| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
21. згавийсад̇имаваг̇г̇о
21. Ekavīsatimavaggo
1. саасанагат̇ааван̣н̣анаа
1. Sāsanakathāvaṇṇanā
878. ид̣̇аани саасанагат̇аа наама ход̇и. д̇ад̇т̇а д̇иссо сан̇г̇ийд̇ияо санд̇хааяа ‘‘саасанам̣ навам̣ гад̇а’’нд̇и жа ‘‘ад̇т̇и гожи д̇ат̇ааг̇ад̇асса саасанам̣ навам̣ гарод̇ий’’д̇и жа ‘‘лаб̣бхаа д̇ат̇ааг̇ад̇асса саасанам̣ навам̣ гаад̇у’’нд̇и жа язсам̣ лад̣̇д̇хи, сзяяат̇ааби згажжаанам̣ уд̇д̇араабат̇агаанам̣; д̇з санд̇хааяа д̇ийсуби гат̇аасу бужчаа сагаваад̣̇исса, бадин̃н̃аа ид̇арасса. сад̇ибадтаанаад̇иаад̣̇и саасанам̣ наама сад̇ибадтаанаад̣̇аяо жзва арияад̇хаммаа, гусалаад̣̇ийнан̃жа д̣̇зсанаа. д̇ад̇т̇а язсам̣ бхаг̇авад̇аа д̣̇зсид̇аа сад̇ибадтаанаад̣̇аяо, табзд̇ваа д̇з ан̃н̃зсам̣ ваа сад̇ибадтаанаад̣̇ийнам̣ гаран̣зна агусалаад̣̇ийнам̣ ваа гусалаад̣̇ибхаавагаран̣зна саасанам̣ навам̣гад̇ам̣ наама бхавзяяа, гим̣ д̇ам̣ звам̣ гад̇ам̣ гзнажи, ад̇т̇и ваа гожи звам̣ гарод̇и, лаб̣бхаа ваа звам̣ гаад̇унд̇и д̇ийсуби бужчаасу жод̣̇анад̇т̇ам̣ вуд̇д̇ам̣. сзсам̣ саб̣б̣ад̇т̇а яат̇аабаал̣имзва нияяаад̇ийд̇и.
878. Idāni sāsanakathā nāma hoti. Tattha tisso saṅgītiyo sandhāya ‘‘sāsanaṃ navaṃ kata’’nti ca ‘‘atthi koci tathāgatassa sāsanaṃ navaṃ karotī’’ti ca ‘‘labbhā tathāgatassa sāsanaṃ navaṃ kātu’’nti ca yesaṃ laddhi, seyyathāpi ekaccānaṃ uttarāpathakānaṃ; te sandhāya tīsupi kathāsu pucchā sakavādissa, paṭiññā itarassa. Satipaṭṭhānātiādi sāsanaṃ nāma satipaṭṭhānādayo ceva ariyadhammā, kusalādīnañca desanā. Tattha yesaṃ bhagavatā desitā satipaṭṭhānādayo, ṭhapetvā te aññesaṃ vā satipaṭṭhānādīnaṃ karaṇena akusalādīnaṃ vā kusalādibhāvakaraṇena sāsanaṃ navaṃkataṃ nāma bhaveyya, kiṃ taṃ evaṃ kataṃ kenaci, atthi vā koci evaṃ karoti, labbhā vā evaṃ kātunti tīsupi pucchāsu codanatthaṃ vuttaṃ. Sesaṃ sabbattha yathāpāḷimeva niyyātīti.
саасанагат̇ааван̣н̣анаа.
Sāsanakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (200) 1. саасанагат̇аа • (200) 1. Sāsanakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. саасанагат̇ааван̣н̣анаа • 1. Sāsanakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. саасанагат̇ааван̣н̣анаа • 1. Sāsanakathāvaṇṇanā
