| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. ஸாரிபுத்தஸுத்தவண்ணனா
3. Sāriputtasuttavaṇṇanā
33. ததியே ஸங்கி²த்தேனாதி மாதிகாட²பனேன. வித்தா²ரேனாதி ட²பிதமாதிகாவிப⁴ஜனேன. ஸங்கி²த்தவித்தா²ரேனாதி காலே ஸங்கி²த்தேன காலே வித்தா²ரேன. அஞ்ஞாதாரோ ச து³ல்லபா⁴தி படிவிஜ்ஜ²னகபுக்³க³லா பன து³ல்லபா⁴. இத³ங் ப⁴க³வா ‘‘ஸாரிபுத்தத்தே²ரஸ்ஸ ஞாணங் க⁴ட்டேமீ’’தி அதி⁴ப்பாயேன கதே²ஸி. தங் ஸுத்வா தே²ரோ கிஞ்சாபி ‘‘அஹங், ப⁴ந்தே, ஆஜானிஸ்ஸாமீ’’தி ந வத³தி, அதி⁴ப்பாயேன பன ‘‘விஸ்ஸத்தா² தும்ஹே, ப⁴ந்தே, தே³ஸேத², அஹங் தும்ஹேஹி தே³ஸிதங் த⁴ம்மங் நயஸதேன நயஸஹஸ்ஸேன படிவிஜ்ஜி²ஸ்ஸாமி, மமேஸ பா⁴ரோ ஹோதூ’’தி ஸத்தா²ரங் தே³ஸனாய உஸ்ஸாஹெந்தோ ஏதஸ்ஸ ப⁴க³வா காலோதிஆதி³மாஹ.
33. Tatiye saṃkhittenāti mātikāṭhapanena. Vitthārenāti ṭhapitamātikāvibhajanena. Saṃkhittavitthārenāti kāle saṃkhittena kāle vitthārena. Aññātāro ca dullabhāti paṭivijjhanakapuggalā pana dullabhā. Idaṃ bhagavā ‘‘sāriputtattherassa ñāṇaṃ ghaṭṭemī’’ti adhippāyena kathesi. Taṃ sutvā thero kiñcāpi ‘‘ahaṃ, bhante, ājānissāmī’’ti na vadati, adhippāyena pana ‘‘vissatthā tumhe, bhante, desetha, ahaṃ tumhehi desitaṃ dhammaṃ nayasatena nayasahassena paṭivijjhissāmi, mamesa bhāro hotū’’ti satthāraṃ desanāya ussāhento etassa bhagavā kālotiādimāha.
அத²ஸ்ஸ ஸத்தா² தஸ்மாதிஹாதி தே³ஸனங் ஆரபி⁴. தத்த² இமஸ்மிஞ்ச ஸவிஞ்ஞாணகேதிஆதி³ வுத்தனயமேவ. அச்செ²ச்சி² தண்ஹந்தி மக்³க³ஞாணஸத்தே²ன தண்ஹங் சி²ந்தி³. விவத்தயி ஸங்யோஜனந்தி த³ஸவித⁴ம்பி ஸங்யோஜனங் ஸமூலகங் உப்³ப³த்தெத்வா ச²ட்³டே³ஸி. ஸம்மா மானாபி⁴ஸமயா அந்தமகாஸி து³க்க²ஸ்ஸாதி ஸம்மா உபாயேன ஸம்மா படிபத்தியா நவவித⁴ஸ்ஸ மானஸ்ஸ பஹானாபி⁴ஸமயேன வட்டது³க்க²ஸ்ஸ அந்தமகாஸி. இத³ஞ்ச பன மேதங், ஸாரிபுத்த, ஸந்தா⁴ய பா⁴ஸிதந்தி, ஸாரிபுத்த, மயா பாராயனே உத³யபஞ்ஹே இத³ங் ப²லஸமாபத்திமேவ ஸந்தா⁴ய ஏதங் பா⁴ஸிதங்.
Athassa satthā tasmātihāti desanaṃ ārabhi. Tattha imasmiñca saviññāṇaketiādi vuttanayameva. Acchecchitaṇhanti maggañāṇasatthena taṇhaṃ chindi. Vivattayi saṃyojananti dasavidhampi saṃyojanaṃ samūlakaṃ ubbattetvā chaḍḍesi. Sammā mānābhisamayā antamakāsi dukkhassāti sammā upāyena sammā paṭipattiyā navavidhassa mānassa pahānābhisamayena vaṭṭadukkhassa antamakāsi. Idañca pana metaṃ, sāriputta, sandhāya bhāsitanti, sāriputta, mayā pārāyane udayapañhe idaṃ phalasamāpattimeva sandhāya etaṃ bhāsitaṃ.
