од̇хим̣ абхисамб̣уд̣̇д̇хад̇д̇аа б̣уд̣̇д̇ход̇и вуд̇д̇ам̣ ход̇и. аб̣уд̣̇д̇хивихад̇ад̇д̇аа б̣уд̣̇д̇хибадилаабхад̇д̇аа б̣уд̣̇д̇ход̇и б̣уд̣̇д̇хи б̣уд̣̇д̇хам̣ б̣од̇ход̇и барияааяаважанамзд̇ам̣. д̇ад̇т̇а яат̇аа ‘‘нийларад̇д̇аг̇ун̣аяог̇аа нийло бадо, рад̇д̇о бадо’’д̇и вужжад̇и, звам̣ б̣уд̣̇д̇хаг̇ун̣аяог̇аа ‘‘б̣уд̣̇д̇хо’’д̇и н̃аабзд̇ум̣ вуд̇д̇ам̣.

    Eko anuttaraṃ sammāsambodhiṃ abhisambuddhoti na parehi buddhattā buddho, kintu sayameva anuttaraṃ sammāsambodhiṃ abhisambuddhattā buddhoti vuttaṃ hoti. Abuddhivihatattā buddhipaṭilābhattā buddhoti buddhi buddhaṃ bodhoti pariyāyavacanametaṃ. Tattha yathā ‘‘nīlarattaguṇayogā nīlo paṭo, ratto paṭo’’ti vuccati, evaṃ buddhaguṇayogā ‘‘buddho’’ti ñāpetuṃ vuttaṃ.

    д̇ад̇о барам̣ б̣уд̣̇д̇ход̇и нзд̇ам̣ нааманд̇иаад̣̇и ‘‘ад̇т̇амануг̇ад̇аа аяам̣ бан̃н̃ад̇д̇ий’’д̇и н̃аабанад̇т̇ам̣ вуд̇д̇ам̣. д̇ад̇т̇а мид̇д̇аа сахааяаа. амажжаа бхажжаа. н̃аад̇ий бид̇убагкигаа. саалохид̇аа маад̇убагкигаа. саман̣аа баб̣б̣аж̇ж̇убаг̇ад̇аа. б̣раахман̣аа бховаад̣̇ино, самид̇абаабаб̣аахид̇абаабаа ваа. д̣̇звад̇аа саггаад̣̇аяо б̣рахмаано жа. вимогканд̇иганд̇и вимогко арахад̇д̇амаг̇г̇о, вимогкасса анд̇о арахад̇д̇апалам̣, д̇асмим̣ вимогканд̇з бхавам̣ вимогканд̇игам̣ наамам̣. саб̣б̣ан̃н̃убхааво хи арахад̇д̇амаг̇г̇зна сиж̇жхад̇и, арахад̇д̇апалод̣̇аяз сид̣̇д̇хам̣ ход̇и. д̇асмаа саб̣б̣ан̃н̃убхааво вимогканд̇з бхаво ход̇и. д̇ам̣ нзмид̇д̇игамби наамам̣ вимогканд̇з бхавам̣ наама ход̇и. д̇зна вуд̇д̇ам̣ – ‘‘вимогканд̇игамзд̇ам̣ б̣уд̣̇д̇хаанам̣ бхаг̇аванд̇аана’’нд̇и. б̣од̇хияаа муулз саха саб̣б̣ан̃н̃уд̇ан̃н̃аан̣асса бадилаабхаад̇и махааб̣од̇хиругкамуулз яат̇аавуд̇д̇агкан̣з саб̣б̣ан̃н̃уд̇ан̃н̃аан̣асса бадилаабхзна саха. сажчигаа бан̃н̃ад̇д̇ийд̇и арахад̇д̇апаласажчигирияааяа саб̣б̣ад̇хаммасажчигирияааяа ваа ж̇аад̇аа бан̃н̃ад̇д̇и. яад̣̇ид̣̇ам̣ б̣уд̣̇д̇ход̇и бан̃н̃ад̇д̇и. аяам̣ б̣яан̃ж̇анад̇о б̣уд̣̇д̇хавибхааванаа. ид̇о барам̣ вахассзд̇ам̣ бхааранд̇и барияосаанам̣ д̇ад̇т̇а д̇ад̇т̇а вуд̇д̇анаяад̇д̇аа яат̇аабаал̣имзва нияяаад̇и.

    Tato paraṃ buddhoti netaṃ nāmantiādi ‘‘atthamanugatā ayaṃ paññattī’’ti ñāpanatthaṃ vuttaṃ. Tattha mittā sahāyā. Amaccā bhaccā. Ñātī pitupakkhikā. Sālohitā mātupakkhikā. Samaṇā pabbajjupagatā. Brāhmaṇā bhovādino, samitapāpabāhitapāpā vā. Devatā sakkādayo brahmāno ca. Vimokkhantikanti vimokkho arahattamaggo, vimokkhassa anto arahattaphalaṃ, tasmiṃ vimokkhante bhavaṃ vimokkhantikaṃ nāmaṃ. Sabbaññubhāvo hi arahattamaggena sijjhati, arahattaphalodaye siddhaṃ hoti. Tasmā sabbaññubhāvo vimokkhante bhavo hoti. Taṃ nemittikampi nāmaṃ vimokkhante bhavaṃ nāma hoti. Tena vuttaṃ – ‘‘vimokkhantikametaṃ buddhānaṃ bhagavantāna’’nti. Bodhiyā mūle saha sabbaññutaññāṇassa paṭilābhāti mahābodhirukkhamūle yathāvuttakkhaṇe sabbaññutaññāṇassa paṭilābhena saha. Sacchikā paññattīti arahattaphalasacchikiriyāya sabbadhammasacchikiriyāya vā jātā paññatti. Yadidaṃ buddhoti paññatti. Ayaṃ byañjanato buddhavibhāvanā. Ito paraṃ vahassetaṃ bhāranti pariyosānaṃ tattha tattha vuttanayattā yathāpāḷimeva niyyāti.

    193. жад̇уд̇т̇аг̇аат̇ааяа виж̇иг̇ужчад̇од̇и ж̇аад̇иаад̣̇ийхи аддийяад̇о. рид̇д̇амаасананд̇и вивид̇д̇ам̣ ман̃жабийтам̣. баб̣б̣ад̇аанам̣ г̇ухаасу ваад̇и баб̣б̣ад̇аг̇ухаасу ваа рид̇д̇амаасанам̣ бхаж̇ад̇од̇и самб̣анд̇хид̇аб̣б̣ам̣.

    193. Catutthagāthāya vijigucchatoti jātiādīhi aṭṭīyato. Rittamāsananti vivittaṃ mañcapīṭhaṃ. Pabbatānaṃ guhāsu vāti pabbataguhāsu vā rittamāsanaṃ bhajatoti sambandhitabbaṃ.

    ж̇аад̇ияаа виж̇иг̇ужчад̇од̇и ж̇аад̇им̣ виж̇иг̇ужчад̇о. ж̇арааяа. б̣яаад̇хинаад̇иаад̣̇ийсуби зсзва наяо. бхаж̇ад̇од̇и звамаад̣̇ийсу бхаж̇ад̇од̇и бхаж̇анд̇асса. сзвад̇од̇и сзванд̇асса. нисзвад̇од̇и саммаа сзванд̇асса . сам̣сзвад̇од̇и бунаббунам̣ сзванд̇асса. бадисзвад̇од̇и убаг̇анд̇ваа сзванд̇асса. баб̣б̣ад̇абаб̣бхаараад̇и баб̣б̣ад̇агужчияо.

    Jātiyā vijigucchatoti jātiṃ vijigucchato. Jarāya. Byādhinātiādīsupi eseva nayo. Bhajatoti evamādīsu bhajatoti bhajantassa. Sevatoti sevantassa. Nisevatoti sammā sevantassa . Saṃsevatoti punappunaṃ sevantassa. Paṭisevatoti upagantvā sevantassa. Pabbatapabbhārāti pabbatakucchiyo.

    194. бан̃жамаг̇аат̇ааяа ужжааважзсууд̇и хийнабан̣ийд̇зсу. саяанзсууд̇и вихаараад̣̇ийсу сзнаасанзсу. гийванд̇о д̇ад̇т̇а бхзраваад̇и гид̇д̇агаа д̇ад̇т̇а бхаяагааран̣аа. ‘‘гуванд̇о’’д̇иби баато, гууж̇анд̇од̇и жасса ад̇т̇о.

    194. Pañcamagāthāya uccāvacesūti hīnapaṇītesu. Sayanesūti vihārādīsu senāsanesu. Kīvanto tattha bheravāti kittakā tattha bhayakāraṇā. ‘‘Kuvanto’’tipi pāṭho, kūjantoti cassa attho.

    гуванд̇од̇и сад̣̇д̣̇ааяанд̇о. гууж̇анд̇од̇и аб̣яад̇д̇асад̣̇д̣̇ам̣ гаронд̇о. над̣̇анд̇од̇и уггудтим̣ гаронд̇о. сад̣̇д̣̇ам̣ гаронд̇од̇и ваажам̣ бхаасанд̇о. гад̇ийд̇и бужчаа. гид̇д̇агаад̇и бамаан̣абужчаа. гийвад̇агаад̇и барижчзд̣̇абужчаа. гийваб̣ахугаад̇и бамаан̣абарижчзд̣̇абужчаа. д̇з бхзраваад̇и зд̇з бхаяаж̇ананубад̣̇д̣̇аваа бхаяаарамман̣аа. гийваб̣ахугаад̇и бужчид̇з аарамман̣з д̣̇ассзд̇ум̣ ‘‘сийхаа б̣яаг̇гхаа д̣̇ийбий’’д̇иаад̣̇ийхи виссаж̇ж̇зд̇и.

    Kuvantoti saddāyanto. Kūjantoti abyattasaddaṃ karonto. Nadantoti ukkuṭṭhiṃ karonto. Saddaṃ karontoti vācaṃ bhāsanto. Katīti pucchā. Kittakāti pamāṇapucchā. Kīvatakāti paricchedapucchā. Kīvabahukāti pamāṇaparicchedapucchā. Te bheravāti ete bhayajananupaddavā bhayārammaṇā. Kīvabahukāti pucchite ārammaṇe dassetuṃ ‘‘sīhā byagghā dīpī’’tiādīhi vissajjeti.

    195. чадтаг̇аат̇ааяа гад̇и бариссаяаад̇и гид̇д̇агаа убад̣̇д̣̇аваа. аг̇ад̇ам̣ д̣̇исанд̇и ниб̣б̣аанам̣. д̇ан̃хи аг̇ад̇абуб̣б̣ад̇д̇аа аг̇ад̇ам̣, нид̣̇д̣̇исид̇аб̣б̣ад̇о д̣̇исаа жаад̇и. д̇зна вуд̇д̇ам̣ – ‘‘аг̇ад̇ам̣ д̣̇иса’’нд̇и. амад̇ам̣ д̣̇иса’’нд̇иби баато. абхисамбхавзд̇и абхисамбхавзяяа. банд̇амхийд̇и барияанд̇з.

    195. Chaṭṭhagāthāya kati parissayāti kittakā upaddavā. Agataṃ disanti nibbānaṃ. Tañhi agatapubbattā agataṃ, niddisitabbato disā cāti. Tena vuttaṃ – ‘‘agataṃ disa’’nti. Amataṃ disa’’ntipi pāṭho. Abhisambhaveti abhisambhaveyya. Pantamhīti pariyante.

    аг̇ад̇абуб̣б̣аа саа д̣̇исаад̇и яаа д̣̇исаа субинанд̇знаби на г̇ад̇абуб̣б̣аа. на саа д̣̇исаа г̇ад̇абуб̣б̣аад̇и зсаа д̣̇исаа вуд̇д̇анаязна на г̇ад̇абуб̣б̣аа. иминаа д̣̇ийгхзна ад̣̇д̇хунаад̇и анзна д̣̇ийгхагаалзна.

    Agatapubbā sā disāti yā disā supinantenapi na gatapubbā. Na sā disā gatapubbāti esā disā vuttanayena na gatapubbā. Iminā dīghena addhunāti anena dīghakālena.

    самад̇ид̇д̇иганд̇и анд̇омукаваддилзкам̣ баабзд̇ваа самабхарид̇ам̣. анавасзганд̇и анавасин̃жанагам̣ абарисин̃жанагам̣ гад̇ваа. д̇злабад̇д̇анд̇и багкид̇д̇ад̇злам̣ д̇злабад̇д̇ам̣. барихарзяяаад̇и харзяяа аад̣̇ааяа г̇ажчзяяа. звам̣ сажид̇д̇аманурагкзд̇и д̇ам̣ д̇злабхарид̇ам̣ бад̇д̇ам̣ вияа ад̇д̇ано жид̇д̇ам̣ гааяаг̇ад̇ааяа сад̇ияаа г̇ожарз жзва самбаяуд̇д̇асад̇ияаа жаад̇и убхиннам̣ анд̇арз багкибид̇ваа яат̇аа мухуд̇д̇амби б̣ахид̣̇д̇хаа г̇ожарз на вигкибад̇и, д̇ат̇аа бан̣д̣ид̇о яог̇ааважаро рагкзяяа г̇обаязяяа. гим̣гааран̣аа? зд̇асса хи –

    Samatittikanti antomukhavaṭṭilekhaṃ pāpetvā samabharitaṃ. Anavasekanti anavasiñcanakaṃ aparisiñcanakaṃ katvā. Telapattanti pakkhittatelaṃ telapattaṃ. Parihareyyāti hareyya ādāya gaccheyya. Evaṃ sacittamanurakkheti taṃ telabharitaṃ pattaṃ viya attano cittaṃ kāyagatāya satiyā gocare ceva sampayuttasatiyā cāti ubhinnaṃ antare pakkhipitvā yathā muhuttampi bahiddhā gocare na vikkhipati, tathā paṇḍito yogāvacaro rakkheyya gopayeyya. Kiṃkāraṇā? Etassa hi –

    ‘‘д̣̇унниг̇г̇ахасса лахуно, яад̇т̇агааманибаад̇ино;

    ‘‘Dunniggahassa lahuno, yatthakāmanipātino;

    жид̇д̇асса д̣̇амат̇о саад̇ху, жид̇д̇ам̣ д̣̇анд̇ам̣ сукаавахам̣’’. (д̇ха. ба. 35);

    Cittassa damatho sādhu, cittaṃ dantaṃ sukhāvahaṃ’’. (dha. pa. 35);

    д̇асмаа –

    Tasmā –

    ‘‘суд̣̇уд̣̇д̣̇асам̣ сунибун̣ам̣, яад̇т̇агааманибаад̇инам̣;

    ‘‘Sududdasaṃ sunipuṇaṃ, yatthakāmanipātinaṃ;

    жид̇д̇ам̣ рагкзт̇а мзд̇хаавий, жид̇д̇ам̣ г̇уд̇д̇ам̣ сукаавахам̣’’. (д̇ха. ба. 36);

    Cittaṃ rakkhetha medhāvī, cittaṃ guttaṃ sukhāvahaṃ’’. (dha. pa. 36);

    ид̣̇ан̃хи –

    Idañhi –

    ‘‘д̣̇ууран̇г̇амам̣ згажарам̣, асарийрам̣ г̇ухаасаяам̣;

    ‘‘Dūraṅgamaṃ ekacaraṃ, asarīraṃ guhāsayaṃ;

    яз жид̇д̇ам̣ сам̣яамзссанд̇и, могканд̇и маараб̣анд̇ханаа’’. (д̇ха. ба. 37);

    Ye cittaṃ saṃyamessanti, mokkhanti mārabandhanā’’. (dha. pa. 37);

    ид̇арасса бана –

    Itarassa pana –

    ‘‘анавадтид̇ажид̇д̇асса , сад̣̇д̇хаммам̣ авиж̇аанад̇о;

    ‘‘Anavaṭṭhitacittassa , saddhammaṃ avijānato;

    бариблавабасаад̣̇асса, бан̃н̃аа на барибуурад̇и’’. (д̇ха. ба. 38);

    Pariplavapasādassa, paññā na paripūrati’’. (dha. pa. 38);

    т̇ирагаммадтаанасахааяасса бана –

    Thirakammaṭṭhānasahāyassa pana –

    ‘‘анавассуд̇ажид̇д̇асса, ананваахад̇ажзд̇асо;

    ‘‘Anavassutacittassa, ananvāhatacetaso;

    бун̃н̃абаабабахийнасса, над̇т̇и ж̇ааг̇арад̇о бхаяам̣’’. (д̇ха. ба. 39);

    Puññapāpapahīnassa, natthi jāgarato bhayaṃ’’. (dha. pa. 39);

    д̇асмаа зд̇ам̣ –

    Tasmā etaṃ –

    ‘‘панд̣̇анам̣ жабалам̣ жид̇д̇ам̣, д̣̇уурагкам̣ д̣̇унниваараяам̣;

    ‘‘Phandanaṃ capalaṃ cittaṃ, dūrakkhaṃ dunnivārayaṃ;

    уж̇ум̣ гарод̇и мзд̇хаавий, усугаарова д̇зж̇анам̣’’. (д̇ха. ба. 33);

    Ujuṃ karoti medhāvī, usukārova tejanaṃ’’. (dha. pa. 33);

    звам̣ уж̇ум̣ гаронд̇о сажид̇д̇аманурагкз.

    Evaṃ ujuṃ karonto sacittamanurakkhe.

    бад̇т̇аяаано д̣̇исам̣ аг̇ад̇абуб̣б̣анд̇и имасмим̣ гааяаг̇ад̇аасад̇игаммадтаанз гаммам̣ аарабхид̇ваа анамад̇аг̇г̇з сам̣саарз аг̇ад̇абуб̣б̣ам̣ д̣̇исам̣ бад̇т̇знд̇о вуд̇д̇анаязна сагам̣ жид̇д̇ам̣ рагкзяяаад̇и ад̇т̇о. гаа банзсаа д̣̇исаа наама –

    Patthayānodisaṃ agatapubbanti imasmiṃ kāyagatāsatikammaṭṭhāne kammaṃ ārabhitvā anamatagge saṃsāre agatapubbaṃ disaṃ patthento vuttanayena sakaṃ cittaṃ rakkheyyāti attho. Kā panesā disā nāma –

    ‘‘маад̇аабид̇аа д̣̇исаа буб̣б̣аа, аажарияаа д̣̇агкин̣аа д̣̇исаа;

    ‘‘Mātāpitā disā pubbā, ācariyā dakkhiṇā disā;

    буд̇д̇ад̣̇аараа д̣̇исаа бажчаа, мид̇д̇аамажжаа жа уд̇д̇араа.

    Puttadārā disā pacchā, mittāmaccā ca uttarā.

    ‘‘д̣̇аасагаммагараа хздтаа, уд̣̇д̇хам̣ саман̣аб̣раахман̣аа;

    ‘‘Dāsakammakarā heṭṭhā, uddhaṃ samaṇabrāhmaṇā;

    зд̇аа д̣̇исаа намассзяяа, аламад̇д̇о гулз г̇ихий’’д̇и. (д̣̇ий. ни. 3.273) –

    Etā disā namasseyya, alamatto kule gihī’’ti. (dī. ni. 3.273) –

    зд̇т̇а д̇аава маад̇аабид̇аад̣̇аяо ‘‘д̣̇исаа’’д̇и вуд̇д̇аа.

    Ettha tāva mātāpitādayo ‘‘disā’’ti vuttā.

    ‘‘д̣̇исаа жад̇ассо вид̣̇исаа жад̇ассо, уд̣̇д̇хам̣ ад̇хо д̣̇аса д̣̇исаа имааяо;

    ‘‘Disā catasso vidisā catasso, uddhaṃ adho dasa disā imāyo;

    гад̇амам̣ д̣̇исам̣ д̇идтад̇и нааг̇арааж̇аа, яамад̣̇д̣̇асаа субинз чаб̣б̣исаан̣а’’нд̇и. (ж̇аа. 1.16.104) –

    Katamaṃ disaṃ tiṭṭhati nāgarājā, yamaddasā supine chabbisāṇa’’nti. (jā. 1.16.104) –

    зд̇т̇а бурад̇т̇имаад̣̇ибхзд̣̇аа д̣̇исаава ‘‘д̣̇исаа’’д̇и вуд̇д̇аа.

    Ettha puratthimādibhedā disāva ‘‘disā’’ti vuttā.

    ‘‘аг̇аарино аннад̣̇абаанавад̇т̇ад̣̇аа, авхааяигаа д̇амби д̣̇исам̣ вад̣̇анд̇и;

    ‘‘Agārino annadapānavatthadā, avhāyikā tampi disaṃ vadanti;

    зсаа д̣̇исаа барамаа сзд̇агзд̇у, яам̣ бад̇ваа д̣̇угкий сукино бхаванд̇ий’’д̇и . (ж̇аа. 1.6.9) –

    Esā disā paramā setaketu, yaṃ patvā dukkhī sukhino bhavantī’’ti . (jā. 1.6.9) –

    зд̇т̇а ниб̣б̣аанам̣ ‘‘д̣̇иса’’нд̇и вуд̇д̇ам̣. ид̇хааби д̇ад̣̇зва ад̇хиббзд̇ам̣. д̇ан̣хагкаяам̣ вирааг̇анд̇иаад̣̇ийхи д̣̇иссад̇и абад̣̇иссад̇и д̇асмаа ‘‘д̣̇исаа’’д̇и вужжад̇и. анамад̇аг̇г̇з бана сам̣саарз гзнажи б̣аалабут̇уж̇ж̇анзна субинзнаби аг̇ад̇абуб̣б̣ад̇ааяа ‘‘аг̇ад̇абуб̣б̣аа д̣̇исаа наамаа’’д̇и вужжад̇и. д̇ам̣ бад̇т̇аяанд̇зна гааяаг̇ад̇аасад̇ияаа яог̇о гаран̣ийяод̇и. важ̇ад̇од̇иаад̣̇ийсу зд̇т̇а маг̇г̇уббаад̣̇ад̇о самийбам̣ важ̇ад̇о. тид̇игкан̣з г̇ажчад̇о. палод̣̇аяад̇о ад̇иггамад̇о.

    Ettha nibbānaṃ ‘‘disa’’nti vuttaṃ. Idhāpi tadeva adhippetaṃ. Taṇhakkhayaṃ virāgantiādīhi dissati apadissati tasmā ‘‘disā’’ti vuccati. Anamatagge pana saṃsāre kenaci bālaputhujjanena supinenapi agatapubbatāya ‘‘agatapubbā disā nāmā’’ti vuccati. Taṃ patthayantena kāyagatāsatiyā yogo karaṇīyoti. Vajatotiādīsu ettha magguppādato samīpaṃ vajato. Ṭhitikkhaṇe gacchato. Phalodayato atikkamato.

    анд̇зд̇и анд̇амхи тид̇з. банд̇зд̇и ванаг̇аханаг̇амбхийрз тид̇з. барияанд̇зд̇и д̣̇уурабхаавзна барияанд̇з тид̇з. сзланд̇зд̇и баб̣б̣ад̇аанам̣ анд̇з. вананд̇зд̇и ванагхадаанам̣ анд̇з. над̣̇анд̇зд̇и над̣̇ийнам̣ анд̇з. уд̣̇аганд̇зд̇и уд̣̇агаанам̣ барияанд̇з. яад̇т̇а на гасийяад̇и на вабийяад̇ийд̇и яасмим̣ гасанан̃жа вабанан̃жа на гарийяад̇и. ж̇ананд̇ам̣ ад̇иггамид̇ваа тид̇з. мануссаанам̣ анубажаарзд̇и гасанавабанавасзна мануссзхи анубажарид̇аб̣б̣з сзнаасанз.

    Anteti antamhi ṭhite. Panteti vanagahanagambhīre ṭhite. Pariyanteti dūrabhāvena pariyante ṭhite. Selanteti pabbatānaṃ ante. Vananteti vanaghaṭānaṃ ante. Nadanteti nadīnaṃ ante. Udakanteti udakānaṃ pariyante. Yattha na kasīyati na vapīyatīti yasmiṃ kasanañca vapanañca na karīyati. Janantaṃatikkamitvā ṭhite. Manussānaṃ anupacāreti kasanavapanavasena manussehi anupacaritabbe senāsane.

    196. сад̇д̇амаг̇аат̇ааяа гяаасса б̣яаббат̇аяо ассууд̇и гид̣̇исаани д̇асса важанаани ассу.

