| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. သာရိပုတ္တသုတ္တဝဏ္ဏနာ
3. Sāriputtasuttavaṇṇanā
၃. သာဝကဗောဓိ သာဝကပာရမိယော, တပ္ပရိယာပန္နံ ဉာဏံ သာဝကပာရမိဉာဏံ, တံ ပန ဒ္ဝိန္နံ အဂ္ဂသာဝကာနံ တတ္ထပိ ဓမ္မသေနာပတိနော ဧဝ သဝိသေသံ မတ္ထကံ ပတ္တံ, န ဣတရေသန္တိ အာဟ – ‘‘သာဝက။ပေ.။ အပ္ပတ္တတာယာ’’တိ။ တသ္မာ တသ္သ မတ္ထကပ္ပတ္တိယာ မဂ္ဂဗ္ရဟ္မစရိယေ ဣဇ္ဈန္တေ တသ္သ ဧကဒေသော ဣဓ ဣဇ္ဈတိ, န သကလန္တိ။ န ဟိ အဒ္ဓဗ္ရဟ္မစရိယံ နာမ အတ္ထိ, တသ္မာ ဝုတ္တံ, ‘‘သကလမ္ပိ ။ပေ.။ လဗ္ဘတီ’’တိ, တံ ပန ဘဏ္ဍာဂာရိကော နာညာသိ ဉာဏသ္သ သာဝကဝိသယေပိ သပ္ပဒေသိကတ္တာ, ဓမ္မသေနာပတိ ပန ဉာဏသ္သ တတ္ထ နိပ္ပဒေသိကတ္တာ အညာသီတိ။ တေနာဟ – ‘‘အာနန္ဒတ္ထေရော။ပေ.။ အညာသီ’’တိ။ ဧဝမာဟာတိ ‘‘သကလမိဒံ, ဘန္တေ’’တိ ဧဝံ အဝောစ။
3. Sāvakabodhi sāvakapāramiyo, tappariyāpannaṃ ñāṇaṃ sāvakapāramiñāṇaṃ, taṃ pana dvinnaṃ aggasāvakānaṃ tatthapi dhammasenāpatino eva savisesaṃ matthakaṃ pattaṃ, na itaresanti āha – ‘‘sāvaka…pe… appattatāyā’’ti. Tasmā tassa matthakappattiyā maggabrahmacariye ijjhante tassa ekadeso idha ijjhati, na sakalanti. Na hi addhabrahmacariyaṃ nāma atthi, tasmā vuttaṃ, ‘‘sakalampi…pe… labbhatī’’ti, taṃ pana bhaṇḍāgāriko nāññāsi ñāṇassa sāvakavisayepi sappadesikattā, dhammasenāpati pana ñāṇassa tattha nippadesikattā aññāsīti. Tenāha – ‘‘ānandatthero…pe… aññāsī’’ti. Evamāhāti ‘‘sakalamidaṃ, bhante’’ti evaṃ avoca.
သာရိပုတ္တသုတ္တဝဏ္ဏနာ နိဋ္ဌိတာ။
Sāriputtasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. သာရိပုတ္တသုတ္တံ • 3. Sāriputtasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. သာရိပုတ္တသုတ္တဝဏ္ဏနာ • 3. Sāriputtasuttavaṇṇanā
