| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. саарибуд̇д̇асуд̇д̇аван̣н̣анаа
3. Sāriputtasuttavaṇṇanā
33. д̇ад̇ияз, ‘‘саарибуд̇д̇а, маяаа сам̣кид̇д̇зна д̣̇зсид̇ам̣ д̇хаммам̣ д̇аад̣̇исзнаби на сугарам̣ вин̃н̃аад̇у’’нд̇и иминаа ад̇хиббааязнзва вад̣̇анд̇о т̇зрасса н̃аан̣ам̣ саб̣б̣амад̇иггамам̣. ан̃н̃аад̇ааро жа д̣̇уллабхаад̇и хи иминаа сааман̃н̃аважанзна саарибуд̇д̇ад̇т̇зрамби анд̇ог̇ад̇хам̣ гад̇ваа д̣̇ассзнд̇о д̇знаби ад̇д̇ано д̣̇зсанааяа д̣̇уббадивид̣̇д̇хабхаавам̣ д̣̇ассзд̇и.
33. Tatiye, ‘‘sāriputta, mayā saṃkhittena desitaṃ dhammaṃ tādisenapi na sukaraṃ viññātu’’nti iminā adhippāyeneva vadanto therassa ñāṇaṃ sabbamatikkamaṃ. Aññātāro ca dullabhāti hi iminā sāmaññavacanena sāriputtattherampi antogadhaṃ katvā dassento tenapi attano desanāya duppaṭividdhabhāvaṃ dasseti.
саммаад̇и хзд̇унаа гааран̣зна. д̇знааха ‘‘убааязнаа’’д̇иаад̣̇и. маанаабхисамаяаад̇и маанасса д̣̇ассанаабхисамаяаа. бахаанаабхисамаяод̇и жа д̣̇ассанаабхисамаяод̇и жа барин̃н̃аабхисамаяо вуд̇д̇о. арахад̇д̇амаг̇г̇о хи барин̃н̃аагижжасид̣̇д̇хияаа гижжавасзна маанам̣ бассад̇и, асаммохаббадивзд̇хавасзнаад̇и вуд̇д̇ам̣ ход̇и, аяамасса д̣̇ассанаабхисамаяо. д̇зна д̣̇идто бана бахаанаабхисамаяо жа. д̣̇ассанаабхисамаязна хи барин̃н̃аабхисамаяамзва бахийяад̇и. д̣̇идтависзна д̣̇идтасад̇д̇аанам̣ ж̇ийвид̇ам̣ вияа аяамасса бахаанаабхисамаяо . адтагат̇ааяам̣ бана бахаанаабхисамаяасса д̣̇ассанаабхисамаяанаананд̇арияагад̇д̇аа ‘‘бахаанаабхисамаязна’’ижжзва вуд̇д̇ам̣. бахаанаабхисамаяз хи г̇ахид̇з д̣̇ассанаабхисамаяо г̇ахид̇ова ход̇и.
Sammāti hetunā kāraṇena. Tenāha ‘‘upāyenā’’tiādi. Mānābhisamayāti mānassa dassanābhisamayā. Pahānābhisamayoti ca dassanābhisamayoti ca pariññābhisamayo vutto. Arahattamaggo hi pariññākiccasiddhiyā kiccavasena mānaṃ passati, asammohappaṭivedhavasenāti vuttaṃ hoti, ayamassa dassanābhisamayo. Tena diṭṭho pana pahānābhisamayo ca. Dassanābhisamayena hi pariññābhisamayameva pahīyati. Diṭṭhavisena diṭṭhasattānaṃ jīvitaṃ viya ayamassa pahānābhisamayo . Aṭṭhakathāyaṃ pana pahānābhisamayassa dassanābhisamayanānantariyakattā ‘‘pahānābhisamayena’’icceva vuttaṃ. Pahānābhisamaye hi gahite dassanābhisamayo gahitova hoti.
анд̇амагааси д̣̇угкассаад̇и арахад̇д̇амаг̇г̇зна маанасса бахийнад̇д̇аа яз имз ‘‘гааяаб̣анд̇ханасса анд̇о ж̇ийрад̇и (жуул̣ава. 278), харид̇анд̇ам̣ ваа’’д̇и (ма. ни. 1.304) звам̣ вуд̇д̇аанд̇имамарияаад̣̇анд̇о жа ‘‘анд̇амид̣̇ам̣, бхигкавз, ж̇ийвигаана’’нд̇и (сам̣. ни. 3.80; ид̇иву. 91) звам̣ вуд̇д̇алаамаганд̇о жа ‘‘саггааяо зго анд̇о’’д̇и (сам̣. ни. 3.103) звам̣ вуд̇д̇агодтаасанд̇о жа ‘‘зсзванд̇о д̣̇угкасса сабажжаяасан̇каяаа’’д̇и звам̣ вуд̇д̇агодтаасанд̇о жаад̇и жад̇д̇ааро анд̇аа, д̇зсу саб̣б̣ассзва ваддад̣̇угкасса ад̣̇ум̣ жад̇уд̇т̇агодисан̇каад̇ам̣ анд̇амагааси, барижчзд̣̇ам̣ баривадумам̣ агааси, анд̇имасамуд̣̇аяамад̇д̇аавасзсам̣ д̣̇угкамагаасийд̇и вуд̇д̇ам̣ ход̇и. д̇знааха ‘‘ваддад̣̇угкасса анд̇амагаасий’’д̇и.