    196. Sattamagāthāya kyāssa byappathayo assūti kidisāni tassa vacanāni assu.

    мусааваад̣̇ам̣ бахааяаад̇и зд̇т̇а мусаад̇и висам̣ваад̣̇анабурзгкаарасса ад̇т̇абхан̃ж̇анаго важийбаяог̇о гааяабаяог̇о ваа. висам̣ваад̣̇анаад̇хиббааязна банасса барависам̣ваад̣̇агагааяаважийбаяог̇асамудтаабигаа жзд̇анаа мусааваад̣̇о. абаро наяо – мусаад̇и абхууд̇ам̣ ад̇ажчам̣ вад̇т̇у, ваад̣̇од̇и д̇асса бхууд̇ад̇о д̇ажчад̇о вин̃н̃аабанам̣. лагкан̣ад̇о бана ад̇ат̇ам̣ вад̇т̇ум̣ д̇ат̇ад̇о барам̣ вин̃н̃аабзд̇угаамасса д̇ат̇аавин̃н̃ад̇д̇исамудтаабигаа жзд̇анаа мусааваад̣̇о. со яамад̇т̇ам̣ бхан̃ж̇ад̇и, д̇асса аббад̇ааяа аббасааваж̇ж̇о, маханд̇ад̇ааяа махаасааваж̇ж̇о. аби жа г̇ахадтаанам̣ ад̇д̇ано санд̇агам̣ ад̣̇аад̇угаамад̇ааяа ‘‘над̇т̇ий’’д̇иаад̣̇инаяаббавад̇д̇о аббасааваж̇ж̇о, сагкинаа худ̇ваа ад̇т̇абхан̃ж̇анад̇т̇ам̣ вуд̇д̇о махаасааваж̇ж̇о. баб̣б̣аж̇ид̇аанам̣ аббагамби д̇злам̣ ваа саббим̣ ваа лабхид̇ваа хасаад̇хиббааязна ‘‘аж̇ж̇а г̇аамз д̇злам̣ над̣̇ий ман̃н̃з санд̣̇ад̇ий’’д̇и бууран̣агат̇аанаязна бавад̇д̇о аббасааваж̇ж̇о, ад̣̇идтам̣язва бана д̣̇идтанд̇иаад̣̇инаа наязна вад̣̇анд̇аанам̣ махаасааваж̇ж̇о.

    Musāvādaṃ pahāyāti ettha musāti visaṃvādanapurekkhārassa atthabhañjanako vacīpayogo kāyapayogo vā. Visaṃvādanādhippāyena panassa paravisaṃvādakakāyavacīpayogasamuṭṭhāpikā cetanā musāvādo. Aparo nayo – musāti abhūtaṃ atacchaṃ vatthu, vādoti tassa bhūtato tacchato viññāpanaṃ. Lakkhaṇato pana atathaṃ vatthuṃ tathato paraṃ viññāpetukāmassa tathāviññattisamuṭṭhāpikā cetanā musāvādo. So yamatthaṃ bhañjati, tassa appatāya appasāvajjo, mahantatāya mahāsāvajjo. Api ca gahaṭṭhānaṃ attano santakaṃ adātukāmatāya ‘‘natthī’’tiādinayappavatto appasāvajjo, sakkhinā hutvā atthabhañjanatthaṃ vutto mahāsāvajjo. Pabbajitānaṃ appakampi telaṃ vā sappiṃ vā labhitvā hasādhippāyena ‘‘ajja gāme telaṃ nadī maññe sandatī’’ti pūraṇakathānayena pavatto appasāvajjo, adiṭṭhaṃyeva pana diṭṭhantiādinā nayena vadantānaṃ mahāsāvajjo.

    д̇асса жад̇д̇ааро самбхаараа хонд̇и – ад̇ат̇ам̣ вад̇т̇у висам̣ваад̣̇анажид̇д̇ам̣ д̇аж̇ж̇о вааяаамо барасса д̇ад̣̇ад̇т̇авиж̇аанананд̇и. зго баяог̇о саахад̇т̇игова. со жа гааязна ваа гааяабадиб̣ад̣̇д̇хзна ваа ваажааяа ваа барависам̣ваад̣̇агагирияаагаран̣з д̣̇адтаб̣б̣о. д̇ааяа жз гирияааяа баро д̇амад̇т̇ам̣ ж̇аанаад̇и, аяам̣ гирияасамудтаабигаа жзд̇анаагкан̣зязва мусааваад̣̇агаммунаа б̣аж̇жхад̇и.

    Tassa cattāro sambhārā honti – atathaṃ vatthu visaṃvādanacittaṃ tajjo vāyāmo parassa tadatthavijānananti. Eko payogo sāhatthikova. So ca kāyena vā kāyapaṭibaddhena vā vācāya vā paravisaṃvādakakiriyākaraṇe daṭṭhabbo. Tāya ce kiriyāya paro tamatthaṃ jānāti, ayaṃ kiriyasamuṭṭhāpikā cetanākkhaṇeyeva musāvādakammunā bajjhati.

    сажжам̣ вад̣̇ад̇ийд̇и сажжаваад̣̇ий. сажжзна сажжам̣ санд̣̇ахад̇и гхадзд̇ийд̇и сажжасанд̇хо, на анд̇аранд̇араа мусаа вад̣̇ад̇ийд̇и ад̇т̇о. яо хи бурисо гад̣̇аажи мусаа вад̣̇ад̇и, гад̣̇аажи сажжам̣, д̇асса мусааваад̣̇зна анд̇аригад̇ааяа сажжам̣ сажжзна на гхадияад̇и, д̇асмаа на со сажжасанд̇хо. аяам̣ бана на д̇аад̣̇исо, ж̇ийвид̇ахзд̇уби мусаа авад̇ваа сажжзна сажжам̣ санд̣̇ахад̇иязваад̇и сажжасанд̇хо.

    Saccaṃ vadatīti saccavādī. Saccena saccaṃ sandahati ghaṭetīti saccasandho, na antarantarā musā vadatīti attho. Yo hi puriso kadāci musā vadati, kadāci saccaṃ, tassa musāvādena antarikatāya saccaṃ saccena na ghaṭiyati, tasmā na so saccasandho. Ayaṃ pana na tādiso, jīvitahetupi musā avatvā saccena saccaṃ sandahatiyevāti saccasandho.

    т̇зд̇од̇и т̇иро, т̇ирагат̇од̇и ад̇т̇о. зго буг̇г̇ало халид̣̇д̣̇ирааг̇о вияа т̇усараасимхи никаад̇акаан̣у вияа ассабидтз табид̇агумбхан̣д̣амива жа на т̇ирагат̇о ход̇и. зго баасаан̣алзкаа вияа инд̣̇акийло вияа жа т̇ирагат̇о ход̇и, асинаа сийсам̣ чинд̣̇анд̇зби д̣̇взгат̇аа на гат̇зд̇и. аяам̣ вужжад̇и т̇зд̇о.

    Thetoti thiro, thirakathoti attho. Eko puggalo haliddirāgo viya thusarāsimhi nikhātakhāṇu viya assapiṭṭhe ṭhapitakumbhaṇḍamiva ca na thirakatho hoti. Eko pāsāṇalekhā viya indakhīlo viya ca thirakatho hoti, asinā sīsaṃ chindantepi dvekathā na katheti. Ayaṃ vuccati theto.

    бажжаяигод̇и бад̇д̇ияааяид̇аб̣б̣о, сад̣̇д̇хааяид̇аб̣б̣агод̇и ад̇т̇о. згажжо хи буг̇г̇ало на бажжаяиго ход̇и, ‘‘ид̣̇ам̣ гзна вуд̇д̇ам̣, асугзнаа’’д̇и вуд̇д̇з ‘‘маа д̇асса важанам̣ сад̣̇д̣̇ахат̇аа’’д̇и вад̇д̇аб̣б̣ад̇ам̣ аабаж̇ж̇ад̇и. зго бажжаяиго ход̇и, ‘‘ид̣̇ам̣ гзна вуд̇д̇ам̣, асугзнаа’’д̇и вуд̇д̇з ‘‘яад̣̇и д̇зна вуд̇д̇ам̣, ид̣̇амзва бамаан̣ам̣, ид̣̇аани убабаригкид̇аб̣б̣ам̣ над̇т̇и, звамзва ид̣̇а’’нд̇и вад̇д̇аб̣б̣ад̇ам̣ аабаж̇ж̇ад̇и, аяам̣ вужжад̇и бажжаяиго. ависам̣ваад̣̇аго логассаад̇и д̇ааяа сажжаваад̣̇ид̇ааяа логам̣ на висам̣ваад̣̇зд̇ийд̇и ад̇т̇о.

    Paccayikoti pattiyāyitabbo, saddhāyitabbakoti attho. Ekacco hi puggalo na paccayiko hoti, ‘‘idaṃ kena vuttaṃ, asukenā’’ti vutte ‘‘mā tassa vacanaṃ saddahathā’’ti vattabbataṃ āpajjati. Eko paccayiko hoti, ‘‘idaṃ kena vuttaṃ, asukenā’’ti vutte ‘‘yadi tena vuttaṃ, idameva pamāṇaṃ, idāni upaparikkhitabbaṃ natthi, evameva ida’’nti vattabbataṃ āpajjati, ayaṃ vuccati paccayiko. Avisaṃvādako lokassāti tāya saccavāditāya lokaṃ na visaṃvādetīti attho.

    бисун̣ам̣ ваажам̣ бахааяаад̇иаад̣̇ийсу яааяа ваажааяа яасса д̇ам̣ ваажам̣ бхаасад̇и, д̇асса хад̣̇аяз ад̇д̇ано бияабхаавам̣ барасса жа сун̃н̃абхаавам̣ гарод̇и, саа бисун̣аваажаа. яааяа бана ад̇д̇аанамби барамби парусам̣ гарод̇и, яаа ваажаа саяамби парусаа, нзва ган̣н̣асукаа на хад̣̇аяан̇г̇амаа, аяам̣ парусаваажаа. язна сампам̣ балабад̇и нирад̇т̇агам̣, со сампаббалаабо. д̇зсам̣ муулабхууд̇ааби жзд̇анаа бисун̣аваажаад̣̇инаамамзва лабхад̇и, саа зва ид̇ха ад̇хиббзд̇аад̇и.

    Pisuṇaṃ vācaṃ pahāyātiādīsu yāya vācāya yassa taṃ vācaṃ bhāsati, tassa hadaye attano piyabhāvaṃ parassa ca suññabhāvaṃ karoti, sā pisuṇavācā. Yāya pana attānampi parampi pharusaṃ karoti, yā vācā sayampi pharusā, neva kaṇṇasukhā na hadayaṅgamā, ayaṃ pharusavācā. Yena samphaṃ palapati niratthakaṃ, so samphappalāpo. Tesaṃ mūlabhūtāpi cetanā pisuṇavācādināmameva labhati, sā eva idha adhippetāti.

    д̇ад̇т̇а сам̣гилидтажид̇д̇асса барзсам̣ ваа бхзд̣̇ааяа ад̇д̇ано бияагамяад̇ааяа ваа гааяаважийбаяог̇асамудтаабигаа жзд̇анаа бисун̣аваажаа. саа яасса бхзд̣̇ам̣ гарод̇и, д̇асса аббаг̇ун̣ад̇ааяа аббасааваж̇ж̇аа, махааг̇ун̣ад̇ааяа махаасааваж̇ж̇аа.

    Tattha saṃkiliṭṭhacittassa paresaṃ vā bhedāya attano piyakamyatāya vā kāyavacīpayogasamuṭṭhāpikā cetanā pisuṇavācā. Sā yassa bhedaṃ karoti, tassa appaguṇatāya appasāvajjā, mahāguṇatāya mahāsāvajjā.

    д̇ассаа жад̇д̇ааро самбхаараа хонд̇и – бхинд̣̇ид̇аб̣б̣о баро, ‘‘ид̇и имз наанаа бхависсанд̇и винаа бхависсанд̇ий’’д̇и бхзд̣̇абурзгкаарад̇аа ваа, ‘‘ид̇и ахам̣ бияо бхависсаами виссаасиго’’д̇и бияагамяад̇аа ваа, д̇аж̇ж̇о вааяаамо, д̇асса д̇ад̣̇ад̇т̇авиж̇аанананд̇и.

    Tassā cattāro sambhārā honti – bhinditabbo paro, ‘‘iti ime nānā bhavissanti vinā bhavissantī’’ti bhedapurekkhāratā vā, ‘‘iti ahaṃ piyo bhavissāmi vissāsiko’’ti piyakamyatā vā, tajjo vāyāmo, tassa tadatthavijānananti.

    имзсам̣ бхзд̣̇ааяаад̇и язсам̣ ид̇од̇и вуд̇д̇аанам̣ санд̇игз суд̇ам̣, д̇зсам̣ бхзд̣̇ааяа. бхиннаанам̣ ваа санд̇хаад̇аад̇и д̣̇виннам̣ мид̇д̇аанам̣ ваа самаанубаж̇жхааяагаад̣̇ийнам̣ ваа гзнажид̣̇зва гааран̣зна бхиннаанам̣ згамзгам̣ убасан̇гамид̇ваа ‘‘д̇умхаагам̣ ийд̣̇исз гулз ж̇аад̇аанам̣ звам̣ б̣ахуссуд̇аанам̣ ид̣̇ам̣ на яуд̇д̇а’’нд̇иаад̣̇ийни вад̇ваа санд̇хаанам̣ гад̇д̇аа. ануббад̣̇аад̇аад̇и санд̇хаанаануббад̣̇аад̇аа, д̣̇вз ж̇анз самаг̇г̇з д̣̇исваа ‘‘д̇умхаагам̣ зваруубз гулз ж̇аад̇аанам̣ зваруубзхи г̇ун̣зхи саманнааг̇ад̇аанам̣ анужчавигамзд̇а’’нд̇иаад̣̇ийни вад̇ваа д̣̇ал̣хийгаммам̣ гад̇д̇аад̇и ад̇т̇о.

    Imesaṃ bhedāyāti yesaṃ itoti vuttānaṃ santike sutaṃ, tesaṃ bhedāya. Bhinnānaṃ vā sandhātāti dvinnaṃ mittānaṃ vā samānupajjhāyakādīnaṃ vā kenacideva kāraṇena bhinnānaṃ ekamekaṃ upasaṅkamitvā ‘‘tumhākaṃ īdise kule jātānaṃ evaṃ bahussutānaṃ idaṃ na yutta’’ntiādīni vatvā sandhānaṃ kattā. Anuppadātāti sandhānānuppadātā, dve jane samagge disvā ‘‘tumhākaṃ evarūpe kule jātānaṃ evarūpehi guṇehi samannāgatānaṃ anucchavikameta’’ntiādīni vatvā daḷhīkammaṃ kattāti attho.

    самаг̇г̇о аараамо ассаад̇и самаг̇г̇аараамо, яад̇т̇а самаг̇г̇аа над̇т̇и, д̇ад̇т̇а васид̇умби на ижчад̇ийд̇и ад̇т̇о. ‘‘самаг̇г̇араамо’’д̇иби баал̣и, аяамзвад̇т̇о. самаг̇г̇арад̇од̇и самаг̇г̇зсу рад̇о, д̇з бахааяа ан̃н̃ад̇ра г̇анд̇умби на ижчад̇ийд̇и ад̇т̇о. самаг̇г̇з д̣̇исвааби суд̇вааби нанд̣̇ад̇ийд̇и самаг̇г̇ананд̣̇ий . самаг̇г̇агаран̣им̣ ваажам̣ бхаасид̇аад̇и яаа ваажаа сад̇д̇з самаг̇г̇зязва гарод̇и, д̇ам̣ саамаг̇г̇иг̇ун̣абарид̣̇ийбагамзва ваажам̣ бхаасад̇и, на ид̇аранд̇и.

    Samaggo ārāmo assāti samaggārāmo, yattha samaggā natthi, tattha vasitumpi na icchatīti attho. ‘‘Samaggarāmo’’tipi pāḷi, ayamevattho. Samaggaratoti samaggesu rato, te pahāya aññatra gantumpi na icchatīti attho. Samagge disvāpi sutvāpi nandatīti samagganandī. Samaggakaraṇiṃ vācaṃ bhāsitāti yā vācā satte samaggeyeva karoti, taṃ sāmaggiguṇaparidīpakameva vācaṃ bhāsati, na itaranti.

    барасса маммажчзд̣̇агагааяаважийбаяог̇асамудтаабигаа зганд̇апарусажзд̇анаа парусаваажаа. маммажчзд̣̇агоби баяог̇о жид̇д̇асан̣хад̇ааяа парусаваажаа на ход̇и. маад̇аабид̇аро хи гад̣̇аажи буд̇д̇агз звамби вад̣̇анд̇и ‘‘жораа во кан̣д̣аакан̣д̣игам̣ гаронд̇уу’’д̇и, уббалабад̇д̇амби жа нзсам̣ убари бад̇анд̇ам̣ на ижчанд̇и. аажарияубаж̇жхааяаа жа гад̣̇аажи ниссид̇агз звам̣ вад̣̇анд̇и ‘‘гим̣ имз ахиригаа анод̇д̇аббино жаранд̇и, нид̣̇д̇хамат̇а нз’’д̇и. ат̇а жа нзсам̣ ааг̇амаад̇хиг̇амасамбад̇д̇им̣ ижчанд̇и. яат̇аа жа жид̇д̇асан̣хад̇ааяа парусаваажаа на ход̇и, звам̣ важанасан̣хад̇ааяа апарусаваажааби на ход̇и. на хи маараабзд̇угаамасса ‘‘имам̣ сукам̣ саяаабзт̇аа’’д̇и важанам̣ апарусаваажаа ход̇и, жид̇д̇апарусад̇ааяа банзсаа парусаваажаава, саа яам̣ санд̇хааяа бавад̇д̇ид̇аа. д̇асса аббаг̇ун̣ад̇ааяа аббасааваж̇ж̇аа, махааг̇ун̣ад̇ааяа махаасааваж̇ж̇аа. д̇ассаа д̇аяо самбхаараа – аггосид̇аб̣б̣о баро губид̇ажид̇д̇ам̣ аггосанаад̇и.

    Parassa mammacchedakakāyavacīpayogasamuṭṭhāpikā ekantapharusacetanā pharusavācā. Mammacchedakopi payogo cittasaṇhatāya pharusavācā na hoti. Mātāpitaro hi kadāci puttake evampi vadanti ‘‘corā vo khaṇḍākhaṇḍikaṃ karontū’’ti, uppalapattampi ca nesaṃ upari patantaṃ na icchanti. Ācariyupajjhāyā ca kadāci nissitake evaṃ vadanti ‘‘kiṃ ime ahirikā anottappino caranti, niddhamatha ne’’ti. Atha ca nesaṃ āgamādhigamasampattiṃ icchanti. Yathā ca cittasaṇhatāya pharusavācā na hoti, evaṃ vacanasaṇhatāya apharusavācāpi na hoti. Na hi mārāpetukāmassa ‘‘imaṃ sukhaṃ sayāpethā’’ti vacanaṃ apharusavācā hoti, cittapharusatāya panesā pharusavācāva, sā yaṃ sandhāya pavattitā. Tassa appaguṇatāya appasāvajjā, mahāguṇatāya mahāsāvajjā. Tassā tayo sambhārā – akkositabbo paro kupitacittaṃ akkosanāti.

    нзлаад̇и злам̣ вужжад̇и д̣̇осо, наассаа зланд̇и нзлаа, нид̣̇д̣̇осаад̇и ад̇т̇о. ‘‘нзлан̇г̇о сзд̇абажчаад̣̇о’’д̇и (уд̣̇аа. 65; бздаго. 25) зд̇т̇а вуд̇д̇анзлам̣ вияа. ган̣н̣асукаад̇и б̣яан̃ж̇анамад̇хурад̇ааяа ган̣н̣аанам̣ сукаа, сууживиж̇жханам̣ вияа ган̣н̣асуулам̣ на ж̇анзд̇и. ад̇т̇амад̇хурад̇ааяа сагаласарийрз гобам̣ аж̇анзд̇ваа бзмам̣ ж̇анзд̇ийд̇и бзманияаа. хад̣̇аяам̣ г̇ажчад̇и абадихан̃н̃амаанаа сукзна жид̇д̇ам̣ бависад̇ийд̇и хад̣̇аяан̇г̇амаа. г̇ун̣абарибун̣н̣ад̇ааяа бурз бхаваад̇и борий. бурз сам̣вад̣̇д̇ханаарий вияа сугумаараад̇иби борий. бурасса зсаад̇иби борий, наг̇араваасийнам̣ гат̇аад̇и ад̇т̇о. наг̇араваасино хи яуд̇д̇агат̇аа хонд̇и, бид̇имад̇д̇ам̣ бид̇аад̇и бхаад̇имад̇д̇ам̣ бхаад̇аад̇и вад̣̇анд̇и. зваруубий гат̇аа б̣ахуно ж̇анасса ганд̇аа ход̇ийд̇и б̣ахуж̇анаганд̇аа. ганд̇абхаавзнзва б̣ахуно ж̇анасса манаабаа жид̇д̇авуд̣дхигараад̇и б̣ахуж̇анаманаабаа.

    Nelāti elaṃ vuccati doso, nāssā elanti nelā, niddosāti attho. ‘‘Nelaṅgo setapacchādo’’ti (udā. 65; peṭako. 25) ettha vuttanelaṃ viya. Kaṇṇasukhāti byañjanamadhuratāya kaṇṇānaṃ sukhā, sūcivijjhanaṃ viya kaṇṇasūlaṃ na janeti. Atthamadhuratāya sakalasarīre kopaṃ ajanetvā pemaṃ janetīti pemaniyā. Hadayaṃ gacchati apaṭihaññamānā sukhena cittaṃ pavisatīti hadayaṅgamā. Guṇaparipuṇṇatāya pure bhavāti porī. Pure saṃvaddhanārī viya sukumārātipi porī. Purassa esātipi porī, nagaravāsīnaṃ kathāti attho. Nagaravāsino hi yuttakathā honti, pitimattaṃ pitāti bhātimattaṃ bhātāti vadanti. Evarūpī kathā bahuno janassa kantā hotīti bahujanakantā. Kantabhāveneva bahuno janassa manāpā cittavuḍḍhikarāti bahujanamanāpā.

    анад̇т̇авин̃н̃аабигаа гааяаважийбаяог̇асамудтаабигаа агусалажзд̇анаа сампаббалаабо. со аасзванаманд̣̇ад̇ааяа аббасааваж̇ж̇о, аасзванамаханд̇ад̇ааяа махаасааваж̇ж̇о. д̇асса д̣̇вз самбхаараа – бхаарад̇аяуд̣̇д̇хасийд̇аахаран̣аад̣̇инирад̇т̇агагат̇аа бурзгкаарад̇аа, д̇ат̇ааруубийгат̇аагат̇анан̃жа.

    Anatthaviññāpikā kāyavacīpayogasamuṭṭhāpikā akusalacetanā samphappalāpo. So āsevanamandatāya appasāvajjo, āsevanamahantatāya mahāsāvajjo. Tassa dve sambhārā – bhāratayuddhasītāharaṇādiniratthakakathā purekkhāratā, tathārūpīkathākathanañca.

    гаалзна вад̣̇ад̇ийд̇и гаалаваад̣̇ий, вад̇д̇аб̣б̣аяуд̇д̇агаалам̣ саллагкзд̇ваа вад̣̇ад̇ийд̇и ад̇т̇о. бхууд̇ам̣ д̇ажчам̣ сабхаавамзва вад̣̇ад̇ийд̇и бхууд̇аваад̣̇ий. д̣̇идтад̇хаммигасамбарааяигад̇т̇асанниссид̇амзва гад̇ваа вад̣̇ад̇ийд̇и ад̇т̇аваад̣̇ий . навалогуд̇д̇арад̇хаммасанниссид̇ам̣ гад̇ваа вад̣̇ад̇ийд̇и д̇хаммаваад̣̇ий. сам̣варавинаяабахаанавинаяасанниссид̇ам̣ гад̇ваа вад̣̇ад̇ийд̇и винаяаваад̣̇ий. нид̇хаанам̣ вужжад̇и табаногаасо, нид̇хаанамассаа ад̇т̇ийд̇и нид̇хаанавад̇ий, хад̣̇аяз нид̇хаад̇аб̣б̣аяуд̇д̇ам̣ ваажам̣ бхаасид̇аад̇и ад̇т̇о. гаалзнаад̇и зваруубим̣ бхаасамааноби жа ‘‘ахам̣ нид̇хаанавад̇им̣ ваажам̣ бхаасиссаамий’’д̇и на агаалзна бхаасад̇и, яуд̇д̇агаалам̣ бана абзгкид̇ваава бхаасад̇ийд̇и ад̇т̇о. саабад̣̇зсанд̇и саубамам̣, сагааран̣анд̇и ад̇т̇о. барияанд̇авад̇инд̇и барижчзд̣̇ам̣ д̣̇ассзд̇ваа яат̇аассаа барижчзд̣̇о бан̃н̃ааяад̇и, звам̣ бхаасад̇ийд̇и ад̇т̇о. ад̇т̇асам̣хид̇анд̇и анзгзхи наязхи вибхаж̇анд̇зна барияаад̣̇аад̇ум̣ асаггун̣зяяад̇ааяа ад̇т̇асамбаннам̣. яам̣ ваа со ад̇т̇аваад̣̇ий ад̇т̇ам̣ вад̣̇ад̇и, д̇зна ад̇т̇зна сахид̇ад̇д̇аа ад̇т̇асам̣хид̇ам̣ ваажам̣ бхаасад̇и, на ан̃н̃ам̣ нигкибид̇ваа ан̃н̃ам̣ бхаасад̇ийд̇и вуд̇д̇ам̣ ход̇и.

    Kālena vadatīti kālavādī, vattabbayuttakālaṃ sallakkhetvā vadatīti attho. Bhūtaṃ tacchaṃ sabhāvameva vadatīti bhūtavādī. Diṭṭhadhammikasamparāyikatthasannissitameva katvā vadatīti atthavādī. Navalokuttaradhammasannissitaṃ katvā vadatīti dhammavādī. Saṃvaravinayapahānavinayasannissitaṃ katvā vadatīti vinayavādī. Nidhānaṃ vuccati ṭhapanokāso, nidhānamassā atthīti nidhānavatī, hadaye nidhātabbayuttaṃ vācaṃ bhāsitāti attho. Kālenāti evarūpiṃ bhāsamānopi ca ‘‘ahaṃ nidhānavatiṃ vācaṃ bhāsissāmī’’ti na akālena bhāsati, yuttakālaṃ pana apekkhitvāva bhāsatīti attho. Sāpadesanti saupamaṃ, sakāraṇanti attho. Pariyantavatinti paricchedaṃ dassetvā yathāssā paricchedo paññāyati, evaṃ bhāsatīti attho. Atthasaṃhitanti anekehi nayehi vibhajantena pariyādātuṃ asakkuṇeyyatāya atthasampannaṃ. Yaṃ vā so atthavādī atthaṃ vadati, tena atthena sahitattā atthasaṃhitaṃ vācaṃ bhāsati, na aññaṃ nikkhipitvā aññaṃ bhāsatīti vuttaṃ hoti.

