| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. саарибуд̇д̇асуд̇д̇аван̣н̣анаа
3. Sāriputtasuttavaṇṇanā
33. д̇ад̇ияз сам̣кид̇д̇знаад̇и маад̇игаатабанзна. вид̇т̇аарзнаад̇и табид̇амаад̇игаавибхаж̇анзна. сам̣кид̇д̇авид̇т̇аарзнаад̇и гаалз сам̣кид̇д̇зна гаалз вид̇т̇аарзна. ан̃н̃аад̇ааро жа д̣̇уллабхаад̇и бадивиж̇жханагабуг̇г̇алаа бана д̣̇уллабхаа. ид̣̇ам̣ бхаг̇аваа ‘‘саарибуд̇д̇ад̇т̇зрасса н̃аан̣ам̣ гхаддзмий’’д̇и ад̇хиббааязна гат̇зси. д̇ам̣ суд̇ваа т̇зро гин̃жааби ‘‘ахам̣, бханд̇з, ааж̇ааниссаамий’’д̇и на вад̣̇ад̇и, ад̇хиббааязна бана ‘‘виссад̇т̇аа д̇умхз, бханд̇з, д̣̇зсзт̇а, ахам̣ д̇умхзхи д̣̇зсид̇ам̣ д̇хаммам̣ наяасад̇зна наяасахассзна бадивиж̇жхиссаами, мамзса бхааро ход̇уу’’д̇и сад̇т̇аарам̣ д̣̇зсанааяа уссаахзнд̇о зд̇асса бхаг̇аваа гаалод̇иаад̣̇имааха.
33. Tatiye saṃkhittenāti mātikāṭhapanena. Vitthārenāti ṭhapitamātikāvibhajanena. Saṃkhittavitthārenāti kāle saṃkhittena kāle vitthārena. Aññātāro ca dullabhāti paṭivijjhanakapuggalā pana dullabhā. Idaṃ bhagavā ‘‘sāriputtattherassa ñāṇaṃ ghaṭṭemī’’ti adhippāyena kathesi. Taṃ sutvā thero kiñcāpi ‘‘ahaṃ, bhante, ājānissāmī’’ti na vadati, adhippāyena pana ‘‘vissatthā tumhe, bhante, desetha, ahaṃ tumhehi desitaṃ dhammaṃ nayasatena nayasahassena paṭivijjhissāmi, mamesa bhāro hotū’’ti satthāraṃ desanāya ussāhento etassa bhagavā kālotiādimāha.
ат̇асса сад̇т̇аа д̇асмаад̇ихаад̇и д̣̇зсанам̣ аарабхи. д̇ад̇т̇а имасмин̃жа савин̃н̃аан̣агзд̇иаад̣̇и вуд̇д̇анаяамзва. ажчзжчи д̇ан̣ханд̇и маг̇г̇ан̃аан̣асад̇т̇зна д̇ан̣хам̣ чинд̣̇и. вивад̇д̇аяи сам̣яож̇ананд̇и д̣̇асавид̇хамби сам̣яож̇анам̣ самуулагам̣ уб̣б̣ад̇д̇зд̇ваа чад̣д̣зси. саммаа маанаабхисамаяаа анд̇амагааси д̣̇угкассаад̇и саммаа убааязна саммаа бадибад̇д̇ияаа нававид̇хасса маанасса бахаанаабхисамаязна ваддад̣̇угкасса анд̇амагааси. ид̣̇ан̃жа бана мзд̇ам̣, саарибуд̇д̇а, санд̇хааяа бхаасид̇анд̇и, саарибуд̇д̇а, маяаа баарааяанз уд̣̇аяабан̃хз ид̣̇ам̣ паласамаабад̇д̇имзва санд̇хааяа зд̇ам̣ бхаасид̇ам̣.
Athassa satthā tasmātihāti desanaṃ ārabhi. Tattha imasmiñca saviññāṇaketiādi vuttanayameva. Acchecchitaṇhanti maggañāṇasatthena taṇhaṃ chindi. Vivattayi saṃyojananti dasavidhampi saṃyojanaṃ samūlakaṃ ubbattetvā chaḍḍesi. Sammā mānābhisamayā antamakāsi dukkhassāti sammā upāyena sammā paṭipattiyā navavidhassa mānassa pahānābhisamayena vaṭṭadukkhassa antamakāsi. Idañca pana metaṃ, sāriputta, sandhāya bhāsitanti, sāriputta, mayā pārāyane udayapañhe idaṃ phalasamāpattimeva sandhāya etaṃ bhāsitaṃ.
