Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā

    2. саарибуд̇д̇ад̇т̇зраг̇аат̇ааван̣н̣анаа

    2. Sāriputtattheragāthāvaṇṇanā

    яат̇аажаарий яат̇аасад̇од̇иаад̣̇игаа ааяасмад̇о саарибуд̇д̇ад̇т̇зрасса г̇аат̇аа. д̇асса ааяасмад̇о махаамог̇г̇аллаанад̇т̇зрасса жа вад̇т̇у звам̣ взд̣̇ид̇аб̣б̣ам̣ – ад̇ийд̇з ид̇о сад̇асахассагаббаад̇хигз асан̇кязяяамад̇т̇агз ааяасмаа саарибуд̇д̇о б̣раахман̣амахаасаалагулз ниб̣б̣ад̇д̇и, наамзна сарад̣̇амаан̣аво наама ахоси. махаамог̇г̇аллаано г̇ахабад̇имахаасаалагулз ниб̣б̣ад̇д̇и, наамзна сиривад̣дхагудумб̣иго наама ахоси. д̇з убхоби сахабам̣сугийл̣агасахааяаа ахзсум̣. д̇зсу сарад̣̇амаан̣аво бид̇у ажжаязна гуласанд̇агам̣ д̇ханам̣ бадибаж̇ж̇ид̇ваа згад̣̇ивасам̣ рахог̇ад̇о жинд̇зси – ‘‘имзсам̣ сад̇д̇аанам̣ маран̣ам̣ наама зганд̇игам̣, д̇асмаа маяаа згам̣ баб̣б̣аж̇ж̇ам̣ убаг̇анд̇ваа могкамаг̇г̇о г̇авзсид̇аб̣б̣о’’д̇и сахааяам̣ убасан̇гамид̇ваа, самма, ахам̣ баб̣б̣аж̇ид̇угаамо, гим̣ д̇вам̣ баб̣б̣аж̇ид̇ум̣ сагкиссасий’’д̇и вад̇ваа д̇зна ‘‘на сагкиссаамий’’д̇и вуд̇д̇з ‘‘ход̇у ахамзва баб̣б̣аж̇иссаамий’’д̇и рад̇анагодтааг̇аараани вивараабзд̇ваа габан̣ад̣̇д̇хигаад̣̇ийнам̣ махаад̣̇аанам̣ д̣̇ад̇ваа баб̣б̣ад̇абаад̣̇ам̣ г̇анд̇ваа исибаб̣б̣аж̇ж̇ам̣ баб̣б̣аж̇и. д̇асса баб̣б̣аж̇ж̇ам̣ анубаб̣б̣аж̇ид̇аа жад̇усад̇д̇ад̇исахассамад̇д̇аа б̣раахман̣абуд̇д̇аа ахзсум̣. со бан̃жа абхин̃н̃ааяо адта жа самаабад̇д̇ияо ниб̣б̣ад̇д̇зд̇ваа д̇зсамби ж̇адилаанам̣ гасин̣абаригаммам̣ аажигки. д̇зби саб̣б̣з бан̃жаабхин̃н̃аа адта самаабад̇д̇ияо ниб̣б̣ад̇д̇зсум̣.

    Yathācārīyathāsatotiādikā āyasmato sāriputtattherassa gāthā. Tassa āyasmato mahāmoggallānattherassa ca vatthu evaṃ veditabbaṃ – atīte ito satasahassakappādhike asaṅkhyeyyamatthake āyasmā sāriputto brāhmaṇamahāsālakule nibbatti, nāmena saradamāṇavo nāma ahosi. Mahāmoggallāno gahapatimahāsālakule nibbatti, nāmena sirivaḍḍhakuṭumbiko nāma ahosi. Te ubhopi sahapaṃsukīḷakasahāyā ahesuṃ. Tesu saradamāṇavo pitu accayena kulasantakaṃ dhanaṃ paṭipajjitvā ekadivasaṃ rahogato cintesi – ‘‘imesaṃ sattānaṃ maraṇaṃ nāma ekantikaṃ, tasmā mayā ekaṃ pabbajjaṃ upagantvā mokkhamaggo gavesitabbo’’ti sahāyaṃ upasaṅkamitvā, samma, ahaṃ pabbajitukāmo, kiṃ tvaṃ pabbajituṃ sakkhissasī’’ti vatvā tena ‘‘na sakkhissāmī’’ti vutte ‘‘hotu ahameva pabbajissāmī’’ti ratanakoṭṭhāgārāni vivarāpetvā kapaṇaddhikādīnaṃ mahādānaṃ datvā pabbatapādaṃ gantvā isipabbajjaṃ pabbaji. Tassa pabbajjaṃ anupabbajitā catusattatisahassamattā brāhmaṇaputtā ahesuṃ. So pañca abhiññāyo aṭṭha ca samāpattiyo nibbattetvā tesampi jaṭilānaṃ kasiṇaparikammaṃ ācikkhi. Tepi sabbe pañcābhiññā aṭṭha samāpattiyo nibbattesuṃ.

    д̇зна самаязна аномад̣̇ассий наама саммаасамб̣уд̣̇д̇хо логз уббаж̇ж̇ид̇ваа бавад̇д̇ид̇аварад̇хаммажагго сад̇д̇з сам̣саарамахогхад̇о д̇аарзд̇ваа згад̣̇ивасам̣ ‘‘сарад̣̇ад̇аабасасса жа анд̇зваасигаанан̃жа сан̇г̇ахам̣ гариссаамий’’д̇и зго ад̣̇уд̇ияо бад̇д̇ажийварамаад̣̇ааяа аагаасзна г̇анд̇ваа ‘‘б̣уд̣̇д̇хабхаавам̣ мз ж̇аанаад̇уу’’д̇и д̇аабасасса бассанд̇ассзва аагаасад̇о од̇арид̇ваа бат̇авияам̣ бад̇идтааси. сарад̣̇ад̇аабасо сад̇т̇у сарийрз махаабурисалагкан̣аани убад̇хаарзд̇ваа ‘‘саб̣б̣ан̃н̃уб̣уд̣̇д̇хоязвааяа’’нд̇и нидтам̣ г̇анд̇ваа бажжуг̇г̇аманам̣ гад̇ваа аасанам̣ бан̃н̃аабзд̇ваа ад̣̇ааси. нисийд̣̇и бхаг̇аваа бан̃н̃ад̇д̇з аасанз. сарад̣̇ад̇аабасо сад̇т̇у санд̇игз згаманд̇ам̣ нисийд̣̇и.

    Tena samayena anomadassī nāma sammāsambuddho loke uppajjitvā pavattitavaradhammacakko satte saṃsāramahoghato tāretvā ekadivasaṃ ‘‘saradatāpasassa ca antevāsikānañca saṅgahaṃ karissāmī’’ti eko adutiyo pattacīvaramādāya ākāsena gantvā ‘‘buddhabhāvaṃ me jānātū’’ti tāpasassa passantasseva ākāsato otaritvā pathaviyaṃ patiṭṭhāsi. Saradatāpaso satthu sarīre mahāpurisalakkhaṇāni upadhāretvā ‘‘sabbaññubuddhoyevāya’’nti niṭṭhaṃ gantvā paccuggamanaṃ katvā āsanaṃ paññāpetvā adāsi. Nisīdi bhagavā paññatte āsane. Saradatāpaso satthu santike ekamantaṃ nisīdi.

    д̇асмим̣ самаяз д̇асса анд̇зваасигаа жад̇усад̇д̇ад̇исахассамад̇д̇аа ж̇адилаа бан̣ийд̇абан̣ийд̇аани ож̇аванд̇аани палаапалаани г̇ахзд̇ваа ааг̇ад̇аа сад̇т̇аарам̣ д̣̇исваа сан̃ж̇аад̇аббасаад̣̇аа ад̇д̇ано аажарияасса жа сад̇т̇у жа нисиннаагаарам̣ ологзд̇ваа, ‘‘аажарияа, маяам̣ буб̣б̣з ‘д̇умхзхи маханд̇ад̇аро гожи над̇т̇ий’д̇и вижараама, аяам̣ бана бурисо д̇умхзхи маханд̇ад̇аро ман̃н̃з’’д̇и аахам̣су. ‘‘гим̣ вад̣̇зт̇а, д̇аад̇аа? саасабзна сад̣̇д̇хим̣ адтасадтияож̇анасад̇асахассуб̣б̣зд̇хам̣ синзрум̣ самам̣ гаад̇ум̣ ижчат̇а? саб̣б̣ан̃н̃уб̣уд̣̇д̇хзна мам̣ д̇уляам̣ маа гарид̇т̇аа’’д̇и. ат̇а д̇з д̇аабасаа аажарияасса важанам̣ суд̇ваа ‘‘яаава махаа вад̇ааяам̣ бурисуд̇д̇амо’’д̇и саб̣б̣зва баад̣̇зсу нибад̇ид̇ваа сад̇т̇аарам̣ ванд̣̇им̣су.

    Tasmiṃ samaye tassa antevāsikā catusattatisahassamattā jaṭilā paṇītapaṇītāni ojavantāni phalāphalāni gahetvā āgatā satthāraṃ disvā sañjātappasādā attano ācariyassa ca satthu ca nisinnākāraṃ oloketvā, ‘‘ācariya, mayaṃ pubbe ‘tumhehi mahantataro koci natthī’ti vicarāma, ayaṃ pana puriso tumhehi mahantataro maññe’’ti āhaṃsu. ‘‘Kiṃ vadetha, tātā? Sāsapena saddhiṃ aṭṭhasaṭṭhiyojanasatasahassubbedhaṃ sineruṃ samaṃ kātuṃ icchatha? Sabbaññubuddhena maṃ tulyaṃ mā karitthā’’ti. Atha te tāpasā ācariyassa vacanaṃ sutvā ‘‘yāva mahā vatāyaṃ purisuttamo’’ti sabbeva pādesu nipatitvā satthāraṃ vandiṃsu.

    ат̇а д̇з аажарияо ааха – ‘‘д̇аад̇аа, сад̇т̇у анужчавиго но д̣̇зяяад̇хаммо над̇т̇и, сад̇т̇аа жа бхигкаажааравзлааяа ид̇хааг̇ад̇о, ханд̣̇а маяам̣ д̣̇зяяад̇хаммам̣ яат̇ааб̣алам̣ д̣̇ассаама. д̇умхзхи яам̣ яам̣ бан̣ийд̇ам̣ палаапалам̣ аабхад̇ам̣, д̇ам̣ д̇ам̣ аахарат̇аа’’д̇и аахараабзд̇ваа хад̇т̇з д̇ховид̇ваа саяам̣ д̇ат̇ааг̇ад̇асса бад̇д̇з бад̇идтаабзси. сад̇т̇аараа жа палаапалз бадиг̇г̇ан̣хид̇амад̇д̇з д̣̇звад̇аа д̣̇иб̣б̣ож̇ам̣ багкибим̣су. д̇аабасо уд̣̇агамби саяамзва бариссаавзд̇ваа ад̣̇ааси. д̇ад̇о бхож̇анагижжам̣ нидтаабзд̇ваа сад̇т̇ари нисиннз саб̣б̣з анд̇зваасигз баггосид̇ваа сад̇т̇у санд̇игз сааран̣ийяам̣ гат̇ам̣ гат̇знд̇о нисийд̣̇и. сад̇т̇аа ‘‘д̣̇вз аг̇г̇асаавагаа бхигкусан̇гхзна сад̣̇д̇хим̣ ааг̇ажчанд̇уу’’д̇и жинд̇зси. д̇з сад̇т̇у жид̇д̇ам̣ н̃ад̇ваа д̇аавад̣̇зва сад̇асахассакийн̣аасавабариваараа аг̇г̇асаавагаа ааг̇анд̇ваа сад̇т̇аарам̣ ванд̣̇ид̇ваа згаманд̇ам̣ адтам̣су.

    Atha te ācariyo āha – ‘‘tātā, satthu anucchaviko no deyyadhammo natthi, satthā ca bhikkhācāravelāya idhāgato, handa mayaṃ deyyadhammaṃ yathābalaṃ dassāma. Tumhehi yaṃ yaṃ paṇītaṃ phalāphalaṃ ābhataṃ, taṃ taṃ āharathā’’ti āharāpetvā hatthe dhovitvā sayaṃ tathāgatassa patte patiṭṭhāpesi. Satthārā ca phalāphale paṭiggaṇhitamatte devatā dibbojaṃ pakkhipiṃsu. Tāpaso udakampi sayameva parissāvetvā adāsi. Tato bhojanakiccaṃ niṭṭhāpetvā satthari nisinne sabbe antevāsike pakkositvā satthu santike sāraṇīyaṃ kathaṃ kathento nisīdi. Satthā ‘‘dve aggasāvakā bhikkhusaṅghena saddhiṃ āgacchantū’’ti cintesi. Te satthu cittaṃ ñatvā tāvadeva satasahassakhīṇāsavaparivārā aggasāvakā āgantvā satthāraṃ vanditvā ekamantaṃ aṭṭhaṃsu.

    д̇ад̇о сарад̣̇ад̇аабасо анд̇зваасигз ааманд̇зси – ‘‘д̇аад̇аа, сад̇т̇у бхигкусан̇гхасса жа бубпаасанзна бууж̇аа гаад̇аб̣б̣аа, д̇асмаа бубпаани аахарат̇аа’’д̇и. д̇з д̇аавад̣̇зва ид̣̇д̇хияаа ван̣н̣аг̇анд̇хасамбаннаани бубпаани аахарид̇ваа б̣уд̣̇д̇хасса яож̇анаббамаан̣ам̣ бубпаасанам̣ бан̃н̃аабзсум̣, убхиннам̣ аг̇г̇асаавагаанам̣ д̇иг̇аавуд̇ам̣, сзсабхигкуунам̣ ад̣дхаяож̇анигаад̣̇ибхзд̣̇ам̣, сан̇гханавагасса усабхамад̇д̇ам̣ бан̃н̃аабзсум̣. звам̣ д̇зсам̣ бан̃н̃ад̇д̇зсу аасанзсу сарад̣̇ад̇аабасо д̇ат̇ааг̇ад̇асса бурад̇о ан̃ж̇алим̣ баг̇г̇аяха тид̇о – ‘‘бханд̇з, маяхам̣ ануг̇г̇ахад̇т̇ааяа имам̣ бубпаасанам̣ абхирухат̇аа’’д̇и ааха. нисийд̣̇и бхаг̇аваа бубпаасанз. сад̇т̇ари нисиннз д̣̇вз аг̇г̇асаавагаа сзсабхигкуу жа ад̇д̇ано ад̇д̇ано бад̇д̇аасанз нисийд̣̇им̣су. сад̇т̇аа ‘‘д̇зсам̣ махабпалам̣ ход̇уу’’д̇и нирод̇хам̣ самаабаж̇ж̇и. сад̇т̇у самаабаннабхаавам̣ н̃ад̇ваа д̣̇вз аг̇г̇асаавагааби сзсабхигкууби нирод̇хам̣ самаабаж̇ж̇им̣су. д̇аабасо сад̇д̇аахам̣ ниранд̇арам̣ бубпажчад̇д̇ам̣ д̇хаарзнд̇о адтааси. ид̇арз бана ванамуулапалаапалам̣ барибхун̃ж̇ид̇ваа сзсагаалз ан̃ж̇алим̣ баг̇г̇аяха адтам̣су.

    Tato saradatāpaso antevāsike āmantesi – ‘‘tātā, satthu bhikkhusaṅghassa ca pupphāsanena pūjā kātabbā, tasmā pupphāni āharathā’’ti. Te tāvadeva iddhiyā vaṇṇagandhasampannāni pupphāni āharitvā buddhassa yojanappamāṇaṃ pupphāsanaṃ paññāpesuṃ, ubhinnaṃ aggasāvakānaṃ tigāvutaṃ, sesabhikkhūnaṃ aḍḍhayojanikādibhedaṃ, saṅghanavakassa usabhamattaṃ paññāpesuṃ. Evaṃ tesaṃ paññattesu āsanesu saradatāpaso tathāgatassa purato añjaliṃ paggayha ṭhito – ‘‘bhante, mayhaṃ anuggahatthāya imaṃ pupphāsanaṃ abhiruhathā’’ti āha. Nisīdi bhagavā pupphāsane. Satthari nisinne dve aggasāvakā sesabhikkhū ca attano attano pattāsane nisīdiṃsu. Satthā ‘‘tesaṃ mahapphalaṃ hotū’’ti nirodhaṃ samāpajji. Satthu samāpannabhāvaṃ ñatvā dve aggasāvakāpi sesabhikkhūpi nirodhaṃ samāpajjiṃsu. Tāpaso sattāhaṃ nirantaraṃ pupphacchattaṃ dhārento aṭṭhāsi. Itare pana vanamūlaphalāphalaṃ paribhuñjitvā sesakāle añjaliṃ paggayha aṭṭhaṃsu.

    сад̇т̇аа сад̇д̇аахасса ажжаязна нирод̇хад̇о вудтааяа аг̇г̇асаавагам̣ нисабхад̇т̇зрам̣ ааманд̇зси – ‘‘д̇аабасаанам̣ бубпаасанаанумод̣̇анам̣ гарохий’’д̇и. т̇зро саавагабаарамийн̃аан̣з тад̇ваа д̇зсам̣ бубпаасанаанумод̣̇анам̣ агааси. д̇асса д̣̇зсанаавасаанз сад̇т̇аа д̣̇уд̇ияам̣ аг̇г̇асаавагам̣ аномад̇т̇зрам̣ ааманд̇зси – ‘‘д̇вамби имзсам̣ д̇хаммам̣ д̣̇зсзхий’’д̇и. соби д̇збидагам̣ б̣уд̣̇д̇хаважанам̣ саммасид̇ваа д̇зсам̣ д̇хаммам̣ гат̇зси. д̣̇виннамби д̣̇зсанааяа згассаби д̇хаммаабхисамаяо наахоси. ат̇а сад̇т̇аа б̣уд̣̇д̇хависаяз тад̇ваа д̇хаммад̣̇зсанам̣ аарабхи. д̣̇зсанаавасаанз табзд̇ваа сарад̣̇ад̇аабасам̣ авасзсаа саб̣б̣зби жад̇усад̇д̇ад̇исахассамад̇д̇аа ж̇адилаа арахад̇д̇ам̣ баабун̣им̣су. сад̇т̇аа ‘‘зт̇а, бхигкаво’’д̇и хад̇т̇ам̣ басаарзси. д̇з д̇аавад̣̇зва анд̇арахид̇ад̇аабасавзсаа адтабаригкаараварад̇хараа садтивассигад̇т̇зраа вияа ахзсум̣.

    Satthā sattāhassa accayena nirodhato vuṭṭhāya aggasāvakaṃ nisabhattheraṃ āmantesi – ‘‘tāpasānaṃ pupphāsanānumodanaṃ karohī’’ti. Thero sāvakapāramīñāṇe ṭhatvā tesaṃ pupphāsanānumodanaṃ akāsi. Tassa desanāvasāne satthā dutiyaṃ aggasāvakaṃ anomattheraṃ āmantesi – ‘‘tvampi imesaṃ dhammaṃ desehī’’ti. Sopi tepiṭakaṃ buddhavacanaṃ sammasitvā tesaṃ dhammaṃ kathesi. Dvinnampi desanāya ekassapi dhammābhisamayo nāhosi. Atha satthā buddhavisaye ṭhatvā dhammadesanaṃ ārabhi. Desanāvasāne ṭhapetvā saradatāpasaṃ avasesā sabbepi catusattatisahassamattā jaṭilā arahattaṃ pāpuṇiṃsu. Satthā ‘‘etha, bhikkhavo’’ti hatthaṃ pasāresi. Te tāvadeva antarahitatāpasavesā aṭṭhaparikkhāravaradharā saṭṭhivassikattherā viya ahesuṃ.

    сарад̣̇ад̇аабасо бана ‘‘ахо вад̇аахамби аяам̣ нисабхад̇т̇зро вияа анааг̇ад̇з згасса б̣уд̣̇д̇хасса аг̇г̇асааваго бхавзяяа’’нд̇и сад̇т̇у д̣̇зсанаагаалз уббаннабаривид̇аггад̇ааяа ан̃н̃авихид̇о худ̇ваа маг̇г̇апалаани бадивиж̇жхид̇ум̣ наасагки. ат̇а д̇ат̇ааг̇ад̇ам̣ ванд̣̇ид̇ваа д̇ат̇аа бан̣ид̇хаанам̣ агааси. сад̇т̇аабисса ананд̇арааязна самиж̇жханабхаавам̣ д̣̇исваа – ‘‘ид̇о д̇вам̣ габбасад̇асахассаад̇хигам̣ згам̣ асан̇кязяяам̣ ад̇иггамид̇ваа г̇од̇амасса наама саммаасамб̣уд̣̇д̇хасса аг̇г̇асааваго саарибуд̇д̇о наама бхависсасий’’д̇и б̣яаагарид̇ваа д̇хаммагат̇ам̣ вад̇ваа бхигкусан̇гхабаривуд̇о аагаасам̣ багканд̣̇и.

    Saradatāpaso pana ‘‘aho vatāhampi ayaṃ nisabhatthero viya anāgate ekassa buddhassa aggasāvako bhaveyya’’nti satthu desanākāle uppannaparivitakkatāya aññavihito hutvā maggaphalāni paṭivijjhituṃ nāsakkhi. Atha tathāgataṃ vanditvā tathā paṇidhānaṃ akāsi. Satthāpissa anantarāyena samijjhanabhāvaṃ disvā – ‘‘ito tvaṃ kappasatasahassādhikaṃ ekaṃ asaṅkhyeyyaṃ atikkamitvā gotamassa nāma sammāsambuddhassa aggasāvako sāriputto nāma bhavissasī’’ti byākaritvā dhammakathaṃ vatvā bhikkhusaṅghaparivuto ākāsaṃ pakkhandi.

    сарад̣̇ад̇аабасоби сахааяагасса сиривад̣дхасса санд̇игам̣ г̇анд̇ваа, самма, маяаа аномад̣̇ассисса бхаг̇авад̇о баад̣̇амуулз анааг̇ад̇з уббаж̇ж̇анагасса г̇од̇амасса наама саммаасамб̣уд̣̇д̇хасса аг̇г̇асаавагадтаанам̣ бад̇т̇ид̇ам̣, д̇вамби д̇асса д̣̇уд̇ияасаавагадтаанам̣ бад̇т̇зхийд̇и.

    Saradatāpasopi sahāyakassa sirivaḍḍhassa santikaṃ gantvā, samma, mayā anomadassissa bhagavato pādamūle anāgate uppajjanakassa gotamassa nāma sammāsambuddhassa aggasāvakaṭṭhānaṃ patthitaṃ, tvampi tassa dutiyasāvakaṭṭhānaṃ patthehīti.

    сиривад̣дхо д̇ам̣ убад̣̇зсам̣ суд̇ваа ад̇д̇ано нивзсанад̣̇ваарз адтагарийсамад̇д̇ам̣ таанам̣ самад̇алам̣ гаарзд̇ваа лааж̇абан̃жамаани бубпаани вигирид̇ваа нийлуббалажчад̣̇анам̣ ман̣д̣абам̣ гаарзд̇ваа б̣уд̣̇д̇хаасанам̣ бан̃н̃аабзд̇ваа бхигкуунамби аасанаани бан̃н̃аабзд̇ваа маханд̇ам̣ саггаарасаммаанам̣ саж̇ж̇зд̇ваа, сарад̣̇ад̇аабасзна сад̇т̇аарам̣ ниманд̇аабзд̇ваа сад̇д̇аахам̣ махаад̣̇аанам̣ бавад̇д̇зд̇ваа, б̣уд̣̇д̇хаббамукам̣ бхигкусан̇гхам̣ махаарахзхи вад̇т̇зхи ажчаад̣̇зд̇ваа, д̣̇уд̇ияасаавагабхаавааяа бан̣ид̇хаанам̣ агааси. сад̇т̇аабисса ананд̇арааязна самиж̇жханабхаавам̣ д̣̇исваа вуд̇д̇анаязна б̣яаагарид̇ваа бхад̇д̇аанумод̣̇анам̣ гад̇ваа баггаами. сиривад̣дхо хадтабахадто яааваж̇ийвам̣ гусалагаммам̣ гад̇ваа д̣̇уд̇ияажид̇д̇аваарз гаамааважарад̣̇звалогз ниб̣б̣ад̇д̇и. сарад̣̇ад̇аабасо жад̇д̇ааро б̣рахмавихаарз бхаавзд̇ваа б̣рахмалогз ниб̣б̣ад̇д̇и.

    Sirivaḍḍho taṃ upadesaṃ sutvā attano nivesanadvāre aṭṭhakarīsamattaṃ ṭhānaṃ samatalaṃ kāretvā lājapañcamāni pupphāni vikiritvā nīluppalacchadanaṃ maṇḍapaṃ kāretvā buddhāsanaṃ paññāpetvā bhikkhūnampi āsanāni paññāpetvā mahantaṃ sakkārasammānaṃ sajjetvā, saradatāpasena satthāraṃ nimantāpetvā sattāhaṃ mahādānaṃ pavattetvā, buddhappamukhaṃ bhikkhusaṅghaṃ mahārahehi vatthehi acchādetvā, dutiyasāvakabhāvāya paṇidhānaṃ akāsi. Satthāpissa anantarāyena samijjhanabhāvaṃ disvā vuttanayena byākaritvā bhattānumodanaṃ katvā pakkāmi. Sirivaḍḍho haṭṭhapahaṭṭho yāvajīvaṃ kusalakammaṃ katvā dutiyacittavāre kāmāvacaradevaloke nibbatti. Saradatāpaso cattāro brahmavihāre bhāvetvā brahmaloke nibbatti.

    д̇ад̇о бадтааяа нзсам̣ убхиннамби анд̇араагаммам̣ на гат̇ид̇ам̣. амхаагам̣ бана бхаг̇авад̇о уббад̇д̇ид̇о бурзд̇арамзва сарад̣̇ад̇аабасо рааж̇аг̇ахасса авид̣̇уурз убад̇иссаг̇аамз руубасаарияаа б̣раахман̣ияаа гужчимхи бадисанд̇хим̣ г̇ан̣хи. д̇ам̣д̣̇ивасамзвасса сахааяоби рааж̇аг̇ахассзва авид̣̇уурз голид̇аг̇аамз мог̇г̇алияаа б̣раахман̣ияаа гужчимхи бадисанд̇хим̣ г̇ан̣хи. д̇аани гира д̣̇взби гулаани яаава сад̇д̇амаа гулабариваддаа ааб̣ад̣̇д̇хабадиб̣ад̣̇д̇хасахааяагаанзва. д̇зсам̣ д̣̇виннам̣ згад̣̇ивасамзва г̇аб̣бхабарихаарамад̣̇ам̣су. д̣̇асамаасажжаязна ж̇аад̇аанамби д̇зсам̣ часадти д̇хаад̇ияо убадтаабзсум̣, наамаг̇г̇ахан̣ад̣̇ивасз руубасаариб̣раахман̣ияаа буд̇д̇асса убад̇иссаг̇аамз ж̇здтагуласса буд̇д̇ад̇д̇аа убад̇иссод̇и наамам̣ агам̣су. ид̇арасса голид̇аг̇аамз ж̇здтагуласса буд̇д̇ад̇д̇аа голид̇од̇и наамам̣ агам̣су. д̇з убхоби махад̇аа бариваарзна вад̣дханд̇аа вуд̣̇д̇химанвааяа саб̣б̣асиббаанам̣ баарам̣ аг̇амам̣су.

    Tato paṭṭhāya nesaṃ ubhinnampi antarākammaṃ na kathitaṃ. Amhākaṃ pana bhagavato uppattito puretarameva saradatāpaso rājagahassa avidūre upatissagāme rūpasāriyā brāhmaṇiyā kucchimhi paṭisandhiṃ gaṇhi. Taṃdivasamevassa sahāyopi rājagahasseva avidūre kolitagāme moggaliyā brāhmaṇiyā kucchimhi paṭisandhiṃ gaṇhi. Tāni kira dvepi kulāni yāva sattamā kulaparivaṭṭā ābaddhapaṭibaddhasahāyakāneva. Tesaṃ dvinnaṃ ekadivasameva gabbhaparihāramadaṃsu. Dasamāsaccayena jātānampi tesaṃ chasaṭṭhi dhātiyo upaṭṭhāpesuṃ, nāmaggahaṇadivase rūpasāribrāhmaṇiyā puttassa upatissagāme jeṭṭhakulassa puttattā upatissoti nāmaṃ akaṃsu. Itarassa kolitagāme jeṭṭhakulassa puttattā kolitoti nāmaṃ akaṃsu. Te ubhopi mahatā parivārena vaḍḍhantā vuddhimanvāya sabbasippānaṃ pāraṃ agamaṃsu.

    ат̇згад̣̇ивасам̣ д̇з рааж̇аг̇ахз г̇ираг̇г̇асамаж̇ж̇ам̣ бассанд̇аа махааж̇анам̣ саннибад̇ид̇ам̣ д̣̇исваа н̃аан̣асса барибаагаг̇ад̇ад̇д̇аа яонисо уммуж̇ж̇анд̇аа ‘‘саб̣б̣збимз орам̣ вассасад̇аанам̣ мажжумукз бад̇иссанд̇ий’’д̇и сам̣взг̇ам̣ бадилабхид̇ваа ‘‘амхзхи могкад̇хаммо бариязсид̇аб̣б̣о, д̇ан̃жа бариязсанд̇зхи згам̣ баб̣б̣аж̇ж̇ам̣ лад̣̇д̇хум̣ ваддад̇ий’’д̇и нижчаяам̣ гад̇ваа бан̃жахи маан̣авагасад̇зхи сад̣̇д̇хим̣ сан̃жаяасса бариб̣б̣ааж̇агасса санд̇игз баб̣б̣аж̇им̣су. д̇зсам̣ баб̣б̣аж̇ид̇агаалад̇о бадтааяа сан̃жаяо лаабхаг̇г̇аяасаг̇г̇аббад̇д̇о ахоси . д̇з гад̇ибаахзнзва саб̣б̣ам̣ сан̃жаяасса самаяам̣ бариг̇г̇ан̣хид̇ваа д̇ад̇т̇а саарам̣ ад̣̇исваа д̇ад̇о нигкамид̇ваа д̇ад̇т̇а д̇ад̇т̇а д̇з д̇з бан̣д̣ид̇асаммад̇з саман̣аб̣раахман̣з бан̃хам̣ бужчанд̇и, д̇з д̇зхи будтаа нзва самбааяанд̇и, ан̃н̃ад̣̇ад̇т̇у д̇зязва д̇зсам̣ бан̃хам̣ виссаж̇ж̇знд̇и. звам̣ д̇з могкам̣ бариязсанд̇аа гад̇игам̣ агам̣су – ‘‘амхзсу яо батамам̣ амад̇ам̣ ад̇хиг̇ажчад̇и, со ид̇арасса аарожзд̇уу’’д̇и.

    Athekadivasaṃ te rājagahe giraggasamajjaṃ passantā mahājanaṃ sannipatitaṃ disvā ñāṇassa paripākagatattā yoniso ummujjantā ‘‘sabbepime oraṃ vassasatānaṃ maccumukhe patissantī’’ti saṃvegaṃ paṭilabhitvā ‘‘amhehi mokkhadhammo pariyesitabbo, tañca pariyesantehi ekaṃ pabbajjaṃ laddhuṃ vaṭṭatī’’ti nicchayaṃ katvā pañcahi māṇavakasatehi saddhiṃ sañcayassa paribbājakassa santike pabbajiṃsu. Tesaṃ pabbajitakālato paṭṭhāya sañcayo lābhaggayasaggappatto ahosi . Te katipāheneva sabbaṃ sañcayassa samayaṃ pariggaṇhitvā tattha sāraṃ adisvā tato nikkhamitvā tattha tattha te te paṇḍitasammate samaṇabrāhmaṇe pañhaṃ pucchanti, te tehi puṭṭhā neva sampāyanti, aññadatthu teyeva tesaṃ pañhaṃ vissajjenti. Evaṃ te mokkhaṃ pariyesantā katikaṃ akaṃsu – ‘‘amhesu yo paṭhamaṃ amataṃ adhigacchati, so itarassa ārocetū’’ti.