இதா³னி யங் தங் ப⁴க³வதா பா⁴ஸிதங், தங் த³ஸ்ஸெந்தோ பஹானங் காமஸஞ்ஞானந்திஆதி³ ஆரத்³த⁴ங். உத³யபஞ்ஹே ச ஏதங் பத³ங் ‘‘பஹானங் காமச்ச²ந்தா³ன’’ந்தி (ஸு॰ நி॰ 1112; சூளனி॰ உத³யமாணவபுச்சா²னித்³தே³ஸோ 75) ஆக³தங், இத⁴ பன அங்கு³த்தரபா⁴ணகேஹி ‘‘காமஸஞ்ஞான’’ந்தி ஆரோபிதங். தத்த² ப்³யஞ்ஜனமேவ நானங், அத்தோ² பன ஏகோயேவ. காமஸஞ்ஞானந்தி காமே ஆரப்³ப⁴ உப்பன்னஸஞ்ஞானங், அட்ட²ஹி வா லோப⁴ஸஹக³தசித்தேஹி ஸஹஜாதஸஞ்ஞானங். தோ³மனஸ்ஸான சூப⁴யந்தி ஏதாஸஞ்ச காமஸஞ்ஞானங் சேதஸிகதோ³மனஸ்ஸானஞ்சாதி உபி⁴ன்னம்பி பஹானங் படிப்பஸ்ஸத்³தி⁴பஹானஸங்கா²தங் அரஹத்தப²லங் அஞ்ஞாவிமொக்க²ங் பப்³ரூமீதி அத்தோ². நித்³தே³ஸே பன ‘‘காமச்ச²ந்த³ஸ்ஸ ச தோ³மனஸ்ஸஸ்ஸ ச உபி⁴ன்னங் பஹானங் வூபஸமங் படினிஸ்ஸக்³க³ங் படிப்பஸ்ஸத்³தி⁴ங் அமதங் நிப்³பா³ன’’ந்தி (சூளனி॰ உத³யமாணவபுச்சா²னித்³தே³ஸோ 75) வுத்தங், தங் அத்து²த்³தா⁴ரவஸேன வுத்தங். பஹானந்தி ஹி கீ²ணாகாரஸங்கா²தோ வூபஸமோபி வுச்சதி, கிலேஸே படினிஸ்ஸஜ்ஜந்தோ மக்³கோ³பி, கிலேஸபடிப்பஸ்ஸத்³தி⁴ஸங்கா²தங் ப²லம்பி , யங் ஆக³ம்ம கிலேஸா பஹீயந்தி, தங் அமதங் நிப்³பா³னம்பி. தஸ்மா தத்த² தானி பதா³னி ஆக³தானி. ‘‘அஞ்ஞாவிமொக்க²ங் பப்³ரூமீ’’தி வசனதோ பன அரஹத்தப²லமேவ அதி⁴ப்பேதங். தி²னஸ்ஸ ச பனூத³னந்திபி தி²னஸ்ஸ ச பனூத³னந்தே உப்பன்னத்தா அரஹத்தப²லமேவ அதி⁴ப்பேதங் . குக்குச்சானங் நிவாரணந்தி குக்குச்சனிவாரணஸ்ஸ மக்³க³ஸ்ஸ அனந்தரங் உப்பன்னத்தா ப²லமேவ அதி⁴ப்பேதங்.
