| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. саарибуд̇д̇асуд̇д̇аван̣н̣анаа
6. Sāriputtasuttavaṇṇanā
214. чадтз борияаад̇и агкараад̣̇ибарибун̣н̣ааяа. виссадтааяаад̇и авиб̣ад̣̇д̇хааяа абалиб̣уд̣̇д̇хааяа. д̇хаммасзнаабад̇исса хи гат̇знд̇асса бид̇д̇аад̣̇ийнам̣ васзна абалиб̣уд̣̇д̇хаважанам̣ ход̇и, аяад̣̇ан̣д̣зна бахад̇агам̣сад̇аалад̇о сад̣̇д̣̇о вияа нижчарад̇и. анзлаг̇алааяаад̇и анзлааяа аг̇алааяа нид̣̇д̣̇осааяа жзва агкалид̇абад̣̇аб̣яан̃ж̇анааяа жа. т̇зрасса хи гат̇аяад̇о бад̣̇ам̣ ваа б̣яан̃ж̇анам̣ ваа на барихааяад̇и. ад̇т̇асса вин̃н̃аабанияаад̇и ад̇т̇асса вин̃н̃аабанасамад̇т̇ааяа. бхигкунанд̇и бхигкуунам̣.
214. Chaṭṭhe poriyāti akkharādiparipuṇṇāya. Vissaṭṭhāyāti avibaddhāya apalibuddhāya. Dhammasenāpatissa hi kathentassa pittādīnaṃ vasena apalibuddhavacanaṃ hoti, ayadaṇḍena pahatakaṃsatālato saddo viya niccharati. Anelagalāyāti anelāya agalāya niddosāya ceva akkhalitapadabyañjanāya ca. Therassa hi kathayato padaṃ vā byañjanaṃ vā na parihāyati. Atthassa viññāpaniyāti atthassa viññāpanasamatthāya. Bhikkhunanti bhikkhūnaṃ.
сам̣кид̇д̇знабийд̇и ‘‘жад̇д̇ааримаани, аавусо, арияасажжаани. гад̇амаани жад̇д̇аари? д̣̇угкам̣ арияасажжам̣…бз… имаани ко, аавусо, жад̇д̇аари арияасажжаани, д̇асмаад̇иха, аавусо, ид̣̇ам̣ д̣̇угкам̣ арияасажжанд̇и яог̇о гаран̣ийяо’’д̇и (сам̣. ни. 5.1096-1098) звам̣ сам̣кид̇д̇знаби д̣̇зсзд̇и. вид̇т̇аарзнабийд̇и ‘‘гад̇амам̣, аавусо, д̣̇угкам̣ арияасажжа’’нд̇иаад̣̇инаа (ма. ни. 3.373) наязна д̇аанзва вибхаж̇анд̇о вид̇т̇аарзнаби бхаасад̇и. канд̇хаад̣̇ид̣̇зсанаасуби зсзва наяо. саал̣игааяива ниг̇гхосод̇и яат̇аа мад̇хурам̣ амб̣абаггам̣ сааяид̇ваа багкзхи ваад̇ам̣ д̣̇ад̇ваа мад̇хурассарам̣ нижчаарзнд̇ияаа саал̣игасагун̣ияаа ниг̇гхосо, звам̣ т̇зрасса д̇хаммам̣ гат̇знд̇асса мад̇хуро ниг̇гхосо ход̇и. бадибхаанам̣ уд̣̇ийраяийд̇и самуд̣̇д̣̇ад̇о уумияо вияа ананд̇ам̣ бадибхаанам̣ удтахад̇и. од̇хзнд̇ийд̇и од̣̇аханд̇и. чадтам̣.
Saṃkhittenapīti ‘‘cattārimāni, āvuso, ariyasaccāni. Katamāni cattāri? Dukkhaṃ ariyasaccaṃ…pe… imāni kho, āvuso, cattāri ariyasaccāni, tasmātiha, āvuso, idaṃ dukkhaṃ ariyasaccanti yogo karaṇīyo’’ti (saṃ. ni. 5.1096-1098) evaṃ saṃkhittenapi deseti. Vitthārenapīti ‘‘katamaṃ, āvuso, dukkhaṃ ariyasacca’’ntiādinā (ma. ni. 3.373) nayena tāneva vibhajanto vitthārenapi bhāsati. Khandhādidesanāsupi eseva nayo. Sāḷikāyiva nigghosoti yathā madhuraṃ ambapakkaṃ sāyitvā pakkhehi vātaṃ datvā madhurassaraṃ nicchārentiyā sāḷikasakuṇiyā nigghoso, evaṃ therassa dhammaṃ kathentassa madhuro nigghoso hoti. Paṭibhānaṃ udīrayīti samuddato ūmiyo viya anantaṃ paṭibhānaṃ uṭṭhahati. Odhentīti odahanti. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. саарибуд̇д̇асуд̇д̇ам̣ • 6. Sāriputtasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. саарибуд̇д̇асуд̇д̇аван̣н̣анаа • 6. Sāriputtasuttavaṇṇanā