    д̇зна жа самаязна амхаагам̣ сад̇т̇ари батамаабхисамб̣од̇хим̣ бад̇ваа бавад̇д̇ид̇аварад̇хаммажаггз анубуб̣б̣зна урувзлагассабаад̣̇игз сахассаж̇адилз д̣̇амзд̇ваа рааж̇аг̇ахз вихаранд̇з згад̣̇ивасам̣ убад̇иссо бариб̣б̣ааж̇аго бариб̣б̣ааж̇агаараамам̣ г̇ажчанд̇о ааяасманд̇ам̣ ассаж̇ид̇т̇зрам̣ рааж̇аг̇ахз бин̣д̣ааяа жаранд̇ам̣ д̣̇исваа ‘‘на маяаа зваруубо аагаббасамбанно баб̣б̣аж̇ид̇о д̣̇идтабуб̣б̣о, санд̇ад̇хаммзна наама зд̇т̇а бхавид̇аб̣б̣а’’нд̇и сан̃ж̇аад̇аббасаад̣̇о бан̃хам̣ бужчид̇ум̣ ааяасманд̇ам̣ уд̣̇игканд̇о бидтид̇о бидтид̇о ануб̣анд̇хи. т̇зроби лад̣̇д̇хабин̣д̣абаад̇о барибхун̃ж̇ид̇ум̣ бад̇ируубам̣ огаасам̣ г̇ад̇о. бариб̣б̣ааж̇аго ад̇д̇ано бариб̣б̣ааж̇агабийтам̣ бан̃н̃аабзд̇ваа ад̣̇ааси. бхад̇д̇агижжабарияосаанз жасса ад̇д̇ано гун̣д̣игааяа уд̣̇агам̣ ад̣̇ааси.

    Tena ca samayena amhākaṃ satthari paṭhamābhisambodhiṃ patvā pavattitavaradhammacakke anupubbena uruvelakassapādike sahassajaṭile dametvā rājagahe viharante ekadivasaṃ upatisso paribbājako paribbājakārāmaṃ gacchanto āyasmantaṃ assajittheraṃ rājagahe piṇḍāya carantaṃ disvā ‘‘na mayā evarūpo ākappasampanno pabbajito diṭṭhapubbo, santadhammena nāma ettha bhavitabba’’nti sañjātappasādo pañhaṃ pucchituṃ āyasmantaṃ udikkhanto piṭṭhito piṭṭhito anubandhi. Theropi laddhapiṇḍapāto paribhuñjituṃ patirūpaṃ okāsaṃ gato. Paribbājako attano paribbājakapīṭhaṃ paññāpetvā adāsi. Bhattakiccapariyosāne cassa attano kuṇḍikāya udakaṃ adāsi.

    звам̣ со аажарияавад̇д̇ам̣ гад̇ваа гад̇абхад̇д̇агижжзна т̇зрзна сад̣̇д̇хим̣ бадисант̇аарам̣ гад̇ваа ‘‘го ваа д̇з сад̇т̇аа, гасса ваа д̇вам̣ д̇хаммам̣ рожзсий’’д̇и бужчи. т̇зро саммаасамб̣уд̣̇д̇хам̣ абад̣̇иси. буна д̇зна ‘‘гим̣ваад̣̇ий банааяасмад̇о сад̇т̇аа’’д̇и будто ‘‘имасса саасанасса г̇амбхийрад̇ам̣ д̣̇ассзссаамий’’д̇и ад̇д̇ано навагабхаавам̣ бавзд̣̇зд̇ваа сан̇кзбавасзна жасса саасанад̇хаммам̣ гат̇знд̇о ‘‘яз д̇хаммаа хзд̇уббабхаваа’’д̇и (махаава. 60; аба. т̇зра 1.1.286; бздаго. 9) г̇аат̇амааха. бариб̣б̣ааж̇аго батамабад̣̇ад̣̇ваяамзва суд̇ваа сахассанаяасамбаннз сод̇аабад̇д̇ипалз бад̇идтааси, ид̇арам̣ бад̣̇ад̣̇ваяам̣ сод̇аабаннагаалз нидтааси. г̇аат̇аабарияосаанз бана сод̇аабанно худ̇ваа убари висзсз аббавад̇д̇знд̇з ‘‘бхависсад̇и зд̇т̇а гааран̣а’’нд̇и саллагкзд̇ваа т̇зрам̣ ааха – ‘‘маа, бханд̇з, убари д̇хаммад̣̇зсанам̣ вад̣дхаяид̇т̇а, зд̇д̇агамзва ход̇у, гахам̣ амхаагам̣ сад̇т̇аа васад̇ий’’д̇и? ‘‘взл̣уванз’’д̇и. ‘‘бханд̇з, д̇умхз бурад̇о г̇ажчат̇а, ахам̣ маяхам̣ сахааяагасса гад̇абадин̃н̃ам̣ можзд̇ваа д̇ам̣ г̇ахзд̇ваа ааг̇амиссаамий’’д̇и бан̃жабад̇идтид̇зна ванд̣̇ид̇ваа д̇игкад̇д̇ум̣ бад̣̇агкин̣ам̣ гад̇ваа т̇зрам̣ уяяож̇зд̇ваа бариб̣б̣ааж̇агаараамам̣ аг̇амааси.

    Evaṃ so ācariyavattaṃ katvā katabhattakiccena therena saddhiṃ paṭisanthāraṃ katvā ‘‘ko vā te satthā, kassa vā tvaṃ dhammaṃ rocesī’’ti pucchi. Thero sammāsambuddhaṃ apadisi. Puna tena ‘‘kiṃvādī panāyasmato satthā’’ti puṭṭho ‘‘imassa sāsanassa gambhīrataṃ dassessāmī’’ti attano navakabhāvaṃ pavedetvā saṅkhepavasena cassa sāsanadhammaṃ kathento ‘‘ye dhammā hetuppabhavā’’ti (mahāva. 60; apa. thera 1.1.286; peṭako. 9) gāthamāha. Paribbājako paṭhamapadadvayameva sutvā sahassanayasampanne sotāpattiphale patiṭṭhāsi, itaraṃ padadvayaṃ sotāpannakāle niṭṭhāsi. Gāthāpariyosāne pana sotāpanno hutvā upari visese appavattente ‘‘bhavissati ettha kāraṇa’’nti sallakkhetvā theraṃ āha – ‘‘mā, bhante, upari dhammadesanaṃ vaḍḍhayittha, ettakameva hotu, kahaṃ amhākaṃ satthā vasatī’’ti? ‘‘Veḷuvane’’ti. ‘‘Bhante, tumhe purato gacchatha, ahaṃ mayhaṃ sahāyakassa katapaṭiññaṃ mocetvā taṃ gahetvā āgamissāmī’’ti pañcapatiṭṭhitena vanditvā tikkhattuṃ padakkhiṇaṃ katvā theraṃ uyyojetvā paribbājakārāmaṃ agamāsi.

    голид̇абариб̣б̣ааж̇аго д̇ам̣ д̣̇уурад̇ова ааг̇ажчанд̇ам̣ д̣̇исваа ‘‘мукаван̣н̣о на ан̃н̃ад̣̇ивасзсу вияа, ад̣̇д̇хаанзна амад̇ам̣ ад̇хиг̇ад̇ам̣ бхависсад̇ий’’д̇и д̇знзвасса висзсаад̇хиг̇амам̣ самбхаавзд̇ваа амад̇аад̇хиг̇амам̣ бужчи. собисса ‘‘аамаавусо, амад̇ам̣ ад̇хиг̇ад̇а’’нд̇и бадиж̇аанид̇ваа д̇амзва г̇аат̇ам̣ абхааси. г̇аат̇аабарияосаанз голид̇о сод̇аабад̇д̇ипалз бад̇идтахид̇ваа ааха – ‘‘гахам̣ но сад̇т̇аа’’д̇и? ‘‘взл̣уванз’’д̇и. ‘‘д̇зна хи, аавусо, ааяаама, сад̇т̇аарам̣ бассиссаамаа’’д̇и. убад̇иссо саб̣б̣агааламби аажарияабууж̇агова, д̇асмаа сан̃жаяасса санд̇игам̣ г̇анд̇ваа сад̇т̇у г̇ун̣з багаасзд̇ваа д̇амби сад̇т̇у санд̇игам̣ нзд̇угаамо ахоси. со лаабхаасаабагад̇о анд̇зваасигабхаавам̣ анижчанд̇о ‘‘на саггоми жаади худ̇ваа уд̣̇агасин̃жанам̣ ход̇у’’нд̇и бадигкиби. д̇з анзгзхи гааран̣зхи д̇ам̣ сан̃н̃аабзд̇ум̣ асаггонд̇аа ад̇д̇ано оваад̣̇з вад̇д̇амаанзхи ад̣дхад̇зяяасад̇зхи анд̇зваасигзхи сад̣̇д̇хим̣ взл̣уванам̣ аг̇амам̣су. сад̇т̇аа д̇з д̣̇уурад̇ова ааг̇ажчанд̇з д̣̇исваа ‘‘зд̇ам̣ мз саавагаяуг̇ам̣ бхависсад̇и аг̇г̇ам̣ бхад̣̇д̣̇аяуг̇а’’нд̇и вад̇ваа д̇зсам̣ барисааяа жарияавасзна д̇хаммам̣ д̣̇зсзд̇ваа арахад̇д̇з бад̇идтаабзд̇ваа зхибхигкубхаавзна убасамбад̣̇ам̣ ад̣̇ааси. яат̇аа д̇зсам̣, звам̣ аг̇г̇асаавагаанамби ид̣̇д̇химаяабад̇д̇ажийварам̣ ааг̇ад̇амзва. убаримаг̇г̇ад̇д̇аяагижжам̣ бана на нидтаад̇и. гасмаа? саавагабаарамийн̃аан̣асса маханд̇ад̇ааяа.

    Kolitaparibbājako taṃ dūratova āgacchantaṃ disvā ‘‘mukhavaṇṇo na aññadivasesu viya, addhānena amataṃ adhigataṃ bhavissatī’’ti tenevassa visesādhigamaṃ sambhāvetvā amatādhigamaṃ pucchi. Sopissa ‘‘āmāvuso, amataṃ adhigata’’nti paṭijānitvā tameva gāthaṃ abhāsi. Gāthāpariyosāne kolito sotāpattiphale patiṭṭhahitvā āha – ‘‘kahaṃ no satthā’’ti? ‘‘Veḷuvane’’ti. ‘‘Tena hi, āvuso, āyāma, satthāraṃ passissāmā’’ti. Upatisso sabbakālampi ācariyapūjakova, tasmā sañcayassa santikaṃ gantvā satthu guṇe pakāsetvā tampi satthu santikaṃ netukāmo ahosi. So lābhāsāpakato antevāsikabhāvaṃ anicchanto ‘‘na sakkomi cāṭi hutvā udakasiñcanaṃ hotu’’nti paṭikkhipi. Te anekehi kāraṇehi taṃ saññāpetuṃ asakkontā attano ovāde vattamānehi aḍḍhateyyasatehi antevāsikehi saddhiṃ veḷuvanaṃ agamaṃsu. Satthā te dūratova āgacchante disvā ‘‘etaṃ me sāvakayugaṃ bhavissati aggaṃ bhaddayuga’’nti vatvā tesaṃ parisāya cariyavasena dhammaṃ desetvā arahatte patiṭṭhāpetvā ehibhikkhubhāvena upasampadaṃ adāsi. Yathā tesaṃ, evaṃ aggasāvakānampi iddhimayapattacīvaraṃ āgatameva. Uparimaggattayakiccaṃ pana na niṭṭhāti. Kasmā? Sāvakapāramīñāṇassa mahantatāya.

    д̇зсу ааяасмаа махаамог̇г̇аллаано баб̣б̣аж̇ид̇ад̣̇ивасад̇о сад̇д̇амз д̣̇ивасз маг̇ад̇харадтз галлаваалаг̇аамз саман̣ад̇хаммам̣ гаронд̇о т̇инамид̣̇д̇хз огганд̇з сад̇т̇аараа сам̣взж̇ид̇о т̇инамид̣̇д̇хам̣ винод̣̇зд̇ваа д̇хаад̇угаммадтаанам̣ (а. ни. 7.61) сун̣анд̇о зва убаримаг̇г̇ад̇д̇аяам̣ ад̇хиг̇анд̇ваа саавагабаарамийн̃аан̣асса мад̇т̇агам̣ баабун̣и. ааяасмаа саарибуд̇д̇о баб̣б̣аж̇ид̇ад̣̇ивасад̇о ад̣дхамаасам̣ ад̇иггамид̇ваа сад̇т̇аараа сад̣̇д̇хим̣ рааж̇аг̇ахз суугаракад̇алзн̣з вихаранд̇о ад̇д̇ано бхааг̇инзяяасса д̣̇ийгханакабариб̣б̣ааж̇агасса взд̣̇анаабариг̇г̇ахасуд̇д̇анд̇з (ма. ни. 2.201 аад̣̇аяо) д̣̇зсияамаанз д̣̇зсанаанусаарзна н̃аан̣ам̣ бзсзд̇ваа барасса вад̣дхид̇ам̣ бхад̇д̇ам̣ бхун̃ж̇анд̇о вияа саавагабаарамийн̃аан̣асса мад̇т̇агам̣ баабун̣и. ид̇и д̣̇виннамби аг̇г̇асаавагаанам̣ сад̇т̇у самийбз зва саавагабаарамийн̃аан̣ам̣ мад̇т̇агам̣ бад̇д̇ам̣. д̇зна вуд̇д̇ам̣ абад̣̇аанз (аба. т̇зра 1.1.141-374) –

    Tesu āyasmā mahāmoggallāno pabbajitadivasato sattame divase magadharaṭṭhe kallavālagāme samaṇadhammaṃ karonto thinamiddhe okkante satthārā saṃvejito thinamiddhaṃ vinodetvā dhātukammaṭṭhānaṃ (a. ni. 7.61) suṇanto eva uparimaggattayaṃ adhigantvā sāvakapāramīñāṇassa matthakaṃ pāpuṇi. Āyasmā sāriputto pabbajitadivasato aḍḍhamāsaṃ atikkamitvā satthārā saddhiṃ rājagahe sūkarakhataleṇe viharanto attano bhāgineyyassa dīghanakhaparibbājakassa vedanāpariggahasuttante (ma. ni. 2.201 ādayo) desiyamāne desanānusārena ñāṇaṃ pesetvā parassa vaḍḍhitaṃ bhattaṃ bhuñjanto viya sāvakapāramīñāṇassa matthakaṃ pāpuṇi. Iti dvinnampi aggasāvakānaṃ satthu samīpe eva sāvakapāramīñāṇaṃ matthakaṃ pattaṃ. Tena vuttaṃ apadāne (apa. thera 1.1.141-374) –

    ‘‘химаванд̇асса авид̣̇уурз, ламб̣аго наама баб̣б̣ад̇о;

    ‘‘Himavantassa avidūre, lambako nāma pabbato;

    ассамо сугад̇о маяхам̣, бан̣н̣асаалаа сумаабид̇аа.

    Assamo sukato mayhaṃ, paṇṇasālā sumāpitā.

    ‘‘уд̇д̇аанагуулаа над̣̇игаа, субад̇ид̇т̇аа манорамаа;

    ‘‘Uttānakūlā nadikā, supatitthā manoramā;

    сусуд̣̇д̇хабулинаагин̣н̣аа, авид̣̇уурз мамассамам̣.

    Susuddhapulinākiṇṇā, avidūre mamassamaṃ.

    ‘‘асагкараа абаб̣бхаараа, саад̣̇у аббадиг̇анд̇хигаа;

    ‘‘Asakkharā apabbhārā, sādu appaṭigandhikā;

    санд̣̇ад̇ий над̣̇игаа д̇ад̇т̇а, собхаяанд̇аа мамассамам̣.

    Sandatī nadikā tattha, sobhayantā mamassamaṃ.

    ‘‘гумбхийлаа магараа жзд̇т̇а, сусумаараа жа гажчабаа;

    ‘‘Kumbhīlā makarā cettha, susumārā ca kacchapā;

    жаранд̇и над̣̇ияаа д̇ад̇т̇а, собхаяанд̇аа мамассамам̣.

    Caranti nadiyā tattha, sobhayantā mamassamaṃ.

    ‘‘баатийнаа баавусаа мажчаа, б̣алаж̇аа мун̃ж̇арохид̇аа;

    ‘‘Pāṭhīnā pāvusā macchā, balajā muñjarohitā;

    ваг̇г̇ал̣аа бабад̇ааяанд̇аа, собхаяанд̇и мамассамам̣.

    Vaggaḷā papatāyantā, sobhayanti mamassamaṃ.

    ‘‘убхо гуулзсу над̣̇ияаа, бубпино палино д̣̇умаа;

    ‘‘Ubho kūlesu nadiyā, pupphino phalino dumā;

    убхад̇о абхиламб̣анд̇аа, собхаяанд̇и мамассамам̣.

    Ubhato abhilambantā, sobhayanti mamassamaṃ.

    ‘‘амб̣аа саалаа жа д̇илагаа, баадалий синд̣̇уваарагаа;

    ‘‘Ambā sālā ca tilakā, pāṭalī sinduvārakā;

    д̣̇иб̣б̣аг̇анд̇хаа самбаванд̇и, бубпид̇аа мама ассамз.

    Dibbagandhā sampavanti, pupphitā mama assame.

    ‘‘жаммагаа сал̣алаа нийбаа, нааг̇абуннааг̇агзд̇агаа;

    ‘‘Cammakā saḷalā nīpā, nāgapunnāgaketakā;

    д̣̇иб̣б̣аг̇анд̇хаа самбаванд̇и, бубпид̇аа мама ассамз.

    Dibbagandhā sampavanti, pupphitā mama assame.

    ‘‘ад̇имуд̇д̇аа асогаа жа, бхаг̇иниймаалаа жа бубпид̇аа;

    ‘‘Atimuttā asokā ca, bhaginīmālā ca pupphitā;

    ан̇голаа б̣имб̣иж̇аалаа жа, бубпид̇аа мама ассамз.

    Aṅkolā bimbijālā ca, pupphitā mama assame.

    ‘‘гзд̇агаа ганд̣̇али жзва, г̇од̇хугаа д̇ин̣асуулигаа;

    ‘‘Ketakā kandali ceva, godhukā tiṇasūlikā;

    д̣̇иб̣б̣аг̇анд̇хам̣ самбаванд̇аа, собхаяанд̇и мамассамам̣.

    Dibbagandhaṃ sampavantā, sobhayanti mamassamaṃ.

    ‘‘ган̣игаараа ган̣н̣игаа жа, асанаа аж̇ж̇унаа б̣ахуу;

    ‘‘Kaṇikārā kaṇṇikā ca, asanā ajjunā bahū;

    д̣̇иб̣б̣аг̇анд̇хам̣ самбаванд̇аа, собхаяанд̇и мамассамам̣.

    Dibbagandhaṃ sampavantā, sobhayanti mamassamaṃ.

    ‘‘буннааг̇аа г̇ирибуннааг̇аа, говил̣аараа жа бубпид̇аа;

    ‘‘Punnāgā giripunnāgā, koviḷārā ca pupphitā;

    д̣̇иб̣б̣аг̇анд̇хам̣ самбаванд̇аа, собхаяанд̇и мамассамам̣.

    Dibbagandhaṃ sampavantā, sobhayanti mamassamaṃ.

    ‘‘уд̣̇д̣̇аалагаа жа гудаж̇аа, гад̣̇амб̣аа вагулаа б̣ахуу;

    ‘‘Uddālakā ca kuṭajā, kadambā vakulā bahū;

    д̣̇иб̣б̣аг̇анд̇хам̣ самбаванд̇аа, собхаяанд̇и мамассамам̣.

    Dibbagandhaṃ sampavantā, sobhayanti mamassamaṃ.

    ‘‘аал̣агаа исимуг̇г̇аа жа, гад̣̇алимаад̇улун̇г̇ияо;

    ‘‘Āḷakā isimuggā ca, kadalimātuluṅgiyo;

    г̇анд̇ход̣̇агзна сам̣вад̣дхаа, палаани д̇хаараяанд̇и д̇з.

    Gandhodakena saṃvaḍḍhā, phalāni dhārayanti te.

    ‘‘ан̃н̃з бубпанд̇и бад̣̇умаа, ан̃н̃з ж̇ааяанд̇и гзсарий;

    ‘‘Aññe pupphanti padumā, aññe jāyanti kesarī;

    ан̃н̃з обубпаа бад̣̇умаа, бубпид̇аа д̇ал̣аагз д̇ад̣̇аа.

    Aññe opupphā padumā, pupphitā taḷāke tadā.

    ‘‘г̇аб̣бхам̣ г̇ан̣ханд̇и бад̣̇умаа, нид̣̇д̇хааванд̇и мул̣аалияо;

    ‘‘Gabbhaṃ gaṇhanti padumā, niddhāvanti muḷāliyo;

    син̇гхаадибад̇д̇амаагин̣н̣аа, собханд̇и д̇ал̣аагз д̇ад̣̇аа.

    Siṅghāṭipattamākiṇṇā, sobhanti taḷāke tadā.

    ‘‘наяид̇аа амб̣аг̇анд̇хий жа, уд̇д̇алий б̣анд̇хуж̇ийвагаа;

    ‘‘Nayitā ambagandhī ca, uttalī bandhujīvakā;

    д̣̇иб̣б̣аг̇анд̇хаа самбаванд̇и, бубпид̇аа д̇ал̣аагз д̇ад̣̇аа.

    Dibbagandhā sampavanti, pupphitā taḷāke tadā.

    ‘‘баатийнаа баавусаа мажчаа, б̣алаж̇аа мун̃ж̇арохид̇аа;

    ‘‘Pāṭhīnā pāvusā macchā, balajā muñjarohitā;

    сам̣г̇улаа маг̇г̇ураа жзва, васанд̇и д̇ал̣аагз д̇ад̣̇аа.

    Saṃgulā maggurā ceva, vasanti taḷāke tadā.

    ‘‘гумбхийлаа сусумаараа жа, д̇анд̇иг̇аахаа жа рагкасаа;

    ‘‘Kumbhīlā susumārā ca, tantigāhā ca rakkhasā;

    ог̇ухаа аж̇аг̇араа жа, васанд̇и д̇ал̣аагз д̇ад̣̇аа.

    Oguhā ajagarā ca, vasanti taḷāke tadā.

    ‘‘баарзвад̇аа равихам̣саа, жаггаваагаа над̣̇ийжараа;

    ‘‘Pārevatā ravihaṃsā, cakkavākā nadīcarā;

    гогилаа сугасаал̣игаа, убаж̇ийванд̇и д̇ам̣ сарам̣.

    Kokilā sukasāḷikā, upajīvanti taṃ saraṃ.

    ‘‘гугуд̇т̇агаа гул̣ийрагаа, ванз богкарасаад̇агаа;

    ‘‘Kukutthakā kuḷīrakā, vane pokkharasātakā;

    д̣̇инд̣̇ибхаа сувабод̇аа жа, убаж̇ийванд̇и д̇ам̣ сарам̣.

    Dindibhā suvapotā ca, upajīvanti taṃ saraṃ.

    ‘‘хам̣саа гон̃жаа маяуураа жа, гогилаа д̇амб̣ажуул̣агаа;

    ‘‘Haṃsā koñcā mayūrā ca, kokilā tambacūḷakā;

    бамбагаа ж̇ийвам̣ж̇ийваа жа, убаж̇ийванд̇и д̇ам̣ сарам̣.

    Pampakā jīvaṃjīvā ca, upajīvanti taṃ saraṃ.

    ‘‘госигаа бодтасийсаа жа, гурараа сзнагаа б̣ахуу;

    ‘‘Kosikā poṭṭhasīsā ca, kurarā senakā bahū;

    махаагаал̣аа жа сагун̣аа, убаж̇ийванд̇и д̇ам̣ сарам̣.

    Mahākāḷā ca sakuṇā, upajīvanti taṃ saraṃ.

    ‘‘басад̣̇аа жа вараахаа жа, жамараа г̇ан̣д̣агаа б̣ахуу;

    ‘‘Pasadā ca varāhā ca, camarā gaṇḍakā bahū;

    рохижжаа сугабод̇аа жа, убаж̇ийванд̇и д̇ам̣ сарам̣.

    Rohiccā sukapotā ca, upajīvanti taṃ saraṃ.

    ‘‘сийхаб̣яаг̇гхаа жа д̣̇ийбий жа, ажчагогад̇аражчагаа;

    ‘‘Sīhabyagghā ca dīpī ca, acchakokataracchakā;

    д̇ид̇хаа бабхиннамаад̇ан̇г̇аа, убаж̇ийванд̇и д̇ам̣ сарам̣.

    Tidhā pabhinnamātaṅgā, upajīvanti taṃ saraṃ.

    ‘‘гиннараа ваанараа жзва, ат̇оби ванагаммигаа;

    ‘‘Kinnarā vānarā ceva, athopi vanakammikā;

    жзд̇аа жа луд̣̇д̣̇агаа жзва, убаж̇ийванд̇и д̇ам̣ сарам̣.

    Cetā ca luddakā ceva, upajīvanti taṃ saraṃ.

    ‘‘д̇инд̣̇угаани бияаалаани, мад̇хугз гаасумаарияо;

    ‘‘Tindukāni piyālāni, madhuke kāsumāriyo;

    д̇хувам̣ палаани д̇хаарзнд̇и, авид̣̇уурз мамассамам̣.

    Dhuvaṃ phalāni dhārenti, avidūre mamassamaṃ.

    ‘‘госамб̣аа сал̣алаа нимб̣аа, саад̣̇упаласамааяуд̇аа;

    ‘‘Kosambā saḷalā nimbā, sāduphalasamāyutā;

    д̇хувам̣ палаани д̇хаарзнд̇и, авид̣̇уурз мамассамам̣.

    Dhuvaṃ phalāni dhārenti, avidūre mamassamaṃ.

    ‘‘харийд̇агаа аамалагаа, амб̣аж̇амб̣увибхийд̇агаа;

    ‘‘Harītakā āmalakā, ambajambuvibhītakā;

    голаа бхаллаад̇агаа б̣иллаа, палаани д̇хаараяанд̇и д̇з.

    Kolā bhallātakā billā, phalāni dhārayanti te.

    ‘‘аалуваа жа гал̣амб̣аа жа, б̣ил̣аалийд̇аггал̣аани жа;

    ‘‘Āluvā ca kaḷambā ca, biḷālītakkaḷāni ca;

    ж̇ийвагаа суд̇агаа жзва, б̣ахугаа мама ассамз.

    Jīvakā sutakā ceva, bahukā mama assame.

    ‘‘ассамассаавид̣̇уурамхи, д̇ал̣аагаасум̣ суниммид̇аа;

    ‘‘Assamassāvidūramhi, taḷākāsuṃ sunimmitā;

    ажчод̣̇агаа сийд̇аж̇алаа, субад̇ид̇т̇аа манорамаа.

    Acchodakā sītajalā, supatitthā manoramā.

    ‘‘бад̣̇умуббаласан̃чаннаа, бун̣д̣арийгасамааяуд̇аа;

    ‘‘Padumuppalasañchannā, puṇḍarīkasamāyutā;

    манд̣̇аалагзхи сан̃чаннаа, д̣̇иб̣б̣аг̇анд̇хобавааяад̇и.

    Mandālakehi sañchannā, dibbagandhopavāyati.

    ‘‘звам̣ саб̣б̣ан̇г̇асамбаннз, бубпид̇з палид̇з ванз;

    ‘‘Evaṃ sabbaṅgasampanne, pupphite phalite vane;

    сугад̇з ассамз раммз, вихараами ахам̣ д̇ад̣̇аа.

    Sukate assame ramme, viharāmi ahaṃ tadā.

    ‘‘сийлаваа вад̇асамбанно, жхааяий жхаанарад̇о сад̣̇аа;

    ‘‘Sīlavā vatasampanno, jhāyī jhānarato sadā;

    бан̃жаабхин̃н̃ааб̣алаббад̇д̇о, суружи наама д̇аабасо.

    Pañcābhiññābalappatto, suruci nāma tāpaso.

    ‘‘жад̇увийсасахассаани, сиссаа маяхам̣ убадтахум̣;

    ‘‘Catuvīsasahassāni, sissā mayhaṃ upaṭṭhahuṃ;

    саб̣б̣з мам̣ б̣раахман̣аа зд̇з, ж̇аад̇иманд̇о яасассино.

    Sabbe maṃ brāhmaṇā ete, jātimanto yasassino.

    ‘‘лагкан̣з ид̇ихаасз жа, санигхан̣д̣усагздубхз;

    ‘‘Lakkhaṇe itihāse ca, sanighaṇḍusakeṭubhe;

    бад̣̇агаа взяяаагаран̣аа, сад̇хаммз баарамим̣ г̇ад̇аа.

    Padakā veyyākaraṇā, sadhamme pāramiṃ gatā.

    ‘‘уббаад̇зсу нимид̇д̇зсу, лагкан̣зсу жа говид̣̇аа;

    ‘‘Uppātesu nimittesu, lakkhaṇesu ca kovidā;

    бат̇аб̣яаа бхууманд̇алигкз, мама сиссаа сусигкид̇аа.

    Pathabyā bhūmantalikkhe, mama sissā susikkhitā.

    ‘‘аббижчаа нибагаа зд̇з, аббаахаараа алолубаа;

    ‘‘Appicchā nipakā ete, appāhārā alolupā;

    лаабхаалаабхзна санд̇удтаа, бариваарзнд̇и мам̣ сад̣̇аа.

    Lābhālābhena santuṭṭhā, parivārenti maṃ sadā.

    ‘‘жхааяий жхаанарад̇аа д̇хийраа, санд̇ажид̇д̇аа самаахид̇аа;

    ‘‘Jhāyī jhānaratā dhīrā, santacittā samāhitā;

    аагин̃жан̃н̃ам̣ бад̇т̇аяанд̇аа, бариваарзнд̇и мам̣ сад̣̇аа.

    Ākiñcaññaṃ patthayantā, parivārenti maṃ sadā.

    ‘‘абхин̃н̃аабаарамиббад̇д̇аа, бзд̇д̇игз г̇ожарз рад̇аа;

    ‘‘Abhiññāpāramippattā, pettike gocare ratā;

    анд̇алигкажараа д̇хийраа, бариваарзнд̇и мам̣ сад̣̇аа.

    Antalikkhacarā dhīrā, parivārenti maṃ sadā.

    ‘‘сам̣вуд̇аа часу д̣̇ваарзсу, анзж̇аа рагкид̇инд̣̇рияаа;

    ‘‘Saṃvutā chasu dvāresu, anejā rakkhitindriyā;

    асам̣садтаа жа д̇з д̇хийраа, мама сиссаа д̣̇ураасад̣̇аа.

    Asaṃsaṭṭhā ca te dhīrā, mama sissā durāsadā.

    ‘‘баллан̇гзна нисаж̇ж̇ааяа, таанажан̇гаманзна жа;

    ‘‘Pallaṅkena nisajjāya, ṭhānacaṅkamanena ca;

    вийд̇инаамзнд̇и д̇з рад̇д̇им̣, мама сиссаа д̣̇ураасад̣̇аа.

    Vītināmenti te rattiṃ, mama sissā durāsadā.

    ‘‘раж̇ж̇анийяз на раж̇ж̇анд̇и, д̣̇уссанийяз на д̣̇уссарз;

    ‘‘Rajjanīye na rajjanti, dussanīye na dussare;

    моханийяз на муяханд̇и, мама сиссаа д̣̇ураасад̣̇аа.

    Mohanīye na muyhanti, mama sissā durāsadā.

    ‘‘ид̣̇д̇хим̣ виймам̣самаанаа д̇з, вад̇д̇анд̇и нижжагаалигам̣;

    ‘‘Iddhiṃ vīmaṃsamānā te, vattanti niccakālikaṃ;

    бат̇авим̣ д̇з багамбзнд̇и, саараб̣бхзна д̣̇ураасад̣̇аа.

