| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
10. саарибуд̇д̇аубасамасуд̇д̇аван̣н̣анаа
10. Sāriputtaupasamasuttavaṇṇanā
40. д̣̇асамз ад̇д̇ано убасаманд̇и саавагабаарамиймад̇т̇агаббад̇д̇ияаа хзд̇убхууд̇ам̣ аг̇г̇амаг̇г̇зна ад̇д̇ано анавасзсагилзсавуубасамам̣.
40. Dasame attano upasamanti sāvakapāramīmatthakappattiyā hetubhūtaṃ aggamaggena attano anavasesakilesavūpasamaṃ.
ааяасмаа хи саарибуд̇д̇о анубасанд̇агилзсаанам̣ сад̇д̇аанам̣ рааг̇аад̣̇игилзсаж̇анид̇асанд̇аабад̣̇арат̇абарил̣аахад̣̇угкан̃жзва гилзсаабхисан̇кааранимид̇д̇ам̣ ж̇аад̇иж̇арааб̣яаад̇химаран̣асогабарид̣̇зваад̣̇ид̣̇угкан̃жа бажжагкад̇о д̣̇исваа ад̇ийд̇аанааг̇ад̇зби нзсам̣ ваддамуулагад̣̇угкам̣ барид̇улзд̇ваа гарун̣ааяамаано ад̇д̇анааби бут̇уж̇ж̇анагаалз анубхууд̇ам̣ гилзсанимид̇д̇ам̣ ваа анаббагам̣ д̣̇угкам̣ ануссарид̇ваа ‘‘ийд̣̇исасса наама махаад̣̇угкасса хзд̇убхууд̇аа гилзсаа ид̣̇аани мз суббахийнаа’’д̇и ад̇д̇ано гилзсавуубасамам̣ абхин̣хам̣ бажжавзгкад̇и. бажжавзгканд̇о жа ‘‘имз зд̇д̇агаа гилзсаа сод̇аабад̇д̇имаг̇г̇зна убасамид̇аа, зд̇д̇агаа сагад̣̇ааг̇аамимаг̇г̇зна, зд̇д̇агаа анааг̇аамимаг̇г̇зна, зд̇д̇агаа арахад̇д̇амаг̇г̇зна убасамид̇аа’’д̇и д̇ам̣д̇ам̣маг̇г̇ан̃аан̣зхи од̇хисо гилзсаанам̣ убасамид̇абхаавам̣ бажжавзгкад̇и, д̇зна вуд̇д̇ам̣ – ‘‘ад̇д̇ано убасамам̣ бажжавзгкамаано’’д̇и.
Āyasmā hi sāriputto anupasantakilesānaṃ sattānaṃ rāgādikilesajanitasantāpadarathapariḷāhadukkhañceva kilesābhisaṅkhāranimittaṃ jātijarābyādhimaraṇasokaparidevādidukkhañca paccakkhato disvā atītānāgatepi nesaṃ vaṭṭamūlakadukkhaṃ parituletvā karuṇāyamāno attanāpi puthujjanakāle anubhūtaṃ kilesanimittaṃ vā anappakaṃ dukkhaṃ anussaritvā ‘‘īdisassa nāma mahādukkhassa hetubhūtā kilesā idāni me suppahīnā’’ti attano kilesavūpasamaṃ abhiṇhaṃ paccavekkhati. Paccavekkhanto ca ‘‘ime ettakā kilesā sotāpattimaggena upasamitā, ettakā sakadāgāmimaggena, ettakā anāgāmimaggena, ettakā arahattamaggena upasamitā’’ti taṃtaṃmaggañāṇehi odhiso kilesānaṃ upasamitabhāvaṃ paccavekkhati, tena vuttaṃ – ‘‘attano upasamaṃ paccavekkhamāno’’ti.
абарз ‘‘т̇зро арахад̇д̇апаласамаабад̇д̇им̣ самаабаж̇ж̇ид̇ваа д̇ам̣ бажжавзгкид̇ваа ‘имасса вад̇ааяам̣ санд̇абан̣ийд̇абхааво ажжанд̇асанд̇ааяа асан̇кад̇ааяа д̇хаад̇уяаа аарамман̣ад̇о, саяан̃жа саммад̣̇зва гилзсавуубасамад̇о’д̇и звам̣ абхин̣хам̣ убасамам̣ бажжавзгкад̇ий’’д̇и вад̣̇анд̇и. ан̃н̃з бана ‘‘анавасзсагилзсаанам̣ убасамабарияосаанз ж̇аад̇ам̣ аг̇г̇апаламзвзд̇т̇а убасамо наама, д̇ам̣ бажжавзгкамаано нисинно’’д̇и.
