| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೨೧. ಏಕವೀಸತಿಮವಗ್ಗೋ
21. Ekavīsatimavaggo
(೨೦೦) ೧. ಸಾಸನಕಥಾ
(200) 1. Sāsanakathā
೮೭೮. ಸಾಸನಂ ನವಂ ಕತನ್ತಿ? ಆಮನ್ತಾ। ಸತಿಪಟ್ಠಾನಾ ನವಂ ಕತಾತಿ? ನ ಹೇವಂ ವತ್ತಬ್ಬೇ…ಪೇ॰… ಸಾಸನಂ ನವಂ ಕತನ್ತಿ? ಆಮನ್ತಾ। ಸಮ್ಮಪ್ಪಧಾನಾ…ಪೇ॰… ಇದ್ಧಿಪಾದಾ…ಪೇ॰… ಇನ್ದ್ರಿಯಾ…ಪೇ॰… ಬಲಾ…ಪೇ॰… ಬೋಜ್ಝಙ್ಗಾ ನವಂ ಕತಾತಿ? ನ ಹೇವಂ ವತ್ತಬ್ಬೇ…ಪೇ॰… ಪುಬ್ಬೇ ಅಕುಸಲಂ ಪಚ್ಛಾ ಕುಸಲಂ ಕತನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಪುಬ್ಬೇ ಸಾಸವಂ…ಪೇ॰… ಸಂಯೋಜನಿಯಂ ಗನ್ಥನಿಯಂ ಓಘನಿಯಂ ಯೋಗನಿಯಂ ನೀವರಣಿಯಂ ಪರಾಮಟ್ಠಂ ಉಪಾದಾನಿಯಂ…ಪೇ॰… ಸಂಕಿಲೇಸಿಕಂ ಪಚ್ಛಾ ಅಸಂಕಿಲೇಸಿಕಂ ಕತನ್ತಿ? ನ ಹೇವಂ ವತ್ತಬ್ಬೇ…ಪೇ॰…।
878. Sāsanaṃ navaṃ katanti? Āmantā. Satipaṭṭhānā navaṃ katāti? Na hevaṃ vattabbe…pe… sāsanaṃ navaṃ katanti? Āmantā. Sammappadhānā…pe… iddhipādā…pe… indriyā…pe… balā…pe… bojjhaṅgā navaṃ katāti? Na hevaṃ vattabbe…pe… pubbe akusalaṃ pacchā kusalaṃ katanti? Na hevaṃ vattabbe…pe… pubbe sāsavaṃ…pe… saṃyojaniyaṃ ganthaniyaṃ oghaniyaṃ yoganiyaṃ nīvaraṇiyaṃ parāmaṭṭhaṃ upādāniyaṃ…pe… saṃkilesikaṃ pacchā asaṃkilesikaṃ katanti? Na hevaṃ vattabbe…pe….
ಅತ್ಥಿ ಕೋಚಿ ತಥಾಗತಸ್ಸ ಸಾಸನಂ ನವಂ ಕರೋತೀತಿ? ಆಮನ್ತಾ। ಅತ್ಥಿ ಕೋಚಿ ಸತಿಪಟ್ಠಾನೇ ನವಂ ಕರೋತೀತಿ? ನ ಹೇವಂ ವತ್ತಬ್ಬೇ…ಪೇ॰… ಅತ್ಥಿ ಕೋಚಿ ಸಮ್ಮಪ್ಪಧಾನೇ…ಪೇ॰… ಇದ್ಧಿಪಾದೇ…ಪೇ॰… ಇನ್ದ್ರಿಯೇ…ಪೇ॰… ಬಲೇ…ಪೇ॰… ಬೋಜ್ಝಙ್ಗೇ ನವಂ ಕರೋತೀತಿ? ನ ಹೇವಂ ವತ್ತಬ್ಬೇ…ಪೇ॰… ಅತ್ಥಿ ಕೋಚಿ ಪುಬ್ಬೇ ಅಕುಸಲಂ ಪಚ್ಛಾ ಕುಸಲಂ ಕರೋತೀತಿ? ನ ಹೇವಂ ವತ್ತಬ್ಬೇ…ಪೇ॰… ಅತ್ಥಿ ಕೋಚಿ ಪುಬ್ಬೇ ಸಾಸವಂ…ಪೇ॰… ಸಂಕಿಲೇಸಿಕಂ ಪಚ್ಛಾ ಅಸಂಕಿಲೇಸಿಯಂ ಕರೋತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Atthi koci tathāgatassa sāsanaṃ navaṃ karotīti? Āmantā. Atthi koci satipaṭṭhāne navaṃ karotīti? Na hevaṃ vattabbe…pe… atthi koci sammappadhāne…pe… iddhipāde…pe… indriye…pe… bale…pe… bojjhaṅge navaṃ karotīti? Na hevaṃ vattabbe…pe… atthi koci pubbe akusalaṃ pacchā kusalaṃ karotīti? Na hevaṃ vattabbe…pe… atthi koci pubbe sāsavaṃ…pe… saṃkilesikaṃ pacchā asaṃkilesiyaṃ karotīti? Na hevaṃ vattabbe…pe….
ಲಬ್ಭಾ ತಥಾಗತಸ್ಸ ಸಾಸನಂ ಪುನ ನವಂ ಕಾತುನ್ತಿ? ಆಮನ್ತಾ। ಲಬ್ಭಾ ಸತಿಪಟ್ಠಾನಾ ಪುನ ನವಂ ಕಾತುನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಲಬ್ಭಾ ಸಮ್ಮಪ್ಪಧಾನಾ…ಪೇ॰… ಇದ್ಧಿಪಾದಾ…ಪೇ॰… ಇನ್ದ್ರಿಯಾ…ಪೇ॰… ಬಲಾ…ಪೇ॰… ಬೋಜ್ಝಙ್ಗಾ ಪುನ ನವಂ ಕಾತುನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಲಬ್ಭಾ ಪುಬ್ಬೇ ಅಕುಸಲಂ ಪಚ್ಛಾ ಕುಸಲಂ ಕಾತುನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಲಬ್ಭಾ ಪುಬ್ಬೇ ಸಾಸವಂ…ಪೇ॰… ಸಂಕಿಲೇಸಿಯಂ ಪಚ್ಛಾ ಅಸಂಕಿಲೇಸಿಯಂ ಕಾತುನ್ತಿ? ನ ಹೇವಂ ವತ್ತಬ್ಬೇ…ಪೇ॰…।
Labbhā tathāgatassa sāsanaṃ puna navaṃ kātunti? Āmantā. Labbhā satipaṭṭhānā puna navaṃ kātunti? Na hevaṃ vattabbe…pe… labbhā sammappadhānā…pe… iddhipādā…pe… indriyā…pe… balā…pe… bojjhaṅgā puna navaṃ kātunti? Na hevaṃ vattabbe…pe… labbhā pubbe akusalaṃ pacchā kusalaṃ kātunti? Na hevaṃ vattabbe…pe… labbhā pubbe sāsavaṃ…pe… saṃkilesiyaṃ pacchā asaṃkilesiyaṃ kātunti? Na hevaṃ vattabbe…pe….
ಸಾಸನಕಥಾ ನಿಟ್ಠಿತಾ।
Sāsanakathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧. ಸಾಸನಕಥಾವಣ್ಣನಾ • 1. Sāsanakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧. ಸಾಸನಕಥಾವಣ್ಣನಾ • 1. Sāsanakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧. ಸಾಸನಕಥಾವಣ್ಣನಾ • 1. Sāsanakathāvaṇṇanā
