| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๑. เอกวีสติมวโคฺค
21. Ekavīsatimavaggo
(๒๐๐) ๑. สาสนกถา
(200) 1. Sāsanakathā
๘๗๘. สาสนํ นวํ กตนฺติ? อามนฺตาฯ สติปฎฺฐานา นวํ กตาติ? น เหวํ วตฺตเพฺพ…เป.… สาสนํ นวํ กตนฺติ? อามนฺตาฯ สมฺมปฺปธานา…เป.… อิทฺธิปาทา…เป.… อินฺทฺริยา…เป.… พลา…เป.… โพชฺฌงฺคา นวํ กตาติ? น เหวํ วตฺตเพฺพ…เป.… ปุเพฺพ อกุสลํ ปจฺฉา กุสลํ กตนฺติ? น เหวํ วตฺตเพฺพ…เป.… ปุเพฺพ สาสวํ…เป.… สํโยชนิยํ คนฺถนิยํ โอฆนิยํ โยคนิยํ นีวรณิยํ ปรามฎฺฐํ อุปาทานิยํ…เป.… สํกิเลสิกํ ปจฺฉา อสํกิเลสิกํ กตนฺติ? น เหวํ วตฺตเพฺพ…เป.…ฯ
878. Sāsanaṃ navaṃ katanti? Āmantā. Satipaṭṭhānā navaṃ katāti? Na hevaṃ vattabbe…pe… sāsanaṃ navaṃ katanti? Āmantā. Sammappadhānā…pe… iddhipādā…pe… indriyā…pe… balā…pe… bojjhaṅgā navaṃ katāti? Na hevaṃ vattabbe…pe… pubbe akusalaṃ pacchā kusalaṃ katanti? Na hevaṃ vattabbe…pe… pubbe sāsavaṃ…pe… saṃyojaniyaṃ ganthaniyaṃ oghaniyaṃ yoganiyaṃ nīvaraṇiyaṃ parāmaṭṭhaṃ upādāniyaṃ…pe… saṃkilesikaṃ pacchā asaṃkilesikaṃ katanti? Na hevaṃ vattabbe…pe….
อตฺถิ โกจิ ตถาคตสฺส สาสนํ นวํ กโรตีติ? อามนฺตาฯ อตฺถิ โกจิ สติปฎฺฐาเน นวํ กโรตีติ? น เหวํ วตฺตเพฺพ…เป.… อตฺถิ โกจิ สมฺมปฺปธาเน…เป.… อิทฺธิปาเท…เป.… อินฺทฺริเย…เป.… พเล…เป.… โพชฺฌเงฺค นวํ กโรตีติ? น เหวํ วตฺตเพฺพ…เป.… อตฺถิ โกจิ ปุเพฺพ อกุสลํ ปจฺฉา กุสลํ กโรตีติ? น เหวํ วตฺตเพฺพ…เป.… อตฺถิ โกจิ ปุเพฺพ สาสวํ…เป.… สํกิเลสิกํ ปจฺฉา อสํกิเลสิยํ กโรตีติ? น เหวํ วตฺตเพฺพ…เป.…ฯ
Atthi koci tathāgatassa sāsanaṃ navaṃ karotīti? Āmantā. Atthi koci satipaṭṭhāne navaṃ karotīti? Na hevaṃ vattabbe…pe… atthi koci sammappadhāne…pe… iddhipāde…pe… indriye…pe… bale…pe… bojjhaṅge navaṃ karotīti? Na hevaṃ vattabbe…pe… atthi koci pubbe akusalaṃ pacchā kusalaṃ karotīti? Na hevaṃ vattabbe…pe… atthi koci pubbe sāsavaṃ…pe… saṃkilesikaṃ pacchā asaṃkilesiyaṃ karotīti? Na hevaṃ vattabbe…pe….
ลพฺภา ตถาคตสฺส สาสนํ ปุน นวํ กาตุนฺติ? อามนฺตาฯ ลพฺภา สติปฎฺฐานา ปุน นวํ กาตุนฺติ? น เหวํ วตฺตเพฺพ…เป.… ลพฺภา สมฺมปฺปธานา…เป.… อิทฺธิปาทา…เป.… อินฺทฺริยา…เป.… พลา…เป.… โพชฺฌงฺคา ปุน นวํ กาตุนฺติ? น เหวํ วตฺตเพฺพ…เป.… ลพฺภา ปุเพฺพ อกุสลํ ปจฺฉา กุสลํ กาตุนฺติ? น เหวํ วตฺตเพฺพ…เป.… ลพฺภา ปุเพฺพ สาสวํ…เป.… สํกิเลสิยํ ปจฺฉา อสํกิเลสิยํ กาตุนฺติ? น เหวํ วตฺตเพฺพ…เป.…ฯ
Labbhā tathāgatassa sāsanaṃ puna navaṃ kātunti? Āmantā. Labbhā satipaṭṭhānā puna navaṃ kātunti? Na hevaṃ vattabbe…pe… labbhā sammappadhānā…pe… iddhipādā…pe… indriyā…pe… balā…pe… bojjhaṅgā puna navaṃ kātunti? Na hevaṃ vattabbe…pe… labbhā pubbe akusalaṃ pacchā kusalaṃ kātunti? Na hevaṃ vattabbe…pe… labbhā pubbe sāsavaṃ…pe… saṃkilesiyaṃ pacchā asaṃkilesiyaṃ kātunti? Na hevaṃ vattabbe…pe….
สาสนกถา นิฎฺฐิตาฯ
Sāsanakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑. สาสนกถาวณฺณนา • 1. Sāsanakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑. สาสนกถาวณฺณนา • 1. Sāsanakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑. สาสนกถาวณฺณนา • 1. Sāsanakathāvaṇṇanā