ид̣̇аани яам̣ д̇ам̣ бхаг̇авад̇аа бхаасид̇ам̣, д̇ам̣ д̣̇ассзнд̇о бахаанам̣ гаамасан̃н̃аананд̇иаад̣̇и аарад̣̇д̇хам̣. уд̣̇аяабан̃хз жа зд̇ам̣ бад̣̇ам̣ ‘‘бахаанам̣ гаамажчанд̣̇аана’’нд̇и (су. ни. 1112; жуул̣ани. уд̣̇аяамаан̣авабужчаанид̣̇д̣̇зсо 75) ааг̇ад̇ам̣, ид̇ха бана ан̇г̇уд̇д̇арабхаан̣агзхи ‘‘гаамасан̃н̃аана’’нд̇и ааробид̇ам̣. д̇ад̇т̇а б̣яан̃ж̇анамзва наанам̣, ад̇т̇о бана згоязва. гаамасан̃н̃аананд̇и гаамз аараб̣бха уббаннасан̃н̃аанам̣, адтахи ваа лобхасахаг̇ад̇ажид̇д̇зхи сахаж̇аад̇асан̃н̃аанам̣. д̣̇оманассаана жуубхаяанд̇и зд̇аасан̃жа гаамасан̃н̃аанам̣ жзд̇асигад̣̇оманассаанан̃жаад̇и убхиннамби бахаанам̣ бадиббассад̣̇д̇хибахаанасан̇каад̇ам̣ арахад̇д̇апалам̣ ан̃н̃аавимогкам̣ баб̣руумийд̇и ад̇т̇о. нид̣̇д̣̇зсз бана ‘‘гаамажчанд̣̇асса жа д̣̇оманассасса жа убхиннам̣ бахаанам̣ вуубасамам̣ бадиниссаг̇г̇ам̣ бадиббассад̣̇д̇хим̣ амад̇ам̣ ниб̣б̣аана’’нд̇и (жуул̣ани. уд̣̇аяамаан̣авабужчаанид̣̇д̣̇зсо 75) вуд̇д̇ам̣, д̇ам̣ ад̇т̇уд̣̇д̇хааравасзна вуд̇д̇ам̣. бахаананд̇и хи кийн̣аагаарасан̇каад̇о вуубасамоби вужжад̇и, гилзсз бадиниссаж̇ж̇анд̇о маг̇г̇оби, гилзсабадиббассад̣̇д̇хисан̇каад̇ам̣ паламби , яам̣ ааг̇амма гилзсаа бахийяанд̇и, д̇ам̣ амад̇ам̣ ниб̣б̣аанамби. д̇асмаа д̇ад̇т̇а д̇аани бад̣̇аани ааг̇ад̇аани. ‘‘ан̃н̃аавимогкам̣ баб̣руумий’’д̇и важанад̇о бана арахад̇д̇апаламзва ад̇хиббзд̇ам̣. т̇инасса жа банууд̣̇ананд̇иби т̇инасса жа банууд̣̇ананд̇з уббаннад̇д̇аа арахад̇д̇апаламзва ад̇хиббзд̇ам̣ . гуггужжаанам̣ нивааран̣анд̇и гуггужжанивааран̣асса маг̇г̇асса ананд̇арам̣ уббаннад̇д̇аа паламзва ад̇хиббзд̇ам̣.