    жад̇уухи важийсужарид̇зхийд̇и ‘‘мусааваад̣̇ам̣ бахааяаа’’д̇иаад̣̇инаа наязна вуд̇д̇зхи жад̇уухи ваажаахи яуд̇д̇зхи судту жарид̇зхи. саманнааг̇ад̇од̇и абарихийно. жад̇уд̣̇осаабаг̇ад̇ам̣ ваажам̣ бхаасад̇ийд̇и аббияаад̣̇ийхи жад̇уухи д̣̇осзхи абаг̇ад̇ам̣ барихийнам̣ ваажам̣ бхаасад̇и.

    Catūhi vacīsucaritehīti ‘‘musāvādaṃ pahāyā’’tiādinā nayena vuttehi catūhi vācāhi yuttehi suṭṭhu caritehi. Samannāgatoti aparihīno. Catudosāpagataṃ vācaṃ bhāsatīti appiyādīhi catūhi dosehi apagataṃ parihīnaṃ vācaṃ bhāsati.

    ад̇т̇и аг̇ожарод̇и гин̃жааби т̇зро саман̣аажаарам̣ саман̣аг̇ожарам̣ гат̇зд̇угаамо ‘‘ад̇т̇и аг̇ожаро, ад̇т̇и г̇ожаро’’д̇и бад̣̇ам̣ уд̣̇д̇хари, яат̇аа бана маг̇г̇агусало бурисо маг̇г̇ам̣ аажигканд̇о ‘‘ваамам̣ мун̃жа, д̣̇агкин̣ам̣ г̇ан̣хаа’’д̇и батамам̣ мун̃жид̇аб̣б̣ам̣ сабхаяамаг̇г̇ам̣ уббат̇амаг̇г̇ам̣ аажигкад̇и, бажчаа г̇ахзд̇аб̣б̣ам̣ кзмамаг̇г̇ам̣ уж̇умаг̇г̇ам̣, звамзва маг̇г̇агусалабурисасад̣̇исо д̇хаммасзнаабад̇и батамам̣ бахаад̇аб̣б̣ам̣ б̣уд̣̇д̇хабадигудтам̣ аг̇ожарам̣ аажигкид̇ваа бажчаа г̇ожарам̣ аажигкид̇угаамо ‘‘гад̇амо аг̇ожаро’’д̇иаад̣̇имааха. бурисзна хи аажигкид̇амаг̇г̇о самбаж̇ж̇зяяа ваа на ваа, д̇ат̇ааг̇ад̇зна аажигкид̇амаг̇г̇о абан̣н̣аго инд̣̇ависсадтам̣ важ̇ирам̣ вияа авираж̇жханаго ниб̣б̣аананаг̇арам̣язва самосарад̇и. д̇зна вуд̇д̇ам̣ – ‘‘бурисо маг̇г̇агусалод̇и ко д̇исса д̇ат̇ааг̇ад̇ассзд̇ам̣ ад̇хиважанам̣ арахад̇о саммаасамб̣уд̣̇д̇хассаа’’д̇и (сам̣. ни. 3.84).

    Atthi agocaroti kiñcāpi thero samaṇācāraṃ samaṇagocaraṃ kathetukāmo ‘‘atthi agocaro, atthi gocaro’’ti padaṃ uddhari, yathā pana maggakusalo puriso maggaṃ ācikkhanto ‘‘vāmaṃ muñca, dakkhiṇaṃ gaṇhā’’ti paṭhamaṃ muñcitabbaṃ sabhayamaggaṃ uppathamaggaṃ ācikkhati, pacchā gahetabbaṃ khemamaggaṃ ujumaggaṃ, evameva maggakusalapurisasadiso dhammasenāpati paṭhamaṃ pahātabbaṃ buddhapaṭikuṭṭhaṃ agocaraṃ ācikkhitvā pacchā gocaraṃ ācikkhitukāmo ‘‘katamo agocaro’’tiādimāha. Purisena hi ācikkhitamaggo sampajjeyya vā na vā, tathāgatena ācikkhitamaggo apaṇṇako indavissaṭṭhaṃ vajiraṃ viya avirajjhanako nibbānanagaraṃyeva samosarati. Tena vuttaṃ – ‘‘puriso maggakusaloti kho tissa tathāgatassetaṃ adhivacanaṃ arahato sammāsambuddhassā’’ti (saṃ. ni. 3.84).

    яасмаа ваа сасийсам̣ нхаанзна бахийнасзд̣̇амалаж̇аллигасса бурисасса маалааг̇анд̇хавилзбанаад̣̇ивибхуусанавид̇хаанам̣ вияа бахийнабаабад̇хаммасса галяаан̣ад̇хаммасамааяог̇о самбаннаруубо ход̇и, д̇асмаа сзд̣̇амалаж̇аллигам̣ вияа бахаад̇аб̣б̣ам̣ батамам̣ аг̇ожарам̣ аажигкид̇ваа бахийнасзд̣̇амалаж̇аллигасса маалааг̇анд̇хавилзбанаад̣̇ивибхуусанавид̇хаанам̣ вияа бажчаа г̇ожарам̣ аажигкид̇угаамоби ‘‘гад̇амо аг̇ожаро’’д̇иаад̣̇имааха.

    Yasmā vā sasīsaṃ nhānena pahīnasedamalajallikassa purisassa mālāgandhavilepanādivibhūsanavidhānaṃ viya pahīnapāpadhammassa kalyāṇadhammasamāyogo sampannarūpo hoti, tasmā sedamalajallikaṃ viya pahātabbaṃ paṭhamaṃ agocaraṃ ācikkhitvā pahīnasedamalajallikassa mālāgandhavilepanādivibhūsanavidhānaṃ viya pacchā gocaraṃ ācikkhitukāmopi ‘‘katamo agocaro’’tiādimāha.

    д̇ад̇т̇а г̇ожарод̇и бин̣д̣абаад̇аад̣̇ийнам̣ ад̇т̇ааяа убасан̇гамид̇ум̣ яуд̇д̇адтаанам̣. аяуд̇д̇адтаанам̣ аг̇ожаро. взсияаа г̇ожаро ассаад̇и взсияааг̇ожаро, мид̇д̇асант̇ававасзна убасан̇гамид̇аб̣б̣адтаананд̇и ад̇т̇о. д̇ад̇т̇а взсияаа наама руубуубаж̇ийвинияо язна гзнажид̣̇зва сулабхаж̇жхаажаарад̇аа мид̇д̇асант̇авасинзхавасзна убасан̇гаманд̇о взсияааг̇ожаро наама ход̇и. д̇асмаа звам̣ убасан̇гамид̇ум̣ на ваддад̇и. гим̣гааран̣аа? аарагкавибад̇д̇ид̇о. звам̣ убасан̇гаманд̇асса хи жирарагкид̇аг̇обид̇оби саман̣ад̇хаммо гад̇ибаахзнзва нассад̇и. сажзби на нассад̇и, г̇арахам̣ лабхад̇и. д̣̇агкин̣аавасзна бана убасан̇гаманд̇зна сад̇им̣ убадтабзд̇ваа убасан̇гамид̇аб̣б̣ам̣.

    Tattha gocaroti piṇḍapātādīnaṃ atthāya upasaṅkamituṃ yuttaṭṭhānaṃ. Ayuttaṭṭhānaṃ agocaro. Vesiyā gocaro assāti vesiyāgocaro, mittasanthavavasena upasaṅkamitabbaṭṭhānanti attho. Tattha vesiyā nāma rūpūpajīviniyo yena kenacideva sulabhajjhācāratā mittasanthavasinehavasena upasaṅkamanto vesiyāgocaro nāma hoti. Tasmā evaṃ upasaṅkamituṃ na vaṭṭati. Kiṃkāraṇā? Ārakkhavipattito. Evaṃ upasaṅkamantassa hi cirarakkhitagopitopi samaṇadhammo katipāheneva nassati. Sacepi na nassati, garahaṃ labhati. Dakkhiṇāvasena pana upasaṅkamantena satiṃ upaṭṭhapetvā upasaṅkamitabbaṃ.

    вид̇хаваа вужжанд̇и мад̇абад̇игаа ваа бавудтабад̇игаа ваа. т̇уллагумаарияод̇и махаллигаа аниб̣б̣ид̣̇д̇хагумаарияо. бан̣д̣агаад̇и логаамисаниссид̇агат̇ааб̣ахулаа уссаннагилзсаа авуубасанд̇абарил̣аахаа набум̣сагаа. д̇зсам̣ саб̣б̣зсамби убасан̇гаманз аад̣̇ийнаво вуд̇д̇анаязнзва взд̣̇ид̇аб̣б̣о. бхигкунийсуби зсзва наяо. аби жа бхигкуу наама уссаннаб̣рахмажарияаа хонд̇и, д̇ат̇аа бхигкунияо. д̇з ан̃н̃аман̃н̃ам̣ сант̇ававасзна гад̇ибаахзнзва рагкид̇аг̇обид̇асаман̣ад̇хаммам̣ наасзнд̇и. г̇илаанабужчагзна бана г̇анд̇ум̣ ваддад̇и. бхигкунаа бубпаани лабхид̇ваа бууж̇анад̇т̇ааяаби оваад̣̇ад̣̇аанад̇т̇ааяаби г̇анд̇ум̣ ваддад̇иязва.

    Vidhavā vuccanti matapatikā vā pavuṭṭhapatikā vā. Thullakumāriyoti mahallikā anibbiddhakumāriyo. Paṇḍakāti lokāmisanissitakathābahulā ussannakilesā avūpasantapariḷāhā napuṃsakā. Tesaṃ sabbesampi upasaṅkamane ādīnavo vuttanayeneva veditabbo. Bhikkhunīsupi eseva nayo. Api ca bhikkhū nāma ussannabrahmacariyā honti, tathā bhikkhuniyo. Te aññamaññaṃ santhavavasena katipāheneva rakkhitagopitasamaṇadhammaṃ nāsenti. Gilānapucchakena pana gantuṃ vaṭṭati. Bhikkhunā pupphāni labhitvā pūjanatthāyapi ovādadānatthāyapi gantuṃ vaṭṭatiyeva.

    баанааг̇ааранд̇и сураабаанагхарам̣, д̇ам̣ б̣рахмажарияанд̇арааяагарзхи сураасон̣д̣зхи авивид̇д̇ам̣ ход̇и. д̇ад̇т̇а д̇зхи сад̣̇д̇хим̣ сахасон̣д̣авасзна убасан̇гамид̇ум̣ на ваддад̇и, б̣рахмажарияанд̇арааяо ход̇и. сам̣садто вихарад̇и рааж̇уухийд̇иаад̣̇ийсу рааж̇аанод̇и абхисид̇д̇аа ваа хонд̇у анабхисид̇д̇аа ваа, яз раж̇ж̇аманусаасанд̇и. рааж̇амахаамад̇д̇аад̇и рааж̇уунам̣ иссарияасад̣̇исааяа махад̇ияаа иссарияамад̇д̇ааяа саманнааг̇ад̇аа. д̇ид̇т̇ияаад̇и вибарийд̇ад̣̇ассанаа б̣аахирабариб̣б̣ааж̇агаа. д̇ид̇т̇ияасаавагаад̇и бхад̇д̇ивасзна д̇зсам̣ бажжаяад̣̇ааяагаа, зд̇зхи сад̣̇д̇хим̣ сам̣саг̇г̇аж̇аад̇о ход̇ийд̇и ад̇т̇о.

    Pānāgāranti surāpānagharaṃ, taṃ brahmacariyantarāyakarehi surāsoṇḍehi avivittaṃ hoti. Tattha tehi saddhiṃ sahasoṇḍavasena upasaṅkamituṃ na vaṭṭati, brahmacariyantarāyo hoti. Saṃsaṭṭho viharati rājūhītiādīsu rājānoti abhisittā vā hontu anabhisittā vā, ye rajjamanusāsanti. Rājamahāmattāti rājūnaṃ issariyasadisāya mahatiyā issariyamattāya samannāgatā. Titthiyāti viparītadassanā bāhiraparibbājakā. Titthiyasāvakāti bhattivasena tesaṃ paccayadāyakā, etehi saddhiṃ saṃsaggajāto hotīti attho.

    анануломигзна сам̣саг̇г̇знаад̇и анануломигасам̣саг̇г̇о наама д̇иссаннам̣ сигкаанам̣ анануломо бажжанийгасам̣саг̇г̇о. язна б̣рахмажарияанд̇арааяам̣ бан̃н̃ад̇д̇ивийд̇иггамам̣ саллзкабарихаанин̃жа баабун̣аад̇и. сзяяат̇ид̣̇ам̣? рааж̇арааж̇амахаамад̇д̇зхи сад̣̇д̇хим̣ сахасогид̇аа сахананд̣̇ид̇аа самасукад̣̇угкад̇аа уббаннзсу гижжагаран̣ийязсу ад̇д̇анаа яог̇ам̣ аабаж̇ж̇анад̇аа д̇ид̇т̇ияад̇ид̇т̇ияасаавагзхи сад̣̇д̇хим̣ згажчанд̣̇аружисамаажаарад̇аа згажчанд̣̇аружисамаажаарабхааваавахо ваа синзхаб̣ахумаанасант̇аво. д̇ад̇т̇а рааж̇арааж̇амахаамад̇д̇зхи сад̣̇д̇хим̣ сам̣саг̇г̇о б̣рахмажарияанд̇арааяагаро, ид̇арзхи д̇ид̇т̇ияасаавагзхи д̇зсам̣ лад̣̇д̇хиг̇г̇ахан̣ам̣ . д̇зсам̣ бана ваад̣̇ам̣ бхинд̣̇ид̇ваа ад̇д̇ано лад̣̇д̇хим̣ г̇ан̣хаабзд̇ум̣ самад̇т̇зна убасан̇гамид̇ум̣ ваддад̇и.

    Ananulomikena saṃsaggenāti ananulomikasaṃsaggo nāma tissannaṃ sikkhānaṃ ananulomo paccanīkasaṃsaggo. Yena brahmacariyantarāyaṃ paññattivītikkamaṃ sallekhaparihāniñca pāpuṇāti. Seyyathidaṃ? Rājarājamahāmattehi saddhiṃ sahasokitā sahananditā samasukhadukkhatā uppannesu kiccakaraṇīyesu attanā yogaṃ āpajjanatā titthiyatitthiyasāvakehi saddhiṃ ekacchandarucisamācāratā ekacchandarucisamācārabhāvāvaho vā sinehabahumānasanthavo. Tattha rājarājamahāmattehi saddhiṃ saṃsaggo brahmacariyantarāyakaro, itarehi titthiyasāvakehi tesaṃ laddhiggahaṇaṃ . Tesaṃ pana vādaṃ bhinditvā attano laddhiṃ gaṇhāpetuṃ samatthena upasaṅkamituṃ vaṭṭati.

    ид̣̇аани абарзнаби барияааязна аг̇ожарам̣ д̣̇ассзд̇ум̣ ‘‘яаани ваа бана д̇аани гулааний’’д̇иаад̣̇и аарад̣̇д̇хам̣. д̇ад̇т̇а ассад̣̇д̇хаанийд̇и б̣уд̣̇д̇хаад̣̇ийсу сад̣̇д̇хаавирахид̇аани. д̇аани ‘‘б̣уд̣̇д̇хо саб̣б̣ан̃н̃уу, д̇хаммо нияяааниго, сан̇гхо суббадибанно’’д̇и на сад̣̇д̣̇аханд̇и. аббасаннаанийд̇и жид̇д̇ам̣ басаннам̣ анаавилам̣ гаад̇ум̣ на саггонд̇и. аггосагабарибхаасагаанийд̇и аггосагаани жзва барибхаасагаани жа. ‘‘жороси, б̣аалоси, муул̣хоси, одтоси, г̇он̣оси, г̇ад̣̇рабхоси, аабааяигоси, нзраяигоси, д̇иражчаанаг̇ад̇оси, над̇т̇и д̇уяхам̣ суг̇ад̇и, д̣̇уг̇г̇ад̇иязва д̇уяхам̣ баадиган̇каа’’д̇и звам̣ д̣̇асахи аггосавад̇т̇уухи аггосанд̇и. ‘‘ход̇у, ид̣̇аани д̇ам̣ бахариссаама, б̣анд̇хиссаама, вад̇хиссаамаа’’д̇и звам̣ бхаяад̣̇ассанзна барибхаасанд̇и жаад̇и ад̇т̇о.

    Idāni aparenapi pariyāyena agocaraṃ dassetuṃ ‘‘yāni vā pana tāni kulānī’’tiādi āraddhaṃ. Tattha assaddhānīti buddhādīsu saddhāvirahitāni. Tāni ‘‘buddho sabbaññū, dhammo niyyāniko, saṅgho suppaṭipanno’’ti na saddahanti. Appasannānīti cittaṃ pasannaṃ anāvilaṃ kātuṃ na sakkonti. Akkosakaparibhāsakānīti akkosakāni ceva paribhāsakāni ca. ‘‘Corosi, bālosi, mūḷhosi, oṭṭhosi, goṇosi, gadrabhosi, āpāyikosi, nerayikosi, tiracchānagatosi, natthi tuyhaṃ sugati, duggatiyeva tuyhaṃ pāṭikaṅkhā’’ti evaṃ dasahi akkosavatthūhi akkosanti. ‘‘Hotu, idāni taṃ paharissāma, bandhissāma, vadhissāmā’’ti evaṃ bhayadassanena paribhāsanti cāti attho.

    анад̇т̇агаамаанийд̇и ад̇т̇ам̣ на ижчанд̇и, анад̇т̇амзва ижчанд̇и. ахид̇агаамаанийд̇и ахид̇амзва ижчанд̇и, хид̇ам̣ на ижчанд̇и. апаасугаамаанийд̇и паасугам̣ на ижчанд̇и, апаасугамзва ижчанд̇и. аяог̇агкзмагаамаанийд̇и жад̇уухи яог̇зхи кзмам̣ ниб̣бхаяам̣ на ижчанд̇и, сабхаяамзва ижчанд̇и. бхигкуунанд̇и зд̇т̇а сааман̣зрааби сан̇г̇ахам̣ г̇ажчанд̇и. бхигкунийнанд̇и зд̇т̇а сигкамаанаасааман̣зрияоби. саб̣б̣зсамби хи бхаг̇аванд̇ам̣ уд̣̇д̣̇исса баб̣б̣аж̇ид̇аанан̃жзва саран̣аг̇ад̇аанан̃жа жад̇уннамби барисаанам̣ д̇аани анад̇т̇агаамааниязва. д̇ат̇ааруубаани гулаанийд̇и зваруубаани кад̇д̇ияагулаад̣̇ийни гулаани. сзвад̇ийд̇и ниссааяа ж̇ийвад̇и. бхаж̇ад̇ийд̇и убасан̇гамад̇и. баяирубаасад̇ийд̇и бунаббунам̣ убасан̇гамад̇и. аяам̣ вужжад̇ийд̇и аяам̣ взсияаад̣̇иг̇ожарасса взсияаад̣̇иго рааж̇аад̣̇исам̣садтасса рааж̇аад̣̇иго ассад̣̇д̇хагулаад̣̇исзвагасса ассад̣̇д̇хагулаад̣̇иго жаад̇и д̇иббагаароби аяуд̇д̇аг̇ожаро ‘‘аг̇ожаро’’д̇и взд̣̇ид̇аб̣б̣о.

    Anatthakāmānīti atthaṃ na icchanti, anatthameva icchanti. Ahitakāmānīti ahitameva icchanti, hitaṃ na icchanti. Aphāsukāmānīti phāsukaṃ na icchanti, aphāsukameva icchanti. Ayogakkhemakāmānīti catūhi yogehi khemaṃ nibbhayaṃ na icchanti, sabhayameva icchanti. Bhikkhūnanti ettha sāmaṇerāpi saṅgahaṃ gacchanti. Bhikkhunīnanti ettha sikkhamānāsāmaṇeriyopi. Sabbesampi hi bhagavantaṃ uddissa pabbajitānañceva saraṇagatānañca catunnampi parisānaṃ tāni anatthakāmāniyeva. Tathārūpāni kulānīti evarūpāni khattiyakulādīni kulāni. Sevatīti nissāya jīvati. Bhajatīti upasaṅkamati. Payirupāsatīti punappunaṃ upasaṅkamati. Ayaṃ vuccatīti ayaṃ vesiyādigocarassa vesiyādiko rājādisaṃsaṭṭhassa rājādiko assaddhakulādisevakassa assaddhakulādiko cāti tippakāropi ayuttagocaro ‘‘agocaro’’ti veditabbo.

    д̇асса иминааби барияааязна аг̇ожарад̇аа взд̣̇ид̇аб̣б̣аа – взсияаад̣̇иго д̇аава бан̃жагаамаг̇ун̣аниссаяад̇о аг̇ожаро взд̣̇ид̇аб̣б̣о. яат̇ааха – ‘‘го жа, бхигкавз, бхигкуно аг̇ожаро барависаяо, яад̣̇ид̣̇ам̣ бан̃жа гаамаг̇ун̣аа’’д̇и . рааж̇аад̣̇иго жхаанаануяог̇асса анубаниссаяад̇о лаабхасаггаараасанижагганибпаад̣̇анад̇о д̣̇идтивибад̇д̇ихзд̇уд̇о жа, ассад̣̇д̇хагулаад̣̇иго сад̣̇д̇хаахаанижид̇д̇абад̣̇осааваханад̇о аг̇ожаро.

    Tassa imināpi pariyāyena agocaratā veditabbā – vesiyādiko tāva pañcakāmaguṇanissayato agocaro veditabbo. Yathāha – ‘‘ko ca, bhikkhave, bhikkhuno agocaro paravisayo, yadidaṃ pañca kāmaguṇā’’ti . Rājādiko jhānānuyogassa anupanissayato lābhasakkārāsanicakkanipphādanato diṭṭhivipattihetuto ca, assaddhakulādiko saddhāhānicittapadosāvahanato agocaro.

    анд̇арагхараббавзсаад̣̇иго жа жагкунаа руубам̣ д̣̇исваа нимид̇д̇аг̇г̇аахаад̣̇иго жа сад̣̇д̇хаад̣̇зяяаани бхож̇анаани бхун̃ж̇ид̇ваа висуугад̣̇ассанаануяог̇о жа бан̃жа гаамаг̇ун̣аа жаад̇и жад̇уб̣б̣ид̇хоби бана гилзсуббад̇д̇ивасзна аг̇ожарод̇и взд̣̇ид̇аб̣б̣о.

    Antaragharappavesādiko ca cakkhunā rūpaṃ disvā nimittaggāhādiko ca saddhādeyyāni bhojanāni bhuñjitvā visūkadassanānuyogo ca pañca kāmaguṇā cāti catubbidhopi pana kilesuppattivasena agocaroti veditabbo.

    маа бхигкавз аг̇ожарз жарат̇аад̇и жарид̇ум̣ аяуд̇д̇адтаанз маа жарат̇а. барависаязд̇и сад̇д̇увисаяз. аг̇ожарз бхигкавз жарад̇анд̇и аяуд̇д̇адтаанз жаранд̇аанам̣. ‘‘жара’’нд̇иби баато. лажчад̇ийд̇и лабхиссад̇и бассиссад̇и. маарод̇и д̣̇звабуд̇д̇амаароби мажжумаароби. од̇ааранд̇и ранд̇хам̣ чид̣̇д̣̇ам̣ виварам̣.

    Mā bhikkhave agocare carathāti carituṃ ayuttaṭṭhāne mā caratha. Paravisayeti sattuvisaye. Agocare bhikkhave caratanti ayuttaṭṭhāne carantānaṃ. ‘‘Cara’’ntipi pāṭho. Lacchatīti labhissati passissati. Māroti devaputtamāropi maccumāropi. Otāranti randhaṃ chiddaṃ vivaraṃ.

    г̇ожаранид̣̇д̣̇зсз на взсияааг̇ожаро ход̇ийд̇иаад̣̇ийни вуд̇д̇абадибагкавасзна взд̣̇ид̇аб̣б̣аани. аяам̣ бана висзсо – жад̇д̇ааро сад̇ибадтаанаа г̇ожарод̇и жарид̇ум̣ яуд̇д̇адтаанавасзна жад̇усад̇ибадтаанаа г̇ожаро. сагзд̇и ад̇д̇ано санд̇агз. бзд̇д̇игз висаязд̇и бид̇ид̇о ааг̇ад̇ависаяз.

    Gocaraniddese na vesiyāgocaro hotītiādīni vuttapaṭipakkhavasena veditabbāni. Ayaṃ pana viseso – cattāro satipaṭṭhānā gocaroti carituṃ yuttaṭṭhānavasena catusatipaṭṭhānā gocaro. Saketi attano santake. Pettike visayeti pitito āgatavisaye.

