| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਸਾਰਿਪੁਤ੍ਤਸੁਤ੍ਤવਣ੍ਣਨਾ
6. Sāriputtasuttavaṇṇanā
੨੧੪. વਾਕ੍ਕਰਣਚਾਤੁਰਿਯਤੋ વਚਨਗੁਣਹੇਤੂਨਂ ਪੂਰਿਯਾ ਪੂਰੇ ਭવਾਤਿ ਪੋਰੀ, ਤਾਯ ਪੋਰਿਯਾ। ਤੇਨਾਹ ‘‘ਅਕ੍ਖਰਾਦਿਪਰਿਪੁਣ੍ਣਾਯਾ’’ਤਿ। ਅવਿਬਦ੍ਧਾਯਾਤਿ ਪਿਤ੍ਤਾਦੀਹਿ ਨ વਿਬਦ੍ਧਾਯ ਅਨੁਪਦ੍ਦੁਤਾਯ। ਤੇਨਾਹ ‘‘ਅਪਲਿਬੁਦ੍ਧਾਯਾ’’ਤਿਆਦਿ। ਨਿਦ੍ਦੋਸਾਯਾਤਿ ਅਤ੍ਥਤੋ ਬ੍ਯਞ੍ਜਨਤੋ વਿਗਤਦੋਸਾਯ। ਅਕ੍ਖਲਿਤਪਦਬ੍ਯਞ੍ਜਨਾਯਾਤਿ ਅਗਲਿਤਪਦਬ੍ਯਞ੍ਜਨਾਯ, ਅਤ੍ਥਸ੍ਸ વਿਞ੍ਞਾਪਨਿਯਾਤਿ ਦਿਟ੍ਠਧਮ੍ਮਿਕਾਦਿਅਤ੍ਥਸ੍ਸ ਬੋਧਨੇ ਪਰਿਯਤ੍ਤਾਯ। ਭਿਕ੍ਖੁਨਨ੍ਤਿ ਗਾਥਾਸੁਖਤ੍ਥਂ ਰਸ੍ਸਂ ਕਤ੍વਾ વੁਤ੍ਤਂ।
214. Vākkaraṇacāturiyato vacanaguṇahetūnaṃ pūriyā pūre bhavāti porī, tāya poriyā. Tenāha ‘‘akkharādiparipuṇṇāyā’’ti. Avibaddhāyāti pittādīhi na vibaddhāya anupaddutāya. Tenāha ‘‘apalibuddhāyā’’tiādi. Niddosāyāti atthato byañjanato vigatadosāya. Akkhalitapadabyañjanāyāti agalitapadabyañjanāya, atthassa viññāpaniyāti diṭṭhadhammikādiatthassa bodhane pariyattāya. Bhikkhunanti gāthāsukhatthaṃ rassaṃ katvā vuttaṃ.
‘‘ਸਂਖਿਤ੍ਤੇਨਪਿ ਦੇਸੇਤਿ, વਿਤ੍ਥਾਰੇਨਪਿ ਭਾਸਤੀ’’ਤਿ ਨਯਿਦਂ ਪਠਮਂ ਉਦ੍ਦਿਸਿਤ੍વਾ ਤਸ੍ਸ ਅਤ੍ਥਸ੍ਸ ਕਿਤ੍ਤਨવਸੇਨ ਪવਤ੍ਤਿਤਂ વਚਨਂ ਸਨ੍ਧਾਯ વੁਤ੍ਤਂ। ਸਾ ਹਿ વਿਤ੍ਥਾਰਦੇਸਨਾ ਏવ ਹੋਤਿ। ਯਾ ਪਨ ਦੇਸਨਾ ਕਦਾਚਿ ਧਮ੍ਮਪਟਿਗ੍ਗਾਹਕਾਨਂ ਅਜ੍ਝਾਸਯવਸੇਨ ਸਂਖਿਤ੍ਤੇਨੇવ ਦਸ੍ਸੇਤ੍વਾ ਨਿਕ੍ਖਿਪਤਿ, ਯਾ ਚ ਕਦਾਚਿ વਿਤ੍ਥਾਰੇਨ, ਤਦੁਭਯਂ ਸਨ੍ਧਾਯ વੁਤ੍ਤਂ। ਤੇਨਾਹ ‘‘ਚਤ੍ਤਾਰਿਮਾਨੀ’’ਤਿਆਦਿ। ਸਭਾવਮਧੁਰੋ ਪਚ੍ਚਯવਸੇਨ ਮਧੁਰਤਰੋ ਹੋਤੀਤਿ ਦਸ੍ਸੇਤੁਂ ‘‘ਯਥਾ’’ਤਿਆਦਿ વੁਤ੍ਤਂ। વਿવਿਧਾਕਾਰਂ ਕਤ੍વਾ ਧਮ੍ਮਂ ਕਥੇਤੁਂ ਪਟਿਭਾਤੀਤਿ ਪਟਿਭਾਨਂ, ਦੇਸਨਾਪਕਾਰਞਾਣਂ। ਤੇਨਾਹ ‘‘ਸਮੁਦ੍ਦਤੋ’’ਤਿਆਦਿ। ਓਦਹਨ੍ਤੀਤਿ ਅવਜਾਨਨવਸੇਨ ਗਮੇਨ੍ਤਿ।
‘‘Saṃkhittenapi deseti, vitthārenapi bhāsatī’’ti nayidaṃ paṭhamaṃ uddisitvā tassa atthassa kittanavasena pavattitaṃ vacanaṃ sandhāya vuttaṃ. Sā hi vitthāradesanā eva hoti. Yā pana desanā kadāci dhammapaṭiggāhakānaṃ ajjhāsayavasena saṃkhitteneva dassetvā nikkhipati, yā ca kadāci vitthārena, tadubhayaṃ sandhāya vuttaṃ. Tenāha ‘‘cattārimānī’’tiādi. Sabhāvamadhuro paccayavasena madhurataro hotīti dassetuṃ ‘‘yathā’’tiādi vuttaṃ. Vividhākāraṃ katvā dhammaṃ kathetuṃ paṭibhātīti paṭibhānaṃ, desanāpakārañāṇaṃ. Tenāha ‘‘samuddato’’tiādi. Odahantīti avajānanavasena gamenti.
ਸਾਰਿਪੁਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sāriputtasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਸਾਰਿਪੁਤ੍ਤਸੁਤ੍ਤਂ • 6. Sāriputtasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਸਾਰਿਪੁਤ੍ਤਸੁਤ੍ਤવਣ੍ਣਨਾ • 6. Sāriputtasuttavaṇṇanā