Antamakāsidukkhassāti arahattamaggena mānassa pahīnattā ye ime ‘‘kāyabandhanassa anto jīrati (cūḷava. 278), haritantaṃ vā’’ti (ma. ni. 1.304) evaṃ vuttaantimamariyādanto ca ‘‘antamidaṃ, bhikkhave, jīvikāna’’nti (saṃ. ni. 3.80; itivu. 91) evaṃ vuttalāmakanto ca ‘‘sakkāyo eko anto’’ti (saṃ. ni. 3.103) evaṃ vuttakoṭṭhāsanto ca ‘‘esevanto dukkhassa sapaccayasaṅkhayā’’ti evaṃ vuttakoṭṭhāsanto cāti cattāro antā, tesu sabbasseva vaṭṭadukkhassa aduṃ catutthakoṭisaṅkhātaṃ antamakāsi, paricchedaṃ parivaṭumaṃ akāsi, antimasamudayamattāvasesaṃ dukkhamakāsīti vuttaṃ hoti. Tenāha ‘‘vaṭṭadukkhassa antamakāsī’’ti.
нану жа ‘‘бахаана’’нд̇и имасса нид̣̇д̣̇зсз ниб̣б̣аанам̣ ааг̇ад̇ам̣? ид̇ха бадиббассад̣̇д̇хиббахаанасан̇каад̇ам̣ арахад̇д̇апалам̣ вуд̇д̇ам̣, д̇асмаа нид̣̇д̣̇зсзнааяам̣ ван̣н̣анаа вируж̇жхад̇ийд̇и ааха ‘‘нид̣̇д̣̇зсз банаа’’д̇иаад̣̇и. д̇ад̇т̇а д̇аани бад̣̇аани ааг̇ад̇аанийд̇и д̇асмим̣ нид̣̇д̣̇зсз ‘‘бахаанам̣ вуубасамам̣ бадиниссаг̇г̇а’’нд̇иаад̣̇ийни (жуул̣ани. 75 уд̣̇аяамаан̣авабужчаанид̣̇д̣̇зсо) бад̣̇аани ааг̇ад̇аани.
Nanu ca ‘‘pahāna’’nti imassa niddese nibbānaṃ āgataṃ? Idha paṭippassaddhippahānasaṅkhātaṃ arahattaphalaṃ vuttaṃ, tasmā niddesenāyaṃ vaṇṇanā virujjhatīti āha ‘‘niddese panā’’tiādi. Tattha tāni padāni āgatānīti tasmiṃ niddese ‘‘pahānaṃ vūpasamaṃ paṭinissagga’’ntiādīni (cūḷani. 75 udayamāṇavapucchāniddeso) padāni āgatāni.
д̇хаммад̇аггабурзж̇аванд̇и иминаа д̇асмим̣ жад̇уд̇т̇аж̇жхаанавимогкз тад̇ваа жхаанан̇г̇аани вибассид̇ваа ад̇хиг̇ад̇ам̣ арахад̇д̇авимогкам̣ вад̣̇ад̇и. арахад̇д̇авимогкасса хи маг̇г̇асамбаяуд̇д̇асаммаасан̇габбасан̇каад̇о д̇хаммад̇агго бурзж̇аво ход̇и.
Dhammatakkapurejavanti iminā tasmiṃ catutthajjhānavimokkhe ṭhatvā jhānaṅgāni vipassitvā adhigataṃ arahattavimokkhaṃ vadati. Arahattavimokkhassa hi maggasampayuttasammāsaṅkappasaṅkhāto dhammatakko purejavo hoti.
саарибуд̇д̇асуд̇д̇аван̣н̣анаа нидтид̇аа.
Sāriputtasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. саарибуд̇д̇асуд̇д̇ам̣ • 3. Sāriputtasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. саарибуд̇д̇асуд̇д̇аван̣н̣анаа • 3. Sāriputtasuttavaṇṇanā
