| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਸਾਰਿਪੁਤ੍ਤਸੁਤ੍ਤવਣ੍ਣਨਾ
6. Sāriputtasuttavaṇṇanā
੨੧੪. ਛਟ੍ਠੇ ਪੋਰਿਯਾਤਿ ਅਕ੍ਖਰਾਦਿਪਰਿਪੁਣ੍ਣਾਯ। વਿਸ੍ਸਟ੍ਠਾਯਾਤਿ ਅવਿਬਦ੍ਧਾਯ ਅਪਲਿਬੁਦ੍ਧਾਯ। ਧਮ੍ਮਸੇਨਾਪਤਿਸ੍ਸ ਹਿ ਕਥੇਨ੍ਤਸ੍ਸ ਪਿਤ੍ਤਾਦੀਨਂ વਸੇਨ ਅਪਲਿਬੁਦ੍ਧવਚਨਂ ਹੋਤਿ, ਅਯਦਣ੍ਡੇਨ ਪਹਤਕਂਸਤਾਲਤੋ ਸਦ੍ਦੋ વਿਯ ਨਿਚ੍ਛਰਤਿ। ਅਨੇਲਗਲਾਯਾਤਿ ਅਨੇਲਾਯ ਅਗਲਾਯ ਨਿਦ੍ਦੋਸਾਯ ਚੇવ ਅਕ੍ਖਲਿਤਪਦਬ੍ਯਞ੍ਜਨਾਯ ਚ। ਥੇਰਸ੍ਸ ਹਿ ਕਥਯਤੋ ਪਦਂ વਾ ਬ੍ਯਞ੍ਜਨਂ વਾ ਨ ਪਰਿਹਾਯਤਿ। ਅਤ੍ਥਸ੍ਸ વਿਞ੍ਞਾਪਨਿਯਾਤਿ ਅਤ੍ਥਸ੍ਸ વਿਞ੍ਞਾਪਨਸਮਤ੍ਥਾਯ। ਭਿਕ੍ਖੁਨਨ੍ਤਿ ਭਿਕ੍ਖੂਨਂ।
214. Chaṭṭhe poriyāti akkharādiparipuṇṇāya. Vissaṭṭhāyāti avibaddhāya apalibuddhāya. Dhammasenāpatissa hi kathentassa pittādīnaṃ vasena apalibuddhavacanaṃ hoti, ayadaṇḍena pahatakaṃsatālato saddo viya niccharati. Anelagalāyāti anelāya agalāya niddosāya ceva akkhalitapadabyañjanāya ca. Therassa hi kathayato padaṃ vā byañjanaṃ vā na parihāyati. Atthassa viññāpaniyāti atthassa viññāpanasamatthāya. Bhikkhunanti bhikkhūnaṃ.
ਸਂਖਿਤ੍ਤੇਨਪੀਤਿ ‘‘ਚਤ੍ਤਾਰਿਮਾਨਿ, ਆવੁਸੋ, ਅਰਿਯਸਚ੍ਚਾਨਿ। ਕਤਮਾਨਿ ਚਤ੍ਤਾਰਿ? ਦੁਕ੍ਖਂ ਅਰਿਯਸਚ੍ਚਂ…ਪੇ॰… ਇਮਾਨਿ ਖੋ, ਆવੁਸੋ, ਚਤ੍ਤਾਰਿ ਅਰਿਯਸਚ੍ਚਾਨਿ, ਤਸ੍ਮਾਤਿਹ, ਆવੁਸੋ, ਇਦਂ ਦੁਕ੍ਖਂ ਅਰਿਯਸਚ੍ਚਨ੍ਤਿ ਯੋਗੋ ਕਰਣੀਯੋ’’ਤਿ (ਸਂ॰ ਨਿ॰ ੫.੧੦੯੬-੧੦੯੮) ਏવਂ ਸਂਖਿਤ੍ਤੇਨਪਿ ਦੇਸੇਤਿ। વਿਤ੍ਥਾਰੇਨਪੀਤਿ ‘‘ਕਤਮਂ, ਆવੁਸੋ, ਦੁਕ੍ਖਂ ਅਰਿਯਸਚ੍ਚ’’ਨ੍ਤਿਆਦਿਨਾ (ਮ॰ ਨਿ॰ ੩.੩੭੩) ਨਯੇਨ ਤਾਨੇવ વਿਭਜਨ੍ਤੋ વਿਤ੍ਥਾਰੇਨਪਿ ਭਾਸਤਿ। ਖਨ੍ਧਾਦਿਦੇਸਨਾਸੁਪਿ ਏਸੇવ ਨਯੋ। ਸਾਲ਼ਿਕਾਯਿવ ਨਿਗ੍ਘੋਸੋਤਿ ਯਥਾ ਮਧੁਰਂ ਅਮ੍ਬਪਕ੍ਕਂ ਸਾਯਿਤ੍વਾ ਪਕ੍ਖੇਹਿ વਾਤਂ ਦਤ੍વਾ ਮਧੁਰਸ੍ਸਰਂ ਨਿਚ੍ਛਾਰੇਨ੍ਤਿਯਾ ਸਾਲ਼ਿਕਸਕੁਣਿਯਾ ਨਿਗ੍ਘੋਸੋ, ਏવਂ ਥੇਰਸ੍ਸ ਧਮ੍ਮਂ ਕਥੇਨ੍ਤਸ੍ਸ ਮਧੁਰੋ ਨਿਗ੍ਘੋਸੋ ਹੋਤਿ। ਪਟਿਭਾਨਂ ਉਦੀਰਯੀਤਿ ਸਮੁਦ੍ਦਤੋ ਊਮਿਯੋ વਿਯ ਅਨਨ੍ਤਂ ਪਟਿਭਾਨਂ ਉਟ੍ਠਹਤਿ। ਓਧੇਨ੍ਤੀਤਿ ਓਦਹਨ੍ਤਿ। ਛਟ੍ਠਂ।
Saṃkhittenapīti ‘‘cattārimāni, āvuso, ariyasaccāni. Katamāni cattāri? Dukkhaṃ ariyasaccaṃ…pe… imāni kho, āvuso, cattāri ariyasaccāni, tasmātiha, āvuso, idaṃ dukkhaṃ ariyasaccanti yogo karaṇīyo’’ti (saṃ. ni. 5.1096-1098) evaṃ saṃkhittenapi deseti. Vitthārenapīti ‘‘katamaṃ, āvuso, dukkhaṃ ariyasacca’’ntiādinā (ma. ni. 3.373) nayena tāneva vibhajanto vitthārenapi bhāsati. Khandhādidesanāsupi eseva nayo. Sāḷikāyiva nigghosoti yathā madhuraṃ ambapakkaṃ sāyitvā pakkhehi vātaṃ datvā madhurassaraṃ nicchārentiyā sāḷikasakuṇiyā nigghoso, evaṃ therassa dhammaṃ kathentassa madhuro nigghoso hoti. Paṭibhānaṃ udīrayīti samuddato ūmiyo viya anantaṃ paṭibhānaṃ uṭṭhahati. Odhentīti odahanti. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਸਾਰਿਪੁਤ੍ਤਸੁਤ੍ਤਂ • 6. Sāriputtasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਸਾਰਿਪੁਤ੍ਤਸੁਤ੍ਤવਣ੍ਣਨਾ • 6. Sāriputtasuttavaṇṇanā