    аарад̣̇д̇хавийрияассаад̇и саммааубадтид̇ажад̇усаммаббад̇хаанавийрияаванд̇асса. т̇аамаг̇ад̇ассаад̇и б̣алаббад̇д̇асса. д̣̇ал̣хабараггамассаад̇и т̇иравийрияасса. яассад̇т̇ааяа бзсид̇од̇и язна арахад̇д̇ад̇т̇ааяа ад̇д̇абхааво барижжад̇д̇о. ад̇д̇ад̇т̇з жаад̇и ад̇д̇ано ад̇т̇з арахад̇д̇апалз жа. н̃ааяз жаад̇и арияз адтан̇г̇игз маг̇г̇з жа. лагкан̣з жаад̇и анижжаад̣̇илагкан̣абадивзд̇хз жа. гааран̣з жаад̇и хзд̇умхи жа. таанаатаанз жаад̇и таанз жа адтаанз жа, гааран̣аагааран̣з жаад̇и ад̇т̇о. ид̣̇аани вид̇т̇аарзд̇ваа д̣̇ассзд̇ум̣ ‘‘саб̣б̣з сан̇каараа анижжаа’’д̇иаад̣̇имааха.

    Āraddhavīriyassāti sammāupaṭṭhitacatusammappadhānavīriyavantassa. Thāmagatassāti balappattassa. Daḷhaparakkamassāti thiravīriyassa. Yassatthāya pesitoti yena arahattatthāya attabhāvo pariccatto. Attatthe cāti attano atthe arahattaphale ca. Ñāye cāti ariye aṭṭhaṅgike magge ca. Lakkhaṇe cāti aniccādilakkhaṇapaṭivedhe ca. Kāraṇe cāti hetumhi ca. Ṭhānāṭhāne cāti ṭhāne ca aṭṭhāne ca, kāraṇākāraṇe cāti attho. Idāni vitthāretvā dassetuṃ ‘‘sabbe saṅkhārā aniccā’’tiādimāha.

    197. адтамаг̇аат̇ааяа згод̣̇и нибагод̇и згаг̇г̇ажид̇д̇о бан̣д̣ид̇о.

    197. Aṭṭhamagāthāya ekodi nipakoti ekaggacitto paṇḍito.

    ж̇аад̇аруубасса ол̣ааригамби малам̣ д̇хамад̇ийд̇и суван̣н̣асса т̇уулам̣ ж̇аллам̣ аг̇г̇исам̣яог̇зна нийхарад̇и. санд̇хамад̇ийд̇и саммаа нийхарад̇и. нид̣̇д̇хамад̇ийд̇и абунабхаваббад̇д̇игам̣ гад̇ваа нийхарад̇и. ‘‘жхаабзд̇ий’’д̇и гзжи вад̣̇анд̇и. маж̇жхимагамбийд̇и д̇ад̇о сукумад̇арамби. сукумагамбийд̇и ад̇исукумад̇арамби. звамзваад̇и обаммасамбадибаад̣̇анам̣. ад̇д̇ано ол̣ааригзби гилзсз д̇хамад̇ийд̇и гааяад̣̇ужжарид̇аад̣̇игз т̇уулагилзсз вийрияаад̇абзна нийхарад̇и. маж̇жхимагзби гилзсзд̇и гаамавид̇аггаад̣̇игз ол̣ааригасукумаанам̣ маж̇жхимагзби. сукумагзбийд̇и н̃аад̇ивид̇аггаад̣̇игз ад̇исан̣хагзби гилзсз. саммаад̣̇идтияаа мижчаад̣̇идтим̣ д̇хамад̇ийд̇и саха вибассанааяа маг̇г̇асамбаяуд̇д̇ааяа саммаад̣̇идтияаа вибарийд̇асан̇каад̇ам̣ мижчаад̣̇идтим̣ нийхарад̇и. саммаасан̇габбаад̣̇ийсуби зсзва наяо.

    Jātarūpassa oḷārikampi malaṃ dhamatīti suvaṇṇassa thūlaṃ jallaṃ aggisaṃyogena nīharati. Sandhamatīti sammā nīharati. Niddhamatīti apunabhavappattikaṃ katvā nīharati. ‘‘Jhāpetī’’ti keci vadanti. Majjhimakampīti tato sukhumatarampi. Sukhumakampīti atisukhumatarampi. Evamevāti opammasampaṭipādanaṃ. Attano oḷārikepi kilese dhamatīti kāyaduccaritādike thūlakilese vīriyātapena nīharati. Majjhimakepi kileseti kāmavitakkādike oḷārikasukhumānaṃ majjhimakepi. Sukhumakepīti ñātivitakkādike atisaṇhakepi kilese. Sammādiṭṭhiyā micchādiṭṭhiṃ dhamatīti saha vipassanāya maggasampayuttāya sammādiṭṭhiyā viparītasaṅkhātaṃ micchādiṭṭhiṃ nīharati. Sammāsaṅkappādīsupi eseva nayo.

    198. звам̣ ааяасмад̇аа саарибуд̇д̇зна д̇ийхи г̇аат̇аахи бхаг̇аванд̇ам̣ т̇омзд̇ваа бан̃жахи г̇аат̇аахи бан̃жасад̇аанам̣ сиссаанамад̇т̇ааяа жа сзнаасанаг̇ожарасийлавад̇аад̣̇ийни бужчид̇о д̇амад̇т̇ам̣ багаасзд̇ум̣ ‘‘виж̇иг̇ужчамаанассаа’’д̇иаад̣̇инаа наязна виссаж̇ж̇анамаарад̣̇д̇хам̣. д̇ад̇т̇а батамаг̇аат̇ааяа д̇аавад̇т̇о – ж̇аад̇иаад̣̇ийхи ж̇иг̇ужчамаанасса рид̇д̇аасанам̣ саяанам̣ сзвад̇о вз самб̣од̇хигаамасса саарибуд̇д̇а бхигкуно яад̣̇ид̣̇ам̣ паасу яо паасувихааро яат̇аануд̇хаммам̣ яо жа ануд̇хаммо, д̇ам̣ д̇з бавагкаами яат̇аа баж̇аанам̣ яат̇аа баж̇аананд̇о вад̣̇зяяа, звам̣ вад̣̇аамийд̇и. яам̣ паасувихааранд̇и яам̣ сукавихаарам̣. асаббааяаруубад̣̇ассанзнаад̇и ид̇т̇ируубаад̣̇исаман̣аасаббааяаруубад̣̇ассанзна. д̇ам̣ б̣од̇хим̣ б̣уж̇жхид̇угаамассаад̇и д̇ам̣ жад̇умаг̇г̇ан̃аан̣асан̇каад̇ам̣ б̣од̇хим̣ б̣уж̇жхид̇ум̣ ижчанд̇асса. ануб̣уж̇жхид̇угаамассаад̇и ануруубааяа бадибад̇д̇ияаа б̣уж̇жхид̇угаамасса. бадивиж̇жхид̇угаамассаад̇и абхимукз гад̇ваа ниб̣б̣иж̇жхид̇угаамасса. самб̣уж̇жхид̇угаамассаад̇и бахийнагилзсз абажжааг̇аманавасзна саммаа б̣уж̇жхид̇ум̣ ижчанд̇асса. ад̇хиг̇анд̇угаамассаад̇и баабун̣ид̇угаамасса. сажчигаад̇угаамассаад̇и бадилаабхасажчигирияааяа бад̇д̇угаамасса. ат̇а ваа б̣уж̇жхид̇угаамассаад̇и сод̇аабад̇д̇имаг̇г̇ан̃аан̣ам̣ н̃аад̇угаамасса. ануб̣уж̇жхид̇угаамассаад̇и сагад̣̇ааг̇аамимаг̇г̇ан̃аан̣ам̣ буна н̃аад̇угаамасса. бадивиж̇жхид̇угаамассаад̇и анааг̇аамимаг̇г̇ан̃аан̣ам̣ бадивзд̇хавасзна н̃аад̇угаамасса. самб̣уж̇жхид̇угаамассаад̇и арахад̇д̇амаг̇г̇ан̃аан̣ам̣ саммаа н̃аад̇угаамасса. ад̇хиг̇анд̇угаамассаад̇и жад̇уб̣б̣ид̇хамби ад̇хиг̇анд̇угаамасса. пассид̇угаамассаад̇и н̃аан̣апусанааяа пусид̇угаамасса. сажчигаад̇угаамассаад̇и бажжавзгкан̣ааяа бажжагкам̣ гад̇д̇угаамасса.

    198. Evaṃ āyasmatā sāriputtena tīhi gāthāhi bhagavantaṃ thometvā pañcahi gāthāhi pañcasatānaṃ sissānamatthāya ca senāsanagocarasīlavatādīni pucchito tamatthaṃ pakāsetuṃ ‘‘vijigucchamānassā’’tiādinā nayena vissajjanamāraddhaṃ. Tattha paṭhamagāthāya tāvattho – jātiādīhi jigucchamānassa rittāsanaṃ sayanaṃ sevato ve sambodhikāmassa sāriputta bhikkhuno yadidaṃ phāsu yo phāsuvihāro yathānudhammaṃ yo ca anudhammo, taṃ te pavakkhāmi yathā pajānaṃ yathā pajānanto vadeyya, evaṃ vadāmīti. Yaṃ phāsuvihāranti yaṃ sukhavihāraṃ. Asappāyarūpadassanenāti itthirūpādisamaṇāsappāyarūpadassanena. Taṃ bodhiṃ bujjhitukāmassāti taṃ catumaggañāṇasaṅkhātaṃ bodhiṃ bujjhituṃ icchantassa. Anubujjhitukāmassāti anurūpāya paṭipattiyā bujjhitukāmassa. Paṭivijjhitukāmassāti abhimukhe katvā nibbijjhitukāmassa. Sambujjhitukāmassāti pahīnakilese apaccāgamanavasena sammā bujjhituṃ icchantassa. Adhigantukāmassāti pāpuṇitukāmassa. Sacchikātukāmassāti paṭilābhasacchikiriyāya pattukāmassa. Atha vā bujjhitukāmassāti sotāpattimaggañāṇaṃ ñātukāmassa. Anubujjhitukāmassāti sakadāgāmimaggañāṇaṃ puna ñātukāmassa. Paṭivijjhitukāmassāti anāgāmimaggañāṇaṃ paṭivedhavasena ñātukāmassa. Sambujjhitukāmassāti arahattamaggañāṇaṃ sammā ñātukāmassa. Adhigantukāmassāti catubbidhampi adhigantukāmassa. Phassitukāmassāti ñāṇaphusanāya phusitukāmassa. Sacchikātukāmassāti paccavekkhaṇāya paccakkhaṃ kattukāmassa.

    жад̇уннам̣ маг̇г̇аанам̣ буб̣б̣абхааг̇з вибассанаад̇и жад̇уннам̣ арияамаг̇г̇аанам̣ буримагодтаасз уббаннауд̣̇аяаб̣б̣аяаад̣̇ивибассанаан̃аан̣аани.

    Catunnaṃ maggānaṃ pubbabhāge vipassanāti catunnaṃ ariyamaggānaṃ purimakoṭṭhāse uppannaudayabbayādivipassanāñāṇāni.

    199. д̣̇уд̇ияаг̇аат̇ааяа сабарияанд̇ажаарийд̇и сийлаад̣̇ийсу жад̇уусу барияанд̇зсу жарамаано. д̣ам̣саад̇хибаад̇аананд̇и бин̇г̇аламагкигаанан̃жа сзсамагкигаанан̃жа. д̇з хи д̇ад̇о д̇ад̇о ад̇хибад̇ид̇ваа каад̣̇анд̇и, д̇асмаа ‘‘ад̇хибаад̇аа’’д̇и вужжанд̇и. мануссапассаананд̇и жораад̣̇ипассаанам̣.

    199. Dutiyagāthāya sapariyantacārīti sīlādīsu catūsu pariyantesu caramāno. Ḍaṃsādhipātānanti piṅgalamakkhikānañca sesamakkhikānañca. Te hi tato tato adhipatitvā khādanti, tasmā ‘‘adhipātā’’ti vuccanti. Manussaphassānanti corādiphassānaṃ.

    жад̇д̇ааро барияанд̇аад̇и жад̇д̇ааро марияаад̣̇аа барижчзд̣̇аа. анд̇обууд̇ибхаавам̣ бажжавзгкамаанод̇и аб̣бханд̇арз гужчид̇абхаавам̣ сийлавирахид̇абхаавам̣ ологаяамаано. анд̇о сийласам̣варабарияанд̇з жарад̇ийд̇и сийласам̣варабарижчзд̣̇аб̣бханд̇арз жарад̇и вижарад̇и. марияаад̣̇ам̣ на бхинд̣̇ад̇ийд̇и сийламарияаад̣̇ам̣ сийлабарижчзд̣̇ам̣ на гобзд̇и.

    Cattāro pariyantāti cattāro mariyādā paricchedā. Antopūtibhāvaṃ paccavekkhamānoti abbhantare kucchitabhāvaṃ sīlavirahitabhāvaṃ olokayamāno. Anto sīlasaṃvarapariyante caratīti sīlasaṃvaraparicchedabbhantare carati vicarati. Mariyādaṃ na bhindatīti sīlamariyādaṃ sīlaparicchedaṃ na kopeti.

    аад̣̇ид̇д̇абарияааяам̣ бажжавзгкамаанод̇и аад̣̇ид̇д̇ад̣̇зсанам̣ (махаава. 54; сам̣. ни. 3.61; 4.28) ологзнд̇о. агкаб̣бхан̃ж̇анаван̣абадижчаад̣̇анабуд̇д̇амам̣суубамам̣ бажжавзгкамаанод̇и саагадигасса агкаб̣бхан̃ж̇анаубаман̃жа, гудтаб̣яаад̇хино ван̣аанам̣ бадижчаад̣̇анад̇злабилод̇игаубаман̃жа, ганд̇аарабадибаннаанам̣ ж̇ааяамбад̇игаанам̣ буд̇д̇амам̣сакаад̣̇анаубаман̃жа (сам̣. ни. 2.63; ми. ба. 6.1.2) ологзнд̇о. бхад̣̇д̣̇згарад̇д̇авихаарам̣ бажжавзгкамаанод̇и –

    Ādittapariyāyaṃ paccavekkhamānoti ādittadesanaṃ (mahāva. 54; saṃ. ni. 3.61; 4.28) olokento. Akkhabbhañjanavaṇapaṭicchādanaputtamaṃsūpamaṃ paccavekkhamānoti sākaṭikassa akkhabbhañjanaupamañca, kuṭṭhabyādhino vaṇānaṃ paṭicchādanatelapilotikaupamañca, kantārapaṭipannānaṃ jāyampatikānaṃ puttamaṃsakhādanaupamañca (saṃ. ni. 2.63; mi. pa. 6.1.2) olokento. Bhaddekarattavihāraṃ paccavekkhamānoti –

    ‘‘ад̇ийд̇ам̣ наанвааг̇амзяяа, наббадиган̇кз анааг̇ад̇ам̣;

    ‘‘Atītaṃ nānvāgameyya, nappaṭikaṅkhe anāgataṃ;

    д̇ам̣ вз ‘бхад̣̇д̣̇згарад̇д̇о’д̇и, санд̇о аажигкад̇з муний’’д̇и. (ма. ни. 3.280; нзд̇д̇и. 103) –

    Taṃ ve ‘bhaddekaratto’ti, santo ācikkhate munī’’ti. (ma. ni. 3.280; netti. 103) –

    звам̣ вуд̇д̇ам̣ бхад̣̇д̣̇згарад̇д̇авихаарам̣ ологзнд̇о. д̇аа уббад̇ид̇ваа уббад̇ид̇ваа каад̣̇анд̇ийд̇и ниббад̇ид̇ваа ниббад̇ид̇ваа каад̣̇анд̇и.

    Evaṃ vuttaṃ bhaddekarattavihāraṃ olokento. Tā uppatitvā uppatitvā khādantīti nippatitvā nippatitvā khādanti.

    200. д̇ад̇ияаг̇аат̇ааяа барад̇хаммигаа наама сад̇д̇асахад̇хаммигаваж̇ж̇аа саб̣б̣зби д̇з б̣аахирагаа. гусалаанузсийд̇и гусалад̇хаммз анвзсамаано.

    200. Tatiyagāthāya paradhammikā nāma sattasahadhammikavajjā sabbepi te bāhirakā. Kusalānuesīti kusaladhamme anvesamāno.

    сад̇д̇а сахад̇хаммигз табзд̇ваад̇и бхигкубхигкунийсигкамаанаасааман̣зрасааман̣зрийубаасагаубаасигааяо важ̇ж̇зд̇ваа. ат̇аабарааниби ад̇т̇и абхисамбход̇аб̣б̣аанийд̇и абарааниби мад̣̇д̣̇ид̇аб̣б̣аани ад̇т̇и сам̣виж̇ж̇анд̇и.

    Satta sahadhammike ṭhapetvāti bhikkhubhikkhunīsikkhamānāsāmaṇerasāmaṇerīupāsakaupāsikāyo vajjetvā. Athāparānipiatthi abhisambhotabbānīti aparānipi madditabbāni atthi saṃvijjanti.

    201. жад̇уд̇т̇аг̇аат̇ааяа аад̇ан̇гапассзнаад̇и рог̇апассзна. сийд̇ам̣ ат̇ун̣ханд̇и сийд̇ан̃жа ун̣хан̃жа. со д̇зхи пудто б̣ахуд̇хаад̇и со д̇зхи аад̇ан̇гаад̣̇ийхи анзгзхи аагаарзхи пудто самаано. аногод̇и абхисан̇кааравин̃н̃аан̣аад̣̇ийнам̣ аногаасабхууд̇о. аб̣бханд̇арад̇хаад̇убагобавасзна ваад̇и сарийраб̣бханд̇арз аабод̇хаад̇угкобхавасзна ваа ан̃н̃ад̇хаад̇угкобхавасзна ваа. ун̣ханд̇и сарийраб̣бханд̇арз д̇зж̇од̇хаад̇угкобхавасзна ун̣хам̣ бхавад̇и. абхисан̇каарасахаг̇ад̇авин̃н̃аан̣ассаад̇и гусалаагусалажзд̇анаасамбаяуд̇д̇ажид̇д̇асса. огаасам̣ на гарод̇ийд̇и авагаасам̣ бад̇идтам̣ на гарод̇и. авад̇т̇ид̇асамаад̣̇аанод̇и од̇арид̇ваа г̇аахаго.

    201. Catutthagāthāya ātaṅkaphassenāti rogaphassena. Sītaṃ athuṇhanti sītañca uṇhañca. So tehi phuṭṭho bahudhāti so tehi ātaṅkādīhi anekehi ākārehi phuṭṭho samāno. Anokoti abhisaṅkhāraviññāṇādīnaṃ anokāsabhūto. Abbhantaradhātupakopavasena vāti sarīrabbhantare āpodhātukkhobhavasena vā aññadhātukkhobhavasena vā. Uṇhanti sarīrabbhantare tejodhātukkhobhavasena uṇhaṃ bhavati. Abhisaṅkhārasahagataviññāṇassāti kusalākusalacetanāsampayuttacittassa. Okāsaṃ na karotīti avakāsaṃ patiṭṭhaṃ na karoti. Avatthitasamādānoti otaritvā gāhako.

    202. звам̣ ‘‘бхигкуно виж̇иг̇ужчад̇о’’д̇иаад̣̇ийхи д̇ийхи г̇аат̇аахи будтамад̇т̇ам̣ виссаж̇ж̇зд̇ваа ид̣̇аани ‘‘гяаасса б̣яаббат̇аяо’’д̇иаад̣̇инаа наязна будтам̣ виссаж̇ж̇знд̇о ‘‘т̇зяяам̣ на гаарз’’д̇иаад̣̇имааха. д̇ад̇т̇а пассзд̇и пусзяяа. яад̣̇аавилад̇д̇ам̣ манасо виж̇ан̃н̃аад̇и яам̣ жид̇д̇асса аавилад̇д̇ам̣ виж̇аанзяяа, д̇ам̣ саб̣б̣ам̣ ‘‘ган̣хасса багко’’д̇и винод̣̇аязяяа.

    202. Evaṃ ‘‘bhikkhuno vijigucchato’’tiādīhi tīhi gāthāhi puṭṭhamatthaṃ vissajjetvā idāni ‘‘kyāssa byappathayo’’tiādinā nayena puṭṭhaṃ vissajjento ‘‘theyyaṃ na kāre’’tiādimāha. Tattha phasseti phuseyya. Yadāvilattaṃ manaso vijaññāti yaṃ cittassa āvilattaṃ vijāneyya, taṃ sabbaṃ ‘‘kaṇhassa pakkho’’ti vinodayeyya.

    ад̣̇иннаад̣̇аанам̣ бахааяаад̇и зд̇т̇а ад̣̇иннасса аад̣̇аанам̣ ад̣̇иннаад̣̇аанам̣, барасам̣харан̣ам̣, т̇зяяам̣ жоригаад̇и вуд̇д̇ам̣ ход̇и. д̇ад̇т̇а ад̣̇иннанд̇и барабариг̇г̇ахид̇ам̣, яад̇т̇а баро яат̇аагаамагаарид̇ам̣ аабаж̇ж̇анд̇о ад̣̇ан̣д̣аарахо анубаваж̇ж̇о жа ход̇и; д̇асмим̣ барабариг̇г̇ахид̇з барабариг̇г̇ахид̇асан̃н̃ино д̇ад̣̇аад̣̇ааяагаубаггамасамудтаабигаа т̇зяяажзд̇анаа ад̣̇иннаад̣̇аанам̣. д̇ам̣ хийнз барасса санд̇агз аббасааваж̇ж̇ам̣, бан̣ийд̇з махаасааваж̇ж̇ам̣. гасмаа? вад̇т̇убан̣ийд̇ад̇ааяа. вад̇т̇усамад̇д̇з сад̇и г̇ун̣аад̇хигаанам̣ санд̇агз вад̇т̇усмим̣ махаасааваж̇ж̇ам̣, д̇ам̣ д̇ам̣ г̇ун̣аад̇хигам̣ убаад̣̇ааяа д̇ад̇о д̇ад̇о хийнаг̇ун̣асса санд̇агз вад̇т̇усмим̣ аббасааваж̇ж̇ам̣.

    Adinnādānaṃpahāyāti ettha adinnassa ādānaṃ adinnādānaṃ, parasaṃharaṇaṃ, theyyaṃ corikāti vuttaṃ hoti. Tattha adinnanti parapariggahitaṃ, yattha paro yathākāmakāritaṃ āpajjanto adaṇḍāraho anupavajjo ca hoti; tasmiṃ parapariggahite parapariggahitasaññino tadādāyakaupakkamasamuṭṭhāpikā theyyacetanā adinnādānaṃ. Taṃ hīne parassa santake appasāvajjaṃ, paṇīte mahāsāvajjaṃ. Kasmā? Vatthupaṇītatāya. Vatthusamatte sati guṇādhikānaṃ santake vatthusmiṃ mahāsāvajjaṃ, taṃ taṃ guṇādhikaṃ upādāya tato tato hīnaguṇassa santake vatthusmiṃ appasāvajjaṃ.

    д̇асса бан̃жа самбхаараа хонд̇и – барабариг̇г̇ахид̇ам̣, барабариг̇г̇ахид̇асан̃н̃ид̇аа, т̇зяяажид̇д̇ам̣, убаггамо, д̇зна харан̣анд̇и. бахааяаад̇и имам̣ ад̣̇иннаад̣̇аанажзд̇анаасан̇каад̇ам̣ д̣̇уссийляам̣ баж̇ахид̇ваа. бадивирад̇од̇и бахийнагаалад̇о бадтааяа д̇ад̇о д̣̇уссийляад̇о орад̇о вирад̇ова. д̣̇иннамзва аад̣̇ияад̇ийд̇и д̣̇иннаад̣̇ааяий. жид̇д̇знаби д̣̇иннамзва бадиган̇кад̇ийд̇и д̣̇иннабаадиган̇кий. т̇знзд̇ийд̇и т̇зно, на т̇знзна ат̇знзна. ат̇знад̇д̇ааязва сужибхууд̇зна. ад̇д̇анаад̇и ад̇д̇абхаавзна, ат̇знам̣ сужибхууд̇ам̣ ад̇д̇абхаавам̣ гад̇ваа вихарад̇ийд̇и вуд̇д̇ам̣ ход̇и. ид̇о барам̣ вуд̇д̇анаяамзва.

    Tassa pañca sambhārā honti – parapariggahitaṃ, parapariggahitasaññitā, theyyacittaṃ, upakkamo, tena haraṇanti. Pahāyāti imaṃ adinnādānacetanāsaṅkhātaṃ dussīlyaṃ pajahitvā. Paṭiviratoti pahīnakālato paṭṭhāya tato dussīlyato orato viratova. Dinnameva ādiyatīti dinnādāyī. Cittenapi dinnameva paṭikaṅkhatīti dinnapāṭikaṅkhī. Thenetīti theno, na thenena athenena. Athenattāyeva sucibhūtena. Attanāti attabhāvena, athenaṃ sucibhūtaṃ attabhāvaṃ katvā viharatīti vuttaṃ hoti. Ito paraṃ vuttanayameva.