Apare ‘‘thero arahattaphalasamāpattiṃ samāpajjitvā taṃ paccavekkhitvā ‘imassa vatāyaṃ santapaṇītabhāvo accantasantāya asaṅkhatāya dhātuyā ārammaṇato, sayañca sammadeva kilesavūpasamato’ti evaṃ abhiṇhaṃ upasamaṃ paccavekkhatī’’ti vadanti. Aññe pana ‘‘anavasesakilesānaṃ upasamapariyosāne jātaṃ aggaphalamevettha upasamo nāma, taṃ paccavekkhamāno nisinno’’ti.
зд̇амад̇т̇ам̣ вид̣̇ид̇ваад̇и яад̣̇ид̣̇ам̣ ааяасмад̇о саарибуд̇д̇асса махаабан̃н̃ад̇аад̣̇ихзд̇убхууд̇ам̣ саавагзсу анан̃н̃асаад̇хааран̣ам̣ гилзсаббахаанам̣ аг̇г̇апалам̣ ваа убасамабарияааязна вуд̇д̇ам̣, д̇асса бажжавзгкан̣асан̇каад̇ам̣ ад̇т̇ам̣ саб̣б̣аагаарад̇о вид̣̇ид̇ваа д̇ад̣̇анубхаавад̣̇ийбагам̣ имам̣ уд̣̇аанам̣ уд̣̇аанзси.
Etamatthaṃ viditvāti yadidaṃ āyasmato sāriputtassa mahāpaññatādihetubhūtaṃ sāvakesu anaññasādhāraṇaṃ kilesappahānaṃ aggaphalaṃ vā upasamapariyāyena vuttaṃ, tassa paccavekkhaṇasaṅkhātaṃ atthaṃ sabbākārato viditvā tadanubhāvadīpakaṃ imaṃ udānaṃ udānesi.
д̇ад̇т̇а убасанд̇асанд̇ажид̇д̇ассаад̇и убасанд̇амзва худ̇ваа санд̇ам̣ жид̇д̇ам̣ зд̇ассаад̇и убасанд̇асанд̇ажид̇д̇о. самаабад̇д̇ияаа вигкамбханзна хи убасанд̇агилзсад̇д̇аа убасанд̇ажид̇д̇ам̣ на саб̣б̣ат̇аа ‘‘убасанд̇асанд̇а’’нд̇и вужжад̇и д̇асса убасамасса анажжанд̇игабхаавад̇о, на д̇ат̇аа аг̇г̇амаг̇г̇зна. д̇зна бана ажжанд̇амзва гилзсаанам̣ самужчиннад̇д̇аа арахад̇о жид̇д̇ам̣ буна гилзсаанам̣ анубасамзд̇аб̣б̣ад̇ааяа самат̇авибассанаахздтимамаг̇г̇зхи убасанд̇агилзсам̣ худ̇ваа ажжанд̇асанд̇абхаавад̇ова ‘‘убасанд̇асанд̇а’’нд̇и вужжад̇и. д̇зна вуд̇д̇ам̣ – ‘‘убасанд̇амзва худ̇ваа санд̇ам̣ жид̇д̇ам̣ зд̇ассаад̇и убасанд̇асанд̇ажид̇д̇о’’д̇и. убасанд̇анд̇и ваа убасамо вужжад̇и, д̇асмаа ‘‘убасанд̇асанд̇ажид̇д̇ассаа’’д̇и ажжанд̇уубасамзна санд̇ажид̇д̇ассаад̇и ад̇т̇о.
Tattha upasantasantacittassāti upasantameva hutvā santaṃ cittaṃ etassāti upasantasantacitto. Samāpattiyā vikkhambhanena hi upasantakilesattā upasantacittaṃ na sabbathā ‘‘upasantasanta’’nti vuccati tassa upasamassa anaccantikabhāvato, na tathā aggamaggena. Tena pana accantameva kilesānaṃ samucchinnattā arahato cittaṃ puna kilesānaṃ anupasametabbatāya samathavipassanāheṭṭhimamaggehi upasantakilesaṃ hutvā accantasantabhāvatova ‘‘upasantasanta’’nti vuccati. Tena vuttaṃ – ‘‘upasantameva hutvā santaṃ cittaṃ etassāti upasantasantacitto’’ti. Upasantanti vā upasamo vuccati, tasmā ‘‘upasantasantacittassā’’ti accantūpasamena santacittassāti attho.