Idāni yaṃ taṃ bhagavatā bhāsitaṃ, taṃ dassento pahānaṃ kāmasaññānantiādi āraddhaṃ. Udayapañhe ca etaṃ padaṃ ‘‘pahānaṃ kāmacchandāna’’nti (su. ni. 1112; cūḷani. udayamāṇavapucchāniddeso 75) āgataṃ, idha pana aṅguttarabhāṇakehi ‘‘kāmasaññāna’’nti āropitaṃ. Tattha byañjanameva nānaṃ, attho pana ekoyeva. Kāmasaññānanti kāme ārabbha uppannasaññānaṃ, aṭṭhahi vā lobhasahagatacittehi sahajātasaññānaṃ. Domanassāna cūbhayanti etāsañca kāmasaññānaṃ cetasikadomanassānañcāti ubhinnampi pahānaṃ paṭippassaddhipahānasaṅkhātaṃ arahattaphalaṃ aññāvimokkhaṃ pabrūmīti attho. Niddese pana ‘‘kāmacchandassa ca domanassassa ca ubhinnaṃ pahānaṃ vūpasamaṃ paṭinissaggaṃ paṭippassaddhiṃ amataṃ nibbāna’’nti (cūḷani. udayamāṇavapucchāniddeso 75) vuttaṃ, taṃ atthuddhāravasena vuttaṃ. Pahānanti hi khīṇākārasaṅkhāto vūpasamopi vuccati, kilese paṭinissajjanto maggopi, kilesapaṭippassaddhisaṅkhātaṃ phalampi , yaṃ āgamma kilesā pahīyanti, taṃ amataṃ nibbānampi. Tasmā tattha tāni padāni āgatāni. ‘‘Aññāvimokkhaṃ pabrūmī’’ti vacanato pana arahattaphalameva adhippetaṃ. Thinassaca panūdanantipi thinassa ca panūdanante uppannattā arahattaphalameva adhippetaṃ . Kukkuccānaṃ nivāraṇanti kukkuccanivāraṇassa maggassa anantaraṃ uppannattā phalameva adhippetaṃ.
убзгкаасад̇исам̣суд̣̇д̇ханд̇и жад̇уд̇т̇аж̇жхаанигз палз уббаннааяа убзгкааяа жа сад̇ияаа жа сам̣суд̣̇д̇хам̣. д̇хаммад̇аггабурзж̇аванд̇и д̇хаммад̇агго вужжад̇и саммаасан̇габбо, со аад̣̇ид̇о ход̇и, бурад̇о ход̇и, буб̣б̣ан̇г̇амо ход̇и ан̃н̃аавимогкассаад̇и д̇хаммад̇аггабурзж̇аво. д̇ам̣ д̇хаммад̇аггабурзж̇авам̣. ан̃н̃аавимогканд̇и ан̃н̃инд̣̇рияабарияосаанз уббаннам̣ вимогкам̣, ан̃н̃ааяа ваа вимогкам̣ ан̃н̃аавимогкам̣, бан̃н̃аавимуд̇д̇анд̇и ад̇т̇о. авиж̇ж̇ааяа бабхзд̣̇ананд̇и авиж̇ж̇ааяа бабхзд̣̇ананд̇з уббаннад̇д̇аа, авиж̇ж̇ааяа бабхзд̣̇анасан̇каад̇ам̣ ваа ниб̣б̣аанам̣ аараб̣бха уббаннад̇д̇аа звам̣лад̣̇д̇ханаамам̣ арахад̇д̇апаламзва. ид̇и саб̣б̣зхиби имзхи бахаананд̇иаад̣̇ийхи бад̣̇зхи арахад̇д̇апаламзва багаасид̇анд̇и взд̣̇ид̇аб̣б̣ам̣.
Upekkhāsatisaṃsuddhanti catutthajjhānike phale uppannāya upekkhāya ca satiyā ca saṃsuddhaṃ. Dhammatakkapurejavanti dhammatakko vuccati sammāsaṅkappo, so ādito hoti, purato hoti, pubbaṅgamo hoti aññāvimokkhassāti dhammatakkapurejavo. Taṃ dhammatakkapurejavaṃ. Aññāvimokkhanti aññindriyapariyosāne uppannaṃ vimokkhaṃ, aññāya vā vimokkhaṃ aññāvimokkhaṃ, paññāvimuttanti attho. Avijjāya pabhedananti avijjāya pabhedanante uppannattā, avijjāya pabhedanasaṅkhātaṃ vā nibbānaṃ ārabbha uppannattā evaṃladdhanāmaṃ arahattaphalameva. Iti sabbehipi imehi pahānantiādīhi padehi arahattaphalameva pakāsitanti veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. саарибуд̇д̇асуд̇д̇ам̣ • 3. Sāriputtasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. саарибуд̇д̇асуд̇д̇аван̣н̣анаа • 3. Sāriputtasuttavaṇṇanā