    Pathaviṃ te pakampenti, sārabbhena durāsadā.

    ‘‘гийл̣амаанаа жа д̇з сиссаа, гийл̣анд̇и жхаанагийл̣ид̇ам̣.

    ‘‘Kīḷamānā ca te sissā, kīḷanti jhānakīḷitaṃ.

    ж̇амб̣уд̇о паламаанзнд̇и, мама сиссаа д̣̇ураасад̣̇аа.

    Jambuto phalamānenti, mama sissā durāsadā.

    ‘‘ан̃н̃з г̇ажчанд̇и г̇ояаанам̣, ан̃н̃з буб̣б̣авид̣̇зхагам̣;

    ‘‘Aññe gacchanti goyānaṃ, aññe pubbavidehakaṃ;

    ан̃н̃з жа уд̇д̇арагурум̣, зсанааяа д̣̇ураасад̣̇аа.

    Aññe ca uttarakuruṃ, esanāya durāsadā.

    ‘‘бурад̇о бзсзнд̇и каарим̣, бажчад̇о жа важ̇анд̇и д̇з;

    ‘‘Purato pesenti khāriṃ, pacchato ca vajanti te;

    жад̇увийсасахассзхи, чаад̣̇ид̇ам̣ ход̇и амб̣арам̣.

    Catuvīsasahassehi, chāditaṃ hoti ambaraṃ.

    ‘‘аг̇г̇ибаагий анаг̇г̇ий жа, д̣̇анд̇од̣̇угкалигааби жа;

    ‘‘Aggipākī anaggī ca, dantodukkhalikāpi ca;

    асмзна годдид̇аа гзжи, бавад̇д̇апалабхож̇анаа.

    Asmena koṭṭitā keci, pavattaphalabhojanā.

    ‘‘уд̣̇агорохан̣аа гзжи, сааяам̣ баад̇о сужийрад̇аа;

    ‘‘Udakorohaṇā keci, sāyaṃ pāto sucīratā;

    д̇ояаабхисзжанагараа, мама сиссаа д̣̇ураасад̣̇аа.

    Toyābhisecanakarā, mama sissā durāsadā.

    ‘‘баруул̣хагажчанакаломаа, бан̇гад̣̇анд̇аа раж̇ассираа;

    ‘‘Parūḷhakacchanakhalomā, paṅkadantā rajassirā;

    г̇анд̇хид̇аа сийлаг̇анд̇хзна, мама сиссаа д̣̇ураасад̣̇аа.

    Gandhitā sīlagandhena, mama sissā durāsadā.

    ‘‘баад̇ова саннибад̇ид̇ваа, ж̇адилаа уг̇г̇ад̇аабанаа;

    ‘‘Pātova sannipatitvā, jaṭilā uggatāpanā;

    лаабхаалаабхам̣ багид̇д̇зд̇ваа, г̇ажчанд̇и амб̣арз д̇ад̣̇аа.

    Lābhālābhaṃ pakittetvā, gacchanti ambare tadā.

    ‘‘зд̇зсам̣ баггаманд̇аанам̣, махаасад̣̇д̣̇о бавад̇д̇ад̇и;

    ‘‘Etesaṃ pakkamantānaṃ, mahāsaddo pavattati;

    аж̇инажаммасад̣̇д̣̇зна, муд̣̇ид̇аа хонд̇и д̣̇звад̇аа.

    Ajinacammasaddena, muditā honti devatā.

    ‘‘д̣̇исод̣̇исам̣ баггаманд̇и, анд̇алигкажараа исий;

    ‘‘Disodisaṃ pakkamanti, antalikkhacarā isī;

    сагз б̣алзнубад̇т̇ад̣̇д̇хаа, д̇з г̇ажчанд̇и яад̣̇ижчагам̣.

    Sake balenupatthaddhā, te gacchanti yadicchakaṃ.

    ‘‘бат̇авийгамбагаа зд̇з, саб̣б̣зва набхажаарино;

    ‘‘Pathavīkampakā ete, sabbeva nabhacārino;

    уг̇г̇ад̇зж̇аа д̣̇уббасахаа, сааг̇арова акобхияаа.

    Uggatejā duppasahā, sāgarova akhobhiyā.

    ‘‘таанажан̇гамино гзжи, гзжи нзсаж̇ж̇игаа исий;

    ‘‘Ṭhānacaṅkamino keci, keci nesajjikā isī;

    бавад̇д̇абхож̇анаа гзжи, мама сиссаа д̣̇ураасад̣̇аа.

    Pavattabhojanā keci, mama sissā durāsadā.

    ‘‘мзд̇д̇аавихаарино зд̇з, хид̇зсий саб̣б̣абаан̣инам̣;

    ‘‘Mettāvihārino ete, hitesī sabbapāṇinaṃ;

    анад̇д̇уггам̣сагаа саб̣б̣з, на д̇з вамбхзнд̇и гассажи.

    Anattukkaṃsakā sabbe, na te vambhenti kassaci.

    ‘‘сийхарааж̇аавасамбхийд̇аа, г̇аж̇арааж̇аава т̇аамаваа;

    ‘‘Sīharājāvasambhītā, gajarājāva thāmavā;

    д̣̇ураасад̣̇аа б̣яаг̇гхаарива, ааг̇ажчанд̇и маманд̇игз.

    Durāsadā byagghāriva, āgacchanti mamantike.

    ‘‘виж̇ж̇аад̇хараа д̣̇звад̇аа жа, нааг̇аг̇анд̇хаб̣б̣арагкасаа;

    ‘‘Vijjādharā devatā ca, nāgagandhabbarakkhasā;

    гумбхан̣д̣аа д̣̇аанаваа г̇арул̣аа, убаж̇ийванд̇и д̇ам̣ сарам̣.

    Kumbhaṇḍā dānavā garuḷā, upajīvanti taṃ saraṃ.

    ‘‘д̇з ж̇адаакаарибхарид̇аа, аж̇инуд̇д̇араваасанаа;

    ‘‘Te jaṭākhāribharitā, ajinuttaravāsanā;

    анд̇алигкажараа саб̣б̣з, убаж̇ийванд̇и д̇ам̣ сарам̣.

    Antalikkhacarā sabbe, upajīvanti taṃ saraṃ.

    ‘‘сад̣̇аанужчавигаа зд̇з, ан̃н̃аман̃н̃ам̣ саг̇аараваа;

    ‘‘Sadānucchavikā ete, aññamaññaṃ sagāravā;

    жад̇уб̣б̣ийсасахассаанам̣, кибид̇асад̣̇д̣̇о на виж̇ж̇ад̇и.

    Catubbīsasahassānaṃ, khipitasaddo na vijjati.

    ‘‘баад̣̇з баад̣̇ам̣ нигкибанд̇аа, аббасад̣̇д̣̇аа сусам̣вуд̇аа;

    ‘‘Pāde pādaṃ nikkhipantā, appasaddā susaṃvutā;

    убасан̇гамма саб̣б̣зва, сирасаа ванд̣̇арз мамам̣.

    Upasaṅkamma sabbeva, sirasā vandare mamaṃ.

    ‘‘д̇зхи сиссзхи баривуд̇о, санд̇зхи жа д̇абассибхи;

    ‘‘Tehi sissehi parivuto, santehi ca tapassibhi;

    васаами ассамз д̇ад̇т̇а, жхааяий жхаанарад̇о ахам̣.

    Vasāmi assame tattha, jhāyī jhānarato ahaṃ.

    ‘‘исийнам̣ сийлаг̇анд̇хзна, бубпаг̇анд̇хзна жуубхаяам̣;

    ‘‘Isīnaṃ sīlagandhena, pupphagandhena cūbhayaṃ;

    палийнам̣ палаг̇анд̇хзна, г̇анд̇хид̇о ход̇и ассамо.

    Phalīnaṃ phalagandhena, gandhito hoti assamo.

    ‘‘рад̇д̇инд̣̇ивам̣ на ж̇аанаами, арад̇и мз на виж̇ж̇ад̇и;

    ‘‘Rattindivaṃ na jānāmi, arati me na vijjati;

    сагз сиссз овад̣̇анд̇о, бхияяо хаасам̣ лабхаамахам̣.

    Sake sisse ovadanto, bhiyyo hāsaṃ labhāmahaṃ.

    ‘‘бубпаанам̣ бубпамаанаанам̣, палаанан̃жа вибажжад̇ам̣;

    ‘‘Pupphānaṃ pupphamānānaṃ, phalānañca vipaccataṃ;

    д̣̇иб̣б̣аг̇анд̇хаа бавааяанд̇и, собхаяанд̇аа мамассамам̣.

    Dibbagandhā pavāyanti, sobhayantā mamassamaṃ.

    ‘‘самаад̇химхаа вудтахид̇ваа, ад̇аабий нибаго ахам̣;

    ‘‘Samādhimhā vuṭṭhahitvā, atāpī nipako ahaṃ;

    каарибхаарам̣ г̇ахзд̇ваана, ванам̣ аж̇жхог̇ахим̣ ахам̣.

    Khāribhāraṃ gahetvāna, vanaṃ ajjhogahiṃ ahaṃ.

    ‘‘уббаад̇з субинз жааби, лагкан̣зсу сусигкид̇о;

    ‘‘Uppāte supine cāpi, lakkhaṇesu susikkhito;

    бавад̇д̇амаанам̣ манд̇абад̣̇ам̣, д̇хаараяаами ахам̣ д̇ад̣̇аа.

    Pavattamānaṃ mantapadaṃ, dhārayāmi ahaṃ tadā.

    ‘‘аномад̣̇ассий бхаг̇аваа, логаж̇здто нараасабхо;

    ‘‘Anomadassī bhagavā, lokajeṭṭho narāsabho;

    вивзгагаамо самб̣уд̣̇д̇хо, химаванд̇амубааг̇ами.

    Vivekakāmo sambuddho, himavantamupāgami.

    ‘‘аж̇жхог̇аахзд̇ваа химаванд̇ам̣, аг̇г̇о гаарун̣иго муни;

    ‘‘Ajjhogāhetvā himavantaṃ, aggo kāruṇiko muni;

    баллан̇гам̣ аабхуж̇ид̇ваана, нисийд̣̇и бурисуд̇д̇амо.

    Pallaṅkaṃ ābhujitvāna, nisīdi purisuttamo.

    ‘‘д̇амад̣̇д̣̇асаахам̣ самб̣уд̣̇д̇хам̣, саббабхаасам̣ манорамам̣;

    ‘‘Tamaddasāhaṃ sambuddhaṃ, sappabhāsaṃ manoramaṃ;

    инд̣̇ийварам̣ва ж̇алид̇ам̣, аад̣̇ид̇д̇ам̣ва худ̇аасанам̣.

    Indīvaraṃva jalitaṃ, ādittaṃva hutāsanaṃ.

    ‘‘ж̇аланд̇ам̣ д̣̇ийбаругкам̣ва, виж̇ж̇уд̇ам̣ г̇аг̇анз яат̇аа;

    ‘‘Jalantaṃ dīparukkhaṃva, vijjutaṃ gagane yathā;

    супуллам̣ сааларааж̇ам̣ва, ад̣̇д̣̇асам̣ логанааяагам̣.

    Suphullaṃ sālarājaṃva, addasaṃ lokanāyakaṃ.

    ‘‘аяам̣ нааг̇о махаавийро, д̣̇угкассанд̇агаро муни;

    ‘‘Ayaṃ nāgo mahāvīro, dukkhassantakaro muni;

    имам̣ д̣̇ассанамааг̇амма, саб̣б̣ад̣̇угкаа бамужжарз.

    Imaṃ dassanamāgamma, sabbadukkhā pamuccare.

    ‘‘д̣̇исваанаахам̣ д̣̇звад̣̇звам̣, лагкан̣ам̣ убад̇хаараяим̣;

    ‘‘Disvānāhaṃ devadevaṃ, lakkhaṇaṃ upadhārayiṃ;

    б̣уд̣̇д̇хо ну ко на ваа б̣уд̣̇д̇хо, ханд̣̇а бассаами жагкумам̣.

    Buddho nu kho na vā buddho, handa passāmi cakkhumaṃ.

    ‘‘сахассаараани жаггаани, д̣̇иссанд̇и жаран̣уд̇д̇амз;

    ‘‘Sahassārāni cakkāni, dissanti caraṇuttame;

    лагкан̣аанисса д̣̇исваана, нидтам̣ г̇ажчз д̇ат̇ааг̇ад̇з.

    Lakkhaṇānissa disvāna, niṭṭhaṃ gacche tathāgate.

    ‘‘саммаж̇ж̇аним̣ г̇ахзд̇ваана, саммаж̇ж̇ид̇ваанахам̣ д̇ад̣̇аа;

    ‘‘Sammajjaniṃ gahetvāna, sammajjitvānahaṃ tadā;

    ат̇а бубпз самаанзд̇ваа, б̣уд̣̇д̇хасздтам̣ абууж̇аяим̣.

    Atha pupphe samānetvā, buddhaseṭṭhaṃ apūjayiṃ.

    ‘‘бууж̇аяид̇ваана самб̣уд̣̇д̇хам̣, огхад̇ин̣н̣аманаасавам̣;

    ‘‘Pūjayitvāna sambuddhaṃ, oghatiṇṇamanāsavaṃ;

    згам̣сам̣ аж̇инам̣ гад̇ваа, намассим̣ логанааяагам̣.

    Ekaṃsaṃ ajinaṃ katvā, namassiṃ lokanāyakaṃ.

    ‘‘язна н̃аан̣зна самб̣уд̣̇д̇хо, вихарад̇и анаасаво;

    ‘‘Yena ñāṇena sambuddho, viharati anāsavo;

    д̇ам̣ н̃аан̣ам̣ гид̇д̇аяиссаами, сун̣аат̇а мама бхаасад̇о.

    Taṃ ñāṇaṃ kittayissāmi, suṇātha mama bhāsato.

    ‘‘самуд̣̇д̇харасимам̣ логам̣, саяамбхуу амид̇од̣̇аяа;

    ‘‘Samuddharasimaṃ lokaṃ, sayambhū amitodaya;

    д̇ава д̣̇ассанамааг̇амма, ган̇каасод̇ам̣ д̇аранд̇и д̇з.

    Tava dassanamāgamma, kaṅkhāsotaṃ taranti te.

    ‘‘д̇увам̣ сад̇т̇аа жа гзд̇у жа, д̇хаж̇о яуубо жа баан̣инам̣;

    ‘‘Tuvaṃ satthā ca ketu ca, dhajo yūpo ca pāṇinaṃ;

    барааяан̣о бад̇идтаа жа, д̣̇ийбо жа д̣̇вибад̣̇уд̇д̇амо.

    Parāyaṇo patiṭṭhā ca, dīpo ca dvipaduttamo.

    ‘‘саггаа самуд̣̇д̣̇з уд̣̇агам̣, бамзд̇ум̣ аал̣хагзна ваа;

    ‘‘Sakkā samudde udakaṃ, pametuṃ āḷhakena vā;

    на д̇взва д̇ава саб̣б̣ан̃н̃у, н̃аан̣ам̣ саггаа бамзд̇авз.

    Na tveva tava sabbaññu, ñāṇaṃ sakkā pametave.

    ‘‘д̇хаарзд̇ум̣ бат̇авим̣ саггаа, табзд̇ваа д̇уламан̣д̣алз;

    ‘‘Dhāretuṃ pathaviṃ sakkā, ṭhapetvā tulamaṇḍale;

    на д̇взва д̇ава саб̣б̣ан̃н̃у, н̃аан̣ам̣ саггаа д̇харзд̇авз.

    Na tveva tava sabbaññu, ñāṇaṃ sakkā dharetave.

    ‘‘аагаасо минид̇ум̣ саггаа, раж̇ж̇уяаа ан̇г̇улзна ваа;

    ‘‘Ākāso minituṃ sakkā, rajjuyā aṅgulena vā;

    на д̇взва д̇ава саб̣б̣ан̃н̃у, н̃аан̣ам̣ саггаа бамзд̇авз.

    Na tveva tava sabbaññu, ñāṇaṃ sakkā pametave.

    ‘‘махаасамуд̣̇д̣̇з уд̣̇агам̣, бат̇авин̃жаакилан̃ж̇ахз;

    ‘‘Mahāsamudde udakaṃ, pathaviñcākhilañjahe;

    б̣уд̣̇д̇хан̃аан̣ам̣ убаад̣̇ааяа, убамаад̇о на яуж̇ж̇арз.

    Buddhañāṇaṃ upādāya, upamāto na yujjare.

    ‘‘сад̣̇звагасса логасса, жид̇д̇ам̣ язсам̣ бавад̇д̇ад̇и;

    ‘‘Sadevakassa lokassa, cittaṃ yesaṃ pavattati;

    анд̇ож̇аалийгад̇аа зд̇з, д̇ава н̃аан̣амхи жагкума.

    Antojālīkatā ete, tava ñāṇamhi cakkhuma.

    ‘‘язна н̃аан̣зна бад̇д̇оси, гзвалам̣ б̣од̇химуд̇д̇амам̣;

    ‘‘Yena ñāṇena pattosi, kevalaṃ bodhimuttamaṃ;

    д̇зна н̃аан̣зна саб̣б̣ан̃н̃у, мад̣̇д̣̇асий барад̇ид̇т̇ияз.

    Tena ñāṇena sabbaññu, maddasī paratitthiye.

    ‘‘имаа г̇аат̇аа т̇авид̇ваана, суружи наама д̇аабасо;

    ‘‘Imā gāthā thavitvāna, suruci nāma tāpaso;

    аж̇инам̣ бад̇т̇арид̇ваана, бат̇авияам̣ нисийд̣̇и со.

    Ajinaṃ pattharitvāna, pathaviyaṃ nisīdi so.

    ‘‘жуллаасийд̇исахассаани , аж̇жхог̇аал̣хо махан̣н̣авз;

    ‘‘Cullāsītisahassāni , ajjhogāḷho mahaṇṇave;

    ажжуг̇г̇ад̇о д̇аавад̣̇зва, г̇ирирааж̇аа бавужжад̇и.

    Accuggato tāvadeva, girirājā pavuccati.

    ‘‘д̇аава ажжуг̇г̇ад̇о нзру, ааяад̇о вид̇т̇ад̇о жа со;

    ‘‘Tāva accuggato neru, āyato vitthato ca so;

    жун̣н̣ид̇о ан̣убхзд̣̇зна, годисад̇асахассасо.

    Cuṇṇito aṇubhedena, koṭisatasahassaso.

    ‘‘лагкз табияамаанамхи, баригкаяамаг̇ажчат̇а;

    ‘‘Lakkhe ṭhapiyamānamhi, parikkhayamagacchatha;

    на д̇взва д̇ава саб̣б̣ан̃н̃у, н̃аан̣ам̣ саггаа бамзд̇авз.

    Na tveva tava sabbaññu, ñāṇaṃ sakkā pametave.

    ‘‘сукумажчигзна ж̇аалзна, уд̣̇агам̣ яо баригкибз;

    ‘‘Sukhumacchikena jālena, udakaṃ yo parikkhipe;

    яз гзжи уд̣̇агз баан̣аа, анд̇ож̇аалийгад̇аа сияум̣.

    Ye keci udake pāṇā, antojālīkatā siyuṃ.

    ‘‘д̇ат̇зва хи махаавийра, яз гзжи бут̇уд̇ид̇т̇ияаа;

    ‘‘Tatheva hi mahāvīra, ye keci puthutitthiyā;

    д̣̇идтиг̇аханабагканд̣̇аа, бараамаасзна мохид̇аа.

    Diṭṭhigahanapakkhandā, parāmāsena mohitā.

    ‘‘д̇ава суд̣̇д̇хзна н̃аан̣зна, анааваран̣ад̣̇ассинаа;

    ‘‘Tava suddhena ñāṇena, anāvaraṇadassinā;

    анд̇ож̇аалийгад̇аа зд̇з, н̃аан̣ам̣ д̇з наад̇ивад̇д̇арз.

    Antojālīkatā ete, ñāṇaṃ te nātivattare.

    ‘‘бхаг̇аваа д̇амхи самаяз, аномад̣̇ассий махааяасо;

    ‘‘Bhagavā tamhi samaye, anomadassī mahāyaso;

    вудтахид̇ваа самаад̇химхаа, д̣̇исам̣ ологаяий ж̇ино.

    Vuṭṭhahitvā samādhimhā, disaṃ olokayī jino.

    ‘‘аномад̣̇ассимунино, нисабхо наама сааваго;

    ‘‘Anomadassimunino, nisabho nāma sāvako;

    баривуд̇о сад̇асахассзхи, санд̇ажид̇д̇зхи д̇аад̣̇ибхи.

    Parivuto satasahassehi, santacittehi tādibhi.

    ‘‘кийн̣аасавзхи суд̣̇д̇хзхи, чал̣абхин̃н̃зхи жхааяибхи;

    ‘‘Khīṇāsavehi suddhehi, chaḷabhiññehi jhāyibhi;

    жид̇д̇аман̃н̃ааяа б̣уд̣̇д̇хасса, убзси логанааяагам̣.

    Cittamaññāya buddhassa, upesi lokanāyakaṃ.

    ‘‘анд̇алигкз тид̇аа д̇ад̇т̇а, бад̣̇агкин̣амагам̣су д̇з;

    ‘‘Antalikkhe ṭhitā tattha, padakkhiṇamakaṃsu te;

    намассанд̇аа бан̃ж̇алигаа, од̇арум̣ б̣уд̣̇д̇хасанд̇игз.

    Namassantā pañjalikā, otaruṃ buddhasantike.

    ‘‘аномад̣̇ассий бхаг̇аваа, логаж̇здто нараасабхо;

    ‘‘Anomadassī bhagavā, lokajeṭṭho narāsabho;

    бхигкусан̇гхз нисийд̣̇ид̇ваа, сид̇ам̣ баад̇угарий ж̇ино.

    Bhikkhusaṅghe nisīditvā, sitaṃ pātukarī jino.

    ‘‘варун̣о наамубадтааго, аномад̣̇ассисса сад̇т̇уно;

    ‘‘Varuṇo nāmupaṭṭhāko, anomadassissa satthuno;

    згам̣сам̣ жийварам̣ гад̇ваа, абужчи логанааяагам̣.

    Ekaṃsaṃ cīvaraṃ katvā, apucchi lokanāyakaṃ.

    ‘‘го ну ко бхаг̇аваа хзд̇у, сид̇агаммасса сад̇т̇уно;

    ‘‘Ko nu kho bhagavā hetu, sitakammassa satthuno;

    на хи б̣уд̣̇д̇хаа ахзд̇уухи, сид̇ам̣ баад̇угаронд̇и д̇з.

    Na hi buddhā ahetūhi, sitaṃ pātukaronti te.

    ‘‘аномад̣̇ассий бхаг̇аваа, логаж̇здто нараасабхо;

    ‘‘Anomadassī bhagavā, lokajeṭṭho narāsabho;

    бхигкумаж̇жхз нисийд̣̇ид̇ваа, имам̣ г̇аат̇ам̣ абхаасат̇а.

    Bhikkhumajjhe nisīditvā, imaṃ gāthaṃ abhāsatha.

    ‘‘яо мам̣ бубпзна бууж̇зси, н̃аан̣ан̃жааби ануд̇т̇ави;

    ‘‘Yo maṃ pupphena pūjesi, ñāṇañcāpi anutthavi;

    д̇амахам̣ гид̇д̇аяиссаами, сун̣от̇а мама бхаасад̇о.

    Tamahaṃ kittayissāmi, suṇotha mama bhāsato.

    ‘‘б̣уд̣̇д̇хасса г̇ираман̃н̃ааяа, саб̣б̣з д̣̇зваа самааг̇ад̇аа;

    ‘‘Buddhassa giramaññāya, sabbe devā samāgatā;

    сад̣̇д̇хаммам̣ сод̇угаамаа д̇з, самб̣уд̣̇д̇хамубасан̇гамум̣.

    Saddhammaṃ sotukāmā te, sambuddhamupasaṅkamuṃ.

    ‘‘д̣̇асасу логад̇хаад̇уусу, д̣̇звагааяаа махид̣̇д̇хигаа;

    ‘‘Dasasu lokadhātūsu, devakāyā mahiddhikā;

    сад̣̇д̇хаммам̣ сод̇угаамаа д̇з, самб̣уд̣̇д̇хамубасан̇гамум̣.

    Saddhammaṃ sotukāmā te, sambuddhamupasaṅkamuṃ.

    ‘‘хад̇т̇ий ассаа рат̇аа бад̇д̇ий, сзнаа жа жад̇уран̇г̇иний;

    ‘‘Hatthī assā rathā pattī, senā ca caturaṅginī;

    бариваарзссанд̇имам̣ нижжам̣, б̣уд̣̇д̇хабууж̇ааяид̣̇ам̣ палам̣.

    Parivāressantimaṃ niccaṃ, buddhapūjāyidaṃ phalaṃ.

    ‘‘садтид̇уурияасахассаани, бхзрияо самалан̇гад̇аа;

    ‘‘Saṭṭhitūriyasahassāni, bheriyo samalaṅkatā;

    убадтиссанд̇имам̣ нижжам̣, б̣уд̣̇д̇хабууж̇ааяид̣̇ам̣ палам̣.

    Upaṭṭhissantimaṃ niccaṃ, buddhapūjāyidaṃ phalaṃ.

    ‘‘сол̣асид̇т̇исахассаани, наарияо самалан̇гад̇аа;

    ‘‘Soḷasitthisahassāni, nāriyo samalaṅkatā;

    вижид̇д̇авад̇т̇аабхаран̣аа, аамуд̇д̇аман̣игун̣д̣алаа.

    Vicittavatthābharaṇā, āmuttamaṇikuṇḍalā.

    ‘‘ал̣аарабамхаа хасулаа, сусан̃н̃аа д̇анумаж̇жхимаа;

    ‘‘Aḷārapamhā hasulā, susaññā tanumajjhimā;

    бариваарзссанд̇имам̣ нижжам̣, б̣уд̣̇д̇хабууж̇ааяид̣̇ам̣ палам̣.

    Parivāressantimaṃ niccaṃ, buddhapūjāyidaṃ phalaṃ.

    ‘‘габбасад̇асахассаани, д̣̇звалогз рамиссад̇и;

    ‘‘Kappasatasahassāni, devaloke ramissati;

    сахассагкад̇д̇ум̣ жаггавад̇д̇ий, рааж̇аа радтз бхависсад̇и.

    Sahassakkhattuṃ cakkavattī, rājā raṭṭhe bhavissati.

    ‘‘сахассагкад̇д̇ум̣ д̣̇звинд̣̇о, д̣̇звараж̇ж̇ам̣ гариссад̇и;

    ‘‘Sahassakkhattuṃ devindo, devarajjaṃ karissati;

    бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.

    Padesarajjaṃ vipulaṃ, gaṇanāto asaṅkhiyaṃ.

    ‘‘бажчимз бхавасамбад̇д̇з, мануссад̇д̇ам̣ г̇амиссад̇и;

    ‘‘Pacchime bhavasampatte, manussattaṃ gamissati;

    б̣раахман̣ий саарияаа наама, д̇хаараяиссад̇и гужчинаа.

    Brāhmaṇī sāriyā nāma, dhārayissati kucchinā.

    ‘‘маад̇уяаа наамаг̇од̇д̇зна, бан̃н̃ааяиссад̇ияам̣ наро;

    ‘‘Mātuyā nāmagottena, paññāyissatiyaṃ naro;

    саарибуд̇д̇од̇и наамзна, д̇игкабан̃н̃о бхависсад̇и.

    Sāriputtoti nāmena, tikkhapañño bhavissati.

    ‘‘асийд̇игодий чад̣д̣зд̇ваа, баб̣б̣аж̇иссад̇игин̃жано;

    ‘‘Asītikoṭī chaḍḍetvā, pabbajissatikiñcano;

    г̇авзсанд̇о санд̇ибад̣̇ам̣, жариссад̇и махим̣ имам̣.

    Gavesanto santipadaṃ, carissati mahiṃ imaṃ.

    ‘‘абаримзяяз ид̇о габбз, оггаагагуласамбхаво;

    ‘‘Aparimeyye ito kappe, okkākakulasambhavo;

    г̇од̇амо наама г̇од̇д̇зна, сад̇т̇аа логз бхависсад̇и.

    Gotamo nāma gottena, satthā loke bhavissati.

    ‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;

    ‘‘Tassa dhammesu dāyādo, oraso dhammanimmito;

    саарибуд̇д̇од̇и наамзна, хзссад̇и аг̇г̇асааваго.

    Sāriputtoti nāmena, hessati aggasāvako.

    ‘‘аяам̣ бхааг̇ийрат̇ий г̇ан̇г̇аа, химаванд̇аа бабхаавид̇аа;

    ‘‘Ayaṃ bhāgīrathī gaṅgā, himavantā pabhāvitā;

    махаасамуд̣̇д̣̇амаббзд̇и, д̇аббаяанд̇ий маход̣̇ад̇хим̣.

    Mahāsamuddamappeti, tappayantī mahodadhiṃ.

    ‘‘д̇ат̇звааяам̣ саарибуд̇д̇о, сагз д̇ийсу висаарад̣̇о;

    ‘‘Tathevāyaṃ sāriputto, sake tīsu visārado;

    бан̃н̃ааяа баарамим̣ г̇анд̇ваа, д̇аббаяиссад̇и баан̣инз.

    Paññāya pāramiṃ gantvā, tappayissati pāṇine.

    ‘‘химаванд̇амубаад̣̇ааяа , сааг̇аран̃жа маход̣̇ад̇хим̣;

    ‘‘Himavantamupādāya , sāgarañca mahodadhiṃ;

    зд̇т̇анд̇арз яам̣ булинам̣, г̇ан̣анаад̇о асан̇кияам̣.

    Etthantare yaṃ pulinaṃ, gaṇanāto asaṅkhiyaṃ.

    ‘‘д̇амби саггаа асзсзна, сан̇каад̇ум̣ г̇ан̣анаа яат̇аа;

    ‘‘Tampi sakkā asesena, saṅkhātuṃ gaṇanā yathā;

    на д̇взва саарибуд̇д̇асса, бан̃н̃ааяанд̇о бхависсад̇и.

    Na tveva sāriputtassa, paññāyanto bhavissati.

    ‘‘лагкз табияамаанамхи, кийяз г̇ан̇г̇ааяа ваалугаа;

    ‘‘Lakkhe ṭhapiyamānamhi, khīye gaṅgāya vālukā;

    на д̇взва саарибуд̇д̇асса, бан̃н̃ааяанд̇о бхависсад̇и.

    Na tveva sāriputtassa, paññāyanto bhavissati.

    ‘‘махаасамуд̣̇д̣̇з уумияо, г̇ан̣анаад̇о асан̇кияаа;

    ‘‘Mahāsamudde ūmiyo, gaṇanāto asaṅkhiyā;

    д̇ат̇зва саарибуд̇д̇асса, бан̃н̃ааяанд̇о на хзссад̇и.

    Tatheva sāriputtassa, paññāyanto na hessati.

    ‘‘аараад̇хаяид̇ваа самб̣уд̣̇д̇хам̣, г̇од̇амам̣ сагяабун̇г̇авам̣;

    ‘‘Ārādhayitvā sambuddhaṃ, gotamaṃ sakyapuṅgavaṃ;

    бан̃н̃ааяа баарамим̣ г̇анд̇ваа, хзссад̇и аг̇г̇асааваго.

    Paññāya pāramiṃ gantvā, hessati aggasāvako.

    ‘‘бавад̇д̇ид̇ам̣ д̇хаммажаггам̣, сагяабуд̇д̇зна д̇аад̣̇инаа;

    ‘‘Pavattitaṃ dhammacakkaṃ, sakyaputtena tādinā;

    анувад̇д̇зссад̇и саммаа, вассзнд̇о д̇хаммавудтияо.

    Anuvattessati sammā, vassento dhammavuṭṭhiyo.

    ‘‘саб̣б̣амзд̇ам̣ абхин̃н̃ааяа, г̇од̇амо сагяабун̇г̇аво;

    ‘‘Sabbametaṃ abhiññāya, gotamo sakyapuṅgavo;

    бхигкусан̇гхз нисийд̣̇ид̇ваа, аг̇г̇адтаанз табзссад̇и.