    мзд̇д̇ааяанавасзна мзд̇д̇и. мзд̇д̇аагааро мзд̇д̇ааяанаа. мзд̇д̇ааяа аяид̇асса мзд̇д̇аасаман̇г̇ино жид̇д̇асса бхааво мзд̇д̇ааяид̇ад̇д̇ам̣. ануд̣̇аяад̇ийд̇и ануд̣̇аяаа, рагкад̇ийд̇и ад̇т̇о. ануд̣̇аяаагааро ануд̣̇аяанаа. ануд̣̇аяид̇асса бхааво ануд̣̇аяид̇ад̇д̇ам̣. хид̇асса зсанавасзна хид̇зсид̇аа. анугамбанавасзна анугамбаа. саб̣б̣зхиби имзхи бад̣̇зхи убажаараббанааббад̇д̇аава мзд̇д̇аа вуд̇д̇аа. вибулзнаад̇и зд̇т̇а паран̣авасзна вибулад̇аа д̣̇адтаб̣б̣аа. бхуумивасзна бана д̇ам̣ махаг̇г̇ад̇ам̣. баг̇ун̣авасзна аббамаан̣ам̣. сад̇д̇аарамман̣авасзна жа аббамаан̣ам̣. б̣яаабаад̣̇абажжад̇т̇игаббахаанзна авзрам̣. д̣̇оманассаббахаанад̇о аб̣яаабаж̇ж̇ам̣, нид̣̇д̣̇угканд̇и вуд̇д̇ам̣ ход̇и.

    Mettāyanavasena metti. Mettākāro mettāyanā. Mettāya ayitassa mettāsamaṅgino cittassa bhāvo mettāyitattaṃ. Anudayatīti anudayā, rakkhatīti attho. Anudayākāro anudayanā. Anudayitassa bhāvo anudayitattaṃ. Hitassa esanavasena hitesitā. Anukampanavasena anukampā. Sabbehipi imehi padehi upacārappanāppattāva mettā vuttā. Vipulenāti ettha pharaṇavasena vipulatā daṭṭhabbā. Bhūmivasena pana taṃ mahaggataṃ. Paguṇavasena appamāṇaṃ. Sattārammaṇavasena ca appamāṇaṃ. Byāpādapaccatthikappahānena averaṃ. Domanassappahānato abyāpajjaṃ, niddukkhanti vuttaṃ hoti.

    аавиланд̇и аббасаннам̣. лул̣ид̇анд̇и галалам̣. зрид̇анд̇и асаннидтаанам̣. гхаддид̇анд̇и аарамман̣зна гхадданамаабаад̣̇ид̇ам̣. жалид̇анд̇и гамбамаанам̣. бханд̇анд̇и виб̣бханд̇ам̣. авуубасанд̇анд̇и аниб̣б̣уд̇ам̣.

    Āvilanti appasannaṃ. Luḷitanti kalalaṃ. Eritanti asanniṭṭhānaṃ. Ghaṭṭitanti ārammaṇena ghaṭṭanamāpāditaṃ. Calitanti kampamānaṃ. Bhantanti vibbhantaṃ. Avūpasantanti anibbutaṃ.

    яо со маарод̇и звамаад̣̇ийсу махааж̇анам̣ анад̇т̇з нияож̇зд̇ваа маарзд̇ийд̇и мааро. ган̣хагаммад̇д̇аа ган̣хо. гаамааважариссарад̇д̇аа ад̇хибад̇и. маран̣ам̣ баабанад̇о анд̇аг̇уу. мун̃жид̇ум̣ аббад̣̇аанадтзна намужи. маарасса б̣ал̣исанд̇и маараб̣ал̣исам̣. ваддасанниссид̇адтзна маарасса аамисанд̇и маараамисам̣. васавад̇д̇анадтзна маарасса висаяод̇и маарависаяо. г̇ожарадтзна маарасса ниваасод̇и маараниваасо . гаамажаарам̣ жарадтзна маарасса г̇ожарод̇и маараг̇ожаро. д̣̇уббамун̃жанадтзна маарасса б̣анд̇хананд̇и маараб̣анд̇ханам̣. д̣̇угкуд̣̇д̣̇аяод̇и д̣̇угкаб̣анд̇хано.

    Yoso māroti evamādīsu mahājanaṃ anatthe niyojetvā māretīti māro. Kaṇhakammattā kaṇho. Kāmāvacarissarattā adhipati. Maraṇaṃ pāpanato antagū. Muñcituṃ appadānaṭṭhena namuci. Mārassa baḷisanti mārabaḷisaṃ. Vaṭṭasannissitaṭṭhena mārassa āmisanti mārāmisaṃ. Vasavattanaṭṭhena mārassa visayoti māravisayo. Gocaraṭṭhena mārassa nivāsoti māranivāso. Kāmacāraṃ caraṭṭhena mārassa gocaroti māragocaro. Duppamuñcanaṭṭhena mārassa bandhananti mārabandhanaṃ. Dukkhuddayoti dukkhabandhano.

    203. мууламби д̇зсам̣ баликан̃н̃а д̇идтзд̇и д̇зсам̣ год̇хаад̇имаанаанам̣ яам̣ авиж̇ж̇аад̣̇игам̣ муулам̣, д̇амби баликан̣ид̇ваа д̇идтзяяа. ад̣̇д̇хаа бхаванд̇о абхисамбхавзяяаад̇и зд̇ам̣ бияаабияам̣ абхибхаванд̇о згам̣сзнзва абхибхавзяяа, на д̇ад̇т̇а сит̇илам̣ бараггамзяяаад̇и ад̇хиббааяо.

    203.Mūlampi tesaṃ palikhañña tiṭṭheti tesaṃ kodhātimānānaṃ yaṃ avijjādikaṃ mūlaṃ, tampi palikhaṇitvā tiṭṭheyya. Addhā bhavanto abhisambhaveyyāti etaṃ piyāpiyaṃ abhibhavanto ekaṃseneva abhibhaveyya, na tattha sithilaṃ parakkameyyāti adhippāyo.

    авиж̇ж̇аа мууланд̇иаад̣̇аяо авиж̇ж̇аа год̇хасса убаниссаяасахаж̇аад̇аад̣̇ивасзна муулам̣ ход̇и. анубааяаманасигааро жа асмимаано жа имз д̣̇вз убаниссаяавасзнзва. ахиригаанод̇д̇аббауд̣̇д̇хажжаа имз д̇аяо убаниссаяасахаж̇аад̇аад̣̇ивасзна муулаани хонд̇и, д̇ат̇аа ад̇имаанассааби.

    Avijjā mūlantiādayo avijjā kodhassa upanissayasahajātādivasena mūlaṃ hoti. Anupāyamanasikāro ca asmimāno ca ime dve upanissayavaseneva. Ahirikaanottappauddhaccā ime tayo upanissayasahajātādivasena mūlāni honti, tathā atimānassāpi.

    204. бан̃н̃ам̣ бурагкад̇ваад̇и бан̃н̃ам̣ буб̣б̣ан̇г̇амам̣ гад̇ваа. галяаан̣абийд̇ийд̇и галяаан̣абийд̇ияаа саманнааг̇ад̇о. жад̇уро сахзт̇а барид̣̇звад̇хаммзд̇и ананд̇араг̇аат̇ааяа вужжамаанз барид̣̇званийяад̇хаммз сахзяяа.

    204.Paññaṃ purakkhatvāti paññaṃ pubbaṅgamaṃ katvā. Kalyāṇapītīti kalyāṇapītiyā samannāgato. Caturo sahetha paridevadhammeti anantaragāthāya vuccamāne paridevanīyadhamme saheyya.

    вижаяаб̣ахулод̇и баривиймам̣санаб̣ахуло. бавижаяаб̣ахулод̇и висзсзна виймам̣санаб̣ахуло. бзгкааяанаб̣ахулод̇и игкан̣аб̣ахуло. самзгкааяанаб̣ахулод̇и зсанаб̣ахуло. вибхууд̇авихаарийд̇и баагадам̣ гад̇ваа н̃аад̇авихаарий.

    Vicayabahuloti parivīmaṃsanabahulo. Pavicayabahuloti visesena vīmaṃsanabahulo. Pekkhāyanabahuloti ikkhaṇabahulo. Samekkhāyanabahuloti esanabahulo. Vibhūtavihārīti pākaṭaṃ katvā ñātavihārī.

    абхигганд̇з бадигганд̇зд̇и зд̇т̇а д̇аава абхигганд̇ам̣ вужжад̇и г̇аманам̣. бадигганд̇ам̣ нивад̇д̇анам̣. д̇ад̣̇убхаяамби жад̇уусу ирияаабат̇зсу лаб̣бхад̇и. г̇аманз д̇аава бурад̇о гааяам̣ абхихаранд̇о абхиггамад̇и наама. бадинивад̇д̇знд̇о бадиггамад̇и наама. таанзби тид̇агова гааяам̣ бурад̇о онамзнд̇о абхиггамад̇и наама. бажчад̇о абанаамзнд̇о бадиггамад̇и наама. нисаж̇ж̇ааяаби нисиннагова аасанасса буримаан̇г̇аабхимуко сам̣саранд̇о абхиггамад̇и наама. бажчимаан̇г̇аббад̣̇зсам̣ бажчаа сам̣саранд̇о бадиггамад̇и наама. нибаж̇ж̇ааяаби зсзва наяо.

    Abhikkante paṭikkanteti ettha tāva abhikkantaṃ vuccati gamanaṃ. Paṭikkantaṃ nivattanaṃ. Tadubhayampi catūsu iriyāpathesu labbhati. Gamane tāva purato kāyaṃ abhiharanto abhikkamati nāma. Paṭinivattento paṭikkamati nāma. Ṭhānepi ṭhitakova kāyaṃ purato onamento abhikkamati nāma. Pacchato apanāmento paṭikkamati nāma. Nisajjāyapi nisinnakova āsanassa purimaaṅgābhimukho saṃsaranto abhikkamati nāma. Pacchimaaṅgappadesaṃ pacchā saṃsaranto paṭikkamati nāma. Nipajjāyapi eseva nayo.

    самбаж̇аанагаарий ход̇ийд̇и самбаж̇ан̃н̃зна саб̣б̣агижжагаарий, самбаж̇ан̃н̃амзва ваа гаарий ход̇и. со хи абхигганд̇аад̣̇ийсу самбаж̇ан̃н̃ам̣ гарод̇зва, на гад̇т̇ажи самбаж̇ан̃н̃авирахид̇о ход̇и. аалогид̇з вилогид̇зд̇и зд̇т̇а бана аалогид̇ам̣ наама бурад̇о бзгканам̣. вилогид̇ам̣ наама ануд̣̇исаабзгканам̣. ан̃н̃ааниби хздтаа убари бажчад̇о бзгканавасзна ологид̇ауллогид̇аабалогид̇аани наама хонд̇и. д̇аани ид̇ха на г̇ахид̇аани. сааруббавасзна бана имаанзва д̣̇вз г̇ахид̇аани, иминаа ваа мукзна саб̣б̣аани г̇ахид̇аанзваад̇и.

    Sampajānakārīhotīti sampajaññena sabbakiccakārī, sampajaññameva vā kārī hoti. So hi abhikkantādīsu sampajaññaṃ karoteva, na katthaci sampajaññavirahito hoti. Ālokite vilokiteti ettha pana ālokitaṃ nāma purato pekkhanaṃ. Vilokitaṃ nāma anudisāpekkhanaṃ. Aññānipi heṭṭhā upari pacchato pekkhanavasena olokitaullokitaapalokitāni nāma honti. Tāni idha na gahitāni. Sāruppavasena pana imāneva dve gahitāni, iminā vā mukhena sabbāni gahitānevāti.

    самин̃ж̇ид̇з басаарид̇зд̇и баб̣б̣аанам̣ самин̃ж̇анабасааран̣з. сан̇гхаадибад̇д̇ажийварад̇хааран̣зд̇и зд̇т̇а сан̇гхаадижийвараанам̣ ниваасанабаарубанавасзна , бад̇д̇асса бхигкаабадиг̇г̇ахан̣аад̣̇ивасзна барибхог̇о д̇хааран̣ам̣ наама. асид̇аад̣̇ийсу асид̇зд̇и бин̣д̣абаад̇абхож̇анз. бийд̇зд̇и яааг̇уаад̣̇ибаанз. кааяид̇зд̇и бидтакаж̇ж̇агаад̣̇икаад̣̇анз. сааяид̇зд̇и мад̇хупаан̣ид̇аад̣̇исааяанз. ужжаарабассаавагаммзд̇и ужжаарасса жа бассаавасса жа гаран̣з. г̇ад̇аад̣̇ийсу г̇ад̇зд̇и г̇аманз. тид̇зд̇и таанз. нисиннзд̇и нисаж̇ж̇ааяа.

    Samiñjite pasāriteti pabbānaṃ samiñjanapasāraṇe. Saṅghāṭipattacīvaradhāraṇeti ettha saṅghāṭicīvarānaṃ nivāsanapārupanavasena , pattassa bhikkhāpaṭiggahaṇādivasena paribhogo dhāraṇaṃ nāma. Asitādīsu asiteti piṇḍapātabhojane. Pīteti yāguādipāne. Khāyiteti piṭṭhakhajjakādikhādane. Sāyiteti madhuphāṇitādisāyane. Uccārapassāvakammeti uccārassa ca passāvassa ca karaṇe. Gatādīsu gateti gamane. Ṭhiteti ṭhāne. Nisinneti nisajjāya.

    суд̇д̇зд̇и саяанз. ж̇ааг̇арид̇зд̇и ж̇ааг̇аран̣з. бхаасид̇зд̇и гат̇анз. д̇ад̇т̇а убаад̣̇ааруубасса сад̣̇д̣̇ааяад̇анасса аббавад̇д̇з сад̇и бхаасид̇аа наама на ход̇и, д̇асмим̣ бавад̇д̇анд̇з ход̇ийд̇и бариг̇г̇аахаго бхигку бхаасид̇з самбаж̇аанагаарий наама ход̇и. вимуд̇д̇ааяад̇анасийсзна д̇хаммам̣ д̣̇зсзнд̇оби б̣аад̇д̇им̣сад̇иражчаанагат̇ам̣ бахааяа д̣̇асагат̇аавад̇т̇униссид̇ам̣ гат̇ам̣ гат̇знд̇оби бхаасид̇з самбаж̇аанагаарий наама. д̇ун̣хийбхаавзд̇и агат̇анз. д̇ад̇т̇а убаад̣̇ааруубасса сад̣̇д̣̇ааяад̇анасса бавад̇д̇ияам̣ д̇ун̣хийбхааво наама над̇т̇и, аббавад̇д̇ияам̣ ход̇ийд̇и бариг̇г̇аахаго бхигку д̇ун̣хийбхаавз самбаж̇аанагаарий наама ход̇и. адтад̇им̣сааарамман̣зсу жид̇д̇аружияам̣ гаммадтаанам̣ г̇ахзд̇ваа нисинноби д̣̇уд̇ияаж̇жхаанам̣ самаабанноби д̇ун̣хийбхаавз самбаж̇аанагаарий наама. зд̇т̇а жа зго ирияаабат̇о д̣̇вийсу таанзсу ааг̇ад̇о. со хздтаа абхигганд̇з бадигганд̇зд̇и зд̇т̇а бхигкаажаараг̇аамам̣ г̇ажчад̇о ааг̇ажчад̇о жа ад̣̇д̇хаанаг̇аманавасзна гат̇ид̇о. г̇ад̇з тид̇зд̇и зд̇т̇а вихаарз жун̣н̣игабаад̣̇уд̣̇д̇хааравасзна гат̇ид̇од̇и взд̣̇ид̇аб̣б̣о. б̣уд̣̇д̇хаануссад̇ивасзнаад̇иаад̣̇аяо хздтаа д̇ад̇т̇а д̇ад̇т̇а багаасид̇аа зва.

    Sutteti sayane. Jāgariteti jāgaraṇe. Bhāsiteti kathane. Tattha upādārūpassa saddāyatanassa appavatte sati bhāsitā nāma na hoti, tasmiṃ pavattante hotīti pariggāhako bhikkhu bhāsite sampajānakārī nāma hoti. Vimuttāyatanasīsena dhammaṃ desentopi bāttiṃsatiracchānakathaṃ pahāya dasakathāvatthunissitaṃ kathaṃ kathentopi bhāsite sampajānakārī nāma. Tuṇhībhāveti akathane. Tattha upādārūpassa saddāyatanassa pavattiyaṃ tuṇhībhāvo nāma natthi, appavattiyaṃ hotīti pariggāhako bhikkhu tuṇhībhāve sampajānakārī nāma hoti. Aṭṭhatiṃsaārammaṇesu cittaruciyaṃ kammaṭṭhānaṃ gahetvā nisinnopi dutiyajjhānaṃ samāpannopi tuṇhībhāve sampajānakārī nāma. Ettha ca eko iriyāpatho dvīsu ṭhānesu āgato. So heṭṭhā abhikkante paṭikkanteti ettha bhikkhācāragāmaṃ gacchato āgacchato ca addhānagamanavasena kathito. Gate ṭhiteti ettha vihāre cuṇṇikapāduddhāravasena kathitoti veditabbo. Buddhānussativasenātiādayo heṭṭhā tattha tattha pakāsitā eva.

    арад̇ийд̇и рад̇ибадигкзбо. арад̇ид̇аад̇и араманаагааро. анабхирад̇ийд̇и анабхирад̇абхааво. анабхираманаад̇и анабхираманаагааро. угган̣тид̇аад̇и угган̣танаагааро. барид̇ассид̇аад̇и угган̣танавасзнзва барид̇ассанаа.

    Aratīti ratipaṭikkhepo. Aratitāti aramanākāro. Anabhiratīti anabhiratabhāvo. Anabhiramanāti anabhiramanākāro. Ukkaṇṭhitāti ukkaṇṭhanākāro. Paritassitāti ukkaṇṭhanavaseneva paritassanā.

    205. гим̣ суу асиссанд̇и гим̣ бхун̃ж̇иссаами. гува ваа асиссанд̇и гухим̣ ваа асиссаами. д̣̇угкам̣ вад̇а сзд̇т̇а гуваж̇ж̇а сзссанд̇и имам̣ рад̇д̇им̣ д̣̇угкам̣ саяим̣, аж̇ж̇а ааг̇аманарад̇д̇им̣ гад̇т̇а саяиссам̣. зд̇з вид̇аггзд̇и зд̇з бин̣д̣абаад̇аниссид̇з д̣̇вз, сзнаасананиссид̇з д̣̇взд̇и жад̇д̇ааро вид̇аггз. анигзд̇ажаарийд̇и абалиб̣од̇хажаарий нид̇д̇ан̣хажаарий.

    205.Kiṃ sū asissanti kiṃ bhuñjissāmi. Kuva vā asissanti kuhiṃ vā asissāmi. Dukkhaṃ vata settha kuvajja sessanti imaṃ rattiṃ dukkhaṃ sayiṃ, ajja āgamanarattiṃ kattha sayissaṃ. Ete vitakketi ete piṇḍapātanissite dve, senāsananissite dveti cattāro vitakke. Aniketacārīti apalibodhacārī nittaṇhacārī.

    палагз ваад̇и ван̇гаад̣̇ипалагабийтз жа. ааг̇аамирад̇д̇инд̇и ааг̇аманирад̇д̇ияам̣. аад̣̇званзяязд̇и висзсзна д̣̇званияяз. барид̣̇званзяязд̇и саманд̇ад̇о д̣̇званияяз.

    Phalakevāti vaṅkādiphalakapīṭhe ca. Āgāmirattinti āgamanirattiyaṃ. Ādevaneyyeti visesena devaniyye. Paridevaneyyeti samantato devaniyye.

    206. гаалзд̇и бин̣д̣абаад̇агаалз бин̣д̣абаад̇асан̇каад̇ам̣ аннам̣ ваа, жийварагаалз жийварасан̇каад̇ам̣ васанам̣ ваа лад̣̇д̇хаа д̇хаммзна самзнаад̇и ад̇хиббааяо. мад̇д̇ам̣ са ж̇ан̃н̃аад̇и бариг̇г̇ахз жа барибхог̇з жа со бамаан̣ам̣ ж̇аанзяяа. ид̇хаад̇и саасанз, нибаад̇амад̇д̇амзва ваа зд̇ам̣. д̇осанад̇т̇анд̇и санд̇осад̇т̇ам̣, зд̇ад̣̇ад̇т̇ам̣ мад̇д̇ам̣ ж̇аанзяяаад̇и вуд̇д̇ам̣ ход̇и. со д̇зсу г̇уд̇д̇од̇и со бхигку д̇зсу бажжаязсу г̇уд̇д̇о. яад̇ажаарийд̇и сан̃н̃ад̇авихааро, рагкид̇аирияаабат̇о рагкид̇агааяаважийманод̣̇вааро жаад̇и вуд̇д̇ам̣ ход̇и. ‘‘яад̇ижаарий’’д̇иби баато, зсоязвад̇т̇о. русид̇од̇и росид̇о. гхаддид̇од̇и вуд̇д̇ам̣ ход̇и.

    206.Kāleti piṇḍapātakāle piṇḍapātasaṅkhātaṃ annaṃ vā, cīvarakāle cīvarasaṅkhātaṃ vasanaṃ vā laddhā dhammena samenāti adhippāyo. Mattaṃ sa jaññāti pariggahe ca paribhoge ca so pamāṇaṃ jāneyya. Idhāti sāsane, nipātamattameva vā etaṃ. Tosanatthanti santosatthaṃ, etadatthaṃ mattaṃ jāneyyāti vuttaṃ hoti. So tesu guttoti so bhikkhu tesu paccayesu gutto. Yatacārīti saññatavihāro, rakkhitairiyāpatho rakkhitakāyavacīmanodvāro cāti vuttaṃ hoti. ‘‘Yaticārī’’tipi pāṭho, esoyevattho. Rusitoti rosito. Ghaṭṭitoti vuttaṃ hoti.

    д̣̇вийхи гааран̣зхи мад̇д̇ам̣ ж̇аанзяяаад̇и д̣̇вийхи бхааг̇зхи бамаан̣ам̣ ж̇аанзяяа. бадиг̇г̇ахан̣ад̇о ваад̇и барзхи д̣̇ияяамаанаг̇г̇ахан̣агаалад̇о ваа. барибхог̇ад̇о ваад̇и барибхун̃ж̇анагаалад̇о ваа. т̇огзби д̣̇ияяамаанзд̇и аббагзби д̣̇ияяамаанз. гулаануд̣̇аяааяаад̇и гулаанам̣ ануд̣̇аяад̇ааяа. гулаанурагкааяаад̇и гулаанам̣ анурагкан̣ад̇т̇ааяа. бадиг̇г̇ан̣хаад̇ийд̇и т̇огамби г̇ан̣хаад̇и. б̣ахугзби д̣̇ияяамаанзд̇и анаббагзби д̣̇ияяамаанз. гааяабарихааригам̣ жийварам̣ бадиг̇г̇ан̣хаад̇ийд̇и зд̇т̇а гааяам̣ барихарад̇и босзд̇ийд̇и гааяабарихааригам̣. гужчибарихаариганд̇и гужчим̣ барихарад̇и босзд̇ийд̇и гужчибарихааригам̣. ид̇арийд̇арабажжаяасанд̇осзна саманнааг̇ад̇асса бхигкуно адта баригкаараа вадданд̇и д̇ийн̣и жийвараани бад̇д̇о д̣̇анд̇агадтажчзд̣̇анавааси згаа суужи гааяаб̣анд̇ханам̣ бариссаавананд̇и. вуд̇д̇амби жзд̇ам̣ –

    Dvīhi kāraṇehi mattaṃ jāneyyāti dvīhi bhāgehi pamāṇaṃ jāneyya. Paṭiggahaṇato vāti parehi diyyamānaggahaṇakālato vā. Paribhogato vāti paribhuñjanakālato vā. Thokepi diyyamāneti appakepi diyyamāne. Kulānudayāyāti kulānaṃ anudayatāya. Kulānurakkhāyāti kulānaṃ anurakkhaṇatthāya. Paṭiggaṇhātīti thokampi gaṇhāti. Bahukepi diyyamāneti anappakepi diyyamāne. Kāyaparihārikaṃ cīvaraṃ paṭiggaṇhātīti ettha kāyaṃ pariharati posetīti kāyaparihārikaṃ. Kucchiparihārikanti kucchiṃ pariharati posetīti kucchiparihārikaṃ. Itarītarapaccayasantosena samannāgatassa bhikkhuno aṭṭha parikkhārā vaṭṭanti tīṇi cīvarāni patto dantakaṭṭhacchedanavāsi ekā sūci kāyabandhanaṃ parissāvananti. Vuttampi cetaṃ –

    ‘‘д̇ижийваран̃жа бад̇д̇о жа, вааси суужи жа б̣анд̇ханам̣;

    ‘‘Ticīvarañca patto ca, vāsi sūci ca bandhanaṃ;

    бариссааванзна адтзд̇з, яуд̇д̇аяог̇асса бхигкуно’’д̇и. (д̣̇ий. ни. адта. 1.215; ма. ни. адта. 1.294; 2.349; а. ни. адта. 2.4.198);

    Parissāvanena aṭṭhete, yuttayogassa bhikkhuno’’ti. (dī. ni. aṭṭha. 1.215; ma. ni. aṭṭha. 1.294; 2.349; a. ni. aṭṭha. 2.4.198);

    д̇з саб̣б̣з гааяабарихааригааби хонд̇и гужчибарихааригааби. гат̇ам̣? д̇ижийварам̣ д̇аава ниваасзд̇ваа жа баарубид̇ваа жа вижаран̣агаалз гааяам̣ барихарад̇и босзд̇ийд̇и гааяабарихааригам̣ ход̇и. жийвараган̣н̣зна уд̣̇агам̣ бариссаавзд̇ваа биванагаалз каад̣̇ид̇аб̣б̣апалаапалаг̇г̇ахан̣агаалз жа гужчим̣ барихарад̇и босзд̇ийд̇и гужчибарихааригам̣ ход̇и.

