| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
4. саарибуд̇д̇асуд̇д̇аван̣н̣анаа
4. Sāriputtasuttavaṇṇanā
24. жад̇уд̇т̇з баримукам̣ сад̇им̣ убадтабзд̇ваад̇и аарамман̣аабхимукам̣ сад̇им̣ табаяид̇ваа мукасамийбз гад̇ваа. д̇ат̇аа хи вибхан̇г̇з вуд̇д̇ам̣ –
24. Catutthe parimukhaṃ satiṃ upaṭṭhapetvāti ārammaṇābhimukhaṃ satiṃ ṭhapayitvā mukhasamīpe katvā. Tathā hi vibhaṅge vuttaṃ –
‘‘аяам̣ сад̇и убадтид̇аа ход̇и субадтид̇аа наасигаг̇г̇з ваа муканимид̇д̇з ваа, д̇зна вужжад̇и баримукам̣ сад̇им̣ убадтабзд̇ваа’’д̇и (вибха. 537).
‘‘Ayaṃ sati upaṭṭhitā hoti supaṭṭhitā nāsikagge vā mukhanimitte vā, tena vuccati parimukhaṃ satiṃ upaṭṭhapetvā’’ti (vibha. 537).
ат̇а ваа ‘‘барийд̇и бариг̇г̇ахадто, муканд̇и нияяаанадто, сад̇ийд̇и убадтаанадто, д̇зна вужжад̇и ‘баримукам̣ сад̇и’’’нд̇и. звам̣ бадисамбхид̣̇ааяам̣ (бади. ма. 1.164) вуд̇д̇анаязнабзд̇т̇а ад̇т̇о взд̣̇ид̇аб̣б̣о. д̇ад̇рааяам̣ сан̇кзбад̇т̇о – бариг̇г̇ахид̇анияяаанасад̇им̣ гад̇ваад̇и. нияяаананд̇и жа сад̇ияаа ог̇аахид̇аб̣б̣ам̣ аарамман̣ам̣ д̣̇адтаб̣б̣ам̣. зд̇т̇а жа буримо бажчимо жа ад̇т̇о саб̣б̣асан̇г̇аахагавасзна, ид̇аро самаабад̇д̇ияаа буб̣б̣абхааг̇асаманнаахааравасзна д̣̇адтаб̣б̣о. сад̇ийд̇и ваа сад̇исийсзна жхаанам̣ вуд̇д̇ам̣ ‘‘яз гааяаг̇ад̇аасад̇им̣ барибхун̃ж̇анд̇ий’’д̇иаад̣̇ийсу (а. ни. 1.600) вияа. гад̇амам̣ бана д̇ам̣ жхаананд̇и? руубааважаражад̇уд̇т̇аж̇жхаанам̣ баад̣̇агам̣ гад̇ваа самаабаннам̣ арахад̇д̇апалаж̇жхаанам̣. гат̇ам̣ банзд̇ам̣ ж̇аанид̇аб̣б̣анд̇и? аанзн̃ж̇асамаад̇хияог̇зна т̇зрасса сависзсам̣ нижжалабхаавам̣ гзнажи агамбанийяад̇ан̃жа баб̣б̣ад̇обамааяа багаасзнд̇о бхаг̇аваа имам̣ уд̣̇аанам̣ абхаасийд̇и г̇аат̇ааяа зва аяамад̇т̇о вин̃н̃ааяад̇и. на жааяам̣ нисаж̇ж̇аа т̇зрасса сажжаббадивзд̇хааяа, ат̇а ко д̣̇идтад̇хаммасукавихаарааяа. буб̣б̣зязва хи суугаракад̇алзн̣з (ма. ни. 2.201) ад̇д̇ано бхааг̇инзяяасса д̣̇ийгханакабариб̣б̣ааж̇агасса бхаг̇авад̇и д̇хаммам̣ д̣̇зсзнд̇з аяам̣ махаат̇зро сажжаббадивзд̇хагижжам̣ мад̇т̇агам̣ баабзсийд̇и.