Idāni yaṃ taṃ bhagavatā bhāsitaṃ, taṃ dassento pahānaṃ kāmasaññānantiādi āraddhaṃ. Udayapañhe ca etaṃ padaṃ ‘‘pahānaṃ kāmacchandāna’’nti (su. ni. 1112; cūḷani. udayamāṇavapucchāniddeso 75) āgataṃ, idha pana aṅguttarabhāṇakehi ‘‘kāmasaññāna’’nti āropitaṃ. Tattha byañjanameva nānaṃ, attho pana ekoyeva. Kāmasaññānanti kāme ārabbha uppannasaññānaṃ, aṭṭhahi vā lobhasahagatacittehi sahajātasaññānaṃ. Domanassāna cūbhayanti etāsañca kāmasaññānaṃ cetasikadomanassānañcāti ubhinnampi pahānaṃ paṭippassaddhipahānasaṅkhātaṃ arahattaphalaṃ aññāvimokkhaṃ pabrūmīti attho. Niddese pana ‘‘kāmacchandassa ca domanassassa ca ubhinnaṃ pahānaṃ vūpasamaṃ paṭinissaggaṃ paṭippassaddhiṃ amataṃ nibbāna’’nti (cūḷani. udayamāṇavapucchāniddeso 75) vuttaṃ, taṃ atthuddhāravasena vuttaṃ. Pahānanti hi khīṇākārasaṅkhāto vūpasamopi vuccati, kilese paṭinissajjanto maggopi, kilesapaṭippassaddhisaṅkhātaṃ phalampi , yaṃ āgamma kilesā pahīyanti, taṃ amataṃ nibbānampi. Tasmā tattha tāni padāni āgatāni. ‘‘Aññāvimokkhaṃ pabrūmī’’ti vacanato pana arahattaphalameva adhippetaṃ. Thinassaca panūdanantipi thinassa ca panūdanante uppannattā arahattaphalameva adhippetaṃ . Kukkuccānaṃ nivāraṇanti kukkuccanivāraṇassa maggassa anantaraṃ uppannattā phalameva adhippetaṃ.
உபெக்கா²ஸதிஸங்ஸுத்³த⁴ந்தி சதுத்த²ஜ்ஜா²னிகே ப²லே உப்பன்னாய உபெக்கா²ய ச ஸதியா ச ஸங்ஸுத்³த⁴ங். த⁴ம்மதக்கபுரேஜவந்தி த⁴ம்மதக்கோ வுச்சதி ஸம்மாஸங்கப்போ, ஸோ ஆதி³தோ ஹோதி, புரதோ ஹோதி, புப்³ப³ங்க³மோ ஹோதி அஞ்ஞாவிமொக்க²ஸ்ஸாதி த⁴ம்மதக்கபுரேஜவோ. தங் த⁴ம்மதக்கபுரேஜவங். அஞ்ஞாவிமொக்க²ந்தி அஞ்ஞிந்த்³ரியபரியோஸானே உப்பன்னங் விமொக்க²ங், அஞ்ஞாய வா விமொக்க²ங் அஞ்ஞாவிமொக்க²ங், பஞ்ஞாவிமுத்தந்தி அத்தோ². அவிஜ்ஜாய பபே⁴த³னந்தி அவிஜ்ஜாய பபே⁴த³னந்தே உப்பன்னத்தா, அவிஜ்ஜாய பபே⁴த³னஸங்கா²தங் வா நிப்³பா³னங் ஆரப்³ப⁴ உப்பன்னத்தா ஏவங்லத்³த⁴னாமங் அரஹத்தப²லமேவ. இதி ஸப்³பே³ஹிபி இமேஹி பஹானந்திஆதீ³ஹி பதே³ஹி அரஹத்தப²லமேவ பகாஸிதந்தி வேதி³தப்³ப³ங்.
Upekkhāsatisaṃsuddhanti catutthajjhānike phale uppannāya upekkhāya ca satiyā ca saṃsuddhaṃ. Dhammatakkapurejavanti dhammatakko vuccati sammāsaṅkappo, so ādito hoti, purato hoti, pubbaṅgamo hoti aññāvimokkhassāti dhammatakkapurejavo. Taṃ dhammatakkapurejavaṃ. Aññāvimokkhanti aññindriyapariyosāne uppannaṃ vimokkhaṃ, aññāya vā vimokkhaṃ aññāvimokkhaṃ, paññāvimuttanti attho. Avijjāya pabhedananti avijjāya pabhedanante uppannattā, avijjāya pabhedanasaṅkhātaṃ vā nibbānaṃ ārabbha uppannattā evaṃladdhanāmaṃ arahattaphalameva. Iti sabbehipi imehi pahānantiādīhi padehi arahattaphalameva pakāsitanti veditabbaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. ஸாரிபுத்தஸுத்தங் • 3. Sāriputtasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. ஸாரிபுத்தஸுத்தவண்ணனா • 3. Sāriputtasuttavaṇṇanā
