| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
7. саарибуд̇д̇асуд̇д̇аван̣н̣анаа
7. Sāriputtasuttavaṇṇanā
37. сад̇д̇амз абуб̣б̣ам̣ над̇т̇и. г̇аат̇ааяа ад̇хижзд̇асод̇и ад̇хижид̇д̇авад̇о, саб̣б̣ажид̇д̇аанам̣ ад̇хигзна арахад̇д̇апалажид̇д̇зна саманнааг̇ад̇ассаад̇и ад̇т̇о. аббамаж̇ж̇ад̇од̇и на бамаж̇ж̇ад̇о, аббамаад̣̇зна анаваж̇ж̇ад̇хаммзсу саад̇ажжагирияааяа саманнааг̇ад̇ассаад̇и вуд̇д̇ам̣ ход̇и. мунинод̇и ‘‘яо мунаад̇и убхо логз, муни д̇зна бавужжад̇ий’’д̇и (д̇ха. ба. 269; жуул̣ани. мзд̇д̇аг̇уумаан̣авабужчаанид̣̇д̣̇зса 21) звам̣ убхаяалогамунанзна монам̣ вужжад̇и н̃аан̣ам̣, д̇зна арахад̇д̇апалан̃аан̣асан̇каад̇зна н̃аан̣зна саманнааг̇ад̇ад̇д̇аа ваа кийн̣аасаво муни наама, д̇асса мунино. монабат̇зсу сигкад̇од̇и арахад̇д̇ан̃аан̣асан̇каад̇асса монасса бат̇зсу сад̇д̇ад̇им̣саб̣од̇хибагкияад̇хаммзсу д̇ийсу ваа сигкаасу сигкад̇о. ид̣̇ан̃жа буб̣б̣абхааг̇аббадибад̣̇ам̣ г̇ахзд̇ваа вуд̇д̇ам̣. баринидтид̇асигко хи арахаа, д̇асмаа звам̣ сигкад̇о, имааяа сигкааяа мунибхаавам̣ бад̇д̇асса мунинод̇и звамзд̇т̇а ад̇т̇о д̣̇адтаб̣б̣о. яасмаа жа зд̇ад̣̇зва, д̇асмаа хздтимамаг̇г̇апалажид̇д̇аанам̣ васзна ад̇хижзд̇асо, жад̇усажжасамб̣од̇хабадибад̇д̇ияам̣ аббамаад̣̇авасзна аббамаж̇ж̇ад̇о, маг̇г̇ан̃аан̣асаманнааг̇амзна мунинод̇и звамзд̇зсам̣ д̇ин̣н̣ам̣ бад̣̇аанам̣ ад̇т̇о яуж̇ж̇ад̇иязва. ат̇а ваа ‘‘аббамаж̇ж̇ад̇о сигкад̇о’’д̇и бад̣̇аанам̣ хзд̇уад̇т̇ад̇аа д̣̇адтаб̣б̣аа аббамаж̇ж̇анахзд̇у сигканахзд̇у жа ад̇хижзд̇асод̇и.
37. Sattame apubbaṃ natthi. Gāthāya adhicetasoti adhicittavato, sabbacittānaṃ adhikena arahattaphalacittena samannāgatassāti attho. Appamajjatoti na pamajjato, appamādena anavajjadhammesu sātaccakiriyāya samannāgatassāti vuttaṃ hoti. Muninoti ‘‘yo munāti ubho loke, muni tena pavuccatī’’ti (dha. pa. 269; cūḷani. mettagūmāṇavapucchāniddesa 21) evaṃ ubhayalokamunanena monaṃ vuccati ñāṇaṃ, tena arahattaphalañāṇasaṅkhātena ñāṇena samannāgatattā vā khīṇāsavo muni nāma, tassa munino. Monapathesu sikkhatoti arahattañāṇasaṅkhātassa monassa pathesu sattatiṃsabodhipakkhiyadhammesu tīsu vā sikkhāsu sikkhato. Idañca pubbabhāgappaṭipadaṃ gahetvā vuttaṃ. Pariniṭṭhitasikkho hi arahā, tasmā evaṃ sikkhato, imāya sikkhāya munibhāvaṃ pattassa muninoti evamettha attho daṭṭhabbo. Yasmā ca etadeva, tasmā heṭṭhimamaggaphalacittānaṃ vasena adhicetaso, catusaccasambodhapaṭipattiyaṃ appamādavasena appamajjato, maggañāṇasamannāgamena muninoti evametesaṃ tiṇṇaṃ padānaṃ attho yujjatiyeva. Atha vā ‘‘appamajjato sikkhato’’ti padānaṃ hetuatthatā daṭṭhabbā appamajjanahetu sikkhanahetu ca adhicetasoti.