Atha vā ‘‘parīti pariggahaṭṭho, mukhanti niyyānaṭṭho, satīti upaṭṭhānaṭṭho, tena vuccati ‘parimukhaṃ sati’’’nti. Evaṃ paṭisambhidāyaṃ (paṭi. ma. 1.164) vuttanayenapettha attho veditabbo. Tatrāyaṃ saṅkhepattho – pariggahitaniyyānasatiṃ katvāti. Niyyānanti ca satiyā ogāhitabbaṃ ārammaṇaṃ daṭṭhabbaṃ. Ettha ca purimo pacchimo ca attho sabbasaṅgāhakavasena, itaro samāpattiyā pubbabhāgasamannāhāravasena daṭṭhabbo. Satīti vā satisīsena jhānaṃ vuttaṃ ‘‘ye kāyagatāsatiṃ paribhuñjantī’’tiādīsu (a. ni. 1.600) viya. Katamaṃ pana taṃ jhānanti? Rūpāvacaracatutthajjhānaṃ pādakaṃ katvā samāpannaṃ arahattaphalajjhānaṃ. Kathaṃ panetaṃ jānitabbanti? Āneñjasamādhiyogena therassa savisesaṃ niccalabhāvaṃ kenaci akampanīyatañca pabbatopamāya pakāsento bhagavā imaṃ udānaṃ abhāsīti gāthāya eva ayamattho viññāyati. Na cāyaṃ nisajjā therassa saccappaṭivedhāya, atha kho diṭṭhadhammasukhavihārāya. Pubbeyeva hi sūkarakhataleṇe (ma. ni. 2.201) attano bhāgineyyassa dīghanakhaparibbājakassa bhagavati dhammaṃ desente ayaṃ mahāthero saccappaṭivedhakiccaṃ matthakaṃ pāpesīti.
зд̇амад̇т̇анд̇и зд̇ам̣ т̇зрасса аанзн̃ж̇асамаад̇хияог̇зна д̇аад̣̇ибхааваббад̇д̇ияаа жа гзнажи агамбанийяад̇аасан̇каад̇ам̣ ад̇т̇ам̣ саб̣б̣аагаарад̇о вид̣̇ид̇ваа д̇ад̣̇ад̇т̇авибхааванам̣ имам̣ уд̣̇аанам̣ уд̣̇аанзси.
Etamatthanti etaṃ therassa āneñjasamādhiyogena tādibhāvappattiyā ca kenaci akampanīyatāsaṅkhātaṃ atthaṃ sabbākārato viditvā tadatthavibhāvanaṃ imaṃ udānaṃ udānesi.
д̇ад̇т̇а яат̇ааби баб̣б̣ад̇о сзлод̇и яат̇аа силаамаяо згаг̇гханасилаабаб̣б̣ад̇о, на бам̣субаб̣б̣ад̇о на миссагабаб̣б̣ад̇од̇и ад̇т̇о. ажало суббад̇идтид̇од̇и суббад̇идтид̇амууло багад̇иваад̇зхи ажало агамбанийяо ход̇и. звам̣ мохагкаяаа бхигку, баб̣б̣ад̇ова на взд̇хад̇ийд̇и мохасса анавасзсаббахаанаа мохамуулагад̇д̇аа жа саб̣б̣аагусалаанам̣ бахийнасаб̣б̣аагусало бхигку, яат̇аа со баб̣б̣ад̇о багад̇иваад̇зхи, звам̣ логад̇хаммзхи на взд̇хад̇и на гамбад̇и. мохагкаяод̇и ваа яасмаа ниб̣б̣аанам̣ арахад̇д̇ан̃жа вужжад̇и, д̇асмаа мохагкаяасса хзд̇у ниб̣б̣аанасса арахад̇д̇асса ваа ад̇хиг̇ад̇ад̇д̇аа жад̇уусу арияасажжзсу суббад̇идтид̇о асамаабаннагаалзби яат̇аавуд̇д̇абаб̣б̣ад̇о вияа на гзнажи взд̇хад̇и, баг̇зва самаабаннагаалзд̇и ад̇хиббааяо.
Tattha yathāpi pabbato seloti yathā silāmayo ekagghanasilāpabbato, na paṃsupabbato na missakapabbatoti attho. Acalo suppatiṭṭhitoti suppatiṭṭhitamūlo pakativātehi acalo akampanīyo hoti. Evaṃ mohakkhayā bhikkhu, pabbatova na vedhatīti mohassa anavasesappahānā mohamūlakattā ca sabbākusalānaṃ pahīnasabbākusalo bhikkhu, yathā so pabbato pakativātehi, evaṃ lokadhammehi na vedhati na kampati. Mohakkhayoti vā yasmā nibbānaṃ arahattañca vuccati, tasmā mohakkhayassa hetu nibbānassa arahattassa vā adhigatattā catūsu ariyasaccesu suppatiṭṭhito asamāpannakālepi yathāvuttapabbato viya na kenaci vedhati, pageva samāpannakāleti adhippāyo.
жад̇уд̇т̇асуд̇д̇аван̣н̣анаа нидтид̇аа.
Catutthasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 4. саарибуд̇д̇асуд̇д̇ам̣ • 4. Sāriputtasuttaṃ