ат̇а ваа сад̇иби саб̣б̣зсам̣ кийн̣аасаваанам̣ анавасзсагилзсавуубасамз саавагабаарамийн̃аан̣асса бана мад̇т̇агаббад̇д̇ихзд̇убхууд̇о саавагзсу анан̃н̃асаад̇хааран̣о сависзсо д̇хаммасзнаабад̇ино гилзсавуубасамод̇и д̣̇ассзд̇ум̣ сад̇т̇аа убасанд̇асад̣̇д̣̇зна висзсзд̇ваа ааха ‘‘убасанд̇асанд̇ажид̇д̇ассаа’’д̇и.
Atha vā satipi sabbesaṃ khīṇāsavānaṃ anavasesakilesavūpasame sāvakapāramīñāṇassa pana matthakappattihetubhūto sāvakesu anaññasādhāraṇo saviseso dhammasenāpatino kilesavūpasamoti dassetuṃ satthā upasantasaddena visesetvā āha ‘‘upasantasantacittassā’’ti.
д̇ад̇рааяамад̇т̇о – бхусам̣ д̣̇ал̣хам̣ ваа санд̇ам̣ убасанд̇ам̣, д̇зна убасанд̇зна убасанд̇амзва худ̇ваа санд̇ам̣ убасанд̇асанд̇ам̣ , д̇аад̣̇исам̣ жид̇д̇ам̣ зд̇ассаад̇и саб̣б̣ам̣ буримасад̣̇исамзва. д̇ат̇аа хзса бхаг̇авад̇аа – ‘‘саарибуд̇д̇о, бхигкавз, махаабан̃н̃о бут̇убан̃н̃о хаасабан̃н̃о ж̇аванабан̃н̃о д̇игкабан̃н̃о ниб̣б̣зд̇хигабан̃н̃о’’д̇иаад̣̇инаа (ма. ни. 3.93) анзгабарияааязна ван̣н̣ид̇о т̇омид̇о. нзд̇д̇ижчиннассаад̇и нзд̇д̇и вужжад̇и бхавад̇ан̣хаа сам̣саарасса наяанад̇о, саа нзд̇д̇и чиннаа зд̇ассаад̇и нзд̇д̇ижчинно. д̇асса нзд̇д̇ижчиннасса, бахийнад̇ан̣хассаад̇и ад̇т̇о. муд̇д̇о со маараб̣анд̇ханаад̇и со звам̣вид̇хо баригкийн̣абхавасам̣яож̇ано саб̣б̣асмаа маараб̣анд̇ханад̇о муд̇д̇о, на д̇асса маараб̣анд̇ханаможанааяа гаран̣ийяам̣ ад̇т̇и, д̇асмаа д̇хаммасзнаабад̇и ад̇д̇ано убасамам̣ бажжавзгкад̇ийд̇и. сзсам̣ вуд̇д̇анаяамзва.
Tatrāyamattho – bhusaṃ daḷhaṃ vā santaṃ upasantaṃ, tena upasantena upasantameva hutvā santaṃ upasantasantaṃ , tādisaṃ cittaṃ etassāti sabbaṃ purimasadisameva. Tathā hesa bhagavatā – ‘‘sāriputto, bhikkhave, mahāpañño puthupañño hāsapañño javanapañño tikkhapañño nibbedhikapañño’’tiādinā (ma. ni. 3.93) anekapariyāyena vaṇṇito thomito. Netticchinnassāti netti vuccati bhavataṇhā saṃsārassa nayanato, sā netti chinnā etassāti netticchinno. Tassa netticchinnassa, pahīnataṇhassāti attho. Mutto so mārabandhanāti so evaṃvidho parikkhīṇabhavasaṃyojano sabbasmā mārabandhanato mutto, na tassa mārabandhanamocanāya karaṇīyaṃ atthi, tasmā dhammasenāpati attano upasamaṃ paccavekkhatīti. Sesaṃ vuttanayameva.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
нидтид̇аа жа мзгхияаваг̇г̇аван̣н̣анаа.
Niṭṭhitā ca meghiyavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 10. саарибуд̇д̇аубасамасуд̇д̇ам̣ • 10. Sāriputtaupasamasuttaṃ