    Te sabbe kāyaparihārikāpi honti kucchiparihārikāpi. Kathaṃ? Ticīvaraṃ tāva nivāsetvā ca pārupitvā ca vicaraṇakāle kāyaṃ pariharati posetīti kāyaparihārikaṃ hoti. Cīvarakaṇṇena udakaṃ parissāvetvā pivanakāle khāditabbaphalāphalaggahaṇakāle ca kucchiṃ pariharati posetīti kucchiparihārikaṃ hoti.

    бад̇д̇оби д̇зна уд̣̇агам̣ уд̣̇д̇харид̇ваа нхаанагаалз гудибарибхан̣д̣агаран̣агаалз жа гааяабарихаариго ход̇и . аахаарам̣ г̇ахзд̇ваа бхун̃ж̇анагаалз гужчибарихаариго. ваасиби д̇ааяа д̣̇анд̇агадтажчзд̣̇анагаалз ман̃жабийтаанам̣ ан̇г̇абаад̣̇ажийварагудид̣̇ан̣д̣агасаж̇ж̇анагаалз жа гааяабарихааригаа ход̇и. ужчужчзд̣̇ананаал̣игзраад̣̇ид̇ажчанагаалз гужчибарихааригаа. суужи жийварасиб̣б̣анагаалз гааяабарихааригаа ход̇и. буувам̣ ваа палам̣ ваа виж̇жхид̇ваа каад̣̇анагаалз гужчибарихааригаа. гааяаб̣анд̇ханам̣ б̣анд̇хид̇ваа вижаран̣агаалз гааяабарихааригам̣. ужчуаад̣̇ийни б̣анд̇хид̇ваа г̇ахан̣агаалз гужчибарихааригам̣. бариссааванам̣ д̇зна уд̣̇агам̣ бариссаавзд̇ваа нхаанагаалз сзнаасанабарибхан̣д̣агаран̣агаалз жа гааяабарихааригам̣, баанийяабаан̣агабариссааванагаалз д̇знзва д̇илад̇ан̣д̣улабут̇угаад̣̇ийни г̇ахзд̇ваа каад̣̇анагаалз жа гужчибарихааригам̣.

    Pattopi tena udakaṃ uddharitvā nhānakāle kuṭiparibhaṇḍakaraṇakāle ca kāyaparihāriko hoti . Āhāraṃ gahetvā bhuñjanakāle kucchiparihāriko. Vāsipi tāya dantakaṭṭhacchedanakāle mañcapīṭhānaṃ aṅgapādacīvarakuṭidaṇḍakasajjanakāle ca kāyaparihārikā hoti. Ucchucchedananāḷikerāditacchanakāle kucchiparihārikā. Sūci cīvarasibbanakāle kāyaparihārikā hoti. Pūvaṃ vā phalaṃ vā vijjhitvā khādanakāle kucchiparihārikā. Kāyabandhanaṃ bandhitvā vicaraṇakāle kāyaparihārikaṃ. Ucchuādīni bandhitvā gahaṇakāle kucchiparihārikaṃ. Parissāvanaṃ tena udakaṃ parissāvetvā nhānakāle senāsanaparibhaṇḍakaraṇakāle ca kāyaparihārikaṃ, pānīyapāṇakaparissāvanakāle teneva tilataṇḍulaputhukādīni gahetvā khādanakāle ca kucchiparihārikaṃ.

    бадисан̇кааяонисод̇и убааязна бат̇зна бадисан̇кааяа н̃ад̇ваа, бажжавзгкид̇ваад̇и ад̇т̇о. зд̇т̇а жа ‘‘сийд̇асса бадигхаад̇ааяаа’’д̇иаад̣̇инаа наязна вуд̇д̇абажжавзгкан̣амзва яонисо бадисан̇каад̇и взд̣̇ид̇аб̣б̣ам̣. д̇ад̇т̇а жийваранд̇и анд̇араваасагаад̣̇ийсу яам̣гин̃жи. бадисзвад̇ийд̇и барибхун̃ж̇ад̇и ниваасзд̇и ваа баарубад̇и ваа. яаавад̣̇зваад̇и баяож̇анаавад̇хибарижчзд̣̇анияамаважанам̣. зд̇д̇агамзва хи яог̇ино жийварабадисзванз баяож̇анам̣, яад̣̇ид̣̇ам̣ сийд̇асса бадигхаад̇ааяаад̇иаад̣̇и, на ид̇о бхияяо. сийд̇ассаад̇и аж̇жхад̇д̇ад̇хаад̇угкобхавасзна ваа б̣ахид̣̇д̇хаа уд̇убарин̣ааманавасзна ваа уббаннасса яасса гассажи сийд̇асса.

    Paṭisaṅkhāyonisoti upāyena pathena paṭisaṅkhāya ñatvā, paccavekkhitvāti attho. Ettha ca ‘‘sītassa paṭighātāyā’’tiādinā nayena vuttapaccavekkhaṇameva yoniso paṭisaṅkhāti veditabbaṃ. Tattha cīvaranti antaravāsakādīsu yaṃkiñci. Paṭisevatīti paribhuñjati nivāseti vā pārupati vā. Yāvadevāti payojanāvadhiparicchedaniyamavacanaṃ. Ettakameva hi yogino cīvarapaṭisevane payojanaṃ, yadidaṃ sītassa paṭighātāyātiādi, na ito bhiyyo. Sītassāti ajjhattadhātukkhobhavasena vā bahiddhā utupariṇāmanavasena vā uppannassa yassa kassaci sītassa.

    бадигхаад̇ааяаад̇и бадихананад̇т̇ам̣. яат̇аа сарийрз ааб̣аад̇хам̣ на уббаад̣̇зд̇и, звам̣ д̇асса винод̣̇анад̇т̇ам̣. сийд̇аб̣бхаахад̇з хи сарийрз вигкид̇д̇ажид̇д̇о яонисо бад̣̇ахид̇ум̣ на саггод̇и. д̇асмаа сийд̇асса бадигхаад̇ааяа жийварам̣ сзвид̇аб̣б̣анд̇и бхаг̇аваа анун̃н̃ааси. зса наяо саб̣б̣ад̇т̇а. гзвалан̃хзд̇т̇а ун̣хассаад̇и аг̇г̇исанд̇аабасса, д̇асса ванад̣̇аахаад̣̇ийсу самбхаво взд̣̇ид̇аб̣б̣о. д̣ам̣самагасаваад̇аад̇абасарийсабасампассаананд̇и зд̇т̇а бана д̣ам̣саад̇и д̣ам̣санамагкигаа. ‘‘анд̇хамагкигаа’’д̇иби вужжанд̇и. магасаад̇и магасаа зва. ваад̇аад̇и сараж̇аараж̇аад̣̇ибхзд̣̇аа . аад̇абод̇и суурияаад̇або. сарийсабаад̇и яз гзжи саранд̇аа г̇ажчанд̇и д̣̇ийгхаж̇аад̇игаа саббаад̣̇аяо, д̇зсам̣ д̣̇адтасампассо жа пудтасампассо жаад̇и д̣̇увид̇хо сампассо; соби жийварам̣ баарубид̇ваа нисиннам̣ на б̣аад̇хад̇и. д̇асмаа д̇аад̣̇исзсу таанзсу д̇зсам̣ бадигхаад̇ад̇т̇ааяа бадисзвад̇и. яаавад̣̇зваад̇и буна зд̇асса важанам̣ нияад̇абаяож̇анаавад̇хибарижчзд̣̇ад̣̇ассанад̇т̇ам̣. хиригобийнабадижчаад̣̇анад̇т̇анд̇и нияад̇абаяож̇анам̣, ид̇араани гад̣̇аажи хонд̇и. д̇ад̇т̇а хиригобийнанд̇и д̇ам̣ д̇ам̣ самб̣аад̇хадтаанам̣. яасмим̣ яасмин̃хи ан̇г̇з виварияамаанз хирий губбад̇и винассад̇и, д̇ам̣ д̇ам̣ хирим̣ гобанад̇о хиригобийнанд̇и вужжад̇и. д̇асса жа хиригобийнасса бадижчаад̣̇анад̇т̇анд̇и хиригобийнабадижчаад̣̇анад̇т̇ам̣. ‘‘хиригобийнам̣ бадижчаад̣̇анад̇т̇а’’нд̇иби баато.

    Paṭighātāyāti paṭihananatthaṃ. Yathā sarīre ābādhaṃ na uppādeti, evaṃ tassa vinodanatthaṃ. Sītabbhāhate hi sarīre vikkhittacitto yoniso padahituṃ na sakkoti. Tasmā sītassa paṭighātāya cīvaraṃ sevitabbanti bhagavā anuññāsi. Esa nayo sabbattha. Kevalañhettha uṇhassāti aggisantāpassa, tassa vanadāhādīsu sambhavo veditabbo. Ḍaṃsamakasavātātapasarīsapasamphassānanti ettha pana ḍaṃsāti ḍaṃsanamakkhikā. ‘‘Andhamakkhikā’’tipi vuccanti. Makasāti makasā eva. Vātāti sarajaarajādibhedā . Ātapoti sūriyātapo. Sarīsapāti ye keci sarantā gacchanti dīghajātikā sappādayo, tesaṃ daṭṭhasamphasso ca phuṭṭhasamphasso cāti duvidho samphasso; sopi cīvaraṃ pārupitvā nisinnaṃ na bādhati. Tasmā tādisesu ṭhānesu tesaṃ paṭighātatthāya paṭisevati. Yāvadevāti puna etassa vacanaṃ niyatapayojanāvadhiparicchedadassanatthaṃ. Hirikopīnapaṭicchādanatthanti niyatapayojanaṃ, itarāni kadāci honti. Tattha hirikopīnanti taṃ taṃ sambādhaṭṭhānaṃ. Yasmiṃ yasmiñhi aṅge vivariyamāne hirī kuppati vinassati, taṃ taṃ hiriṃ kopanato hirikopīnanti vuccati. Tassa ca hirikopīnassa paṭicchādanatthanti hirikopīnapaṭicchādanatthaṃ. ‘‘Hirikopīnaṃ paṭicchādanattha’’ntipi pāṭho.

    бин̣д̣абаад̇анд̇и яам̣гин̃жи аахаарам̣. яо хи гожи аахааро бхигкуно бин̣д̣олязна бад̇д̇з бад̇ид̇ад̇д̇аа ‘‘бин̣д̣абаад̇о’’д̇и вужжад̇и. бин̣д̣аанам̣ ваа баад̇о бин̣д̣абаад̇о, д̇ад̇т̇а д̇ад̇т̇а лад̣̇д̇хаанам̣ бхигкаанам̣ саннибаад̇о, самууход̇и вуд̇д̇ам̣ ход̇и. сзсам̣ хздтаа вуд̇д̇анаяамзва.

    Piṇḍapātanti yaṃkiñci āhāraṃ. Yo hi koci āhāro bhikkhuno piṇḍolyena patte patitattā ‘‘piṇḍapāto’’ti vuccati. Piṇḍānaṃ vā pāto piṇḍapāto, tattha tattha laddhānaṃ bhikkhānaṃ sannipāto, samūhoti vuttaṃ hoti. Sesaṃ heṭṭhā vuttanayameva.

    сзнаасананд̇и саяанан̃жа аасанан̃жа. яад̇т̇а яад̇т̇а хи сзд̇и вихаарз ваа ад̣дхаяог̇аад̣̇имхи ваа, д̇ам̣ сзнам̣. яад̇т̇а яад̇т̇а аасад̇и нисийд̣̇ад̇и, д̇ам̣ аасанам̣, д̇ам̣ згад̇о гад̇ваа ‘‘сзнаасана’’нд̇и вужжад̇и. уд̇убариссаяавинод̣̇анабадисаллаанаараамад̇т̇анд̇и барисаханадтзна уд̇уязва уд̇убариссаяо. уд̇убариссаяасса винод̣̇анад̇т̇ан̃жа бадисаллаанаараамад̇т̇ан̃жа. яо сарийрааб̣аад̇хажид̇д̇авигкзбагаро асаббааяо уд̇у сзнаасанабадисзванзна винод̣̇зд̇аб̣б̣о ход̇и, д̇асса винод̣̇анад̇т̇ам̣ згийбхаавасукад̇т̇ан̃жаад̇и вуд̇д̇ам̣ ход̇и. гааман̃жа сийд̇абадигхаад̇аад̣̇инаава уд̇убариссаяавинод̣̇анам̣ вуд̇д̇амзва. яат̇аа бана жийварабадисзванз ‘‘хиригобийнабадижчаад̣̇анам̣ нияад̇абаяож̇анам̣, ид̇араани гад̣̇аажи гад̣̇аажи бхаванд̇ий’’д̇и вуд̇д̇ам̣, звамид̇хааби нияад̇ауд̇убариссаяавинод̣̇анам̣ санд̇хааяа ид̣̇ам̣ вуд̇д̇анд̇и взд̣̇ид̇аб̣б̣ам̣. ат̇а ваа аяам̣ вуд̇д̇аббагааро уд̇у уд̇уязва. бариссаяо бана д̣̇увид̇хо баагадабариссаяо жа бадижчаннабариссаяо жа. д̇ад̇т̇а баагадабариссаяо сийхаб̣яаг̇гхаад̣̇аяо, бадижчаннабариссаяо рааг̇ад̣̇осаад̣̇аяо. д̇з яад̇т̇а абариг̇уд̇д̇ияаа жа асаббааяаруубад̣̇ассанаад̣̇инаа жа ааб̣аад̇хам̣ на гаронд̇и, д̇ам̣ сзнаасанам̣ звам̣ ж̇аанид̇ваа бажжавзгкид̇ваа бадисзванд̇о бхигку бадисан̇каа яонисо сзнаасанам̣ уд̇убариссаяавинод̣̇анад̇т̇ам̣ бадисзвад̇ийд̇и взд̣̇ид̇аб̣б̣о.

    Senāsananti sayanañca āsanañca. Yattha yattha hi seti vihāre vā aḍḍhayogādimhi vā, taṃ senaṃ. Yattha yattha āsati nisīdati, taṃ āsanaṃ, taṃ ekato katvā ‘‘senāsana’’nti vuccati. Utuparissayavinodanapaṭisallānārāmatthanti parisahanaṭṭhena utuyeva utuparissayo. Utuparissayassa vinodanatthañca paṭisallānārāmatthañca. Yo sarīrābādhacittavikkhepakaro asappāyo utu senāsanapaṭisevanena vinodetabbo hoti, tassa vinodanatthaṃ ekībhāvasukhatthañcāti vuttaṃ hoti. Kāmañca sītapaṭighātādināva utuparissayavinodanaṃ vuttameva. Yathā pana cīvarapaṭisevane ‘‘hirikopīnapaṭicchādanaṃ niyatapayojanaṃ, itarāni kadāci kadāci bhavantī’’ti vuttaṃ, evamidhāpi niyatautuparissayavinodanaṃ sandhāya idaṃ vuttanti veditabbaṃ. Atha vā ayaṃ vuttappakāro utu utuyeva. Parissayo pana duvidho pākaṭaparissayo ca paṭicchannaparissayo ca. Tattha pākaṭaparissayo sīhabyagghādayo, paṭicchannaparissayo rāgadosādayo. Te yattha apariguttiyā ca asappāyarūpadassanādinā ca ābādhaṃ na karonti, taṃ senāsanaṃ evaṃ jānitvā paccavekkhitvā paṭisevanto bhikkhu paṭisaṅkhā yoniso senāsanaṃ utuparissayavinodanatthaṃ paṭisevatīti veditabbo.

    г̇илаанабажжаяабхзсаж̇ж̇абаригкааранд̇и зд̇т̇а рог̇асса бадиаяанадтзна бажжаяо, бажжанийгаг̇аманадтзнаад̇и ад̇т̇о. яасса гассажи саббааяассзд̇ам̣ ад̇хиважанам̣. бхисаггасса гаммам̣ д̇зна анун̃н̃аад̇ад̇д̇аад̇и бхзсаж̇ж̇ам̣. г̇илаанабажжаяова бхзсаж̇ж̇ам̣ г̇илаанабажжаяабхзсаж̇ж̇ам̣, яам̣ гин̃жи г̇илаанасса саббааяам̣ бхисаггагаммам̣ д̇зламад̇хупаан̣ид̇аад̣̇ийд̇и вуд̇д̇ам̣ ход̇и. баригкаарод̇и бана ‘‘сад̇д̇ахи наг̇арабаригкаарзхи субаригкад̇д̇ам̣ ход̇ий’’д̇иаад̣̇ийсу (а. ни. 7.67) баривааро вужжад̇и. ‘‘рат̇о сийлабаригкааро, жхаанагко жаггавийрияо’’д̇иаад̣̇ийсу (сам̣. ни. 5.4) алан̇гааро. ‘‘яз жа ко имз баб̣б̣аж̇ид̇зна ж̇ийвид̇абаригкаараа самуд̣̇аанзд̇аб̣б̣аа’’д̇иаад̣̇ийсу (ма. ни. 1.191-192) самбхааро. ид̇ха бана самбхаароби бариваароби ваддад̇и. д̇ан̃жа г̇илаанабажжаяабхзсаж̇ж̇ам̣ ж̇ийвид̇асса бариваароби ход̇и, ж̇ийвид̇анаасагааб̣аад̇хуббад̇д̇ияаа анд̇арам̣ ад̣̇ад̇ваа рагкан̣ад̇о самбхаароби. яат̇аажирам̣ бавад̇д̇ад̇и, звамасса гааран̣абхаавад̇о; д̇асмаа ‘‘баригкааро’’д̇и вужжад̇и. звам̣ г̇илаанабажжаяабхзсаж̇ж̇ан̃жа д̇ам̣ баригкааро жаад̇и г̇илаанабажжаяабхзсаж̇ж̇абаригкааро, д̇ам̣ г̇илаанабажжаяабхзсаж̇ж̇абаригкаарам̣. г̇илаанасса яам̣ гин̃жи саббааяам̣ бхисаггаанун̃н̃аад̇ам̣ д̇зламад̇хупаан̣ид̇аад̣̇иж̇ийвид̇абаригкааранд̇и вуд̇д̇ам̣ ход̇и.

    Gilānapaccayabhesajjaparikkhāranti ettha rogassa paṭiayanaṭṭhena paccayo, paccanīkagamanaṭṭhenāti attho. Yassa kassaci sappāyassetaṃ adhivacanaṃ. Bhisakkassa kammaṃ tena anuññātattāti bhesajjaṃ. Gilānapaccayova bhesajjaṃ gilānapaccayabhesajjaṃ, yaṃ kiñci gilānassa sappāyaṃ bhisakkakammaṃ telamadhuphāṇitādīti vuttaṃ hoti. Parikkhāroti pana ‘‘sattahi nagaraparikkhārehi suparikkhattaṃ hotī’’tiādīsu (a. ni. 7.67) parivāro vuccati. ‘‘Ratho sīlaparikkhāro, jhānakkho cakkavīriyo’’tiādīsu (saṃ. ni. 5.4) alaṅkāro. ‘‘Ye ca kho ime pabbajitena jīvitaparikkhārā samudānetabbā’’tiādīsu (ma. ni. 1.191-192) sambhāro. Idha pana sambhāropi parivāropi vaṭṭati. Tañca gilānapaccayabhesajjaṃ jīvitassa parivāropi hoti, jīvitanāsakābādhuppattiyā antaraṃ adatvā rakkhaṇato sambhāropi. Yathāciraṃ pavattati, evamassa kāraṇabhāvato; tasmā ‘‘parikkhāro’’ti vuccati. Evaṃ gilānapaccayabhesajjañca taṃ parikkhāro cāti gilānapaccayabhesajjaparikkhāro, taṃ gilānapaccayabhesajjaparikkhāraṃ. Gilānassa yaṃ kiñci sappāyaṃ bhisakkānuññātaṃ telamadhuphāṇitādijīvitaparikkhāranti vuttaṃ hoti.

    уббаннаананд̇и ж̇аад̇аанам̣ бхууд̇аанам̣ ниб̣б̣ад̇д̇аанам̣. взяяааб̣аад̇хигаананд̇и зд̇т̇а б̣яааб̣аад̇ход̇и д̇хаад̇угкобхо д̇ам̣самудтаанаа жа гудтаг̇ан̣д̣абийл̣агаад̣̇аяо, б̣яааб̣аад̇хад̇о уббаннад̇д̇аа взяяааб̣аад̇хигаа. взд̣̇анаананд̇и д̣̇угкавзд̣̇анаа, агусалавибаагавзд̣̇анаа, д̇аасам̣ взяяааб̣аад̇хигаанам̣ взд̣̇анаанам̣. аб̣яааб̣аж̇жхабарамад̇ааяаад̇и нид̣̇д̣̇угкабарамад̇ааяа. яаава д̇ам̣ д̣̇угкам̣ саб̣б̣ам̣ бахийнам̣ ход̇и, д̇ааваад̇и ад̇т̇о.

    Uppannānanti jātānaṃ bhūtānaṃ nibbattānaṃ. Veyyābādhikānanti ettha byābādhoti dhātukkhobho taṃsamuṭṭhānā ca kuṭṭhagaṇḍapīḷakādayo, byābādhato uppannattā veyyābādhikā. Vedanānanti dukkhavedanā, akusalavipākavedanā, tāsaṃ veyyābādhikānaṃ vedanānaṃ. Abyābajjhaparamatāyāti niddukkhaparamatāya. Yāva taṃ dukkhaṃ sabbaṃ pahīnaṃ hoti, tāvāti attho.

    санд̇удто ход̇ийд̇и бажжаяасанд̇осзна санд̇удто ход̇и. ид̇арийд̇арзна жийварзнаад̇и т̇ууласукумалуукабан̣ийд̇ат̇ираж̇ин̣н̣аанам̣ язна гзнажи. ат̇а ко яат̇аалад̣̇д̇хаад̣̇ийнам̣ ид̇арийд̇арзна язна гзнажи санд̇удто ход̇ийд̇и ад̇т̇о. жийварасмин̃хи д̇аяо санд̇осаа яат̇аалаабхасанд̇осо яат̇ааб̣аласанд̇осо яат̇аасааруббасанд̇осод̇и. бин̣д̣абаад̇аад̣̇ийсуби зсзва наяо.

    Santuṭṭho hotīti paccayasantosena santuṭṭho hoti. Itarītarena cīvarenāti thūlasukhumalūkhapaṇītathirajiṇṇānaṃ yena kenaci. Atha kho yathāladdhādīnaṃ itarītarena yena kenaci santuṭṭho hotīti attho. Cīvarasmiñhi tayo santosā yathālābhasantoso yathābalasantoso yathāsāruppasantosoti. Piṇḍapātādīsupi eseva nayo.

    ван̣н̣аваад̣̇ийд̇и зго санд̇удто ход̇и, санд̇осасса ван̣н̣ам̣ на гат̇зд̇и, зго на санд̇удто ход̇и, санд̇осасса ван̣н̣ам̣ гат̇зд̇и, зго нзва санд̇удто ход̇и, на санд̇осасса ван̣н̣ам̣ гат̇зд̇и, зго санд̇удто жа ход̇и, санд̇осасса ван̣н̣ам̣ гат̇зд̇и, д̇ам̣ д̣̇ассзд̇ум̣ ‘‘ид̇арийд̇аражийварасанд̇удтияаа жа ван̣н̣аваад̣̇ий’’д̇и вуд̇д̇ам̣. анзсананд̇и д̣̇ууд̇зяяабахийнаг̇аманаануяог̇аббабхзд̣̇ам̣ наанаббагаарам̣ анзсанам̣. аббад̇ируубанд̇и аяуд̇д̇ам̣. алад̣̇д̇хаа жаад̇и алабхид̇ваа. яат̇аа згажжо ‘‘гат̇ам̣ ну ко жийварам̣ лабхиссаамий’’д̇и бун̃н̃аванд̇зхи бхигкуухи сад̣̇д̇хим̣ згад̇о худ̇ваа гохан̃н̃ам̣ гаронд̇о уд̇д̇ассад̇и барид̇ассад̇и, санд̇удто бхигку звам̣ алад̣̇д̇хаа жа жийварам̣ на барид̇ассад̇и. лад̣̇д̇хаа жаад̇и д̇хаммзна самзна лабхид̇ваа. аг̇ад̇хид̇од̇и виг̇ад̇алобхаванд̇о. амужчид̇од̇и ад̇химад̇д̇ад̇ан̣хааяа мужчам̣ анаабанно. анаж̇жхаабаннод̇и д̇ан̣хааяа анод̇т̇адо абарияонад̣̇д̇хо. аад̣̇ийнавад̣̇ассаавийд̇и анзсанаабад̇д̇ияан̃жа г̇ад̇хид̇абарибхог̇з жа аад̣̇ийнавам̣ бассамаано. ниссаран̣абан̃н̃од̇и ‘‘яаавад̣̇зва сийд̇асса бадигхаад̇ааяаа’’д̇и (ма. ни. 1.23) вуд̇д̇ам̣ ниссаран̣ам̣ зва баж̇аананд̇о. ид̇арийд̇аражийварасанд̇удтияаад̇и язна гзнажи жийварзна санд̇удтияаа. нзвад̇д̇аануггам̣сзд̇ийд̇и ‘‘ахам̣ бам̣сугуулиго, маяаа убасамбад̣̇амаал̣зязва бам̣сугуулиган̇г̇ам̣ г̇ахид̇ам̣, го маяаа сад̣̇исо ад̇т̇ий’’д̇и ад̇д̇уггам̣санам̣ на гарод̇и. на барам̣ вамбхзд̇ийд̇и ‘‘имз банан̃н̃з бхигкуу на бам̣сугуулигаа’’д̇и ваа ‘‘бам̣сугуулигамад̇д̇амби зд̇зсам̣ над̇т̇ий’’д̇и ваа звам̣ барам̣ на вамбхзд̇и.