    Bhikkhusaṅghe nisīditvā, aggaṭṭhāne ṭhapessati.

    ‘‘ахо мз сугад̇ам̣ гаммам̣, аномад̣̇ассисса сад̇т̇уно;

    ‘‘Aho me sukataṃ kammaṃ, anomadassissa satthuno;

    яассаахам̣ гаарам̣ гад̇ваана, саб̣б̣ад̇т̇а баарамим̣ г̇ад̇о.

    Yassāhaṃ kāraṃ katvāna, sabbattha pāramiṃ gato.

    ‘‘абаримзяяз гад̇ам̣ гаммам̣, палам̣ д̣̇ассзд̇и мз ид̇ха;

    ‘‘Aparimeyye kataṃ kammaṃ, phalaṃ dasseti me idha;

    сумуд̇д̇о саравзг̇ова, гилзсз жхаабаяим̣ ахам̣.

    Sumutto saravegova, kilese jhāpayiṃ ahaṃ.

    ‘‘асан̇кад̇ам̣ г̇авзсанд̇о, ниб̣б̣аанам̣ ажалам̣ бад̣̇ам̣;

    ‘‘Asaṅkhataṃ gavesanto, nibbānaṃ acalaṃ padaṃ;

    вижинам̣ д̇ид̇т̇ияз саб̣б̣з, зсаахам̣ сам̣сарим̣ бхавз.

    Vicinaṃ titthiye sabbe, esāhaṃ saṃsariṃ bhave.

    ‘‘яат̇ааби б̣яаад̇хид̇о босо, бариязсзяяа осад̇хам̣;

    ‘‘Yathāpi byādhito poso, pariyeseyya osadhaṃ;

    вижинзяяа ванам̣ саб̣б̣ам̣, б̣яаад̇хид̇о баримуд̇д̇ияаа.

    Vicineyya vanaṃ sabbaṃ, byādhito parimuttiyā.

    ‘‘асан̇кад̇ам̣ г̇авзсанд̇о, ниб̣б̣аанам̣ амад̇ам̣ бад̣̇ам̣;

    ‘‘Asaṅkhataṃ gavesanto, nibbānaṃ amataṃ padaṃ;

    аб̣б̣огин̣н̣ам̣ бан̃жасад̇ам̣, баб̣б̣аж̇им̣ исибаб̣б̣аж̇ам̣.

    Abbokiṇṇaṃ pañcasataṃ, pabbajiṃ isipabbajaṃ.

    ‘‘ж̇адаабхаарзна бхарид̇о, аж̇инуд̇д̇араниваасано;

    ‘‘Jaṭābhārena bharito, ajinuttaranivāsano;

    абхин̃н̃аабаарамим̣ г̇анд̇ваа, б̣рахмалогам̣ аг̇ажчихам̣.

    Abhiññāpāramiṃ gantvā, brahmalokaṃ agacchihaṃ.

    ‘‘над̇т̇и б̣аахирагз суд̣̇д̇хи, табзд̇ваа ж̇инасаасанам̣;

    ‘‘Natthi bāhirake suddhi, ṭhapetvā jinasāsanaṃ;

    яз гзжи б̣уд̣̇д̇химаа сад̇д̇аа, суж̇жханд̇и ж̇инасаасанз.

    Ye keci buddhimā sattā, sujjhanti jinasāsane.

    ‘‘ад̇д̇агаарамаяам̣ зд̇ам̣, наяид̣̇ам̣ ид̇ихийд̇ихам̣;

    ‘‘Attakāramayaṃ etaṃ, nayidaṃ itihītihaṃ;

    асан̇кад̇ам̣ г̇авзсанд̇о, гуд̇ид̇т̇з сан̃жарим̣ ахам̣.

    Asaṅkhataṃ gavesanto, kutitthe sañcariṃ ahaṃ.

    ‘‘яат̇аа саарад̇т̇иго босо, гад̣̇алим̣ чзд̇ваана паалаяз;

    ‘‘Yathā sāratthiko poso, kadaliṃ chetvāna phālaye;

    на д̇ад̇т̇а саарам̣ винд̣̇зяяа, саарзна рид̇д̇аго хи со.

    Na tattha sāraṃ vindeyya, sārena rittako hi so.

    ‘‘д̇ат̇зва д̇ид̇т̇ияаа логз, наанаад̣̇идтий б̣ахуж̇ж̇анаа.

    ‘‘Tatheva titthiyā loke, nānādiṭṭhī bahujjanā.

    асан̇кад̇зна рид̇д̇аасз, саарзна гад̣̇алий яат̇аа.

    Asaṅkhatena rittāse, sārena kadalī yathā.

    ‘‘бажчимз бхавасамбад̇д̇з, б̣рахмаб̣анд̇ху ахосахам̣;

    ‘‘Pacchime bhavasampatte, brahmabandhu ahosahaṃ;

    махаабхог̇ам̣ чад̣д̣зд̇ваана, баб̣б̣аж̇им̣ анаг̇аарияам̣.

    Mahābhogaṃ chaḍḍetvāna, pabbajiṃ anagāriyaṃ.

    ‘‘аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу;

    ‘‘Ajjhāyako mantadharo, tiṇṇaṃ vedāna pāragū;

    б̣раахман̣о сан̃жаяо наама, д̇асса муулз васаамахам̣.

    Brāhmaṇo sañcayo nāma, tassa mūle vasāmahaṃ.

    ‘‘сааваго д̇з махаавийра, ассаж̇и наама б̣раахман̣о;

    ‘‘Sāvako te mahāvīra, assaji nāma brāhmaṇo;

    д̣̇ураасад̣̇о уг̇г̇ад̇зж̇о, бин̣д̣ааяа жарад̇ий д̇ад̣̇аа.

    Durāsado uggatejo, piṇḍāya caratī tadā.

    ‘‘д̇амад̣̇д̣̇асаасим̣ саббан̃н̃ам̣, муним̣ монз самаахид̇ам̣;

    ‘‘Tamaddasāsiṃ sappaññaṃ, muniṃ mone samāhitaṃ;

    санд̇ажид̇д̇ам̣ махаанааг̇ам̣, супуллам̣ бад̣̇умам̣ яат̇аа.

    Santacittaṃ mahānāgaṃ, suphullaṃ padumaṃ yathā.

    ‘‘д̣̇исваа мз жид̇д̇амуббаж̇ж̇и, суд̣̇анд̇ам̣ суд̣̇д̇хамаанасам̣;

    ‘‘Disvā me cittamuppajji, sudantaṃ suddhamānasaṃ;

    усабхам̣ баварам̣ вийрам̣, арахааяам̣ бхависсад̇и.

    Usabhaṃ pavaraṃ vīraṃ, arahāyaṃ bhavissati.

    ‘‘баасаад̣̇иго ирияад̇и, абхируубо сусам̣вуд̇о;

    ‘‘Pāsādiko iriyati, abhirūpo susaṃvuto;

    уд̇д̇амз д̣̇амат̇з д̣̇анд̇о, амад̇ад̣̇ассий бхависсад̇и.

    Uttame damathe danto, amatadassī bhavissati.

    ‘‘яам̣нуунаахам̣ уд̇д̇амад̇т̇ам̣, бужчзяяам̣ д̇удтамаанасам̣;

    ‘‘Yaṃnūnāhaṃ uttamatthaṃ, puccheyyaṃ tuṭṭhamānasaṃ;

    со мз будто гат̇зссад̇и, бадибужчаамахам̣ д̇ад̣̇аа.

    So me puṭṭho kathessati, paṭipucchāmahaṃ tadā.

    ‘‘бин̣д̣абаад̇ам̣ жаранд̇асса, бажчад̇о аг̇амаасахам̣;

    ‘‘Piṇḍapātaṃ carantassa, pacchato agamāsahaṃ;

    огаасам̣ бадимаанзнд̇о, бужчид̇ум̣ амад̇ам̣ бад̣̇ам̣.

    Okāsaṃ paṭimānento, pucchituṃ amataṃ padaṃ.

    ‘‘вийт̇инд̇арз ануббад̇д̇ам̣, убаг̇анд̇ваана бужчахам̣;

    ‘‘Vīthintare anuppattaṃ, upagantvāna pucchahaṃ;

    гат̇ам̣ г̇од̇д̇оси д̇вам̣ вийра, гасса сиссоси маариса.

    Kathaṃ gottosi tvaṃ vīra, kassa sissosi mārisa.

    ‘‘со мз будто вияаагааси, асамбхийд̇ова гзсарий;

    ‘‘So me puṭṭho viyākāsi, asambhītova kesarī;

    б̣уд̣̇д̇хо логз самуббанно, д̇асса сиссомхи аавусо.

    Buddho loke samuppanno, tassa sissomhi āvuso.

    ‘‘гийд̣̇исам̣ д̇з махаавийра, ануж̇аад̇о махааяасо;

    ‘‘Kīdisaṃ te mahāvīra, anujāto mahāyaso;

    б̣уд̣̇д̇хасса саасанам̣ д̇хаммам̣, саад̇ху мз гат̇аяассу бхо.

    Buddhassa sāsanaṃ dhammaṃ, sādhu me kathayassu bho.

    ‘‘со мз будто гат̇ий саб̣б̣ам̣, г̇амбхийрам̣ нибун̣ам̣ бад̣̇ам̣;

    ‘‘So me puṭṭho kathī sabbaṃ, gambhīraṃ nipuṇaṃ padaṃ;

    д̇ан̣хаасалласса ханд̇аарам̣, саб̣б̣ад̣̇угкаабанууд̣̇анам̣.

    Taṇhāsallassa hantāraṃ, sabbadukkhāpanūdanaṃ.

    ‘‘яз д̇хаммаа хзд̇уббабхаваа, д̇зсам̣ хзд̇ум̣ д̇ат̇ааг̇ад̇о ааха;

    ‘‘Ye dhammā hetuppabhavā, tesaṃ hetuṃ tathāgato āha;

    д̇зсан̃жа яо нирод̇хо, звам̣ваад̣̇ий махаасаман̣о.

    Tesañca yo nirodho, evaṃvādī mahāsamaṇo.

    ‘‘сохам̣ виссаж̇ж̇ид̇з бан̃хз, батамам̣ паламаж̇жхаг̇ам̣;

    ‘‘Sohaṃ vissajjite pañhe, paṭhamaṃ phalamajjhagaṃ;

    вираж̇о вимало аасим̣, суд̇ваана ж̇инасаасанам̣.

    Virajo vimalo āsiṃ, sutvāna jinasāsanaṃ.

    ‘‘суд̇ваана мунино ваагяам̣, бассид̇ваа д̇хаммамуд̇д̇амам̣;

    ‘‘Sutvāna munino vākyaṃ, passitvā dhammamuttamaṃ;

    барияог̇аал̣хасад̣̇д̇хаммо, имам̣ г̇аат̇амабхаасахам̣.

    Pariyogāḷhasaddhammo, imaṃ gāthamabhāsahaṃ.

    ‘‘зсзва д̇хаммо яад̣̇и д̇аавад̣̇зва, бажжаб̣яат̇а бад̣̇амасогам̣;

    ‘‘Eseva dhammo yadi tāvadeva, paccabyatha padamasokaṃ;

    ад̣̇идтам̣ аб̣бхад̇ийд̇ам̣, б̣ахугзхи габбанахуд̇зхи.

    Adiṭṭhaṃ abbhatītaṃ, bahukehi kappanahutehi.

    ‘‘яваахам̣ д̇хаммам̣ г̇авзсанд̇о, гуд̇ид̇т̇з сан̃жарим̣ ахам̣;

    ‘‘Yvāhaṃ dhammaṃ gavesanto, kutitthe sañcariṃ ahaṃ;

    со мз ад̇т̇о ануббад̇д̇о, гаало мз наббамаж̇ж̇ид̇ум̣.

    So me attho anuppatto, kālo me nappamajjituṃ.

    ‘‘д̇осид̇охам̣ ассаж̇инаа, бад̇ваана ажалам̣ бад̣̇ам̣;

    ‘‘Tositohaṃ assajinā, patvāna acalaṃ padaṃ;

    сахааяагам̣ г̇авзсанд̇о, ассамам̣ аг̇амаасахам̣.

    Sahāyakaṃ gavesanto, assamaṃ agamāsahaṃ.

    ‘‘д̣̇уурад̇ова мамам̣ д̣̇исваа, сахааяо мз сусигкид̇о;

    ‘‘Dūratova mamaṃ disvā, sahāyo me susikkhito;

    ирияаабат̇асамбанно, ид̣̇ам̣ важанамаб̣рави.

    Iriyāpathasampanno, idaṃ vacanamabravi.

    ‘‘басаннамуканзд̇д̇оси, мунибхаавова д̣̇иссад̇и;

    ‘‘Pasannamukhanettosi, munibhāvova dissati;

    амад̇аад̇хиг̇ад̇о гажжи, ниб̣б̣аанамажжуд̇ам̣ бад̣̇ам̣.

    Amatādhigato kacci, nibbānamaccutaṃ padaṃ.

    ‘‘субхаануруубо ааяааси, аанзн̃ж̇агаарид̇о вияа;

    ‘‘Subhānurūpo āyāsi, āneñjakārito viya;

    д̣̇анд̇ова д̣̇анд̇ад̣̇амат̇о, убасанд̇оси б̣раахман̣а.

    Dantova dantadamatho, upasantosi brāhmaṇa.

    ‘‘амад̇ам̣ маяаад̇хиг̇ад̇ам̣, согасаллаабанууд̣̇анам̣;

    ‘‘Amataṃ mayādhigataṃ, sokasallāpanūdanaṃ;

    д̇вамби д̇ам̣ ад̇хиг̇ажчзси, г̇ажчаама б̣уд̣̇д̇хасанд̇игам̣.

    Tvampi taṃ adhigacchesi, gacchāma buddhasantikaṃ.

    ‘‘саад̇хууд̇и со бадиссуд̇ваа, сахааяо мз сусигкид̇о;

    ‘‘Sādhūti so paṭissutvā, sahāyo me susikkhito;

    хад̇т̇зна хад̇т̇ам̣ г̇ан̣хид̇ваа, убаг̇амма д̇аванд̇игам̣.

    Hatthena hatthaṃ gaṇhitvā, upagamma tavantikaṃ.

    ‘‘убхоби баб̣б̣аж̇иссаама, сагяабуд̇д̇а д̇аванд̇игз;

    ‘‘Ubhopi pabbajissāma, sakyaputta tavantike;

    д̇ава саасанамааг̇амма, вихараама анаасаваа.

    Tava sāsanamāgamma, viharāma anāsavā.

    ‘‘голид̇о ид̣̇д̇хияаа сздто, ахам̣ бан̃н̃ааяа баараг̇о;

    ‘‘Kolito iddhiyā seṭṭho, ahaṃ paññāya pārago;

    убхова згад̇о худ̇ваа, саасанам̣ собхаяаамасз.

    Ubhova ekato hutvā, sāsanaṃ sobhayāmase.

    ‘‘абарияосид̇асан̇габбо, гуд̇ид̇т̇з сан̃жарим̣ ахам̣;

    ‘‘Apariyositasaṅkappo, kutitthe sañcariṃ ahaṃ;

    д̇ава д̣̇ассанамааг̇амма, сан̇габбо буурид̇о мама.

    Tava dassanamāgamma, saṅkappo pūrito mama.

    ‘‘бат̇авияам̣ бад̇идтааяа, бубпанд̇и самаяз д̣̇умаа;

    ‘‘Pathaviyaṃ patiṭṭhāya, pupphanti samaye dumā;

    д̣̇иб̣б̣аг̇анд̇хаа самбаванд̇и, д̇осзнд̇и саб̣б̣абаан̣инам̣.

    Dibbagandhā sampavanti, tosenti sabbapāṇinaṃ.

    ‘‘д̇ат̇зваахам̣ махаавийра, сагяабуд̇д̇а махааяаса;

    ‘‘Tathevāhaṃ mahāvīra, sakyaputta mahāyasa;

    саасанз д̇з бад̇идтааяа, самаязсаами бубпид̇ум̣.

    Sāsane te patiṭṭhāya, samayesāmi pupphituṃ.

    ‘‘вимуд̇д̇ибубпам̣ зсанд̇о, бхавасам̣саараможанам̣;

    ‘‘Vimuttipupphaṃ esanto, bhavasaṃsāramocanaṃ;

    вимуд̇д̇ибубпалаабхзна, д̇осзми саб̣б̣абаан̣инам̣.

    Vimuttipupphalābhena, tosemi sabbapāṇinaṃ.

    ‘‘яаавад̇аа б̣уд̣̇д̇хакзд̇д̇амхи, табзд̇ваана махаамуним̣;

    ‘‘Yāvatā buddhakhettamhi, ṭhapetvāna mahāmuniṃ;

    бан̃н̃ааяа сад̣̇исо над̇т̇и, д̇ава буд̇д̇асса жагкума.

    Paññāya sadiso natthi, tava puttassa cakkhuma.

    ‘‘сувинийд̇аа жа д̇з сиссаа, барисаа жасусигкид̇аа;

    ‘‘Suvinītā ca te sissā, parisā casusikkhitā;

    уд̇д̇амз д̣̇амат̇з д̣̇анд̇аа, бариваарзнд̇и д̇ам̣ сад̣̇аа.

    Uttame damathe dantā, parivārenti taṃ sadā.

    ‘‘жхааяий жхаанарад̇аа д̇хийраа, санд̇ажид̇д̇аа самаахид̇аа;

    ‘‘Jhāyī jhānaratā dhīrā, santacittā samāhitā;

    муний монзяяасамбаннаа, бариваарзнд̇и д̇ам̣ сад̣̇аа.

    Munī moneyyasampannā, parivārenti taṃ sadā.

    ‘‘аббижчаа нибагаа д̇хийраа, аббаахаараа алолубаа;

    ‘‘Appicchā nipakā dhīrā, appāhārā alolupā;

    лаабхаалаабхзна санд̇удтаа, бариваарзнд̇и д̇ам̣ сад̣̇аа.

    Lābhālābhena santuṭṭhā, parivārenti taṃ sadā.

    ‘‘ааран̃н̃игаа д̇худ̇арад̇аа, жхааяино луукажийвараа;

    ‘‘Āraññikā dhutaratā, jhāyino lūkhacīvarā;

    вивзгаабхирад̇аа д̇хийраа, бариваарзнд̇и д̇ам̣ сад̣̇аа.

    Vivekābhiratā dhīrā, parivārenti taṃ sadā.

    ‘‘бадибаннаа паладтаа жа, сзкаа паласаман̇г̇ино;

    ‘‘Paṭipannā phalaṭṭhā ca, sekhā phalasamaṅgino;

    аасийсагаа уд̇д̇амад̇т̇ам̣, бариваарзнд̇и д̇ам̣ сад̣̇аа.

    Āsīsakā uttamatthaṃ, parivārenti taṃ sadā.

    ‘‘сод̇аабаннаа жа вималаа, сагад̣̇ааг̇аамино жа яз;

    ‘‘Sotāpannā ca vimalā, sakadāgāmino ca ye;

    анааг̇аамий жа арахаа, бариваарзнд̇и д̇ам̣ сад̣̇аа.

    Anāgāmī ca arahā, parivārenti taṃ sadā.

    ‘‘сад̇ибадтаанагусалаа, б̣ож̇жхан̇г̇абхааванаарад̇аа;

    ‘‘Satipaṭṭhānakusalā, bojjhaṅgabhāvanāratā;

    саавагаа д̇з б̣ахуу саб̣б̣з, бариваарзнд̇и д̇ам̣ сад̣̇аа.

    Sāvakā te bahū sabbe, parivārenti taṃ sadā.

    ‘‘ид̣̇д̇хибаад̣̇зсу гусалаа, самаад̇хибхааванаарад̇аа;

    ‘‘Iddhipādesu kusalā, samādhibhāvanāratā;

    саммаббад̇хаанаануяуд̇д̇аа, бариваарзнд̇и д̇ам̣ сад̣̇аа.

    Sammappadhānānuyuttā, parivārenti taṃ sadā.

    ‘‘д̇звиж̇ж̇аа чал̣абхин̃н̃аа жа, ид̣̇д̇хияаа баарамим̣ г̇ад̇аа;

    ‘‘Tevijjā chaḷabhiññā ca, iddhiyā pāramiṃ gatā;

    бан̃н̃ааяа баарамим̣ бад̇д̇аа, бариваарзнд̇и д̇ам̣ сад̣̇аа.

    Paññāya pāramiṃ pattā, parivārenti taṃ sadā.

    ‘‘зд̣̇исаа д̇з махаавийра, д̇ава сиссаа сусигкид̇аа;

    ‘‘Edisā te mahāvīra, tava sissā susikkhitā;

    д̣̇ураасад̣̇аа уг̇г̇ад̇зж̇аа, бариваарзнд̇и д̇ам̣ сад̣̇аа.

    Durāsadā uggatejā, parivārenti taṃ sadā.

    ‘‘д̇зхи сиссзхи баривуд̇о, сан̃н̃ад̇зхи д̇абассибхи;

    ‘‘Tehi sissehi parivuto, saññatehi tapassibhi;

    миг̇арааж̇аавасамбхийд̇о, ул̣урааж̇аава собхаси.

    Migarājāvasambhīto, uḷurājāva sobhasi.

    ‘‘бат̇авияам̣ бад̇идтааяа, руханд̇и д̇харан̣ийрухаа;

    ‘‘Pathaviyaṃ patiṭṭhāya, ruhanti dharaṇīruhā;

    взбуллад̇ам̣ баабун̣анд̇и, палан̃жа д̣̇ассаяанд̇и д̇з.

    Vepullataṃ pāpuṇanti, phalañca dassayanti te.

    ‘‘бат̇авийсад̣̇исо д̇вам̣си, сагяабуд̇д̇а махааяаса;

    ‘‘Pathavīsadiso tvaṃsi, sakyaputta mahāyasa;

    саасанз д̇з бад̇идтааяа, лабханд̇и амад̇ам̣ палам̣.

    Sāsane te patiṭṭhāya, labhanti amataṃ phalaṃ.

    ‘‘синд̇ху сарассад̇ий жзва, нанд̣̇ияо жанд̣̇абхааг̇игаа;

    ‘‘Sindhu sarassatī ceva, nandiyo candabhāgikā;

    г̇ан̇г̇аа жа яамунаа жзва, сарабхуу жа ат̇о махий.

    Gaṅgā ca yamunā ceva, sarabhū ca atho mahī.

    ‘‘зд̇аасам̣ санд̣̇амаанаанам̣, сааг̇арова самбадижчад̇и;

    ‘‘Etāsaṃ sandamānānaṃ, sāgarova sampaṭicchati;

    ж̇аханд̇и буримам̣ наамам̣, сааг̇арод̇зва н̃ааяад̇и.

    Jahanti purimaṃ nāmaṃ, sāgaroteva ñāyati.

    ‘‘д̇ат̇звимз жад̇уб̣б̣ан̣н̣аа, баб̣б̣аж̇ид̇ваа д̇аванд̇игз;

    ‘‘Tathevime catubbaṇṇā, pabbajitvā tavantike;

    ж̇аханд̇и буримам̣ наамам̣, б̣уд̣̇д̇хабуд̇д̇аад̇и н̃ааяарз.

    Jahanti purimaṃ nāmaṃ, buddhaputtāti ñāyare.

    ‘‘яат̇ааби жанд̣̇о вимало, г̇ажчам̣ аагаасад̇хаад̇уяаа;

    ‘‘Yathāpi cando vimalo, gacchaṃ ākāsadhātuyā;

    саб̣б̣з д̇аараг̇ан̣з логз, аабхааяа ад̇ирожад̇и.

    Sabbe tāragaṇe loke, ābhāya atirocati.

    ‘‘д̇ат̇зва д̇вам̣ махаавийра, баривуд̇о д̣̇звамаанусз;

    ‘‘Tatheva tvaṃ mahāvīra, parivuto devamānuse;

    зд̇з саб̣б̣з ад̇иггамма, ж̇аласи саб̣б̣ад̣̇аа д̇увам̣.

    Ete sabbe atikkamma, jalasi sabbadā tuvaṃ.

    ‘‘г̇амбхийрз удтид̇аа уумий, на взламад̇ивад̇д̇арз;

    ‘‘Gambhīre uṭṭhitā ūmī, na velamativattare;

    саб̣б̣аа взлам̣ва пусанд̇и, сан̃жун̣н̣аа вигиранд̇и д̇аа.

    Sabbā velaṃva phusanti, sañcuṇṇā vikiranti tā.

    ‘‘д̇ат̇зва д̇ид̇т̇ияаа логз, наанаад̣̇идтий б̣ахуж̇ж̇анаа;

    ‘‘Tatheva titthiyā loke, nānādiṭṭhī bahujjanā;

    д̇хаммам̣ ваад̣̇ид̇угаамаа д̇з, наад̇ивад̇д̇анд̇и д̇ам̣ муним̣.

    Dhammaṃ vāditukāmā te, nātivattanti taṃ muniṃ.

    ‘‘сажз жа д̇ам̣ баабун̣анд̇и, бадиваад̣̇зхи жагкума;

    ‘‘Sace ca taṃ pāpuṇanti, paṭivādehi cakkhuma;

    д̇аванд̇игам̣ убаг̇анд̇ваа, сан̃жун̣н̣аава бхаванд̇и д̇з.

    Tavantikaṃ upagantvā, sañcuṇṇāva bhavanti te.

    ‘‘яат̇ааби уд̣̇агз ж̇аад̇аа, гумуд̣̇аа манд̣̇аалагаа б̣ахуу;

    ‘‘Yathāpi udake jātā, kumudā mandālakā bahū;

    убалимбанд̇и д̇оязна, гад̣̇д̣̇амагалалзна жа.

    Upalimpanti toyena, kaddamakalalena ca.

    ‘‘д̇ат̇зва б̣ахугаа сад̇д̇аа, логз ж̇аад̇аа вируухарз;

    ‘‘Tatheva bahukā sattā, loke jātā virūhare;

    аддид̇аа рааг̇ад̣̇осзна, гад̣̇д̣̇амз гумуд̣̇ам̣ яат̇аа.

    Aṭṭitā rāgadosena, kaddame kumudaṃ yathā.

    ‘‘яат̇ааби бад̣̇умам̣ ж̇алаж̇ам̣, ж̇аламаж̇жхз вируухад̇и;

    ‘‘Yathāpi padumaṃ jalajaṃ, jalamajjhe virūhati;

    на со лимбад̇и д̇оязна, барисуд̣̇д̇хо хи гзсарий.

    Na so limpati toyena, parisuddho hi kesarī.

    ‘‘д̇ат̇зва д̇вам̣ махаавийра, логз ж̇аад̇о махаамуни;

    ‘‘Tatheva tvaṃ mahāvīra, loke jāto mahāmuni;

    нобалимбаси логзна, д̇оязна бад̣̇умам̣ яат̇аа.

    Nopalimpasi lokena, toyena padumaṃ yathā.

    ‘‘яат̇ааби раммагз маасз, б̣ахуу бубпанд̇и ваариж̇аа;

    ‘‘Yathāpi rammake māse, bahū pupphanti vārijā;

    наад̇иггаманд̇и д̇ам̣ маасам̣, самаяо бубпанааяа со.

    Nātikkamanti taṃ māsaṃ, samayo pupphanāya so.

    ‘‘д̇ат̇зва д̇вам̣ махаавийра, бубпид̇о д̇з вимуд̇д̇ияаа;

    ‘‘Tatheva tvaṃ mahāvīra, pupphito te vimuttiyā;

    саасанам̣ наад̇ивад̇д̇анд̇и, бад̣̇умам̣ ваариж̇ам̣ яат̇аа.

    Sāsanaṃ nātivattanti, padumaṃ vārijaṃ yathā.

    ‘‘субубпид̇о сааларааж̇аа, д̣̇иб̣б̣аг̇анд̇хам̣ бавааяад̇и;

    ‘‘Supupphito sālarājā, dibbagandhaṃ pavāyati;

    ан̃н̃асаалзхи баривуд̇о, сааларааж̇аава собхад̇и.

    Aññasālehi parivuto, sālarājāva sobhati.

    ‘‘д̇ат̇зва д̇вам̣ махаавийра, б̣уд̣̇д̇хан̃аан̣зна бубпид̇о;

    ‘‘Tatheva tvaṃ mahāvīra, buddhañāṇena pupphito;

    бхигкусан̇гхабаривуд̇о, сааларааж̇аава собхаси.

    Bhikkhusaṅghaparivuto, sālarājāva sobhasi.

    ‘‘яат̇ааби сзло химаваа, осад̇хо саб̣б̣абаан̣инам̣;

    ‘‘Yathāpi selo himavā, osadho sabbapāṇinaṃ;

    нааг̇аанам̣ асураанан̃жа, д̣̇звад̇аанан̃жа аалаяо.

    Nāgānaṃ asurānañca, devatānañca ālayo.

    ‘‘д̇ат̇зва д̇вам̣ махаавийра, осад̇хо вияа баан̣инам̣;

    ‘‘Tatheva tvaṃ mahāvīra, osadho viya pāṇinaṃ;

    д̇звиж̇ж̇аа чал̣абхин̃н̃аа жа, ид̣̇д̇хияаа баарамим̣ г̇ад̇аа.

    Tevijjā chaḷabhiññā ca, iddhiyā pāramiṃ gatā.

    ‘‘анусидтаа махаавийра, д̇аяаа гаарун̣игзна д̇з;

    ‘‘Anusiṭṭhā mahāvīra, tayā kāruṇikena te;

    раманд̇и д̇хаммарад̇ияаа, васанд̇и д̇ава саасанз.

    Ramanti dhammaratiyā, vasanti tava sāsane.

    ‘‘миг̇арааж̇аа яат̇аа сийхо, абхинигкамма аасаяаа;

    ‘‘Migarājā yathā sīho, abhinikkhamma āsayā;

    жад̇уд̣̇д̣̇исаанувилогзд̇ваа, д̇игкад̇д̇ум̣ абхинаад̣̇ад̇и.

    Catuddisānuviloketvā, tikkhattuṃ abhinādati.

    ‘‘саб̣б̣з миг̇аа уд̇д̇асанд̇и, миг̇арааж̇асса г̇аж̇ж̇ад̇о;

    ‘‘Sabbe migā uttasanti, migarājassa gajjato;

    д̇ат̇аа хи ж̇аад̇имаа зсо, басуу д̇аасзд̇и саб̣б̣ад̣̇аа.

    Tathā hi jātimā eso, pasū tāseti sabbadā.

    ‘‘г̇аж̇ж̇ад̇о д̇з махаавийра, васуд̇хаа самбагамбад̇и;

    ‘‘Gajjato te mahāvīra, vasudhā sampakampati;

    б̣од̇ханзяяааваб̣уж̇жханд̇и, д̇асанд̇и маарагааяигаа.

    Bodhaneyyāvabujjhanti, tasanti mārakāyikā.

    ‘‘д̇асанд̇и д̇ид̇т̇ияаа саб̣б̣з, над̣̇ад̇о д̇з махаамуни;

    ‘‘Tasanti titthiyā sabbe, nadato te mahāmuni;

    гаагаа сзнаава виб̣бханд̇аа, миг̇аран̃н̃аа яат̇аа миг̇аа.

    Kākā senāva vibbhantā, migaraññā yathā migā.

    ‘‘яз гзжи г̇ан̣ино логз, сад̇т̇аарод̇и бавужжарз;

    ‘‘Ye keci gaṇino loke, satthāroti pavuccare;

    барамбарааг̇ад̇ам̣ д̇хаммам̣, д̣̇зсзнд̇и барисааяа д̇з.

    Paramparāgataṃ dhammaṃ, desenti parisāya te.

    ‘‘на хзвам̣ д̇вам̣ махаавийра, д̇хаммам̣ д̣̇зсзси баан̣инам̣;

    ‘‘Na hevaṃ tvaṃ mahāvīra, dhammaṃ desesi pāṇinaṃ;

    саамам̣ сажжаани б̣уж̇жхид̇ваа, гзвалам̣ б̣од̇хибагкияам̣.

