| Library / Tipiṭaka / ติปิฎก • Tipiṭaka / อุทานปาฬิ • Udānapāḷi |
๑๐. สาริปุตฺตอุปสมสุตฺตํ
10. Sāriputtaupasamasuttaṃ
๔๐. เอวํ เม สุตํ – เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเมฯ เตน โข ปน สมเยน อายสฺมา สาริปุโตฺต ภควโต อวิทูเร นิสิโนฺน โหติ ปลฺลงฺกํ อาภุชิตฺวา อุชุํ กายํ ปณิธาย อตฺตโน อุปสมํ ปจฺจเวกฺขมาโนฯ
40. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā sāriputto bhagavato avidūre nisinno hoti pallaṅkaṃ ābhujitvā ujuṃ kāyaṃ paṇidhāya attano upasamaṃ paccavekkhamāno.
อทฺทสา โข ภควา อายสฺมนฺตํ สาริปุตฺตํ อวิทูเร นิสินฺนํ ปลฺลงฺกํ อาภุชิตฺวา อุชุํ กายํ ปณิธาย อตฺตโน อุปสมํ ปจฺจเวกฺขมานํฯ
Addasā kho bhagavā āyasmantaṃ sāriputtaṃ avidūre nisinnaṃ pallaṅkaṃ ābhujitvā ujuṃ kāyaṃ paṇidhāya attano upasamaṃ paccavekkhamānaṃ.
อถ โข ภควา เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘อุปสนฺตสนฺตจิตฺตสฺส, เนตฺติจฺฉินฺนสฺส ภิกฺขุโน;
‘‘Upasantasantacittassa, netticchinnassa bhikkhuno;
วิกฺขีโณ ชาติสํสาโร, มุโตฺต โส มารพนฺธนา’’ติฯ ทสมํ;
Vikkhīṇo jātisaṃsāro, mutto so mārabandhanā’’ti. dasamaṃ;
เมฆิยวโคฺค จตุโตฺถ นิฎฺฐิโตฯ
Meghiyavaggo catuttho niṭṭhito.
ตสฺสุทฺทานํ –
Tassuddānaṃ –
ปิโณฺฑโล สาริปุโตฺต จ, สุนฺทรี ภวติ อฎฺฐมํ;
Piṇḍolo sāriputto ca, sundarī bhavati aṭṭhamaṃ;
อุปเสโน วงฺคนฺตปุโตฺต, สาริปุโตฺต จ เต ทสาติฯ
Upaseno vaṅgantaputto, sāriputto ca te dasāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อุทาน-อฎฺฐกถา • Udāna-aṭṭhakathā / ๑๐. สาริปุตฺตอุปสมสุตฺตวณฺณนา • 10. Sāriputtaupasamasuttavaṇṇanā