    Vaṇṇavādīti eko santuṭṭho hoti, santosassa vaṇṇaṃ na katheti, eko na santuṭṭho hoti, santosassa vaṇṇaṃ katheti, eko neva santuṭṭho hoti, na santosassa vaṇṇaṃ katheti, eko santuṭṭho ca hoti, santosassa vaṇṇaṃ katheti, taṃ dassetuṃ ‘‘itarītaracīvarasantuṭṭhiyā ca vaṇṇavādī’’ti vuttaṃ. Anesananti dūteyyapahīnagamanānuyogappabhedaṃ nānappakāraṃ anesanaṃ. Appatirūpanti ayuttaṃ. Aladdhā cāti alabhitvā. Yathā ekacco ‘‘kathaṃ nu kho cīvaraṃ labhissāmī’’ti puññavantehi bhikkhūhi saddhiṃ ekato hutvā kohaññaṃ karonto uttassati paritassati, santuṭṭho bhikkhu evaṃ aladdhā ca cīvaraṃ na paritassati. Laddhā cāti dhammena samena labhitvā. Agadhitoti vigatalobhavanto. Amucchitoti adhimattataṇhāya mucchaṃ anāpanno. Anajjhāpannoti taṇhāya anotthaṭo apariyonaddho. Ādīnavadassāvīti anesanāpattiyañca gadhitaparibhoge ca ādīnavaṃ passamāno. Nissaraṇapaññoti ‘‘yāvadeva sītassa paṭighātāyā’’ti (ma. ni. 1.23) vuttaṃ nissaraṇaṃ eva pajānanto. Itarītaracīvarasantuṭṭhiyāti yena kenaci cīvarena santuṭṭhiyā. Nevattānukkaṃsetīti ‘‘ahaṃ paṃsukūliko, mayā upasampadamāḷeyeva paṃsukūlikaṅgaṃ gahitaṃ, ko mayā sadiso atthī’’ti attukkaṃsanaṃ na karoti. Na paraṃ vambhetīti ‘‘ime panaññe bhikkhū na paṃsukūlikā’’ti vā ‘‘paṃsukūlikamattampi etesaṃ natthī’’ti vā evaṃ paraṃ na vambheti.

    яо хи д̇ад̇т̇а д̣̇агкод̇и яо д̇асмим̣ жийварасанд̇осз ван̣н̣аваад̣̇ий, д̇аасу ваа д̣̇агко чзго б̣яад̇д̇о. аналасод̇и саад̇ажжагирияааяа ааласияавирахид̇о. самбаж̇аано бадиссад̇од̇и самбаж̇аанабан̃н̃ааяа жзва сад̇ияаа жа яуд̇д̇о. бораан̣зд̇и на ад̇хунуббад̇д̇игз. аг̇г̇ан̃н̃зд̇и ‘‘аг̇г̇о’’д̇и ж̇аанид̇аб̣б̣з. арияавам̣сз тид̇од̇и арияаанам̣ вам̣сз бад̇идтид̇о. арияавам̣сод̇и жа яат̇аа хи кад̇д̇ияавам̣со б̣раахман̣авам̣со взссавам̣со суд̣̇д̣̇авам̣со саман̣авам̣со гулавам̣со рааж̇авам̣со, звам̣ аяамби адтамо арияавам̣со арияад̇анд̇и арияабавзн̣ий наама ход̇и. со ко банааяам̣ арияавам̣со имзсам̣ вам̣саанам̣ муулаг̇анд̇хаад̣̇ийнам̣ гаал̣аанусаариг̇анд̇хаад̣̇аяо вияа аг̇г̇амагкааяад̇и. гз бана д̇з арияаа язсам̣ зсо вам̣сод̇и? арияаа вужжанд̇и б̣уд̣̇д̇хаа жа бажжзгаб̣уд̣̇д̇хаа жа д̇ат̇ааг̇ад̇асаавагаа жа, зд̇зсам̣ арияаанам̣ вам̣сод̇и арияавам̣со. ид̇о буб̣б̣з хи сад̇асахассагаббаад̣̇игаанам̣ жад̇уннам̣ асан̇кязяяаанам̣ мад̇т̇агз д̇ан̣хан̇гаро мзн̇гзро саран̣ан̇гаро д̣̇ийбан̇гарод̇и жад̇д̇ааро б̣уд̣̇д̇хаа уббаннаа, д̇з арияаа, д̇зсам̣ арияаанам̣ вам̣сод̇и арияавам̣со. д̇зсам̣ б̣уд̣̇д̇хаанам̣ бариниб̣б̣аанад̇о абарабхааг̇з згам̣ асан̇кязяяам̣ ад̇иггамид̇ваа гон̣д̣ан̃н̃о наама б̣уд̣̇д̇хо уббанно…бз… имасмим̣ габбз гагусанд̇хо гон̣ааг̇амано гассабо амхаагам̣ бхаг̇аваа г̇од̇амод̇и жад̇д̇ааро б̣уд̣̇д̇хаа уббаннаа, д̇зсам̣ арияаанам̣ вам̣сод̇и арияавам̣со. аби жа ад̇ийд̇аанааг̇ад̇абажжуббаннаанам̣ саб̣б̣аб̣уд̣̇д̇хабажжзгаб̣уд̣̇д̇хасаавагаанам̣ арияаанам̣ вам̣сод̇и арияавам̣со, д̇асмим̣ арияавам̣сз бад̇идтид̇о.

    Yohi tattha dakkhoti yo tasmiṃ cīvarasantose vaṇṇavādī, tāsu vā dakkho cheko byatto. Analasoti sātaccakiriyāya ālasiyavirahito. Sampajāno paṭissatoti sampajānapaññāya ceva satiyā ca yutto. Porāṇeti na adhunuppattike. Aggaññeti ‘‘aggo’’ti jānitabbe. Ariyavaṃse ṭhitoti ariyānaṃ vaṃse patiṭṭhito. Ariyavaṃsoti ca yathā hi khattiyavaṃso brāhmaṇavaṃso vessavaṃso suddavaṃso samaṇavaṃso kulavaṃso rājavaṃso, evaṃ ayampi aṭṭhamo ariyavaṃso ariyatanti ariyapaveṇī nāma hoti. So kho panāyaṃ ariyavaṃso imesaṃ vaṃsānaṃ mūlagandhādīnaṃ kāḷānusārigandhādayo viya aggamakkhāyati. Ke pana te ariyā yesaṃ eso vaṃsoti? Ariyā vuccanti buddhā ca paccekabuddhā ca tathāgatasāvakā ca, etesaṃ ariyānaṃ vaṃsoti ariyavaṃso. Ito pubbe hi satasahassakappādikānaṃ catunnaṃ asaṅkhyeyyānaṃ matthake taṇhaṅkaro meṅkero saraṇaṅkaro dīpaṅkaroti cattāro buddhā uppannā, te ariyā, tesaṃ ariyānaṃ vaṃsoti ariyavaṃso. Tesaṃ buddhānaṃ parinibbānato aparabhāge ekaṃ asaṅkhyeyyaṃ atikkamitvā koṇḍañño nāma buddho uppanno…pe… imasmiṃ kappe kakusandho koṇāgamano kassapo amhākaṃ bhagavā gotamoti cattāro buddhā uppannā, tesaṃ ariyānaṃ vaṃsoti ariyavaṃso. Api ca atītānāgatapaccuppannānaṃ sabbabuddhapaccekabuddhasāvakānaṃ ariyānaṃ vaṃsoti ariyavaṃso, tasmiṃ ariyavaṃse patiṭṭhito.

    ид̇арийд̇арзна бин̣д̣абаад̇знаад̇и язна гзнажи бин̣д̣абаад̇зна. сзнаасанаад̣̇ийсуби зсзва наяо. ааяад̇анзсууд̇и жагкаад̣̇ийсу ааяад̇анзсу.

    Itarītarena piṇḍapātenāti yena kenaci piṇḍapātena. Senāsanādīsupi eseva nayo. Āyatanesūti cakkhādīsu āyatanesu.

    яад̇од̇и сан̃н̃ад̇о. яад̇д̇од̇и яад̇д̇аваа. бадияад̇д̇од̇и ад̇ивияа яад̇д̇аваа. г̇уд̇д̇од̇и рагкид̇о. г̇обид̇од̇и ман̃ж̇уусааяа вияа бадтабид̇о. рагкид̇од̇и бадисаамид̇о. сам̣вуд̇од̇и д̣̇ваарасам̣варан̣зна бихид̇о. кум̣сид̇од̇и г̇арахид̇о. вамбхид̇од̇и абасаад̣̇ид̇о. гхаддид̇од̇и гхадданамаабаад̣̇ид̇о. г̇арахид̇од̇и аваман̃н̃ид̇о. убавад̣̇ид̇од̇и аггосид̇о.

    Yatoti saññato. Yattoti yattavā. Paṭiyattoti ativiya yattavā. Guttoti rakkhito. Gopitoti mañjūsāya viya paṭṭhapito. Rakkhitoti paṭisāmito. Saṃvutoti dvārasaṃvaraṇena pihito. Khuṃsitoti garahito. Vambhitoti apasādito. Ghaṭṭitoti ghaṭṭanamāpādito. Garahitoti avamaññito. Upavaditoti akkosito.

    парусзнаад̇и маммажчзд̣̇анаважанзна. гагкал̣знаад̇и д̣̇аарун̣зна. наббадиваж̇ж̇аад̇и бадибпарид̇ваа на гат̇зяяа.

    Pharusenāti mammacchedanavacanena. Kakkhaḷenāti dāruṇena. Nappaṭivajjāti paṭippharitvā na katheyya.

    207. жхаанаануяуд̇д̇од̇и ануббаннуббаад̣̇анзна уббаннасзванзна жа жхаанзна ануяуд̇д̇о. убзгкамаараб̣бха самаахид̇ад̇д̇од̇и жад̇уд̇т̇аж̇жхаанубзгкам̣ уббаад̣̇зд̇ваа самаахид̇ажид̇д̇о. д̇аггаасаяам̣ гуггужжан̃жубажчинд̣̇зд̇и гаамавид̇аггаад̣̇ивид̇агган̃жа гаамасан̃н̃аад̣̇игам̣ вид̇аггасса аасаяан̃жа хад̇т̇агуггужжаад̣̇игуггужжан̃жа убажчинд̣̇зяяа.

    207.Jhānānuyuttoti anuppannuppādanena uppannasevanena ca jhānena anuyutto. Upekkhamārabbha samāhitattoti catutthajjhānupekkhaṃ uppādetvā samāhitacitto. Takkāsayaṃ kukkuccañcupacchindeti kāmavitakkādivitakkañca kāmasaññādikaṃ vitakkassa āsayañca hatthakukkuccādikukkuccañca upacchindeyya.

    ануббаннасса ваа батамасса жхаанасса уббаад̣̇ааяаад̇и д̇асмим̣ ад̇д̇абхаавз ануббаннасса ваа уббаж̇ж̇ид̇ваа барихийнасса ваа батамаж̇жхаанасса уббаад̣̇анад̇т̇ам̣ ад̇д̇ано санд̇аанз бадилаабхад̇т̇ам̣. уббаннам̣ ваа батамам̣ жхаанам̣ аасзвад̇ийд̇иаад̣̇ийсу зд̇т̇а аад̣̇арзна сзвад̇и баг̇ун̣ам̣ гарод̇и бхаавзд̇и вад̣дхзд̇и б̣ахулийгарод̇и бунаббунам̣ гарод̇и.

    Anuppannassavā paṭhamassa jhānassa uppādāyāti tasmiṃ attabhāve anuppannassa vā uppajjitvā parihīnassa vā paṭhamajjhānassa uppādanatthaṃ attano santāne paṭilābhatthaṃ. Uppannaṃ vā paṭhamaṃ jhānaṃ āsevatītiādīsu ettha ādarena sevati paguṇaṃ karoti bhāveti vaḍḍheti bahulīkaroti punappunaṃ karoti.

    убзгкаад̇и жад̇уд̇т̇аж̇жхаанз уббаннаа д̇ад̇рамаж̇жхад̇д̇убзгкаа. убзгкаад̇и сабхаавабад̣̇ам̣. убзгканаад̇и убабад̇д̇ид̇о игканаагааро. аж̇жхубзгканаад̇и ад̇хигаа худ̇ваа игканаа. жид̇д̇асамад̇аад̇и жид̇д̇асса самад̇аа жид̇д̇асса уунаад̇ирид̇д̇ад̇ам̣ важ̇ж̇зд̇ваа самабхааво. жид̇д̇аббассад̣̇д̇хад̇аад̇и жид̇д̇асса аббаг̇аб̣бхад̇аа, ат̇ад̣̇д̇хабхаавод̇и ад̇т̇о. маж̇жхад̇д̇ад̇аа жид̇д̇ассаад̇и на сад̇д̇асса на босасса, жид̇д̇асса маж̇жхад̇д̇абхаавод̇и ад̇т̇о. жад̇уд̇т̇з жхаанз убзгкам̣ аараб̣бхаад̇и жад̇уд̇т̇асмим̣ жхаанасмим̣ уббаннам̣ д̇ад̇рамаж̇жхад̇д̇убзгкам̣ бадижжа. згаг̇г̇ажид̇д̇од̇и згаарамман̣з бавад̇д̇ажид̇д̇о. авигкид̇д̇ажид̇д̇од̇и уд̣̇д̇хажжавирахид̇о на вигкид̇д̇ажид̇д̇о.

    Upekkhāti catutthajjhāne uppannā tatramajjhattupekkhā. Upekkhāti sabhāvapadaṃ. Upekkhanāti upapattito ikkhanākāro. Ajjhupekkhanāti adhikā hutvā ikkhanā. Cittasamatāti cittassa samatā cittassa ūnātirittataṃ vajjetvā samabhāvo. Cittappassaddhatāti cittassa appagabbhatā, athaddhabhāvoti attho. Majjhattatā cittassāti na sattassa na posassa, cittassa majjhattabhāvoti attho. Catutthe jhāne upekkhaṃ ārabbhāti catutthasmiṃ jhānasmiṃ uppannaṃ tatramajjhattupekkhaṃ paṭicca. Ekaggacittoti ekārammaṇe pavattacitto. Avikkhittacittoti uddhaccavirahito na vikkhittacitto.

    нава вид̇аггаа вуд̇д̇анаяаа зва. гаамавид̇аггаанам̣ гаамасан̃н̃аасаяод̇и гаамавид̇аггам̣ вид̇аггзнд̇асса уббаннаа гаамасан̃н̃аа д̇зсам̣ вид̇аггаанам̣ аасаяо васаногаасод̇и гаамасан̃н̃аасаяо. б̣яаабаад̣̇авид̇аггаад̣̇ийсуби зсзва наяо.

    Nava vitakkā vuttanayā eva. Kāmavitakkānaṃ kāmasaññāsayoti kāmavitakkaṃ vitakkentassa uppannā kāmasaññā tesaṃ vitakkānaṃ āsayo vasanokāsoti kāmasaññāsayo. Byāpādavitakkādīsupi eseva nayo.

    208. жуд̣̇ид̇о важийбхи сад̇имаабхинанд̣̇зд̇и убаж̇жхааяаад̣̇ийхи ваажаахи жод̣̇ид̇о самаано сад̇имаа худ̇ваа д̇ам̣ жод̣̇анам̣ абхинанд̣̇зяяа. ваажам̣ бамун̃жз гусаланд̇и н̃аан̣асамудтид̇ам̣ ваажам̣ бамун̃жзяяа. наад̇ивзланд̇и ад̇ивзлам̣ бана ваажам̣ гаалавзлан̃жа сийлавзлан̃жа ад̇игганд̇ам̣ наббамун̃жзяяа. ж̇анаваад̣̇ад̇хаммааяаад̇и ж̇анабариваад̣̇агат̇ааяа. на жзд̇аязяяаад̇и жзд̇анам̣ на уббаад̣̇зяяа.

    208.Cudito vacībhi satimābhinandeti upajjhāyādīhi vācāhi codito samāno satimā hutvā taṃ codanaṃ abhinandeyya. Vācaṃ pamuñce kusalanti ñāṇasamuṭṭhitaṃ vācaṃ pamuñceyya. Nātivelanti ativelaṃ pana vācaṃ kālavelañca sīlavelañca atikkantaṃ nappamuñceyya. Janavādadhammāyāti janaparivādakathāya. Na cetayeyyāti cetanaṃ na uppādeyya.

    ид̣̇ам̣ д̇з аббад̇д̇анд̇и ид̣̇ам̣ д̇ава на бад̇д̇ам̣. асааруббанд̇и д̇ава баяог̇ам̣ асааруббам̣. асийладтанд̇и д̇ава баяог̇ам̣ на сийлз бад̇идтанд̇и асийладтам̣, сийлз тид̇асса баяог̇ам̣ на ход̇ийд̇и вуд̇д̇ам̣ ход̇и. гзжи ‘‘асилидта’’нд̇и батанд̇и, амадтаважананд̇и ад̇т̇ам̣ ван̣н̣аяанд̇и.

    Idaṃ te appattanti idaṃ tava na pattaṃ. Asāruppanti tava payogaṃ asāruppaṃ. Asīlaṭṭhanti tava payogaṃ na sīle patiṭṭhanti asīlaṭṭhaṃ, sīle ṭhitassa payogaṃ na hotīti vuttaṃ hoti. Keci ‘‘asiliṭṭha’’nti paṭhanti, amaṭṭhavacananti atthaṃ vaṇṇayanti.

    нид̇хийнанд̇и д̇ад̇т̇а д̇ад̇т̇а нид̣̇ахид̇ваа табид̇аанам̣ хиран̃н̃асуван̣н̣аад̣̇ибуураанам̣ нид̇хигумбхийнам̣. бавад̇д̇ааранд̇и гижчаж̇ийвигз д̣̇уг̇г̇ад̇амануссз анугамбам̣ гад̇ваа ‘‘зхи сукзна д̇з ж̇ийванубааяам̣ д̣̇ассзссаамий’’д̇и нид̇хидтаанам̣ нзд̇ваа хад̇т̇ам̣ басаарзд̇ваа ‘‘имам̣ г̇ахзд̇ваа сукам̣ ж̇ийваа’’д̇и аажигкид̇аарам̣ вияа. важ̇ж̇ад̣̇ассинанд̇и д̣̇вз важ̇ж̇ад̣̇ассино ‘‘иминаа нам̣ асааруббзна ваа калид̇зна ваа сан̇гхамаж̇жхз ниг̇г̇ан̣хиссаамий’’д̇и ранд̇хаг̇авзсаго жа ан̃н̃аад̇ам̣ н̃аабанад̇т̇ааяа н̃аад̇ам̣ ануг̇г̇ан̣хад̇т̇ааяа сийлаад̣̇инаа жасса вуд̣̇д̇хигаамад̇ааяа д̇ам̣ д̇ам̣ важ̇ж̇ам̣ ологанзна уллабанасабхаавасан̣тид̇о жа. аяам̣ ид̇ха ад̇хиббзд̇о. яат̇аа хи д̣̇уг̇г̇ад̇амануссо ‘‘имам̣ г̇ан̣хаахий’’д̇и д̇аж̇ж̇зд̇ваа бодтзд̇вааби нид̇хим̣ д̣̇ассзнд̇з гобам̣ на гарод̇и, бамуд̣̇ид̇ова ход̇и, звамзва зваруубз буг̇г̇алз асааруббам̣ ваа калид̇ам̣ ваа д̣̇исваа аажигканд̇з гобо на гаад̇аб̣б̣о, д̇удтзнзва бхавид̇аб̣б̣ам̣. ‘‘бханд̇з маханд̇ам̣ во гад̇ам̣ гаммам̣, маяхам̣ аажарияубаж̇жхааяадтаанз тад̇ваа овад̣̇анд̇зхи бунаби мам̣ вад̣̇зяяаат̇аа’’д̇и баваарзд̇аб̣б̣амзва. ниг̇г̇аяхаваад̣̇инд̇и згажжо хи сад̣̇д̇хивихааригаад̣̇ийнам̣ асааруббам̣ ваа калид̇ам̣ ваа д̣̇исваа ‘‘аяам̣ мз мукод̣̇агад̣̇аанаад̣̇ийхи саггажжам̣ убадтахад̇и, сажз нам̣ вагкаами, на мам̣ убадтахиссад̇и, звам̣ мама барихаани бхависсад̇ий’’д̇и вад̇д̇ум̣ ависаханд̇о на ниг̇г̇аяхаваад̣̇ий наама ход̇и, со имасмим̣ саасанз гажаварам̣ аагирад̇и. яо бана д̇ат̇ааруубам̣ важ̇ж̇ам̣ д̣̇исваа важ̇ж̇аануруубам̣ д̇аж̇ж̇зд̇ваа бан̣аамзнд̇о д̣̇ан̣д̣агаммам̣ гаронд̇о вихаараа нийхаранд̇о сигкаабзд̇и, аяам̣ ниг̇г̇аяхаваад̣̇ий наама сзяяат̇ааби саммаасамб̣уд̣̇д̇хо. вуд̇д̇ан̃хзд̇ам̣ – ‘‘ниг̇г̇аяха ниг̇г̇аяхаахам̣, аананд̣̇а, вагкаами, баваяха баваяхаахам̣, аананд̣̇а, вагкаами, яо сааро со тассад̇ий’’д̇и (ма. ни. 3.196). мзд̇хаавинд̇и д̇хаммож̇абан̃н̃ааяа саманнааг̇ад̇ам̣. д̇аад̣̇исанд̇и зваруубам̣ бан̣д̣ид̇ам̣ бхаж̇зяяа баяирубаасзяяа. д̇аад̣̇исан̃хи аажарияам̣ бхаж̇амаанасса анд̇зваасигасса сзяяова ход̇и, на баабияо, вуд̣дхиязва ход̇и, но барихаанийд̇и.

    Nidhīnanti tattha tattha nidahitvā ṭhapitānaṃ hiraññasuvaṇṇādipūrānaṃ nidhikumbhīnaṃ. Pavattāranti kicchajīvike duggatamanusse anukampaṃ katvā ‘‘ehi sukhena te jīvanupāyaṃ dassessāmī’’ti nidhiṭṭhānaṃ netvā hatthaṃ pasāretvā ‘‘imaṃ gahetvā sukhaṃ jīvā’’ti ācikkhitāraṃ viya. Vajjadassinanti dve vajjadassino ‘‘iminā naṃ asāruppena vā khalitena vā saṅghamajjhe niggaṇhissāmī’’ti randhagavesako ca aññātaṃ ñāpanatthāya ñātaṃ anuggaṇhatthāya sīlādinā cassa vuddhikāmatāya taṃ taṃ vajjaṃ olokanena ullapanasabhāvasaṇṭhito ca. Ayaṃ idha adhippeto. Yathā hi duggatamanusso ‘‘imaṃ gaṇhāhī’’ti tajjetvā poṭṭhetvāpi nidhiṃ dassente kopaṃ na karoti, pamuditova hoti, evameva evarūpe puggale asāruppaṃ vā khalitaṃ vā disvā ācikkhante kopo na kātabbo, tuṭṭheneva bhavitabbaṃ. ‘‘Bhante mahantaṃ vo kataṃ kammaṃ, mayhaṃ ācariyupajjhāyaṭṭhāne ṭhatvā ovadantehi punapi maṃ vadeyyāthā’’ti pavāretabbameva. Niggayhavādinti ekacco hi saddhivihārikādīnaṃ asāruppaṃ vā khalitaṃ vā disvā ‘‘ayaṃ me mukhodakadānādīhi sakkaccaṃ upaṭṭhahati, sace naṃ vakkhāmi, na maṃ upaṭṭhahissati, evaṃ mama parihāni bhavissatī’’ti vattuṃ avisahanto na niggayhavādī nāma hoti, so imasmiṃ sāsane kacavaraṃ ākirati. Yo pana tathārūpaṃ vajjaṃ disvā vajjānurūpaṃ tajjetvā paṇāmento daṇḍakammaṃ karonto vihārā nīharanto sikkhāpeti, ayaṃ niggayhavādī nāma seyyathāpi sammāsambuddho. Vuttañhetaṃ – ‘‘niggayha niggayhāhaṃ, ānanda, vakkhāmi, pavayha pavayhāhaṃ, ānanda, vakkhāmi, yo sāro so ṭhassatī’’ti (ma. ni. 3.196). Medhāvinti dhammojapaññāya samannāgataṃ. Tādisanti evarūpaṃ paṇḍitaṃ bhajeyya payirupāseyya. Tādisañhi ācariyaṃ bhajamānassa antevāsikassa seyyova hoti, na pāpiyo, vuḍḍhiyeva hoti, no parihānīti.

