| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৬. সারিপুত্তসুত্তৰণ্ণনা
6. Sāriputtasuttavaṇṇanā
২১৪. ছট্ঠে পোরিযাতি অক্খরাদিপরিপুণ্ণায। ৰিস্সট্ঠাযাতি অৰিবদ্ধায অপলিবুদ্ধায। ধম্মসেনাপতিস্স হি কথেন্তস্স পিত্তাদীনং ৰসেন অপলিবুদ্ধৰচনং হোতি, অযদণ্ডেন পহতকংসতালতো সদ্দো ৰিয নিচ্ছরতি। অনেলগলাযাতি অনেলায অগলায নিদ্দোসায চেৰ অক্খলিতপদব্যঞ্জনায চ। থেরস্স হি কথযতো পদং ৰা ব্যঞ্জনং ৰা ন পরিহাযতি। অত্থস্স ৰিঞ্ঞাপনিযাতি অত্থস্স ৰিঞ্ঞাপনসমত্থায। ভিক্খুনন্তি ভিক্খূনং।
214. Chaṭṭhe poriyāti akkharādiparipuṇṇāya. Vissaṭṭhāyāti avibaddhāya apalibuddhāya. Dhammasenāpatissa hi kathentassa pittādīnaṃ vasena apalibuddhavacanaṃ hoti, ayadaṇḍena pahatakaṃsatālato saddo viya niccharati. Anelagalāyāti anelāya agalāya niddosāya ceva akkhalitapadabyañjanāya ca. Therassa hi kathayato padaṃ vā byañjanaṃ vā na parihāyati. Atthassa viññāpaniyāti atthassa viññāpanasamatthāya. Bhikkhunanti bhikkhūnaṃ.
সংখিত্তেনপীতি ‘‘চত্তারিমানি, আৰুসো, অরিযসচ্চানি। কতমানি চত্তারি? দুক্খং অরিযসচ্চং…পে॰… ইমানি খো, আৰুসো, চত্তারি অরিযসচ্চানি, তস্মাতিহ, আৰুসো, ইদং দুক্খং অরিযসচ্চন্তি যোগো করণীযো’’তি (সং॰ নি॰ ৫.১০৯৬-১০৯৮) এৰং সংখিত্তেনপি দেসেতি। ৰিত্থারেনপীতি ‘‘কতমং, আৰুসো, দুক্খং অরিযসচ্চ’’ন্তিআদিনা (ম॰ নি॰ ৩.৩৭৩) নযেন তানেৰ ৰিভজন্তো ৰিত্থারেনপি ভাসতি। খন্ধাদিদেসনাসুপি এসেৰ নযো। সাল়িকাযিৰ নিগ্ঘোসোতি যথা মধুরং অম্বপক্কং সাযিত্ৰা পক্খেহি ৰাতং দত্ৰা মধুরস্সরং নিচ্ছারেন্তিযা সাল়িকসকুণিযা নিগ্ঘোসো, এৰং থেরস্স ধম্মং কথেন্তস্স মধুরো নিগ্ঘোসো হোতি। পটিভানং উদীরযীতি সমুদ্দতো ঊমিযো ৰিয অনন্তং পটিভানং উট্ঠহতি। ওধেন্তীতি ওদহন্তি। ছট্ঠং।
Saṃkhittenapīti ‘‘cattārimāni, āvuso, ariyasaccāni. Katamāni cattāri? Dukkhaṃ ariyasaccaṃ…pe… imāni kho, āvuso, cattāri ariyasaccāni, tasmātiha, āvuso, idaṃ dukkhaṃ ariyasaccanti yogo karaṇīyo’’ti (saṃ. ni. 5.1096-1098) evaṃ saṃkhittenapi deseti. Vitthārenapīti ‘‘katamaṃ, āvuso, dukkhaṃ ariyasacca’’ntiādinā (ma. ni. 3.373) nayena tāneva vibhajanto vitthārenapi bhāsati. Khandhādidesanāsupi eseva nayo. Sāḷikāyiva nigghosoti yathā madhuraṃ ambapakkaṃ sāyitvā pakkhehi vātaṃ datvā madhurassaraṃ nicchārentiyā sāḷikasakuṇiyā nigghoso, evaṃ therassa dhammaṃ kathentassa madhuro nigghoso hoti. Paṭibhānaṃ udīrayīti samuddato ūmiyo viya anantaṃ paṭibhānaṃ uṭṭhahati. Odhentīti odahanti. Chaṭṭhaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৬. সারিপুত্তসুত্তং • 6. Sāriputtasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. সারিপুত্তসুত্তৰণ্ণনা • 6. Sāriputtasuttavaṇṇanā