    Sāmaṃ saccāni bujjhitvā, kevalaṃ bodhipakkhiyaṃ.

    ‘‘аасаяаанусаяам̣ н̃ад̇ваа; инд̣̇рияаанам̣ б̣алааб̣алам̣;

    ‘‘Āsayānusayaṃ ñatvā; indriyānaṃ balābalaṃ;

    бхаб̣б̣аабхаб̣б̣з вид̣̇ид̇ваана, махаамзгхова г̇аж̇ж̇аси.

    Bhabbābhabbe viditvāna, mahāmeghova gajjasi.

    ‘‘жаггаваал̣абарияанд̇аа, нисиннаа барисаа бхавз;

    ‘‘Cakkavāḷapariyantā, nisinnā parisā bhave;

    наанаад̣̇идтий вижинанд̇ам̣, вимад̇ижчзд̣̇анааяа д̇ам̣.

    Nānādiṭṭhī vicinantaṃ, vimaticchedanāya taṃ.

    ‘‘саб̣б̣зсам̣ жид̇д̇аман̃н̃ааяа, обаммагусало муни;

    ‘‘Sabbesaṃ cittamaññāya, opammakusalo muni;

    згам̣ бан̃хам̣ гат̇знд̇ова, вимад̇им̣ чинд̣̇аси баан̣инам̣.

    Ekaṃ pañhaṃ kathentova, vimatiṃ chindasi pāṇinaṃ.

    ‘‘убад̇иссасад̣̇исзхзва, васуд̇хаа буурид̇аа бхавз;

    ‘‘Upatissasadiseheva, vasudhā pūritā bhave;

    саб̣б̣зва д̇з бан̃ж̇алигаа, гид̇д̇аяум̣ логанааяагам̣.

    Sabbeva te pañjalikā, kittayuṃ lokanāyakaṃ.

    ‘‘габбам̣ ваа д̇з гид̇д̇аяанд̇аа, наанааван̣н̣зхи гид̇д̇аяум̣;

    ‘‘Kappaṃ vā te kittayantā, nānāvaṇṇehi kittayuṃ;

    баримзд̇ум̣ на саггзяяум̣, аббамзяяо д̇ат̇ааг̇ад̇о.

    Parimetuṃ na sakkeyyuṃ, appameyyo tathāgato.

    ‘‘яат̇аа сагзна т̇аамзна, гид̇д̇ид̇о хи маяаа ж̇ино;

    ‘‘Yathā sakena thāmena, kittito hi mayā jino;

    габбагодийби гид̇д̇знд̇аа, звамзва багид̇д̇аяум̣.

    Kappakoṭīpi kittentā, evameva pakittayuṃ.

    ‘‘сажз хи гожи д̣̇зво ваа, мануссо ваа сусигкид̇о;

    ‘‘Sace hi koci devo vā, manusso vā susikkhito;

    бамзд̇ум̣ баригаббзяяа, вигхаад̇ам̣ва лабхзяяа со.

    Pametuṃ parikappeyya, vighātaṃva labheyya so.

    ‘‘саасанз д̇з бад̇идтааяа, сагяабуд̇д̇а махааяаса;

    ‘‘Sāsane te patiṭṭhāya, sakyaputta mahāyasa;

    бан̃н̃ааяа баарамим̣ г̇анд̇ваа, вихараами анаасаво.

    Paññāya pāramiṃ gantvā, viharāmi anāsavo.

    ‘‘д̇ид̇т̇ияз самбамад̣̇д̣̇аами, вад̇д̇зми ж̇инасаасанам̣;

    ‘‘Titthiye sampamaddāmi, vattemi jinasāsanaṃ;

    д̇хаммасзнаабад̇и аж̇ж̇а, сагяабуд̇д̇асса саасанз.

    Dhammasenāpati ajja, sakyaputtassa sāsane.

    ‘‘абаримзяяз гад̇ам̣ гаммам̣, палам̣ д̣̇ассзси мз ид̇ха;

    ‘‘Aparimeyye kataṃ kammaṃ, phalaṃ dassesi me idha;

    сукид̇д̇о саравзг̇ова, гилзсз жхаабаяий мама.

    Sukhitto saravegova, kilese jhāpayī mama.

    ‘‘яо гожи мануж̇о бхаарам̣, д̇хаарзяяа мад̇т̇агз сад̣̇аа;

    ‘‘Yo koci manujo bhāraṃ, dhāreyya matthake sadā;

    бхаарзна д̣̇угкид̇о асса, бхаарзхи бхарид̇о д̇ат̇аа.

    Bhārena dukkhito assa, bhārehi bharito tathā.

    ‘‘д̣аяхамаано д̇ийхаг̇г̇ийхи, бхавзсу сам̣сарим̣ ахам̣;

    ‘‘Ḍayhamāno tīhaggīhi, bhavesu saṃsariṃ ahaṃ;

    бхарид̇о бхавабхаарзна, г̇ирим̣ ужжаарид̇о яат̇аа.

    Bharito bhavabhārena, giriṃ uccārito yathā.

    ‘‘оробид̇о жа мз бхааро, бхаваа уг̇гхаадид̇аа маяаа;

    ‘‘Oropito ca me bhāro, bhavā ugghāṭitā mayā;

    гаран̣ийяам̣ гад̇ам̣ саб̣б̣ам̣, сагяабуд̇д̇асса саасанз.

    Karaṇīyaṃ kataṃ sabbaṃ, sakyaputtassa sāsane.

    ‘‘яаавад̇аа б̣уд̣̇д̇хакзд̇д̇амхи, табзд̇ваа сагяабун̇г̇авам̣;

    ‘‘Yāvatā buddhakhettamhi, ṭhapetvā sakyapuṅgavaṃ;

    ахам̣ аг̇г̇омхи бан̃н̃ааяа, сад̣̇исо мз на виж̇ж̇ад̇и.

    Ahaṃ aggomhi paññāya, sadiso me na vijjati.

    ‘‘самаад̇химхи сугусало, ид̣̇д̇хияаа баарамим̣ г̇ад̇о;

    ‘‘Samādhimhi sukusalo, iddhiyā pāramiṃ gato;

    ижчамаано жахам̣ аж̇ж̇а, сахассам̣ абхинимминз.

    Icchamāno cahaṃ ajja, sahassaṃ abhinimmine.

    ‘‘анубуб̣б̣авихаарасса, васийбхууд̇о махаамуни;

    ‘‘Anupubbavihārassa, vasībhūto mahāmuni;

    гат̇зси саасанам̣ маяхам̣, нирод̇хо саяанам̣ мама.

    Kathesi sāsanaṃ mayhaṃ, nirodho sayanaṃ mama.

    ‘‘д̣̇иб̣б̣ажагку висуд̣̇д̇хам̣ мз, самаад̇хигусало ахам̣;

    ‘‘Dibbacakkhu visuddhaṃ me, samādhikusalo ahaṃ;

    саммаббад̇хаанаануяуд̇д̇о, б̣ож̇жхан̇г̇абхааванаарад̇о.

    Sammappadhānānuyutto, bojjhaṅgabhāvanārato.

    ‘‘саавагзна хи бад̇д̇аб̣б̣ам̣, саб̣б̣амзва гад̇ам̣ маяаа;

    ‘‘Sāvakena hi pattabbaṃ, sabbameva kataṃ mayā;

    логанаат̇ам̣ табзд̇ваана, сад̣̇исо мз на виж̇ж̇ад̇и.

    Lokanāthaṃ ṭhapetvāna, sadiso me na vijjati.

    ‘‘самаабад̇д̇ийнам̣ гусало, жхаанавимогкаана киббабадилаабхий;

    ‘‘Samāpattīnaṃ kusalo, jhānavimokkhāna khippapaṭilābhī;

    б̣ож̇жхан̇г̇абхааванаарад̇о, саавагаг̇ун̣абаарамиг̇ад̇осми.

    Bojjhaṅgabhāvanārato, sāvakaguṇapāramigatosmi.

    ‘‘саавагаг̇ун̣знаби пуссзна, б̣уд̣̇д̇хияаа барисуд̇д̇амабхаараваа;

    ‘‘Sāvakaguṇenapi phussena, buddhiyā parisuttamabhāravā;

    яам̣ сад̣̇д̇хаасан̇г̇ахид̇ам̣ жид̇д̇ам̣, сад̣̇аа саб̣рахмажаарийсу.

    Yaṃ saddhāsaṅgahitaṃ cittaṃ, sadā sabrahmacārīsu.

    ‘‘уд̣̇д̇хад̇ависова саббо, чиннависаан̣ова усабхо;

    ‘‘Uddhatavisova sappo, chinnavisāṇova usabho;

    нигкид̇д̇амаанад̣̇аббова, убзми г̇аруг̇ааравзна г̇ан̣ам̣.

    Nikkhittamānadappova, upemi garugāravena gaṇaṃ.

    ‘‘яад̣̇и руубиний бхавзяяа, бан̃н̃аа мз васумад̇ийби на самзяяа;

    ‘‘Yadi rūpinī bhaveyya, paññā me vasumatīpi na sameyya;

    аномад̣̇ассисса бхаг̇авад̇о, паламзд̇ам̣ н̃аан̣ат̇аванааяа.

    Anomadassissa bhagavato, phalametaṃ ñāṇathavanāya.

    ‘‘бавад̇д̇ид̇ам̣ д̇хаммажаггам̣, сагяабуд̇д̇зна д̇аад̣̇инаа;

    ‘‘Pavattitaṃ dhammacakkaṃ, sakyaputtena tādinā;

    анувад̇д̇змахам̣ саммаа, н̃аан̣ат̇аванааяид̣̇ам̣ палам̣.

    Anuvattemahaṃ sammā, ñāṇathavanāyidaṃ phalaṃ.

    ‘‘маа мз гад̣̇аажи баабижчо, гусийд̇о хийнавийрияо;

    ‘‘Mā me kadāci pāpiccho, kusīto hīnavīriyo;

    аббассуд̇о анаажааро, самзд̇о аху гад̇т̇ажи.

    Appassuto anācāro, sameto ahu katthaci.

    ‘‘б̣ахуссуд̇о жа мзд̇хаавий, сийлзсу сусамаахид̇о;

    ‘‘Bahussuto ca medhāvī, sīlesu susamāhito;

    жзд̇осамат̇аануяуд̇д̇о, аби муд̣̇д̇хани д̇идтад̇у.

    Cetosamathānuyutto, api muddhani tiṭṭhatu.

    ‘‘д̇ам̣ во вад̣̇аами бхад̣̇д̣̇анд̇з, д̇ааванд̇зд̇т̇а самааг̇ад̇аа;

    ‘‘Taṃ vo vadāmi bhaddante, tāvantettha samāgatā;

    аббижчаа хот̇а санд̇удтаа, жхааяий жхаанарад̇аа сад̣̇аа.

    Appicchā hotha santuṭṭhā, jhāyī jhānaratā sadā.

    ‘‘яамахам̣ батамам̣ д̣̇исваа, вираж̇о вимало ахум̣;

    ‘‘Yamahaṃ paṭhamaṃ disvā, virajo vimalo ahuṃ;

    со мз аажарияо д̇хийро, ассаж̇и наама сааваго.

    So me ācariyo dhīro, assaji nāma sāvako.

    ‘‘д̇ассаахам̣ ваахасаа аж̇ж̇а, д̇хаммасзнаабад̇ий ахум̣;

    ‘‘Tassāhaṃ vāhasā ajja, dhammasenāpatī ahuṃ;

    саб̣б̣ад̇т̇а баарамим̣ бад̇ваа, вихараами анаасаво.

    Sabbattha pāramiṃ patvā, viharāmi anāsavo.

    ‘‘яо мз аажарияо ааси, ассаж̇и наама сааваго;

    ‘‘Yo me ācariyo āsi, assaji nāma sāvako;

    яассам̣ д̣̇исааяам̣ васад̇и, уссийсамхи гаромахам̣.

    Yassaṃ disāyaṃ vasati, ussīsamhi karomahaṃ.

    ‘‘мама гаммам̣ сарид̇ваана, г̇од̇амо сагяабун̇г̇аво;

    ‘‘Mama kammaṃ saritvāna, gotamo sakyapuṅgavo;

    бхигкусан̇гхз нисийд̣̇ид̇ваа, аг̇г̇адтаанз табзси мам̣.

    Bhikkhusaṅghe nisīditvā, aggaṭṭhāne ṭhapesi maṃ.

    ‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.

    ‘‘Kilesā jhāpitā mayhaṃ…pe… kataṃ buddhassa sāsana’’nti.

    абарабхааг̇з бана сад̇т̇аа ж̇зд̇аванамахаавихаарз арияаг̇ан̣амаж̇жхз нисинно ад̇д̇ано саавагз д̇зна д̇зна г̇ун̣ависзсзна зд̇ад̣̇аг̇г̇з табзнд̇о – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ махаабан̃н̃аанам̣ яад̣̇ид̣̇ам̣ саарибуд̇д̇о’’д̇и (а. ни. 1.188-189) т̇зрам̣ махаабан̃н̃абхаавзна зд̇ад̣̇аг̇г̇з табзси. со звам̣ саавагабаарамийн̃аан̣асса мад̇т̇агам̣ бад̇ваа д̇хаммасзнаабад̇идтаанз бад̇идтахид̇ваа сад̇д̇ахид̇ам̣ гаронд̇о згад̣̇ивасам̣ саб̣рахмажаарийнам̣ ад̇д̇ано жарияавибхааванамукзна ан̃н̃ам̣ б̣яаагаронд̇о –

    Aparabhāge pana satthā jetavanamahāvihāre ariyagaṇamajjhe nisinno attano sāvake tena tena guṇavisesena etadagge ṭhapento – ‘‘etadaggaṃ, bhikkhave, mama sāvakānaṃ bhikkhūnaṃ mahāpaññānaṃ yadidaṃ sāriputto’’ti (a. ni. 1.188-189) theraṃ mahāpaññabhāvena etadagge ṭhapesi. So evaṃ sāvakapāramīñāṇassa matthakaṃ patvā dhammasenāpatiṭṭhāne patiṭṭhahitvā sattahitaṃ karonto ekadivasaṃ sabrahmacārīnaṃ attano cariyavibhāvanamukhena aññaṃ byākaronto –

    981.

    981.

    ‘‘яат̇аажаарий яат̇аасад̇о сад̇иймаа, яад̇асан̇габбаж̇жхааяи аббамад̇д̇о;

    ‘‘Yathācārī yathāsato satīmā, yatasaṅkappajjhāyi appamatto;

    аж̇жхад̇д̇арад̇о самаахид̇ад̇д̇о, зго санд̇усид̇о д̇амааху бхигкум̣.

    Ajjhattarato samāhitatto, eko santusito tamāhu bhikkhuṃ.

    982.

    982.

    ‘‘аллам̣ сугкам̣ ваа бхун̃ж̇анд̇о, на б̣аал̣хам̣ сухид̇о сияаа;

    ‘‘Allaṃ sukkhaṃ vā bhuñjanto, na bāḷhaṃ suhito siyā;

    уунууд̣̇аро мид̇аахааро, сад̇о бхигку бариб̣б̣аж̇з.

    Ūnūdaro mitāhāro, sato bhikkhu paribbaje.

    983.

    983.

    ‘‘жад̇д̇ааро бан̃жа аалобз, абхуд̇ваа уд̣̇агам̣ бивз;

    ‘‘Cattāro pañca ālope, abhutvā udakaṃ pive;

    алам̣ паасувихаарааяа, бахид̇ад̇д̇асса бхигкуно.

    Alaṃ phāsuvihārāya, pahitattassa bhikkhuno.

    984.

    984.

    ‘‘габбияам̣ д̇ан̃жз чаад̣̇зд̇и, жийварам̣ ид̣̇амад̇т̇игам̣;

    ‘‘Kappiyaṃ tañce chādeti, cīvaraṃ idamatthikaṃ;

    алам̣ паасувихаарааяа, бахид̇ад̇д̇асса бхигкуно.

    Alaṃ phāsuvihārāya, pahitattassa bhikkhuno.

    985.

    985.

    ‘‘баллан̇гзна нисиннасса, ж̇ан̣н̣угз наабхивассад̇и;

    ‘‘Pallaṅkena nisinnassa, jaṇṇuke nābhivassati;

    алам̣ паасувихаарааяа, бахид̇ад̇д̇асса бхигкуно.

    Alaṃ phāsuvihārāya, pahitattassa bhikkhuno.

    986.

    986.

    ‘‘яо сукам̣ д̣̇угкад̇о ад̣̇д̣̇а, д̣̇угкамад̣̇д̣̇агки саллад̇о;

    ‘‘Yo sukhaṃ dukkhato adda, dukkhamaddakkhi sallato;

    убхаяанд̇арзна наахоси, гзна логасми гим̣ сияаа.

    Ubhayantarena nāhosi, kena lokasmi kiṃ siyā.

    987.

    987.

    ‘‘маа мз гад̣̇аажи баабижчо, гусийд̇о хийнавийрияо;

    ‘‘Mā me kadāci pāpiccho, kusīto hīnavīriyo;

    аббассуд̇о анаад̣̇аро, гзна логасми гим̣ сияаа.

    Appassuto anādaro, kena lokasmi kiṃ siyā.

    988.

    988.

    ‘‘б̣ахуссуд̇о жа мзд̇хаавий, сийлзсу сусамаахид̇о;

    ‘‘Bahussuto ca medhāvī, sīlesu susamāhito;

    жзд̇осамат̇амануяуд̇д̇о, аби муд̣̇д̇хани д̇идтад̇у.

    Cetosamathamanuyutto, api muddhani tiṭṭhatu.

    989.

    989.

    ‘‘яо бабан̃жамануяуд̇д̇о, бабан̃жаабхирад̇о маг̇о;

    ‘‘Yo papañcamanuyutto, papañcābhirato mago;

    вираад̇хаяий со ниб̣б̣аанам̣, яог̇агкзмам̣ ануд̇д̇арам̣.

    Virādhayī so nibbānaṃ, yogakkhemaṃ anuttaraṃ.

    990.

    990.

    ‘‘яо жа бабан̃жам̣ хид̇ваана, ниббабан̃жабат̇з рад̇о;

    ‘‘Yo ca papañcaṃ hitvāna, nippapañcapathe rato;

    аараад̇хаяий со ниб̣б̣аанам̣, яог̇агкзмам̣ ануд̇д̇арам̣.

    Ārādhayī so nibbānaṃ, yogakkhemaṃ anuttaraṃ.

    991.

    991.

    ‘‘г̇аамз ваа яад̣̇и вааран̃н̃з, ниннз ваа яад̣̇и ваа т̇алз;

    ‘‘Gāme vā yadi vāraññe, ninne vā yadi vā thale;

    яад̇т̇а араханд̇о вихаранд̇и, д̇ам̣ бхуумирааман̣зяяагам̣.

    Yattha arahanto viharanti, taṃ bhūmirāmaṇeyyakaṃ.

    992.

    992.

    ‘‘раман̣ийяаани аран̃н̃аани, яад̇т̇а на рамад̇ий ж̇ано;

    ‘‘Ramaṇīyāni araññāni, yattha na ramatī jano;

    вийд̇арааг̇аа рамиссанд̇и, на д̇з гаамаг̇авзсино.

    Vītarāgā ramissanti, na te kāmagavesino.

    993.

    993.

    ‘‘нид̇хийнам̣ва бавад̇д̇аарам̣, яам̣ бассз важ̇ж̇ад̣̇ассинам̣;

    ‘‘Nidhīnaṃva pavattāraṃ, yaṃ passe vajjadassinaṃ;

    ниг̇г̇аяхаваад̣̇им̣ мзд̇хаавим̣, д̇аад̣̇исам̣ бан̣д̣ид̇ам̣ бхаж̇з;

    Niggayhavādiṃ medhāviṃ, tādisaṃ paṇḍitaṃ bhaje;

    д̇аад̣̇исам̣ бхаж̇амаанасса, сзяяо ход̇и на баабияо.

    Tādisaṃ bhajamānassa, seyyo hoti na pāpiyo.

    994.

    994.

    ‘‘овад̣̇зяяаанусаасзяяа, асаб̣бхаа жа ниваараяз;

    ‘‘Ovadeyyānusāseyya, asabbhā ca nivāraye;

    сад̇ан̃хи со бияо ход̇и, асад̇ам̣ ход̇и аббияо.

    Satañhi so piyo hoti, asataṃ hoti appiyo.

    995.

    995.

    ‘‘ан̃н̃асса бхаг̇аваа б̣уд̣̇д̇хо, д̇хаммам̣ д̣̇зсзси жагкумаа;

    ‘‘Aññassa bhagavā buddho, dhammaṃ desesi cakkhumā;

    д̇хаммз д̣̇зсияамаанамхи, сод̇амаад̇хзсимад̇т̇иго;

    Dhamme desiyamānamhi, sotamādhesimatthiko;

    д̇ам̣ мз амогхам̣ саванам̣, вимуд̇д̇омхи анаасаво.

    Taṃ me amoghaṃ savanaṃ, vimuttomhi anāsavo.

    996.

    996.

    ‘‘нзва буб̣б̣зниваасааяа, наби д̣̇иб̣б̣асса жагкуно;

    ‘‘Neva pubbenivāsāya, napi dibbassa cakkhuno;

    жзд̇обарияааяа ид̣̇д̇хияаа, жуд̇ияаа убабад̇д̇ияаа;

    Cetopariyāya iddhiyā, cutiyā upapattiyā;

    сод̇ад̇хаад̇увисуд̣̇д̇хияаа, бан̣ид̇хий мз на виж̇ж̇ад̇и.

    Sotadhātuvisuddhiyā, paṇidhī me na vijjati.

    997.

    997.

    ‘‘ругкамуулам̣ва ниссааяа, мун̣д̣о сан̇гхаадибааруд̇о;

    ‘‘Rukkhamūlaṃva nissāya, muṇḍo saṅghāṭipāruto;

    бан̃н̃ааяа уд̇д̇амо т̇зро, убад̇иссова жхааяад̇и.

    Paññāya uttamo thero, upatissova jhāyati.

    998.

    998.

    ‘‘авид̇аггам̣ самаабанно, саммаасамб̣уд̣̇д̇хасааваго;

    ‘‘Avitakkaṃ samāpanno, sammāsambuddhasāvako;

    ариязна д̇ун̣хийбхаавзна, убзд̇о ход̇и д̇аавад̣̇з.

    Ariyena tuṇhībhāvena, upeto hoti tāvade.

    999.

    999.

    ‘‘яат̇ааби баб̣б̣ад̇о сзло, ажало суббад̇идтид̇о;

    ‘‘Yathāpi pabbato selo, acalo suppatiṭṭhito;

    звам̣ мохагкаяаа бхигку, баб̣б̣ад̇ова на взд̇хад̇и.

    Evaṃ mohakkhayā bhikkhu, pabbatova na vedhati.

    1000.

    1000.

    ‘‘анан̇г̇ан̣асса босасса, нижжам̣ сужиг̇авзсино;

    ‘‘Anaṅgaṇassa posassa, niccaṃ sucigavesino;

    ваалаг̇г̇амад̇д̇ам̣ баабасса, аб̣бхамад̇д̇ам̣ва кааяад̇и.

    Vālaggamattaṃ pāpassa, abbhamattaṃva khāyati.

    1001.

    1001.

    ‘‘наабхинанд̣̇аами маран̣ам̣, наабхинанд̣̇аами ж̇ийвид̇ам̣;

    ‘‘Nābhinandāmi maraṇaṃ, nābhinandāmi jīvitaṃ;

    нигкибиссам̣ имам̣ гааяам̣, самбаж̇аано бадиссад̇о.

    Nikkhipissaṃ imaṃ kāyaṃ, sampajāno paṭissato.

    1002.

    1002.

    ‘‘наабхинанд̣̇аами маран̣ам̣, наабхинанд̣̇аами ж̇ийвид̇ам̣;

    ‘‘Nābhinandāmi maraṇaṃ, nābhinandāmi jīvitaṃ;

    гаалан̃жа бадиган̇каами, ниб̣б̣исам̣ бхад̇аго яат̇аа.

    Kālañca paṭikaṅkhāmi, nibbisaṃ bhatako yathā.

    1003.

    1003.

    ‘‘убхаязна мид̣̇ам̣ маран̣амзва, наамаран̣ам̣ бажчаа ваа бурз ваа;

    ‘‘Ubhayena midaṃ maraṇameva, nāmaraṇaṃ pacchā vā pure vā;

    бадибаж̇ж̇ат̇а маа винассат̇а, кан̣о во маа убажжаг̇аа.

    Paṭipajjatha mā vinassatha, khaṇo vo mā upaccagā.

    1004.

    1004.

    ‘‘наг̇арам̣ яат̇аа бажжанд̇ам̣, г̇уд̇д̇ам̣ санд̇араб̣аахирам̣;

    ‘‘Nagaraṃ yathā paccantaṃ, guttaṃ santarabāhiraṃ;

    звам̣ г̇обзт̇а ад̇д̇аанам̣, кан̣о во маа убажжаг̇аа;

    Evaṃ gopetha attānaṃ, khaṇo vo mā upaccagā;

    кан̣аад̇ийд̇аа хи сожанд̇и, нираяамхи самаббид̇аа.

    Khaṇātītā hi socanti, nirayamhi samappitā.

    1005.

    1005.

    ‘‘убасанд̇о убарад̇о, манд̇абхаан̣ий ануд̣̇д̇хад̇о;

    ‘‘Upasanto uparato, mantabhāṇī anuddhato;

    д̇хунаад̇и баабагз д̇хаммз, д̣̇умабад̇д̇ам̣ва маалуд̇о.

    Dhunāti pāpake dhamme, dumapattaṃva māluto.

    1006.

    1006.

    ‘‘убасанд̇о убарад̇о, манд̇абхаан̣ий ануд̣̇д̇хад̇о;

    ‘‘Upasanto uparato, mantabhāṇī anuddhato;

    аббааси баабагз д̇хаммз, д̣̇умабад̇д̇ам̣ва маалуд̇о.

    Appāsi pāpake dhamme, dumapattaṃva māluto.

    1007.

    1007.

    ‘‘убасанд̇о анааяаасо, виббасанно анаавило;

    ‘‘Upasanto anāyāso, vippasanno anāvilo;

    галяаан̣асийло мзд̇хаавий, д̣̇угкассанд̇агаро сияаа.

    Kalyāṇasīlo medhāvī, dukkhassantakaro siyā.

    1008.

    1008.

    ‘‘на виссасз згад̇иязсу звам̣, аг̇аарису баб̣б̣аж̇ид̇зсу жааби;

    ‘‘Na vissase ekatiyesu evaṃ, agārisu pabbajitesu cāpi;

    саад̇хууби худ̇ваана асаад̇ху хонд̇и, асаад̇ху худ̇ваа буна саад̇ху хонд̇и.

    Sādhūpi hutvāna asādhu honti, asādhu hutvā puna sādhu honti.

    1009.

    1009.

    ‘‘гаамажчанд̣̇о жа б̣яаабаад̣̇о, т̇инамид̣̇д̇хан̃жа бхигкуно;

    ‘‘Kāmacchando ca byāpādo, thinamiddhañca bhikkhuno;

    уд̣̇д̇хажжам̣ вижигижчаа жа, бан̃жзд̇з жид̇д̇агзлисаа.

    Uddhaccaṃ vicikicchā ca, pañcete cittakelisā.

    1010.

    1010.

    ‘‘яасса саггарияамаанасса, асаггаарзна жуубхаяам̣;

    ‘‘Yassa sakkariyamānassa, asakkārena cūbhayaṃ;

    самаад̇хи на вигамбад̇и, аббамаад̣̇авихаарино.

    Samādhi na vikampati, appamādavihārino.

    1011.

    1011.

    ‘‘д̇ам̣ жхааяинам̣ саад̇ад̇игам̣, сукумад̣̇идтибассагам̣;

    ‘‘Taṃ jhāyinaṃ sātatikaṃ, sukhumadiṭṭhipassakaṃ;

    убаад̣̇аанагкаяаараамам̣, ааху саббурисо ид̇и.

    Upādānakkhayārāmaṃ, āhu sappuriso iti.

    1012.

    1012.

    ‘‘махаасамуд̣̇д̣̇о бат̇авий, баб̣б̣ад̇о анилоби жа;

    ‘‘Mahāsamuddo pathavī, pabbato anilopi ca;

    убамааяа на яуж̇ж̇анд̇и, сад̇т̇у варавимуд̇д̇ияаа.

    Upamāya na yujjanti, satthu varavimuttiyā.

    1013.

    1013.

    ‘‘жаггаанувад̇д̇аго т̇зро, махаан̃аан̣ий самаахид̇о;

    ‘‘Cakkānuvattako thero, mahāñāṇī samāhito;

    бат̇аваабаг̇г̇исамаано, на раж̇ж̇ад̇и на д̣̇уссад̇и.

    Pathavāpaggisamāno, na rajjati na dussati.

    1014.

    1014.

    ‘‘бан̃н̃аабаарамид̇ам̣ бад̇д̇о, махааб̣уд̣̇д̇хи махаамад̇и;

    ‘‘Paññāpāramitaṃ patto, mahābuddhi mahāmati;

    аж̇ал̣о ж̇ал̣асамаано, сад̣̇аа жарад̇и ниб̣б̣уд̇о.

    Ajaḷo jaḷasamāno, sadā carati nibbuto.

    1015.

    1015.

    ‘‘барижин̣н̣о маяаа сад̇т̇аа…бз… бхаванзд̇д̇исамуухад̇аа.

    ‘‘Pariciṇṇo mayā satthā…pe… bhavanettisamūhatā.

    1016.

    1016.

    ‘‘самбаад̣̇зт̇аббамаад̣̇зна, зсаа мз анусаасаний;

    ‘‘Sampādethappamādena, esā me anusāsanī;

    ханд̣̇аахам̣ бариниб̣б̣иссам̣, виббамуд̇д̇омхи саб̣б̣ад̇хий’’д̇и. –

    Handāhaṃ parinibbissaṃ, vippamuttomhi sabbadhī’’ti. –

    имаа г̇аат̇аа абхааси. имаа хи гаажи г̇аат̇аа т̇зрзна бхаасид̇аа, гаажи т̇зрам̣ аараб̣бха бхаг̇авад̇аа бхаасид̇аа, саб̣б̣аа бажчаа ад̇д̇ано жарияабавзд̣̇анавасзна т̇зрзна бхаасид̇ад̇д̇аа т̇зрассзва г̇аат̇аа ахзсум̣.

    Imā gāthā abhāsi. Imā hi kāci gāthā therena bhāsitā, kāci theraṃ ārabbha bhagavatā bhāsitā, sabbā pacchā attano cariyapavedanavasena therena bhāsitattā therasseva gāthā ahesuṃ.

    д̇ад̇т̇а яат̇аажаарийд̇и яат̇аа гааяаад̣̇ийхи сам̣яад̇о, сам̣вуд̇о худ̇ваа жарад̇и вихарад̇и, яат̇аажаран̣асийлод̇и ваа яат̇аажаарий, сийласамбаннод̇и ад̇т̇о. яат̇аасад̇од̇и яат̇аасанд̇о. г̇аат̇аасукад̇т̇ан̃хи анунаасигалобам̣ гад̇ваа нид̣̇д̣̇зсо гад̇о, санд̇о вияа, ариязхи ниб̣б̣исзсод̇и ад̇т̇о. сад̇иймаад̇и барамааяа сад̇ияаа саманнааг̇ад̇о. яад̇асан̇габбаж̇жхааяийд̇и саб̣б̣асо мижчаасан̇габбам̣ бахааяа нзгкаммасан̇габбаад̣̇ивасзна сам̣яад̇асан̇габбо худ̇ваа аарамман̣уубаниж̇жхаанзна лагкан̣уубаниж̇жхаанзна жа жхааяанасийло. аббамад̇д̇од̇и д̇асмим̣язва яат̇аажаарибхаавз яад̇асан̇габбо худ̇ваа жхааяанзна жа бамаад̣̇арахид̇о саб̣б̣ад̇т̇а суббад̇идтид̇асад̇исамбаж̇ан̃н̃о. аж̇жхад̇д̇арад̇од̇и г̇ожараж̇жхад̇д̇з гаммадтаанабхааванааяа абхирад̇о. самаахид̇ад̇д̇од̇и д̇ааяа зва бхааванааяа згаг̇г̇ажид̇д̇о. згод̇и асахааяо г̇ан̣асам̣саг̇г̇ам̣, гилзсасам̣саг̇г̇ан̃жа бахааяа гааяавивзгам̣, жид̇д̇авивзган̃жа бариб̣руухаяанд̇о. санд̇усид̇од̇и бажжаяасанд̇осзна жа бхааванаараамасанд̇осзна жа саммад̣̇зва д̇усид̇о д̇удто. бхааванааяа хи убаруубари висзсам̣ ааваханд̇ияаа ул̣аарам̣ бийд̇ибаамож̇ж̇ам̣ уббаж̇ж̇ад̇и, мад̇т̇агам̣ бад̇д̇ааяа бана вад̇д̇аб̣б̣амзва над̇т̇и. д̇амааху бхигкунд̇и д̇ам̣ зваруубам̣ буг̇г̇алам̣ сигкад̇д̇аяабаарибуурияаа бхаяам̣ игканад̇ааяа бхиннагилзсад̇ааяа жа бхигкууд̇и вад̣̇анд̇и.