    овад̣̇зяяаад̇и уббаннз вад̇т̇усмим̣ вад̣̇анд̇о овад̣̇ад̇и наама, ануббаннз ‘‘аяасоби д̇з сияаа’’д̇иаад̣̇ивасзна анааг̇ад̇ам̣ д̣̇ассзнд̇о анусаасад̇и наама. саммукаа вад̣̇анд̇оби овад̣̇ад̇и наама, бараммукаа д̣̇ууд̇ам̣ ваа саасанам̣ ваа бзсзнд̇о анусаасад̇и наама. сагим̣ вад̣̇анд̇оби овад̣̇ад̇и наама, бунаббунам̣ вад̣̇анд̇о анусаасад̇и наама. овад̣̇анд̇о зва ваа анусаасад̇и наамаад̇и звам̣ овад̣̇зяяа анусаасзяяа. асаб̣бхаад̇и агусалад̇хаммаа ниваарзяяа, гусалад̇хаммз бад̇идтабзяяаад̇и ад̇т̇о. сад̇ан̃хи со бияо ход̇ийд̇и со зваруубо буг̇г̇ало б̣уд̣̇д̇хаад̣̇ийнам̣ саббурисаанам̣ бияо ход̇и. яз бана ад̣̇идтад̇хаммаа авид̇ин̣н̣абаралогаа аамисажагкугаа ж̇ийвигад̇т̇ааяа баб̣б̣аж̇ид̇аа, д̇зсам̣ асад̇ам̣ со оваад̣̇аго анусаасаго ‘‘на д̇вам̣ амхаагам̣ убаж̇жхааяо, на аажарияо, гасмаа амхаагам̣ овад̣̇асий’’д̇и звам̣ мукасад̇д̇ийхи виж̇жханд̇аанам̣ аббияо ход̇ийд̇и.

    Ovadeyyāti uppanne vatthusmiṃ vadanto ovadati nāma, anuppanne ‘‘ayasopi te siyā’’tiādivasena anāgataṃ dassento anusāsati nāma. Sammukhā vadantopi ovadati nāma, parammukhā dūtaṃ vā sāsanaṃ vā pesento anusāsati nāma. Sakiṃ vadantopi ovadati nāma, punappunaṃ vadanto anusāsati nāma. Ovadanto eva vā anusāsati nāmāti evaṃ ovadeyya anusāseyya. Asabbhāti akusaladhammā nivāreyya, kusaladhamme patiṭṭhapeyyāti attho. Satañhi so piyo hotīti so evarūpo puggalo buddhādīnaṃ sappurisānaṃ piyo hoti. Ye pana adiṭṭhadhammā avitiṇṇaparalokā āmisacakkhukā jīvikatthāya pabbajitā, tesaṃ asataṃ so ovādako anusāsako ‘‘na tvaṃ amhākaṃ upajjhāyo, na ācariyo, kasmā amhākaṃ ovadasī’’ti evaṃ mukhasattīhi vijjhantānaṃ appiyo hotīti.

    згагамманд̇и абалоганагаммаад̣̇игам̣ згагаммам̣. згуд̣̇д̣̇зсод̇и нид̣̇аануд̣̇д̣̇зсаад̣̇иго згуд̣̇д̣̇зсо. самасигкад̇аад̇и самаанасигкад̇аа. аахад̇ажид̇д̇ад̇анд̇и год̇хзна бахад̇ажид̇д̇абхаавам̣. килаж̇аад̇ад̇анд̇и т̇ад̣̇д̇хабхаавам̣. бан̃жаби жзд̇окилзд̇и б̣уд̣̇д̇хад̇хаммасан̇гхасигкаасаб̣рахмажаарийсу бан̃жасуби жид̇д̇асса т̇ад̣̇д̇хабхаавз.

    Ekakammanti apalokanakammādikaṃ ekakammaṃ. Ekuddesoti nidānuddesādiko ekuddeso. Samasikkhatāti samānasikkhatā. Āhatacittatanti kodhena pahatacittabhāvaṃ. Khilajātatanti thaddhabhāvaṃ. Pañcapi cetokhileti buddhadhammasaṅghasikkhāsabrahmacārīsu pañcasupi cittassa thaddhabhāve.

    н̃аан̣асамудтид̇ам̣ ваажанд̇и н̃аан̣асамбаяуд̇д̇ажид̇д̇зна уббаад̣̇ид̇ам̣ ваагяам̣. мун̃жзяяаад̇и виссаж̇ж̇зяяа. ад̇т̇уубасам̣хид̇анд̇и ад̇т̇асахид̇ам̣ гааран̣асахид̇ам̣. д̇хаммуубасам̣хид̇анд̇и д̇хаммзна яуд̇д̇ам̣. гаалаад̇игганд̇ам̣ ваажам̣ на бхаасзяяаад̇и гаалаад̇ийд̇ам̣ ваажам̣ на гат̇зяяа д̇асса гааласса ад̇игганд̇ад̇д̇аа. взлаад̇игганд̇анд̇и марияаад̣̇аад̇ийд̇ам̣ важанам̣ на бхан̣зяяа важанамарияаад̣̇асса ад̇игганд̇ад̇д̇аа. убхаяавасзна гаалавзлаа.

    Ñāṇasamuṭṭhitaṃ vācanti ñāṇasampayuttacittena uppāditaṃ vākyaṃ. Muñceyyāti vissajjeyya. Atthūpasaṃhitanti atthasahitaṃ kāraṇasahitaṃ. Dhammūpasaṃhitanti dhammena yuttaṃ. Kālātikkantaṃ vācaṃ na bhāseyyāti kālātītaṃ vācaṃ na katheyya tassa kālassa atikkantattā. Velātikkantanti mariyādātītaṃ vacanaṃ na bhaṇeyya vacanamariyādassa atikkantattā. Ubhayavasena kālavelā.

    яо вз гаалз асамбад̇д̇зд̇и ад̇д̇ано важанагаалз асамбад̇д̇з. ад̇ивзланд̇и взлаад̇игганд̇ам̣ гад̇ваа ад̇ирзгаббамаан̣ам̣ бхаасад̇и. нихад̇о сзд̇ийд̇и ниг̇гхаад̇ид̇о саяад̇и. гогилааязва ад̇раж̇од̇и гаагияаа бадиж̇аг̇г̇ид̇о гогилааяа аб̣бханд̇арз ж̇аад̇о гогилабод̇аго вияа.

    Yo ve kāle asampatteti attano vacanakāle asampatte. Ativelanti velātikkantaṃ katvā atirekappamāṇaṃ bhāsati. Nihato setīti nigghātito sayati. Kokilāyeva atrajoti kākiyā paṭijaggito kokilāya abbhantare jāto kokilapotako viya.

    209. ат̇аабаранд̇и ат̇а ид̣̇аани ид̇о барамби. бан̃жа раж̇аанийд̇и руубарааг̇аад̣̇ийни бан̃жа раж̇аани. язсам̣ сад̇иймаа винаяааяа сигкзд̇и язсам̣ убадтид̇ассад̇и худ̇ваава винаяанад̇т̇ам̣ д̇иссо сигкаа сигкзяяа. звам̣ сигканд̇о хи руубзсу…бз… пассзсу сахзт̇а рааг̇ам̣, на ан̃н̃зд̇и.

    209.Athāparanti atha idāni ito parampi. Pañca rajānīti rūparāgādīni pañca rajāni. Yesaṃ satīmā vinayāya sikkheti yesaṃ upaṭṭhitassati hutvāva vinayanatthaṃ tisso sikkhā sikkheyya. Evaṃ sikkhanto hi rūpesu…pe… phassesu sahetha rāgaṃ, na aññeti.

    руубараж̇од̇и руубаарамман̣ам̣ бадижжа уббанно рааг̇аад̣̇ираж̇о. сад̣̇д̣̇араж̇аад̣̇ийсуби зсзва наяо.

    Rūparajoti rūpārammaṇaṃ paṭicca uppanno rāgādirajo. Saddarajādīsupi eseva nayo.

    210. д̇ад̇о со д̇зсам̣ винаяааяа сигканд̇о ануггамзна – зд̇зсу д̇хаммзсууд̇и г̇аат̇аа. д̇ад̇т̇а зд̇зсууд̇и руубаад̣̇ийсу. гаалзна со саммаа д̇хаммам̣ баривиймам̣самаанод̇и со бхигку явааяам̣ ‘‘уд̣̇д̇хад̇з жид̇д̇з самат̇асса гаало’’д̇иаад̣̇инаа (сам̣. ни. 5.234) наязна гаало вуд̇д̇о, д̇зна гаалзна саб̣б̣ам̣ сан̇кад̇ад̇хаммам̣ анижжаад̣̇инаязна баривиймам̣самаано. згод̣̇ибхууд̇о виханз д̇амам̣ сод̇и со згаг̇г̇ажид̇д̇о саб̣б̣ам̣ мохаад̣̇ид̇амам̣ виханзяяа, над̇т̇и зд̇т̇а сам̣саяо.

    210. Tato so tesaṃ vinayāya sikkhanto anukkamena – etesu dhammesūti gāthā. Tattha etesūti rūpādīsu. Kālena so sammā dhammaṃ parivīmaṃsamānoti so bhikkhu yvāyaṃ ‘‘uddhate citte samathassa kālo’’tiādinā (saṃ. ni. 5.234) nayena kālo vutto, tena kālena sabbaṃ saṅkhatadhammaṃ aniccādinayena parivīmaṃsamāno. Ekodibhūto vihane tamaṃ soti so ekaggacitto sabbaṃ mohāditamaṃ vihaneyya, natthi ettha saṃsayo.

    уд̣̇д̇хад̇з жид̇д̇зд̇и вийрияинд̣̇рияавасзна жид̇д̇з авуубасанд̇з. б̣алававийрияан̃хи манд̣̇асамаад̇хим̣ вийрияасса уд̣̇д̇хажжабагкад̇д̇аа уд̣̇д̇хажжам̣ абхибхавад̇и. звам̣ уд̣̇д̇хад̇з жид̇д̇з. самат̇асса гаалод̇и самаад̇хисса бхааванааяа гаало. самаахид̇з жид̇д̇зд̇и убажаараббанаахи жид̇д̇з самаахид̇з. б̣алавасамаад̇хи хи манд̣̇авийрияам̣ самаад̇хисса госаж̇ж̇абагкад̇д̇аа госаж̇ж̇ам̣ абхибхавад̇и. самаад̇хи вийриязна сан̃н̃ож̇ид̇о госаж̇ж̇з бад̇ид̇ум̣ на лабхад̇и. вийрияам̣ самаад̇хинаа сан̃н̃ож̇ид̇ам̣ уд̣̇д̇хажжз бад̇ид̇ум̣ на лабхад̇и . д̇асмаа д̇ад̣̇убхаяам̣ самам̣ гаад̇аб̣б̣ам̣. убхаяасамад̇ааяа хи аббанаа ход̇и. вибассанааяа гаалод̇и звам̣ самаахид̇з анижжаад̣̇ивасзна вивид̇хааяа бассанааяа гаало, самаад̇хигаммигасса б̣алавад̇ийби сад̣̇д̇хаа ваддад̇и. звам̣ сад̣̇д̣̇аханд̇о огаббзнд̇о аббанам̣ баабун̣аад̇и. самаад̇хибан̃н̃аасу бана самаад̇хигаммигасса б̣алавад̇ий згаг̇г̇ад̇аа ваддад̇и. зван̃хи со аббанам̣ баабун̣аад̇и. вибассанаагаммигасса бана бан̃н̃аа б̣алавад̇ий ваддад̇и. зван̃хи со лагкан̣аббадивзд̇хам̣ баабун̣аад̇и. убхиннам̣ бана самад̇д̇зби аббанаа ход̇и зва.

    Uddhate citteti vīriyindriyavasena citte avūpasante. Balavavīriyañhi mandasamādhiṃ vīriyassa uddhaccapakkhattā uddhaccaṃ abhibhavati. Evaṃ uddhate citte. Samathassa kāloti samādhissa bhāvanāya kālo. Samāhite citteti upacārappanāhi citte samāhite. Balavasamādhi hi mandavīriyaṃ samādhissa kosajjapakkhattā kosajjaṃ abhibhavati. Samādhi vīriyena saññojito kosajje patituṃ na labhati. Vīriyaṃ samādhinā saññojitaṃ uddhacce patituṃ na labhati . Tasmā tadubhayaṃ samaṃ kātabbaṃ. Ubhayasamatāya hi appanā hoti. Vipassanāya kāloti evaṃ samāhite aniccādivasena vividhāya passanāya kālo, samādhikammikassa balavatīpi saddhā vaṭṭati. Evaṃ saddahanto okappento appanaṃ pāpuṇāti. Samādhipaññāsu pana samādhikammikassa balavatī ekaggatā vaṭṭati. Evañhi so appanaṃ pāpuṇāti. Vipassanākammikassa pana paññā balavatī vaṭṭati. Evañhi so lakkhaṇappaṭivedhaṃ pāpuṇāti. Ubhinnaṃ pana samattepi appanā hoti eva.

    гаалз баг̇г̇ан̣хад̇и жид̇д̇анд̇и яасмим̣ самаяз ад̇исит̇илавийрияад̇аад̣̇ийхи лийнам̣ жид̇д̇ам̣ ход̇и, д̇асмим̣ самаяз д̇хаммавижаяавийрияабийд̇исамб̣ож̇жхан̇г̇асамудтаабанзна д̇ам̣ жид̇д̇ам̣ баг̇г̇ан̣хаад̇и. ниг̇г̇ан̣хад̇ийд̇и яасмим̣ самаяз ажжаарад̣̇д̇хавийрияад̇аад̣̇ийхи уд̣̇д̇хад̇ам̣ жид̇д̇ам̣ ход̇и, д̇асмим̣ самаяз бассад̣̇д̇хисамаад̇хиубзгкаасамб̣ож̇жхан̇г̇асамудтаабанзна д̇ам̣ жид̇д̇ам̣ ниг̇г̇ан̣хаад̇и. самбахам̣сад̇и гаалзнаад̇и яасмим̣ самаяз жид̇д̇ам̣ бан̃н̃аабаяог̇аманд̣̇ад̇ааяа ваа убасамасукаанам̣ виг̇амзна ваа нирассаад̣̇ам̣ ход̇и , д̇асмим̣ самаяз адтасам̣взг̇авад̇т̇убажжавзгкан̣зна сам̣взж̇зд̇и. адта сам̣взг̇авад̇т̇ууни наама – ж̇аад̇иж̇арааб̣яаад̇химаран̣аани жад̇д̇аари, абааяад̣̇угкам̣ бан̃жамам̣, ад̇ийд̇з ваддамуулагам̣ д̣̇угкам̣ анааг̇ад̇з ваддамуулагам̣ д̣̇угкам̣, бажжуббаннз аахаарабарияздтимуулагам̣ д̣̇угканд̇и. рад̇анад̇д̇аяаг̇ун̣аануссаран̣знаасса басаад̣̇ам̣ ж̇анзд̇и. аяам̣ вужжад̇и ‘‘самбахам̣сад̇и гаалзнаа’’д̇и. гаалз жид̇д̇ам̣ самаад̣̇ахзд̇и яасмим̣ самаяз сад̣̇д̇хаабан̃н̃аанам̣ самаад̇хивийрияаанан̃жа самабхааво, д̇асмим̣ гаалз жид̇д̇ам̣ самаад̣̇ахзяяа.

    Kāle paggaṇhati cittanti yasmiṃ samaye atisithilavīriyatādīhi līnaṃ cittaṃ hoti, tasmiṃ samaye dhammavicayavīriyapītisambojjhaṅgasamuṭṭhāpanena taṃ cittaṃ paggaṇhāti. Niggaṇhatīti yasmiṃ samaye accāraddhavīriyatādīhi uddhataṃ cittaṃ hoti, tasmiṃ samaye passaddhisamādhiupekkhāsambojjhaṅgasamuṭṭhāpanena taṃ cittaṃ niggaṇhāti. Sampahaṃsati kālenāti yasmiṃ samaye cittaṃ paññāpayogamandatāya vā upasamasukhānaṃ vigamena vā nirassādaṃ hoti , tasmiṃ samaye aṭṭhasaṃvegavatthupaccavekkhaṇena saṃvejeti. Aṭṭha saṃvegavatthūni nāma – jātijarābyādhimaraṇāni cattāri, apāyadukkhaṃ pañcamaṃ, atīte vaṭṭamūlakaṃ dukkhaṃ anāgate vaṭṭamūlakaṃ dukkhaṃ, paccuppanne āhārapariyeṭṭhimūlakaṃ dukkhanti. Ratanattayaguṇānussaraṇenāssa pasādaṃ janeti. Ayaṃ vuccati ‘‘sampahaṃsati kālenā’’ti. Kāle cittaṃ samādaheti yasmiṃ samaye saddhāpaññānaṃ samādhivīriyānañca samabhāvo, tasmiṃ kāle cittaṃ samādaheyya.

    аж̇жхубзгкад̇и гаалзнаад̇и яасмим̣ самаяз саммаа бадибад̇д̇им̣ ааг̇амма алийнам̣ ануд̣̇д̇хад̇ам̣ анирассаад̣̇ам̣ аарамман̣з самаббавад̇д̇ам̣ самат̇авийт̇ибадибаннам̣ жид̇д̇ам̣ ход̇и, д̇ад̣̇аасса баг̇г̇аханиг̇г̇ахасамбахам̣санзсу на б̣яаабаарам̣ аабаж̇ж̇ад̇и саарат̇и вияа самаббавад̇д̇зсу ассзсу. аяам̣ вужжад̇и ‘‘аж̇жхубзгкад̇и гаалзнаа’’д̇и. со яог̇ий гаалаговид̣̇од̇и зсо вуд̇д̇аббагааро гаммадтаанаяог̇з нияуд̇д̇о баг̇г̇аханиг̇г̇ахасамбахам̣санасамаад̣̇аханааж̇жхубзгканагаалзсу чзго б̣яад̇д̇о. гимхи гааламхийд̇иаад̣̇инаа баг̇г̇ахаад̣̇игаалам̣ бужчад̇и.

    Ajjhupekkhati kālenāti yasmiṃ samaye sammā paṭipattiṃ āgamma alīnaṃ anuddhataṃ anirassādaṃ ārammaṇe samappavattaṃ samathavīthipaṭipannaṃ cittaṃ hoti, tadāssa paggahaniggahasampahaṃsanesu na byāpāraṃ āpajjati sārathi viya samappavattesu assesu. Ayaṃ vuccati ‘‘ajjhupekkhati kālenā’’ti. So yogī kālakovidoti eso vuttappakāro kammaṭṭhānayoge niyutto paggahaniggahasampahaṃsanasamādahanaajjhupekkhanakālesu cheko byatto. Kimhi kālamhītiādinā paggahādikālaṃ pucchati.

    ид̣̇аани баг̇г̇ахаад̣̇игаалам̣ виссаж̇ж̇знд̇о ‘‘лийнз жид̇д̇амхий’’д̇иаад̣̇имааха. ад̇исит̇илавийрияад̇аад̣̇ийхи жид̇д̇з лийнабхаавам̣ г̇ад̇з д̇хаммавижаяавийрияабийд̇исамб̣ож̇жхан̇г̇асамудтаабанзна баг̇г̇ахо. уд̣̇д̇хад̇асмим̣ виниг̇г̇аход̇и ажжаарад̣̇д̇хавийрияад̇аад̣̇ийхи уд̣̇д̇хад̇з жид̇д̇з бассад̣̇д̇хисамаад̇хиубзгкаасамб̣ож̇жхан̇г̇асамудтаабанзна ниг̇г̇ахо. нирассаад̣̇аг̇ад̇ам̣ жид̇д̇ам̣, самбахам̣сзяяа д̇аавад̣̇зд̇и бан̃н̃аабаяог̇аманд̣̇ад̇ааяа ваа убасамасукаанам̣ виг̇амзна ваа ассаад̣̇авирахид̇ам̣ г̇ад̇ам̣ адтасам̣взг̇авад̇т̇убажжавзгкан̣зна ваа рад̇анад̇д̇аяаг̇ун̣аануссаран̣зна ваа д̇асмим̣ кан̣з жид̇д̇ам̣ самбахам̣сзяяа.

    Idāni paggahādikālaṃ vissajjento ‘‘līne cittamhī’’tiādimāha. Atisithilavīriyatādīhi citte līnabhāvaṃ gate dhammavicayavīriyapītisambojjhaṅgasamuṭṭhāpanena paggaho. Uddhatasmiṃ viniggahoti accāraddhavīriyatādīhi uddhate citte passaddhisamādhiupekkhāsambojjhaṅgasamuṭṭhāpanena niggaho. Nirassādagataṃ cittaṃ, sampahaṃseyya tāvadeti paññāpayogamandatāya vā upasamasukhānaṃ vigamena vā assādavirahitaṃ gataṃ aṭṭhasaṃvegavatthupaccavekkhaṇena vā ratanattayaguṇānussaraṇena vā tasmiṃ khaṇe cittaṃ sampahaṃseyya.

    самбахадтам̣ яад̣̇аа жид̇д̇анд̇и яасмим̣ гаалз вуд̇д̇анаязнзва самбахам̣сид̇ам̣ жид̇д̇ам̣ ход̇и. алийнам̣ бхавад̇и нуд̣̇д̇хад̇анд̇и вийрияасамаад̇хийхи сан̃н̃ож̇ид̇ад̇д̇аа лийнуд̣̇д̇хажжавирахид̇ан̃жа ход̇и. самат̇анимид̇д̇ассаад̇и самат̇о жа нимид̇д̇ан̃жа самат̇анимид̇д̇ам̣, д̇асса самат̇анимид̇д̇асса. со гаалод̇и яо со лийнуд̣̇д̇хажжавирахид̇агаало вуд̇д̇о, со гаало. аж̇жхад̇д̇ам̣ рамаяз манод̇и жхаанасамбаяуд̇д̇ам̣ жид̇д̇ам̣ гасин̣аад̣̇иг̇ожараж̇жхад̇д̇з д̇осзяяа абхирамаабзяяа.

    Sampahaṭṭhaṃ yadā cittanti yasmiṃ kāle vuttanayeneva sampahaṃsitaṃ cittaṃ hoti. Alīnaṃ bhavati nuddhatanti vīriyasamādhīhi saññojitattā līnuddhaccavirahitañca hoti. Samathanimittassāti samatho ca nimittañca samathanimittaṃ, tassa samathanimittassa. So kāloti yo so līnuddhaccavirahitakālo vutto, so kālo. Ajjhattaṃ ramaye manoti jhānasampayuttaṃ cittaṃ kasiṇādigocarajjhatte toseyya abhiramāpeyya.

    зд̇зна мзвубааязнаад̇и зд̇зна вуд̇д̇аубааязна зва. ма-гааро бад̣̇асанд̇хивасзна вуд̇д̇о. аж̇жхубзгкзяяа д̇аавад̣̇зд̇и яад̣̇аа убажаараббанаахи д̇ам̣ жид̇д̇ам̣ самаахид̇ам̣, д̇ад̣̇аа ‘‘самаахид̇ам̣ жид̇д̇а’’нд̇и ж̇аанид̇ваа баг̇г̇аханиг̇г̇ахасамбахам̣санзсу б̣яаабаарам̣ агад̇ваа д̇асмим̣ кан̣з аж̇жхубзгканамзва гарзяяа.

    Etenamevupāyenāti etena vuttaupāyena eva. Ma-kāro padasandhivasena vutto. Ajjhupekkheyya tāvadeti yadā upacārappanāhi taṃ cittaṃ samāhitaṃ, tadā ‘‘samāhitaṃ citta’’nti jānitvā paggahaniggahasampahaṃsanesu byāpāraṃ akatvā tasmiṃ khaṇe ajjhupekkhanameva kareyya.

    ид̣̇аани ‘‘гимхи гааламхи баг̇г̇аахо’’д̇и будтаг̇аат̇ам̣ ниг̇амзнд̇о ‘‘звам̣ гаалавид̣̇уу д̇хийро’’д̇иаад̣̇имааха. гаалзна гаалам̣ жид̇д̇асса, нимид̇д̇амубалагкаязд̇и гаалаанугаалам̣ самаад̇хисамбаяуд̇д̇ажид̇д̇асса аарамман̣ам̣ саллагкзяяа, убабаригкзяяаад̇и ад̇т̇о. сзсам̣ саб̣б̣ад̇т̇а баагадамзва. звам̣ арахад̇д̇анигуудзна д̣̇зсанам̣ нидтаабзсийд̇и.

    Idāni ‘‘kimhi kālamhi paggāho’’ti puṭṭhagāthaṃ nigamento ‘‘evaṃ kālavidū dhīro’’tiādimāha. Kālena kālaṃ cittassa, nimittamupalakkhayeti kālānukālaṃ samādhisampayuttacittassa ārammaṇaṃ sallakkheyya, upaparikkheyyāti attho. Sesaṃ sabbattha pākaṭameva. Evaṃ arahattanikūṭena desanaṃ niṭṭhāpesīti.

    сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа

    Saddhammappajjotikāya mahāniddesaṭṭhakathāya

    саарибуд̇д̇асуд̇д̇анид̣̇д̣̇зсаван̣н̣анаа нидтид̇аа.

    Sāriputtasuttaniddesavaṇṇanā niṭṭhitā.

    адтагаваг̇г̇аван̣н̣анаа нидтид̇аа.

    Aṭṭhakavaggavaṇṇanā niṭṭhitā.

    сад̣̇д̇хаммаббаж̇ж̇од̇игаа наама махаанид̣̇д̣̇зса-адтагат̇аа нидтид̇аа.

    Saddhammappajjotikā nāma mahāniddesa-aṭṭhakathā niṭṭhitā.




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 16. саарибуд̇д̇асуд̇д̇анид̣̇д̣̇зсо • 16. Sāriputtasuttaniddeso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact