| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২১. একৰীসতিমৰগ্গো
21. Ekavīsatimavaggo
১. সাসনকথাৰণ্ণনা
1. Sāsanakathāvaṇṇanā
৮৭৮. ইদানি সাসনকথা নাম হোতি। তত্থ তিস্সো সঙ্গীতিযো সন্ধায ‘‘সাসনং নৰং কত’’ন্তি চ ‘‘অত্থি কোচি তথাগতস্স সাসনং নৰং করোতী’’তি চ ‘‘লব্ভা তথাগতস্স সাসনং নৰং কাতু’’ন্তি চ যেসং লদ্ধি, সেয্যথাপি একচ্চানং উত্তরাপথকানং; তে সন্ধায তীসুপি কথাসু পুচ্ছা সকৰাদিস্স, পটিঞ্ঞা ইতরস্স। সতিপট্ঠানাতিআদি সাসনং নাম সতিপট্ঠানাদযো চেৰ অরিযধম্মা, কুসলাদীনঞ্চ দেসনা। তত্থ যেসং ভগৰতা দেসিতা সতিপট্ঠানাদযো, ঠপেত্ৰা তে অঞ্ঞেসং ৰা সতিপট্ঠানাদীনং করণেন অকুসলাদীনং ৰা কুসলাদিভাৰকরণেন সাসনং নৰংকতং নাম ভৰেয্য, কিং তং এৰং কতং কেনচি, অত্থি ৰা কোচি এৰং করোতি, লব্ভা ৰা এৰং কাতুন্তি তীসুপি পুচ্ছাসু চোদনত্থং ৰুত্তং। সেসং সব্বত্থ যথাপাল়িমেৰ নিয্যাতীতি।
878. Idāni sāsanakathā nāma hoti. Tattha tisso saṅgītiyo sandhāya ‘‘sāsanaṃ navaṃ kata’’nti ca ‘‘atthi koci tathāgatassa sāsanaṃ navaṃ karotī’’ti ca ‘‘labbhā tathāgatassa sāsanaṃ navaṃ kātu’’nti ca yesaṃ laddhi, seyyathāpi ekaccānaṃ uttarāpathakānaṃ; te sandhāya tīsupi kathāsu pucchā sakavādissa, paṭiññā itarassa. Satipaṭṭhānātiādi sāsanaṃ nāma satipaṭṭhānādayo ceva ariyadhammā, kusalādīnañca desanā. Tattha yesaṃ bhagavatā desitā satipaṭṭhānādayo, ṭhapetvā te aññesaṃ vā satipaṭṭhānādīnaṃ karaṇena akusalādīnaṃ vā kusalādibhāvakaraṇena sāsanaṃ navaṃkataṃ nāma bhaveyya, kiṃ taṃ evaṃ kataṃ kenaci, atthi vā koci evaṃ karoti, labbhā vā evaṃ kātunti tīsupi pucchāsu codanatthaṃ vuttaṃ. Sesaṃ sabbattha yathāpāḷimeva niyyātīti.
সাসনকথাৰণ্ণনা।
Sāsanakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২০০) ১. সাসনকথা • (200) 1. Sāsanakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১. সাসনকথাৰণ্ণনা • 1. Sāsanakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১. সাসনকথাৰণ্ণনা • 1. Sāsanakathāvaṇṇanā