    Tattha yathācārīti yathā kāyādīhi saṃyato, saṃvuto hutvā carati viharati, yathācaraṇasīloti vā yathācārī, sīlasampannoti attho. Yathāsatoti yathāsanto. Gāthāsukhatthañhi anunāsikalopaṃ katvā niddeso kato, santo viya, ariyehi nibbisesoti attho. Satīmāti paramāya satiyā samannāgato. Yatasaṅkappajjhāyīti sabbaso micchāsaṅkappaṃ pahāya nekkhammasaṅkappādivasena saṃyatasaṅkappo hutvā ārammaṇūpanijjhānena lakkhaṇūpanijjhānena ca jhāyanasīlo. Appamattoti tasmiṃyeva yathācāribhāve yatasaṅkappo hutvā jhāyanena ca pamādarahito sabbattha suppatiṭṭhitasatisampajañño. Ajjhattaratoti gocarajjhatte kammaṭṭhānabhāvanāya abhirato. Samāhitattoti tāya eva bhāvanāya ekaggacitto. Ekoti asahāyo gaṇasaṃsaggaṃ, kilesasaṃsaggañca pahāya kāyavivekaṃ, cittavivekañca paribrūhayanto. Santusitoti paccayasantosena ca bhāvanārāmasantosena ca sammadeva tusito tuṭṭho. Bhāvanāya hi uparūpari visesaṃ āvahantiyā uḷāraṃ pītipāmojjaṃ uppajjati, matthakaṃ pattāya pana vattabbameva natthi. Tamāhubhikkhunti taṃ evarūpaṃ puggalaṃ sikkhattayapāripūriyā bhayaṃ ikkhanatāya bhinnakilesatāya ca bhikkhūti vadanti.

    ид̣̇аани яат̇аавуд̇д̇асанд̇осад̣̇ваяз бажжаяасанд̇осам̣ д̇аава д̣̇ассзнд̇о ‘‘аллам̣ сугкам̣ ваа’’д̇иаад̣̇имааха. д̇ад̇т̇а алланд̇и саббиаад̣̇иубасзгзна д̇инд̇ам̣ синид̣̇д̇хам̣. сугканд̇и д̇ад̣̇абхаавзна луукам̣. ваа-сад̣̇д̣̇о анияамад̇т̇о, аллам̣ ваа сугкам̣ ваад̇и. б̣аал̣ханд̇и ад̇ивияа. сухид̇од̇и д̇хаад̇о на сияаад̇и ад̇т̇о. гат̇ам̣ бана сияаад̇и ааха ‘‘уунууд̣̇аро мид̇аахааро’’д̇и бан̣ийд̇ам̣ луукам̣ вааби бхож̇анам̣ бхун̃ж̇анд̇о бхигку яаавад̣̇ад̇т̇ам̣ абхун̃ж̇ид̇ваа уунууд̣̇аро саллахугуд̣̇аро, д̇ад̇о зва мид̇аахааро баримид̇абхож̇ано адтан̇г̇асаманнааг̇ад̇ам̣ аахаарам̣ аахаранд̇о д̇ад̇т̇а мад̇д̇ан̃н̃уд̇ааяа бажжавзгкан̣асад̇ияаа жа сад̇о худ̇ваа бариб̣б̣аж̇з вихарзяяа.

    Idāni yathāvuttasantosadvaye paccayasantosaṃ tāva dassento ‘‘allaṃ sukkhaṃ vā’’tiādimāha. Tattha allanti sappiādiupasekena tintaṃ siniddhaṃ. Sukkhanti tadabhāvena lūkhaṃ. Vā-saddo aniyamattho, allaṃ vā sukkhaṃ vāti. Bāḷhanti ativiya. Suhitoti dhāto na siyāti attho. Kathaṃ pana siyāti āha ‘‘ūnūdaro mitāhāro’’ti paṇītaṃ lūkhaṃ vāpi bhojanaṃ bhuñjanto bhikkhu yāvadatthaṃ abhuñjitvā ūnūdaro sallahukudaro, tato eva mitāhāro parimitabhojano aṭṭhaṅgasamannāgataṃ āhāraṃ āharanto tattha mattaññutāya paccavekkhaṇasatiyā ca sato hutvā paribbaje vihareyya.

    яат̇аа бана уунууд̣̇аро мид̇аахааро жа наама ход̇и, д̇ам̣ д̣̇ассзд̇ум̣ ‘‘жад̇д̇ааро’’д̇иаад̣̇и вуд̇д̇ам̣. д̇ад̇т̇а абхуд̇ваад̇и жад̇д̇ааро ваа бан̃жа ваа аалобз габ̣ал̣з абхун̃ж̇ид̇ваа д̇ад̇д̇агасса аахаарасса огаасам̣ табзд̇ваа баанийяам̣ бивзяяа. аяан̃хи аахаарз саллахугавуд̇д̇и. ниб̣б̣аанан̃хи бзсид̇ажид̇д̇асса бхигкуно паасувихаарааяа жхаанаад̣̇ийнам̣ ад̇хиг̇амаяог̇яад̇ааяа сукавихаарааяа алам̣ барияад̇д̇анд̇и ад̇т̇о. иминаа гужчибарихаарияам̣ бин̣д̣абаад̇ам̣ вад̣̇анд̇о бин̣д̣абаад̇з ид̇арийд̇арасанд̇осам̣ д̣̇ассзд̇и. ‘‘бхуд̇ваанаа’’д̇и ваа баато, со жад̇убан̃жаалобамад̇д̇знааби аахаарзна сарийрам̣ яаабзд̇ум̣ самад̇т̇асса ад̇ивияа т̇ирабагад̇игасса буг̇г̇аласса васзна вуд̇д̇о сияаа, уд̇д̇араг̇аат̇аахиби сам̣санд̣̇ад̇и зва аббагассзва жийварасса сзнаасанасса жа вагкамаанад̇д̇аа.

    Yathā pana ūnūdaro mitāhāro ca nāma hoti, taṃ dassetuṃ ‘‘cattāro’’tiādi vuttaṃ. Tattha abhutvāti cattāro vā pañca vā ālope kabaḷe abhuñjitvā tattakassa āhārassa okāsaṃ ṭhapetvā pānīyaṃ piveyya. Ayañhi āhāre sallahukavutti. Nibbānañhi pesitacittassa bhikkhuno phāsuvihārāya jhānādīnaṃ adhigamayogyatāya sukhavihārāya alaṃ pariyattanti attho. Iminā kucchiparihāriyaṃ piṇḍapātaṃ vadanto piṇḍapāte itarītarasantosaṃ dasseti. ‘‘Bhutvānā’’ti vā pāṭho, so catupañcālopamattenāpi āhārena sarīraṃ yāpetuṃ samatthassa ativiya thirapakatikassa puggalassa vasena vutto siyā, uttaragāthāhipi saṃsandati eva appakasseva cīvarassa senāsanassa ca vakkhamānattā.

    габбияанд̇и яам̣ габбияагаббияаануломзсу комаад̣̇ийсу ан̃н̃ад̇аранд̇и ад̇т̇о. д̇ан̃жз чаад̣̇зд̇ийд̇и габбияам̣ жийварам̣ самаанам̣ чаад̣̇зд̇аб̣б̣ам̣ таанам̣ чаад̣̇зд̇и жз, сад̇т̇аараа анун̃н̃аад̇аж̇аад̇ияам̣ санд̇ам̣ хздтиманд̇зна анун̃н̃аад̇абамаан̣аяуд̇д̇ам̣ жз ход̇ийд̇и ад̇т̇о. ид̣̇амад̇т̇иганд̇и ид̣̇ам̣ баяож̇анад̇т̇ам̣ сад̇т̇аараа вуд̇д̇абаяож̇анад̇т̇ам̣ яаавад̣̇зва сийд̇аад̣̇ибадигхаад̇анад̇т̇ан̃жзва хирийгобийнабадижчаад̣̇анад̇т̇ан̃жаад̇и ад̇т̇о. зд̇зна гааяабарихаарияам̣ жийварам̣ д̇ад̇т̇а ид̇арийд̇арасанд̇осан̃жа вад̣̇ад̇и.

    Kappiyanti yaṃ kappiyakappiyānulomesu khomādīsu aññataranti attho. Tañce chādetīti kappiyaṃ cīvaraṃ samānaṃ chādetabbaṃ ṭhānaṃ chādeti ce, satthārā anuññātajātiyaṃ santaṃ heṭṭhimantena anuññātapamāṇayuttaṃ ce hotīti attho. Idamatthikanti idaṃ payojanatthaṃ satthārā vuttapayojanatthaṃ yāvadeva sītādipaṭighātanatthañceva hirīkopīnapaṭicchādanatthañcāti attho. Etena kāyaparihāriyaṃ cīvaraṃ tattha itarītarasantosañca vadati.

    баллан̇гзна нисиннассаад̇и баллан̇гам̣ вужжад̇и саманд̇ад̇о ууруб̣ад̣̇д̇хаасанам̣, д̇зна нисиннасса, д̇исанд̇хибаллан̇гам̣ аабхуж̇ид̇ваа нисиннассаад̇и ад̇т̇о. ж̇ан̣н̣угз наабхивассад̇ийд̇и яассам̣ гудияам̣ д̇ат̇аа нисиннасса д̣̇звз вассанд̇з ж̇ан̣н̣угад̣̇ваяам̣ вассод̣̇агзна на д̇змияад̇и, зд̇д̇агамби саб̣б̣абарияанд̇асзнаасанам̣ , саггаа хи д̇ад̇т̇а нисийд̣̇ид̇ваа ад̇т̇агаамаруубзна гулабуд̇д̇зна сад̣̇ад̇т̇ам̣ нибпаад̣̇зд̇ум̣. д̇знааха ‘‘алам̣ паасувихаарааяа, бахид̇ад̇д̇асса бхигкуно’’д̇и.

    Pallaṅkena nisinnassāti pallaṅkaṃ vuccati samantato ūrubaddhāsanaṃ, tena nisinnassa, tisandhipallaṅkaṃ ābhujitvā nisinnassāti attho. Jaṇṇukenābhivassatīti yassaṃ kuṭiyaṃ tathā nisinnassa deve vassante jaṇṇukadvayaṃ vassodakena na temiyati, ettakampi sabbapariyantasenāsanaṃ , sakkā hi tattha nisīditvā atthakāmarūpena kulaputtena sadatthaṃ nipphādetuṃ. Tenāha ‘‘alaṃ phāsuvihārāya, pahitattassa bhikkhuno’’ti.

    звам̣ т̇зро имаахи жад̇уухи г̇аат̇аахи яз д̇з бхигкуу махижчаа асанд̇удтаа, д̇зсам̣ барамуггам̣саг̇ад̇ам̣ саллзкаоваад̣̇ам̣ багаасзд̇ваа ид̣̇аани взд̣̇анаамукзна бхааванаараамасанд̇осам̣ д̣̇ассзнд̇о ‘‘яо сука’’нд̇иаад̣̇имааха. д̇ад̇т̇а суканд̇и сукавзд̣̇анам̣. д̣̇угкад̇од̇и вибарин̣аамад̣̇угкад̇о. ад̣̇д̣̇аад̇и ад̣̇д̣̇аса, вибассанаабан̃н̃аасахид̇ааяа маг̇г̇абан̃н̃ааяа яат̇аабхууд̇ам̣ яо абассийд̇и ад̇т̇о. сукавзд̣̇анаа хи барибхог̇агаалз ассаад̣̇ияамаанааби висамиссам̣ вияа бхож̇анам̣ вибарин̣аамагаалз д̣̇угкааязва ход̇и. д̇знзд̇т̇а д̣̇угкаанубассанам̣ д̣̇ассзд̇и. д̣̇угкамад̣̇д̣̇агки саллад̇од̇и д̣̇угкавзд̣̇анам̣ яо салланд̇и басси. д̣̇угкавзд̣̇анаа хи яат̇аа саллам̣ сарийрам̣ анубависанд̇амби анубависид̇ваа тид̇амби уд̣̇д̇харияамаанамби бийл̣анамзва ж̇анзд̇и, звам̣ уббаж̇ж̇амаанааби тид̇иббад̇д̇ааби бхиж̇ж̇амаанааби виб̣аад̇хад̇иязваад̇и. зд̇знзд̇т̇а д̣̇угкаанубассанам̣язва уггам̣сзд̇ваа вад̣̇ад̇и, д̇зна жа ‘‘яам̣ д̣̇угкам̣ д̇ад̣̇анад̇д̇аа’’д̇и (сам̣. ни. 3.15) важанад̇о взд̣̇анаад̣̇ваяз ад̇д̇ад̇д̇анияаг̇аахам̣ винивзтзд̇и. убхаяанд̇арзнаад̇и убхаязсам̣ анд̇арз, сукад̣̇угкавзд̣̇анаанам̣ маж̇жхабхууд̇з ад̣̇угкамасукзд̇и ад̇т̇о. наахосийд̇и яат̇аабхууд̇ааваб̣од̇ханз ад̇д̇ад̇д̇анияаабхинивзсанам̣ ахоси. гзна логасми гим̣ сияаад̇и звам̣ взд̣̇анаамукзна бан̃жаби убаад̣̇аанагканд̇хз бариж̇аанид̇ваа д̇аббадиб̣ад̣̇д̇хам̣ сагалагилзсаж̇аалам̣ самужчинд̣̇ид̇ваа тид̇о гзна наама гилзсзна логасмим̣ б̣ад̣̇д̇хо, д̣̇звад̇аад̣̇ийсу гим̣ ваа ааяад̇и сияаа, ан̃н̃ад̣̇ад̇т̇у чиннаб̣анд̇хано абан̃н̃ад̇д̇игова сияаад̇и ад̇хиббааяо.

    Evaṃ thero imāhi catūhi gāthāhi ye te bhikkhū mahicchā asantuṭṭhā, tesaṃ paramukkaṃsagataṃ sallekhaovādaṃ pakāsetvā idāni vedanāmukhena bhāvanārāmasantosaṃ dassento ‘‘yo sukha’’ntiādimāha. Tattha sukhanti sukhavedanaṃ. Dukkhatoti vipariṇāmadukkhato. Addāti addasa, vipassanāpaññāsahitāya maggapaññāya yathābhūtaṃ yo apassīti attho. Sukhavedanā hi paribhogakāle assādiyamānāpi visamissaṃ viya bhojanaṃ vipariṇāmakāle dukkhāyeva hoti. Tenettha dukkhānupassanaṃ dasseti. Dukkhamaddakkhi sallatoti dukkhavedanaṃ yo sallanti passi. Dukkhavedanā hi yathā sallaṃ sarīraṃ anupavisantampi anupavisitvā ṭhitampi uddhariyamānampi pīḷanameva janeti, evaṃ uppajjamānāpi ṭhitippattāpi bhijjamānāpi vibādhatiyevāti. Etenettha dukkhānupassanaṃyeva ukkaṃsetvā vadati, tena ca ‘‘yaṃ dukkhaṃ tadanattā’’ti (saṃ. ni. 3.15) vacanato vedanādvaye attattaniyagāhaṃ viniveṭheti. Ubhayantarenāti ubhayesaṃ antare, sukhadukkhavedanānaṃ majjhabhūte adukkhamasukheti attho. Nāhosīti yathābhūtāvabodhane attattaniyābhinivesanaṃ ahosi. Kena lokasmi kiṃ siyāti evaṃ vedanāmukhena pañcapi upādānakkhandhe parijānitvā tappaṭibaddhaṃ sakalakilesajālaṃ samucchinditvā ṭhito kena nāma kilesena lokasmiṃ baddho, devatādīsu kiṃ vā āyati siyā, aññadatthu chinnabandhano apaññattikova siyāti adhippāyo.

    ид̣̇аани мижчаабадибаннз буг̇г̇алз г̇араханд̇о саммаабадибаннз басам̣санд̇о ‘‘маа мз’’д̇иаад̣̇игаа жад̇ассо г̇аат̇аа абхааси. д̇ад̇т̇а маа мз гад̣̇аажи баабижчод̇и яо асанд̇аг̇ун̣асамбхааванижчааяа баабижчо , саман̣ад̇хаммз уссаахаабхаавзна гусийд̇о, д̇ад̇оязва хийнавийрияо, сажжабадижжасамуббаад̣̇аад̣̇ибадисам̣яуд̇д̇асса суд̇асса абхаавзна аббассуд̇о, оваад̣̇аанусаасанийсу аад̣̇араабхаавзна анаад̣̇аро, д̇аад̣̇исо ад̇ихийнабуг̇г̇ало мама санд̇игз гад̣̇аажиби маа ход̇у. гасмаа? гзна логасми гим̣ сияаад̇и логасмим̣ сад̇д̇анигааяз д̇асса д̇аад̣̇исасса буг̇г̇аласса гзна оваад̣̇зна гим̣ бхавид̇аб̣б̣ам̣, гзна ваа гад̇зна гим̣ сияаа, нирад̇т̇агамзваад̇и ад̇т̇о.

    Idāni micchāpaṭipanne puggale garahanto sammāpaṭipanne pasaṃsanto ‘‘mā me’’tiādikā catasso gāthā abhāsi. Tattha mā me kadāci pāpicchoti yo asantaguṇasambhāvanicchāya pāpiccho , samaṇadhamme ussāhābhāvena kusīto, tatoyeva hīnavīriyo, saccapaṭiccasamuppādādipaṭisaṃyuttassa sutassa abhāvena appassuto, ovādānusāsanīsu ādarābhāvena anādaro, tādiso atihīnapuggalo mama santike kadācipi mā hotu. Kasmā? Kena lokasmi kiṃ siyāti lokasmiṃ sattanikāye tassa tādisassa puggalassa kena ovādena kiṃ bhavitabbaṃ, kena vā katena kiṃ siyā, niratthakamevāti attho.

    б̣ахуссуд̇о жаад̇и яо буг̇г̇ало сийлаад̣̇ибадисам̣яуд̇д̇асса суд̇д̇аг̇зяяаад̣̇ибхзд̣̇асса б̣ахуно суд̇асса самбхавзна б̣ахуссуд̇о, д̇хаммож̇абан̃н̃ааяа баарихаарияабан̃н̃ааяа бадивзд̇хабан̃н̃ааяа жа васзна мзд̇хаавий, сийлзсу жа судту бад̇идтид̇ад̇д̇аа сусамаахид̇о, жзд̇осамат̇ам̣ логияалогуд̇д̇арабхзд̣̇ам̣ жид̇д̇асамаад̇хаанам̣ ануяуд̇д̇о, д̇аад̣̇исо буг̇г̇ало маяхам̣ мад̇т̇агзби д̇идтад̇у, баг̇зва сахаваасо.

    Bahussuto cāti yo puggalo sīlādipaṭisaṃyuttassa suttageyyādibhedassa bahuno sutassa sambhavena bahussuto, dhammojapaññāya pārihāriyapaññāya paṭivedhapaññāya ca vasena medhāvī, sīlesu ca suṭṭhu patiṭṭhitattā susamāhito, cetosamathaṃ lokiyalokuttarabhedaṃ cittasamādhānaṃ anuyutto, tādiso puggalo mayhaṃ matthakepi tiṭṭhatu, pageva sahavāso.

    яо бабан̃жамануяуд̇д̇од̇и яо бана буг̇г̇ало гаммаараамад̇аад̣̇ивасзна руубаабхисан̇г̇аад̣̇ивасзна жа бавад̇д̇ияаа бабан̃жанадтзна д̇ан̣хаад̣̇ибхзд̣̇ам̣ бабан̃жам̣ ануяуд̇д̇о, д̇ад̇т̇а жа анаад̣̇ийнавад̣̇ассанзна абхирад̇о маг̇асад̣̇исо, со ниб̣б̣аанам̣ вираад̇хаяи, со ниб̣б̣аанаа сувид̣̇ууравид̣̇уурз тид̇о.

    Yo papañcamanuyuttoti yo pana puggalo kammārāmatādivasena rūpābhisaṅgādivasena ca pavattiyā papañcanaṭṭhena taṇhādibhedaṃ papañcaṃ anuyutto, tattha ca anādīnavadassanena abhirato magasadiso, so nibbānaṃ virādhayi, so nibbānā suvidūravidūre ṭhito.

    яо жа бабан̃жам̣ хид̇ваанаад̇и яо бана буг̇г̇ало д̇ан̣хаабабан̃жам̣ бахааяа д̇ад̣̇абхаавад̇о ниббабан̃жасса ниб̣б̣аанасса бат̇з ад̇хиг̇амубааяз арияамаг̇г̇з рад̇о бхааванаабхисамаяз абхирад̇о, со ниб̣б̣аанам̣ аараад̇хаяи саад̇хзси ад̇хиг̇ажчийд̇и ад̇т̇о.

    Yo ca papañcaṃ hitvānāti yo pana puggalo taṇhāpapañcaṃ pahāya tadabhāvato nippapañcassa nibbānassa pathe adhigamupāye ariyamagge rato bhāvanābhisamaye abhirato, so nibbānaṃ ārādhayi sādhesi adhigacchīti attho.

    ат̇згад̣̇ивасам̣ т̇зро ад̇д̇ано ганидтабхаад̇игасса рзвад̇ад̇т̇зрасса ган̣даганижид̇акад̣̇ираругкасан̃чаннз нируд̣̇агаганд̇аарз ваасам̣ д̣̇исваа д̇ам̣ басам̣санд̇о ‘‘г̇аамз ваа’’д̇иаад̣̇игаа д̣̇вз г̇аат̇аа абхааси. д̇ад̇т̇а г̇аамз ваад̇и гин̃жааби араханд̇о г̇ааманд̇з гааяавивзгам̣ на лабханд̇и, жид̇д̇авивзгам̣ бана лабханд̇зва. д̇зсан̃хи д̣̇иб̣б̣абадибхааг̇ааниби аарамман̣аани жид̇д̇ам̣ жаалзд̇ум̣ на саггонд̇и, д̇асмаа г̇аамз ваа ход̇у аран̃н̃аад̣̇ийсу ан̃н̃ад̇арам̣ ваа, яад̇т̇а араханд̇о вихаранд̇и, д̇ам̣ бхуумирааман̣зяяаганд̇и со бхуумиббад̣̇зсо раман̣ийяо зваад̇и ад̇т̇о.

    Athekadivasaṃ thero attano kaniṭṭhabhātikassa revatattherassa kaṇṭakanicitakhadirarukkhasañchanne nirudakakantāre vāsaṃ disvā taṃ pasaṃsanto ‘‘gāme vā’’tiādikā dve gāthā abhāsi. Tattha gāme vāti kiñcāpi arahanto gāmante kāyavivekaṃ na labhanti, cittavivekaṃ pana labhanteva. Tesañhi dibbapaṭibhāgānipi ārammaṇāni cittaṃ cāletuṃ na sakkonti, tasmā gāme vā hotu araññādīsu aññataraṃ vā, yattha arahanto viharanti, taṃ bhūmirāmaṇeyyakanti so bhūmippadeso ramaṇīyo evāti attho.

    аран̃н̃аанийд̇и субубпид̇ад̇арусан̣д̣аман̣д̣ид̇аани вималасалилаасаяасамбаннаани аран̃н̃аани раман̣ийяаанийд̇и самб̣анд̇хо. яад̇т̇аад̇и язсу аран̃н̃зсу вигасид̇зсу вияа рамамаанзсу гаамабагкиго гаамаг̇авзсаго ж̇ано на рамад̇и. вийд̇арааг̇аад̇и виг̇ад̇арааг̇аа бана кийн̣аасаваа бхамарамад̇хугараа вияа бад̣̇умаванзсу д̇ат̇ааруубзсу аран̃н̃зсу рамиссанд̇ийд̇и. на д̇з гаамаг̇авзсинод̇и яасмаа д̇з вийд̇арааг̇аа гаамаг̇авзсино на хонд̇ийд̇и ад̇т̇о.

    Araññānīti supupphitatarusaṇḍamaṇḍitāni vimalasalilāsayasampannāni araññāni ramaṇīyānīti sambandho. Yatthāti yesu araññesu vikasitesu viya ramamānesu kāmapakkhiko kāmagavesako jano na ramati. Vītarāgāti vigatarāgā pana khīṇāsavā bhamaramadhukarā viya padumavanesu tathārūpesu araññesu ramissantīti. Na te kāmagavesinoti yasmā te vītarāgā kāmagavesino na hontīti attho.

    буна т̇зро раад̇хам̣ наама д̣̇уг̇г̇ад̇аб̣раахман̣ам̣ анугамбааяа баб̣б̣ааж̇зд̇ваа, убасамбаад̣̇зд̇ваа д̇амзва бажчаасаман̣ам̣ гад̇ваа вижаранд̇о згад̣̇ивасам̣ д̇асса жа суб̣б̣ажабхаавзна д̇уссид̇ваа оваад̣̇ам̣ д̣̇знд̇о ‘‘нид̇хийнам̣ваа’’д̇иаад̣̇имааха. д̇ад̇т̇а нид̇хийнам̣ваад̇и д̇ад̇т̇а д̇ад̇т̇а нид̣̇ахид̇ваа табид̇аанам̣ хиран̃н̃асуван̣н̣аад̣̇ибуураанам̣ нид̇хигумбхийнам̣. бавад̇д̇ааранд̇и гижчаж̇ийвигз д̣̇уг̇г̇ад̇амануссз анугамбам̣ гад̇ваа ‘‘зхи д̇з сукзна ж̇ийвид̇ум̣ убааяам̣ д̣̇ассзссаамий’’д̇и нид̇хидтаанам̣ нзд̇ваа хад̇т̇ам̣ басаарзд̇ваа ‘‘имам̣ г̇ахзд̇ваа сукам̣ ж̇ийваахий’’д̇и аажигкид̇аарам̣ вияа. важ̇ж̇ад̣̇ассинанд̇и д̣̇вз важ̇ж̇ад̣̇ассино – ‘‘иминаа нам̣ асааруббзна ваа калид̇зна ваа сан̇гхамаж̇жхз ниг̇г̇ан̣хиссаамий’’д̇и ранд̇хаг̇авзсаго жа, ан̃н̃аад̇ам̣ н̃аабзд̇угаамо н̃аад̇ам̣ ассаад̣̇знд̇о сийлаад̣̇ивуд̣̇д̇хигаамад̇ааяа д̇ам̣ д̇ам̣ важ̇ж̇ам̣ ологзнд̇о уллумбанасабхаавасан̣тид̇о жаад̇и, аяам̣ ид̇ха ад̇хиббзд̇о. яат̇аа хи д̣̇уг̇г̇ад̇амануссо ‘‘имам̣ нид̇хим̣ г̇ан̣хаахий’’д̇и ниг̇г̇аяхамааноби нид̇хид̣̇ассанз гобам̣ на гарод̇и, бамуд̣̇ид̇ова ход̇и, звам̣ зваруубзсу буг̇г̇алзсу асааруббам̣ ваа калид̇ам̣ ваа д̣̇исваа аажигканд̇з гобо на гаад̇аб̣б̣о, д̇удтажид̇д̇знзва бхавид̇аб̣б̣ам̣, ‘‘бханд̇з, бунаби мам̣ зваруубам̣ вад̣̇зяяаат̇аа’’д̇и баваарзд̇аб̣б̣амзва. ниг̇г̇аяхаваад̣̇инд̇и яо важ̇ж̇ам̣ д̣̇исваа аяам̣ мз сад̣̇д̇хивихаариго, анд̇зваасиго, убагаарагод̇и ажинд̇зд̇ваа важ̇ж̇аануруубам̣ д̇аж̇ж̇знд̇о бан̣аамзнд̇о д̣̇ан̣д̣агаммам̣ гаронд̇о сигкаабзд̇и, аяам̣ ниг̇г̇аяхаваад̣̇ий наама саммаасамб̣уд̣̇д̇хо вияа. вуд̇д̇ан̃хзд̇ам̣ – ‘‘ниг̇г̇аяха ниг̇г̇аяхаахам̣, аананд̣̇а, вагкаами; баваяха баваяха, аананд̣̇а, вагкаами. яо сааро со тассад̇ий’’д̇и (ма. ни. 3.196). мзд̇хаавинд̇и д̇хаммож̇абан̃н̃ааяа саманнааг̇ад̇ам̣. д̇аад̣̇исанд̇и зваруубам̣ бан̣д̣ид̇ам̣. бхаж̇зд̇и баяирубаасзяяа. д̇аад̣̇исан̃хи аажарияам̣ бхаж̇амаанасса анд̇зваасигасса сзяяо ход̇и, на баабияо, вуд̣дхиязва ход̇и, но барихаанийд̇и ад̇т̇о.

    Puna thero rādhaṃ nāma duggatabrāhmaṇaṃ anukampāya pabbājetvā, upasampādetvā tameva pacchāsamaṇaṃ katvā vicaranto ekadivasaṃ tassa ca subbacabhāvena tussitvā ovādaṃ dento ‘‘nidhīnaṃvā’’tiādimāha. Tattha nidhīnaṃvāti tattha tattha nidahitvā ṭhapitānaṃ hiraññasuvaṇṇādipūrānaṃ nidhikumbhīnaṃ. Pavattāranti kicchajīvike duggatamanusse anukampaṃ katvā ‘‘ehi te sukhena jīvituṃ upāyaṃ dassessāmī’’ti nidhiṭṭhānaṃ netvā hatthaṃ pasāretvā ‘‘imaṃ gahetvā sukhaṃ jīvāhī’’ti ācikkhitāraṃ viya. Vajjadassinanti dve vajjadassino – ‘‘iminā naṃ asāruppena vā khalitena vā saṅghamajjhe niggaṇhissāmī’’ti randhagavesako ca, aññātaṃ ñāpetukāmo ñātaṃ assādento sīlādivuddhikāmatāya taṃ taṃ vajjaṃ olokento ullumpanasabhāvasaṇṭhito cāti, ayaṃ idha adhippeto. Yathā hi duggatamanusso ‘‘imaṃ nidhiṃ gaṇhāhī’’ti niggayhamānopi nidhidassane kopaṃ na karoti, pamuditova hoti, evaṃ evarūpesu puggalesu asāruppaṃ vā khalitaṃ vā disvā ācikkhante kopo na kātabbo, tuṭṭhacitteneva bhavitabbaṃ, ‘‘bhante, punapi maṃ evarūpaṃ vadeyyāthā’’ti pavāretabbameva. Niggayhavādinti yo vajjaṃ disvā ayaṃ me saddhivihāriko, antevāsiko, upakārakoti acintetvā vajjānurūpaṃ tajjento paṇāmento daṇḍakammaṃ karonto sikkhāpeti, ayaṃ niggayhavādī nāma sammāsambuddho viya. Vuttañhetaṃ – ‘‘niggayha niggayhāhaṃ, ānanda, vakkhāmi; pavayha pavayha, ānanda, vakkhāmi. Yo sāro so ṭhassatī’’ti (ma. ni. 3.196). Medhāvinti dhammojapaññāya samannāgataṃ. Tādisanti evarūpaṃ paṇḍitaṃ. Bhajeti payirupāseyya. Tādisañhi ācariyaṃ bhajamānassa antevāsikassa seyyo hoti, na pāpiyo, vuḍḍhiyeva hoti, no parihānīti attho.