согаа на бхаванд̇и д̇аад̣̇инод̇и д̇аад̣̇исасса кийн̣аасавамунино аб̣бханд̇арз идтавияог̇аад̣̇ивад̇т̇угаа согаа жид̇д̇асанд̇аабаа на хонд̇и. ат̇а ваа д̇аад̣̇инод̇и д̇аад̣̇илагкан̣асаманнааг̇ад̇асса зваруубасса мунино согаа на бхаванд̇ийд̇и аяамзд̇т̇а ад̇т̇о. убасанд̇ассаад̇и рааг̇аад̣̇ийнам̣ ажжанд̇уубасамзна убасанд̇асса. сад̣̇аа сад̇иймад̇од̇и сад̇ивзбуллаббад̇д̇ияаа нижжагаалам̣ сад̇ияаа авирахид̇асса.
Sokā na bhavanti tādinoti tādisassa khīṇāsavamunino abbhantare iṭṭhaviyogādivatthukā sokā cittasantāpā na honti. Atha vā tādinoti tādilakkhaṇasamannāgatassa evarūpassa munino sokā na bhavantīti ayamettha attho. Upasantassāti rāgādīnaṃ accantūpasamena upasantassa. Sadā satīmatoti sativepullappattiyā niccakālaṃ satiyā avirahitassa.
зд̇т̇а жа ‘‘ад̇хижзд̇асо’’д̇и иминаа ад̇хижид̇д̇асигкаа, ‘‘аббамаж̇ж̇ад̇о’’д̇и зд̇зна ад̇хисийласигкаа, ‘‘мунино монабат̇зсу сигкад̇о’’д̇и зд̇зхи ад̇хибан̃н̃аасигкаа. ‘‘мунино’’д̇и ваа зд̇зна ад̇хибан̃н̃аасигкаа, ‘‘монабат̇зсу сигкад̇о’’д̇и зд̇зна д̇аасам̣ логуд̇д̇арасигкаанам̣ буб̣б̣абхааг̇абадибад̣̇аа, ‘‘согаа на бхаванд̇ий’’д̇иаад̣̇ийхи сигкаабаарибуурияаа аанисам̣со багаасид̇од̇и взд̣̇ид̇аб̣б̣ам̣. сзсам̣ вуд̇д̇анаяамзва.
Ettha ca ‘‘adhicetaso’’ti iminā adhicittasikkhā, ‘‘appamajjato’’ti etena adhisīlasikkhā, ‘‘munino monapathesu sikkhato’’ti etehi adhipaññāsikkhā. ‘‘Munino’’ti vā etena adhipaññāsikkhā, ‘‘monapathesu sikkhato’’ti etena tāsaṃ lokuttarasikkhānaṃ pubbabhāgapaṭipadā, ‘‘sokā na bhavantī’’tiādīhi sikkhāpāripūriyā ānisaṃso pakāsitoti veditabbaṃ. Sesaṃ vuttanayameva.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 7. саарибуд̇д̇асуд̇д̇ам̣ • 7. Sāriputtasuttaṃ