    ат̇згад̣̇аа ассаж̇ибунаб̣б̣асугзхи гийдааг̇ирисмим̣ ааваасз д̣̇уусид̇з сад̇т̇аараа аан̣ад̇д̇о ад̇д̇ано барисааяа махаамог̇г̇аллаанзна жа сад̣̇д̇хим̣ д̇ад̇т̇а г̇ад̇о д̇хаммасзнаабад̇и ассаж̇ибунаб̣б̣асугзсу оваад̣̇ам̣ анаад̣̇ияанд̇зсу имам̣ г̇аат̇амааха. д̇ад̇т̇а овад̣̇зяяаад̇и оваад̣̇ам̣ анусидтим̣ д̣̇ад̣̇зяяа. анусаасзяяаад̇и д̇ассзва барияааяаважанам̣. ат̇а ваа уббаннз вад̇т̇усмим̣ вад̣̇анд̇о овад̣̇ад̇и наама, ануббаннз ‘‘аяасоби д̇з сияаа’’д̇иаад̣̇им̣ анааг̇ад̇ам̣ уд̣̇д̣̇исса вад̣̇анд̇о анусаасад̇и наама. саммукаа вад̣̇анд̇о ваа овад̣̇ад̇и наама, бараммукаа д̣̇ууд̇ам̣, саасанам̣ ваа бзсзд̇ваа вад̣̇анд̇о анусаасад̇и наама. сагим̣ вад̣̇анд̇о ваа овад̣̇ад̇и наама, бунаббунам̣ вад̣̇анд̇о анусаасад̇и наама. асаб̣бхаа жаад̇и агусалаа д̇хаммаа жа ниваараяз, гусалз д̇хаммз жа бад̇идтаабзяяаад̇и ад̇т̇о. сад̇ан̃хи сод̇и зваруубо буг̇г̇ало саад̇хуунам̣ бияо ход̇и. яз бана асанд̇аа асаббурисаа вид̇ин̣н̣абаралогаа аамисажагкугаа ж̇ийвигад̇т̇ааяа баб̣б̣аж̇ид̇аа, д̇зсам̣ со оваад̣̇аго анусаасаго ‘‘на д̇вам̣ амхаагам̣ убаж̇жхааяо, на аажарияо, гасмаа амхз вад̣̇асий’’д̇и звам̣ мукасад̇д̇ийхи виж̇жханд̇аанам̣ аббияо ход̇ийд̇и.

    Athekadā assajipunabbasukehi kīṭāgirismiṃ āvāse dūsite satthārā āṇatto attano parisāya mahāmoggallānena ca saddhiṃ tattha gato dhammasenāpati assajipunabbasukesu ovādaṃ anādiyantesu imaṃ gāthamāha. Tattha ovadeyyāti ovādaṃ anusiṭṭhiṃ dadeyya. Anusāseyyāti tasseva pariyāyavacanaṃ. Atha vā uppanne vatthusmiṃ vadanto ovadati nāma, anuppanne ‘‘ayasopi te siyā’’tiādiṃ anāgataṃ uddissa vadanto anusāsati nāma. Sammukhā vadanto vā ovadati nāma, parammukhā dūtaṃ, sāsanaṃ vā pesetvā vadanto anusāsati nāma. Sakiṃ vadanto vā ovadati nāma, punappunaṃ vadanto anusāsati nāma. Asabbhā cāti akusalā dhammā ca nivāraye, kusale dhamme ca patiṭṭhāpeyyāti attho. Satañhi soti evarūpo puggalo sādhūnaṃ piyo hoti. Ye pana asantā asappurisā vitiṇṇaparalokā āmisacakkhukā jīvikatthāya pabbajitā, tesaṃ so ovādako anusāsako ‘‘na tvaṃ amhākaṃ upajjhāyo, na ācariyo, kasmā amhe vadasī’’ti evaṃ mukhasattīhi vijjhantānaṃ appiyo hotīti.

    ‘‘яам̣ аараб̣бха сад̇т̇аа д̇хаммам̣ д̣̇зсзд̇и, со зва убаниссаяасамбанно’’д̇и бхигкуусу гат̇ааяа самудтид̇ааяа ‘‘наяид̣̇амзд̇а’’нд̇и д̣̇ассзнд̇о ‘‘ан̃н̃ассаа’’д̇и г̇аат̇амааха. д̇ад̇т̇а ан̃н̃ассаад̇и ад̇д̇ано бхааг̇инзяяам̣ д̣̇ийгханакабариб̣б̣ааж̇агам̣ санд̇хааяааха. д̇асса хи сад̇т̇аараа взд̣̇анаабариг̇г̇ахасуд̇д̇з (ма. ни. 2.205-206) д̣̇зсияамаанз аяам̣ махаат̇зро бхааванаамаг̇г̇з ад̇хиг̇анд̇ваа саавагабаарамийн̃аан̣асса мад̇т̇агам̣ бад̇д̇о. сод̇амод̇хзсимад̇т̇игод̇и сад̇т̇аарам̣ б̣ийж̇аяамаано тид̇о ад̇т̇иго худ̇ваа суссуусанд̇о сод̇ам̣ од̣̇ахим̣. д̇ам̣ мз амогхам̣ савананд̇и д̇ам̣ д̇ат̇аа суд̇ам̣ саванам̣ маяхам̣ амогхам̣ аван̃жхам̣ ахоси, аг̇г̇асаавагзна бад̇д̇аб̣б̣ам̣ самбад̇д̇ийнам̣ авассаяо ахоси. д̇знааха ‘‘вимуд̇д̇омхий’’д̇иаад̣̇и.

    ‘‘Yaṃ ārabbha satthā dhammaṃ deseti, so eva upanissayasampanno’’ti bhikkhūsu kathāya samuṭṭhitāya ‘‘nayidameta’’nti dassento ‘‘aññassā’’ti gāthamāha. Tattha aññassāti attano bhāgineyyaṃ dīghanakhaparibbājakaṃ sandhāyāha. Tassa hi satthārā vedanāpariggahasutte (ma. ni. 2.205-206) desiyamāne ayaṃ mahāthero bhāvanāmagge adhigantvā sāvakapāramīñāṇassa matthakaṃ patto. Sotamodhesimatthikoti satthāraṃ bījayamāno ṭhito atthiko hutvā sussūsanto sotaṃ odahiṃ. Taṃme amoghaṃ savananti taṃ tathā sutaṃ savanaṃ mayhaṃ amoghaṃ avañjhaṃ ahosi, aggasāvakena pattabbaṃ sampattīnaṃ avassayo ahosi. Tenāha ‘‘vimuttomhī’’tiādi.

    д̇ад̇т̇а нзва буб̣б̣зниваасааяаад̇и ад̇д̇ано барзсан̃жа буб̣б̣зниваасаж̇аананан̃аан̣ад̇т̇ааяа, бан̣ид̇хий мз нзва виж̇ж̇ад̇ийд̇и яож̇анаа. баригаммагаран̣авасзна д̇ад̣̇ад̇т̇ам̣ жид̇д̇абан̣ид̇хаанамад̇д̇амби нзвад̇т̇и нзва ахосийд̇и ад̇т̇о. жзд̇обарияааяаад̇и жзд̇обарияан̃аан̣асса. ид̣̇д̇хияаад̇и ид̣̇д̇хивид̇хан̃аан̣асса. жуд̇ияаа убабад̇д̇ияаад̇и, сад̇д̇аанам̣ жуд̇ияаа убабад̇д̇ияаа жа ж̇аананан̃аан̣ааяа жуд̇уубабаад̇ан̃аан̣ад̇т̇ааяа. сод̇ад̇хаад̇увисуд̣̇д̇хияаад̇и д̣̇иб̣б̣асод̇ан̃аан̣асса. бан̣ид̇хий мз на виж̇ж̇ад̇ийд̇и имзсам̣ абхин̃н̃аависзсаанам̣ ад̇т̇ааяа баригаммавасзна жид̇д̇асса бан̣ид̇хи жид̇д̇аабхинийхааро мз над̇т̇и наахосийд̇и ад̇т̇о. саб̣б̣ан̃н̃уг̇ун̣аа вияа хи б̣уд̣̇д̇хаанам̣ аг̇г̇амаг̇г̇аад̇хиг̇амзнзва саавагаанам̣ саб̣б̣з саавагаг̇ун̣аа хад̇т̇аг̇ад̇аа хонд̇и, на д̇зсам̣ ад̇хиг̇амааяа висум̣ баригаммагаран̣агижжам̣ ад̇т̇ийд̇и.

    Tattha neva pubbenivāsāyāti attano paresañca pubbenivāsajānanañāṇatthāya, paṇidhī me neva vijjatīti yojanā. Parikammakaraṇavasena tadatthaṃ cittapaṇidhānamattampi nevatthi neva ahosīti attho. Cetopariyāyāti cetopariyañāṇassa. Iddhiyāti iddhividhañāṇassa. Cutiyā upapattiyāti, sattānaṃ cutiyā upapattiyā ca jānanañāṇāya cutūpapātañāṇatthāya. Sotadhātuvisuddhiyāti dibbasotañāṇassa. Paṇidhī me na vijjatīti imesaṃ abhiññāvisesānaṃ atthāya parikammavasena cittassa paṇidhi cittābhinīhāro me natthi nāhosīti attho. Sabbaññuguṇā viya hi buddhānaṃ aggamaggādhigameneva sāvakānaṃ sabbe sāvakaguṇā hatthagatā honti, na tesaṃ adhigamāya visuṃ parikammakaraṇakiccaṃ atthīti.

    ругкамууланд̇иаад̣̇игаа д̇иссо г̇аат̇аа габод̇аганд̣̇арааяам̣ вихаранд̇асса яагкзна бахад̇агаалз самаабад̇д̇иб̣алзна ад̇д̇ано ниб̣б̣игаарад̇аад̣̇ийбанавасзна вуд̇д̇аа. д̇ад̇т̇а мун̣д̣од̇и на воробид̇агзсо. сан̇гхаадибааруд̇од̇и сан̇гхаадим̣ баарубид̇ваа нисинно. ‘‘сан̇гхаадияаа субааруд̇о’’д̇и жа батанд̇и. бан̃н̃ааяа уд̇д̇амо т̇зрод̇и т̇зро худ̇ваа бан̃н̃ааяа уд̇д̇амо, саавагзсу бан̃н̃ааяа сздтод̇и ад̇т̇о. жхааяад̇ийд̇и аарамман̣уубаниж̇жхаанзна лагкан̣уубаниж̇жхаанзна жа жхааяад̇и, б̣ахулам̣ самаабад̇д̇ивихаарзна вихарад̇ийд̇и ад̇т̇о.

    Rukkhamūlantiādikā tisso gāthā kapotakandarāyaṃ viharantassa yakkhena pahatakāle samāpattibalena attano nibbikāratādīpanavasena vuttā. Tattha muṇḍoti na voropitakeso. Saṅghāṭipārutoti saṅghāṭiṃ pārupitvā nisinno. ‘‘Saṅghāṭiyā supāruto’’ti ca paṭhanti. Paññāya uttamo theroti thero hutvā paññāya uttamo, sāvakesu paññāya seṭṭhoti attho. Jhāyatīti ārammaṇūpanijjhānena lakkhaṇūpanijjhānena ca jhāyati, bahulaṃ samāpattivihārena viharatīti attho.

    убзд̇о ход̇и д̇аавад̣̇зд̇и яад̣̇аа яагкзна сийсз бахад̇о, д̇аавад̣̇зва авид̇аггам̣ жад̇уд̇т̇аж̇жхаанигапаласамаабад̇д̇им̣ самаабанно ариязна д̇ун̣хийбхаавзна убзд̇о саманнааг̇ад̇о ахоси. ад̇ийд̇ад̇т̇з хи ход̇ийд̇и ид̣̇ам̣ вад̇д̇амаанаважанам̣.

    Upeto hoti tāvadeti yadā yakkhena sīse pahato, tāvadeva avitakkaṃ catutthajjhānikaphalasamāpattiṃ samāpanno ariyena tuṇhībhāvena upeto samannāgato ahosi. Atītatthe hi hotīti idaṃ vattamānavacanaṃ.

    баб̣б̣ад̇ова на взд̇хад̇ийд̇и мохагкаяаа бхиннасаб̣б̣агилзсо бхигку. со сзламаяабаб̣б̣ад̇о вияа ажало суббад̇идтид̇о идтаад̣̇инаа гзнажи на взд̇хад̇и, саб̣б̣ад̇т̇а ниб̣б̣игааро ход̇ийд̇и ад̇т̇о.

    Pabbatova na vedhatīti mohakkhayā bhinnasabbakileso bhikkhu. So selamayapabbato viya acalo suppatiṭṭhito iṭṭhādinā kenaci na vedhati, sabbattha nibbikāro hotīti attho.

    ат̇згад̣̇ивасам̣ т̇зрасса асад̇ияаа ниваасанаган̣н̣з оламб̣анд̇з ан̃н̃ад̇аро сааман̣зро, ‘‘бханд̇з, бариман̣д̣алам̣ ниваасзд̇аб̣б̣а’’нд̇и ааха. д̇ам̣ суд̇ваа ‘‘бхад̣̇д̣̇ам̣ д̇аяаа судту вуд̇д̇а’’нд̇и сирасаа вияа самбадижчанд̇о д̇аавад̣̇зва т̇огам̣ абаггамид̇ваа бариман̣д̣алам̣ ниваасзд̇ваа ‘‘маад̣̇исаанам̣ аяамби д̣̇осоязваа’’д̇и д̣̇ассзнд̇о ‘‘анан̇г̇ан̣ассаа’’д̇и г̇аат̇амааха.

    Athekadivasaṃ therassa asatiyā nivāsanakaṇṇe olambante aññataro sāmaṇero, ‘‘bhante, parimaṇḍalaṃ nivāsetabba’’nti āha. Taṃ sutvā ‘‘bhaddaṃ tayā suṭṭhu vutta’’nti sirasā viya sampaṭicchanto tāvadeva thokaṃ apakkamitvā parimaṇḍalaṃ nivāsetvā ‘‘mādisānaṃ ayampi dosoyevā’’ti dassento ‘‘anaṅgaṇassā’’ti gāthamāha.

    буна маран̣з ж̇ийвид̇з жа ад̇д̇ано самажид̇д̇ад̇ам̣ д̣̇ассзнд̇о ‘‘наабхинанд̣̇аамий’’д̇иаад̣̇инаа д̣̇вз г̇аат̇аа вад̇ваа барзсам̣ д̇хаммам̣ гат̇знд̇о ‘‘убхаязна мид̣̇а’’нд̇иаад̣̇инаа г̇аат̇аад̣̇ваяамааха. д̇ад̇т̇а убхаязнаад̇и убхаязсу, убхосу гаалзсууд̇и ад̇т̇о. мид̣̇анд̇и ма-гааро бад̣̇асанд̇хигаро. ид̣̇ам̣ маран̣амзва, маран̣ам̣ ад̇т̇зва наама, амаран̣ам̣ наама над̇т̇и. гзсу убхосу гаалзсууд̇и ааха ‘‘бажчаа ваа бурз ваа’’д̇и маж̇жхимаваяасса бажчаа ваа ж̇арааж̇ин̣н̣агаалз бурз ваа д̣̇ахарагаалз маран̣амзва маран̣ам̣ зганд̇игамзва. д̇асмаа бадибаж̇ж̇ат̇а саммаа бадибад̇д̇им̣ буурзт̇а виббадибаж̇ж̇ид̇ваа маа винассат̇а абааязсу махаад̣̇угкам̣ маанубхават̇а. кан̣о во маа убажжаг̇аад̇и адтахи агкан̣зхи виваж̇ж̇ид̇о аяам̣ навамо кан̣о маа д̇умхз ад̇иггамийд̇и ад̇т̇о.

    Puna maraṇe jīvite ca attano samacittataṃ dassento ‘‘nābhinandāmī’’tiādinā dve gāthā vatvā paresaṃ dhammaṃ kathento ‘‘ubhayena mida’’ntiādinā gāthādvayamāha. Tattha ubhayenāti ubhayesu, ubhosu kālesūti attho. Midanti ma-kāro padasandhikaro. Idaṃ maraṇameva, maraṇaṃ attheva nāma, amaraṇaṃ nāma natthi. Kesu ubhosu kālesūti āha ‘‘pacchā vā pure vā’’ti majjhimavayassa pacchā vā jarājiṇṇakāle pure vā daharakāle maraṇameva maraṇaṃ ekantikameva. Tasmā paṭipajjatha sammā paṭipattiṃ pūretha vippaṭipajjitvā mā vinassatha apāyesu mahādukkhaṃ mānubhavatha. Khaṇo vo mā upaccagāti aṭṭhahi akkhaṇehi vivajjito ayaṃ navamo khaṇo mā tumhe atikkamīti attho.

    ат̇згад̣̇ивасам̣ ааяасманд̇ам̣ махаагодтигам̣ д̣̇исваа д̇асса г̇ун̣ам̣ багаасзнд̇о ‘‘убасанд̇о’’д̇иаад̣̇инаа д̇иссо г̇аат̇аа абхааси. д̇ад̇т̇а ануд̣̇д̣̇зсигавасзна ‘‘д̇хунаад̇ий’’д̇и вуд̇д̇амзвад̇т̇ам̣ буна т̇зрасанниссид̇ам̣ гад̇ваа вад̣̇анд̇о ‘‘аббаасий’’д̇иаад̣̇имааха. д̇ад̇т̇а аббаасийд̇и ад̇хунаа бахаасийд̇и ад̇т̇о. анааяаасод̇и абариссамо, гилзсад̣̇угкарахид̇од̇и ад̇т̇о. виббасанно анаавилод̇и виббасанно асад̣̇д̇хияаад̣̇ийнам̣ абхаавзна судту басаннажид̇д̇о анаавиласан̇габбад̇ааяа анаавило.

    Athekadivasaṃ āyasmantaṃ mahākoṭṭhikaṃ disvā tassa guṇaṃ pakāsento ‘‘upasanto’’tiādinā tisso gāthā abhāsi. Tattha anuddesikavasena ‘‘dhunātī’’ti vuttamevatthaṃ puna therasannissitaṃ katvā vadanto ‘‘appāsī’’tiādimāha. Tattha appāsīti adhunā pahāsīti attho. Anāyāsoti aparissamo, kilesadukkharahitoti attho. Vippasanno anāviloti vippasanno asaddhiyādīnaṃ abhāvena suṭṭhu pasannacitto anāvilasaṅkappatāya anāvilo.

    на виссасзд̇и г̇аат̇аа д̣̇звад̣̇ад̇д̇ам̣ сад̣̇д̣̇ахид̇ваа д̇асса д̣̇идтим̣ рожзд̇ваа тид̇з важ̇ж̇ибуд̇д̇агз аараб̣бха вуд̇д̇аа. д̇ад̇т̇а на виссасзд̇и виссадто на бхавзяяа, на сад̣̇д̣̇ахзяяаад̇и ад̇т̇о. згад̇иязсууд̇и згажжзсу анавадтид̇асабхаавзсу бут̇уж̇ж̇анзсу. званд̇и яат̇аа д̇умхз ‘‘д̣̇звад̣̇ад̇д̇о саммаа бадибанно’’д̇и виссаасам̣ аабаж̇ж̇ид̇т̇а, звам̣. аг̇аарисууд̇и г̇ахадтзсу. саад̇хууби худ̇ваанаад̇и яасмаа бут̇уж̇ж̇анабхааво наама ассабидтз табид̇агумбхан̣д̣ам̣ вияа т̇усараасимхи никаад̇акаан̣угам̣ вияа жа анавадтид̇о, д̇асмаа згажжз аад̣̇ид̇о саад̇хуу худ̇ваа тид̇ааби бажчаа асаад̇хуу хонд̇и. яат̇аа д̣̇звад̣̇ад̇д̇о буб̣б̣з сийласамбанно абхин̃н̃аасамаабад̇д̇илаабхий худ̇ваа лаабхасаггаарабагад̇о ид̣̇аани барихийнависзсо чиннабагкагааго вияа аабааяиго ж̇аад̇о. д̇асмаа д̇аад̣̇исо д̣̇идтамад̇д̇зна ‘‘саад̇хуу’’д̇и на виссаасид̇аб̣б̣о. згажжз бана галяаан̣амид̇д̇асам̣саг̇г̇аабхаавзна аад̣̇ид̇о асаад̇хуу худ̇вааби бажчаа галяаан̣асам̣саг̇г̇зна саад̇хуу хонд̇иязва, д̇асмаа д̣̇звад̣̇ад̇д̇асад̣̇исз саад̇хубад̇ируубз ‘‘саад̇хуу’’д̇и на виссаасзяяаад̇и ад̇т̇о.

    Na vissaseti gāthā devadattaṃ saddahitvā tassa diṭṭhiṃ rocetvā ṭhite vajjiputtake ārabbha vuttā. Tattha na vissaseti vissaṭṭho na bhaveyya, na saddaheyyāti attho. Ekatiyesūti ekaccesu anavaṭṭhitasabhāvesu puthujjanesu. Evanti yathā tumhe ‘‘devadatto sammā paṭipanno’’ti vissāsaṃ āpajjittha, evaṃ. Agārisūti gahaṭṭhesu. Sādhūpi hutvānāti yasmā puthujjanabhāvo nāma assapiṭṭhe ṭhapitakumbhaṇḍaṃ viya thusarāsimhi nikhātakhāṇukaṃ viya ca anavaṭṭhito, tasmā ekacce ādito sādhū hutvā ṭhitāpi pacchā asādhū honti. Yathā devadatto pubbe sīlasampanno abhiññāsamāpattilābhī hutvā lābhasakkārapakato idāni parihīnaviseso chinnapakkhakāko viya āpāyiko jāto. Tasmā tādiso diṭṭhamattena ‘‘sādhū’’ti na vissāsitabbo. Ekacce pana kalyāṇamittasaṃsaggābhāvena ādito asādhū hutvāpi pacchā kalyāṇasaṃsaggena sādhū hontiyeva, tasmā devadattasadise sādhupatirūpe ‘‘sādhū’’ti na vissāseyyāti attho.

    язсам̣ гаамажчанд̣̇аад̣̇аяо жид̇д̇убаггилзсаа авиг̇ад̇аа, д̇з асаад̇хуу. язсам̣ д̇з виг̇ад̇аа, д̇з саад̇хууд̇и д̣̇ассзд̇ум̣ ‘‘гаамажчанд̣̇о’’д̇и г̇аат̇ам̣ вад̇ваа асаад̇хааран̣ад̇о уггам̣саг̇ад̇ам̣ саад̇хулагкан̣ам̣ д̣̇ассзд̇ум̣ ‘‘яасса саггарияамаанассаа’’д̇иаад̣̇инаа г̇аат̇аад̣̇ваяам̣ вуд̇д̇ам̣.

    Yesaṃ kāmacchandādayo cittupakkilesā avigatā, te asādhū. Yesaṃ te vigatā, te sādhūti dassetuṃ ‘‘kāmacchando’’ti gāthaṃ vatvā asādhāraṇato ukkaṃsagataṃ sādhulakkhaṇaṃ dassetuṃ ‘‘yassa sakkariyamānassā’’tiādinā gāthādvayaṃ vuttaṃ.

    асаад̇хааран̣ад̇о бана уггам̣саг̇ад̇ам̣ д̇ам̣ д̣̇ассзд̇ум̣ сад̇т̇аарам̣ ад̇д̇аанан̃жа уд̣̇аахаранд̇о ‘‘махаасамуд̣̇д̣̇о’’д̇иаад̣̇игаа г̇аат̇аа абхааси. д̇ад̇т̇а махаасамуд̣̇д̣̇од̇и аяам̣ махаасамуд̣̇д̣̇о, махаабат̇авий сзло баб̣б̣ад̇о, бурад̇т̇имаад̣̇ибхзд̣̇ад̇о анило жа ад̇д̇ано ажзд̇анаабхаавзна идтаанидтам̣ саханд̇и, на бадисан̇каанаб̣алзна, сад̇т̇аа бана яассаа арахад̇д̇уббад̇д̇ияаа васзна уд̇д̇амз д̇аад̣̇ибхаавз тид̇о идтаад̣̇ийсу саб̣б̣ад̇т̇а само ниб̣б̣игааро, д̇ассаа сад̇т̇у варавимуд̇д̇ияаа аг̇г̇апалавимуд̇д̇ияаа д̇з махаасамуд̣̇д̣̇аад̣̇аяо убамааяа убамаабхаавзна на яуж̇ж̇анд̇и галабхааг̇амби на убзнд̇ийд̇и ад̇т̇о.

    Asādhāraṇato pana ukkaṃsagataṃ taṃ dassetuṃ satthāraṃ attānañca udāharanto ‘‘mahāsamuddo’’tiādikā gāthā abhāsi. Tattha mahāsamuddoti ayaṃ mahāsamuddo, mahāpathavī selo pabbato, puratthimādibhedato anilo ca attano acetanābhāvena iṭṭhāniṭṭhaṃ sahanti, na paṭisaṅkhānabalena, satthā pana yassā arahattuppattiyā vasena uttame tādibhāve ṭhito iṭṭhādīsu sabbattha samo nibbikāro, tassā satthu varavimuttiyā aggaphalavimuttiyā te mahāsamuddādayo upamāya upamābhāvena na yujjanti kalabhāgampi na upentīti attho.

    жаггаанувад̇д̇агод̇и сад̇т̇аараа вад̇д̇ид̇асса д̇хаммажаггасса анувад̇д̇аго. т̇зрод̇и асзгкзхи сийлагканд̇хаад̣̇ийхи саманнааг̇амзна т̇зро. махаан̃аан̣ийд̇и махаабан̃н̃о. самаахид̇од̇и убажаараббанаасамаад̇хинаа ануд̇д̇арасамаад̇хинаа жа самаахид̇о. батаваабаг̇г̇исамаанод̇и идтаад̣̇иаарамман̣асаннибаад̇з ниб̣б̣игаарад̇ааяа бат̇авияаа аабзна аг̇г̇инаа жа сад̣̇исавуд̇д̇иго. д̇знааха ‘‘на раж̇ж̇ад̇и на д̣̇уссад̇ий’’д̇и.

    Cakkānuvattakoti satthārā vattitassa dhammacakkassa anuvattako. Theroti asekkhehi sīlakkhandhādīhi samannāgamena thero. Mahāñāṇīti mahāpañño. Samāhitoti upacārappanāsamādhinā anuttarasamādhinā ca samāhito. Paṭhavāpaggisamānoti iṭṭhādiārammaṇasannipāte nibbikāratāya pathaviyā āpena agginā ca sadisavuttiko. Tenāha ‘‘na rajjati na dussatī’’ti.

    бан̃н̃аабаарамид̇ам̣ бад̇д̇од̇и сааваган̃аан̣асса баарамим̣ баарагодим̣ бад̇д̇о. махааб̣уд̣̇д̇хийд̇и махаабут̇ухаасаж̇аванад̇игканиб̣б̣зд̇хигабхааваббад̇д̇ааяа махад̇ияаа б̣уд̣̇д̇хияаа бан̃н̃ааяа саманнааг̇ад̇о. махаамад̇ийд̇и д̇хамманваяавзд̣̇ид̇асан̇каад̇ааяа махад̇ияаа наяаг̇г̇аахамад̇ияаа саманнааг̇ад̇о. яз хи д̇з жад̇уб̣б̣ид̇хаа, сол̣асавид̇хаа, жад̇ужад̇д̇аалийсавид̇хаа, д̇зсад̇д̇ад̇ивид̇хаа жа бан̃н̃аббабхзд̣̇аа. д̇зсам̣ саб̣б̣асо анавасзсаанам̣ ад̇хиг̇ад̇ад̇д̇аа махаабан̃н̃ад̇аа д̣̇ивисзсаяог̇ад̇о жа аяам̣ махаат̇зро саад̇исаяам̣ ‘‘махааб̣уд̣̇д̇хий’’д̇и вад̇д̇аб̣б̣ад̇ам̣ арахад̇и. яат̇ааха бхаг̇аваа –

    Paññāpāramitaṃ pattoti sāvakañāṇassa pāramiṃ pārakoṭiṃ patto. Mahābuddhīti mahāputhuhāsajavanatikkhanibbedhikabhāvappattāya mahatiyā buddhiyā paññāya samannāgato. Mahāmatīti dhammanvayaveditasaṅkhātāya mahatiyā nayaggāhamatiyā samannāgato. Ye hi te catubbidhā, soḷasavidhā, catucattālīsavidhā, tesattatividhā ca paññappabhedā. Tesaṃ sabbaso anavasesānaṃ adhigatattā mahāpaññatā divisesayogato ca ayaṃ mahāthero sātisayaṃ ‘‘mahābuddhī’’ti vattabbataṃ arahati. Yathāha bhagavā –

    ‘‘бан̣д̣ид̇о, бхигкавз, саарибуд̇д̇о; махаабан̃н̃о, бхигкавз, саарибуд̇д̇о; бут̇убан̃н̃о, бхигкавз, саарибуд̇д̇о; хаасабан̃н̃о, бхигкавз, саарибуд̇д̇о; ж̇аванабан̃н̃о, бхигкавз, саарибуд̇д̇о; д̇игкабан̃н̃о, бхигкавз, саарибуд̇д̇о; ниб̣б̣зд̇хигабан̃н̃о, бхигкавз, саарибуд̇д̇о’’д̇иаад̣̇и (ма. ни. 3.93).

    ‘‘Paṇḍito, bhikkhave, sāriputto; mahāpañño, bhikkhave, sāriputto; puthupañño, bhikkhave, sāriputto; hāsapañño, bhikkhave, sāriputto; javanapañño, bhikkhave, sāriputto; tikkhapañño, bhikkhave, sāriputto; nibbedhikapañño, bhikkhave, sāriputto’’tiādi (ma. ni. 3.93).

    д̇ад̇т̇ааяам̣ бан̣д̣ид̇абхааваад̣̇ийнам̣ вибхааг̇авибхааванаа. д̇хаад̇угусалад̇аа, ааяад̇анагусалад̇аа, бадижжасамуббаад̣̇агусалад̇аа, таанаадтаанагусалад̇аад̇и имзхи жад̇уухи гааран̣зхи бан̣д̣ид̇о. махаабан̃н̃ад̇аад̣̇ийнам̣ вибхааг̇ад̣̇ассанз аяам̣ баал̣и –

    Tatthāyaṃ paṇḍitabhāvādīnaṃ vibhāgavibhāvanā. Dhātukusalatā, āyatanakusalatā, paṭiccasamuppādakusalatā, ṭhānāṭṭhānakusalatāti imehi catūhi kāraṇehi paṇḍito. Mahāpaññatādīnaṃ vibhāgadassane ayaṃ pāḷi –

    ‘‘гад̇амаа махаабан̃н̃аа? маханд̇з ад̇т̇з бариг̇г̇ан̣хаад̇ийд̇и махаабан̃н̃аа, маханд̇з д̇хаммз бариг̇г̇ан̣хаад̇ийд̇и махаабан̃н̃аа, маханд̇аа нируд̇д̇ияо бариг̇г̇ан̣хаад̇ийд̇и махаабан̃н̃аа, маханд̇аани бадибхаанаани бариг̇г̇ан̣хаад̇ийд̇и махаабан̃н̃аа, маханд̇з сийлагканд̇хз бариг̇г̇ан̣хаад̇ийд̇и махаабан̃н̃аа, маханд̇з самаад̇хигканд̇хз бариг̇г̇ан̣хаад̇ийд̇и махаабан̃н̃аа, маханд̇з бан̃н̃аагканд̇хз бариг̇г̇ан̣хаад̇ийд̇и махаабан̃н̃аа, маханд̇з вимуд̇д̇игканд̇хз бариг̇г̇ан̣хаад̇ийд̇и махаабан̃н̃аа, маханд̇з вимуд̇д̇ин̃аан̣ад̣̇ассанагканд̇хз бариг̇г̇ан̣хаад̇ийд̇и махаабан̃н̃аа, маханд̇аани таанаадтаанаани бариг̇г̇ан̣хаад̇ийд̇и махаабан̃н̃аа, маханд̇аа вихаарасамаабад̇д̇ияо бариг̇г̇ан̣хаад̇ийд̇и махаабан̃н̃аа, маханд̇аани арияасажжаани бариг̇г̇ан̣хаад̇ийд̇и махаабан̃н̃аа, маханд̇з сад̇ибадтаанз бариг̇г̇ан̣хаад̇ийд̇и махаабан̃н̃аа, маханд̇з саммаббад̇хаанз бариг̇г̇ан̣хаад̇ийд̇и махаабан̃н̃аа, маханд̇з ид̣̇д̇хибаад̣̇з бариг̇г̇ан̣хаад̇ийд̇и махаабан̃н̃аа, маханд̇аани инд̣̇рияаани бариг̇г̇ан̣хаад̇ийд̇и махаабан̃н̃аа, маханд̇аани б̣алаани бариг̇г̇ан̣хаад̇ийд̇и махаабан̃н̃аа, маханд̇з б̣ож̇жхан̇г̇з бариг̇г̇ан̣хаад̇ийд̇и махаабан̃н̃аа, маханд̇з арияамаг̇г̇з бариг̇г̇ан̣хаад̇ийд̇и махаабан̃н̃аа, маханд̇аани сааман̃н̃апалаани бариг̇г̇ан̣хаад̇ийд̇и махаабан̃н̃аа, маханд̇аа абхин̃н̃ааяо бариг̇г̇ан̣хаад̇ийд̇и махаабан̃н̃аа, маханд̇ам̣ барамад̇т̇ам̣ ниб̣б̣аанам̣ бариг̇г̇ан̣хаад̇ийд̇и махаабан̃н̃аа.

    ‘‘Katamā mahāpaññā? Mahante atthe pariggaṇhātīti mahāpaññā, mahante dhamme pariggaṇhātīti mahāpaññā, mahantā niruttiyo pariggaṇhātīti mahāpaññā, mahantāni paṭibhānāni pariggaṇhātīti mahāpaññā, mahante sīlakkhandhe pariggaṇhātīti mahāpaññā, mahante samādhikkhandhe pariggaṇhātīti mahāpaññā, mahante paññākkhandhe pariggaṇhātīti mahāpaññā, mahante vimuttikkhandhe pariggaṇhātīti mahāpaññā, mahante vimuttiñāṇadassanakkhandhe pariggaṇhātīti mahāpaññā, mahantāni ṭhānāṭṭhānāni pariggaṇhātīti mahāpaññā, mahantā vihārasamāpattiyo pariggaṇhātīti mahāpaññā, mahantāni ariyasaccāni pariggaṇhātīti mahāpaññā, mahante satipaṭṭhāne pariggaṇhātīti mahāpaññā, mahante sammappadhāne pariggaṇhātīti mahāpaññā, mahante iddhipāde pariggaṇhātīti mahāpaññā, mahantāni indriyāni pariggaṇhātīti mahāpaññā, mahantāni balāni pariggaṇhātīti mahāpaññā, mahante bojjhaṅge pariggaṇhātīti mahāpaññā, mahante ariyamagge pariggaṇhātīti mahāpaññā, mahantāni sāmaññaphalāni pariggaṇhātīti mahāpaññā, mahantā abhiññāyo pariggaṇhātīti mahāpaññā, mahantaṃ paramatthaṃ nibbānaṃ pariggaṇhātīti mahāpaññā.

    ‘‘гад̇амаа бут̇убан̃н̃аа? бут̇унаанааканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа , бут̇унаанаад̇хаад̇уусу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанааааяад̇анзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаабадижжасамуббаад̣̇зсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаасун̃н̃ад̇аманубалаб̣бхзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанааад̇т̇зсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаад̇хаммзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаанируд̇д̇ийсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаабадибхаанзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаасийлагканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаасамаад̇хигканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаабан̃н̃аагканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаавимуд̇д̇игканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаавимуд̇д̇ин̃аан̣ад̣̇ассанагканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаатаанаадтаанзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаавихаарасамаабад̇д̇ийсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанааарияасажжзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаасад̇ибадтаанзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаасаммаббад̇хаанзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанааид̣̇д̇хибаад̣̇зсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанааинд̣̇риязсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанааб̣алзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанааб̣ож̇жхан̇г̇зсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанааарияамаг̇г̇зсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанаасааман̃н̃апалзсу н̃аан̣ам̣ бавад̇д̇ад̇ийд̇и бут̇убан̃н̃аа, бут̇унаанааабхин̃н̃аасу н̃аан̣ам̣ бавад̇д̇ад̇ийд̇и бут̇убан̃н̃аа, бут̇уж̇ж̇анасаад̇хааран̣з д̇хаммз ад̇иггамма барамад̇т̇з ниб̣б̣аанз н̃аан̣ам̣ бавад̇д̇ад̇ийд̇и бут̇убан̃н̃аа.

    ‘‘Katamā puthupaññā? Puthunānākhandhesu ñāṇaṃ pavattatīti puthupaññā , puthunānādhātūsu ñāṇaṃ pavattatīti puthupaññā, puthunānāāyatanesu ñāṇaṃ pavattatīti puthupaññā, puthunānāpaṭiccasamuppādesu ñāṇaṃ pavattatīti puthupaññā, puthunānāsuññatamanupalabbhesu ñāṇaṃ pavattatīti puthupaññā, puthunānāatthesu ñāṇaṃ pavattatīti puthupaññā, puthunānādhammesu ñāṇaṃ pavattatīti puthupaññā, puthunānāniruttīsu ñāṇaṃ pavattatīti puthupaññā, puthunānāpaṭibhānesu ñāṇaṃ pavattatīti puthupaññā, puthunānāsīlakkhandhesu ñāṇaṃ pavattatīti puthupaññā, puthunānāsamādhikkhandhesu ñāṇaṃ pavattatīti puthupaññā, puthunānāpaññākkhandhesu ñāṇaṃ pavattatīti puthupaññā, puthunānāvimuttikkhandhesu ñāṇaṃ pavattatīti puthupaññā, puthunānāvimuttiñāṇadassanakkhandhesu ñāṇaṃ pavattatīti puthupaññā, puthunānāṭhānāṭṭhānesu ñāṇaṃ pavattatīti puthupaññā, puthunānāvihārasamāpattīsu ñāṇaṃ pavattatīti puthupaññā, puthunānāariyasaccesu ñāṇaṃ pavattatīti puthupaññā, puthunānāsatipaṭṭhānesu ñāṇaṃ pavattatīti puthupaññā, puthunānāsammappadhānesu ñāṇaṃ pavattatīti puthupaññā, puthunānāiddhipādesu ñāṇaṃ pavattatīti puthupaññā, puthunānāindriyesu ñāṇaṃ pavattatīti puthupaññā, puthunānābalesu ñāṇaṃ pavattatīti puthupaññā, puthunānābojjhaṅgesu ñāṇaṃ pavattatīti puthupaññā, puthunānāariyamaggesu ñāṇaṃ pavattatīti puthupaññā, puthunānāsāmaññaphalesu ñāṇaṃ pavattatīti puthupaññā, puthunānāabhiññāsu ñāṇaṃ pavattatīti puthupaññā, puthujjanasādhāraṇe dhamme atikkamma paramatthe nibbāne ñāṇaṃ pavattatīti puthupaññā.

    ‘‘гад̇амаа хаасабан̃н̃аа? ид̇хзгажжо хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло сийлаани барибуурзд̇ийд̇и хаасабан̃н̃аа, хаасаб̣ахуло…бз… баамож̇ж̇аб̣ахуло инд̣̇рияасам̣варам̣ барибуурзд̇ийд̇и хаасабан̃н̃аа, хаасаб̣ахуло…бз… баамож̇ж̇аб̣ахуло бхож̇анз мад̇д̇ан̃н̃уд̇ам̣ барибуурзд̇ийд̇и хаасабан̃н̃аа, хаасаб̣ахуло…бз… баамож̇ж̇аб̣ахуло ж̇ааг̇арияаануяог̇ам̣ барибуурзд̇ийд̇и хаасабан̃н̃аа, хаасаб̣ахуло…бз… баамож̇ж̇аб̣ахуло сийлагканд̇хам̣…бз… самаад̇хигканд̇хам̣, бан̃н̃аагканд̇хам̣, вимуд̇д̇игканд̇хам̣, вимуд̇д̇ин̃аан̣ад̣̇ассанагканд̇хам̣ барибуурзд̇ийд̇и…бз… бадивиж̇жхад̇ийд̇и. вихаарасамаабад̇д̇ияо барибуурзд̇ийд̇и, арияасажжаани бадивиж̇жхад̇ийд̇и, сад̇ибадтаанз бхаавзд̇ийд̇и, саммаббад̇хаанз бхаавзд̇ийд̇и, ид̣̇д̇хибаад̣̇з бхаавзд̇ийд̇и, инд̣̇рияаани бхаавзд̇ийд̇и, б̣алаани бхаавзд̇ийд̇и, б̣ож̇жхан̇г̇з бхаавзд̇ийд̇и, арияамаг̇г̇ам̣ бхаавзд̇ийд̇и…бз… сааман̃н̃апалаани сажчигарод̇ийд̇и хаасабан̃н̃аа, хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло абхин̃н̃ааяо бадивиж̇жхад̇ийд̇и хаасабан̃н̃аа; хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло барамад̇т̇ам̣ ниб̣б̣аанам̣ сажчигарод̇ийд̇и хаасабан̃н̃аа.

    ‘‘Katamā hāsapaññā? Idhekacco hāsabahulo vedabahulo tuṭṭhibahulo pāmojjabahulo sīlāni paripūretīti hāsapaññā, hāsabahulo…pe… pāmojjabahulo indriyasaṃvaraṃ paripūretīti hāsapaññā, hāsabahulo…pe… pāmojjabahulo bhojane mattaññutaṃ paripūretīti hāsapaññā, hāsabahulo…pe… pāmojjabahulo jāgariyānuyogaṃ paripūretīti hāsapaññā, hāsabahulo…pe… pāmojjabahulo sīlakkhandhaṃ…pe… samādhikkhandhaṃ, paññākkhandhaṃ, vimuttikkhandhaṃ, vimuttiñāṇadassanakkhandhaṃ paripūretīti…pe… paṭivijjhatīti. Vihārasamāpattiyo paripūretīti, ariyasaccāni paṭivijjhatīti, satipaṭṭhāne bhāvetīti, sammappadhāne bhāvetīti, iddhipāde bhāvetīti, indriyāni bhāvetīti, balāni bhāvetīti, bojjhaṅge bhāvetīti, ariyamaggaṃ bhāvetīti…pe… sāmaññaphalāni sacchikarotīti hāsapaññā, hāsabahulo vedabahulo tuṭṭhibahulo pāmojjabahulo abhiññāyo paṭivijjhatīti hāsapaññā; hāsabahulo vedabahulo tuṭṭhibahulo pāmojjabahulo paramatthaṃ nibbānaṃ sacchikarotīti hāsapaññā.

    ‘‘гад̇амаа ж̇аванабан̃н̃аа? яам̣ гин̃жи руубам̣ ад̇ийд̇аанааг̇ад̇абажжуббаннам̣…бз… яам̣ д̣̇уурз санд̇игз ваа, саб̣б̣ам̣ руубам̣ анижжад̇о киббам̣ ж̇авад̇ийд̇и ж̇аванабан̃н̃аа, д̣̇угкад̇о киббам̣ ж̇авад̇ийд̇и ж̇аванабан̃н̃аа, анад̇д̇ад̇о киббам̣ ж̇авад̇ийд̇и ж̇аванабан̃н̃аа; яаа гаажи взд̣̇анаа…бз… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣…бз… саб̣б̣ам̣ вин̃н̃аан̣ам̣ анижжад̇о киббам̣ ж̇авад̇ийд̇и ж̇аванабан̃н̃аа, д̣̇угкад̇о киббам̣ ж̇авад̇ийд̇и ж̇аванабан̃н̃аа, анад̇д̇ад̇о киббам̣ ж̇авад̇ийд̇и ж̇аванабан̃н̃аа. жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣, анижжад̇о киббам̣ ж̇авад̇ийд̇и ж̇аванабан̃н̃аа, д̣̇угкад̇о киббам̣ ж̇авад̇ийд̇и ж̇аванабан̃н̃аа, анад̇д̇ад̇о киббам̣ ж̇авад̇ийд̇и ж̇аванабан̃н̃аа.

    ‘‘Katamā javanapaññā? Yaṃ kiñci rūpaṃ atītānāgatapaccuppannaṃ…pe… yaṃ dūre santike vā, sabbaṃ rūpaṃ aniccato khippaṃ javatīti javanapaññā, dukkhato khippaṃ javatīti javanapaññā, anattato khippaṃ javatīti javanapaññā; yā kāci vedanā…pe… yaṃ kiñci viññāṇaṃ atītānāgatapaccuppannaṃ…pe… sabbaṃ viññāṇaṃ aniccato khippaṃ javatīti javanapaññā, dukkhato khippaṃ javatīti javanapaññā, anattato khippaṃ javatīti javanapaññā. Cakkhu…pe… jarāmaraṇaṃ atītānāgatapaccuppannaṃ, aniccato khippaṃ javatīti javanapaññā, dukkhato khippaṃ javatīti javanapaññā, anattato khippaṃ javatīti javanapaññā.

    ‘‘руубам̣ ад̇ийд̇аанааг̇ад̇абажжуббаннам̣ анижжам̣ каяадтзна, д̣̇угкам̣ бхаяадтзна, анад̇д̇аа асаарагадтзнаад̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа руубанирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа…бз… взд̣̇анаа…бз… сан̃н̃аа… сан̇каараа… вин̃н̃аан̣ам̣… жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣ каяадтзна, д̣̇угкам̣ бхаяадтзна, анад̇д̇аа асаарагадтзнаад̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа.

    ‘‘Rūpaṃ atītānāgatapaccuppannaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenāti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti javanapaññā…pe… vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ atītānāgatapaccuppannaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenāti tulayitvā tīrayitvā vibhāvayitvā vibhūtaṃ katvā jarāmaraṇanirodhe nibbāne khippaṃ javatīti javanapaññā.

    ‘‘руубам̣ ад̇ийд̇аанааг̇ад̇абажжуббаннам̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа руубанирод̇хз киббам̣ ж̇авад̇ийд̇и ж̇аванабан̃н̃аа. взд̣̇анаа…бз… сан̃н̃аа… сан̇каараа… вин̃н̃аан̣ам̣… жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа.

    ‘‘Rūpaṃ atītānāgatapaccuppannaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā rūpanirodhe khippaṃ javatīti javanapaññā. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ atītānāgatapaccuppannaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā jarāmaraṇanirodhe nibbāne khippaṃ javatīti javanapaññā.

    ‘‘гад̇амаа д̇игкабан̃н̃аа? киббам̣ гилзсз чинд̣̇ад̇ийд̇и д̇игкабан̃н̃аа, уббаннам̣ гаамавид̇аггам̣ наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и д̇игкабан̃н̃аа; уббаннам̣ б̣яаабаад̣̇авид̇аггам̣ наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и д̇игкабан̃н̃аа; уббаннам̣ вихим̣саавид̇аггам̣ наад̇хиваасзд̇и…бз… уббаннуббаннз баабагз агусалз д̇хаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и д̇игкабан̃н̃аа; уббаннам̣ рааг̇ам̣ наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и д̇игкабан̃н̃аа; уббаннам̣ д̣̇осам̣…бз… уббаннам̣ мохам̣… уббаннам̣ год̇хам̣… уббаннам̣ убанаахам̣… магкам̣… бал̣аасам̣… иссам̣… мажчарияам̣… мааяам̣… саатзяяам̣… т̇амбхам̣… саарамбхам̣… маанам̣… ад̇имаанам̣… мад̣̇ам̣… бамаад̣̇ам̣… саб̣б̣з гилзсз… саб̣б̣з д̣̇ужжарид̇з… саб̣б̣з абхисан̇каарз…бз… саб̣б̣з бхаваг̇аамигаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и д̇игкабан̃н̃аа. згасмим̣ аасанз жад̇д̇ааро жа арияамаг̇г̇аа, жад̇д̇аари сааман̃н̃апалаани, жад̇ассо бадисамбхид̣̇ааяо, ча абхин̃н̃ааяо ад̇хиг̇ад̇аа хонд̇и сажчигад̇аа пассид̇аа бан̃н̃ааяаад̇и д̇игкабан̃н̃аа.

    ‘‘Katamā tikkhapaññā? Khippaṃ kilese chindatīti tikkhapaññā, uppannaṃ kāmavitakkaṃ nādhivāseti pajahati vinodeti byantīkaroti anabhāvaṃ gametīti tikkhapaññā; uppannaṃ byāpādavitakkaṃ nādhivāseti pajahati vinodeti byantīkaroti anabhāvaṃ gametīti tikkhapaññā; uppannaṃ vihiṃsāvitakkaṃ nādhivāseti…pe… uppannuppanne pāpake akusale dhamme nādhivāseti pajahati vinodeti byantīkaroti anabhāvaṃ gametīti tikkhapaññā; uppannaṃ rāgaṃ nādhivāseti pajahati vinodeti byantīkaroti anabhāvaṃ gametīti tikkhapaññā; uppannaṃ dosaṃ…pe… uppannaṃ mohaṃ… uppannaṃ kodhaṃ… uppannaṃ upanāhaṃ… makkhaṃ… paḷāsaṃ… issaṃ… macchariyaṃ… māyaṃ… sāṭheyyaṃ… thambhaṃ… sārambhaṃ… mānaṃ… atimānaṃ… madaṃ… pamādaṃ… sabbe kilese… sabbe duccarite… sabbe abhisaṅkhāre…pe… sabbe bhavagāmikamme nādhivāseti pajahati vinodeti byantīkaroti anabhāvaṃ gametīti tikkhapaññā. Ekasmiṃ āsane cattāro ca ariyamaggā, cattāri sāmaññaphalāni, catasso paṭisambhidāyo, cha abhiññāyo adhigatā honti sacchikatā phassitā paññāyāti tikkhapaññā.

    ‘‘гад̇амаа ниб̣б̣зд̇хигабан̃н̃аа? ид̇хзгажжо саб̣б̣асан̇каарзсу уб̣б̣зг̇аб̣ахуло ход̇и уд̇д̇аасаб̣ахуло угган̣танаб̣ахуло арад̇иб̣ахуло анабхирад̇иб̣ахуло б̣ахимуко на рамад̇и саб̣б̣асан̇каарзсу, аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ лобхагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа, аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ д̣̇осагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа, аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ мохагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа; аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ год̇хам̣…бз… убанаахам̣…бз… саб̣б̣з бхаваг̇аамигаммз ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа’’д̇и (бади. ма. 3.6-7).

    ‘‘Katamā nibbedhikapaññā? Idhekacco sabbasaṅkhāresu ubbegabahulo hoti uttāsabahulo ukkaṇṭhanabahulo aratibahulo anabhiratibahulo bahimukho na ramati sabbasaṅkhāresu, anibbiddhapubbaṃ apadālitapubbaṃ lobhakkhandhaṃ nibbijjhati padāletīti nibbedhikapaññā, anibbiddhapubbaṃ apadālitapubbaṃ dosakkhandhaṃ nibbijjhati padāletīti nibbedhikapaññā, anibbiddhapubbaṃ apadālitapubbaṃ mohakkhandhaṃ nibbijjhati padāletīti nibbedhikapaññā; anibbiddhapubbaṃ apadālitapubbaṃ kodhaṃ…pe… upanāhaṃ…pe… sabbe bhavagāmikamme nibbijjhati padāletīti nibbedhikapaññā’’ti (paṭi. ma. 3.6-7).

    звам̣ яат̇аавуд̇д̇авибхааг̇ааяа махад̇ияаа бан̃н̃ааяа саманнааг̇ад̇ад̇д̇аа ‘‘махааб̣уд̣̇д̇хий’’д̇и вуд̇д̇ам̣.

    Evaṃ yathāvuttavibhāgāya mahatiyā paññāya samannāgatattā ‘‘mahābuddhī’’ti vuttaṃ.

    абижа анубад̣̇ад̇хаммавибассанаавасзнааби имасса т̇зрасса махаабан̃н̃ад̇аа взд̣̇ид̇аб̣б̣аа. вуд̇д̇ан̃хзд̇ам̣ –

    Apica anupadadhammavipassanāvasenāpi imassa therassa mahāpaññatā veditabbā. Vuttañhetaṃ –

    ‘‘саарибуд̇д̇о, бхигкавз, ад̣дхамаасам̣ анубад̣̇ад̇хаммавибассанам̣ вибассад̇и. д̇ад̇рид̣̇ам̣, бхигкавз, саарибуд̇д̇асса анубад̣̇ад̇хаммавибассанааяа ход̇и.

    ‘‘Sāriputto, bhikkhave, aḍḍhamāsaṃ anupadadhammavipassanaṃ vipassati. Tatridaṃ, bhikkhave, sāriputtassa anupadadhammavipassanāya hoti.

    ‘‘ид̇ха, бхигкавз, саарибуд̇д̇о вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и. яз жа батамз жхаанз д̇хаммаа вид̇агго жа…бз… жид̇д̇згаг̇г̇ад̇аа жа пассо взд̣̇анаа сан̃н̃аа жзд̇анаа жид̇д̇ам̣ чанд̣̇о ад̇химогко вийрияам̣ сад̇и убзгкаа манасигааро, д̇яаасса д̇хаммаа анубад̣̇ававад̇т̇ид̇аа хонд̇и, д̇яаасса д̇хаммаа вид̣̇ид̇аа уббаж̇ж̇анд̇и, вид̣̇ид̇аа убадтаханд̇и, вид̣̇ид̇аа аб̣бхад̇т̇ам̣ г̇ажчанд̇и. со звам̣ баж̇аанаад̇и ‘звам̣ гира мз д̇хаммаа ахуд̇ваа самбхонд̇и, худ̇ваа бадивзнд̇ий’д̇и. со д̇зсу д̇хаммзсу анубааяо анабааяо аниссид̇о аббадиб̣ад̣̇д̇хо виббамуд̇д̇о висам̣яуд̇д̇о вимарияаад̣̇ийгад̇зна жзд̇асаа вихарад̇и. со ‘ад̇т̇и уд̇д̇ари ниссаран̣а’нд̇и баж̇аанаад̇и. д̇аб̣б̣ахулийгаараа ад̇т̇ид̇взвасса ход̇и.

    ‘‘Idha, bhikkhave, sāriputto vivicceva kāmehi…pe… paṭhamaṃ jhānaṃ upasampajja viharati. Ye ca paṭhame jhāne dhammā vitakko ca…pe… cittekaggatā ca phasso vedanā saññā cetanā cittaṃ chando adhimokkho vīriyaṃ sati upekkhā manasikāro, tyāssa dhammā anupadavavatthitā honti, tyāssa dhammā viditā uppajjanti, viditā upaṭṭhahanti, viditā abbhatthaṃ gacchanti. So evaṃ pajānāti ‘evaṃ kira me dhammā ahutvā sambhonti, hutvā paṭiventī’ti. So tesu dhammesu anupāyo anapāyo anissito appaṭibaddho vippamutto visaṃyutto vimariyādīkatena cetasā viharati. So ‘atthi uttari nissaraṇa’nti pajānāti. Tabbahulīkārā atthitvevassa hoti.

    ‘‘буна жабарам̣, бхигкавз, саарибуд̇д̇о вид̇аггавижаараанам̣ вуубасамаа…бз… д̣̇уд̇ияам̣ жхаанам̣… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и. аагаасаанан̃жааяад̇анам̣… вин̃н̃аан̣ан̃жааяад̇анам̣… аагин̃жан̃н̃ааяад̇анам̣… саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. со д̇ааяа самаабад̇д̇ияаа сад̇о вудтахад̇и, со д̇ааяа самаабад̇д̇ияаа сад̇о вудтахид̇ваа яз д̇хаммаа ад̇ийд̇аа нируд̣̇д̇хаа вибарин̣ад̇аа, д̇з д̇хаммз саманубассад̇и ‘‘звам̣ гира мз д̇хаммаа ахуд̇ваа самбхонд̇и, худ̇ваа бадивзнд̇ий’’д̇и. со д̇зсу д̇хаммзсу анубааяо анабааяо аниссид̇о аббадиб̣ад̣̇д̇хо виббамуд̇д̇о висам̣яуд̇д̇о вимарияаад̣̇ийгад̇зна жзд̇асаа вихарад̇и. со ‘ад̇т̇и уд̇д̇ари ниссаран̣а’нд̇и баж̇аанаад̇и. д̇аб̣б̣ахулийгаараа ад̇т̇ид̇взвасса ход̇и.

    ‘‘Puna caparaṃ, bhikkhave, sāriputto vitakkavicārānaṃ vūpasamā…pe… dutiyaṃ jhānaṃ… tatiyaṃ jhānaṃ… catutthaṃ jhānaṃ upasampajja viharati. Ākāsānañcāyatanaṃ… viññāṇañcāyatanaṃ… ākiñcaññāyatanaṃ… sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. So tāya samāpattiyā sato vuṭṭhahati, so tāya samāpattiyā sato vuṭṭhahitvā ye dhammā atītā niruddhā vipariṇatā, te dhamme samanupassati ‘‘evaṃ kira me dhammā ahutvā sambhonti, hutvā paṭiventī’’ti. So tesu dhammesu anupāyo anapāyo anissito appaṭibaddho vippamutto visaṃyutto vimariyādīkatena cetasā viharati. So ‘atthi uttari nissaraṇa’nti pajānāti. Tabbahulīkārā atthitvevassa hoti.

    ‘‘буна жабарам̣, бхигкавз, саарибуд̇д̇о саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и. бан̃н̃ааяа жасса д̣̇исваа аасаваа баригкийн̣аа хонд̇и. со д̇ааяа самаабад̇д̇ияаа сад̇о вудтахад̇и, со д̇ааяа самаабад̇д̇ияаа сад̇о вудтахид̇ваа яз д̇хаммаа ад̇ийд̇аа нируд̣̇д̇хаа вибарин̣ад̇аа, д̇з д̇хаммз саманубассад̇и ‘звам̣ гира мз д̇хаммаа ахуд̇ваа самбхонд̇и, худ̇ваа бадивзнд̇ий’д̇и. со д̇зсу д̇хаммзсу анубааяо анабааяо аниссид̇о аббадиб̣ад̣̇д̇хо виббамуд̇д̇о висам̣яуд̇д̇о вимарияаад̣̇ийгад̇зна жзд̇асаа вихарад̇и, со ‘над̇т̇и уд̇д̇ари ниссаран̣а’нд̇и баж̇аанаад̇и. д̇аб̣б̣ахулийгаараа над̇т̇ид̇взвасса ход̇и.

    ‘‘Puna caparaṃ, bhikkhave, sāriputto sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati. Paññāya cassa disvā āsavā parikkhīṇā honti. So tāya samāpattiyā sato vuṭṭhahati, so tāya samāpattiyā sato vuṭṭhahitvā ye dhammā atītā niruddhā vipariṇatā, te dhamme samanupassati ‘evaṃ kira me dhammā ahutvā sambhonti, hutvā paṭiventī’ti. So tesu dhammesu anupāyo anapāyo anissito appaṭibaddho vippamutto visaṃyutto vimariyādīkatena cetasā viharati, so ‘natthi uttari nissaraṇa’nti pajānāti. Tabbahulīkārā natthitvevassa hoti.

    ‘‘яам̣ ко д̇ам̣, бхигкавз, саммаа вад̣̇амаано вад̣̇зяяа ‘васиббад̇д̇о баарамиббад̇д̇о арияасмим̣ сийласмим̣, васиббад̇д̇о баарамиббад̇д̇о арияасмим̣ самаад̇хисмим̣, васиббад̇д̇о баарамиббад̇д̇о арияааяа бан̃н̃ааяа, васиббад̇д̇о баарамиббад̇д̇о арияааяа вимуд̇д̇ияаа’д̇и. саарибуд̇д̇амзвзд̇ам̣ саммаа вад̣̇амаано вад̣̇зяяаа’’д̇и (ма. ни. 3.93-97).

    ‘‘Yaṃ kho taṃ, bhikkhave, sammā vadamāno vadeyya ‘vasippatto pāramippatto ariyasmiṃ sīlasmiṃ, vasippatto pāramippatto ariyasmiṃ samādhismiṃ, vasippatto pāramippatto ariyāya paññāya, vasippatto pāramippatto ariyāya vimuttiyā’ti. Sāriputtamevetaṃ sammā vadamāno vadeyyā’’ti (ma. ni. 3.93-97).

    звам̣ махаабут̇ухаасаж̇аванад̇игканиб̣б̣зд̇хигабхааваббад̇д̇ааяа махад̇ияаа б̣уд̣̇д̇хияаа саманнааг̇ад̇ад̇д̇аа т̇зро махааб̣уд̣̇д̇хийд̇и ад̇т̇о. д̇хамманваяавзд̣̇ид̇аа банасса самбасаад̣̇анийяасуд̇д̇зна (д̣̇ий. ни. 3.141 аад̣̇аяо) д̣̇ийбзд̇аб̣б̣аа. д̇ад̇т̇а хи саб̣б̣ан̃н̃уд̇ан̃н̃аан̣асад̣̇исо т̇зрасса наяаг̇г̇аахо вуд̇д̇о. аж̇ал̣о ж̇ал̣асамаанод̇и саавагзсу бан̃н̃ааяа уггам̣саг̇ад̇ад̇д̇аа саб̣б̣ат̇ааби аж̇ал̣о самаано барамаббижчад̇ааяа ад̇д̇аанам̣ аж̇аананд̇ам̣ вияа гад̇ваа, д̣̇ассанзна ж̇ал̣асад̣̇исо манд̣̇асаригко гилзсабарил̣аахаабхаавзна ниб̣б̣уд̇о сийд̇ибхууд̇о сад̣̇аа жарад̇и нижжам̣ вихарад̇ийд̇и ад̇т̇о.

    Evaṃ mahāputhuhāsajavanatikkhanibbedhikabhāvappattāya mahatiyā buddhiyā samannāgatattā thero mahābuddhīti attho. Dhammanvayaveditā panassa sampasādanīyasuttena (dī. ni. 3.141 ādayo) dīpetabbā. Tattha hi sabbaññutaññāṇasadiso therassa nayaggāho vutto. Ajaḷo jaḷasamānoti sāvakesu paññāya ukkaṃsagatattā sabbathāpi ajaḷo samāno paramappicchatāya attānaṃ ajānantaṃ viya katvā, dassanena jaḷasadiso mandasarikkho kilesapariḷāhābhāvena nibbuto sītibhūto sadā carati niccaṃ viharatīti attho.

    барижин̣н̣од̇и г̇аат̇аа т̇зрзна ад̇д̇ано гад̇агижжад̇ам̣ багаасзнд̇зна бхаасид̇аа, сааби вуд̇д̇ад̇т̇ааязва.

    Pariciṇṇoti gāthā therena attano katakiccataṃ pakāsentena bhāsitā, sāpi vuttatthāyeva.

    самбаад̣̇зт̇аббамаад̣̇знаад̇и аяам̣ бана ад̇д̇ано бариниб̣б̣аанагаалз саннибад̇ид̇аанам̣ бхигкуунам̣ оваад̣̇ад̣̇аанавасзна бхаасид̇аа. сааби вуд̇д̇ад̇т̇ааязваад̇и.

    Sampādethappamādenāti ayaṃ pana attano parinibbānakāle sannipatitānaṃ bhikkhūnaṃ ovādadānavasena bhāsitā. Sāpi vuttatthāyevāti.

    саарибуд̇д̇ад̇т̇зраг̇аат̇ааван̣н̣анаа нидтид̇аа.

    Sāriputtattheragāthāvaṇṇanā niṭṭhitā.




    Next: 3. аананд̣̇ад̇т̇зраг̇аат̇ааван̣н̣анаа • 3. Ānandattheragāthāvaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. саарибуд̇д̇ад̇т̇зраг̇аат̇аа • 2. Sāriputtattheragāthā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact